| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. г̇од̣̇ад̇д̇ад̇т̇зраг̇аат̇ааван̣н̣анаа
2. Godattattheragāthāvaṇṇanā
яат̇ааби бхад̣̇д̣̇од̇иаад̣̇игаа ааяасмад̇о г̇од̣̇ад̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ сад̇т̇аваахагулз ниб̣б̣ад̇д̇о. г̇од̣̇ад̇д̇од̇и наамзна ваяаббад̇д̇о бид̇ари гаалан̇гад̇з гудумб̣ам̣ сан̣табзнд̇о бан̃жахи сагадасад̇зхи бхан̣д̣ам̣ аад̣̇ааяа абараабарам̣ сан̃жарид̇ваа ваан̣иж̇ж̇зна ж̇ийвигам̣ габбзд̇и яат̇аавибхавам̣ бун̃н̃ааниби гарод̇и. со згад̣̇ивасам̣ анд̇араамаг̇г̇з д̇хурз яуд̇д̇аг̇он̣з вахид̇ум̣ асаггонд̇з бад̇ид̇з мануссзсу д̇ам̣ вудтаабзд̇ум̣ асаггонд̇зсу саяамзва г̇анд̇ваа д̇ам̣ нан̇г̇удтз г̇аал̣хам̣ виж̇жхи. г̇он̣о ‘‘аяам̣ асаббурисо мама б̣алааб̣алам̣ аж̇аананд̇о г̇аал̣хам̣ виж̇жхад̇ий’’д̇и гуд̣̇д̇хо мануссаваажааяа, ‘‘бхо г̇од̣̇ад̇д̇а, ахам̣ зд̇д̇агам̣ гаалам̣ ад̇д̇ано б̣алам̣ аниг̇уханд̇о д̇уяхам̣ бхаарам̣ вахим̣, аж̇ж̇а бана асамад̇т̇абхаавзна бад̇ид̇ам̣ мам̣ ад̇ивияа б̣аад̇хаси, ход̇у, ид̇о жавид̇ваа ниб̣б̣ад̇д̇аниб̣б̣ад̇д̇адтаанз д̇ам̣ б̣аад̇хзд̇ум̣ самад̇т̇о бадисад̇д̇у бхавзяяа’’нд̇и бад̇т̇анаануруубзна аггоси. д̇ам̣ суд̇ваа г̇од̣̇ад̇д̇о ‘‘звам̣ наама сад̇д̇з б̣аад̇хзд̇ваа гим̣ имааяа ж̇ийвигааяаа’’д̇и сам̣взг̇аж̇аад̇о саб̣б̣ам̣ вибхавам̣ бахааяа ан̃н̃ад̇арасса махаат̇зрасса санд̇игз баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ бад̇ваа самаабад̇д̇исукзна вийд̇инаамзнд̇о згад̣̇ивасам̣ ад̇д̇ано санд̇игам̣ убаг̇ад̇аанам̣ г̇ахадтабаб̣б̣аж̇ид̇аанам̣ арияаг̇ан̣аанам̣ логад̇хаммз аараб̣бха д̇хаммам̣ гат̇знд̇о –
Yathāpi bhaddotiādikā āyasmato godattattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā devamanussesu saṃsaranto imasmiṃ buddhuppāde sāvatthiyaṃ satthavāhakule nibbatto. Godattoti nāmena vayappatto pitari kālaṅkate kuṭumbaṃ saṇṭhapento pañcahi sakaṭasatehi bhaṇḍaṃ ādāya aparāparaṃ sañcaritvā vāṇijjena jīvikaṃ kappeti yathāvibhavaṃ puññānipi karoti. So ekadivasaṃ antarāmagge dhure yuttagoṇe vahituṃ asakkonte patite manussesu taṃ vuṭṭhāpetuṃ asakkontesu sayameva gantvā taṃ naṅguṭṭhe gāḷhaṃ vijjhi. Goṇo ‘‘ayaṃ asappuriso mama balābalaṃ ajānanto gāḷhaṃ vijjhatī’’ti kuddho manussavācāya, ‘‘bho godatta, ahaṃ ettakaṃ kālaṃ attano balaṃ aniguhanto tuyhaṃ bhāraṃ vahiṃ, ajja pana asamatthabhāvena patitaṃ maṃ ativiya bādhasi, hotu, ito cavitvā nibbattanibbattaṭṭhāne taṃ bādhetuṃ samattho paṭisattu bhaveyya’’nti patthanānurūpena akkosi. Taṃ sutvā godatto ‘‘evaṃ nāma satte bādhetvā kiṃ imāya jīvikāyā’’ti saṃvegajāto sabbaṃ vibhavaṃ pahāya aññatarassa mahātherassa santike pabbajitvā vipassanāya kammaṃ karonto nacirasseva arahattaṃ patvā samāpattisukhena vītināmento ekadivasaṃ attano santikaṃ upagatānaṃ gahaṭṭhapabbajitānaṃ ariyagaṇānaṃ lokadhamme ārabbha dhammaṃ kathento –
659.
