| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. г̇од̣̇ад̇д̇асуд̇д̇аван̣н̣анаа
7. Godattasuttavaṇṇanā
349. сад̇д̇амз наанад̇т̇аа жзва наанааб̣яан̃ж̇анаа жаад̇и б̣яан̃ж̇анамби нзсам̣ наанам̣, ад̇т̇оби. д̇ад̇т̇а б̣яан̃ж̇анасса наанад̇аа баагадаа. ад̇т̇о бана аббамаан̣аа жзд̇овимуд̇д̇и бхууманд̇арад̇о махаг̇г̇ад̇аа ход̇и руубааважараа, аарамман̣ад̇о сад̇д̇абан̣н̣ад̇д̇иаарамман̣аа. аагин̃жан̃н̃аа бхууманд̇арад̇о махаг̇г̇ад̇аа аруубааважараа, аарамман̣ад̇о навад̇д̇аб̣б̣аарамман̣аа. сун̃н̃ад̇аа бхууманд̇арад̇о гаамааважараа, аарамман̣ад̇о сан̇каараарамман̣аа. вибассанаа хи зд̇т̇а сун̃н̃ад̇аад̇и ад̇хиббзд̇аа. анимид̇д̇аа бхууманд̇арад̇о логуд̇д̇араа, аарамман̣ад̇о ниб̣б̣аанаарамман̣аа.
349. Sattame nānatthā ceva nānābyañjanā cāti byañjanampi nesaṃ nānaṃ, atthopi. Tattha byañjanassa nānatā pākaṭā. Attho pana appamāṇā cetovimutti bhūmantarato mahaggatā hoti rūpāvacarā, ārammaṇato sattapaṇṇattiārammaṇā. Ākiñcaññā bhūmantarato mahaggatā arūpāvacarā, ārammaṇato navattabbārammaṇā. Suññatā bhūmantarato kāmāvacarā, ārammaṇato saṅkhārārammaṇā. Vipassanā hi ettha suññatāti adhippetā. Animittā bhūmantarato lokuttarā, ārammaṇato nibbānārammaṇā.
рааг̇о ко бханд̇з бамаан̣агаран̣од̇иаад̣̇ийсу яат̇аа баб̣б̣ад̇абаад̣̇з бууд̇ибан̣н̣агасадауд̣̇агам̣ наама ход̇и гаал̣аван̣н̣ам̣, ологзнд̇аанам̣ б̣яаамасад̇аг̇амбхийрам̣ вияа кааяад̇и, яадтим̣ ваа раж̇ж̇ум̣ ваа г̇ахзд̇ваа минанд̇асса бидтибаад̣̇од̇т̇аран̣амад̇д̇амби на ход̇и; звамзва яаава рааг̇аад̣̇аяо нуббаж̇ж̇анд̇и, д̇аава буг̇г̇алам̣ сан̃ж̇аанид̇ум̣ на саггаа ход̇и, сод̇аабанно вияа сагад̣̇ааг̇аамий вияа анааг̇аамий вияа жа кааяад̇и. яад̣̇аа банасса рааг̇аад̣̇аяо уббаж̇ж̇анд̇и, д̇ад̣̇аа рад̇д̇о д̣̇удто муул̣ход̇и бан̃н̃ааяад̇и. ид̇и д̇з ‘‘зд̇д̇аго аяа’’нд̇и буг̇г̇аласса бамаан̣ам̣ д̣̇ассзнд̇аава уббаж̇ж̇анд̇ийд̇и бамаан̣агаран̣аа наама вуд̇д̇аа.
Rāgo kho bhante pamāṇakaraṇotiādīsu yathā pabbatapāde pūtipaṇṇakasaṭaudakaṃ nāma hoti kāḷavaṇṇaṃ, olokentānaṃ byāmasatagambhīraṃ viya khāyati, yaṭṭhiṃ vā rajjuṃ vā gahetvā minantassa piṭṭhipādottharaṇamattampi na hoti; evameva yāva rāgādayo nuppajjanti, tāva puggalaṃ sañjānituṃ na sakkā hoti, sotāpanno viya sakadāgāmī viya anāgāmī viya ca khāyati. Yadā panassa rāgādayo uppajjanti, tadā ratto duṭṭho mūḷhoti paññāyati. Iti te ‘‘ettako aya’’nti puggalassa pamāṇaṃ dassentāva uppajjantīti pamāṇakaraṇā nāma vuttā.
