| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. கோ³த⁴ஸக்கஸுத்தவண்ணனா
3. Godhasakkasuttavaṇṇanā
1019. ததியே ப⁴க³வாவ ஏதங் ஜானெய்ய ஏதேஹி த⁴ம்மேஹி ஸமன்னாக³தங் வா அஸமன்னாக³தங் வாதி இத³ங் ஸோ ஸக்கோ தீஹி த⁴ம்மேஹி ஸமன்னாக³தஸ்ஸ புக்³க³லஸ்ஸ ஸோதாபன்னபா⁴வங், சதூஹி வா த⁴ம்மேஹி ஸமன்னாக³தஸ்ஸ ஸோதாபன்னபா⁴வங் ப⁴க³வாவ ஜானாதீதி அதி⁴ப்பாயேன ஆஹ.
1019. Tatiye bhagavāva etaṃ jāneyya etehi dhammehi samannāgataṃ vā asamannāgataṃ vāti idaṃ so sakko tīhi dhammehi samannāgatassa puggalassa sotāpannabhāvaṃ, catūhi vā dhammehi samannāgatassa sotāpannabhāvaṃ bhagavāva jānātīti adhippāyena āha.
கோசிதே³வ த⁴ம்மஸமுப்பாதோ³ உப்பஜ்ஜெய்யாதி கிஞ்சிதே³வ காரணங் உப்பஜ்ஜெய்ய. ஏகதோ அஸ்ஸ ப⁴க³வா, ஏகதோ பி⁴க்கு²ஸங்கோ⁴தி யஸ்மிங் காரணே உப்பன்னே ப⁴க³வா பி⁴க்கு²ஸங்கே⁴ன நானாலத்³தி⁴கோ ஹுத்வா ஏகங் வாத³ங் வத³ந்தோ ஏகதோ அஸ்ஸ, பி⁴க்கு²ஸங்கோ⁴பி ஏகங் வத³ந்தோ ஏகதோதி அத்தோ². தேனேவாஹந்தி யங் வாத³ங் தும்ஹே வதே³த², தமேவாஹங் க³ண்ஹெய்யந்தி. நனு ச அரியஸாவகஸ்ஸ ரதனத்தயே பஸாத³னானத்தங் நத்தி², அத² கஸ்மா ஏஸ ஏவமாஹாதி? ப⁴க³வதோ ஸப்³ப³ஞ்ஞுதாய. ஏவஞ்ஹிஸ்ஸ ஹோதி ‘‘பி⁴க்கு²ஸங்கோ⁴ அத்தனோ அஸப்³ப³ஞ்ஞுதாய அஜானித்வாபி கதெ²ய்ய, ஸத்து² பன அஞ்ஞாணங் நாம நத்தீ²’’தி. தஸ்மா ஏவமாஹ. அஞ்ஞத்ர கல்யாணா அஞ்ஞத்ர குஸலாதி கல்யாணமேவ குஸலமேவ வதா³மி, ந கல்யாணகுஸலவிமுத்தந்தி. அபிசஸ்ஸ அனவஜ்ஜனதோ³ஸோ ஏஸோதி.
Kocideva dhammasamuppādo uppajjeyyāti kiñcideva kāraṇaṃ uppajjeyya. Ekato assa bhagavā, ekato bhikkhusaṅghoti yasmiṃ kāraṇe uppanne bhagavā bhikkhusaṅghena nānāladdhiko hutvā ekaṃ vādaṃ vadanto ekato assa, bhikkhusaṅghopi ekaṃ vadanto ekatoti attho. Tenevāhanti yaṃ vādaṃ tumhe vadetha, tamevāhaṃ gaṇheyyanti. Nanu ca ariyasāvakassa ratanattaye pasādanānattaṃ natthi, atha kasmā esa evamāhāti? Bhagavato sabbaññutāya. Evañhissa hoti ‘‘bhikkhusaṅgho attano asabbaññutāya ajānitvāpi katheyya, satthu pana aññāṇaṃ nāma natthī’’ti. Tasmā evamāha. Aññatra kalyāṇā aññatra kusalāti kalyāṇameva kusalameva vadāmi, na kalyāṇakusalavimuttanti. Apicassa anavajjanadoso esoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. கோ³த⁴ஸக்கஸுத்தங் • 3. Godhasakkasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. கோ³த⁴ஸக்கஸுத்தவண்ணனா • 3. Godhasakkasuttavaṇṇanā