659.
‘‘яат̇ааби бхад̣̇д̣̇о ааж̇ан̃н̃о, д̇хурз яуд̇д̇о д̇хурассахо;
‘‘Yathāpi bhaddo ājañño, dhure yutto dhurassaho;
мат̇ид̇о ад̇ибхаарзна, сам̣яуг̇ам̣ наад̇ивад̇д̇ад̇и.
Mathito atibhārena, saṃyugaṃ nātivattati.
660.
660.
‘‘звам̣ бан̃н̃ааяа яз д̇ид̇д̇аа, самуд̣̇д̣̇о вааринаа яат̇аа;
‘‘Evaṃ paññāya ye tittā, samuddo vārinā yathā;
на барз ад̇иман̃н̃анд̇и, арияад̇хаммова баан̣инам̣.
Na pare atimaññanti, ariyadhammova pāṇinaṃ.
661.
661.
‘‘гаалз гаалавасам̣ бад̇д̇аа, бхаваабхававасам̣ г̇ад̇аа;
‘‘Kāle kālavasaṃ pattā, bhavābhavavasaṃ gatā;
нараа д̣̇угкам̣ ниг̇ажчанд̇и, д̇зд̇ха сожанд̇и маан̣аваа.
Narā dukkhaṃ nigacchanti, tedha socanti māṇavā.
662.
662.
‘‘уннад̇аа сукад̇хаммзна, д̣̇угкад̇хаммзна жонад̇аа;
‘‘Unnatā sukhadhammena, dukkhadhammena conatā;
д̣̇ваязна б̣аалаа хан̃н̃анд̇и, яат̇аабхууд̇ам̣ ад̣̇ассино.
Dvayena bālā haññanti, yathābhūtaṃ adassino.
663.
663.
‘‘яз жа д̣̇угкз сукасмин̃жа, маж̇жхз сиб̣б̣инимажжаг̇уу;
‘‘Ye ca dukkhe sukhasmiñca, majjhe sibbinimaccagū;
тид̇аа д̇з инд̣̇акийлова, на д̇з уннад̇аонад̇аа.
Ṭhitā te indakhīlova, na te unnataonatā.
664.
664.
‘‘на хзва лаабхз наалаабхз, на яасз на жа гид̇д̇ияаа;
‘‘Na heva lābhe nālābhe, na yase na ca kittiyā;
на нинд̣̇ааяам̣ басам̣сааяа, на д̇з д̣̇угкз сукамхи жа.
Na nindāyaṃ pasaṃsāya, na te dukkhe sukhamhi ca.
665.
665.
‘‘саб̣б̣ад̇т̇а д̇з на лимбанд̇и, уд̣̇аб̣инд̣̇ува богкарз;
‘‘Sabbattha te na limpanti, udabinduva pokkhare;
саб̣б̣ад̇т̇а сукид̇аа д̇хийраа, саб̣б̣ад̇т̇а абарааж̇ид̇аа.
Sabbattha sukhitā dhīrā, sabbattha aparājitā.
666.
666.
‘‘д̇хаммзна жа алаабхо яо, яо жа лаабхо ад̇хаммиго;
‘‘Dhammena ca alābho yo, yo ca lābho adhammiko;
алаабхо д̇хаммиго сзяяо, яан̃жз лаабхо ад̇хаммиго.
Alābho dhammiko seyyo, yañce lābho adhammiko.
667.
667.
‘‘яасо жа аббаб̣уд̣̇д̇хийнам̣, вин̃н̃уунам̣ аяасо жа яо;
‘‘Yaso ca appabuddhīnaṃ, viññūnaṃ ayaso ca yo;
аяасова сзяяо вин̃н̃уунам̣, на яасо аббаб̣уд̣̇д̇хинам̣.
Ayasova seyyo viññūnaṃ, na yaso appabuddhinaṃ.
668.
668.
‘‘д̣̇уммзд̇хзхи басам̣саа жа, вин̃н̃уухи г̇арахаа жа яаа;
‘‘Dummedhehi pasaṃsā ca, viññūhi garahā ca yā;
г̇арахаава сзяяо вин̃н̃уухи, яан̃жз б̣аалаббасам̣санаа.
Garahāva seyyo viññūhi, yañce bālappasaṃsanā.
669.
669.
‘‘сукан̃жа гаамамаяигам̣, д̣̇угкан̃жа бавивзгияам̣;
‘‘Sukhañca kāmamayikaṃ, dukkhañca pavivekiyaṃ;
бавивзгад̣̇угкам̣ сзяяо, яан̃жз гаамамаяам̣ сукам̣.
Pavivekadukkhaṃ seyyo, yañce kāmamayaṃ sukhaṃ.
670.
670.
