| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. கி³ரிமானந்த³ஸுத்தவண்ணனா
10. Girimānandasuttavaṇṇanā
60. த³ஸமே அனுகம்பங் உபாதா³யாதி கி³ரிமானந்த³த்தே²ரே அனுகம்பங் படிச்ச. சக்கு²ரோகோ³திஆத³யோ வத்து²வஸேன வேதி³தப்³பா³. நிப்³ப³த்திதப்பஸாதா³னஞ்ஹி ரோகோ³ நாம நத்தி². கண்ணரோகோ³தி ப³ஹிகண்ணே ரோகோ³. பினாஸோதி ப³ஹினாஸிகாய ரோகோ³. நக²ஸாதி நகே²ஹி விலேகி²தட்டா²னே ரோகோ³. பித்தஸமுட்டா²னாதி பித்தஸமுட்டி²தா. தே கிர த்³வத்திங்ஸ ஹொந்தி. ஸெம்ஹஸமுட்டா²னாதீ³ஸுபி ஏஸேவ நயோ. உதுபரிணாமஜாதி உதுபரிணாமேன அச்சுண்ஹாதிஸீதேன உப்பஜ்ஜனகரோகா³. விஸமபரிஹாரஜாதி அதிசிரட்டா²னநிஸஜ்ஜாதி³னா விஸமபரிஹாரேன ஜாதா. ஓபக்கமிகாதி வத⁴ப³ந்த⁴னாதி³னா உபக்கமேன ஜாதா. கம்மவிபாகஜாதி ப³லவகம்மவிபாகஸம்பூ⁴தா. ஸந்தந்தி ராகா³தி³ஸந்ததாய ஸந்தங். அதப்பகட்டே²ன பணீதங். ஸேஸங் ஸப்³ப³த்த² உத்தானத்த²மேவாதி.
60. Dasame anukampaṃ upādāyāti girimānandatthere anukampaṃ paṭicca. Cakkhurogotiādayo vatthuvasena veditabbā. Nibbattitappasādānañhi rogo nāma natthi. Kaṇṇarogoti bahikaṇṇe rogo. Pināsoti bahināsikāya rogo. Nakhasāti nakhehi vilekhitaṭṭhāne rogo. Pittasamuṭṭhānāti pittasamuṭṭhitā. Te kira dvattiṃsa honti. Semhasamuṭṭhānādīsupi eseva nayo. Utupariṇāmajāti utupariṇāmena accuṇhātisītena uppajjanakarogā. Visamaparihārajāti aticiraṭṭhānanisajjādinā visamaparihārena jātā. Opakkamikāti vadhabandhanādinā upakkamena jātā. Kammavipākajāti balavakammavipākasambhūtā. Santanti rāgādisantatāya santaṃ. Atappakaṭṭhena paṇītaṃ. Sesaṃ sabbattha uttānatthamevāti.
ஸசித்தவக்³கோ³ பட²மோ.
Sacittavaggo paṭhamo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. கி³ரிமானந்த³ஸுத்தங் • 10. Girimānandasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸசித்தஸுத்தாதி³வண்ணனா • 1-10. Sacittasuttādivaṇṇanā
