| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. г̇олияаанисуд̇д̇аван̣н̣анаа
9. Goliyānisuttavaṇṇanā
173. звам̣ мз суд̇анд̇и г̇олияаанисуд̇д̇ам̣. д̇ад̇т̇а бад̣̇асамаажаарод̇и д̣̇уб̣б̣аласамаажааро ол̣ааригаажааро, бажжаязсу саабзгко махаарагкид̇ад̇т̇зро вияа. д̇ам̣ гира убадтаагагулз нисиннам̣ убадтааго ааха ‘‘асугад̇т̇зрасса мз, бханд̇з, жийварам̣ д̣̇инна’’нд̇и. саад̇ху д̇з гад̇ам̣ д̇ам̣язва д̇аггзд̇ваа вихаранд̇асса жийварам̣ д̣̇знд̇знаад̇и. д̇умхаагамби, бханд̇з, д̣̇ассаамийд̇и. саад̇ху гариссаси д̇ам̣язва д̇аггзнд̇ассаад̇и ааха. аяамби зваруубо ол̣ааригаажааро ахоси. саббад̇иссзнаад̇и саж̇здтагзна, на ад̇д̇аанам̣ ж̇здтагам̣ гад̇ваа вихарид̇аб̣б̣ам̣. сзривихаарзнаад̇и сажчанд̣̇авихаарзна ниран̇гусавихаарзна.
173.Evaṃme sutanti goliyānisuttaṃ. Tattha padasamācāroti dubbalasamācāro oḷārikācāro, paccayesu sāpekkho mahārakkhitatthero viya. Taṃ kira upaṭṭhākakule nisinnaṃ upaṭṭhāko āha ‘‘asukattherassa me, bhante, cīvaraṃ dinna’’nti. Sādhu te kataṃ taṃyeva takketvā viharantassa cīvaraṃ dentenāti. Tumhākampi, bhante, dassāmīti. Sādhu karissasi taṃyeva takkentassāti āha. Ayampi evarūpo oḷārikācāro ahosi. Sappatissenāti sajeṭṭhakena, na attānaṃ jeṭṭhakaṃ katvā viharitabbaṃ. Serivihārenāti sacchandavihārena niraṅkusavihārena.
наануубакаж̇ж̇аад̇и на анубакаж̇ж̇а на анубависид̇ваа. д̇ад̇т̇а яо д̣̇вийсу махаат̇зрзсу убхад̇о нисиннзсу д̇з анаабужчид̇ваава жийварзна ваа ж̇аан̣унаа ваа гхаддзнд̇о нисийд̣̇ад̇и, аяам̣ анубакаж̇ж̇а нисийд̣̇ад̇и наама. звам̣ агад̇ваа бана ад̇д̇ано бад̇д̇ааасанасанд̇игз тад̇ваа нисийд̣̇аавусод̇и вуд̇д̇з нисийд̣̇ид̇аб̣б̣ам̣. сажз на вад̣̇анд̇и, нисийд̣̇аами, бханд̇зд̇и аабужчид̇ваа нисийд̣̇ид̇аб̣б̣ам̣ аабужчид̇агаалад̇о бадтааяа нисийд̣̇аад̇и вуд̇д̇зби авуд̇д̇зби нисийд̣̇ид̇ум̣ ваддад̇иязва. на бадиб̣аахиссаамийд̇и зд̇т̇а яо ад̇д̇ано бад̇д̇аасанам̣ ад̇иггамид̇ваа навагаанам̣ баабун̣анадтаанз нисийд̣̇ад̇и, аяам̣ навз бхигкуу аасанзна бадиб̣аахад̇и наама. д̇асмин̃хи д̇ат̇аа нисиннз наваа бхигкуу ‘‘амхаагам̣ нисийд̣̇ид̇ум̣ на д̣̇зд̇ий’’д̇и уж̇жхааяанд̇аа д̇идтанд̇и ваа аасанам̣ ваа бариязсанд̇аа аахин̣д̣анд̇и. д̇асмаа ад̇д̇ано бад̇д̇аасанзязва нисийд̣̇ид̇аб̣б̣ам̣. звам̣ на бадиб̣аахад̇и наама.
Nānūpakhajjāti na anupakhajja na anupavisitvā. Tattha yo dvīsu mahātheresu ubhato nisinnesu te anāpucchitvāva cīvarena vā jāṇunā vā ghaṭṭento nisīdati, ayaṃ anupakhajja nisīdati nāma. Evaṃ akatvā pana attano pattaāsanasantike ṭhatvā nisīdāvusoti vutte nisīditabbaṃ. Sace na vadanti, nisīdāmi, bhanteti āpucchitvā nisīditabbaṃ āpucchitakālato paṭṭhāya nisīdāti vuttepi avuttepi nisīdituṃ vaṭṭatiyeva. Na paṭibāhissāmīti ettha yo attano pattāsanaṃ atikkamitvā navakānaṃ pāpuṇanaṭṭhāne nisīdati, ayaṃ nave bhikkhū āsanena paṭibāhati nāma. Tasmiñhi tathā nisinne navā bhikkhū ‘‘amhākaṃ nisīdituṃ na detī’’ti ujjhāyantā tiṭṭhanti vā āsanaṃ vā pariyesantā āhiṇḍanti. Tasmā attano pattāsaneyeva nisīditabbaṃ. Evaṃ na paṭibāhati nāma.
