| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. г̇иримаананд̣̇ад̇т̇зраабад̣̇аанаван̣н̣анаа
7. Girimānandattheraapadānavaṇṇanā
сад̇д̇амаабад̣̇аанз бхарияаа мз гаалан̇гад̇аад̇иаад̣̇игам̣ ааяасмад̇о г̇иримаананд̣̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сумзд̇хасса бхаг̇авад̇о гаалз гулаг̇зхз ниб̣б̣ад̇д̇о ваяаббад̇д̇о гхарааваасам̣ сан̣табзд̇ваа васанд̇о ад̇д̇ано бхарияааяа жа буд̇д̇з жа гаалан̇гад̇з согасалласамаббид̇о аран̃н̃ам̣ бависид̇ваа бавад̇д̇апалабхож̇ано ругкамуулз вихааси. д̇ад̣̇аа сумзд̇хо бхаг̇аваа д̇ассаанугамбааяа д̇ад̇т̇а г̇анд̇ваа д̇хаммам̣ д̣̇зсзд̇ваа согасаллам̣ аб̣б̣уул̣хзси . со д̇хаммам̣ суд̇ваа басаннамаанасо суг̇анд̇хабубпзхи бхаг̇аванд̇ам̣ бууж̇зд̇ваа бан̃жабад̇идтид̇зна ванд̣̇ид̇ваа сираси ан̃ж̇алим̣ гад̇ваа абхид̇т̇ави.
Sattamāpadāne bhariyā me kālaṅkatātiādikaṃ āyasmato girimānandattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle kulagehe nibbatto vayappatto gharāvāsaṃ saṇṭhapetvā vasanto attano bhariyāya ca putte ca kālaṅkate sokasallasamappito araññaṃ pavisitvā pavattaphalabhojano rukkhamūle vihāsi. Tadā sumedho bhagavā tassānukampāya tattha gantvā dhammaṃ desetvā sokasallaṃ abbūḷhesi . So dhammaṃ sutvā pasannamānaso sugandhapupphehi bhagavantaṃ pūjetvā pañcapatiṭṭhitena vanditvā sirasi añjaliṃ katvā abhitthavi.
со д̇зна бун̃н̃зна д̣̇звамануссзсу сам̣саранд̇о убхаяад̇т̇а сукам̣ анубхавид̇ваа имасмим̣ б̣уд̣̇д̇хуббаад̣̇з рааж̇аг̇ахз б̣имб̣исаараран̃н̃о бурохид̇асса буд̇д̇о худ̇ваа ниб̣б̣ад̇д̇и, г̇иримаананд̣̇од̇исса наамам̣ ахоси. со вин̃н̃уд̇ам̣ бад̇ваа сад̇т̇у рааж̇аг̇ахааг̇аманз б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа саман̣ад̇хаммам̣ гаронд̇о гад̇ибаяам̣ д̣̇ивасам̣ г̇аамагааваасз васид̇ваа сад̇т̇аарам̣ ванд̣̇ид̇ум̣ рааж̇аг̇ахам̣ аг̇амааси. б̣имб̣исаарамахаарааж̇аа д̇асса ааг̇аманам̣ суд̇ваа д̇ам̣ убасан̇гамид̇ваа ‘‘ид̇хзва, бханд̇з, васат̇а, ахам̣ жад̇уухи бажжаязхи убадтахаамий’’д̇и самбаваарзд̇ваа г̇ад̇оби б̣ахугижжад̇д̇аа д̇ам̣ на сари. ‘‘т̇зро аб̣бхогаасзязва васад̇ий’’д̇и. д̣̇звад̇аа т̇зрасса д̇зманабхаязна вассад̇хаарам̣ ваарзсум̣. рааж̇аа авассанагааран̣ам̣ убад̇хаарзд̇ваа н̃ад̇ваа т̇зрасса гудигам̣ гаараабзси. т̇зро гудигааяам̣ васанд̇о сзнаасанасаббааяалаабхзна жид̇д̇асамаад̇хаанам̣ лабхид̇ваа вийрияасамад̇ам̣ яож̇зд̇ваа вибассанам̣ уссуггаабзд̇ваа арахад̇д̇ам̣ баабун̣и.
So tena puññena devamanussesu saṃsaranto ubhayattha sukhaṃ anubhavitvā imasmiṃ buddhuppāde rājagahe bimbisārarañño purohitassa putto hutvā nibbatti, girimānandotissa nāmaṃ ahosi. So viññutaṃ patvā satthu rājagahāgamane buddhānubhāvaṃ disvā paṭiladdhasaddho pabbajitvā samaṇadhammaṃ karonto katipayaṃ divasaṃ gāmakāvāse vasitvā satthāraṃ vandituṃ rājagahaṃ agamāsi. Bimbisāramahārājā tassa āgamanaṃ sutvā taṃ upasaṅkamitvā ‘‘idheva, bhante, vasatha, ahaṃ catūhi paccayehi upaṭṭhahāmī’’ti sampavāretvā gatopi bahukiccattā taṃ na sari. ‘‘Thero abbhokāseyeva vasatī’’ti. Devatā therassa temanabhayena vassadhāraṃ vāresuṃ. Rājā avassanakāraṇaṃ upadhāretvā ñatvā therassa kuṭikaṃ kārāpesi. Thero kuṭikāyaṃ vasanto senāsanasappāyalābhena cittasamādhānaṃ labhitvā vīriyasamataṃ yojetvā vipassanaṃ ussukkāpetvā arahattaṃ pāpuṇi.
419. со арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа сан̃ж̇аад̇асоманассо буб̣б̣ажарид̇аабад̣̇аанам̣ багаасзнд̇о бхарияаа мз гаалан̇гад̇аад̇иаад̣̇имааха. д̇ам̣ бхаг̇авад̇о нивзд̣̇анан̃жа бхаг̇авад̇аа гад̇аанусаасанан̃жа маг̇г̇ам̣ палаад̇хиг̇амаабад̣̇аанан̃жа баатаанусаарзна сувин̃н̃зяяамзваад̇и.
419. So arahattaṃ patvā attano pubbakammaṃ saritvā sañjātasomanasso pubbacaritāpadānaṃ pakāsento bhariyā me kālaṅkatātiādimāha. Taṃ bhagavato nivedanañca bhagavatā katānusāsanañca maggaṃ phalādhigamāpadānañca pāṭhānusārena suviññeyyamevāti.
г̇иримаананд̣̇ад̇т̇зраабад̣̇аанаван̣н̣анаа самад̇д̇аа.
Girimānandattheraapadānavaṇṇanā samattā.
адтаманавамад̣̇асамаабад̣̇аанаани уд̇д̇аанад̇т̇аанзваад̇и.
Aṭṭhamanavamadasamāpadānāni uttānatthānevāti.
жад̇д̇аалийсамаваг̇г̇аван̣н̣анаа самад̇д̇аа.
Cattālīsamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. г̇иримаананд̣̇ад̇т̇зраабад̣̇аанам̣ • 7. Girimānandattheraapadānaṃ
