| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩. ਗਿਞ੍ਜਕਾવਸਥਸੁਤ੍ਤਂ
3. Giñjakāvasathasuttaṃ
੯੭. ਏਕਂ ਸਮਯਂ ਭਗવਾ ਞਾਤਿਕੇ વਿਹਰਤਿ ਗਿਞ੍ਜਕਾવਸਥੇ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਭਿਕ੍ਖવੋ’’ਤਿ। ‘‘ਭਦਨ੍ਤੇ’’ਤਿ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ –
97. Ekaṃ samayaṃ bhagavā ñātike viharati giñjakāvasathe. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ਧਾਤੁਂ, ਭਿਕ੍ਖવੇ, ਪਟਿਚ੍ਚ ਉਪ੍ਪਜ੍ਜਤਿ ਸਞ੍ਞਾ, ਉਪ੍ਪਜ੍ਜਤਿ ਦਿਟ੍ਠਿ, ਉਪ੍ਪਜ੍ਜਤਿ વਿਤਕ੍ਕੋ’’ਤਿ। ਏવਂ વੁਤ੍ਤੇ, ਆਯਸ੍ਮਾ ਕਚ੍ਚਾਨੋ 1 ਭਗવਨ੍ਤਂ ਏਤਦવੋਚ – ‘‘ਯਾਯਂ, ਭਨ੍ਤੇ, ਦਿਟ੍ਠਿ – ‘ਅਸਮ੍ਮਾਸਮ੍ਬੁਦ੍ਧੇਸੁ ਸਮ੍ਮਾਸਮ੍ਬੁਦ੍ਧਾ’ਤਿ, ਅਯਂ ਨੁ ਖੋ, ਭਨ੍ਤੇ, ਦਿਟ੍ਠਿ ਕਿਂ ਪਟਿਚ੍ਚ ਪਞ੍ਞਾਯਤੀ’’ਤਿ?
‘‘Dhātuṃ, bhikkhave, paṭicca uppajjati saññā, uppajjati diṭṭhi, uppajjati vitakko’’ti. Evaṃ vutte, āyasmā kaccāno 2 bhagavantaṃ etadavoca – ‘‘yāyaṃ, bhante, diṭṭhi – ‘asammāsambuddhesu sammāsambuddhā’ti, ayaṃ nu kho, bhante, diṭṭhi kiṃ paṭicca paññāyatī’’ti?
‘‘ਮਹਤਿ ਖੋ ਏਸਾ, ਕਚ੍ਚਾਨ, ਧਾਤੁ ਯਦਿਦਂ ਅવਿਜ੍ਜਾਧਾਤੁ। ਹੀਨਂ , ਕਚ੍ਚਾਨ, ਧਾਤੁਂ ਪਟਿਚ੍ਚ ਉਪ੍ਪਜ੍ਜਤਿ ਹੀਨਾ ਸਞ੍ਞਾ, ਹੀਨਾ ਦਿਟ੍ਠਿ, ਹੀਨੋ વਿਤਕ੍ਕੋ, ਹੀਨਾ ਚੇਤਨਾ, ਹੀਨਾ ਪਤ੍ਥਨਾ, ਹੀਨੋ ਪਣਿਧਿ, ਹੀਨੋ ਪੁਗ੍ਗਲੋ, ਹੀਨਾ વਾਚਾ; ਹੀਨਂ ਆਚਿਕ੍ਖਤਿ ਦੇਸੇਤਿ ਪਞ੍ਞਪੇਤਿ ਪਟ੍ਠਪੇਤਿ વਿવਰਤਿ વਿਭਜਤਿ ਉਤ੍ਤਾਨੀਕਰੋਤਿ; ਹੀਨਾ ਤਸ੍ਸ ਉਪਪਤ੍ਤੀਤਿ વਦਾਮਿ।
‘‘Mahati kho esā, kaccāna, dhātu yadidaṃ avijjādhātu. Hīnaṃ , kaccāna, dhātuṃ paṭicca uppajjati hīnā saññā, hīnā diṭṭhi, hīno vitakko, hīnā cetanā, hīnā patthanā, hīno paṇidhi, hīno puggalo, hīnā vācā; hīnaṃ ācikkhati deseti paññapeti paṭṭhapeti vivarati vibhajati uttānīkaroti; hīnā tassa upapattīti vadāmi.