‘‘ж̇ийвид̇ан̃жа ад̇хаммзна, д̇хаммзна маран̣ан̃жа яам̣;
‘‘Jīvitañca adhammena, dhammena maraṇañca yaṃ;
маран̣ам̣ д̇хаммигам̣ сзяяо, яан̃жз ж̇ийвз ад̇хаммигам̣.
Maraṇaṃ dhammikaṃ seyyo, yañce jīve adhammikaṃ.
671.
671.
‘‘гаамагобаббахийнаа яз, санд̇ажид̇д̇аа бхаваабхавз;
‘‘Kāmakopappahīnā ye, santacittā bhavābhave;
жаранд̇и логз асид̇аа, над̇т̇и д̇зсам̣ бияаабияам̣.
Caranti loke asitā, natthi tesaṃ piyāpiyaṃ.
672.
672.
‘‘бхааваяид̇ваана б̣ож̇жхан̇г̇з, инд̣̇рияаани б̣алаани жа;
‘‘Bhāvayitvāna bojjhaṅge, indriyāni balāni ca;
баббуяяа барамам̣ санд̇им̣, бариниб̣б̣анд̇инаасаваа’’д̇и. – имаа г̇аат̇аа абхааси;
Pappuyya paramaṃ santiṃ, parinibbantināsavā’’ti. – imā gāthā abhāsi;
д̇ад̇т̇а ааж̇ан̃н̃од̇и, усабхааж̇аанийяо. д̇хурз яуд̇д̇од̇и, сагадад̇хурз яож̇ид̇о. д̇хурассаход̇и, д̇хураваахо. г̇аат̇аасукад̇т̇ан̃жзд̇т̇а д̣̇висагаарад̇о нид̣̇д̣̇зсо гад̇о, сагадабхаарам̣ вахид̇ум̣ самад̇т̇од̇и ад̇т̇о. мат̇ид̇о ад̇ибхаарзнаад̇и, ад̇ибхаарзна г̇арубхаарзна бийл̣ид̇о. ‘‘мад̣̇д̣̇ид̇о’’д̇иби баал̣и, со звад̇т̇о. сам̣яуг̇анд̇и, ад̇д̇ано канд̇хз табид̇ам̣ яуг̇ам̣ наад̇ивад̇д̇ад̇и на ад̇иггаамзд̇и, саммаа яо уд̣̇д̇харид̇ваа д̇хурам̣ чад̣д̣зд̇ваа на д̇идтад̇и. званд̇и яат̇аа со д̇хораяхо ад̇д̇ано бхад̣̇рааж̇аанийяад̇ааяа ад̇д̇ано д̇хийравийрад̇ааяа ад̇д̇ано бхаарам̣ наад̇ивад̇д̇ад̇и на барижжаж̇ад̇и, звам̣ яз вааринаа вияа махаасамуд̣̇д̣̇о логияалогуд̇д̇арааяа бан̃н̃ааяа д̇ид̇д̇аа д̇хаад̇аа барибун̣н̣аа, д̇з барз нихийнабан̃н̃з на ад̇иман̃н̃анд̇и, на барибхаванд̇и. д̇ад̇т̇а гааран̣амааха ‘‘арияад̇хаммова баан̣ина’’нд̇и, баан̣инам̣ сад̇д̇зсу аяам̣ арияаанам̣ д̇хаммо яад̣̇ид̣̇ам̣ д̇зсам̣ бан̃н̃ааяа баарибуурим̣ г̇ад̇ад̇д̇аа лаабхаад̣̇инаа ад̇д̇аануггам̣санам̣ вияа алаабхаад̣̇инаа барзсам̣ авамбханам̣.
Tattha ājaññoti, usabhājānīyo. Dhure yuttoti, sakaṭadhure yojito. Dhurassahoti, dhuravāho. Gāthāsukhatthañcettha dvisakārato niddeso kato, sakaṭabhāraṃ vahituṃ samatthoti attho. Mathito atibhārenāti, atibhārena garubhārena pīḷito. ‘‘Maddito’’tipi pāḷi, so evattho. Saṃyuganti, attano khandhe ṭhapitaṃ yugaṃ nātivattati na atikkāmeti, sammā yo uddharitvā dhuraṃ chaḍḍetvā na tiṭṭhati. Evanti yathā so dhorayho attano bhadrājānīyatāya attano dhīravīratāya attano bhāraṃ nātivattati na pariccajati, evaṃ ye vārinā viya mahāsamuddo lokiyalokuttarāya paññāya tittā dhātā paripuṇṇā, te pare nihīnapaññe na atimaññanti, na paribhavanti. Tattha kāraṇamāha ‘‘ariyadhammova pāṇina’’nti, pāṇinaṃ sattesu ayaṃ ariyānaṃ dhammo yadidaṃ tesaṃ paññāya pāripūriṃ gatattā lābhādinā attānukkaṃsanaṃ viya alābhādinā paresaṃ avambhanaṃ.
