| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[138] 8. г̇од̇хааж̇аад̇агаван̣н̣анаа
[138] 8. Godhājātakavaṇṇanā
гим̣ д̇з ж̇адаахи д̣̇уммзд̇хаад̇и ид̣̇ам̣ сад̇т̇аа ж̇зд̇аванз вихаранд̇о згам̣ гухагабхигкум̣ аараб̣бха гат̇зси. бажжуббаннавад̇т̇у хздтаа гат̇ид̇асад̣̇исамзва.
Kiṃ te jaṭāhi dummedhāti idaṃ satthā jetavane viharanto ekaṃ kuhakabhikkhuṃ ārabbha kathesi. Paccuppannavatthu heṭṭhā kathitasadisameva.
ад̇ийд̇з бана б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇од̇хааяонияам̣ бадисанд̇хим̣ г̇ан̣хи. д̇ад̣̇аа зго бан̃жаабхин̃н̃о уг̇г̇ад̇або д̇аабасо згам̣ бажжанд̇аг̇аамам̣ ниссааяа аран̃н̃ааяад̇анз бан̣н̣асаалааяам̣ васад̇и, г̇аамаваасино д̇аабасам̣ саггажжам̣ убадтаханд̇и. б̣од̇хисад̇д̇о д̇асса жан̇гаманагодияам̣ згасмим̣ ваммигз васад̇и, васанд̇о жа бана д̣̇ивасз д̣̇ивасз д̣̇вз д̇аяо ваарз д̇аабасам̣ убасан̇гамид̇ваа д̇хаммуубасам̣хид̇ам̣ ад̇т̇уубасам̣хид̇ан̃жа важанам̣ суд̇ваа д̇аабасам̣ ванд̣̇ид̇ваа васанадтаанамзва г̇ажчад̇и. абарабхааг̇з д̇аабасо г̇аамаваасино аабужчид̇ваа баггаами. баггаманд̇з жа бана д̇асмим̣ сийлавад̇асамбаннз д̇аабасз ан̃н̃о гуудад̇аабасо ааг̇анд̇ваа д̇асмим̣ ассамабад̣̇з ваасам̣ габбзси. б̣од̇хисад̇д̇о ‘‘аяамби сийлаваа’’д̇и саллагкзд̇ваа буриманаязнзва д̇асса санд̇игам̣ аг̇амааси.
Atīte pana bārāṇasiyaṃ brahmadatte rajjaṃ kārente bodhisatto godhāyoniyaṃ paṭisandhiṃ gaṇhi. Tadā eko pañcābhiñño uggatapo tāpaso ekaṃ paccantagāmaṃ nissāya araññāyatane paṇṇasālāyaṃ vasati, gāmavāsino tāpasaṃ sakkaccaṃ upaṭṭhahanti. Bodhisatto tassa caṅkamanakoṭiyaṃ ekasmiṃ vammike vasati, vasanto ca pana divase divase dve tayo vāre tāpasaṃ upasaṅkamitvā dhammūpasaṃhitaṃ atthūpasaṃhitañca vacanaṃ sutvā tāpasaṃ vanditvā vasanaṭṭhānameva gacchati. Aparabhāge tāpaso gāmavāsino āpucchitvā pakkāmi. Pakkamante ca pana tasmiṃ sīlavatasampanne tāpase añño kūṭatāpaso āgantvā tasmiṃ assamapade vāsaṃ kappesi. Bodhisatto ‘‘ayampi sīlavā’’ti sallakkhetvā purimanayeneva tassa santikaṃ agamāsi.
