| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. г̇од̇хигасуд̇д̇аван̣н̣анаа
3. Godhikasuttavaṇṇanā
159. баб̣б̣ад̇асса бассзд̇и баб̣б̣ад̇абаад̣̇з убажжагааяам̣. самаяз самаяз лад̣̇д̇хад̇д̇аа саамаяигам̣. д̇знааха ‘‘аббид̇аббид̇агкан̣з бажжанийгад̇хаммзхи вимужжад̇ий’’д̇и. логияавимуд̇д̇и хи анажжанд̇абахааяид̇ааяа самаяавимуд̇д̇и наама, логуд̇д̇аравимуд̇д̇и ажжанд̇абахааяид̇ааяа асамаяавимуд̇д̇и. д̇аахи саманнааг̇ад̇аа ‘‘самаяавимуд̇д̇аа, асамаяавимуд̇д̇аа’’д̇и жа вужжанд̇и. яаава батамаж̇жхаананиб̣б̣ад̇д̇анам̣, д̇аава гасмаа барихааяийд̇и ад̇т̇о? сааб̣аад̇хад̇д̇аад̇и сарог̇ад̇д̇аа. ваад̇абид̇д̇асзмхавасзнаад̇и гад̣̇аажи ваад̇абид̇д̇авасзна, гад̣̇аажи ваад̇асзмхавасзна, убхиннамби саннибаад̇авасзна. анусааяигод̇и гааяам̣ ануг̇анд̇ваа саяид̇о, яаабяаамаяабхаавзна тид̇од̇и ад̇т̇о. самаад̇хиссаад̇и самаад̇хибхааванааяа. убагаарагад̇хаммз уд̇убхож̇анаад̣̇игз. буурзд̇унд̇и самод̇хаанзд̇ум̣. барихааяийд̇и сарийрасса агаллабхаавад̇о.
159.Pabbatassa passeti pabbatapāde upaccakāyaṃ. Samaye samaye laddhattā sāmayikaṃ. Tenāha ‘‘appitappitakkhaṇe paccanīkadhammehi vimuccatī’’ti. Lokiyavimutti hi anaccantapahāyitāya samayavimutti nāma, lokuttaravimutti accantapahāyitāya asamayavimutti. Tāhi samannāgatā ‘‘samayavimuttā, asamayavimuttā’’ti ca vuccanti. Yāva paṭhamajjhānanibbattanaṃ, tāva kasmā parihāyīti attho? Sābādhattāti sarogattā. Vātapittasemhavasenāti kadāci vātapittavasena, kadāci vātasemhavasena, ubhinnampi sannipātavasena. Anusāyikoti kāyaṃ anugantvā sayito, yāpyāmayabhāvena ṭhitoti attho. Samādhissāti samādhibhāvanāya. Upakārakadhamme utubhojanādike. Pūretunti samodhānetuṃ. Parihāyīti sarīrassa akallabhāvato.
аахарзяяанд̇и ж̇ийвид̇ахаран̣ад̇т̇ааяа убанзяяам̣. ниб̣ад̣̇д̇хаа г̇ад̇и ход̇и гзвалам̣ б̣рахмалогуубабад̇д̇ид̇о, на сод̇аабаннаад̣̇ийнам̣ вияа барижчиннабхаавзна. д̇знааха ‘‘б̣рахмалогз ниб̣б̣ад̇д̇ад̇ий’’д̇и.
Āhareyyanti jīvitaharaṇatthāya upaneyyaṃ. Nibaddhā gati hoti kevalaṃ brahmalokūpapattito, na sotāpannādīnaṃ viya paricchinnabhāvena. Tenāha ‘‘brahmaloke nibbattatī’’ti.
