| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. গোধিকসুত্তং
3. Godhikasuttaṃ
১৫৯. এৰং মে সুতং – একং সমযং ভগৰা রাজগহে ৰিহরতি ৰেল়ুৰনে কলন্দকনিৰাপে। তেন খো পন সমযেন আযস্মা গোধিকো ইসিগিলিপস্সে ৰিহরতি কাল়সিলাযং। অথ খো আযস্মা গোধিকো অপ্পমত্তো আতাপী পহিতত্তো ৰিহরন্তো সামযিকং চেতোৰিমুত্তিং ফুসি। অথ খো আযস্মা গোধিকো তম্হা সামযিকায চেতোৰিমুত্তিযা পরিহাযি । দুতিযম্পি খো আযস্মা গোধিকো অপ্পমত্তো আতাপী পহিতত্তো ৰিহরন্তো সামযিকং চেতোৰিমুত্তিং ফুসি। দুতিযম্পি খো আযস্মা গোধিকো তম্হা সামযিকায চেতোৰিমুত্তিযা পরিহাযি। ততিযম্পি খো আযস্মা গোধিকো অপ্পমত্তো আতাপী পহিতত্তো ৰিহরন্তো সামযিকং চেতোৰিমুত্তিং ফুসি। ততিযম্পি খো আযস্মা গোধিকো তম্হা…পে॰… পরিহাযি। চতুত্থম্পি খো আযস্মা গোধিকো অপ্পমত্তো…পে॰… ৰিমুত্তিং ফুসি । চতুত্থম্পি খো আযস্মা গোধিকো তম্হা…পে॰… পরিহাযি। পঞ্চমম্পি খো আযস্মা গোধিকো…পে॰… চেতোৰিমুত্তিং ফুসি। পঞ্চমম্পি খো আযস্মা…পে॰… ৰিমুত্তিযা পরিহাযি। ছট্ঠম্পি খো আযস্মা গোধিকো অপ্পমত্তো আতাপী পহিতত্তো ৰিহরন্তো সামযিকং চেতোৰিমুত্তিং ফুসি। ছট্ঠম্পি খো আযস্মা গোধিকো তম্হা সামযিকায চেতোৰিমুত্তিযা পরিহাযি। সত্তমম্পি খো আযস্মা গোধিকো অপ্পমত্তো আতাপী পহিতত্তো ৰিহরন্তো সামযিকং চেতোৰিমুত্তিং ফুসি।
159. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā godhiko isigilipasse viharati kāḷasilāyaṃ. Atha kho āyasmā godhiko appamatto ātāpī pahitatto viharanto sāmayikaṃ cetovimuttiṃ phusi. Atha kho āyasmā godhiko tamhā sāmayikāya cetovimuttiyā parihāyi . Dutiyampi kho āyasmā godhiko appamatto ātāpī pahitatto viharanto sāmayikaṃ cetovimuttiṃ phusi. Dutiyampi kho āyasmā godhiko tamhā sāmayikāya cetovimuttiyā parihāyi. Tatiyampi kho āyasmā godhiko appamatto ātāpī pahitatto viharanto sāmayikaṃ cetovimuttiṃ phusi. Tatiyampi kho āyasmā godhiko tamhā…pe… parihāyi. Catutthampi kho āyasmā godhiko appamatto…pe… vimuttiṃ phusi . Catutthampi kho āyasmā godhiko tamhā…pe… parihāyi. Pañcamampi kho āyasmā godhiko…pe… cetovimuttiṃ phusi. Pañcamampi kho āyasmā…pe… vimuttiyā parihāyi. Chaṭṭhampi kho āyasmā godhiko appamatto ātāpī pahitatto viharanto sāmayikaṃ cetovimuttiṃ phusi. Chaṭṭhampi kho āyasmā godhiko tamhā sāmayikāya cetovimuttiyā parihāyi. Sattamampi kho āyasmā godhiko appamatto ātāpī pahitatto viharanto sāmayikaṃ cetovimuttiṃ phusi.
