| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. г̇ин̃ж̇агаавасат̇асуд̇д̇аван̣н̣анаа
3. Giñjakāvasathasuttavaṇṇanā
97. д̇ад̇ияз д̇хаад̇ум̣, бхигкавзд̇и ид̇о бадтааяа аж̇жхаасаяам̣ д̇хаад̇ууд̇и д̣̇ийбзд̇и. уббаж̇ж̇ад̇и сан̃н̃аад̇и аж̇жхаасаяам̣ бадижжа сан̃н̃аа уббаж̇ж̇ад̇и, д̣̇идти уббаж̇ж̇ад̇и, вид̇агго уббаж̇ж̇ад̇ийд̇и. ид̇хааби ‘‘гажжаано бан̃хам̣ бужчиссад̇ий’’д̇и д̇асса огаасад̣̇аанад̇т̇ам̣ зд̇д̇аавад̇аава д̣̇зсанам̣ нидтаабзси. асаммаасамб̣уд̣̇д̇хзсууд̇и часу сад̇т̇аарзсу. саммаасамб̣уд̣̇д̇хаад̇и маяамасма саммаасамб̣уд̣̇д̇хаад̇и. гим̣ бадижжа бан̃н̃ааяад̇ийд̇и гисмим̣ сад̇и ход̇ийд̇и? сад̇т̇аараанам̣ уббаннам̣ д̣̇идтим̣ бужчад̇и. асаммаасамб̣уд̣̇д̇хзсу д̇зсу саммаасамб̣уд̣̇д̇хаа зд̇зд̇и звам̣ уббаннам̣ д̇ид̇т̇ияасаавагаанамби д̣̇идтим̣ бужчад̇иязва.
97. Tatiye dhātuṃ, bhikkhaveti ito paṭṭhāya ajjhāsayaṃ dhātūti dīpeti. Uppajjati saññāti ajjhāsayaṃ paṭicca saññā uppajjati, diṭṭhi uppajjati, vitakko uppajjatīti. Idhāpi ‘‘kaccāno pañhaṃ pucchissatī’’ti tassa okāsadānatthaṃ ettāvatāva desanaṃ niṭṭhāpesi. Asammāsambuddhesūti chasu satthāresu. Sammāsambuddhāti mayamasma sammāsambuddhāti. Kiṃ paṭicca paññāyatīti kismiṃ sati hotīti? Satthārānaṃ uppannaṃ diṭṭhiṃ pucchati. Asammāsambuddhesu tesu sammāsambuddhā eteti evaṃ uppannaṃ titthiyasāvakānampi diṭṭhiṃ pucchatiyeva.
ид̣̇аани яасмаа д̇зсам̣ авиж̇ж̇аад̇хаад̇ум̣ бадижжа саа д̣̇идти ход̇и, авиж̇ж̇аад̇хаад̇у жа наама махад̇ий д̇хаад̇у, д̇асмаа махад̇им̣ д̇хаад̇ум̣ бадижжа д̇ассаа уббад̇д̇им̣ д̣̇ийбзнд̇о махад̇ий ко зсаад̇иаад̣̇имааха. хийнам̣, гажжаана, д̇хаад̇ум̣ бадижжаад̇и хийнам̣ аж̇жхаасаяам̣ бадижжа. бан̣ид̇хийд̇и жид̇д̇адтабанам̣. саа банзсаа ид̇т̇ибхаавам̣ ваа маггадаад̣̇ид̇иражчаанабхаавам̣ ваа бад̇т̇знд̇асса уббаж̇ж̇ад̇и. хийно буг̇г̇алод̇и яассзд̇з хийнаа д̇хаммаа уббаж̇ж̇анд̇и, саб̣б̣о со буг̇г̇алоби хийно наама. хийнаа ваажаад̇и яаа д̇асса ваажаа, сааби хийнаа. хийнам̣ аажигкад̇ийд̇и со аажигканд̇оби хийнамзва аажигкад̇и, д̣̇зсзнд̇оби хийнамзва д̣̇зсзд̇ийд̇и саб̣б̣абад̣̇аани яож̇зд̇аб̣б̣аани. убабад̇д̇ийд̇и д̣̇вз убабад̇д̇ияо бадилаабхо жа ниб̣б̣ад̇д̇и жа. ниб̣б̣ад̇д̇и хийнагулаад̣̇ивасзна взд̣̇ид̇аб̣б̣аа, бадилаабхо жид̇д̇уббаад̣̇агкан̣з хийнад̇д̇игавасзна. гат̇ам̣? д̇асса хи бан̃жасу нийжагулзсу уббаж̇ж̇анад̇о хийнаа ниб̣б̣ад̇д̇и, взссасуд̣̇д̣̇агулзсу уббаж̇ж̇анад̇о маж̇жхимаа, кад̇д̇ияаб̣раахман̣агулзсу уббаж̇ж̇анад̇о бан̣ийд̇аа. д̣̇ваад̣̇асаагусалажид̇д̇уббаад̣̇аанам̣ бана бадилаабхад̇о хийно бадилаабхо, д̇збхуумагад̇хаммаанам̣ бадилаабхад̇о маж̇жхимо, навалогуд̇д̇арад̇хаммаанам̣ бадилаабхад̇о бан̣ийд̇о. имасмим̣ бана таанз ниб̣б̣ад̇д̇иязва ад̇хиббзд̇аад̇и. д̇ад̇ияам̣.
Idāni yasmā tesaṃ avijjādhātuṃ paṭicca sā diṭṭhi hoti, avijjādhātu ca nāma mahatī dhātu, tasmā mahatiṃ dhātuṃ paṭicca tassā uppattiṃ dīpento mahatī kho esātiādimāha. Hīnaṃ, kaccāna, dhātuṃ paṭiccāti hīnaṃ ajjhāsayaṃ paṭicca. Paṇidhīti cittaṭṭhapanaṃ. Sā panesā itthibhāvaṃ vā makkaṭāditiracchānabhāvaṃ vā patthentassa uppajjati. Hīnopuggaloti yassete hīnā dhammā uppajjanti, sabbo so puggalopi hīno nāma. Hīnā vācāti yā tassa vācā, sāpi hīnā. Hīnaṃ ācikkhatīti so ācikkhantopi hīnameva ācikkhati, desentopi hīnameva desetīti sabbapadāni yojetabbāni. Upapattīti dve upapattiyo paṭilābho ca nibbatti ca. Nibbatti hīnakulādivasena veditabbā, paṭilābho cittuppādakkhaṇe hīnattikavasena. Kathaṃ? Tassa hi pañcasu nīcakulesu uppajjanato hīnā nibbatti, vessasuddakulesu uppajjanato majjhimā, khattiyabrāhmaṇakulesu uppajjanato paṇītā. Dvādasākusalacittuppādānaṃ pana paṭilābhato hīno paṭilābho, tebhūmakadhammānaṃ paṭilābhato majjhimo, navalokuttaradhammānaṃ paṭilābhato paṇīto. Imasmiṃ pana ṭhāne nibbattiyeva adhippetāti. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. г̇ин̃ж̇агаавасат̇асуд̇д̇ам̣ • 3. Giñjakāvasathasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. г̇ин̃ж̇агаавасат̇асуд̇д̇аван̣н̣анаа • 3. Giñjakāvasathasuttavaṇṇanā
