| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
15. гаган̣дагаваг̇г̇о
15. Kakaṇṭakavaggo
[141] 1. г̇од̇хааж̇аад̇агаван̣н̣анаа
[141] 1. Godhājātakavaṇṇanā
на баабаж̇анасам̣сзвийд̇и ид̣̇ам̣ сад̇т̇аа взл̣уванз вихаранд̇о згам̣ вибагкасзвим̣ бхигкум̣ аараб̣бха гат̇зси. бажжуббаннавад̇т̇у махил̣аамукаж̇аад̇агз гат̇ид̇асад̣̇исамзва.
Napāpajanasaṃsevīti idaṃ satthā veḷuvane viharanto ekaṃ vipakkhaseviṃ bhikkhuṃ ārabbha kathesi. Paccuppannavatthu mahiḷāmukhajātake kathitasadisameva.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇од̇хааяонияам̣ бадисанд̇хим̣ г̇ан̣хи. со ваяаббад̇д̇о над̣̇ийд̇ийрз махааб̣илз анзгаг̇од̇хаасад̇абаривааро ваасам̣ габбзси. д̇асса буд̇д̇о г̇од̇хаабиллаго згзна гаган̣дагзна сад̣̇д̇хим̣ сант̇авам̣ гад̇ваа д̇зна сад̣̇д̇хим̣ саммод̣̇амаано вихаранд̇о ‘‘гаган̣дагам̣ бариссаж̇иссаамий’’д̇и авад̇т̇арад̇и. д̇асса д̇зна сад̣̇д̇хим̣ виссаасам̣ г̇од̇хаарааж̇асса аарожзсум̣. г̇од̇хаарааж̇аа буд̇д̇ам̣ баггосаабзд̇ваа ‘‘д̇аад̇а, д̇вам̣ адтаанз виссаасам̣ гароси, гаган̣дагаа наама нийжаж̇аад̇игаа, д̇зхи сад̣̇д̇хим̣ виссаасо на гад̇д̇аб̣б̣о. сажз д̇вам̣ д̇зна сад̣̇д̇хим̣ виссаасам̣ гариссаси, д̇ам̣ гаган̣дагам̣ ниссааяа саб̣б̣амбзд̇ам̣ г̇од̇хаагулам̣ винаасам̣ баабун̣иссад̇и, ид̇о бадтааяа зд̇зна сад̣̇д̇хим̣ виссаасам̣ маа агаасий’’д̇и ааха. со гарод̇иязва. б̣од̇хисад̇д̇о бунаббунам̣ гат̇знд̇оби д̇асса д̇зна сад̣̇д̇хим̣ виссаасам̣ ваарзд̇ум̣ асаггонд̇о ‘‘авассам̣ амхаагам̣ зд̇ам̣ гаган̣дагам̣ ниссааяа бхаяам̣ уббаж̇ж̇иссад̇и, д̇асмим̣ уббаннз балааяанамаг̇г̇ам̣ самбаад̣̇зд̇ум̣ ваддад̇ий’’д̇и згзна бассзна ваад̇аб̣илам̣ гаараабзси.
Atīte bārāṇasiyaṃ brahmadatte rajjaṃ kārente bodhisatto godhāyoniyaṃ paṭisandhiṃ gaṇhi. So vayappatto nadītīre mahābile anekagodhāsataparivāro vāsaṃ kappesi. Tassa putto godhāpillako ekena kakaṇṭakena saddhiṃ santhavaṃ katvā tena saddhiṃ sammodamāno viharanto ‘‘kakaṇṭakaṃ parissajissāmī’’ti avattharati. Tassa tena saddhiṃ vissāsaṃ godhārājassa ārocesuṃ. Godhārājā puttaṃ pakkosāpetvā ‘‘tāta, tvaṃ aṭṭhāne vissāsaṃ karosi, kakaṇṭakā nāma nīcajātikā, tehi saddhiṃ vissāso na kattabbo. Sace tvaṃ tena saddhiṃ vissāsaṃ karissasi, taṃ kakaṇṭakaṃ nissāya sabbampetaṃ godhākulaṃ vināsaṃ pāpuṇissati, ito paṭṭhāya etena saddhiṃ vissāsaṃ mā akāsī’’ti āha. So karotiyeva. Bodhisatto punappunaṃ kathentopi tassa tena saddhiṃ vissāsaṃ vāretuṃ asakkonto ‘‘avassaṃ amhākaṃ etaṃ kakaṇṭakaṃ nissāya bhayaṃ uppajjissati, tasmiṃ uppanne palāyanamaggaṃ sampādetuṃ vaṭṭatī’’ti ekena passena vātabilaṃ kārāpesi.
