| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਗੋਧਸਕ੍ਕਸੁਤ੍ਤવਣ੍ਣਨਾ
3. Godhasakkasuttavaṇṇanā
੧੦੧੯. ਤਤਿਯੇ ਭਗવਾવ ਏਤਂ ਜਾਨੇਯ੍ਯ ਏਤੇਹਿ ਧਮ੍ਮੇਹਿ ਸਮਨ੍ਨਾਗਤਂ વਾ ਅਸਮਨ੍ਨਾਗਤਂ વਾਤਿ ਇਦਂ ਸੋ ਸਕ੍ਕੋ ਤੀਹਿ ਧਮ੍ਮੇਹਿ ਸਮਨ੍ਨਾਗਤਸ੍ਸ ਪੁਗ੍ਗਲਸ੍ਸ ਸੋਤਾਪਨ੍ਨਭਾવਂ, ਚਤੂਹਿ વਾ ਧਮ੍ਮੇਹਿ ਸਮਨ੍ਨਾਗਤਸ੍ਸ ਸੋਤਾਪਨ੍ਨਭਾવਂ ਭਗવਾવ ਜਾਨਾਤੀਤਿ ਅਧਿਪ੍ਪਾਯੇਨ ਆਹ।
1019. Tatiye bhagavāva etaṃ jāneyya etehi dhammehi samannāgataṃ vā asamannāgataṃ vāti idaṃ so sakko tīhi dhammehi samannāgatassa puggalassa sotāpannabhāvaṃ, catūhi vā dhammehi samannāgatassa sotāpannabhāvaṃ bhagavāva jānātīti adhippāyena āha.
ਕੋਚਿਦੇવ ਧਮ੍ਮਸਮੁਪ੍ਪਾਦੋ ਉਪ੍ਪਜ੍ਜੇਯ੍ਯਾਤਿ ਕਿਞ੍ਚਿਦੇવ ਕਾਰਣਂ ਉਪ੍ਪਜ੍ਜੇਯ੍ਯ। ਏਕਤੋ ਅਸ੍ਸ ਭਗવਾ, ਏਕਤੋ ਭਿਕ੍ਖੁਸਙ੍ਘੋਤਿ ਯਸ੍ਮਿਂ ਕਾਰਣੇ ਉਪ੍ਪਨ੍ਨੇ ਭਗવਾ ਭਿਕ੍ਖੁਸਙ੍ਘੇਨ ਨਾਨਾਲਦ੍ਧਿਕੋ ਹੁਤ੍વਾ ਏਕਂ વਾਦਂ વਦਨ੍ਤੋ ਏਕਤੋ ਅਸ੍ਸ, ਭਿਕ੍ਖੁਸਙ੍ਘੋਪਿ ਏਕਂ વਦਨ੍ਤੋ ਏਕਤੋਤਿ ਅਤ੍ਥੋ। ਤੇਨੇવਾਹਨ੍ਤਿ ਯਂ વਾਦਂ ਤੁਮ੍ਹੇ વਦੇਥ, ਤਮੇવਾਹਂ ਗਣ੍ਹੇਯ੍ਯਨ੍ਤਿ। ਨਨੁ ਚ ਅਰਿਯਸਾવਕਸ੍ਸ ਰਤਨਤ੍ਤਯੇ ਪਸਾਦਨਾਨਤ੍ਤਂ ਨਤ੍ਥਿ, ਅਥ ਕਸ੍ਮਾ ਏਸ ਏવਮਾਹਾਤਿ? ਭਗવਤੋ ਸਬ੍ਬਞ੍ਞੁਤਾਯ। ਏવਞ੍ਹਿਸ੍ਸ ਹੋਤਿ ‘‘ਭਿਕ੍ਖੁਸਙ੍ਘੋ ਅਤ੍ਤਨੋ ਅਸਬ੍ਬਞ੍ਞੁਤਾਯ ਅਜਾਨਿਤ੍વਾਪਿ ਕਥੇਯ੍ਯ, ਸਤ੍ਥੁ ਪਨ ਅਞ੍ਞਾਣਂ ਨਾਮ ਨਤ੍ਥੀ’’ਤਿ। ਤਸ੍ਮਾ ਏવਮਾਹ। ਅਞ੍ਞਤ੍ਰ ਕਲ੍ਯਾਣਾ ਅਞ੍ਞਤ੍ਰ ਕੁਸਲਾਤਿ ਕਲ੍ਯਾਣਮੇવ ਕੁਸਲਮੇવ વਦਾਮਿ, ਨ ਕਲ੍ਯਾਣਕੁਸਲવਿਮੁਤ੍ਤਨ੍ਤਿ। ਅਪਿਚਸ੍ਸ ਅਨવਜ੍ਜਨਦੋਸੋ ਏਸੋਤਿ।
Kocideva dhammasamuppādo uppajjeyyāti kiñcideva kāraṇaṃ uppajjeyya. Ekato assa bhagavā, ekato bhikkhusaṅghoti yasmiṃ kāraṇe uppanne bhagavā bhikkhusaṅghena nānāladdhiko hutvā ekaṃ vādaṃ vadanto ekato assa, bhikkhusaṅghopi ekaṃ vadanto ekatoti attho. Tenevāhanti yaṃ vādaṃ tumhe vadetha, tamevāhaṃ gaṇheyyanti. Nanu ca ariyasāvakassa ratanattaye pasādanānattaṃ natthi, atha kasmā esa evamāhāti? Bhagavato sabbaññutāya. Evañhissa hoti ‘‘bhikkhusaṅgho attano asabbaññutāya ajānitvāpi katheyya, satthu pana aññāṇaṃ nāma natthī’’ti. Tasmā evamāha. Aññatra kalyāṇā aññatra kusalāti kalyāṇameva kusalameva vadāmi, na kalyāṇakusalavimuttanti. Apicassa anavajjanadoso esoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਗੋਧਸਕ੍ਕਸੁਤ੍ਤਂ • 3. Godhasakkasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਗੋਧਸਕ੍ਕਸੁਤ੍ਤવਣ੍ਣਨਾ • 3. Godhasakkasuttavaṇṇanā