звам̣ бан̃н̃аабаарибуурияаа арияаанам̣ сукавихаарам̣ д̣̇ассзд̇ваа д̇ад̣̇абхаавад̇о анарияаанам̣ д̣̇угкавихаарам̣ д̣̇ассзд̇ум̣ ‘‘гаалз’’д̇иаад̣̇и вуд̇д̇ам̣. д̇ад̇т̇а гаалзд̇и лаабхаалаабхаад̣̇инаа саман̇г̇ийбхууд̇агаалз. гаалавасам̣ бад̇д̇аад̇и лаабхаад̣̇игааласса жа васам̣ убаг̇ад̇аа, лаабхаад̣̇инаа соманассид̇аа алаабхаад̣̇инаа жа д̣̇оманассид̇аад̇и ад̇т̇о. бхаваабхававасам̣ г̇ад̇аад̇и бхавасса абхавасса жа васам̣ убаг̇ад̇аа вуд̣̇д̇хихаанияо анувад̇д̇анд̇аа д̇з. нараа д̣̇угкам̣ ниг̇ажчанд̇и, д̇зд̇ха сожанд̇и маан̣аваад̇и д̇з нараа ‘‘маан̣аваа’’д̇и лад̣̇д̇ханаамаа сад̇д̇аа лаабхаалаабхаад̣̇ивасзна вуд̣̇д̇хихаанивасзна анурод̇хабадивирод̇хам̣ аабаннаа ид̇халогз сожанд̇и, баралогз жа нираяаад̣̇ид̣̇угкам̣ г̇ажчанд̇и баабун̣анд̇ийд̇и ад̇т̇о.
Evaṃ paññāpāripūriyā ariyānaṃ sukhavihāraṃ dassetvā tadabhāvato anariyānaṃ dukkhavihāraṃ dassetuṃ ‘‘kāle’’tiādi vuttaṃ. Tattha kāleti lābhālābhādinā samaṅgībhūtakāle. Kālavasaṃ pattāti lābhādikālassa ca vasaṃ upagatā, lābhādinā somanassitā alābhādinā ca domanassitāti attho. Bhavābhavavasaṃ gatāti bhavassa abhavassa ca vasaṃ upagatā vuddhihāniyo anuvattantā te. Narā dukkhaṃ nigacchanti, tedha socanti māṇavāti te narā ‘‘māṇavā’’ti laddhanāmā sattā lābhālābhādivasena vuddhihānivasena anurodhapaṭivirodhaṃ āpannā idhaloke socanti, paraloke ca nirayādidukkhaṃ gacchanti pāpuṇantīti attho.
‘‘уннад̇аа’’д̇иаад̣̇инааби логад̇хаммавасзна сад̇д̇аанам̣ анад̇т̇аббад̇д̇имзва д̣̇ассзд̇и. д̇ад̇т̇а уннад̇аа сукад̇хаммзнаад̇и сукахзд̇унаа сукабажжаязна бхог̇асамбад̇д̇иаад̣̇инаа уннад̇им̣ г̇ад̇аа, бхог̇амад̣̇аад̣̇инаа мад̇д̇аад̇и ад̇т̇о. д̣̇угкад̇хаммзна жонад̇аад̇и д̣̇угкахзд̇унаа д̣̇угкабажжаязна бхог̇авибад̇д̇иаад̣̇инаа нихийнад̇ам̣ г̇ад̇аа д̣̇аалид̣̇д̣̇ияаад̣̇инаа гаабан̃н̃ад̇ам̣ бад̇д̇аа. д̣̇ваязнаад̇и яат̇аавуд̇д̇зна уннад̇ионад̇ид̣̇ваязна лаабхаалаабхаад̣̇ид̣̇ваязна ваа б̣аалабут̇уж̇ж̇анаа хан̃н̃анд̇и, анурод̇хабадивирод̇хавасзна виб̣аад̇хийяанд̇и бийл̣ияанд̇и. гасмаа? яат̇аабхууд̇ам̣ ад̣̇ассино яасмаа д̇з д̇хаммасабхаавам̣ яаат̇аавад̇о наб̣бхан̃н̃ам̣су, барин̃н̃аад̇агканд̇хаа бахийнагилзсаа жа на хонд̇и, д̇асмаад̇и ад̇т̇о. ‘‘яат̇аабхууд̇ам̣ ад̣̇ассанаа’’д̇иби батанд̇и, ад̣̇ассанахзд̇ууд̇и ад̇т̇о. яз жа д̣̇угкз сукасмин̃жа, маж̇жхз сиб̣б̣инимажжаг̇ууд̇и яз бана арияаа д̣̇угкавзд̣̇анааяа сукавзд̣̇анааяа маж̇жхад̇д̇ад̇аавзд̣̇анааяа жа д̇аббадиб̣ад̣̇д̇хам̣ чанд̣̇арааг̇абхууд̇ам̣ сиб̣б̣иним̣ д̇ан̣хам̣ аг̇г̇амаг̇г̇аад̇хиг̇амзна ажжаг̇уу ад̇иггамим̣су, д̇з инд̣̇акийло вияа ваад̇зхи логад̇хаммзхи асамбагамбияаа тид̇аа, на д̇з уннад̇аонад̇аа, гад̣̇аажиби уннад̇аа ваа онад̇аа ваа на хонд̇и саб̣б̣асо анунаяабадигхаабхаавад̇о.