буд̇д̇обисса ануггамзна махаасарийро ахоси, гаган̣даго бана буримаббамаан̣оязва. ид̇аро ‘‘гаган̣дагам̣ бариссаж̇иссаамий’’д̇и анд̇аранд̇араа авад̇т̇арад̇иязва, гаган̣дагасса баб̣б̣ад̇агуудзна авад̇т̇аран̣агаало вияа ход̇и. со гиламанд̇о жинд̇зси ‘‘сажз аяам̣ ан̃н̃аани гад̇ибаяаани д̣̇ивасаани мам̣ звам̣ бариссаж̇иссад̇и, ж̇ийвид̇ам̣ мз над̇т̇и, згзна луд̣̇д̣̇агзна сад̣̇д̇хим̣ згад̇о худ̇ваа имам̣ г̇од̇хаагулам̣ винаасзссаамий’’д̇и. ат̇згад̣̇ивасам̣ нид̣̇аагхасамаяз мзгхз вудтз ваммигамагкигаа удтахим̣су, д̇ад̇о д̇ад̇о г̇од̇хаа нигкамид̇ваа магкигааяо каад̣̇анд̇и. зго г̇од̇хаалуд̣̇д̣̇аго г̇од̇хааб̣илам̣ бхинд̣̇анад̇т̇ааяа гуд̣̇д̣̇аалам̣ г̇ахзд̇ваа сунакзхи сад̣̇д̇хим̣ аран̃н̃ам̣ баависи. гаган̣даго д̇ам̣ д̣̇исваа ‘‘аж̇ж̇а ад̇д̇ано манорат̇ам̣ буурзссаамий’’д̇и д̇ам̣ убасан̇гамид̇ваа авид̣̇уурз нибаж̇ж̇ид̇ваа ‘‘бхо буриса , гасмаа аран̃н̃з вижарасий’’д̇и бужчи. со ‘‘г̇од̇хаанам̣ ад̇т̇ааяаа’’д̇и ааха. ‘‘ахам̣ анзгасад̇аанам̣ г̇од̇хаанам̣ аасаяам̣ ж̇аанаами, аг̇г̇ин̃жа балаалан̃жа аад̣̇ааяа зхий’’д̇и д̇ам̣ д̇ад̇т̇а нзд̇ваа ‘‘имасмим̣ таанз балаалам̣ багкибид̇ваа аг̇г̇им̣ д̣̇ад̇ваа д̇хуумам̣ гад̇ваа саманд̇аа сунакз табзд̇ваа саяам̣ махаамуг̇г̇арам̣ г̇ахзд̇ваа нигканд̇аа нигканд̇аа г̇од̇хаа бахарид̇ваа маарзд̇ваа раасим̣ гад̇ваа яаахий’’д̇и зван̃жа бана вад̇ваа ‘‘аж̇ж̇а бажжаамид̇д̇асса бидтим̣ бассиссаамий’’д̇и згасмим̣ таанз сийсам̣ угкибид̇ваа нибаж̇ж̇и. луд̣̇д̣̇агоби балаалад̇хуумам̣ агааси, д̇хуумо б̣илам̣ баависи, г̇од̇хаа д̇хууманд̇хаа маран̣абхаяад̇аж̇ж̇ид̇аа нигкамид̇ваа балааяид̇ум̣ аарад̣̇д̇хаа. луд̣̇д̣̇аго нигканд̇ам̣ нигканд̇ам̣ бахарид̇ваа маарзси, д̇асса хад̇т̇ад̇о муд̇д̇аа сунакаа г̇ан̣хим̣су. г̇од̇хаанам̣ махаавинаасо уббаж̇ж̇и.
Puttopissa anukkamena mahāsarīro ahosi, kakaṇṭako pana purimappamāṇoyeva. Itaro ‘‘kakaṇṭakaṃ parissajissāmī’’ti antarantarā avattharatiyeva, kakaṇṭakassa pabbatakūṭena avattharaṇakālo viya hoti. So kilamanto cintesi ‘‘sace ayaṃ aññāni katipayāni divasāni maṃ evaṃ parissajissati, jīvitaṃ me natthi, ekena luddakena saddhiṃ ekato hutvā imaṃ godhākulaṃ vināsessāmī’’ti. Athekadivasaṃ nidāghasamaye meghe vuṭṭhe vammikamakkhikā uṭṭhahiṃsu, tato tato godhā nikkhamitvā makkhikāyo khādanti. Eko godhāluddako godhābilaṃ bhindanatthāya kuddālaṃ gahetvā sunakhehi saddhiṃ araññaṃ pāvisi. Kakaṇṭako taṃ disvā ‘‘ajja attano manorathaṃ pūressāmī’’ti taṃ upasaṅkamitvā avidūre nipajjitvā ‘‘bho purisa , kasmā araññe vicarasī’’ti pucchi. So ‘‘godhānaṃ atthāyā’’ti āha. ‘‘Ahaṃ anekasatānaṃ godhānaṃ āsayaṃ jānāmi, aggiñca palālañca ādāya ehī’’ti taṃ tattha netvā ‘‘imasmiṃ ṭhāne palālaṃ pakkhipitvā aggiṃ datvā dhūmaṃ katvā samantā sunakhe ṭhapetvā sayaṃ mahāmuggaraṃ gahetvā nikkhantā nikkhantā godhā paharitvā māretvā rāsiṃ katvā yāhī’’ti evañca pana vatvā ‘‘ajja paccāmittassa piṭṭhiṃ passissāmī’’ti ekasmiṃ ṭhāne sīsaṃ ukkhipitvā nipajji. Luddakopi palāladhūmaṃ akāsi, dhūmo bilaṃ pāvisi, godhā dhūmandhā maraṇabhayatajjitā nikkhamitvā palāyituṃ āraddhā. Luddako nikkhantaṃ nikkhantaṃ paharitvā māresi, tassa hatthato muttā sunakhā gaṇhiṃsu. Godhānaṃ mahāvināso uppajji.