ат̇згад̣̇ивасам̣ нид̣̇аагхасамаяз агааламзгхз вудтз ваммигзхи магкигаа нигкамим̣су, д̇аасам̣ каад̣̇анад̇т̇ам̣ г̇од̇хаа аахин̣д̣им̣су. г̇аамаваасино нигкамид̇ваа магкигаакаад̣̇агаа г̇од̇хаа г̇ахзд̇ваа синид̣̇д̇хасамбхаарасам̣яуд̇д̇ам̣ амб̣илаанамб̣илам̣ г̇од̇хаамам̣сам̣ самбаад̣̇зд̇ваа д̇аабасасса ад̣̇ам̣су. д̇аабасо г̇од̇хаамам̣сам̣ каад̣̇ид̇ваа расад̇ан̣хааяа б̣ад̣̇д̇хо ‘‘ид̣̇ам̣ мам̣сам̣ ад̇имад̇хурам̣, гисса мам̣сам̣ наамзд̇а’’нд̇и бужчид̇ваа ‘‘г̇од̇хаамам̣са’’нд̇и суд̇ваа ‘‘мама санд̇игам̣ махааг̇од̇хаа ааг̇ажчад̇и, д̇ам̣ маарзд̇ваа мам̣сам̣ каад̣̇иссаамий’’д̇и жинд̇зси. жинд̇зд̇ваа жа бана бхааж̇анан̃жа саббилон̣аад̣̇ийни жа аахараабзд̇ваа згаманд̇з табзд̇ваа муг̇г̇арамаад̣̇ааяа гаасаавзна бадижчаад̣̇зд̇ваа бан̣н̣асаалаад̣̇ваарз б̣од̇хисад̇д̇асса ааг̇аманам̣ ологаяамаано убасанд̇уубасанд̇о вияа худ̇ваа нисийд̣̇и б̣од̇хисад̇д̇о сааяанхасамаяз ‘‘д̇аабасасса санд̇игам̣ г̇амиссаамий’’д̇и нигкамид̇ваа убасан̇гаманд̇ова д̇асса инд̣̇рияавиббагаарам̣ д̣̇исваа жинд̇зси ‘‘нааяам̣ д̇аабасо ан̃н̃зсу д̣̇ивасзсу нисийд̣̇анаагаарзна нисинно, аж̇ж̇зса мам̣ ологзнд̇оби д̣̇удтинд̣̇рияо худ̇ваа ологзд̇и, бариг̇г̇ан̣хиссаами на’’нд̇и. со д̇аабасасса хздтааваад̇з тад̇ваа г̇од̇хаамам̣саг̇анд̇хам̣ гхааяид̇ваа ‘‘иминаа гуудад̇аабасзна аж̇ж̇а г̇од̇хаамам̣сам̣ каад̣̇ид̇ам̣ бхависсад̇и, д̇знзса расад̇ан̣хааяа б̣ад̣̇д̇хо аж̇ж̇а мам̣ ад̇д̇ано санд̇игам̣ убасан̇гаманд̇ам̣ муг̇г̇арзна бахарид̇ваа мам̣сам̣ бажид̇ваа каад̣̇ид̇угаамо бхависсад̇ий’’д̇и д̇асса санд̇игам̣ анубаг̇анд̇ваава бадиггамид̇ваа вижарад̇и.
