| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. คิริมานนฺทสุตฺตวณฺณนา
10. Girimānandasuttavaṇṇanā
๖๐. ทสเม อนุกมฺปํ อุปาทายาติ คิริมานนฺทเตฺถเร อนุกมฺปํ ปฎิจฺจฯ จกฺขุโรโคติอาทโย วตฺถุวเสน เวทิตพฺพาฯ นิพฺพตฺติตปฺปสาทานญฺหิ โรโค นาม นตฺถิฯ กณฺณโรโคติ พหิกเณฺณ โรโคฯ ปินาโสติ พหินาสิกาย โรโคฯ นขสาติ นเขหิ วิเลขิตฎฺฐาเน โรโคฯ ปิตฺตสมุฎฺฐานาติ ปิตฺตสมุฎฺฐิตาฯ เต กิร ทฺวตฺติํส โหนฺติฯ เสมฺหสมุฎฺฐานาทีสุปิ เอเสว นโยฯ อุตุปริณามชาติ อุตุปริณาเมน อจฺจุณฺหาติสีเตน อุปฺปชฺชนกโรคาฯ วิสมปริหารชาติ อติจิรฎฺฐานนิสชฺชาทินา วิสมปริหาเรน ชาตาฯ โอปกฺกมิกาติ วธพนฺธนาทินา อุปกฺกเมน ชาตาฯ กมฺมวิปากชาติ พลวกมฺมวิปากสมฺภูตาฯ สนฺตนฺติ ราคาทิสนฺตตาย สนฺตํฯ อตปฺปกเฎฺฐน ปณีตํฯ เสสํ สพฺพตฺถ อุตฺตานตฺถเมวาติฯ
60. Dasame anukampaṃ upādāyāti girimānandatthere anukampaṃ paṭicca. Cakkhurogotiādayo vatthuvasena veditabbā. Nibbattitappasādānañhi rogo nāma natthi. Kaṇṇarogoti bahikaṇṇe rogo. Pināsoti bahināsikāya rogo. Nakhasāti nakhehi vilekhitaṭṭhāne rogo. Pittasamuṭṭhānāti pittasamuṭṭhitā. Te kira dvattiṃsa honti. Semhasamuṭṭhānādīsupi eseva nayo. Utupariṇāmajāti utupariṇāmena accuṇhātisītena uppajjanakarogā. Visamaparihārajāti aticiraṭṭhānanisajjādinā visamaparihārena jātā. Opakkamikāti vadhabandhanādinā upakkamena jātā. Kammavipākajāti balavakammavipākasambhūtā. Santanti rāgādisantatāya santaṃ. Atappakaṭṭhena paṇītaṃ. Sesaṃ sabbattha uttānatthamevāti.
สจิตฺตวโคฺค ปฐโมฯ
Sacittavaggo paṭhamo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. คิริมานนฺทสุตฺตํ • 10. Girimānandasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๑๐. สจิตฺตสุตฺตาทิวณฺณนา • 1-10. Sacittasuttādivaṇṇanā
