| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. г̇ин̃ж̇агаавасат̇асуд̇д̇аван̣н̣анаа
3. Giñjakāvasathasuttavaṇṇanā
97. ид̇о бадтааяаад̇и ‘‘д̇хаад̇ум̣, бхигкавз’’д̇и имасмаа д̇ад̇ияасуд̇д̇ад̇о бадтааяа. яаава гаммаваг̇г̇о, д̇аава нзд̇ваа убаг̇анд̇ваа сзд̇и зд̇т̇аад̇и аасаяо, хийнаад̣̇ибхаавзна ад̇хийно аасаяо аж̇жхаасаяо, д̇ам̣ аж̇жхаасаяам̣, ад̇химуд̇д̇анд̇и ад̇т̇о. сан̃н̃аа уббаж̇ж̇ад̇ийд̇иаад̣̇ийсу хийнаад̣̇ибхзд̣̇ам̣ аж̇жхаасаяам̣ бадижжа хийнаад̣̇ибхзд̣̇аа сан̃н̃аа, д̇анниссаяад̣̇идтивигаббанаа, вид̇агго жа уббаж̇ж̇ад̇и сахаж̇аад̇агодияаа убаниссаяагодияаа жа. сад̇т̇аарзсууд̇и д̇зсам̣ сад̇т̇убадин̃н̃ад̇ааяа вуд̇д̇ам̣, на сад̇т̇улагкан̣асаб̣бхаавад̇о. асаммаасамб̣уд̣̇д̇хзсууд̇и аад̇хаарз висаяз жа бхуммам̣ згад̇о гад̇ваа вуд̇д̇анд̇и батамам̣ д̇аава д̣̇ассзнд̇о ‘‘маяам̣ саммаасамб̣уд̣̇д̇хаа’’д̇иаад̣̇им̣ вад̇ваа ид̇арам̣ д̣̇ассзнд̇о ‘‘д̇зсу саммаасамб̣уд̣̇д̇хаа зд̇з’’д̇иаад̣̇имааха. д̇зсам̣ ‘‘маяам̣ саммаасамб̣уд̣̇д̇хаа’’д̇и уббаннад̣̇идти ид̇ха муулабхаавзна бужчид̇аа, ид̇араа анусан̇гид̇аад̇и бужчад̇иязваад̇и саасан̇гам̣ вад̣̇ад̇и.
97.Ito paṭṭhāyāti ‘‘dhātuṃ, bhikkhave’’ti imasmā tatiyasuttato paṭṭhāya. Yāva kammavaggo, tāva netvā upagantvā seti etthāti āsayo, hīnādibhāvena adhīno āsayo ajjhāsayo, taṃ ajjhāsayaṃ, adhimuttanti attho. Saññā uppajjatītiādīsu hīnādibhedaṃ ajjhāsayaṃ paṭicca hīnādibhedā saññā, tannissayadiṭṭhivikappanā, vitakko ca uppajjati sahajātakoṭiyā upanissayakoṭiyā ca. Satthāresūti tesaṃ satthupaṭiññatāya vuttaṃ, na satthulakkhaṇasabbhāvato. Asammāsambuddhesūti ādhāre visaye ca bhummaṃ ekato katvā vuttanti paṭhamaṃ tāva dassento ‘‘mayaṃ sammāsambuddhā’’tiādiṃ vatvā itaraṃ dassento ‘‘tesu sammāsambuddhā ete’’tiādimāha. Tesaṃ ‘‘mayaṃ sammāsambuddhā’’ti uppannadiṭṭhi idha mūlabhāvena pucchitā, itarā anusaṅkitāti pucchatiyevāti sāsaṅkaṃ vadati.
‘‘махад̇ий’’д̇и зд̇т̇а махаасад̣̇д̣̇о ‘‘махааж̇ано’’д̇иаад̣̇ийсу вияа б̣ахуад̇т̇аваажагод̇и д̣̇адтаб̣б̣о. авиж̇ж̇ааби хийнахийнад̇арахийнад̇амаад̣̇ибхзд̣̇зна б̣ахубагаараа. д̇ассаад̇и д̣̇идтияаа. гасмаа банзд̇т̇а ‘‘яад̣̇ид̣̇ам̣ авиж̇ж̇аа д̇хаад̇уу’’д̇и авиж̇ж̇ам̣ уд̣̇д̇харид̇ваа ‘‘хийнам̣ д̇хаад̇ум̣ бадижжаа’’д̇и аж̇жхаасаяад̇хаад̇у нид̣̇д̣̇идтаад̇и? на ко банзд̇ам̣ звам̣ д̣̇адтаб̣б̣ам̣, ‘‘ан̃н̃ам̣ уд̣̇д̇харид̇ваа ан̃н̃ам̣ нид̣̇д̣̇идтаа’’д̇и, яад̇о авиж̇ж̇аасийсзна аж̇жхаасаяад̇хаад̇у зва г̇ахид̇аа. авиж̇ж̇ааг̇ахид̇о хи бурисабуг̇г̇ало д̣̇идтаж̇жхаасаяо хийнаад̣̇ибхзд̣̇ам̣ авиж̇ж̇аад̇хаад̇ум̣ ниссааяа д̇ад̇о сан̃н̃аад̣̇идтиаад̣̇игз сан̇габбзд̇и. бан̣ид̇хи бад̇т̇анаа, саа бана д̇ат̇аа д̇ат̇аа жид̇д̇асса табанавасзна ход̇ийд̇и ааха ‘‘жид̇д̇адтабана’’нд̇и. д̇знааха ‘‘саа банзсаа’’д̇иаад̣̇и. зд̇зд̇и хийнабажжаяаа сан̃н̃аад̣̇идтивид̇аггажзд̇анаа бад̇т̇анаа бан̣ид̇хисан̇каад̇аа хийнаа д̇хаммаа. хийно наама