| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౩. గోధసక్కసుత్తవణ్ణనా
3. Godhasakkasuttavaṇṇanā
౧౦౧౯. తీహీతి రతనత్తయే ఉప్పన్నేహి తీహి పసాదధమ్మేహి. చతూహీతి తేహి ఏవ సద్ధిం సీలేన. కోచిదేవాతిఆది పరికప్పవసేన వుత్తం భగవతి అత్తనో సద్ధాయ ఉళారతమభావదస్సనత్థం. తేనాహ ‘‘భగవతో సబ్బఞ్ఞుతాయా’’తిఆది. ధమ్మో సముప్పాదోతి వివాదధమ్మఉప్పత్తిహేతు. తదేవ హి సన్ధాయాహ ‘‘కిఞ్చిదేవ కారణ’’న్తి. కారణన్తి నానాకారణం. కల్యాణకుసలవిముత్తన్తి అకల్యాణం అకుసలం, తదిదం యథావుత్తఅప్పసాదనేన అపనీతఅత్థదస్సనత్థం. అస్సాతి మహానామసక్కస్స. అనవజ్జనదోసో ఏసోతి చతూసు ధమ్మేసు ఏకేనపి సమన్నాగతో సోతాపన్నో హోతీతి అనుజానిత్వా చతూహిపి సమన్నాగతేన ఆచిక్ఖితబ్బన్తి యాథావతో అనవజ్జనదోసోతి అత్థో.
1019.Tīhīti ratanattaye uppannehi tīhi pasādadhammehi. Catūhīti tehi eva saddhiṃ sīlena. Kocidevātiādi parikappavasena vuttaṃ bhagavati attano saddhāya uḷāratamabhāvadassanatthaṃ. Tenāha ‘‘bhagavato sabbaññutāyā’’tiādi. Dhammo samuppādoti vivādadhammauppattihetu. Tadeva hi sandhāyāha ‘‘kiñcideva kāraṇa’’nti. Kāraṇanti nānākāraṇaṃ. Kalyāṇakusalavimuttanti akalyāṇaṃ akusalaṃ, tadidaṃ yathāvuttaappasādanena apanītaatthadassanatthaṃ. Assāti mahānāmasakkassa. Anavajjanadoso esoti catūsu dhammesu ekenapi samannāgato sotāpanno hotīti anujānitvā catūhipi samannāgatena ācikkhitabbanti yāthāvato anavajjanadosoti attho.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. గోధసక్కసుత్తం • 3. Godhasakkasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౩. గోధసక్కసుత్తవణ్ణనా • 3. Godhasakkasuttavaṇṇanā
