| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. г̇од̇хасаггасуд̇д̇ам̣
3. Godhasakkasuttaṃ
1019. габилавад̇т̇унид̣̇аанам̣ . ат̇а ко махаанаамо сагго язна г̇од̇хаа сагго д̇знубасан̇гами; убасан̇гамид̇ваа г̇од̇хам̣ саггам̣ зд̇ад̣̇авожа – ‘‘гад̇ихи 1 д̇вам̣, г̇од̇хз, д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанааси авинибаад̇ад̇хаммам̣ нияад̇ам̣ самб̣од̇хибарааяан̣а’’нд̇и?
1019. Kapilavatthunidānaṃ . Atha kho mahānāmo sakko yena godhā sakko tenupasaṅkami; upasaṅkamitvā godhaṃ sakkaṃ etadavoca – ‘‘katihi 2 tvaṃ, godhe, dhammehi samannāgataṃ sotāpannapuggalaṃ ājānāsi avinipātadhammaṃ niyataṃ sambodhiparāyaṇa’’nti?
‘‘д̇ийхи кваахам̣, махаанаама, д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанаами авинибаад̇ад̇хаммам̣ нияад̇ам̣ самб̣од̇хибарааяан̣ам̣. гад̇амзхи д̇ийхи? ид̇ха, махаанаама, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз авзжжаббасаад̣̇зна саманнааг̇ад̇о ход̇и – суббадибанно бхаг̇авад̇о саавагасан̇гхо…бз… ануд̇д̇арам̣ бун̃н̃агкзд̇д̇ам̣ логассаад̇и. имзхи кваахам̣, махаанаама, д̇ийхи д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанаами авинибаад̇ад̇хаммам̣ нияад̇ам̣ самб̣од̇хибарааяан̣ам̣.
‘‘Tīhi khvāhaṃ, mahānāma, dhammehi samannāgataṃ sotāpannapuggalaṃ ājānāmi avinipātadhammaṃ niyataṃ sambodhiparāyaṇaṃ. Katamehi tīhi? Idha, mahānāma, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe aveccappasādena samannāgato hoti – suppaṭipanno bhagavato sāvakasaṅgho…pe… anuttaraṃ puññakkhettaṃ lokassāti. Imehi khvāhaṃ, mahānāma, tīhi dhammehi samannāgataṃ sotāpannapuggalaṃ ājānāmi avinipātadhammaṃ niyataṃ sambodhiparāyaṇaṃ.
‘‘д̇вам̣ бана, махаанаама, гад̇ихи д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанааси авинибаад̇ад̇хаммам̣ нияад̇ам̣ самб̣од̇хибарааяан̣а’’нд̇и? ‘‘жад̇уухи кваахам̣, г̇од̇хз, д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанаами авинибаад̇ад̇хаммам̣ нияад̇ам̣ самб̣од̇хибарааяан̣ам̣. гад̇амзхи жад̇уухи? ид̇ха, г̇од̇хз, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. имзхи кваахам̣, г̇од̇хз, жад̇уухи д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанаами авинибаад̇ад̇хаммам̣ нияад̇ам̣ самб̣од̇хибарааяан̣а’’нд̇и.
‘‘Tvaṃ pana, mahānāma, katihi dhammehi samannāgataṃ sotāpannapuggalaṃ ājānāsi avinipātadhammaṃ niyataṃ sambodhiparāyaṇa’’nti? ‘‘Catūhi khvāhaṃ, godhe, dhammehi samannāgataṃ sotāpannapuggalaṃ ājānāmi avinipātadhammaṃ niyataṃ sambodhiparāyaṇaṃ. Katamehi catūhi? Idha, godhe, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi khvāhaṃ, godhe, catūhi dhammehi samannāgataṃ sotāpannapuggalaṃ ājānāmi avinipātadhammaṃ niyataṃ sambodhiparāyaṇa’’nti.