хийнад̇хаммасамааяог̇ад̇о. саб̣б̣абад̣̇аанийд̇и ‘‘бан̃н̃абзд̇ий’’д̇иаад̣̇ийни бад̣̇аани яож̇зд̇аб̣б̣аани хийнасад̣̇д̣̇зна маж̇жхимуд̇д̇амадтаананд̇арасса асамбхавад̇о. убабаж̇ж̇анам̣ ‘‘убабад̇д̇ий’’д̇и ааха ‘‘д̣̇вз убабад̇д̇ияо бадилаабхо жа ниб̣б̣ад̇д̇и жаа’’д̇и. д̇ад̇т̇а хийнагулаад̣̇ийд̇и аад̣̇и-сад̣̇д̣̇зна хийнаруубабхог̇абарисаад̣̇ийнам̣ сан̇г̇ахо. хийнад̇д̇игавасзнаад̇и хийнад̇д̇игз вуд̇д̇ад̇д̇игабад̣̇авасзнаад̇и ад̇хиббааяо. жид̇д̇уббаад̣̇агкан̣зд̇и ид̣̇ам̣ хийнад̇д̇игабарияаабаннаанам̣ жид̇д̇уббаад̣̇аанам̣ васзна д̇ад̇т̇а д̇ад̇т̇а лад̣̇д̇хад̇д̇аа вуд̇д̇ам̣. бан̃жасу нийжагулзсууд̇и жан̣д̣аалавзнанзсаад̣̇арат̇агаарабуггусагулзсу. д̣̇ваад̣̇асаагусалажид̇д̇уббаад̣̇аанам̣ бана яо гожи бадилаабхо хийнод̇и яож̇анаа. сзсад̣̇ваязби зсзва наяо. имасмим̣ таанзд̇и ‘‘яааяам̣, бханд̇з, д̣̇идтий’’д̇иаад̣̇инаа ааг̇ад̇з имасмим̣ таанз. ‘‘д̇хаад̇ум̣, бхигкавз, бадижжа уббаж̇ж̇ад̇ий’’д̇иаад̣̇инаа ааг̇ад̇ад̇д̇аа ниб̣б̣ад̇д̇иязва ад̇хиббзд̇аа, на бадилаабхо.
‘‘Mahatī’’ti ettha mahāsaddo ‘‘mahājano’’tiādīsu viya bahuatthavācakoti daṭṭhabbo. Avijjāpi hīnahīnatarahīnatamādibhedena bahupakārā. Tassāti diṭṭhiyā. Kasmā panettha ‘‘yadidaṃ avijjā dhātū’’ti avijjaṃ uddharitvā ‘‘hīnaṃ dhātuṃ paṭiccā’’ti ajjhāsayadhātu niddiṭṭhāti? Na kho panetaṃ evaṃ daṭṭhabbaṃ, ‘‘aññaṃ uddharitvā aññaṃ niddiṭṭhā’’ti, yato avijjāsīsena ajjhāsayadhātu eva gahitā. Avijjāgahito hi purisapuggalo diṭṭhajjhāsayo hīnādibhedaṃ avijjādhātuṃ nissāya tato saññādiṭṭhiādike saṅkappeti. Paṇidhi patthanā, sā pana tathā tathā cittassa ṭhapanavasena hotīti āha ‘‘cittaṭṭhapana’’nti. Tenāha ‘‘sā panesā’’tiādi. Eteti hīnapaccayā saññādiṭṭhivitakkacetanā patthanā paṇidhisaṅkhātā hīnā dhammā. Hīno nāma hīnadhammasamāyogato. Sabbapadānīti ‘‘paññapetī’’tiādīni padāni yojetabbāni hīnasaddena majjhimuttamaṭṭhānantarassa asambhavato. Upapajjanaṃ ‘‘upapattī’’ti āha ‘‘dve upapattiyo paṭilābho ca nibbatti cā’’ti. Tattha hīnakulādīti ādi-saddena hīnarūpabhogaparisādīnaṃ saṅgaho. Hīnattikavasenāti hīnattike vuttattikapadavasenāti adhippāyo. Cittuppādakkhaṇeti idaṃ hīnattikapariyāpannānaṃ cittuppādānaṃ vasena tattha tattha laddhattā vuttaṃ. Pañcasu nīcakulesūti caṇḍālavenanesādarathakārapukkusakulesu. Dvādasaakusalacittuppādānaṃ pana yo koci paṭilābho hīnoti yojanā. Sesadvayepi eseva nayo. Imasmiṃ ṭhāneti ‘‘yāyaṃ, bhante, diṭṭhī’’tiādinā āgate imasmiṃ ṭhāne. ‘‘Dhātuṃ, bhikkhave, paṭicca uppajjatī’’tiādinā āgatattā nibbattiyeva adhippetā, na paṭilābho.
г̇ин̃ж̇агаавасат̇асуд̇д̇аван̣н̣анаа нидтид̇аа.
Giñjakāvasathasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. г̇ин̃ж̇агаавасат̇асуд̇д̇ам̣ • 3. Giñjakāvasathasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. г̇ин̃ж̇агаавасат̇асуд̇д̇аван̣н̣анаа • 3. Giñjakāvasathasuttavaṇṇanā