ж̇аламаанаад̇и самудтид̇анияад̇аид̣̇д̇хияаа анан̃н̃асаад̇хааран̣абариваарасамбад̇д̇ияаа жа сад̣̇звагз логз ж̇аламаанаа. мам̣сажагку д̣̇иб̣б̣ажагку д̇хаммажагку бан̃н̃аажагку саманд̇ажагкууд̇и бан̃жахи жагкуухи жагкумаа. аанубхаавад̇хараад̇и ажинд̇зяяаабаримзяяаб̣уд̣̇д̇хаанубхаавасамбаннаа. аанубхаавабарияааяоби хи ж̇уд̇и-сад̣̇д̣̇о ход̇и ‘‘ид̣̇д̇хиж̇уд̇иб̣алавийрияуубабад̇д̇ий’’д̇иаад̣̇ийсу (ж̇аа. 2.22.1589, 1595) вияа. анавасзсад̇о маанам̣ сияад̇и самужчинд̣̇ад̇ийд̇и аг̇г̇амаг̇г̇о маанасам̣. д̇анниб̣б̣ад̇д̇анаа бана арахад̇д̇асса маанасад̇аа д̣̇адтаб̣б̣аа. сийлаад̣̇ийнийд̇и ануд̇д̇арасийлаад̣̇ийни. сигкамаанод̇и сигкаани бхаавзнд̇о ад̇д̇ано санд̇аанз уббаад̣̇знд̇о. на жид̇д̇абхааванаа. д̇знааха ‘‘сагаран̣ийяо’’д̇и. ж̇анзд̇и сад̇д̇асса гааяз, сад̣̇звагз логзд̇и ад̇т̇о. виссуд̇аад̇и анан̃н̃асаад̇хааран̣зхи сийлаад̣̇иг̇ун̣зхи виссуд̇аа.
Jalamānāti samuṭṭhitaniyataiddhiyā anaññasādhāraṇaparivārasampattiyā ca sadevake loke jalamānā. Maṃsacakkhu dibbacakkhu dhammacakkhu paññācakkhu samantacakkhūti pañcahi cakkhūhi cakkhumā. Ānubhāvadharāti acinteyyāparimeyyabuddhānubhāvasampannā. Ānubhāvapariyāyopi hi juti-saddo hoti ‘‘iddhijutibalavīriyūpapattī’’tiādīsu (jā. 2.22.1589, 1595) viya. Anavasesato mānaṃ siyati samucchindatīti aggamaggo mānasaṃ. Tannibbattanā pana arahattassa mānasatā daṭṭhabbā. Sīlādīnīti anuttarasīlādīni. Sikkhamānoti sikkhāni bhāvento attano santāne uppādento. Na cittabhāvanā. Tenāha ‘‘sakaraṇīyo’’ti. Janeti sattassa kāye, sadevake loketi attho. Vissutāti anaññasādhāraṇehi sīlādiguṇehi vissutā.
взд̣̇анам̣ вигкамбхзд̇ваад̇и уббаннам̣ д̣̇угкавзд̣̇анам̣ бадижжа уббаннаад̇д̇агиламат̇ам̣ ануббаад̣̇анавасзна вигкамбхзд̇ваа д̇ам̣язва взд̣̇анам̣ бариг̇г̇ахзд̇ваа бавад̇д̇авибассанаа вийт̇имзва од̇арад̇ийд̇и гад̇ваа муулагаммадтаананд̇и вуд̇д̇ам̣. ‘‘самасийсий худ̇ваа бариниб̣б̣ааяий’’д̇и вад̇ваа д̇асса бабхзд̣̇ам̣ вибхаж̇ид̇ваа ид̇хаад̇хиббзд̇ам̣ д̣̇ассзд̇ум̣ ‘‘самасийсий наама д̇ивид̇хо ход̇ий’’д̇иаад̣̇имааха. ирияаабат̇авасзна самасийсий ирияаабат̇асамасийсий. зса наяо сзсад̣̇ваязби.
Vedanaṃ vikkhambhetvāti uppannaṃ dukkhavedanaṃ paṭicca uppannaattakilamathaṃ anuppādanavasena vikkhambhetvā taṃyeva vedanaṃ pariggahetvā pavattavipassanā vīthimeva otaratīti katvā mūlakammaṭṭhānanti vuttaṃ. ‘‘Samasīsī hutvā parinibbāyī’’ti vatvā tassa pabhedaṃ vibhajitvā idhādhippetaṃ dassetuṃ ‘‘samasīsī nāma tividho hotī’’tiādimāha. Iriyāpathavasena samasīsī iriyāpathasamasīsī. Esa nayo sesadvayepi.
