| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਗਿਰਿਮਾਨਨ੍ਦਤ੍ਥੇਰਅਪਦਾਨવਣ੍ਣਨਾ
7. Girimānandattheraapadānavaṇṇanā
ਸਤ੍ਤਮਾਪਦਾਨੇ ਭਰਿਯਾ ਮੇ ਕਾਲਙ੍ਕਤਾਤਿਆਦਿਕਂ ਆਯਸ੍ਮਤੋ ਗਿਰਿਮਾਨਨ੍ਦਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸੁਮੇਧਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਯਪ੍ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ વਸਨ੍ਤੋ ਅਤ੍ਤਨੋ ਭਰਿਯਾਯ ਚ ਪੁਤ੍ਤੇ ਚ ਕਾਲਙ੍ਕਤੇ ਸੋਕਸਲ੍ਲਸਮਪ੍ਪਿਤੋ ਅਰਞ੍ਞਂ ਪવਿਸਿਤ੍વਾ ਪવਤ੍ਤਫਲਭੋਜਨੋ ਰੁਕ੍ਖਮੂਲੇ વਿਹਾਸਿ। ਤਦਾ ਸੁਮੇਧੋ ਭਗવਾ ਤਸ੍ਸਾਨੁਕਮ੍ਪਾਯ ਤਤ੍ਥ ਗਨ੍ਤ੍વਾ ਧਮ੍ਮਂ ਦੇਸੇਤ੍વਾ ਸੋਕਸਲ੍ਲਂ ਅਬ੍ਬੂਲ਼੍ਹੇਸਿ । ਸੋ ਧਮ੍ਮਂ ਸੁਤ੍વਾ ਪਸਨ੍ਨਮਾਨਸੋ ਸੁਗਨ੍ਧਪੁਪ੍ਫੇਹਿ ਭਗવਨ੍ਤਂ ਪੂਜੇਤ੍વਾ ਪਞ੍ਚਪਤਿਟ੍ਠਿਤੇਨ વਨ੍ਦਿਤ੍વਾ ਸਿਰਸਿ ਅਞ੍ਜਲਿਂ ਕਤ੍વਾ ਅਭਿਤ੍ਥવਿ।
Sattamāpadāne bhariyā me kālaṅkatātiādikaṃ āyasmato girimānandattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle kulagehe nibbatto vayappatto gharāvāsaṃ saṇṭhapetvā vasanto attano bhariyāya ca putte ca kālaṅkate sokasallasamappito araññaṃ pavisitvā pavattaphalabhojano rukkhamūle vihāsi. Tadā sumedho bhagavā tassānukampāya tattha gantvā dhammaṃ desetvā sokasallaṃ abbūḷhesi . So dhammaṃ sutvā pasannamānaso sugandhapupphehi bhagavantaṃ pūjetvā pañcapatiṭṭhitena vanditvā sirasi añjaliṃ katvā abhitthavi.
ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਤ੍ਥ ਸੁਖਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਰਾਜਗਹੇ ਬਿਮ੍ਬਿਸਾਰਰਞ੍ਞੋ ਪੁਰੋਹਿਤਸ੍ਸ ਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤਿ, ਗਿਰਿਮਾਨਨ੍ਦੋਤਿਸ੍ਸ ਨਾਮਂ ਅਹੋਸਿ। ਸੋ વਿਞ੍ਞੁਤਂ ਪਤ੍વਾ ਸਤ੍ਥੁ ਰਾਜਗਹਾਗਮਨੇ ਬੁਦ੍ਧਾਨੁਭਾવਂ ਦਿਸ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਸਮਣਧਮ੍ਮਂ ਕਰੋਨ੍ਤੋ ਕਤਿਪਯਂ ਦਿવਸਂ ਗਾਮਕਾવਾਸੇ વਸਿਤ੍વਾ ਸਤ੍ਥਾਰਂ વਨ੍ਦਿਤੁਂ ਰਾਜਗਹਂ ਅਗਮਾਸਿ। ਬਿਮ੍ਬਿਸਾਰਮਹਾਰਾਜਾ ਤਸ੍ਸ ਆਗਮਨਂ ਸੁਤ੍વਾ ਤਂ ਉਪਸਙ੍ਕਮਿਤ੍વਾ ‘‘ਇਧੇવ, ਭਨ੍ਤੇ, વਸਥ, ਅਹਂ ਚਤੂਹਿ ਪਚ੍ਚਯੇਹਿ ਉਪਟ੍ਠਹਾਮੀ’’ਤਿ ਸਮ੍ਪવਾਰੇਤ੍વਾ ਗਤੋਪਿ ਬਹੁਕਿਚ੍ਚਤ੍ਤਾ ਤਂ ਨ ਸਰਿ। ‘‘ਥੇਰੋ ਅਬ੍ਭੋਕਾਸੇਯੇવ વਸਤੀ’’ਤਿ। ਦੇવਤਾ ਥੇਰਸ੍ਸ ਤੇਮਨਭਯੇਨ વਸ੍ਸਧਾਰਂ વਾਰੇਸੁਂ। ਰਾਜਾ ਅવਸ੍ਸਨਕਾਰਣਂ ਉਪਧਾਰੇਤ੍વਾ ਞਤ੍વਾ ਥੇਰਸ੍ਸ ਕੁਟਿਕਂ ਕਾਰਾਪੇਸਿ। ਥੇਰੋ ਕੁਟਿਕਾਯਂ વਸਨ੍ਤੋ ਸੇਨਾਸਨਸਪ੍ਪਾਯਲਾਭੇਨ ਚਿਤ੍ਤਸਮਾਧਾਨਂ ਲਭਿਤ੍વਾ વੀਰਿਯਸਮਤਂ ਯੋਜੇਤ੍વਾ વਿਪਸ੍ਸਨਂ ਉਸ੍ਸੁਕ੍ਕਾਪੇਤ੍વਾ ਅਰਹਤ੍ਤਂ ਪਾਪੁਣਿ।
