| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৯-১০. গীতস্সরসুত্তাদিৰণ্ণনা
9-10. Gītassarasuttādivaṇṇanā
২০৯-২১০. নৰমে আযতকো নাম গীতস্সরো তং তং ৰত্তং ভিন্দিত্ৰা অক্খরানি ৰিনাসেত্ৰা পৰত্তোতি আহ ‘‘আযতকেনা’’তিআদি। ধম্মেহি সুত্তৰত্তং নাম অত্থি, গাথাৰত্তং নাম অত্থি, তং ৰিনাসেত্ৰা অতিদীঘং কাতুং ন ৰট্টতি। ধম্মঞ্হি ভাসন্তেন চতুরস্সেন ৰত্তেন পরিমণ্ডলানি পদব্যঞ্জনানি দস্সেতব্বানি। ‘‘অনুজানামি, ভিক্খৰে, সরভঞ্ঞ’’ন্তি (চূল়ৰ॰ ২৪৯) চ ৰচনতো সরেন ধম্মং ভণিতুং ৰট্টতি। সরভঞ্ঞে কির তরঙ্গৰত্তধোতকৰত্তভাগগ্গহকৰত্তাদীনি দ্ৰত্তিংস ৰত্তানি অত্থি। তেসু যং ইচ্ছতি, তং কাতুং লভতীতি। দসমে নত্থি ৰত্তব্বং।
209-210. Navame āyatako nāma gītassaro taṃ taṃ vattaṃ bhinditvā akkharāni vināsetvā pavattoti āha ‘‘āyatakenā’’tiādi. Dhammehi suttavattaṃ nāma atthi, gāthāvattaṃ nāma atthi, taṃ vināsetvā atidīghaṃ kātuṃ na vaṭṭati. Dhammañhi bhāsantena caturassena vattena parimaṇḍalāni padabyañjanāni dassetabbāni. ‘‘Anujānāmi, bhikkhave, sarabhañña’’nti (cūḷava. 249) ca vacanato sarena dhammaṃ bhaṇituṃ vaṭṭati. Sarabhaññe kira taraṅgavattadhotakavattabhāgaggahakavattādīni dvattiṃsa vattāni atthi. Tesu yaṃ icchati, taṃ kātuṃ labhatīti. Dasame natthi vattabbaṃ.
গীতস্সরসুত্তাদিৰণ্ণনা নিট্ঠিতা।
Gītassarasuttādivaṇṇanā niṭṭhitā.
কিমিলৰগ্গৰণ্ণনা নিট্ঠিতা।
Kimilavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৯. গীতস্সরসুত্তং • 9. Gītassarasuttaṃ
১০. মুট্ঠস্সতিসুত্তং • 10. Muṭṭhassatisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৯. গীতস্সরসুত্তৰণ্ণনা • 9. Gītassarasuttavaṇṇanā
১০. মুট্ঠস্সতিসুত্তৰণ্ণনা • 10. Muṭṭhassatisuttavaṇṇanā