ирияаабат̇агобанан̃жаад̇и ирияаабат̇зхи асамааяог̇о. згаббахаарзнзваад̇и згавзлааяамзва. бариниб̣б̣аанавасзнаад̇и анубаад̣̇исзсабариниб̣б̣аанавасзна, на гилзсагкаяамад̇д̇зна. зд̇т̇аад̇и зд̇зсу д̣̇вийсу наязсу. звам̣ сад̇и д̇знзва ирияаабат̇зна вибассанам̣ бадтабзд̇ваа д̇знзва ирияаабат̇зна, згасмим̣ анд̇орог̇зязва вибассанам̣ бадтабзд̇ваа арахад̇д̇ам̣ бад̇ваа д̇знзва рог̇зна бариниб̣б̣ааяанд̇аа кийн̣аасаваа б̣ахавоби самасийсино зва самбхавзяяум̣. д̇асмаа вуд̇д̇анаязнзва ад̇т̇о взд̣̇ид̇аб̣б̣о.
Iriyāpathakopanañcāti iriyāpathehi asamāyogo. Ekappahārenevāti ekavelāyameva. Parinibbānavasenāti anupādisesaparinibbānavasena, na kilesakkhayamattena. Etthāti etesu dvīsu nayesu. Evaṃ sati teneva iriyāpathena vipassanaṃ paṭṭhapetvā teneva iriyāpathena, ekasmiṃ antorogeyeva vipassanaṃ paṭṭhapetvā arahattaṃ patvā teneva rogena parinibbāyantā khīṇāsavā bahavopi samasīsino eva sambhaveyyuṃ. Tasmā vuttanayeneva attho veditabbo.
сийсан̃жзд̇т̇а д̇зраса – балиб̣од̇хасийсам̣ д̇ан̣хаа, б̣анд̇ханасийсам̣ маано, бараамаасасийсам̣ д̣̇идти, вигкзбасийсам̣ уд̣̇д̇хажжам̣, гилзсасийсам̣ авиж̇ж̇аа, ад̇химогкасийсам̣ сад̣̇д̇хаа, баг̇г̇ахасийсам̣ вийрияам̣, убадтаанасийсам̣ сад̇и, авигкзбасийсам̣ самаад̇хи, д̣̇ассанасийсам̣ бан̃н̃аа, бавад̇д̇исийсам̣ ж̇ийвид̇инд̣̇рияам̣, г̇ожарасийсам̣ вимогко, сан̇каарасийсам̣ нирод̇ход̇и. имзсу д̇зрасасу сийсзсу балиб̣од̇хасийсаад̣̇ийни бавад̇д̇исийсан̃жа барияаад̣̇ияид̇аб̣б̣аани, ад̇химогкасийсаад̣̇ийни барияаад̣̇ааяагаани, барияаад̣̇ааяагапалам̣ г̇ожарасийсам̣. д̇ан̃хи висаяаж̇жхад̇д̇ам̣ палам̣ вимогко, барияаад̣̇ааяагасса маг̇г̇асса паласса жа аарамман̣ам̣ сан̇каарасийсам̣ сан̇кааравивзгабхууд̇о нирод̇ход̇и барияаад̣̇ияид̇аб̣б̣аанам̣ барияаад̣̇ааяагапалаарамман̣аанам̣ саха вияа сам̣сид̣̇д̇хам̣ д̣̇ассанзна самасийсибхаавам̣ д̣̇ассзд̇ум̣ бадисамбхид̣̇ааяам̣ д̇зраса сийсаани вуд̇д̇аани. ид̇ха бана ‘‘абуб̣б̣ам̣ ажаримам̣ аасавабарияаад̣̇аанан̃жа ход̇и ж̇ийвид̇абарияаад̣̇аанан̃жаа’’д̇и (бу. ба. 16) важанад̇о д̇зсу гилзсабавад̇д̇асийсаанамзва васзна яож̇анам̣ гаронд̇о ‘‘зд̇т̇а жа бавад̇д̇исийса’’нд̇иаад̣̇имааха.
