| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪-੬. ਗੋਮਯਪਿਣ੍ਡਸੁਤ੍ਤਾਦਿવਣ੍ਣਨਾ
4-6. Gomayapiṇḍasuttādivaṇṇanā
੯੬-੯੮. ਚਤੁਤ੍ਥੇ ਸਸ੍ਸਤਿਸਮਨ੍ਤਿ ਸਿਨੇਰੁਮਹਾਪਥવੀਚਨ੍ਦਿਮਸੂਰਿਯਾਦੀਹਿ ਸਸ੍ਸਤੀਹਿ ਸਮਂ। ਪਰਿਤ੍ਤਂ ਗੋਮਯਪਿਣ੍ਡਨ੍ਤਿ ਅਪ੍ਪਮਤ੍ਤਕਂ ਮਧੁਕਪੁਪ੍ਫਪ੍ਪਮਾਣਂ ਗੋਮਯਖਣ੍ਡਂ। ਕੁਤੋ ਪਨਾਨੇਨੇਤਂ ਲਦ੍ਧਨ੍ਤਿ। ਪਰਿਭਣ੍ਡਕਰਣਤ੍ਥਾਯ ਆਭਤਤੋ ਗਹਿਤਨ੍ਤਿ ਏਕੇ। ਅਤ੍ਥਸ੍ਸ ਪਨ વਿਞ੍ਞਾਪਨਤ੍ਥਂ ਇਦ੍ਧਿਯਾ ਅਭਿਸਙ੍ਖਰਿਤ੍વਾ ਹਤ੍ਥਾਰੁਲ਼੍ਹਂ ਕਤਨ੍ਤਿ વੇਦਿਤਬ੍ਬਨ੍ਤਿ। ਅਤ੍ਤਭਾવਪਟਿਲਾਭੋਤਿ ਪਟਿਲਦ੍ਧਅਤ੍ਤਭਾવੋ। ਨ ਯਿਦਂ ਬ੍ਰਹ੍ਮਚਰਿਯવਾਸੋ ਪਞ੍ਞਾਯੇਥਾਤਿ ਅਯਂ ਮਗ੍ਗਬ੍ਰਹ੍ਮਚਰਿਯવਾਸੋ ਨਾਮ ਨ ਪਞ੍ਞਾਯੇਯ੍ਯ। ਮਗ੍ਗੋ ਹਿ ਤੇਭੂਮਕਸਙ੍ਖਾਰੇ વਿવਟ੍ਟੇਨ੍ਤੋ ਉਪ੍ਪਜ੍ਜਤਿ। ਯਦਿ ਚ ਏਤ੍ਤਕੋ ਅਤ੍ਤਭਾવੋ ਨਿਚ੍ਚੋ ਭવੇਯ੍ਯ, ਮਗ੍ਗੋ ਉਪ੍ਪਜ੍ਜਿਤ੍વਾਪਿ ਸਙ੍ਖਾਰવਟ੍ਟਂ વਿવਟ੍ਟੇਤੁਂ ਨ ਸਕ੍ਕੁਣੇਯ੍ਯਾਤਿ ਬ੍ਰਹ੍ਮਚਰਿਯવਾਸੋ ਨ ਪਞ੍ਞਾਯੇਥ।
96-98. Catutthe sassatisamanti sinerumahāpathavīcandimasūriyādīhi sassatīhi samaṃ. Parittaṃ gomayapiṇḍanti appamattakaṃ madhukapupphappamāṇaṃ gomayakhaṇḍaṃ. Kuto panānenetaṃ laddhanti. Paribhaṇḍakaraṇatthāya ābhatato gahitanti eke. Atthassa pana viññāpanatthaṃ iddhiyā abhisaṅkharitvā hatthāruḷhaṃ katanti veditabbanti. Attabhāvapaṭilābhoti paṭiladdhaattabhāvo. Na yidaṃ brahmacariyavāso paññāyethāti ayaṃ maggabrahmacariyavāso nāma na paññāyeyya. Maggo hi tebhūmakasaṅkhāre vivaṭṭento uppajjati. Yadi ca ettako attabhāvo nicco bhaveyya, maggo uppajjitvāpi saṅkhāravaṭṭaṃ vivaṭṭetuṃ na sakkuṇeyyāti brahmacariyavāso na paññāyetha.
