| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
३. गोधसक्कसुत्तवण्णना
3. Godhasakkasuttavaṇṇanā
१०१९. तीहीति रतनत्तये उप्पन्नेहि तीहि पसादधम्मेहि। चतूहीति तेहि एव सद्धिं सीलेन। कोचिदेवातिआदि परिकप्पवसेन वुत्तं भगवति अत्तनो सद्धाय उळारतमभावदस्सनत्थं। तेनाह ‘‘भगवतो सब्बञ्ञुताया’’तिआदि। धम्मो समुप्पादोति विवादधम्मउप्पत्तिहेतु। तदेव हि सन्धायाह ‘‘किञ्चिदेव कारण’’न्ति। कारणन्ति नानाकारणं। कल्याणकुसलविमुत्तन्ति अकल्याणं अकुसलं, तदिदं यथावुत्तअप्पसादनेन अपनीतअत्थदस्सनत्थं। अस्साति महानामसक्कस्स। अनवज्जनदोसो एसोति चतूसु धम्मेसु एकेनपि समन्नागतो सोतापन्नो होतीति अनुजानित्वा चतूहिपि समन्नागतेन आचिक्खितब्बन्ति याथावतो अनवज्जनदोसोति अत्थो।
1019.Tīhīti ratanattaye uppannehi tīhi pasādadhammehi. Catūhīti tehi eva saddhiṃ sīlena. Kocidevātiādi parikappavasena vuttaṃ bhagavati attano saddhāya uḷāratamabhāvadassanatthaṃ. Tenāha ‘‘bhagavato sabbaññutāyā’’tiādi. Dhammo samuppādoti vivādadhammauppattihetu. Tadeva hi sandhāyāha ‘‘kiñcideva kāraṇa’’nti. Kāraṇanti nānākāraṇaṃ. Kalyāṇakusalavimuttanti akalyāṇaṃ akusalaṃ, tadidaṃ yathāvuttaappasādanena apanītaatthadassanatthaṃ. Assāti mahānāmasakkassa. Anavajjanadoso esoti catūsu dhammesu ekenapi samannāgato sotāpanno hotīti anujānitvā catūhipi samannāgatena ācikkhitabbanti yāthāvato anavajjanadosoti attho.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ३. गोधसक्कसुत्तं • 3. Godhasakkasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ३. गोधसक्कसुत्तवण्णना • 3. Godhasakkasuttavaṇṇanā