‘‘Unnatā’’tiādināpi lokadhammavasena sattānaṃ anatthappattimeva dasseti. Tattha unnatā sukhadhammenāti sukhahetunā sukhapaccayena bhogasampattiādinā unnatiṃ gatā, bhogamadādinā mattāti attho. Dukkhadhammena conatāti dukkhahetunā dukkhapaccayena bhogavipattiādinā nihīnataṃ gatā dāliddiyādinā kāpaññataṃ pattā. Dvayenāti yathāvuttena unnationatidvayena lābhālābhādidvayena vā bālaputhujjanā haññanti, anurodhapaṭivirodhavasena vibādhīyanti pīḷiyanti. Kasmā? Yathābhūtaṃ adassino yasmā te dhammasabhāvaṃ yāthāvato nabbhaññaṃsu, pariññātakkhandhā pahīnakilesā ca na honti, tasmāti attho. ‘‘Yathābhūtaṃ adassanā’’tipi paṭhanti, adassanahetūti attho. Ye ca dukkhe sukhasmiñca, majjhe sibbinimaccagūti ye pana ariyā dukkhavedanāya sukhavedanāya majjhattatāvedanāya ca tappaṭibaddhaṃ chandarāgabhūtaṃ sibbiniṃ taṇhaṃ aggamaggādhigamena accagū atikkamiṃsu, te indakhīlo viya vātehi lokadhammehi asampakampiyā ṭhitā, na te unnataonatā, kadācipi unnatā vā onatā vā na honti sabbaso anunayapaṭighābhāvato.
звам̣ взд̣̇анаад̇хидтаанам̣ арахад̇о анубалзбам̣ д̣̇ассзд̇ваа ид̣̇аани логад̇хаммз вибхаж̇ид̇ваа саб̣б̣ад̇т̇агамзвасса анубалзбам̣ д̣̇ассзнд̇о ‘‘на хзваа’’д̇иаад̣̇имааха. д̇ад̇т̇а лаабхзд̇и жийвараад̣̇ийнам̣ бажжаяаанам̣ бадилаабхз. алаабхзд̇и д̇зсам̣язва аббадилаабхз абаг̇амз. на яасзд̇и бариваарахаанияам̣ агид̇д̇ияан̃жа. гид̇д̇ияаад̇и бараммукаа гид̇д̇анз бад̇т̇адаяасад̇ааяам̣. нинд̣̇ааяанд̇и саммукаа г̇арахааяам̣. басам̣сааяанд̇и, бажжагкад̇о г̇ун̣аабхид̇т̇аванз. д̣̇угкзд̇и д̣̇угкз уббаннз. сукзд̇и зд̇т̇ааби зсзва наяо.
Evaṃ vedanādhiṭṭhānaṃ arahato anupalepaṃ dassetvā idāni lokadhamme vibhajitvā sabbatthakamevassa anupalepaṃ dassento ‘‘na hevā’’tiādimāha. Tattha lābheti cīvarādīnaṃ paccayānaṃ paṭilābhe. Alābheti tesaṃyeva appaṭilābhe apagame. Na yaseti parivārahāniyaṃ akittiyañca. Kittiyāti parammukhā kittane patthaṭayasatāyaṃ. Nindāyanti sammukhā garahāyaṃ. Pasaṃsāyanti, paccakkhato guṇābhitthavane. Dukkheti dukkhe uppanne. Sukheti etthāpi eseva nayo.
саб̣б̣ад̇т̇аад̇и саб̣б̣асмим̣ яат̇аавуд̇д̇з адтавид̇хзби логад̇хаммз, саб̣б̣ад̇т̇а ваа руубаад̣̇игз висаяз д̇з кийн̣аасаваа на лимбанд̇и саб̣б̣асо бахийнагилзсад̇д̇аа. яат̇аа гим̣? уд̣̇аб̣инд̣̇ува богкарз яат̇аа гамалад̣̇алз ж̇алаб̣инд̣̇у аллийяид̇ваа тид̇амби д̇зна на лимбад̇и, ж̇алаб̣инд̣̇унаа жа гамалад̣̇алам̣, ан̃н̃ад̣̇ад̇т̇у висам̣садтамзва, звамзд̇зби убадтид̇з лаабхаад̣̇игз, аабаат̇аг̇ад̇з руубаад̣̇иаарамман̣з жа висам̣садтаа звам̣. д̇ад̇о зва д̇хийраа бан̣д̣ид̇аа саб̣б̣ад̇т̇а лаабхаад̣̇ийсу н̃аан̣амукзна бияанимид̇д̇аанам̣ согаад̣̇ийнан̃жа абхаавад̇о сукид̇аа лаабхаад̣̇ийхи жа анабхибхаванийяад̇о саб̣б̣ад̇т̇а абарааж̇ид̇аава хонд̇и.