Athekadivasaṃ nidāghasamaye akālameghe vuṭṭhe vammikehi makkhikā nikkhamiṃsu, tāsaṃ khādanatthaṃ godhā āhiṇḍiṃsu. Gāmavāsino nikkhamitvā makkhikākhādakā godhā gahetvā siniddhasambhārasaṃyuttaṃ ambilānambilaṃ godhāmaṃsaṃ sampādetvā tāpasassa adaṃsu. Tāpaso godhāmaṃsaṃ khāditvā rasataṇhāya baddho ‘‘idaṃ maṃsaṃ atimadhuraṃ, kissa maṃsaṃ nāmeta’’nti pucchitvā ‘‘godhāmaṃsa’’nti sutvā ‘‘mama santikaṃ mahāgodhā āgacchati, taṃ māretvā maṃsaṃ khādissāmī’’ti cintesi. Cintetvā ca pana bhājanañca sappiloṇādīni ca āharāpetvā ekamante ṭhapetvā muggaramādāya kāsāvena paṭicchādetvā paṇṇasālādvāre bodhisattassa āgamanaṃ olokayamāno upasantūpasanto viya hutvā nisīdi bodhisatto sāyanhasamaye ‘‘tāpasassa santikaṃ gamissāmī’’ti nikkhamitvā upasaṅkamantova tassa indriyavippakāraṃ disvā cintesi ‘‘nāyaṃ tāpaso aññesu divasesu nisīdanākārena nisinno, ajjesa maṃ olokentopi duṭṭhindriyo hutvā oloketi, pariggaṇhissāmi na’’nti. So tāpasassa heṭṭhāvāte ṭhatvā godhāmaṃsagandhaṃ ghāyitvā ‘‘iminā kūṭatāpasena ajja godhāmaṃsaṃ khāditaṃ bhavissati, tenesa rasataṇhāya baddho ajja maṃ attano santikaṃ upasaṅkamantaṃ muggarena paharitvā maṃsaṃ pacitvā khāditukāmo bhavissatī’’ti tassa santikaṃ anupagantvāva paṭikkamitvā vicarati.
д̇аабасо б̣од̇хисад̇д̇асса анааг̇аманабхаавам̣ н̃ад̇ваа ‘‘иминаа ‘аяам̣ мам̣ бахарид̇угаамо’д̇и н̃аад̇ам̣ бхависсад̇и, д̇зна гааран̣зна нааг̇ажчад̇и, анааг̇ажчанд̇ассаабисса гуд̇о муд̇д̇ий’’д̇и муг̇г̇арам̣ нийхарид̇ваа киби. со д̇асса аг̇г̇анан̇г̇удтамзва аасаад̣̇зси. б̣од̇хисад̇д̇о взг̇зна ваммигам̣ бависид̇ваа ан̃н̃зна чид̣̇д̣̇зна сийсам̣ угкибид̇ваа ‘‘амбхо гуудаж̇адила, ахам̣ д̇ава санд̇игам̣ убасан̇гаманд̇о ‘сийлаваа’д̇и сан̃н̃ааяа убасан̇гамим̣, ид̣̇аани бана д̇з маяаа гуудабхааво н̃аад̇о, д̇аад̣̇исасса махаажорасса гим̣ иминаа баб̣б̣аж̇ж̇аалин̇г̇знаа’’д̇и вад̇ваа д̇ам̣ г̇араханд̇о имам̣ г̇аат̇амааха –
Tāpaso bodhisattassa anāgamanabhāvaṃ ñatvā ‘‘iminā ‘ayaṃ maṃ paharitukāmo’ti ñātaṃ bhavissati, tena kāraṇena nāgacchati, anāgacchantassāpissa kuto muttī’’ti muggaraṃ nīharitvā khipi. So tassa agganaṅguṭṭhameva āsādesi. Bodhisatto vegena vammikaṃ pavisitvā aññena chiddena sīsaṃ ukkhipitvā ‘‘ambho kūṭajaṭila, ahaṃ tava santikaṃ upasaṅkamanto ‘sīlavā’ti saññāya upasaṅkamiṃ, idāni pana te mayā kūṭabhāvo ñāto, tādisassa mahācorassa kiṃ iminā pabbajjāliṅgenā’’ti vatvā taṃ garahanto imaṃ gāthamāha –
138.
138.
‘‘гим̣ д̇з ж̇адаахи д̣̇уммзд̇ха, гим̣ д̇з аж̇инасаадияаа;
‘‘Kiṃ te jaṭāhi dummedha, kiṃ te ajinasāṭiyā;
аб̣бханд̇арам̣ д̇з г̇аханам̣, б̣аахирам̣ баримаж̇ж̇асий’’д̇и.
Abbhantaraṃ te gahanaṃ, bāhiraṃ parimajjasī’’ti.