ਇਦਾਨਿ ਸਚੇ ਕੋਚਿ ਸਙ੍ਖਾਰੋ ਨਿਚ੍ਚੋ ਭવੇਯ੍ਯ, ਮਯਾ ਮਹਾਸੁਦਸ੍ਸਨਰਾਜਕਾਲੇ ਅਨੁਭੂਤਾ ਸਮ੍ਪਤ੍ਤਿ ਨਿਚ੍ਚਾ ਭવੇਯ੍ਯ, ਸਾਪਿ ਚ ਅਨਿਚ੍ਚਾਤਿ ਤਂ ਦਸ੍ਸੇਤੁਂ ਭੂਤਪੁਬ੍ਬਾਹਂ ਭਿਕ੍ਖੁ ਰਾਜਾ ਅਹੋਸਿਨ੍ਤਿਆਦਿਮਾਹ। ਤਤ੍ਥ ਕੁਸਾવਤੀਰਾਜਧਾਨਿਪ੍ਪਮੁਖਾਨੀਤਿ ਕੁਸਾવਤੀਰਾਜਧਾਨੀ ਤੇਸਂ ਨਗਰਾਨਂ ਪਮੁਖਾ, ਸਬ੍ਬਸੇਟ੍ਠਾਤਿ ਅਤ੍ਥੋ। ਸਾਰਮਯਾਨੀਤਿ ਰਤ੍ਤਚਨ੍ਦਨਸਾਰਮਯਾਨਿ। ਉਪਧਾਨਂ ਪਨ ਸਬ੍ਬੇਸਂ ਸੁਤ੍ਤਮਯਮੇવ। ਗੋਣਕਤ੍ਥਤਾਨੀਤਿ ਚਤੁਰਙ੍ਗੁਲਾਧਿਕਲੋਮੇਨ ਕਾਲ਼ਕੋਜવੇਨ ਅਤ੍ਥਤਾਨਿ, ਯਂ ਮਹਾਪਿਟ੍ਠਿਯਕੋਜવੋਤਿ વਦਨ੍ਤਿ। ਪਟਕਤ੍ਥਤਾਨੀਤਿ ਉਭਤੋਲੋਮੇਨ ਉਣ੍ਣਾਮਯੇਨ ਸੇਤਕਮ੍ਬਲੇਨ ਅਤ੍ਥਤਾਨਿ। ਪਟਲਿਕਤ੍ਥਤਾਨੀਤਿ ਘਨਪੁਪ੍ਫੇਨ ਉਣ੍ਣਾਮਯਅਤ੍ਥਰਣੇਨ ਅਤ੍ਥਤਾਨਿ। ਕਦਲਿਮਿਗਪવਰਪਚ੍ਚਤ੍ਥਰਣਾਨੀਤਿ ਕਦਲਿਮਿਗਚਮ੍ਮਮਯੇਨ ਉਤ੍ਤਮਪਚ੍ਚਤ੍ਥਰਣੇਨ ਅਤ੍ਥਤਾਨਿ। ਤਂ ਕਿਰ ਪਚ੍ਚਤ੍ਥਰਣਂ ਸੇਤવਤ੍ਥਸ੍ਸ ਉਪਰਿ ਕਦਲਿਮਿਗਚਮ੍ਮਂ ਅਤ੍ਥਰਿਤ੍વਾ ਸਿਬ੍ਬੇਤ੍વਾ ਕਰੋਨ੍ਤਿ। ਸਉਤ੍ਤਰਚ੍ਛਦਾਨੀਤਿ ਸਹ ਉਤ੍ਤਰਚ੍ਛਦੇਨ, ਉਪਰਿ ਬਦ੍ਧੇਨ ਰਤ੍ਤવਿਤਾਨੇਨ ਸਦ੍ਧਿਨ੍ਤਿ ਅਤ੍ਥੋ। ਉਭਤੋਲੋਹਿਤਕੂਪਧਾਨੀਤਿ ਸੀਸੂਪਧਾਨਞ੍ਚ ਪਾਦੂਪਧਾਨਞ੍ਚਾਤਿ ਪਲ੍ਲਙ੍ਕਾਨਂ ਉਭਤੋਲੋਹਿਤਕੂਪਧਾਨਾਨਿ। વੇਜਯਨ੍ਤਰਥਪ੍ਪਮੁਖਾਨੀਤਿ ਏਤ੍ਥ વੇਜਯਨ੍ਤੋ ਨਾਮ ਤਸ੍ਸ ਰਞ੍ਞੋ ਰਥੋ, ਯਸ੍ਸ ਚਕ੍ਕਾਨਂ ਇਨ੍ਦਨੀਲਮਣਿਮਯਾ ਨਾਭਿ, ਸਤ੍ਤਰਤਨਮਯਾ ਅਰਾ, ਪવਾਲ਼ਮਯਾ ਨੇਮਿ, ਰਜਤਮਯੋ ਅਕ੍ਖੋ, ਇਨ੍ਦਨੀਲਮਣਿਮਯਂ ਉਪਕ੍ਖਰਂ, ਰਜਤਮਯਂ ਕੁਬ੍ਬਰਂ। ਸੋ ਤੇਸਂ ਰਥਾਨਂ ਪਮੁਖੋ ਅਗ੍ਗੋ। ਦੁਕੂਲਸਨ੍ਦਾਨਾਨੀਤਿ ਦੁਕੂਲਸਨ੍ਥਰਾਨਿ। ਕਂਸੂਪਧਾਰਣਾਨੀਤਿ ਰਜਤਮਯਦੋਹਭਾਜਨਾਨਿ। વਤ੍ਥਕੋਟਿਸਹਸ੍ਸਾਨੀਤਿ ਯਥਾਰੁਚਿਤਂ ਪਰਿਭੁਞ੍ਜਿਸ੍ਸਤੀਤਿ ਨ੍ਹਤ੍વਾ ਠਿਤਕਾਲੇ ਉਪਨੀਤવਤ੍ਥਾਨੇવ ਸਨ੍ਧਾਯੇਤਂ વੁਤ੍ਤਂ। ਭਤ੍ਤਾਭਿਹਾਰੋਤਿ ਅਭਿਹਰਿਤਬ੍ਬਭਤ੍ਤਂ।