Sīsañcettha terasa – palibodhasīsaṃ taṇhā, bandhanasīsaṃ māno, parāmāsasīsaṃ diṭṭhi, vikkhepasīsaṃ uddhaccaṃ, kilesasīsaṃ avijjā, adhimokkhasīsaṃ saddhā, paggahasīsaṃ vīriyaṃ, upaṭṭhānasīsaṃ sati, avikkhepasīsaṃ samādhi, dassanasīsaṃ paññā, pavattisīsaṃ jīvitindriyaṃ, gocarasīsaṃ vimokkho, saṅkhārasīsaṃ nirodhoti. Imesu terasasu sīsesu palibodhasīsādīni pavattisīsañca pariyādiyitabbāni, adhimokkhasīsādīni pariyādāyakāni, pariyādāyakaphalaṃ gocarasīsaṃ. Tañhi visayajjhattaṃ phalaṃ vimokkho, pariyādāyakassa maggassa phalassa ca ārammaṇaṃ saṅkhārasīsaṃ saṅkhāravivekabhūto nirodhoti pariyādiyitabbānaṃ pariyādāyakaphalārammaṇānaṃ saha viya saṃsiddhaṃ dassanena samasīsibhāvaṃ dassetuṃ paṭisambhidāyaṃ terasa sīsāni vuttāni. Idha pana ‘‘apubbaṃ acarimaṃ āsavapariyādānañca hoti jīvitapariyādānañcā’’ti (pu. pa. 16) vacanato tesu kilesapavattasīsānameva vasena yojanaṃ karonto ‘‘ettha ca pavattisīsa’’ntiādimāha.
д̇ад̇т̇а бавад̇д̇исийсам̣ бавад̇д̇ад̇о вудтаханд̇о маг̇г̇о жуд̇ид̇о уд̣̇д̇хам̣ аббавад̇д̇игаран̣авасзна яад̣̇иби барияаад̣̇ийяад̇и, яаава бана жуд̇и, д̇аава бавад̇д̇исаб̣бхаавад̇о ‘‘бавад̇д̇исийсам̣ ж̇ийвид̇инд̣̇рияам̣ жуд̇ижид̇д̇ам̣ кзбзд̇ий’’д̇и ааха. гилзсабарияаад̣̇аанзна бана маг̇г̇ажид̇д̇зна ад̇д̇ано ананд̇арам̣ вияа нибпаад̣̇зд̇аб̣б̣аа бажжавзгкан̣аваараа жа гилзсабарияаад̣̇аанассзва ваараад̇и вад̇д̇аб̣б̣ад̇ам̣ араханд̇и. ‘‘вимуд̇д̇асмим̣ вимуд̇д̇амид̇и н̃аан̣ам̣ ход̇ий’’д̇и (ма. ни. 1.78; сам̣. ни. 3.12) важанад̇о бажжавзгкан̣абарисамаабанзна гилзсабарияаад̣̇аанам̣ самаабид̇ам̣ наама ход̇и, д̇ам̣ бана барисамаабанам̣ яад̣̇и жуд̇ижид̇д̇зна ход̇и, д̇знзва ж̇ийвид̇абарисамаабанан̃жа ход̇ийд̇и имааяа вааражуд̇исамад̇ааяа гилзсабарияаад̣̇аанаж̇ийвид̇абарияаад̣̇аанаанам̣ абуб̣б̣аажаримад̇аа взд̣̇ид̇аб̣б̣аад̇и д̣̇ассзнд̇о ‘‘д̣̇виннам̣ жид̇д̇аанам̣ згад̇о уббаад̣̇о над̇т̇ий’’д̇иаад̣̇имааха. д̣̇виннам̣ жид̇д̇аананд̇и жуд̇ижид̇д̇амаг̇г̇ажид̇д̇аанам̣. д̇анд̇и бажжавзгкан̣ам̣ барибун̣н̣аж̇аванажид̇д̇аанам̣ сад̇д̇агкад̇д̇ум̣ бавад̇д̇ияаа, абарибун̣н̣аанам̣ ваа бан̃жагкад̇д̇ум̣ бавад̇д̇ияаа. гин̃жааби ‘‘зго ваа д̣̇вз ваа’’д̇и вуд̇д̇ам̣ яат̇аа ‘‘згам̣ ваа д̣̇вз ваа д̇ад̣̇аарамман̣ажид̇д̇ааний’’д̇и, хздтиманд̇зна бана д̣̇вз бавад̇д̇анд̇и.