অথ খো আযস্মতো গোধিকস্স এতদহোসি – ‘‘যাৰ ছট্ঠং খ্ৰাহং সামযিকায চেতোৰিমুত্তিযা পরিহীনো। যংনূনাহং সত্থং আহরেয্য’’ন্তি। অথ খো মারো পাপিমা আযস্মতো গোধিকস্স চেতসা চেতোপরিৰিতক্কমঞ্ঞায যেন ভগৰা তেনুপসঙ্কমি; উপসঙ্কমিত্ৰা ভগৰন্তং গাথাহি অজ্ঝভাসি –
Atha kho āyasmato godhikassa etadahosi – ‘‘yāva chaṭṭhaṃ khvāhaṃ sāmayikāya cetovimuttiyā parihīno. Yaṃnūnāhaṃ satthaṃ āhareyya’’nti. Atha kho māro pāpimā āyasmato godhikassa cetasā cetoparivitakkamaññāya yena bhagavā tenupasaṅkami; upasaṅkamitvā bhagavantaṃ gāthāhi ajjhabhāsi –
‘‘মহাৰীর মহাপঞ্ঞ, ইদ্ধিযা যসসা জল।
‘‘Mahāvīra mahāpañña, iddhiyā yasasā jala;
সব্বৰেরভযাতীত, পাদে ৰন্দামি চক্খুম॥
Sabbaverabhayātīta, pāde vandāmi cakkhuma.
‘‘সাৰকো তে মহাৰীর, মরণং মরণাভিভূ।
‘‘Sāvako te mahāvīra, maraṇaṃ maraṇābhibhū;
আকঙ্খতি চেতযতি, তং নিসেধ জুতিন্ধর॥
Ākaṅkhati cetayati, taṃ nisedha jutindhara.
‘‘কথঞ্হি ভগৰা তুয্হং, সাৰকো সাসনে রতো।
‘‘Kathañhi bhagavā tuyhaṃ, sāvako sāsane rato;
অপ্পত্তমানসো সেক্খো, কালং কযিরা জনেসুতা’’তি॥
Appattamānaso sekkho, kālaṃ kayirā janesutā’’ti.
তেন খো পন সমযেন আযস্মতো গোধিকেন সত্থং আহরিতং হোতি। অথ খো ভগৰা ‘‘মারো অযং পাপিমা’’ ইতি ৰিদিত্ৰা মারং পাপিমন্তং গাথায অজ্ঝভাসি –
Tena kho pana samayena āyasmato godhikena satthaṃ āharitaṃ hoti. Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāya ajjhabhāsi –
‘‘এৰঞ্হি ধীরা কুব্বন্তি, নাৰকঙ্খন্তি জীৰিতং।
‘‘Evañhi dhīrā kubbanti, nāvakaṅkhanti jīvitaṃ;
সমূলং তণ্হমব্বুয্হ, গোধিকো পরিনিব্বুতো’’তি॥
Samūlaṃ taṇhamabbuyha, godhiko parinibbuto’’ti.
অথ খো ভগৰা ভিক্খূ আমন্তেসি – ‘‘আযাম, ভিক্খৰে, যেন ইসিগিলিপস্সং কাল়সিলা তেনুপসঙ্কমিস্সাম যত্থ গোধিকেন কুলপুত্তেন সত্থং আহরিত’’ন্তি। ‘‘এৰং, ভন্তে’’তি খো তে ভিক্খূ ভগৰতো পচ্চস্সোসুং।
Atha kho bhagavā bhikkhū āmantesi – ‘‘āyāma, bhikkhave, yena isigilipassaṃ kāḷasilā tenupasaṅkamissāma yattha godhikena kulaputtena satthaṃ āharita’’nti. ‘‘Evaṃ, bhante’’ti kho te bhikkhū bhagavato paccassosuṃ.