д̇ад̇т̇а гим̣ д̇з ж̇адаахи д̣̇уммзд̇хаад̇и амбхо д̣̇уммзд̇ха, ниббан̃н̃а зд̇аа баб̣б̣аж̇ид̇зна д̇хаарзд̇аб̣б̣аа ж̇адаа, баб̣б̣аж̇ж̇ааг̇ун̣арахид̇асса гим̣ д̇з д̇аахи ж̇адаахийд̇и ад̇т̇о. гим̣ д̇з аж̇инасаадияаад̇и аж̇инасаадияаа анужчавигасса сам̣варасса абхаавагаалад̇о бадтааяа гим̣ д̇з аж̇инасаадияаа. аб̣бханд̇арам̣ д̇з г̇ахананд̇и д̇ава аб̣бханд̇арам̣ хад̣̇аяам̣ рааг̇ад̣̇осамохаг̇аханзна г̇аханам̣ бадижчаннам̣. б̣аахирам̣ баримаж̇ж̇асийд̇и со д̇вам̣ аб̣бханд̇арз г̇аханз нхаанаад̣̇ийхи жзва лин̇г̇аг̇аханзна жа б̣аахирам̣ баримаж̇ж̇аси, д̇ам̣ баримаж̇ж̇анд̇о ган̃ж̇игабуурид̇алааб̣у вияа висабуурид̇ажаади вияа аасийвисабуурид̇аваммиго вияа г̇уут̇абуурид̇ажид̇д̇агхадо вияа жа б̣ахимадтова хоси, гим̣ д̇аяаа жорзна ид̇ха васанд̇зна, сийгхам̣ ид̇о балааяаахи, но жз балааяаси, г̇аамаваасийнам̣ д̇з аажигкид̇ваа ниг̇г̇ахам̣ гаараабзссаамийд̇и.
Tattha kiṃ te jaṭāhi dummedhāti ambho dummedha, nippañña etā pabbajitena dhāretabbā jaṭā, pabbajjāguṇarahitassa kiṃ te tāhi jaṭāhīti attho. Kiṃ te ajinasāṭiyāti ajinasāṭiyā anucchavikassa saṃvarassa abhāvakālato paṭṭhāya kiṃ te ajinasāṭiyā. Abbhantaraṃ te gahananti tava abbhantaraṃ hadayaṃ rāgadosamohagahanena gahanaṃ paṭicchannaṃ. Bāhiraṃ parimajjasīti so tvaṃ abbhantare gahane nhānādīhi ceva liṅgagahanena ca bāhiraṃ parimajjasi, taṃ parimajjanto kañjikapūritalābu viya visapūritacāṭi viya āsīvisapūritavammiko viya gūthapūritacittaghaṭo viya ca bahimaṭṭhova hosi, kiṃ tayā corena idha vasantena, sīghaṃ ito palāyāhi, no ce palāyasi, gāmavāsīnaṃ te ācikkhitvā niggahaṃ kārāpessāmīti.
звам̣ б̣од̇хисад̇д̇о гуудад̇аабасам̣ д̇аж̇ж̇зд̇ваа ваммигамзва баависи, гуудад̇аабасоби д̇ад̇о баггаами.
Evaṃ bodhisatto kūṭatāpasaṃ tajjetvā vammikameva pāvisi, kūṭatāpasopi tato pakkāmi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гуудад̇аабасо аяам̣ гухаго ахоси, буримо сийлаванд̇ад̇аабасо саарибуд̇д̇о, г̇од̇хаабан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kūṭatāpaso ayaṃ kuhako ahosi, purimo sīlavantatāpaso sāriputto, godhāpaṇḍito pana ahameva ahosi’’nti.
г̇од̇хааж̇аад̇агаван̣н̣анаа адтамаа.
Godhājātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 138. г̇од̇хаж̇аад̇агам̣ • 138. Godhajātakaṃ
