| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
16. г̇ожаранаанад̇д̇ан̃аан̣анид̣̇д̣̇зсо
16. Gocaranānattañāṇaniddeso
67. гат̇ам̣ б̣ахид̣̇д̇хаа вавад̇т̇аанз бан̃н̃аа г̇ожаранаанад̇д̇з н̃аан̣ам̣? гат̇ам̣ б̣ахид̣̇д̇хаа д̇хаммз вавад̇т̇зд̇и? руубз б̣ахид̣̇д̇хаа вавад̇т̇зд̇и, сад̣̇д̣̇з б̣ахид̣̇д̇хаа вавад̇т̇зд̇и, г̇анд̇хз б̣ахид̣̇д̇хаа вавад̇т̇зд̇и, расз б̣ахид̣̇д̇хаа вавад̇т̇зд̇и, подтаб̣б̣з б̣ахид̣̇д̇хаа вавад̇т̇зд̇и, д̇хаммз б̣ахид̣̇д̇хаа вавад̇т̇зд̇и .
67. Kathaṃ bahiddhā vavatthāne paññā gocaranānatte ñāṇaṃ? Kathaṃ bahiddhā dhamme vavattheti? Rūpe bahiddhā vavattheti, sadde bahiddhā vavattheti, gandhe bahiddhā vavattheti, rase bahiddhā vavattheti, phoṭṭhabbe bahiddhā vavattheti, dhamme bahiddhā vavattheti .
гат̇ам̣ руубз б̣ахид̣̇д̇хаа вавад̇т̇зд̇и? руубаа авиж̇ж̇аасамбхууд̇аад̇и вавад̇т̇зд̇и руубаа д̇ан̣хаасамбхууд̇аад̇и вавад̇т̇зд̇и, руубаа гаммасамбхууд̇аад̇и вавад̇т̇зд̇и, руубаа аахаарасамбхууд̇аад̇и вавад̇т̇зд̇и, руубаа жад̇уннам̣ махаабхууд̇аанам̣ убаад̣̇ааяаад̇и вавад̇т̇зд̇и, руубаа уббаннаад̇и вавад̇т̇зд̇и, руубаа самуд̣̇ааг̇ад̇аад̇и вавад̇т̇зд̇и. руубаа ахуд̇ваа самбхууд̇аа, худ̇ваа на бхависсанд̇ийд̇и вавад̇т̇зд̇и. руубз анд̇аванд̇ад̇о вавад̇т̇зд̇и, руубаа ад̣̇д̇хуваа асассад̇аа вибарин̣аамад̇хаммаад̇и вавад̇т̇зд̇и . руубаа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаад̇и вавад̇т̇зд̇и. руубз анижжад̇о вавад̇т̇зд̇и, но нижжад̇о; д̣̇угкад̇о вавад̇т̇зд̇и, но сукад̇о; анад̇д̇ад̇о вавад̇т̇зд̇и, но ад̇д̇ад̇о; ниб̣б̣инд̣̇ад̇и, но нанд̣̇ад̇и ; вираж̇ж̇ад̇и, но раж̇ж̇ад̇и; нирод̇хзд̇и, но самуд̣̇зд̇и; бадиниссаж̇ж̇ад̇и, но аад̣̇ияад̇и. анижжад̇о вавад̇т̇знд̇о нижжасан̃н̃ам̣ баж̇ахад̇и, д̣̇угкад̇о вавад̇т̇знд̇о сукасан̃н̃ам̣ баж̇ахад̇и, анад̇д̇ад̇о вавад̇т̇знд̇о ад̇д̇асан̃н̃ам̣ баж̇ахад̇и, ниб̣б̣инд̣̇анд̇о нанд̣̇им̣ баж̇ахад̇и, вираж̇ж̇анд̇о рааг̇ам̣ баж̇ахад̇и, нирод̇хзнд̇о самуд̣̇аяам̣ баж̇ахад̇и, бадиниссаж̇ж̇анд̇о аад̣̇аанам̣ баж̇ахад̇и. звам̣ руубз б̣ахид̣̇д̇хаа вавад̇т̇зд̇и.
Kathaṃ rūpe bahiddhā vavattheti? Rūpā avijjāsambhūtāti vavattheti rūpā taṇhāsambhūtāti vavattheti, rūpā kammasambhūtāti vavattheti, rūpā āhārasambhūtāti vavattheti, rūpā catunnaṃ mahābhūtānaṃ upādāyāti vavattheti, rūpā uppannāti vavattheti, rūpā samudāgatāti vavattheti. Rūpā ahutvā sambhūtā, hutvā na bhavissantīti vavattheti. Rūpe antavantato vavattheti, rūpā addhuvā asassatā vipariṇāmadhammāti vavattheti . Rūpā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti. Rūpe aniccato vavattheti, no niccato; dukkhato vavattheti, no sukhato; anattato vavattheti, no attato; nibbindati, no nandati ; virajjati, no rajjati; nirodheti, no samudeti; paṭinissajjati, no ādiyati. Aniccato vavatthento niccasaññaṃ pajahati, dukkhato vavatthento sukhasaññaṃ pajahati, anattato vavatthento attasaññaṃ pajahati, nibbindanto nandiṃ pajahati, virajjanto rāgaṃ pajahati, nirodhento samudayaṃ pajahati, paṭinissajjanto ādānaṃ pajahati. Evaṃ rūpe bahiddhā vavattheti.
