| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀. ဂိရိမာနန္ဒသုတ္တဝဏ္ဏနာ
10. Girimānandasuttavaṇṇanā
၆၀. ဒသမေ အနုကမ္ပံ ဥပာဒာယာတိ ဂိရိမာနန္ဒတ္ထေရေ အနုကမ္ပံ ပဋိစ္စ။ စက္ခုရောဂောတိအာဒယော ဝတ္ထုဝသေန ဝေဒိတဗ္ဗာ။ နိဗ္ဗတ္တိတပ္ပသာဒာနဉ္ဟိ ရောဂော နာမ နတ္ထိ။ ကဏ္ဏရောဂောတိ ဗဟိကဏ္ဏေ ရောဂော။ ပိနာသောတိ ဗဟိနာသိကာယ ရောဂော။ နခသာတိ နခေဟိ ဝိလေခိတဋ္ဌာနေ ရောဂော။ ပိတ္တသမုဋ္ဌာနာတိ ပိတ္တသမုဋ္ဌိတာ။ တေ ကိရ ဒ္ဝတ္တိံသ ဟောန္တိ။ သေမ္ဟသမုဋ္ဌာနာဒီသုပိ ဧသေဝ နယော။ ဥတုပရိဏာမဇာတိ ဥတုပရိဏာမေန အစ္စုဏ္ဟာတိသီတေန ဥပ္ပဇ္ဇနကရောဂာ။ ဝိသမပရိဟာရဇာတိ အတိစိရဋ္ဌာနနိသဇ္ဇာဒိနာ ဝိသမပရိဟာရေန ဇာတာ။ ဩပက္ကမိကာတိ ဝဓဗန္ဓနာဒိနာ ဥပက္ကမေန ဇာတာ။ ကမ္မဝိပာကဇာတိ ဗလဝကမ္မဝိပာကသမ္ဘူတာ။ သန္တန္တိ ရာဂာဒိသန္တတာယ သန္တံ။ အတပ္ပကဋ္ဌေန ပဏီတံ။ သေသံ သဗ္ဗတ္ထ ဥတ္တာနတ္ထမေဝာတိ။
60. Dasame anukampaṃ upādāyāti girimānandatthere anukampaṃ paṭicca. Cakkhurogotiādayo vatthuvasena veditabbā. Nibbattitappasādānañhi rogo nāma natthi. Kaṇṇarogoti bahikaṇṇe rogo. Pināsoti bahināsikāya rogo. Nakhasāti nakhehi vilekhitaṭṭhāne rogo. Pittasamuṭṭhānāti pittasamuṭṭhitā. Te kira dvattiṃsa honti. Semhasamuṭṭhānādīsupi eseva nayo. Utupariṇāmajāti utupariṇāmena accuṇhātisītena uppajjanakarogā. Visamaparihārajāti aticiraṭṭhānanisajjādinā visamaparihārena jātā. Opakkamikāti vadhabandhanādinā upakkamena jātā. Kammavipākajāti balavakammavipākasambhūtā. Santanti rāgādisantatāya santaṃ. Atappakaṭṭhena paṇītaṃ. Sesaṃ sabbattha uttānatthamevāti.
သစိတ္တဝဂ္ဂော ပဌမော။
Sacittavaggo paṭhamo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. ဂိရိမာနန္ဒသုတ္တံ • 10. Girimānandasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. သစိတ္တသုတ္တာဒိဝဏ္ဏနာ • 1-10. Sacittasuttādivaṇṇanā
