| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
9-10. ගීතස්‌සරසුත්‌තාදිවණ්‌ණනා
9-10. Gītassarasuttādivaṇṇanā
209-210. නවමෙ ආයතකො නාම ගීතස්‌සරො තං තං වත්‌තං භින්‌දිත්‌වා අක්‌ඛරානි විනාසෙත්‌වා පවත්‌තොති ආහ ‘‘ආයතකෙනා’’තිආදි. ධම්‌මෙහි සුත්‌තවත්‌තං නාම අත්‌ථි, ගාථාවත්‌තං නාම අත්‌ථි, තං විනාසෙත්‌වා අතිදීඝං කාතුං න වට්‌ටති. ධම්‌මඤ්‌හි භාසන්‌තෙන චතුරස්‌සෙන වත්‌තෙන පරිමණ්‌ඩලානි පදබ්‍යඤ්‌ජනානි දස්‌සෙතබ්‌බානි. ‘‘අනුජානාමි, භික්‌ඛවෙ, සරභඤ්‌ඤ’’න්‌ති (චූළව. 249) ච වචනතො සරෙන ධම්‌මං භණිතුං වට්‌ටති. සරභඤ්‌ඤෙ කිර තරඞ්‌ගවත්‌තධොතකවත්‌තභාගග්‌ගහකවත්‌තාදීනි ද්‌වත්‌තිංස වත්‌තානි අත්‌ථි. තෙසු යං ඉච්‌ඡති, තං කාතුං ලභතීති. දසමෙ නත්‌ථි වත්‌තබ්‌බං.
209-210. Navame āyatako nāma gītassaro taṃ taṃ vattaṃ bhinditvā akkharāni vināsetvā pavattoti āha ‘‘āyatakenā’’tiādi. Dhammehi suttavattaṃ nāma atthi, gāthāvattaṃ nāma atthi, taṃ vināsetvā atidīghaṃ kātuṃ na vaṭṭati. Dhammañhi bhāsantena caturassena vattena parimaṇḍalāni padabyañjanāni dassetabbāni. ‘‘Anujānāmi, bhikkhave, sarabhañña’’nti (cūḷava. 249) ca vacanato sarena dhammaṃ bhaṇituṃ vaṭṭati. Sarabhaññe kira taraṅgavattadhotakavattabhāgaggahakavattādīni dvattiṃsa vattāni atthi. Tesu yaṃ icchati, taṃ kātuṃ labhatīti. Dasame natthi vattabbaṃ.
ගීතස්‌සරසුත්‌තාදිවණ්‌ණනා නිට්‌ඨිතා.
Gītassarasuttādivaṇṇanā niṭṭhitā.
කිමිලවග්‌ගවණ්‌ණනා නිට්‌ඨිතා.
Kimilavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
9. ගීතස්‌සරසුත්‌තං • 9. Gītassarasuttaṃ
10. මුට්‌ඨස්‌සතිසුත්‌තං • 10. Muṭṭhassatisuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
9. ගීතස්‌සරසුත්‌තවණ්‌ණනා • 9. Gītassarasuttavaṇṇanā
10. මුට්‌ඨස්‌සතිසුත්‌තවණ්‌ණනා • 10. Muṭṭhassatisuttavaṇṇanā