гат̇ам̣ сад̣̇д̣̇з б̣ахид̣̇д̇хаа вавад̇т̇зд̇и? сад̣̇д̣̇аа авиж̇ж̇аасамбхууд̇аад̇и вавад̇т̇зд̇и…бз… сад̣̇д̣̇аа жад̇уннам̣ махаабхууд̇аанам̣ убаад̣̇ааяаад̇и вавад̇т̇зд̇и, сад̣̇д̣̇аа уббаннаад̇и вавад̇т̇зд̇и, сад̣̇д̣̇аа самуд̣̇ааг̇ад̇аад̇и вавад̇т̇зд̇и. сад̣̇д̣̇аа ахуд̇ваа самбхууд̇аа, худ̇ваа на бхависсанд̇ийд̇и вавад̇т̇зд̇и. сад̣̇д̣̇з анд̇аванд̇ад̇о вавад̇т̇зд̇и, сад̣̇д̣̇аа ад̣̇д̇хуваа асассад̇аа вибарин̣аамад̇хаммаад̇и вавад̇т̇зд̇и, сад̣̇д̣̇аа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаад̇и вавад̇т̇зд̇и. сад̣̇д̣̇з анижжад̇о вавад̇т̇зд̇и, но нижжад̇о…бз… звам̣ сад̣̇д̣̇з б̣ахид̣̇д̇хаа вавад̇т̇зд̇и.
Kathaṃ sadde bahiddhā vavattheti? Saddā avijjāsambhūtāti vavattheti…pe… saddā catunnaṃ mahābhūtānaṃ upādāyāti vavattheti, saddā uppannāti vavattheti, saddā samudāgatāti vavattheti. Saddā ahutvā sambhūtā, hutvā na bhavissantīti vavattheti. Sadde antavantato vavattheti, saddā addhuvā asassatā vipariṇāmadhammāti vavattheti, saddā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti. Sadde aniccato vavattheti, no niccato…pe… evaṃ sadde bahiddhā vavattheti.
гат̇ам̣ г̇анд̇хз б̣ахид̣̇д̇хаа вавад̇т̇зд̇и? г̇анд̇хаа авиж̇ж̇аасамбхууд̇аад̇и вавад̇т̇зд̇и, г̇анд̇хаа д̇ан̣хаасамбхууд̇аад̇и вавад̇т̇зд̇и…бз… звам̣ г̇анд̇хз б̣ахид̣̇д̇хаа вавад̇т̇зд̇и. гат̇ам̣ расз б̣ахид̣̇д̇хаа вавад̇т̇зд̇и? расаа авиж̇ж̇аасамбхууд̇аад̇и вавад̇т̇зд̇и, расаа д̇ан̣хаасамбхууд̇аад̇и вавад̇т̇зд̇и…бз… звам̣ расз б̣ахид̣̇д̇хаа вавад̇т̇зд̇и. гат̇ам̣ подтаб̣б̣з б̣ахид̣̇д̇хаа вавад̇т̇зд̇и? подтаб̣б̣аа авиж̇ж̇аасамбхууд̇аад̇и вавад̇т̇зд̇и, подтаб̣б̣аа д̇ан̣хаасамбхууд̇аад̇и вавад̇т̇зд̇и, подтаб̣б̣аа гаммасамбхууд̇аад̇и вавад̇т̇зд̇и, подтаб̣б̣аа аахаарасамбхууд̇аад̇и вавад̇т̇зд̇и, подтаб̣б̣аа уббаннаад̇и вавад̇т̇зд̇и. подтаб̣б̣аа самуд̣̇ааг̇ад̇аад̇и вавад̇т̇зд̇и…бз… звам̣ подтаб̣б̣з б̣ахид̣̇д̇хаа вавад̇т̇зд̇и.
Kathaṃ gandhe bahiddhā vavattheti? Gandhā avijjāsambhūtāti vavattheti, gandhā taṇhāsambhūtāti vavattheti…pe… evaṃ gandhe bahiddhā vavattheti. Kathaṃ rase bahiddhā vavattheti? Rasā avijjāsambhūtāti vavattheti, rasā taṇhāsambhūtāti vavattheti…pe… evaṃ rase bahiddhā vavattheti. Kathaṃ phoṭṭhabbe bahiddhā vavattheti? Phoṭṭhabbā avijjāsambhūtāti vavattheti, phoṭṭhabbā taṇhāsambhūtāti vavattheti, phoṭṭhabbā kammasambhūtāti vavattheti, phoṭṭhabbā āhārasambhūtāti vavattheti, phoṭṭhabbā uppannāti vavattheti. Phoṭṭhabbā samudāgatāti vavattheti…pe… evaṃ phoṭṭhabbe bahiddhā vavattheti.
