| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. г̇од̇хигасуд̇д̇аван̣н̣анаа
3. Godhikasuttavaṇṇanā
159. д̇ад̇ияз исиг̇илибассзд̇и исиг̇илисса наама баб̣б̣ад̇асса бассз. гаал̣асилааяанд̇и гаал̣аван̣н̣ааяа силааяам̣. саамаяигам̣ жзд̇овимуд̇д̇инд̇и аббид̇аббид̇агкан̣з бажжанийгад̇хаммзхи вимужжад̇и, аарамман̣з жа ад̇химужжад̇ийд̇и логияасамаабад̇д̇и саамаяигаа жзд̇овимуд̇д̇и наама. пусийд̇и бадилабхи. барихааяийд̇и гасмаа яаава чадтам̣ барихааяи? сааб̣аад̇хад̇д̇аа. т̇зрасса гира ваад̇абид̇д̇асзмхавасзна анусааяиго ааб̣аад̇хо ад̇т̇и, д̇зна самаад̇хисса саббааяз убагаарагад̇хаммз буурзд̇ум̣ на саггод̇и, аббид̇аббид̇ааяа самаабад̇д̇ияаа барихааяад̇и.
159. Tatiye isigilipasseti isigilissa nāma pabbatassa passe. Kāḷasilāyanti kāḷavaṇṇāya silāyaṃ. Sāmayikaṃ cetovimuttinti appitappitakkhaṇe paccanīkadhammehi vimuccati, ārammaṇe ca adhimuccatīti lokiyasamāpatti sāmayikā cetovimutti nāma. Phusīti paṭilabhi. Parihāyīti kasmā yāva chaṭṭhaṃ parihāyi? Sābādhattā. Therassa kira vātapittasemhavasena anusāyiko ābādho atthi, tena samādhissa sappāye upakārakadhamme pūretuṃ na sakkoti, appitappitāya samāpattiyā parihāyati.
яам̣нуунаахам̣ сад̇т̇ам̣ аахарзяяанд̇и со гира жинд̇зси, яасмаа барихийнаж̇жхаанасса гаалан̇гарод̇о аниб̣ад̣̇д̇хаа г̇ад̇и ход̇и, абарихийнаж̇жхаанасса ниб̣ад̣̇д̇хаа г̇ад̇и ход̇и, б̣рахмалогз ниб̣б̣ад̇д̇ад̇и, д̇асмаа сад̇т̇ам̣ аахарид̇угаамо ахоси. убасан̇гамийд̇и – ‘‘аяам̣ саман̣о сад̇т̇ам̣ аахарид̇угаамо, сад̇т̇аахаран̣ан̃жа наамзд̇ам̣ гааяз жа ж̇ийвид̇з жа анабзгкасса ход̇и. яо звам̣ гааяз жа ж̇ийвид̇з жа анабзгко ход̇и, со муулагаммадтаанам̣ саммасид̇ваа арахад̇д̇амби г̇ахзд̇ум̣ самад̇т̇о ход̇и, маяаа бана бадиб̣аахид̇оби зса на орамиссад̇и, сад̇т̇аараа бадиб̣аахид̇о орамиссад̇ий’’д̇и т̇зрасса ад̇т̇агаамо вияа худ̇ваа язна бхаг̇аваа д̇знубасан̇гами.
Yaṃnūnāhaṃ satthaṃ āhareyyanti so kira cintesi, yasmā parihīnajjhānassa kālaṅkaroto anibaddhā gati hoti, aparihīnajjhānassa nibaddhā gati hoti, brahmaloke nibbattati, tasmā satthaṃ āharitukāmo ahosi. Upasaṅkamīti – ‘‘ayaṃ samaṇo satthaṃ āharitukāmo, satthāharaṇañca nāmetaṃ kāye ca jīvite ca anapekkhassa hoti. Yo evaṃ kāye ca jīvite ca anapekkho hoti, so mūlakammaṭṭhānaṃ sammasitvā arahattampi gahetuṃ samattho hoti, mayā pana paṭibāhitopi esa na oramissati, satthārā paṭibāhito oramissatī’’ti therassa atthakāmo viya hutvā yena bhagavā tenupasaṅkami.