Tattha pavattisīsaṃ pavattato vuṭṭhahanto maggo cutito uddhaṃ appavattikaraṇavasena yadipi pariyādīyati, yāva pana cuti, tāva pavattisabbhāvato ‘‘pavattisīsaṃ jīvitindriyaṃ cuticittaṃ khepetī’’ti āha. Kilesapariyādānena pana maggacittena attano anantaraṃ viya nipphādetabbā paccavekkhaṇavārā ca kilesapariyādānasseva vārāti vattabbataṃ arahanti. ‘‘Vimuttasmiṃ vimuttamiti ñāṇaṃ hotī’’ti (ma. ni. 1.78; saṃ. ni. 3.12) vacanato paccavekkhaṇaparisamāpanena kilesapariyādānaṃ samāpitaṃ nāma hoti, taṃ pana parisamāpanaṃ yadi cuticittena hoti, teneva jīvitaparisamāpanañca hotīti imāya vāracutisamatāya kilesapariyādānajīvitapariyādānānaṃ apubbācarimatā veditabbāti dassento ‘‘dvinnaṃ cittānaṃ ekato uppādo natthī’’tiādimāha. Dvinnaṃ cittānanti cuticittamaggacittānaṃ. Tanti paccavekkhaṇaṃ paripuṇṇajavanacittānaṃ sattakkhattuṃ pavattiyā, aparipuṇṇānaṃ vā pañcakkhattuṃ pavattiyā. Kiñcāpi ‘‘eko vā dve vā’’ti vuttaṃ yathā ‘‘ekaṃ vā dve vā tadārammaṇacittānī’’ti, heṭṭhimantena pana dve pavattanti.
уббаадзд̇ваад̇и уд̣̇д̇харид̇ваад̇и ад̇т̇о. анубаад̣̇исзсзнаад̇и анубаад̣̇исзсаниб̣б̣аанзна.
Uppāṭetvāti uddharitvāti attho. Anupādisesenāti anupādisesanibbānena.
д̇хуумааяид̇ад̇д̇анд̇и д̇хуумасса вияа аяид̇абхаавам̣ бавад̇д̇иаагаарам̣. д̇хуумасад̣̇исаа валаахагаа д̇хуумавалаахагаа, д̇имиравалаахагаа, яз махигаа ‘‘д̇имира’’нд̇и вужжанд̇и. аббад̇идтид̇знаад̇и бад̇идтам̣ алабханд̇зна. ид̇т̇амбхууд̇алагкан̣з зд̇ам̣ гаран̣аважанам̣, ануббад̇д̇ид̇хаммзнаад̇и ад̇т̇о. сад̇и хи уббаад̣̇з бад̇идтид̇ам̣ наама сияаа, адтагат̇ааяам̣ бана яад̣̇зва д̇асса вин̃н̃аан̣асса аббад̇идтаанагааран̣ам̣, д̇ад̣̇зва бариниб̣б̣аанагааран̣анд̇и вуд̇д̇ам̣ ‘‘аббад̇идтид̇агааран̣аа’’д̇и.
Dhūmāyitattanti dhūmassa viya ayitabhāvaṃ pavattiākāraṃ. Dhūmasadisā valāhakā dhūmavalāhakā, timiravalāhakā, ye mahikā ‘‘timira’’nti vuccanti. Appatiṭṭhitenāti patiṭṭhaṃ alabhantena. Itthambhūtalakkhaṇe etaṃ karaṇavacanaṃ, anuppattidhammenāti attho. Sati hi uppāde patiṭṭhitaṃ nāma siyā, aṭṭhakathāyaṃ pana yadeva tassa viññāṇassa appatiṭṭhānakāraṇaṃ, tadeva parinibbānakāraṇanti vuttaṃ ‘‘appatiṭṭhitakāraṇā’’ti.
согзна пудтассаад̇и ‘‘апало вад̇а мз вааяаамо ж̇аад̇о’’д̇и согзна абхибхууд̇асса. абхассат̇аад̇и б̣алавасогаабхид̇уннасса сад̇исаммосаа сит̇илам̣ г̇ахид̇аа бхасси бад̇ид̇аа саа гажчаа.
Sokena phuṭṭhassāti ‘‘aphalo vata me vāyāmo jāto’’ti sokena abhibhūtassa. Abhassathāti balavasokābhitunnassa satisammosā sithilaṃ gahitā bhassi patitā sā kacchā.
г̇од̇хигасуд̇д̇аван̣н̣анаа нидтид̇аа.
Godhikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. г̇од̇хигасуд̇д̇ам̣ • 3. Godhikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. г̇од̇хигасуд̇д̇аван̣н̣анаа • 3. Godhikasuttavaṇṇanā