‘‘ааг̇амзхи д̇вам̣, махаанаама, ааг̇амзхи д̇вам̣, махаанаама! бхаг̇аваава зд̇ам̣ ж̇аанзяяа зд̇зхи д̇хаммзхи саманнааг̇ад̇ам̣ ваа асаманнааг̇ад̇ам̣ ваа’’д̇и. ‘‘ааяаама, г̇од̇хз, язна бхаг̇аваа д̇знубасан̇гамзяяаама; убасан̇гамид̇ваа бхаг̇авад̇о зд̇амад̇т̇ам̣ аарожзссаамаа’’д̇и. ат̇а ко махаанаамо сагго г̇од̇хаа жа сагго язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко махаанаамо сагго бхаг̇аванд̇ам̣ зд̇ад̣̇авожа –
‘‘Āgamehi tvaṃ, mahānāma, āgamehi tvaṃ, mahānāma! Bhagavāva etaṃ jāneyya etehi dhammehi samannāgataṃ vā asamannāgataṃ vā’’ti. ‘‘Āyāma, godhe, yena bhagavā tenupasaṅkameyyāma; upasaṅkamitvā bhagavato etamatthaṃ ārocessāmā’’ti. Atha kho mahānāmo sakko godhā ca sakko yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho mahānāmo sakko bhagavantaṃ etadavoca –
‘‘ид̇хаахам̣ , бханд̇з, язна г̇од̇хаа сагго д̇знубасан̇гамим̣; убасан̇гамид̇ваа г̇од̇хам̣ саггам̣ зд̇ад̣̇авожам̣ – ‘гад̇ихи д̇вам̣, г̇од̇хз, д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанааси авинибаад̇ад̇хаммам̣ нияад̇ам̣ самб̣од̇хибарааяан̣ам̣’? звам̣ вуд̇д̇з, бханд̇з, г̇од̇хаа сагго мам̣ зд̇ад̣̇авожа –
‘‘Idhāhaṃ , bhante, yena godhā sakko tenupasaṅkamiṃ; upasaṅkamitvā godhaṃ sakkaṃ etadavocaṃ – ‘katihi tvaṃ, godhe, dhammehi samannāgataṃ sotāpannapuggalaṃ ājānāsi avinipātadhammaṃ niyataṃ sambodhiparāyaṇaṃ’? Evaṃ vutte, bhante, godhā sakko maṃ etadavoca –
‘‘д̇ийхи кваахам̣, махаанаама, д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанаами авинибаад̇ад̇хаммам̣ нияад̇ам̣ самб̣од̇хибарааяан̣ам̣. гад̇амзхи д̇ийхи? ид̇ха, махаанаама, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз авзжжаббасаад̣̇зна саманнааг̇ад̇о ход̇и – суббадибанно бхаг̇авад̇о саавагасан̇гхо…бз… ануд̇д̇арам̣ бун̃н̃агкзд̇д̇ам̣ логассаад̇и. имзхи кваахам̣, махаанаама, д̇ийхи д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанаами авинибаад̇ад̇хаммам̣ нияад̇ам̣ самб̣од̇хибарааяан̣ам̣. д̇вам̣ бана, махаанаама, гад̇амзхи д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанааси авинибаад̇ад̇хаммам̣ нияад̇ам̣ самб̣од̇хибарааяан̣а’’нд̇и?
‘‘Tīhi khvāhaṃ, mahānāma, dhammehi samannāgataṃ sotāpannapuggalaṃ ājānāmi avinipātadhammaṃ niyataṃ sambodhiparāyaṇaṃ. Katamehi tīhi? Idha, mahānāma, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe aveccappasādena samannāgato hoti – suppaṭipanno bhagavato sāvakasaṅgho…pe… anuttaraṃ puññakkhettaṃ lokassāti. Imehi khvāhaṃ, mahānāma, tīhi dhammehi samannāgataṃ sotāpannapuggalaṃ ājānāmi avinipātadhammaṃ niyataṃ sambodhiparāyaṇaṃ. Tvaṃ pana, mahānāma, katamehi dhammehi samannāgataṃ sotāpannapuggalaṃ ājānāsi avinipātadhammaṃ niyataṃ sambodhiparāyaṇa’’nti?
‘‘звам̣ вуд̇д̇аахам̣, бханд̇з, г̇од̇хам̣ саггам̣ зд̇ад̣̇авожам̣ – ‘жад̇уухи кваахам̣, г̇од̇хз, д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанаами авинибаад̇ад̇хаммам̣ нияад̇ам̣ самб̣од̇хибарааяан̣ам̣. гад̇амзхи жад̇уухи? ид̇ха, г̇од̇хз, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. имзхи кваахам̣, г̇од̇хз, жад̇уухи д̇хаммзхи саманнааг̇ад̇ам̣ сод̇аабаннабуг̇г̇алам̣ ааж̇аанаами авинибаад̇ад̇хаммам̣ нияад̇ам̣ самб̣од̇хибарааяан̣а’’’нд̇и.
‘‘Evaṃ vuttāhaṃ, bhante, godhaṃ sakkaṃ etadavocaṃ – ‘catūhi khvāhaṃ, godhe, dhammehi samannāgataṃ sotāpannapuggalaṃ ājānāmi avinipātadhammaṃ niyataṃ sambodhiparāyaṇaṃ. Katamehi catūhi? Idha, godhe, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi khvāhaṃ, godhe, catūhi dhammehi samannāgataṃ sotāpannapuggalaṃ ājānāmi avinipātadhammaṃ niyataṃ sambodhiparāyaṇa’’’nti.
