| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਗੋਦਤ੍ਤਸੁਤ੍ਤવਣ੍ਣਨਾ
7. Godattasuttavaṇṇanā
੩੪੯. ਨੇਸਨ੍ਤਿ ਅਪ੍ਪਮਾਣਚੇਤੋવਿਮੁਤ੍ਤਿ-ਆਕਿਞ੍ਚਞ੍ਞਚੇਤੋવਿਮੁਤ੍ਤਿਸਞ੍ਞਿਤਾਨਂ ਝਾਨਾਨਂ। ਅਤ੍ਥੋਪਿ ਨਾਨਾਤਿ ਆਨੇਤ੍વਾ ਯੋਜਨਾ। ਫਰਣਅਪ੍ਪਮਾਣਤਾਯ ‘‘ਅਪ੍ਪਮਾਣਾ ਚੇਤੋવਿਮੁਤ੍ਤੀ’’ਤਿ ਲਦ੍ਧਨਾਮਂ ਬ੍ਰਹ੍ਮવਿਹਾਰਜ੍ਝਾਨਨ੍ਤਿ ਆਹ ‘‘ਭੂਮਨ੍ਤਰਤੋ’’ਤਿਆਦਿ। ਆਕਿਞ੍ਚਞ੍ਞਾ ਚੇਤੋવਿਮੁਤ੍ਤੀਤਿ ਆਕਿਞ੍ਚਞ੍ਞਾਯਤਨਜ੍ਝਾਨਨ੍ਤਿ ਆਹ ‘‘ਭੂਮਨ੍ਤਰਤੋ’’ਤਿਆਦਿ। વਿਪਸ੍ਸਨਾਤਿ ਅਨਿਚ੍ਚਾਨੁਪਸ੍ਸਨਾ, ਸਬ੍ਬਾਪਿ વਾ। ਪਮਾਣਕਰਣੋ ਨਾਮ ਯਸ੍ਸ ਸਯਂ ਉਪ੍ਪਜ੍ਜਤਿ, ਤਸ੍ਸ ਗੁਣਾਭਾવਦਸ੍ਸਨવਸੇਨ ਪਮਾਣਕਰਣਤੋ।
349.Nesanti appamāṇacetovimutti-ākiñcaññacetovimuttisaññitānaṃ jhānānaṃ. Atthopi nānāti ānetvā yojanā. Pharaṇaappamāṇatāya ‘‘appamāṇā cetovimuttī’’ti laddhanāmaṃ brahmavihārajjhānanti āha ‘‘bhūmantarato’’tiādi. Ākiñcaññā cetovimuttīti ākiñcaññāyatanajjhānanti āha ‘‘bhūmantarato’’tiādi. Vipassanāti aniccānupassanā, sabbāpi vā. Pamāṇakaraṇo nāma yassa sayaṃ uppajjati, tassa guṇābhāvadassanavasena pamāṇakaraṇato.
ਫਰਣਅਪ੍ਪਮਾਣਤਾਯਾਤਿ ਫਰਣવਸੇਨ ਅਪ੍ਪਮਾਣਗੋਚਰਤਾਯ। ਨਿਬ੍ਬਾਨਮ੍ਪਿ ਅਪ੍ਪਮਾਣਮੇવ ਪਮਾਣਗੋਚਰਾਨਂ ਕਿਲੇਸਾਨਂ ਆਰਮ੍ਮਣਭਾવਸ੍ਸਪਿ ਅਨਾਗਮਨਤੋ। ਖਲਨ੍ਤਿ ਖਲੇ ਪਸਾਰਿਤਸਾਲਿਸੀਸਾਦਿਭਣ੍ਡਂ। ਕਿਞ੍ਚੇਹੀਤਿ ਮਦ੍ਦਸ੍ਸੁ। ਤੇਨਾਹ ‘‘ਮਦ੍ਦਨਟ੍ਠੋ’’ਤਿ। ਆਰਮ੍ਮਣਭੂਤਂ, ਪਲਿਬੁਦ੍ਧਕਂ વਾ ਨਤ੍ਥਿ ਏਤਸ੍ਸ ਕਿਞ੍ਚਨਨ੍ਤਿ ਅਕਿਞ੍ਚਨਂ, ਅਕਿਞ੍ਚਨਮੇવ ਆਕਿਞ੍ਚਞ੍ਞਂ।
Pharaṇaappamāṇatāyāti pharaṇavasena appamāṇagocaratāya. Nibbānampi appamāṇameva pamāṇagocarānaṃ kilesānaṃ ārammaṇabhāvassapi anāgamanato. Khalanti khale pasāritasālisīsādibhaṇḍaṃ. Kiñcehīti maddassu. Tenāha ‘‘maddanaṭṭho’’ti. Ārammaṇabhūtaṃ, palibuddhakaṃ vā natthi etassa kiñcananti akiñcanaṃ, akiñcanameva ākiñcaññaṃ.