аабхисамаажааригамби д̇хамманд̇и абхисамаажааригам̣ вад̇д̇абадибад̇д̇имад̇д̇амби. наад̇игаалзнаад̇и на ад̇ибаад̇о бависид̇аб̣б̣ам̣, на ад̇ид̣̇иваа бадиггамид̇аб̣б̣ам̣, бхигкусан̇гхзна сад̣̇д̇хим̣язва бависид̇аб̣б̣ан̃жа нигкамид̇аб̣б̣ан̃жа. ад̇ибаад̇о бависид̇ваа ад̇ид̣̇иваа нигкаманд̇асса хи жзд̇ияан̇г̇ан̣аб̣од̇хияан̇г̇ан̣авад̇д̇аад̣̇ийни барихааяанд̇и. гаалассзва мукам̣ д̇ховид̇ваа маггадагасуд̇д̇аани чинд̣̇анд̇зна уссааваб̣инд̣̇уу нибаад̇знд̇зна г̇аамам̣ бависид̇ваа яааг̇ум̣ бариязсид̇ваа яаава бхигкаагаалаа анд̇ог̇аамзязва наанаббагаарам̣ д̇иражчаанагат̇ам̣ гат̇знд̇зна нисийд̣̇ид̇ваа бхад̇д̇агижжам̣ гад̇ваа д̣̇иваа нигкамма бхигкуунам̣ баад̣̇ад̇хованавзлааяа вихаарам̣ бажжааг̇анд̇аб̣б̣ам̣ ход̇и. на бурзбхад̇д̇ам̣ бажчаабхад̇д̇ам̣ гулзсу жаарид̇д̇ам̣ аабаж̇ж̇ид̇аб̣б̣анд̇и ‘‘яо бана бхигку ниманд̇ид̇о сабхад̇д̇о самаано санд̇ам̣ бхигкум̣ анаабужчаа бурзбхад̇д̇ам̣ ваа бажчаабхад̇д̇ам̣ ваа гулзсу жаарид̇д̇ам̣ аабаж̇ж̇зяяа, ан̃н̃ад̇ра самаяаа баажид̇д̇ияа’’нд̇и (баажи. 299) имам̣ сигкаабад̣̇ам̣ рагканд̇зна д̇асса вибхан̇г̇з вуд̇д̇ам̣ бурзбхад̇д̇ан̃жа бажчаабхад̇д̇ан̃жа жаарид̇д̇ам̣ на аабаж̇ж̇ид̇аб̣б̣ам̣. уд̣̇д̇хад̇о ход̇и жабалод̇и уд̣̇д̇хажжабагад̇иго жзва ход̇и жийвараман̣д̣ана-бад̇д̇аман̣д̣ана-сзнаасанаман̣д̣анаа имасса ваа бууд̇игааяасса гзлааяанаа ман̣д̣анаад̇и звам̣ вуд̇д̇зна жа д̇арун̣ад̣̇аарагааважаабалязна саманнааг̇ад̇о.
Ābhisamācārikampi dhammanti abhisamācārikaṃ vattapaṭipattimattampi. Nātikālenāti na atipāto pavisitabbaṃ, na atidivā paṭikkamitabbaṃ, bhikkhusaṅghena saddhiṃyeva pavisitabbañca nikkhamitabbañca. Atipāto pavisitvā atidivā nikkhamantassa hi cetiyaṅgaṇabodhiyaṅgaṇavattādīni parihāyanti. Kālasseva mukhaṃ dhovitvā makkaṭakasuttāni chindantena ussāvabindū nipātentena gāmaṃ pavisitvā yāguṃ pariyesitvā yāva bhikkhākālā antogāmeyeva nānappakāraṃ tiracchānakathaṃ kathentena nisīditvā bhattakiccaṃ katvā divā nikkhamma bhikkhūnaṃ pādadhovanavelāya vihāraṃ paccāgantabbaṃ hoti. Na purebhattaṃ pacchābhattaṃ kulesu cārittaṃ āpajjitabbanti ‘‘yo pana bhikkhu nimantito sabhatto samāno santaṃ bhikkhuṃ anāpucchā purebhattaṃ vā pacchābhattaṃ vā kulesu cārittaṃ āpajjeyya, aññatra samayā pācittiya’’nti (pāci. 299) imaṃ sikkhāpadaṃ rakkhantena tassa vibhaṅge vuttaṃ purebhattañca pacchābhattañca cārittaṃ na āpajjitabbaṃ. Uddhato hoti capaloti uddhaccapakatiko ceva hoti cīvaramaṇḍana-pattamaṇḍana-senāsanamaṇḍanā imassa vā pūtikāyassa kelāyanā maṇḍanāti evaṃ vuttena ca taruṇadārakāvacāpalyena samannāgato.
