| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩. গোধসক্কসুত্তৰণ্ণনা
3. Godhasakkasuttavaṇṇanā
১০১৯. ততিযে ভগৰাৰ এতং জানেয্য এতেহি ধম্মেহি সমন্নাগতং ৰা অসমন্নাগতং ৰাতি ইদং সো সক্কো তীহি ধম্মেহি সমন্নাগতস্স পুগ্গলস্স সোতাপন্নভাৰং, চতূহি ৰা ধম্মেহি সমন্নাগতস্স সোতাপন্নভাৰং ভগৰাৰ জানাতীতি অধিপ্পাযেন আহ।
1019. Tatiye bhagavāva etaṃ jāneyya etehi dhammehi samannāgataṃ vā asamannāgataṃ vāti idaṃ so sakko tīhi dhammehi samannāgatassa puggalassa sotāpannabhāvaṃ, catūhi vā dhammehi samannāgatassa sotāpannabhāvaṃ bhagavāva jānātīti adhippāyena āha.
কোচিদেৰ ধম্মসমুপ্পাদো উপ্পজ্জেয্যাতি কিঞ্চিদেৰ কারণং উপ্পজ্জেয্য। একতো অস্স ভগৰা, একতো ভিক্খুসঙ্ঘোতি যস্মিং কারণে উপ্পন্নে ভগৰা ভিক্খুসঙ্ঘেন নানালদ্ধিকো হুত্ৰা একং ৰাদং ৰদন্তো একতো অস্স, ভিক্খুসঙ্ঘোপি একং ৰদন্তো একতোতি অত্থো। তেনেৰাহন্তি যং ৰাদং তুম্হে ৰদেথ, তমেৰাহং গণ্হেয্যন্তি। ননু চ অরিযসাৰকস্স রতনত্তযে পসাদনানত্তং নত্থি, অথ কস্মা এস এৰমাহাতি? ভগৰতো সব্বঞ্ঞুতায। এৰঞ্হিস্স হোতি ‘‘ভিক্খুসঙ্ঘো অত্তনো অসব্বঞ্ঞুতায অজানিত্ৰাপি কথেয্য, সত্থু পন অঞ্ঞাণং নাম নত্থী’’তি। তস্মা এৰমাহ। অঞ্ঞত্র কল্যাণা অঞ্ঞত্র কুসলাতি কল্যাণমেৰ কুসলমেৰ ৰদামি, ন কল্যাণকুসলৰিমুত্তন্তি। অপিচস্স অনৰজ্জনদোসো এসোতি।
Kocideva dhammasamuppādo uppajjeyyāti kiñcideva kāraṇaṃ uppajjeyya. Ekato assa bhagavā, ekato bhikkhusaṅghoti yasmiṃ kāraṇe uppanne bhagavā bhikkhusaṅghena nānāladdhiko hutvā ekaṃ vādaṃ vadanto ekato assa, bhikkhusaṅghopi ekaṃ vadanto ekatoti attho. Tenevāhanti yaṃ vādaṃ tumhe vadetha, tamevāhaṃ gaṇheyyanti. Nanu ca ariyasāvakassa ratanattaye pasādanānattaṃ natthi, atha kasmā esa evamāhāti? Bhagavato sabbaññutāya. Evañhissa hoti ‘‘bhikkhusaṅgho attano asabbaññutāya ajānitvāpi katheyya, satthu pana aññāṇaṃ nāma natthī’’ti. Tasmā evamāha. Aññatra kalyāṇā aññatra kusalāti kalyāṇameva kusalameva vadāmi, na kalyāṇakusalavimuttanti. Apicassa anavajjanadoso esoti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. গোধসক্কসুত্তং • 3. Godhasakkasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. গোধসক্কসুত্তৰণ্ণনা • 3. Godhasakkasuttavaṇṇanā