অথ খো ভগৰা সম্বহুলেহি ভিক্খূহি সদ্ধিং যেন ইসিগিলিপস্সং কাল়সিলা তেনুপসঙ্কমি। অদ্দসা খো ভগৰা আযস্মন্তং গোধিকং দূরতোৰ মঞ্চকে ৰিৰত্তক্খন্ধং সেমানং 1। তেন খো পন সমযেন ধূমাযিতত্তং তিমিরাযিতত্তং গচ্ছতেৰ পুরিমং দিসং, গচ্ছতি পচ্ছিমং দিসং, গচ্ছতি উত্তরং দিসং, গচ্ছতি দক্খিণং দিসং, গচ্ছতি উদ্ধং, গচ্ছতি অধো, গচ্ছতি অনুদিসং।
Atha kho bhagavā sambahulehi bhikkhūhi saddhiṃ yena isigilipassaṃ kāḷasilā tenupasaṅkami. Addasā kho bhagavā āyasmantaṃ godhikaṃ dūratova mañcake vivattakkhandhaṃ semānaṃ 2. Tena kho pana samayena dhūmāyitattaṃ timirāyitattaṃ gacchateva purimaṃ disaṃ, gacchati pacchimaṃ disaṃ, gacchati uttaraṃ disaṃ, gacchati dakkhiṇaṃ disaṃ, gacchati uddhaṃ, gacchati adho, gacchati anudisaṃ.
অথ খো ভগৰা ভিক্খূ আমন্তেসি – ‘‘পস্সথ নো তুম্হে, ভিক্খৰে, এতং ধূমাযিতত্তং তিমিরাযিতত্তং গচ্ছতেৰ পুরিমং দিসং, গচ্ছতি পচ্ছিমং দিসং, গচ্ছতি উত্তরং দিসং, গচ্ছতি দক্খিণং দিসং, গচ্ছতি উদ্ধং, গচ্ছতি অধো, গচ্ছতি অনুদিস’’ন্তি? ‘‘এৰং, ভন্তে’’। ‘‘এসো খো, ভিক্খৰে, মারো পাপিমা গোধিকস্স কুলপুত্তস্স ৰিঞ্ঞাণং সমন্ৰেসতি – ‘কত্থ গোধিকস্স কুলপুত্তস্স ৰিঞ্ঞাণং পতিট্ঠিত’ন্তি? অপ্পতিট্ঠিতেন চ, ভিক্খৰে, ৰিঞ্ঞাণেন গোধিকো কুলপুত্তো পরিনিব্বুতো’’তি। অথ খো মারো পাপিমা বেলুৰপণ্ডুৰীণং আদায যেন ভগৰা তেনুপসঙ্কমি; উপসঙ্কমিত্ৰা ভগৰন্তং গাথায অজ্ঝভাসি –
Atha kho bhagavā bhikkhū āmantesi – ‘‘passatha no tumhe, bhikkhave, etaṃ dhūmāyitattaṃ timirāyitattaṃ gacchateva purimaṃ disaṃ, gacchati pacchimaṃ disaṃ, gacchati uttaraṃ disaṃ, gacchati dakkhiṇaṃ disaṃ, gacchati uddhaṃ, gacchati adho, gacchati anudisa’’nti? ‘‘Evaṃ, bhante’’. ‘‘Eso kho, bhikkhave, māro pāpimā godhikassa kulaputtassa viññāṇaṃ samanvesati – ‘kattha godhikassa kulaputtassa viññāṇaṃ patiṭṭhita’nti? Appatiṭṭhitena ca, bhikkhave, viññāṇena godhiko kulaputto parinibbuto’’ti. Atha kho māro pāpimā beluvapaṇḍuvīṇaṃ ādāya yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –
‘‘উদ্ধং অধো চ তিরিযং, দিসা অনুদিসা স্ৰহং।
‘‘Uddhaṃ adho ca tiriyaṃ, disā anudisā svahaṃ;
অন্ৰেসং নাধিগচ্ছামি, গোধিকো সো কুহিং গতো’’তি॥
Anvesaṃ nādhigacchāmi, godhiko so kuhiṃ gato’’ti.
অহোরত্তং অনুযুঞ্জং, জীৰিতং অনিকামযং॥
Ahorattaṃ anuyuñjaṃ, jīvitaṃ anikāmayaṃ.
সমূলং তণ্হমব্বুয্হ, গোধিকো পরিনিব্বুতো’’তি॥
Samūlaṃ taṇhamabbuyha, godhiko parinibbuto’’ti.
‘‘তস্স সোকপরেতস্স, ৰীণা কচ্ছা অভস্সথ।
‘‘Tassa sokaparetassa, vīṇā kacchā abhassatha;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. গোধিকসুত্তৰণ্ণনা • 3. Godhikasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. গোধিকসুত্তৰণ্ণনা • 3. Godhikasuttavaṇṇanā