ж̇алаад̇и ж̇аламаанаа. баад̣̇з ванд̣̇аами жагкумаад̇и бан̃жахи жагкуухи жагкумаа д̇ава баад̣̇з ванд̣̇аами. ж̇уд̇инд̇хараад̇и аанубхаавад̇хараа. аббад̇д̇амаанасод̇и аббад̇д̇аарахад̇д̇о. сзкод̇и сийлаад̣̇ийни сигкамаано сагаран̣ийяо. ж̇анз суд̇аад̇и ж̇анз виссуд̇аа. сад̇т̇ам̣ аахарид̇ам̣ ход̇ийд̇и т̇зро гира ‘‘гим̣ маяхам̣ иминаа ж̇ийвид̇знаа’’д̇и? уд̇д̇аано нибаж̇ж̇ид̇ваа сад̇т̇зна г̇аланаал̣им̣ чинд̣̇и, д̣̇угкаа взд̣̇анаа уббаж̇ж̇им̣су. т̇зро взд̣̇анам̣ вигкамбхзд̇ваа д̇ам̣язва взд̣̇анам̣ бариг̇г̇ахзд̇ваа сад̇им̣ убадтабзд̇ваа муулагаммадтаанам̣ саммасанд̇о арахад̇д̇ам̣ бад̇ваа самасийсий худ̇ваа бариниб̣б̣ааяи. самасийсий наама д̇ивид̇хо ход̇и ирияаабат̇асамасийсий, рог̇асамасийсий, ж̇ийвид̇асамасийсийд̇и.
Jalāti jalamānā. Pāde vandāmi cakkhumāti pañcahi cakkhūhi cakkhumā tava pāde vandāmi. Jutindharāti ānubhāvadharā. Appattamānasoti appattaarahatto. Sekhoti sīlādīni sikkhamāno sakaraṇīyo. Jane sutāti jane vissutā. Satthaṃ āharitaṃ hotīti thero kira ‘‘kiṃ mayhaṃ iminā jīvitenā’’ti? Uttāno nipajjitvā satthena galanāḷiṃ chindi, dukkhā vedanā uppajjiṃsu. Thero vedanaṃ vikkhambhetvā taṃyeva vedanaṃ pariggahetvā satiṃ upaṭṭhapetvā mūlakammaṭṭhānaṃ sammasanto arahattaṃ patvā samasīsī hutvā parinibbāyi. Samasīsī nāma tividho hoti iriyāpathasamasīsī, rogasamasīsī, jīvitasamasīsīti.
д̇ад̇т̇а яо таанаад̣̇ийсу ирияаабат̇зсу ан̃н̃ад̇арам̣ ад̇хидтааяа – ‘‘имам̣ агобзд̇ваава арахад̇д̇ам̣ баабун̣иссаамий’’д̇и вибассанам̣ бадтабзд̇и, ат̇асса арахад̇д̇аббад̇д̇и жа ирияаабат̇агобанан̃жа згаббахаарзнзва ход̇и. аяам̣ ирияаабат̇асамасийсий наама. яо бана жагкурог̇аад̣̇ийсу ан̃н̃ад̇арасмим̣ сад̇и – ‘‘ид̇о анудтид̇ова арахад̇д̇ам̣ баабун̣иссаамий’’д̇и вибассанам̣ бадтабзд̇и, ат̇асса арахад̇д̇аббад̇д̇и жа рог̇ад̇о вудтаанан̃жа згаббахаарзнзва ход̇и. аяам̣ рог̇асамасийсий наама. гзжи бана д̇асмим̣язва ирияаабат̇з д̇асмин̃жа рог̇з бариниб̣б̣аанавасзнзд̇т̇а самасийсид̇ам̣ бан̃н̃аабзнд̇и. яасса бана аасавагкаяо жа ж̇ийвид̇агкаяо жа згаббахаарзнзва ход̇и. аяам̣ ж̇ийвид̇асамасийсий наама. вуд̇д̇амби жзд̇ам̣ – ‘‘яасса буг̇г̇аласса абуб̣б̣ам̣ ажаримам̣ аасавабарияаад̣̇аанан̃жа ход̇и ж̇ийвид̇абарияаад̣̇аанан̃жа, аяам̣ вужжад̇и буг̇г̇ало самасийсий’’д̇и (бу. ба. 16).