бан̃н̃авад̇аа бхавид̇аб̣б̣анд̇и жийварагаммаад̣̇ийсу ид̇игад̇д̇аб̣б̣зсу убааяабан̃н̃ааяа саманнааг̇ад̇зна бхавид̇аб̣б̣ам̣. абхид̇хаммз абхивинаязд̇и абхид̇хаммабидагз жзва винаяабидагз жа баал̣ивасзна жзва адтагат̇аавасзна жа яог̇о гаран̣ийяо. саб̣б̣анд̇имзна хи барижчзд̣̇зна абхид̇хаммз д̣̇угад̇игамаад̇игаахи сад̣̇д̇хим̣ д̇хаммахад̣̇аяавибхан̇г̇ам̣ винаа на ваддад̇и. винаяз бана гаммаагаммавинижчаязна сад̣̇д̇хим̣ сувинижчид̇аани д̣̇вз баад̇имогкаани винаа на ваддад̇и.
Paññavatābhavitabbanti cīvarakammādīsu itikattabbesu upāyapaññāya samannāgatena bhavitabbaṃ. Abhidhamme abhivinayeti abhidhammapiṭake ceva vinayapiṭake ca pāḷivasena ceva aṭṭhakathāvasena ca yogo karaṇīyo. Sabbantimena hi paricchedena abhidhamme dukatikamātikāhi saddhiṃ dhammahadayavibhaṅgaṃ vinā na vaṭṭati. Vinaye pana kammākammavinicchayena saddhiṃ suvinicchitāni dve pātimokkhāni vinā na vaṭṭati.
ааруббаад̇и зд̇д̇аавад̇аа адтаби самаабад̇д̇ияо вуд̇д̇аа хонд̇и. д̇аа бана саб̣б̣зна саб̣б̣ам̣ асаггонд̇зна сад̇д̇асуби яог̇о гаран̣ийяо, часуби…бз… бан̃жасуби. саб̣б̣анд̇имзна барижчзд̣̇зна згам̣ гасин̣з баригаммагаммадтаанам̣ баг̇ун̣ам̣ гад̇ваа аад̣̇ааяа вижарид̇аб̣б̣ам̣, зд̇д̇агам̣ винаа на ваддад̇и. уд̇д̇аримануссад̇хаммзд̇и иминаа саб̣б̣зби логуд̇д̇арад̇хаммз д̣̇ассзд̇и. д̇асмаа араханд̇зна худ̇ваа вихаад̇аб̣б̣ам̣, арахад̇д̇ам̣ анабхисамбхун̣анд̇зна анааг̇аамипалз сагад̣̇ааг̇аамипалз сод̇аабад̇д̇ипалз ваа бад̇идтаад̇аб̣б̣ам̣. саб̣б̣анд̇имзна барияааязна згам̣ вибассанаамукам̣ яаава арахад̇д̇аа баг̇ун̣ам̣ гад̇ваа аад̣̇ааяа вижарид̇аб̣б̣ам̣. сзсам̣ саб̣б̣ад̇т̇а уд̇д̇аанамзва. имам̣ бана д̣̇зсанам̣ ааяасмаа саарибуд̇д̇о нзяяабуг̇г̇аласса васзна аабхисамаажааригавад̇д̇ад̇о бадтааяа анубуб̣б̣зна арахад̇д̇ам̣ баабзд̇ваа нидтаабзсийд̇и.
Āruppāti ettāvatā aṭṭhapi samāpattiyo vuttā honti. Tā pana sabbena sabbaṃ asakkontena sattasupi yogo karaṇīyo, chasupi…pe… pañcasupi. Sabbantimena paricchedena ekaṃ kasiṇe parikammakammaṭṭhānaṃ paguṇaṃ katvā ādāya vicaritabbaṃ, ettakaṃ vinā na vaṭṭati. Uttarimanussadhammeti iminā sabbepi lokuttaradhamme dasseti. Tasmā arahantena hutvā vihātabbaṃ, arahattaṃ anabhisambhuṇantena anāgāmiphale sakadāgāmiphale sotāpattiphale vā patiṭṭhātabbaṃ. Sabbantimena pariyāyena ekaṃ vipassanāmukhaṃ yāva arahattā paguṇaṃ katvā ādāya vicaritabbaṃ. Sesaṃ sabbattha uttānameva. Imaṃ pana desanaṃ āyasmā sāriputto neyyapuggalassa vasena ābhisamācārikavattato paṭṭhāya anupubbena arahattaṃ pāpetvā niṭṭhāpesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
г̇олияаанисуд̇д̇аван̣н̣анаа нидтид̇аа.
Goliyānisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. г̇олияаанисуд̇д̇ам̣ • 9. Goliyānisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. г̇олияаанисуд̇д̇аван̣н̣анаа • 9. Goliyānisuttavaṇṇanā