Sabbatthāti sabbasmiṃ yathāvutte aṭṭhavidhepi lokadhamme, sabbattha vā rūpādike visaye te khīṇāsavā na limpanti sabbaso pahīnakilesattā. Yathā kiṃ? Udabinduva pokkhare yathā kamaladale jalabindu allīyitvā ṭhitampi tena na limpati, jalabindunā ca kamaladalaṃ, aññadatthu visaṃsaṭṭhameva, evametepi upaṭṭhite lābhādike, āpāthagate rūpādiārammaṇe ca visaṃsaṭṭhā evaṃ. Tato eva dhīrā paṇḍitā sabbattha lābhādīsu ñāṇamukhena piyanimittānaṃ sokādīnañca abhāvato sukhitā lābhādīhi ca anabhibhavanīyato sabbattha aparājitāva honti.
ид̣̇аани лаабхаалаабхаад̣̇ийсу сзяяам̣ нид̣̇д̇хаарзд̇ваа д̣̇ассзнд̇о ‘‘д̇хаммзнаа’’д̇иаад̣̇имааха. д̇ад̇т̇а д̇хаммзна жа алаабхо яод̇и яо д̇хаммам̣ рагканд̇асса д̇ам̣нимид̇д̇ам̣ алаабхо лаабхаабхааво, лаабхахаани. яо жа лаабхо ад̇хаммиго ад̇хаммзна ан̃н̃ааязна б̣уд̣̇д̇хабадигудтзна вид̇хинаа уббанно, д̇зсу д̣̇вийсу алаабхо д̇хаммиго д̇хаммаавахо сзяяо, яаад̣̇исам̣ лаабхам̣ бариваж̇ж̇анд̇асса агусалаа д̇хаммаа барихааяанд̇и, гусалаа д̇хаммаа абхивад̣дханд̇и, д̇аад̣̇исо алаабхо баасам̣сад̇аро ад̇т̇аавахо. яан̃жз лаабхо ад̇хаммигод̇и яо лаабхо ад̇хаммзна уббанно, со на сзяяод̇и ад̇хиббааяо.
Idāni lābhālābhādīsu seyyaṃ niddhāretvā dassento ‘‘dhammenā’’tiādimāha. Tattha dhammena ca alābho yoti yo dhammaṃ rakkhantassa taṃnimittaṃ alābho lābhābhāvo, lābhahāni. Yo ca lābho adhammiko adhammena aññāyena buddhapaṭikuṭṭhena vidhinā uppanno, tesu dvīsu alābho dhammiko dhammāvaho seyyo, yādisaṃ lābhaṃ parivajjantassa akusalā dhammā parihāyanti, kusalā dhammā abhivaḍḍhanti, tādiso alābho pāsaṃsataro atthāvaho. Yañce lābho adhammikoti yo lābho adhammena uppanno, so na seyyoti adhippāyo.
яасо жа аббаб̣уд̣̇д̇хийнам̣, вин̃н̃уунам̣ аяасо жа яод̇и яо аббаб̣уд̣̇д̇хийнам̣ д̣̇уббан̃н̃аанам̣ васзна буг̇г̇аласса яасо лаб̣бхад̇и, яо жа вин̃н̃уунам̣ бан̣д̣ид̇аанам̣ васзна аяасо яасахаани. имзсу д̣̇вийсу аяасова сзяяо вин̃н̃уунам̣. д̇з хисса яат̇аа агусалаа д̇хаммаа барихааяанд̇и, гусалаа д̇хаммаа абхивад̣дханд̇и, звам̣ яасахааним̣ ижчзяяум̣, д̇ат̇аа жа бхаб̣б̣аж̇аад̇иго д̇ам̣ аг̇ун̣ам̣ бахааяа г̇ун̣з бад̇идтзяяа. на яасо аббаб̣уд̣̇д̇хийнанд̇и д̣̇уббан̃н̃аанам̣ васзна яасо сзяяо ход̇и, д̇з хи абхууд̇аг̇ун̣аабхиб̣яаахааравасзнааби нам̣ уббаад̣̇зяяум̣, со жасса ид̇ха жзва вин̃н̃ууг̇арахаад̣̇инаа самбарааяз жа д̣̇уг̇г̇ад̇ияам̣ д̣̇угкабариггилзсаад̣̇инаа анад̇т̇аавахо. д̇знааха бхаг̇аваа – ‘‘лаабхо силого саггааро, мижчаалад̣̇д̇хо жа яо яасо’’д̇и (су. ни. 440) ‘‘саггааро гаабурисам̣ ханд̇ий’’д̇и (жуул̣ава. 335; а. ни. 4.68) жа.
