| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. г̇олияаанисуд̇д̇аван̣н̣анаа
9. Goliyānisuttavaṇṇanā
173. бад̣̇асамаажаарод̇и д̇ам̣д̇ам̣бажжаяабхзд̣̇ад̣̇ассанааяа виг̇ад̇ад̇д̇аа багаарзхи д̣̇алид̣̇д̣̇асамаажааро сит̇иласамаажаарод̇и ад̇т̇о. яасмаа бана д̇аад̣̇исо самаажааро т̇иро д̣̇ал̣хо наама на ход̇и, д̇асмаа вуд̇д̇ам̣ ‘‘д̣̇уб̣б̣аласамаажааро’’д̇и. ‘‘саакасамаажааро’’д̇и ваа баато, д̇ад̇т̇а д̇ад̇т̇а лаг̇г̇анадтзна саакаасад̣̇исасийлод̇и ад̇т̇о. д̇знааха ‘‘ол̣ааригаажааро’’д̇и. бажжаязсу саабзгкод̇и бажжаязсу саабзгкад̇ааяа зва хисса ол̣ааригаажаарад̇аа взд̣̇ид̇аб̣б̣аа. г̇арунаа гисмин̃жи вуд̇д̇з г̇аарававасзна бад̇иссаванам̣ бад̇иссо, бад̇иссаважанабхууд̇ам̣ д̇ам̣сабхааг̇ан̃жа яам̣ гин̃жи г̇аараванд̇и ад̇т̇о. саха бад̇иссзнаад̇и саббад̇иссзна, саббад̇иссавзна оваад̣̇асамбадижчанзна. бад̇иссийяад̇ийд̇и ваа бад̇иссо, г̇аругаад̇аб̣б̣о, д̇зна саха бад̇иссзнаад̇и саб̣б̣ам̣ буб̣б̣з вияа. д̇знааха ‘‘саж̇здтагзнаа’’д̇и. сзривихааро наама ад̇д̇аббад̇хаанаваасо. д̇знааха ‘‘ниран̇гусавихаарзнаа’’д̇и.
173.Padasamācāroti taṃtaṃpaccayabhedadassanāya vigatattā pakārehi daliddasamācāro sithilasamācāroti attho. Yasmā pana tādiso samācāro thiro daḷho nāma na hoti, tasmā vuttaṃ ‘‘dubbalasamācāro’’ti. ‘‘Sākhasamācāro’’ti vā pāṭho, tattha tattha lagganaṭṭhena sākhāsadisasīloti attho. Tenāha ‘‘oḷārikācāro’’ti. Paccayesu sāpekkhoti paccayesu sāpekkhatāya eva hissa oḷārikācāratā veditabbā. Garunā kismiñci vutte gāravavasena patissavanaṃ patisso, patissavacanabhūtaṃ taṃsabhāgañca yaṃ kiñci gāravanti attho. Saha patissenāti sappatissena, sappatissavena ovādasampaṭicchanena. Patissīyatīti vā patisso, garukātabbo, tena saha patissenāti sabbaṃ pubbe viya. Tenāha ‘‘sajeṭṭhakenā’’ti. Serivihāro nāma attappadhānavāso. Tenāha ‘‘niraṅkusavihārenā’’ti.
анубакаж̇ж̇аад̇и анубагад̣дхид̇ваа. г̇арудтаанияаанам̣ анд̇арам̣ анаабужчаа анубависид̇ваад̇и имамад̇т̇ам̣ д̣̇ассзд̇ум̣ ‘‘д̇ад̇т̇а яо’’д̇иаад̣̇и вуд̇д̇ам̣.
Anupakhajjāti anupakaḍḍhitvā. Garuṭṭhāniyānaṃ antaraṃ anāpucchā anupavisitvāti imamatthaṃ dassetuṃ ‘‘tattha yo’’tiādi vuttaṃ.
аабхисамаажаариганд̇и абхисамаажаарз бхавам̣. гим̣ бана д̇анд̇и ааха ‘‘вад̇д̇абадибад̇д̇имад̇д̇амбий’’д̇и. наад̇игаалассзва сан̇гхасса бурад̇о бависид̇аб̣б̣ам̣, на бажчаа бадиггамид̇аб̣б̣анд̇и ад̇хиббааязна ад̇игаалз жа г̇аамаббавзсо ад̇ид̣̇иваа бадиггаманан̃жа ниваарид̇ам̣, д̇ам̣ д̣̇ассзд̇ум̣ ‘‘на ад̇ибаад̇о’’д̇иаад̣̇и вуд̇д̇ам̣. уд̣̇д̇хажжабагад̇игод̇и виб̣бханд̇ажид̇д̇о. аважаабалязнаад̇и д̣̇ал̣хаваад̇аабахад̇абаллавасад̣̇исзна лолабхаавзна.