‘‘звам̣ вуд̇д̇з, бханд̇з, г̇од̇хаа сагго мам̣ зд̇ад̣̇авожа – ‘ааг̇амзхи д̇вам̣, махаанаама, ааг̇амзхи д̇вам̣, махаанаама! бхаг̇аваава зд̇ам̣ ж̇аанзяяа зд̇зхи д̇хаммзхи саманнааг̇ад̇ам̣ ваа асаманнааг̇ад̇ам̣ ваа’’’д̇и. ‘‘ид̇ха , бханд̇з, гожид̣̇зва д̇хаммо самуббаад̣̇о уббаж̇ж̇зяяа, згад̇о асса бхаг̇аваа згад̇о бхигкусан̇гхо жа. язнзва бхаг̇аваа д̇знзваахам̣ ассам̣. звам̣ басаннам̣ мам̣, бханд̇з, бхаг̇аваа д̇хаарзд̇у. ид̇ха, бханд̇з, гожид̣̇зва д̇хаммо самуббаад̣̇о уббаж̇ж̇зяяа, згад̇о асса бхаг̇аваа згад̇о бхигкусан̇гхо бхигкунисан̇гхо жа. язнзва бхаг̇аваа д̇знзваахам̣ ассам̣. звам̣ басаннам̣ мам̣, бханд̇з, бхаг̇аваа д̇хаарзд̇у. ид̇ха, бханд̇з, гожид̣̇зва д̇хаммо самуббаад̣̇о уббаж̇ж̇зяяа, згад̇о асса бхаг̇аваа згад̇о бхигкусан̇гхо бхигкунисан̇гхо жа убаасагаа жа. язнзва бхаг̇аваа д̇знзваахам̣ ассам̣. звам̣ басаннам̣ мам̣, бханд̇з, бхаг̇аваа д̇хаарзд̇у. ид̇ха, бханд̇з, гожид̣̇зва д̇хаммо самуббаад̣̇о уббаж̇ж̇зяяа, згад̇о асса бхаг̇аваа згад̇о бхигкусан̇гхо бхигкунисан̇гхо убаасагаа убаасигааяо жа. язнзва бхаг̇аваа д̇знзваахам̣ ассам̣. звам̣ басаннам̣ мам̣, бханд̇з, бхаг̇аваа д̇хаарзд̇у. ид̇ха, бханд̇з, гожид̣̇зва д̇хаммо самуббаад̣̇о уббаж̇ж̇зяяа, згад̇о асса бхаг̇аваа згад̇о бхигкусан̇гхо бхигкунисан̇гхо убаасагаа убаасигааяо сад̣̇зваго жа лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа. язнзва бхаг̇аваа д̇знзваахам̣ ассам̣. звам̣ басаннам̣ мам̣, бханд̇з, бхаг̇аваа д̇хаарзд̇уу’’д̇и. ‘‘звам̣ваад̣̇ий д̇вам̣, г̇од̇хз, махаанаамам̣ саггам̣ гим̣ вад̣̇зсий’’д̇и? ‘‘звам̣ваад̣̇аахам̣, бханд̇з, махаанаамам̣ саггам̣ на гин̃жи вад̣̇аами, ан̃н̃ад̇ра галяаан̣аа ан̃н̃ад̇ра гусалаа’’д̇и. д̇ад̇ияам̣.
‘‘Evaṃ vutte, bhante, godhā sakko maṃ etadavoca – ‘āgamehi tvaṃ, mahānāma, āgamehi tvaṃ, mahānāma! Bhagavāva etaṃ jāneyya etehi dhammehi samannāgataṃ vā asamannāgataṃ vā’’’ti. ‘‘Idha , bhante, kocideva dhammo samuppādo uppajjeyya, ekato assa bhagavā ekato bhikkhusaṅgho ca. Yeneva bhagavā tenevāhaṃ assaṃ. Evaṃ pasannaṃ maṃ, bhante, bhagavā dhāretu. Idha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho bhikkhunisaṅgho ca. Yeneva bhagavā tenevāhaṃ assaṃ. Evaṃ pasannaṃ maṃ, bhante, bhagavā dhāretu. Idha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho bhikkhunisaṅgho ca upāsakā ca. Yeneva bhagavā tenevāhaṃ assaṃ. Evaṃ pasannaṃ maṃ, bhante, bhagavā dhāretu. Idha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho bhikkhunisaṅgho upāsakā upāsikāyo ca. Yeneva bhagavā tenevāhaṃ assaṃ. Evaṃ pasannaṃ maṃ, bhante, bhagavā dhāretu. Idha, bhante, kocideva dhammo samuppādo uppajjeyya, ekato assa bhagavā ekato bhikkhusaṅgho bhikkhunisaṅgho upāsakā upāsikāyo sadevako ca loko samārako sabrahmako sassamaṇabrāhmaṇī pajā sadevamanussā. Yeneva bhagavā tenevāhaṃ assaṃ. Evaṃ pasannaṃ maṃ, bhante, bhagavā dhāretū’’ti. ‘‘Evaṃvādī tvaṃ, godhe, mahānāmaṃ sakkaṃ kiṃ vadesī’’ti? ‘‘Evaṃvādāhaṃ, bhante, mahānāmaṃ sakkaṃ na kiñci vadāmi, aññatra kalyāṇā aññatra kusalā’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. г̇од̇хасаггасуд̇д̇аван̣н̣анаа • 3. Godhasakkasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. г̇од̇хасаггасуд̇д̇аван̣н̣анаа • 3. Godhasakkasuttavaṇṇanā