‘‘ਮਜ੍ਝਿਮਂ , ਕਚ੍ਚਾਨ, ਧਾਤੁਂ ਪਟਿਚ੍ਚ ਉਪ੍ਪਜ੍ਜਤਿ ਮਜ੍ਝਿਮਾ ਸਞ੍ਞਾ, ਮਜ੍ਝਿਮਾ ਦਿਟ੍ਠਿ, ਮਜ੍ਝਿਮੋ વਿਤਕ੍ਕੋ, ਮਜ੍ਝਿਮਾ ਚੇਤਨਾ, ਮਜ੍ਝਿਮਾ ਪਤ੍ਥਨਾ, ਮਜ੍ਝਿਮੋ ਪਣਿਧਿ, ਮਜ੍ਝਿਮੋ ਪੁਗ੍ਗਲੋ, ਮਜ੍ਝਿਮਾ વਾਚਾ; ਮਜ੍ਝਿਮਂ ਆਚਿਕ੍ਖਤਿ ਦੇਸੇਤਿ ਪਞ੍ਞਪੇਤਿ ਪਟ੍ਠਪੇਤਿ વਿવਰਤਿ વਿਭਜਤਿ ਉਤ੍ਤਾਨੀਕਰੋਤਿ; ਮਜ੍ਝਿਮਾ ਤਸ੍ਸ ਉਪਪਤ੍ਤੀਤਿ વਦਾਮਿ।
‘‘Majjhimaṃ , kaccāna, dhātuṃ paṭicca uppajjati majjhimā saññā, majjhimā diṭṭhi, majjhimo vitakko, majjhimā cetanā, majjhimā patthanā, majjhimo paṇidhi, majjhimo puggalo, majjhimā vācā; majjhimaṃ ācikkhati deseti paññapeti paṭṭhapeti vivarati vibhajati uttānīkaroti; majjhimā tassa upapattīti vadāmi.
‘‘ਪਣੀਤਂ, ਕਚ੍ਚਾਨ, ਧਾਤੁਂ ਪਟਿਚ੍ਚ ਉਪ੍ਪਜ੍ਜਤਿ ਪਣੀਤਾ ਸਞ੍ਞਾ, ਪਣੀਤਾ ਦਿਟ੍ਠਿ, ਪਣੀਤੋ વਿਤਕ੍ਕੋ, ਪਣੀਤਾ ਚੇਤਨਾ, ਪਣੀਤਾ ਪਤ੍ਥਨਾ, ਪਣੀਤੋ ਪਣਿਧਿ, ਪਣੀਤੋ ਪੁਗ੍ਗਲੋ, ਪਣੀਤਾ વਾਚਾ; ਪਣੀਤਂ ਆਚਿਕ੍ਖਤਿ ਦੇਸੇਤਿ ਪਞ੍ਞਪੇਤਿ ਪਟ੍ਠਪੇਤਿ વਿવਰਤਿ વਿਭਜਤਿ ਉਤ੍ਤਾਨੀਕਰੋਤਿ; ਪਣੀਤਾ ਤਸ੍ਸ ਉਪਪਤ੍ਤੀਤਿ વਦਾਮੀ’’ਤਿ। ਤਤਿਯਂ।
‘‘Paṇītaṃ, kaccāna, dhātuṃ paṭicca uppajjati paṇītā saññā, paṇītā diṭṭhi, paṇīto vitakko, paṇītā cetanā, paṇītā patthanā, paṇīto paṇidhi, paṇīto puggalo, paṇītā vācā; paṇītaṃ ācikkhati deseti paññapeti paṭṭhapeti vivarati vibhajati uttānīkaroti; paṇītā tassa upapattīti vadāmī’’ti. Tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਗਿਞ੍ਜਕਾવਸਥਸੁਤ੍ਤવਣ੍ਣਨਾ • 3. Giñjakāvasathasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਗਿਞ੍ਜਕਾવਸਥਸੁਤ੍ਤવਣ੍ਣਨਾ • 3. Giñjakāvasathasuttavaṇṇanā