Ābhisamācārikanti abhisamācāre bhavaṃ. Kiṃ pana tanti āha ‘‘vattapaṭipattimattampī’’ti. Nātikālasseva saṅghassa purato pavisitabbaṃ, na pacchā paṭikkamitabbanti adhippāyena atikāle ca gāmappaveso atidivā paṭikkamanañca nivāritaṃ, taṃ dassetuṃ ‘‘na atipāto’’tiādi vuttaṃ. Uddhaccapakatikoti vibbhantacitto. Avacāpalyenāti daḷhavātāpahatapallavasadisena lolabhāvena.
бан̃н̃авад̇аад̇и иминаа бхигкусааруббзсу ид̇игад̇д̇аб̣б̣зсу убааяабан̃н̃аа ад̇хиббзд̇аа, на суд̇амаяабан̃н̃аа. абхид̇хаммз абхивинаяз яог̇од̇и иминаа бхааванаабан̃н̃аауд̇д̇аримануссад̇хаммз яог̇о багаасид̇о. яог̇од̇и жа барижаяо уг̇г̇ан̣хавасзна.
Paññavatāti iminā bhikkhusāruppesu itikattabbesu upāyapaññā adhippetā, na sutamayapaññā. Abhidhamme abhivinaye yogoti iminā bhāvanāpaññāuttarimanussadhamme yogo pakāsito. Yogoti ca paricayo uggaṇhavasena.
ааруббаад̇и иминаа жад̇ассоби аруубасамаабад̇д̇ияо г̇ахид̇аа, д̇аа бана жад̇уухи руубасамаабад̇д̇ийхи винаа на самбаж̇ж̇анд̇ийд̇и ааха – ‘‘ааруббаад̇и зд̇д̇аавад̇аа адтаби самаабад̇д̇ияо вуд̇д̇аа хонд̇ий’’д̇и. гасин̣зд̇и д̣̇асавид̇хз гасин̣з. згам̣ баригаммагаммадтаананд̇и яам̣ гин̃жи згабхааванаа баригаммад̣̇ийбанам̣ канд̇хагаммадтаанам̣. д̇знааха ‘‘баг̇ун̣ам̣ гад̇ваа’’д̇и. гасин̣абаригаммам̣ бана д̇аг̇г̇ахан̣знзва г̇ахид̇ам̣ ход̇и, логияаа уд̇д̇аримануссад̇хаммаа хздтаа г̇ахид̇аад̇и ааха ‘‘уд̇д̇аримануссад̇хаммзд̇и иминаа саб̣б̣зби логуд̇д̇арад̇хаммз д̣̇ассзд̇ий’’д̇и. нзяяабуг̇г̇аласса васзнаад̇и ж̇аанид̇ваа вид̇т̇аарзд̇ваа н̃аад̇аб̣б̣абуг̇г̇аласса васзнаад̇и.
Āruppāti iminā catassopi arūpasamāpattiyo gahitā, tā pana catūhi rūpasamāpattīhi vinā na sampajjantīti āha – ‘‘āruppāti ettāvatā aṭṭhapi samāpattiyo vuttā hontī’’ti. Kasiṇeti dasavidhe kasiṇe. Ekaṃ parikammakammaṭṭhānanti yaṃ kiñci ekabhāvanā parikammadīpanaṃ khandhakammaṭṭhānaṃ. Tenāha ‘‘paguṇaṃ katvā’’ti. Kasiṇaparikammaṃ pana taggahaṇeneva gahitaṃ hoti, lokiyā uttarimanussadhammā heṭṭhā gahitāti āha ‘‘uttarimanussadhammeti iminā sabbepi lokuttaradhamme dassetī’’ti. Neyyapuggalassa vasenāti jānitvā vitthāretvā ñātabbapuggalassa vasenāti.
г̇олияаанисуд̇д̇аван̣н̣анааяа лийнад̇т̇аббагаасанаа самад̇д̇аа.
Goliyānisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. г̇олияаанисуд̇д̇ам̣ • 9. Goliyānisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. г̇олияаанисуд̇д̇аван̣н̣анаа • 9. Goliyānisuttavaṇṇanā