б̣од̇хисад̇д̇о ‘‘гаган̣дагам̣ ниссааяа бхаяам̣ уббанна’’нд̇и н̃ад̇ваа ‘‘баабабурисасам̣саг̇г̇о наама на гад̇д̇аб̣б̣о, баабз ниссааяа хид̇асукам̣ наама над̇т̇и, згасса баабагаган̣дагасса васзна зд̇д̇агаанам̣ г̇од̇хаанам̣ винаасо ж̇аад̇о’’д̇и ваад̇аб̣илзна балааяанд̇о имам̣ г̇аат̇амааха –
Bodhisatto ‘‘kakaṇṭakaṃ nissāya bhayaṃ uppanna’’nti ñatvā ‘‘pāpapurisasaṃsaggo nāma na kattabbo, pāpe nissāya hitasukhaṃ nāma natthi, ekassa pāpakakaṇṭakassa vasena ettakānaṃ godhānaṃ vināso jāto’’ti vātabilena palāyanto imaṃ gāthamāha –
141.
141.
‘‘на баабаж̇анасам̣сзвий, ажжанд̇асукамзд̇хад̇и;
‘‘Na pāpajanasaṃsevī, accantasukhamedhati;
г̇од̇хаагулам̣ гаган̣даава, галим̣ баабзд̇и ад̇д̇аана’’нд̇и.
Godhākulaṃ kakaṇṭāva, kaliṃ pāpeti attāna’’nti.
д̇ад̇рааяам̣ сан̇кзбад̇т̇о – баабаж̇анасам̣сзвий буг̇г̇ало ажжанд̇асукам̣ зганд̇асукам̣ ниранд̇арасукам̣ наама на зд̇хад̇и на винд̣̇ад̇и на бадилабхад̇и. яат̇аа гим̣? г̇од̇хаагулам̣ гаган̣даава. яат̇аа гаган̣дагад̇о г̇од̇хаагулам̣ сукам̣ на лабхад̇и, звам̣ баабаж̇анасам̣сзвий буг̇г̇ало сукам̣ на лабхад̇и. баабаж̇анам̣ бана сзванд̇о зганд̇знзва галим̣ баабзд̇и ад̇д̇аанам̣, гали вужжад̇и винаасо, зганд̇знзва баабасзвий ад̇д̇аанан̃жа ан̃н̃з жа ад̇д̇анаа сад̣̇д̇хим̣ васанд̇з винаасам̣ баабзд̇и. баал̣ияам̣ бана ‘‘палам̣ баабзяяаа’’д̇и ликанд̇и. д̇ам̣ б̣яан̃ж̇анам̣ адтагат̇ааяам̣ над̇т̇и, ад̇т̇обисса на яуж̇ж̇ад̇и. д̇асмаа яат̇аавуд̇д̇амзва г̇ахзд̇аб̣б̣ам̣.
Tatrāyaṃ saṅkhepattho – pāpajanasaṃsevī puggalo accantasukhaṃ ekantasukhaṃ nirantarasukhaṃ nāma na edhati na vindati na paṭilabhati. Yathā kiṃ? Godhākulaṃ kakaṇṭāva. Yathā kakaṇṭakato godhākulaṃ sukhaṃ na labhati, evaṃ pāpajanasaṃsevī puggalo sukhaṃ na labhati. Pāpajanaṃ pana sevanto ekanteneva kaliṃ pāpeti attānaṃ, kali vuccati vināso, ekanteneva pāpasevī attānañca aññe ca attanā saddhiṃ vasante vināsaṃ pāpeti. Pāḷiyaṃ pana ‘‘phalaṃ pāpeyyā’’ti likhanti. Taṃ byañjanaṃ aṭṭhakathāyaṃ natthi, atthopissa na yujjati. Tasmā yathāvuttameva gahetabbaṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гаган̣даго д̣̇звад̣̇ад̇д̇о ахоси, б̣од̇хисад̇д̇асса буд̇д̇о ановаад̣̇аго г̇од̇хаабиллаго вибагкасзвий бхигку, г̇од̇хаарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kakaṇṭako devadatto ahosi, bodhisattassa putto anovādako godhāpillako vipakkhasevī bhikkhu, godhārājā pana ahameva ahosi’’nti.
г̇од̇хааж̇аад̇агаван̣н̣анаа батамаа.
Godhājātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 141. г̇од̇хаж̇аад̇агам̣ • 141. Godhajātakaṃ
