| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. ဂောဓသက္ကသုတ္တဝဏ္ဏနာ
3. Godhasakkasuttavaṇṇanā
၁၀၁၉. တီဟီတိ ရတနတ္တယေ ဥပ္ပန္နေဟိ တီဟိ ပသာဒဓမ္မေဟိ။ စတူဟီတိ တေဟိ ဧဝ သဒ္ဓိံ သီလေန။ ကောစိဒေဝာတိအာဒိ ပရိကပ္ပဝသေန ဝုတ္တံ ဘဂဝတိ အတ္တနော သဒ္ဓာယ ဥဠာရတမဘာဝဒသ္သနတ္ထံ။ တေနာဟ ‘‘ဘဂဝတော သဗ္ဗညုတာယာ’’တိအာဒိ။ ဓမ္မော သမုပ္ပာဒောတိ ဝိဝာဒဓမ္မဥပ္ပတ္တိဟေတု။ တဒေဝ ဟိ သန္ဓာယာဟ ‘‘ကိဉ္စိဒေဝ ကာရဏ’’န္တိ။ ကာရဏန္တိ နာနာကာရဏံ။ ကလ္ယာဏကုသလဝိမုတ္တန္တိ အကလ္ယာဏံ အကုသလံ, တဒိဒံ ယထာဝုတ္တအပ္ပသာဒနေန အပနီတအတ္ထဒသ္သနတ္ထံ။ အသ္သာတိ မဟာနာမသက္ကသ္သ။ အနဝဇ္ဇနဒောသော ဧသောတိ စတူသု ဓမ္မေသု ဧကေနပိ သမန္နာဂတော သောတာပန္နော ဟောတီတိ အနုဇာနိတ္ဝာ စတူဟိပိ သမန္နာဂတေန အာစိက္ခိတဗ္ဗန္တိ ယာထာဝတော အနဝဇ္ဇနဒောသောတိ အတ္ထော။
1019.Tīhīti ratanattaye uppannehi tīhi pasādadhammehi. Catūhīti tehi eva saddhiṃ sīlena. Kocidevātiādi parikappavasena vuttaṃ bhagavati attano saddhāya uḷāratamabhāvadassanatthaṃ. Tenāha ‘‘bhagavato sabbaññutāyā’’tiādi. Dhammo samuppādoti vivādadhammauppattihetu. Tadeva hi sandhāyāha ‘‘kiñcideva kāraṇa’’nti. Kāraṇanti nānākāraṇaṃ. Kalyāṇakusalavimuttanti akalyāṇaṃ akusalaṃ, tadidaṃ yathāvuttaappasādanena apanītaatthadassanatthaṃ. Assāti mahānāmasakkassa. Anavajjanadoso esoti catūsu dhammesu ekenapi samannāgato sotāpanno hotīti anujānitvā catūhipi samannāgatena ācikkhitabbanti yāthāvato anavajjanadosoti attho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. ဂောဓသက္ကသုတ္တံ • 3. Godhasakkasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. ဂောဓသက္ကသုတ္တဝဏ္ဏနာ • 3. Godhasakkasuttavaṇṇanā