Yasoca appabuddhīnaṃ, viññūnaṃ ayaso ca yoti yo appabuddhīnaṃ duppaññānaṃ vasena puggalassa yaso labbhati, yo ca viññūnaṃ paṇḍitānaṃ vasena ayaso yasahāni. Imesu dvīsu ayasova seyyo viññūnaṃ. Te hissa yathā akusalā dhammā parihāyanti, kusalā dhammā abhivaḍḍhanti, evaṃ yasahāniṃ iccheyyuṃ, tathā ca bhabbajātiko taṃ aguṇaṃ pahāya guṇe patiṭṭheyya. Na yaso appabuddhīnanti duppaññānaṃ vasena yaso seyyo hoti, te hi abhūtaguṇābhibyāhāravasenāpi naṃ uppādeyyuṃ, so cassa idha ceva viññūgarahādinā samparāye ca duggatiyaṃ dukkhaparikkilesādinā anatthāvaho. Tenāha bhagavā – ‘‘lābho siloko sakkāro, micchāladdho ca yo yaso’’ti (su. ni. 440) ‘‘sakkāro kāpurisaṃ hantī’’ti (cūḷava. 335; a. ni. 4.68) ca.
д̣̇уммзд̇хзхийд̇и, ниббан̃н̃зхи. яан̃жз б̣аалаббасам̣санаад̇и б̣аалзхи авид̣̇д̣̇асуухи яаа наама басам̣санаа.
Dummedhehīti, nippaññehi. Yañce bālappasaṃsanāti bālehi aviddasūhi yā nāma pasaṃsanā.
гаамамаяиганд̇и вад̇т̇угаамамаяам̣, гаамаг̇ун̣з бадижжа уббаннам̣. д̣̇угкан̃жа бавивзгияанд̇и бавивзгад̇о ниб̣б̣ад̇д̇ам̣ гааяагиламат̇авасзна бавад̇д̇ам̣ висамаасанубад̇аабаад̣̇ихзд̇угам̣ гааяигам̣ д̣̇угкам̣, д̇ам̣ бана нираамисавиваддуубаниссаяад̇ааяа вин̃н̃уунам̣ баасам̣саа. д̇зна вуд̇д̇ам̣ ‘‘бавивзгад̣̇угкам̣ сзяяо’’д̇и.
Kāmamayikanti vatthukāmamayaṃ, kāmaguṇe paṭicca uppannaṃ. Dukkhañca pavivekiyanti pavivekato nibbattaṃ kāyakilamathavasena pavattaṃ visamāsanupatāpādihetukaṃ kāyikaṃ dukkhaṃ, taṃ pana nirāmisavivaṭṭūpanissayatāya viññūnaṃ pāsaṃsā. Tena vuttaṃ ‘‘pavivekadukkhaṃ seyyo’’ti.
ж̇ийвид̇ан̃жа ад̇хаммзнаад̇и ад̇хаммзна ж̇ийвигагаббанам̣ ж̇ийвид̇ахзд̇у ад̇хаммажаран̣ам̣. д̇хаммзна маран̣ам̣ наама ‘‘имам̣ наама баабам̣ агаронд̇ам̣ д̇ам̣ маарзссаамий’’д̇и гзнажи вуд̇д̇з маарзнд̇зби д̇асмим̣ баабам̣ агад̇ваа д̇хаммам̣ авигобзнд̇асса д̇хаммахзд̇умаран̣ам̣ д̇хаммигам̣ сзяяод̇и д̇аад̣̇исам̣ маран̣ам̣ д̇хаммад̇о анабзд̇ад̇д̇аа д̇хаммигам̣ саг̇г̇асамбаабанад̇о ниб̣б̣аанубаниссаяад̇о жа вин̃н̃уунам̣ баасам̣сад̇арам̣. д̇ат̇аа хи вуд̇д̇ам̣ –
Jīvitañcaadhammenāti adhammena jīvikakappanaṃ jīvitahetu adhammacaraṇaṃ. Dhammena maraṇaṃ nāma ‘‘imaṃ nāma pāpaṃ akarontaṃ taṃ māressāmī’’ti kenaci vutte mārentepi tasmiṃ pāpaṃ akatvā dhammaṃ avikopentassa dhammahetumaraṇaṃ dhammikaṃ seyyoti tādisaṃ maraṇaṃ dhammato anapetattā dhammikaṃ saggasampāpanato nibbānupanissayato ca viññūnaṃ pāsaṃsataraṃ. Tathā hi vuttaṃ –
‘‘жаж̇з д̇ханам̣ ан̇г̇аварасса хзд̇у, ан̇г̇ам̣ жаж̇з ж̇ийвид̇ам̣ рагкамаано;
‘‘Caje dhanaṃ aṅgavarassa hetu, aṅgaṃ caje jīvitaṃ rakkhamāno;
ан̇г̇ам̣ д̇ханам̣ ж̇ийвид̇ан̃жааби саб̣б̣ам̣, жаж̇з наро д̇хаммамануссаранд̇о’’д̇и. (ж̇аа. 2.21.470);
Aṅgaṃ dhanaṃ jīvitañcāpi sabbaṃ, caje naro dhammamanussaranto’’ti. (jā. 2.21.470);
яан̃жз ж̇ийвз ад̇хаммиганд̇и бурисо яам̣ д̇хаммад̇о абзд̇ам̣ ж̇ийвигам̣ ж̇ийвзяяа, д̇ам̣ на сзвзяяа вин̃н̃уухи г̇арахид̇ад̇д̇аа абааяасамбаабанад̇о жаад̇и ад̇хиббааяо.