яаавад̇аа ко бханд̇з аббамаан̣аа жзд̇овимуд̇д̇ияод̇и яад̇д̇агаа аббамаан̣аа жзд̇овимуд̇д̇ияо. гид̇д̇агаа бана д̇аа? жад̇д̇ааро б̣рахмавихаараа, жад̇д̇ааро маг̇г̇аа, жад̇д̇аари палаанийд̇и д̣̇ваад̣̇аса. д̇ад̇ра б̣рахмавихаараа паран̣ааббамаан̣ад̇ааяа аббамаан̣аа, сзсаа бамаан̣агаарагаанам̣ гилзсаанам̣ абхаавзна ниб̣б̣аанамби аббамаан̣амзва, жзд̇овимуд̇д̇и бана на ход̇и, д̇асмаа на г̇ахид̇ам̣. агуббаад̇и арахад̇д̇апалажзд̇овимуд̇д̇и. саа хи д̇аасам̣ саб̣б̣аж̇здтигаа, д̇асмаа ‘‘аг̇г̇амагкааяад̇ий’’д̇и вуд̇д̇аа. рааг̇о ко бханд̇з гин̃жананд̇и рааг̇о уббаж̇ж̇ид̇ваа буг̇г̇алам̣ гин̃жад̇и мад̣̇д̣̇ад̇и балиб̣унд̇хад̇и, д̇асмаа гин̃жананд̇и вуд̇д̇о. мануссаа гира г̇он̣зхи калам̣ мад̣̇д̣̇аабзнд̇аа ‘‘гин̃жзхи габила гин̃жзхи гаал̣агаа’’д̇и вад̣̇анд̇и. звам̣ мад̣̇д̣̇анадто гин̃жанадтод̇и взд̣̇ид̇аб̣б̣о. д̣̇осамохзсубизсзва наяо.
Yāvatā kho bhante appamāṇā cetovimuttiyoti yattakā appamāṇā cetovimuttiyo. Kittakā pana tā? Cattāro brahmavihārā, cattāro maggā, cattāri phalānīti dvādasa. Tatra brahmavihārā pharaṇaappamāṇatāya appamāṇā, sesā pamāṇakārakānaṃ kilesānaṃ abhāvena nibbānampi appamāṇameva, cetovimutti pana na hoti, tasmā na gahitaṃ. Akuppāti arahattaphalacetovimutti. Sā hi tāsaṃ sabbajeṭṭhikā, tasmā ‘‘aggamakkhāyatī’’ti vuttā. Rāgokho bhante kiñcananti rāgo uppajjitvā puggalaṃ kiñcati maddati palibundhati, tasmā kiñcananti vutto. Manussā kira goṇehi khalaṃ maddāpentā ‘‘kiñcehi kapila kiñcehi kāḷakā’’ti vadanti. Evaṃ maddanaṭṭho kiñcanaṭṭhoti veditabbo. Dosamohesupieseva nayo.
аагин̃жан̃н̃аа жзд̇овимуд̇д̇ияо наама нава д̇хаммаа аагин̃жан̃н̃ааяад̇анам̣ маг̇г̇апалаани жа. д̇ад̇т̇а аагин̃жан̃н̃ааяад̇анам̣ гин̃жанам̣ аарамман̣ам̣ асса над̇т̇ийд̇и аагин̃жан̃н̃ам̣. маг̇г̇апалаани гин̃жанаанам̣ мад̣̇д̣̇анабалиб̣унд̇ханагилзсаанам̣ над̇т̇ид̇ааяа аагин̃жан̃н̃аани, ниб̣б̣аанамби аагин̃жан̃н̃ам̣, жзд̇овимуд̇д̇и бана на ход̇и, д̇асмаа на г̇ахид̇ам̣.
Ākiñcaññā cetovimuttiyo nāma nava dhammā ākiñcaññāyatanaṃ maggaphalāni ca. Tattha ākiñcaññāyatanaṃ kiñcanaṃ ārammaṇaṃ assa natthīti ākiñcaññaṃ. Maggaphalāni kiñcanānaṃ maddanapalibundhanakilesānaṃ natthitāya ākiñcaññāni, nibbānampi ākiñcaññaṃ, cetovimutti pana na hoti, tasmā na gahitaṃ.
рааг̇о ко бханд̇з нимид̇д̇агаран̣од̇иаад̣̇ийсу яат̇аа наама д̣̇виннам̣ гулаанам̣ сад̣̇исаа д̣̇вз важчагаа хонд̇и. яаава д̇зсам̣ лагкан̣ам̣ на гад̇ам̣ ход̇и, д̇аава ‘‘аяам̣ асугагуласса важчаго, аяам̣ асугагулассаа’’д̇и на саггаа ход̇и ж̇аанид̇ум̣. яад̣̇аа бана д̇зсам̣ д̇исуулаад̣̇ийсу ан̃н̃ад̇арам̣ лагкан̣ам̣ гад̇ам̣ ход̇и, д̇ад̣̇аа саггаа ход̇и ж̇аанид̇ум̣. звамзва яаава буг̇г̇аласса рааг̇о нуббаж̇ж̇ад̇и, д̇аава на саггаа ход̇и ж̇аанид̇ум̣ ‘‘арияо ваа бут̇уж̇ж̇ано ваа’’д̇и. рааг̇о банасса уббаж̇ж̇амаанова ‘‘сарааг̇о наама аяам̣ буг̇г̇ало’’д̇и сан̃ж̇аанананимид̇д̇ам̣ гаронд̇о вияа уббаж̇ж̇ад̇и, д̇асмаа нимид̇д̇агаран̣од̇и вуд̇д̇о. д̣̇осамохзсуби зсзва наяо.
