| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. ගිරිනෙලපූජකත්‌ථෙරඅපදානං
7. Girinelapūjakattheraapadānaṃ
42.
42.
‘‘මිගලුද්‌දො පුරෙ ආසිං, විපිනෙ විචරං අහං;
‘‘Migaluddo pure āsiṃ, vipine vicaraṃ ahaṃ;
අද්‌දසං විරජං බුද්‌ධං, සබ්‌බධම්‌මාන පාරගුං.
Addasaṃ virajaṃ buddhaṃ, sabbadhammāna pāraguṃ.
43.
43.
‘‘තස්‌මිං මහාකාරුණිකෙ, සබ්‌බසත්‌තහිතෙ රතෙ;
‘‘Tasmiṃ mahākāruṇike, sabbasattahite rate;
පසන්‌නචිත්‌තො සුමනො, නෙලපුප්‌ඵමපූජයිං.
Pasannacitto sumano, nelapupphamapūjayiṃ.
44.
44.
‘‘එකතිංසෙ ඉතො කප්‌පෙ, යං පුප්‌ඵමභිපූජයිං;
‘‘Ekatiṃse ito kappe, yaṃ pupphamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
45.
45.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
46.
46.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
47.
47.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ගිරිනෙලපූජකො ථෙරො ඉමා ගාථායො
Itthaṃ sudaṃ āyasmā girinelapūjako thero imā gāthāyo
අභාසිත්‌ථාති.
Abhāsitthāti.
ගිරිනෙලපූජකත්‌ථෙරස්‌සාපදානං සත්‌තමං.
Girinelapūjakattherassāpadānaṃ sattamaṃ.