гат̇ам̣ д̇хаммз б̣ахид̣̇д̇хаа вавад̇т̇зд̇и? д̇хаммаа авиж̇ж̇аасамбхууд̇аад̇и вавад̇т̇зд̇и, д̇хаммаа д̇ан̣хаасамбхууд̇аад̇и вавад̇т̇зд̇и, д̇хаммаа гаммасамбхууд̇аад̇и вавад̇т̇зд̇и, д̇хаммаа аахаарасамбхууд̇аад̇и вавад̇т̇зд̇и, д̇хаммаа уббаннаад̇и вавад̇т̇зд̇и, д̇хаммаа самуд̣̇ааг̇ад̇аад̇и вавад̇т̇зд̇и. д̇хаммаа ахуд̇ваа самбхууд̇аа , худ̇ваа на бхависсанд̇ийд̇и вавад̇т̇зд̇и. д̇хаммз анд̇аванд̇ад̇о вавад̇т̇зд̇и, д̇хаммаа ад̣̇д̇хуваа асассад̇аа вибарин̣аамад̇хаммаад̇и вавад̇т̇зд̇и, д̇хаммаа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаад̇и вавад̇т̇зд̇и. д̇хаммз анижжад̇о вавад̇т̇зд̇и, но нижжад̇о; д̣̇угкад̇о вавад̇т̇зд̇и, но сукад̇о; анад̇д̇ад̇о вавад̇т̇зд̇и, но ад̇д̇ад̇о; ниб̣б̣инд̣̇ад̇и, но нанд̣̇ад̇и; вираж̇ж̇ад̇и, но раж̇ж̇ад̇и; нирод̇хзд̇и, но самуд̣̇зд̇и; бадиниссаж̇ж̇ад̇и, но аад̣̇ияад̇и…бз… анижжад̇о вавад̇т̇знд̇о нижжасан̃н̃ам̣ баж̇ахад̇и, д̣̇угкад̇о вавад̇т̇знд̇о сукасан̃н̃ам̣ баж̇ахад̇и, анад̇д̇ад̇о вавад̇т̇знд̇о ад̇д̇асан̃н̃ам̣ баж̇ахад̇и, ниб̣б̣инд̣̇анд̇о нанд̣̇им̣ баж̇ахад̇и, вираж̇ж̇анд̇о рааг̇ам̣ баж̇ахад̇и, нирод̇хзнд̇о самуд̣̇аяам̣ баж̇ахад̇и, бадиниссаж̇ж̇анд̇о аад̣̇аанам̣ баж̇ахад̇и. звам̣ д̇хаммз б̣ахид̣̇д̇хаа вавад̇т̇зд̇и. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘б̣ахид̣̇д̇хаа вавад̇т̇аанз бан̃н̃аа г̇ожаранаанад̇д̇з н̃аан̣ам̣’’.
Kathaṃ dhamme bahiddhā vavattheti? Dhammā avijjāsambhūtāti vavattheti, dhammā taṇhāsambhūtāti vavattheti, dhammā kammasambhūtāti vavattheti, dhammā āhārasambhūtāti vavattheti, dhammā uppannāti vavattheti, dhammā samudāgatāti vavattheti. Dhammā ahutvā sambhūtā , hutvā na bhavissantīti vavattheti. Dhamme antavantato vavattheti, dhammā addhuvā asassatā vipariṇāmadhammāti vavattheti, dhammā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti. Dhamme aniccato vavattheti, no niccato; dukkhato vavattheti, no sukhato; anattato vavattheti, no attato; nibbindati, no nandati; virajjati, no rajjati; nirodheti, no samudeti; paṭinissajjati, no ādiyati…pe… aniccato vavatthento niccasaññaṃ pajahati, dukkhato vavatthento sukhasaññaṃ pajahati, anattato vavatthento attasaññaṃ pajahati, nibbindanto nandiṃ pajahati, virajjanto rāgaṃ pajahati, nirodhento samudayaṃ pajahati, paṭinissajjanto ādānaṃ pajahati. Evaṃ dhamme bahiddhā vavattheti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘bahiddhā vavatthāne paññā gocaranānatte ñāṇaṃ’’.
г̇ожаранаанад̇д̇ан̃аан̣анид̣̇д̣̇зсо сол̣асамо.
Gocaranānattañāṇaniddeso soḷasamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 16. г̇ожаранаанад̇д̇ан̃аан̣анид̣̇д̣̇зсаван̣н̣анаа • 16. Gocaranānattañāṇaniddesavaṇṇanā