ਰੂਪਨਿਮਿਤ੍ਤਸ੍ਸਾਤਿ ਕਸਿਣਰੂਪਨਿਮਿਤ੍ਤਸ੍ਸ। ਨ ਗਹਿਤਾਤਿ ਸਰੂਪਤੋ ਨ ਗਹਿਤਾ, ਅਤ੍ਥਤੋ ਪਨ ਗਹਿਤਾ ਏવ। ਤੇਨਾਹ – ‘‘ਸਾ ਸੁਞ੍ਞਾ ਰਾਗੇਨਾਤਿਆਦਿવਚਨਤੋ ਸਬ੍ਬਤ੍ਥ ਅਨੁਪવਿਤ੍ਥਾવਾ’’ਤਿ।
Rūpanimittassāti kasiṇarūpanimittassa. Na gahitāti sarūpato na gahitā, atthato pana gahitā eva. Tenāha – ‘‘sā suññā rāgenātiādivacanato sabbattha anupavitthāvā’’ti.
ਨਾਨਾਤਿ ਸਦ੍ਦવਸੇਨ। ਏਕਤ੍ਥਾਤਿ ਆਰਮ੍ਮਣવਸੇਨ ਆਰਮ੍ਮਣਭਾવੇਨ ਏਕਸਭਾવਾ। ਤੇਨਾਹ ‘‘ਅਪ੍ਪਮਾਣਂ…ਪੇ॰… ਏਕਤ੍ਥਾ’’ਤਿ। ਆਰਮ੍ਮਣવਸੇਨਾਤਿ ਆਰਮ੍ਮਣਸ੍ਸ વਸੇਨ। ਚਤ੍ਤਾਰੋ ਹਿ ਮਗ੍ਗਾ, ਚਤ੍ਤਾਰਿ ਫਲਾਨਿ ਆਰਮ੍ਮਣવਸੇਨ ਨਿਬ੍ਬਾਨਪવਿਟ੍ਠਤਾਯ ਏਕਤ੍ਥਾ ਏਕਾਰਮ੍ਮਣਾ। ਅਞ੍ਞਸ੍ਮਿਂ ਪਨ ਠਾਨੇਤਿ ਇਦਂ વਿਸੁਂ વਿਸੁਂ ਗਹੇਤ੍વਾ વੁਤ੍ਤਂ ਅਪ੍ਪਮਾਣਾਦਿ ਪਰਿਯਾਯવੁਤ੍ਤਂ, ਨਿਬ੍ਬਾਨਂ ਆਰਬ੍ਭ ਪવਤ੍ਤਨਤੋ। ਤਸ੍ਮਾ ‘‘ਅਞ੍ਞਸ੍ਮਿ’’ਨ੍ਤਿ ਇਦਂ ਤੇਨ ਤੇਨ ਪਰਿਯਾਯੇਨ ਤਤ੍ਥ ਤਤ੍ਥ ਆਗਤਭਾવਂ ਸਨ੍ਧਾਯ વੁਤ੍ਤਂ।
Nānāti saddavasena. Ekatthāti ārammaṇavasena ārammaṇabhāvena ekasabhāvā. Tenāha ‘‘appamāṇaṃ…pe… ekatthā’’ti. Ārammaṇavasenāti ārammaṇassa vasena. Cattāro hi maggā, cattāri phalāni ārammaṇavasena nibbānapaviṭṭhatāya ekatthā ekārammaṇā. Aññasmiṃ pana ṭhāneti idaṃ visuṃ visuṃ gahetvā vuttaṃ appamāṇādi pariyāyavuttaṃ, nibbānaṃ ārabbha pavattanato. Tasmā ‘‘aññasmi’’nti idaṃ tena tena pariyāyena tattha tattha āgatabhāvaṃ sandhāya vuttaṃ.
ਗੋਦਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Godattasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਗੋਦਤ੍ਤਸੁਤ੍ਤਂ • 7. Godattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਗੋਦਤ੍ਤਸੁਤ੍ਤવਣ੍ਣਨਾ • 7. Godattasuttavaṇṇanā
