| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๓. โคธสกฺกสุตฺตวณฺณนา
3. Godhasakkasuttavaṇṇanā
๑๐๑๙. ตีหีติ รตนตฺตเย อุปฺปเนฺนหิ ตีหิ ปสาทธเมฺมหิฯ จตูหีติ เตหิ เอว สทฺธิํ สีเลนฯ โกจิเทวาติอาทิ ปริกปฺปวเสน วุตฺตํ ภควติ อตฺตโน สทฺธาย อุฬารตมภาวทสฺสนตฺถํฯ เตนาห ‘‘ภควโต สพฺพญฺญุตายา’’ติอาทิฯ ธโมฺม สมุปฺปาโทติ วิวาทธมฺมอุปฺปตฺติเหตุฯ ตเทว หิ สนฺธายาห ‘‘กิญฺจิเทว การณ’’นฺติฯ การณนฺติ นานาการณํฯ กลฺยาณกุสลวิมุตฺตนฺติ อกลฺยาณํ อกุสลํ, ตทิทํ ยถาวุตฺตอปฺปสาทเนน อปนีตอตฺถทสฺสนตฺถํฯ อสฺสาติ มหานามสกฺกสฺสฯ อนวชฺชนโทโส เอโสติ จตูสุ ธเมฺมสุ เอเกนปิ สมนฺนาคโต โสตาปโนฺน โหตีติ อนุชานิตฺวา จตูหิปิ สมนฺนาคเตน อาจิกฺขิตพฺพนฺติ ยาถาวโต อนวชฺชนโทโสติ อโตฺถฯ
1019.Tīhīti ratanattaye uppannehi tīhi pasādadhammehi. Catūhīti tehi eva saddhiṃ sīlena. Kocidevātiādi parikappavasena vuttaṃ bhagavati attano saddhāya uḷāratamabhāvadassanatthaṃ. Tenāha ‘‘bhagavato sabbaññutāyā’’tiādi. Dhammo samuppādoti vivādadhammauppattihetu. Tadeva hi sandhāyāha ‘‘kiñcideva kāraṇa’’nti. Kāraṇanti nānākāraṇaṃ. Kalyāṇakusalavimuttanti akalyāṇaṃ akusalaṃ, tadidaṃ yathāvuttaappasādanena apanītaatthadassanatthaṃ. Assāti mahānāmasakkassa. Anavajjanadoso esoti catūsu dhammesu ekenapi samannāgato sotāpanno hotīti anujānitvā catūhipi samannāgatena ācikkhitabbanti yāthāvato anavajjanadosoti attho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. โคธสกฺกสุตฺตํ • 3. Godhasakkasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. โคธสกฺกสุตฺตวณฺณนา • 3. Godhasakkasuttavaṇṇanā