Rāgo kho bhante nimittakaraṇotiādīsu yathā nāma dvinnaṃ kulānaṃ sadisā dve vacchakā honti. Yāva tesaṃ lakkhaṇaṃ na kataṃ hoti, tāva ‘‘ayaṃ asukakulassa vacchako, ayaṃ asukakulassā’’ti na sakkā hoti jānituṃ. Yadā pana tesaṃ tisūlādīsu aññataraṃ lakkhaṇaṃ kataṃ hoti, tadā sakkā hoti jānituṃ. Evameva yāva puggalassa rāgo nuppajjati, tāva na sakkā hoti jānituṃ ‘‘ariyo vā puthujjano vā’’ti. Rāgo panassa uppajjamānova ‘‘sarāgo nāma ayaṃ puggalo’’ti sañjānananimittaṃ karonto viya uppajjati, tasmā nimittakaraṇoti vutto. Dosamohesupi eseva nayo.
анимид̇д̇аа жзд̇овимуд̇д̇ияо наама д̇зраса д̇хаммаа вибассанаа, жад̇д̇ааро ааруббаа, жад̇д̇ааро маг̇г̇аа, жад̇д̇аари палаани. д̇ад̇т̇а вибассанаа нижжанимид̇д̇ам̣ суканимид̇д̇ам̣ ад̇д̇анимид̇д̇ам̣ уг̇гхаадзд̇ийд̇и анимид̇д̇аа наама. жад̇д̇ааро ааруббаа руубанимид̇д̇асса абхааваа анимид̇д̇аа наама. маг̇г̇апалаани нимид̇д̇агараанам̣ гилзсаанам̣ абхаавзна анимид̇д̇аани, ниб̣б̣аанамби анимид̇д̇амзва, д̇ам̣ бана жзд̇овимуд̇д̇и на ход̇и, д̇асмаа на г̇ахид̇ам̣. ат̇а гасмаа сун̃н̃ад̇аа жзд̇овимуд̇д̇и на г̇ахид̇аад̇и? саа ‘‘сун̃н̃аа рааг̇знаа’’д̇иаад̣̇иважанад̇о саб̣б̣ад̇т̇а анубавидтаава, д̇асмаа висум̣ на г̇ахид̇аад̇и.
Animittā cetovimuttiyo nāma terasa dhammā vipassanā, cattāro āruppā, cattāro maggā, cattāri phalāni. Tattha vipassanā niccanimittaṃ sukhanimittaṃ attanimittaṃ ugghāṭetīti animittā nāma. Cattāro āruppā rūpanimittassa abhāvā animittā nāma. Maggaphalāni nimittakarānaṃ kilesānaṃ abhāvena animittāni, nibbānampi animittameva, taṃ pana cetovimutti na hoti, tasmā na gahitaṃ. Atha kasmā suññatā cetovimutti na gahitāti? Sā ‘‘suññā rāgenā’’tiādivacanato sabbattha anupaviṭṭhāva, tasmā visuṃ na gahitāti.
згад̇т̇аад̇и аарамман̣авасзна згад̇т̇аа ‘‘аббамаан̣ам̣ аагин̃жан̃н̃ам̣ сун̃н̃ад̇ам̣ анимид̇д̇а’’нд̇и хи саб̣б̣аанзд̇аани ниб̣б̣аанассзва наамаани. ид̇и иминаа барияааязна згад̇т̇аа. ан̃н̃асмим̣ бана таанз аббамаан̣ааби ход̇и, ан̃н̃асмим̣ аагин̃жан̃н̃аа, ан̃н̃асмим̣ сун̃н̃ад̇аа, ан̃н̃асмим̣ анимид̇д̇аад̇и иминаа барияааязна наанааб̣яан̃ж̇анаад̇и.
Ekatthāti ārammaṇavasena ekatthā ‘‘appamāṇaṃ ākiñcaññaṃ suññataṃ animitta’’nti hi sabbānetāni nibbānasseva nāmāni. Iti iminā pariyāyena ekatthā. Aññasmiṃ pana ṭhāne appamāṇāpi hoti, aññasmiṃ ākiñcaññā, aññasmiṃ suññatā, aññasmiṃ animittāti iminā pariyāyena nānābyañjanāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. г̇од̣̇ад̇д̇асуд̇д̇ам̣ • 7. Godattasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. г̇од̣̇ад̇д̇асуд̇д̇аван̣н̣анаа • 7. Godattasuttavaṇṇanā