Tattha yo ṭhānādīsu iriyāpathesu aññataraṃ adhiṭṭhāya – ‘‘imaṃ akopetvāva arahattaṃ pāpuṇissāmī’’ti vipassanaṃ paṭṭhapeti, athassa arahattappatti ca iriyāpathakopanañca ekappahāreneva hoti. Ayaṃ iriyāpathasamasīsī nāma. Yo pana cakkhurogādīsu aññatarasmiṃ sati – ‘‘ito anuṭṭhitova arahattaṃ pāpuṇissāmī’’ti vipassanaṃ paṭṭhapeti, athassa arahattappatti ca rogato vuṭṭhānañca ekappahāreneva hoti. Ayaṃ rogasamasīsī nāma. Keci pana tasmiṃyeva iriyāpathe tasmiñca roge parinibbānavasenettha samasīsitaṃ paññāpenti. Yassa pana āsavakkhayo ca jīvitakkhayo ca ekappahāreneva hoti. Ayaṃ jīvitasamasīsī nāma. Vuttampi cetaṃ – ‘‘yassa puggalassa apubbaṃ acarimaṃ āsavapariyādānañca hoti jīvitapariyādānañca, ayaṃ vuccati puggalo samasīsī’’ti (pu. pa. 16).
зд̇т̇а жа бавад̇д̇исийсам̣ гилзсасийсанд̇и д̣̇вз сийсаани. д̇ад̇т̇а бавад̇д̇исийсам̣ наама ж̇ийвид̇инд̣̇рияам̣, гилзсасийсам̣ наама авиж̇ж̇аа. д̇зсу ж̇ийвид̇инд̣̇рияам̣ жуд̇ижид̇д̇ам̣ кзбзд̇и, авиж̇ж̇аа маг̇г̇ажид̇д̇ам̣. д̣̇виннам̣ жид̇д̇аанам̣ згад̇о уббаад̣̇о над̇т̇и. маг̇г̇аананд̇арам̣ бана палам̣, палаананд̇арам̣ бхаван̇г̇ам̣, бхаван̇г̇ад̇о вудтааяа бажжавзгкан̣ам̣, д̇ам̣ барибун̣н̣ам̣ ваа ход̇и абарибун̣н̣ам̣ ваа. д̇икин̣зна асинаа сийсз чиж̇ж̇анд̇зби хи зго ваа д̣̇вз ваа бажжавзгкан̣аваараа авассам̣ уббаж̇ж̇анд̇иязва, жид̇д̇аанам̣ бана лахубаривад̇д̇ид̇ааяа аасавагкаяо жа ж̇ийвид̇абарияаад̣̇аанан̃жа згагкан̣з вияа бан̃н̃ааяад̇и.
Ettha ca pavattisīsaṃ kilesasīsanti dve sīsāni. Tattha pavattisīsaṃ nāma jīvitindriyaṃ, kilesasīsaṃ nāma avijjā. Tesu jīvitindriyaṃ cuticittaṃ khepeti, avijjā maggacittaṃ. Dvinnaṃ cittānaṃ ekato uppādo natthi. Maggānantaraṃ pana phalaṃ, phalānantaraṃ bhavaṅgaṃ, bhavaṅgato vuṭṭhāya paccavekkhaṇaṃ, taṃ paripuṇṇaṃ vā hoti aparipuṇṇaṃ vā. Tikhiṇena asinā sīse chijjantepi hi eko vā dve vā paccavekkhaṇavārā avassaṃ uppajjantiyeva, cittānaṃ pana lahuparivattitāya āsavakkhayo ca jīvitapariyādānañca ekakkhaṇe viya paññāyati.