Yañce jīve adhammikanti puriso yaṃ dhammato apetaṃ jīvikaṃ jīveyya, taṃ na seveyya viññūhi garahitattā apāyasampāpanato cāti adhippāyo.
ид̣̇аани яат̇аавуд̇д̇ам̣ кийн̣аасаваанам̣ анубалзбам̣ гааран̣ад̇о д̣̇ассзнд̇о ‘‘гаамагобабахийнаа’’д̇иаад̣̇иг̇аат̇амааха.
Idāni yathāvuttaṃ khīṇāsavānaṃ anupalepaṃ kāraṇato dassento ‘‘kāmakopapahīnā’’tiādigāthamāha.
д̇ад̇т̇а гаамагобабахийнаад̇и арияамаг̇г̇зна саб̣б̣асова бахийнаа анурод̇хабадивирод̇хаа. санд̇ажид̇д̇аа бхаваабхавзд̇и куд̣̇д̣̇агз жзва маханд̇з жа бхавз анавасзсабахийнагилзсабарил̣аахад̇ааяа вуубасанд̇ажид̇д̇аа. логзд̇и канд̇хаад̣̇илогз. асид̇аад̇и д̇ан̣хаад̣̇идтиниссаяавасзна аниссид̇аа. над̇т̇и д̇зсам̣ бияаабияанд̇и д̇зсам̣ кийн̣аасаваанам̣ гад̇т̇ажи лаабхаад̣̇игз руубаад̣̇ивисаяз жа бияам̣ ваа абияам̣ ваа над̇т̇и, д̇ам̣нимид̇д̇аанам̣ гилзсаанам̣ саб̣б̣асо самужчиннад̇д̇аа.
Tattha kāmakopapahīnāti ariyamaggena sabbasova pahīnā anurodhapaṭivirodhā. Santacittā bhavābhaveti khuddake ceva mahante ca bhave anavasesapahīnakilesapariḷāhatāya vūpasantacittā. Loketi khandhādiloke. Asitāti taṇhādiṭṭhinissayavasena anissitā. Natthi tesaṃ piyāpiyanti tesaṃ khīṇāsavānaṃ katthaci lābhādike rūpādivisaye ca piyaṃ vā apiyaṃ vā natthi, taṃnimittānaṃ kilesānaṃ sabbaso samucchinnattā.
ид̣̇аани яааяа бхааванааяа д̇з зваруубаа ж̇аад̇аа, д̇ам̣ д̣̇ассзд̇ваа анубаад̣̇исзсааяа ниб̣б̣аанад̇хаад̇уяаа д̣̇зсанааяа гуудам̣ г̇ан̣ханд̇о ‘‘бхааваяид̇ваанаа’’д̇и осаанаг̇аат̇амааха. д̇ад̇т̇а баббуяяаад̇и, баабун̣ид̇ваа. сзсам̣ хздтаа вуд̇д̇анаяамзва. имаа зва жа г̇аат̇аа т̇зрасса ан̃н̃ааб̣яаагаран̣ааби ахзсум̣.
Idāni yāya bhāvanāya te evarūpā jātā, taṃ dassetvā anupādisesāya nibbānadhātuyā desanāya kūṭaṃ gaṇhanto ‘‘bhāvayitvānā’’ti osānagāthamāha. Tattha pappuyyāti, pāpuṇitvā. Sesaṃ heṭṭhā vuttanayameva. Imā eva ca gāthā therassa aññābyākaraṇāpi ahesuṃ.
г̇од̣̇ад̇д̇ад̇т̇зраг̇аат̇ааван̣н̣анаа нидтид̇аа.
Godattattheragāthāvaṇṇanā niṭṭhitā.
жуд̣̇д̣̇асаганибаад̇аван̣н̣анаа нидтид̇аа.
Cuddasakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. г̇од̣̇ад̇д̇ад̇т̇зраг̇аат̇аа • 2. Godattattheragāthā