So tena puññena devamanussesu saṃsaranto ubhayattha sukhaṃ anubhavitvā imasmiṃ buddhuppāde rājagahe bimbisārarañño purohitassa putto hutvā nibbatti, girimānandotissa nāmaṃ ahosi. So viññutaṃ patvā satthu rājagahāgamane buddhānubhāvaṃ disvā paṭiladdhasaddho pabbajitvā samaṇadhammaṃ karonto katipayaṃ divasaṃ gāmakāvāse vasitvā satthāraṃ vandituṃ rājagahaṃ agamāsi. Bimbisāramahārājā tassa āgamanaṃ sutvā taṃ upasaṅkamitvā ‘‘idheva, bhante, vasatha, ahaṃ catūhi paccayehi upaṭṭhahāmī’’ti sampavāretvā gatopi bahukiccattā taṃ na sari. ‘‘Thero abbhokāseyeva vasatī’’ti. Devatā therassa temanabhayena vassadhāraṃ vāresuṃ. Rājā avassanakāraṇaṃ upadhāretvā ñatvā therassa kuṭikaṃ kārāpesi. Thero kuṭikāyaṃ vasanto senāsanasappāyalābhena cittasamādhānaṃ labhitvā vīriyasamataṃ yojetvā vipassanaṃ ussukkāpetvā arahattaṃ pāpuṇi.
੪੧੯. ਸੋ ਅਰਹਤ੍ਤਂ ਪਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸਞ੍ਜਾਤਸੋਮਨਸ੍ਸੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਭਰਿਯਾ ਮੇ ਕਾਲਙ੍ਕਤਾਤਿਆਦਿਮਾਹ। ਤਂ ਭਗવਤੋ ਨਿવੇਦਨਞ੍ਚ ਭਗવਤਾ ਕਤਾਨੁਸਾਸਨਞ੍ਚ ਮਗ੍ਗਂ ਫਲਾਧਿਗਮਾਪਦਾਨਞ੍ਚ ਪਾਠਾਨੁਸਾਰੇਨ ਸੁવਿਞ੍ਞੇਯ੍ਯਮੇવਾਤਿ।
419. So arahattaṃ patvā attano pubbakammaṃ saritvā sañjātasomanasso pubbacaritāpadānaṃ pakāsento bhariyā me kālaṅkatātiādimāha. Taṃ bhagavato nivedanañca bhagavatā katānusāsanañca maggaṃ phalādhigamāpadānañca pāṭhānusārena suviññeyyamevāti.
ਗਿਰਿਮਾਨਨ੍ਦਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Girimānandattheraapadānavaṇṇanā samattā.
ਅਟ੍ਠਮਨવਮਦਸਮਾਪਦਾਨਾਨਿ ਉਤ੍ਤਾਨਤ੍ਥਾਨੇવਾਤਿ।
Aṭṭhamanavamadasamāpadānāni uttānatthānevāti.
ਚਤ੍ਤਾਲੀਸਮવਗ੍ਗવਣ੍ਣਨਾ ਸਮਤ੍ਤਾ।
Cattālīsamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਗਿਰਿਮਾਨਨ੍ਦਤ੍ਥੇਰਅਪਦਾਨਂ • 7. Girimānandattheraapadānaṃ