самуулам̣ д̇ан̣хамаб̣б̣уяхаад̇и авиж̇ж̇аамуулзна самуулагам̣ д̇ан̣хам̣ арахад̇д̇амаг̇г̇зна уббаадзд̇ваа. бариниб̣б̣уд̇од̇и анубаад̣̇исзсаниб̣б̣аанзна бариниб̣б̣уд̇о.
Samūlaṃ taṇhamabbuyhāti avijjāmūlena samūlakaṃ taṇhaṃ arahattamaggena uppāṭetvā. Parinibbutoti anupādisesanibbānena parinibbuto.
вивад̇д̇агканд̇ханд̇и баривад̇д̇агканд̇хам̣. сзмаананд̇и уд̇д̇аанам̣ худ̇ваа саяид̇ам̣ ход̇и. т̇зро бана гин̃жааби уд̇д̇аанаго саяид̇о, д̇ат̇аабисса д̣̇агкин̣зна бассзна барижид̇асаяанад̇д̇аа сийсам̣ д̣̇агкин̣ад̇ова баривад̇д̇ид̇ваа тид̇ам̣. д̇хуумааяид̇ад̇д̇анд̇и д̇хуумааяид̇абхаавам̣. д̇асмим̣ хи кан̣з д̇хуумавалаахагаа вияа д̇имиравалаахагаа вияа жа удтахим̣су. вин̃н̃аан̣ам̣ саманвзсад̇ийд̇и бадисанд̇хижид̇д̇ам̣ бариязсад̇и. аббад̇идтид̇знаад̇и бадисанд̇хивин̃н̃аан̣зна аббад̇идтид̇зна, аббад̇идтид̇агааран̣аад̇и ад̇т̇о. б̣злувабан̣д̣увийн̣анд̇и б̣злувабаггам̣ вияа бан̣д̣уван̣н̣ам̣ суван̣н̣амахаавийн̣ам̣. аад̣̇ааяаад̇и гажчз табзд̇ваа. убасан̇гамийд̇и ‘‘г̇од̇хигад̇т̇зрасса ниб̣б̣ад̇д̇адтаанам̣ на ж̇аанаами, саман̣ам̣ г̇од̇амам̣ бужчид̇ваа нигган̇ко бхависсаамий’’д̇и куд̣̇д̣̇агад̣̇аарагаван̣н̣ий худ̇ваа убасан̇гами. наад̇хиг̇ажчаамийд̇и на бассаами. согабарзд̇ассаад̇и согзна пудтасса. абхассат̇аад̇и баад̣̇абидтияам̣ бад̇ид̇аа. д̇ад̇ияам̣.
Vivattakkhandhanti parivattakkhandhaṃ. Semānanti uttānaṃ hutvā sayitaṃ hoti. Thero pana kiñcāpi uttānako sayito, tathāpissa dakkhiṇena passena paricitasayanattā sīsaṃ dakkhiṇatova parivattitvā ṭhitaṃ. Dhūmāyitattanti dhūmāyitabhāvaṃ. Tasmiṃ hi khaṇe dhūmavalāhakā viya timiravalāhakā viya ca uṭṭhahiṃsu. Viññāṇaṃ samanvesatīti paṭisandhicittaṃ pariyesati. Appatiṭṭhitenāti paṭisandhiviññāṇena appatiṭṭhitena, appatiṭṭhitakāraṇāti attho. Beluvapaṇḍuvīṇanti beluvapakkaṃ viya paṇḍuvaṇṇaṃ suvaṇṇamahāvīṇaṃ. Ādāyāti kacche ṭhapetvā. Upasaṅkamīti ‘‘godhikattherassa nibbattaṭṭhānaṃ na jānāmi, samaṇaṃ gotamaṃ pucchitvā nikkaṅkho bhavissāmī’’ti khuddakadārakavaṇṇī hutvā upasaṅkami. Nādhigacchāmīti na passāmi. Sokaparetassāti sokena phuṭṭhassa. Abhassathāti pādapiṭṭhiyaṃ patitā. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. г̇од̇хигасуд̇д̇ам̣ • 3. Godhikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. г̇од̇хигасуд̇д̇аван̣н̣анаа • 3. Godhikasuttavaṇṇanā