Idāni sace koci saṅkhāro nicco bhaveyya, mayā mahāsudassanarājakāle anubhūtā sampatti niccā bhaveyya, sāpi ca aniccāti taṃ dassetuṃ bhūtapubbāhaṃ bhikkhu rājā ahosintiādimāha. Tattha kusāvatīrājadhānippamukhānīti kusāvatīrājadhānī tesaṃ nagarānaṃ pamukhā, sabbaseṭṭhāti attho. Sāramayānīti rattacandanasāramayāni. Upadhānaṃ pana sabbesaṃ suttamayameva. Goṇakatthatānīti caturaṅgulādhikalomena kāḷakojavena atthatāni, yaṃ mahāpiṭṭhiyakojavoti vadanti. Paṭakatthatānīti ubhatolomena uṇṇāmayena setakambalena atthatāni. Paṭalikatthatānīti ghanapupphena uṇṇāmayaattharaṇena atthatāni. Kadalimigapavarapaccattharaṇānīti kadalimigacammamayena uttamapaccattharaṇena atthatāni. Taṃ kira paccattharaṇaṃ setavatthassa upari kadalimigacammaṃ attharitvā sibbetvā karonti. Sauttaracchadānīti saha uttaracchadena, upari baddhena rattavitānena saddhinti attho. Ubhatolohitakūpadhānīti sīsūpadhānañca pādūpadhānañcāti pallaṅkānaṃ ubhatolohitakūpadhānāni. Vejayantarathappamukhānīti ettha vejayanto nāma tassa rañño ratho, yassa cakkānaṃ indanīlamaṇimayā nābhi, sattaratanamayā arā, pavāḷamayā nemi, rajatamayo akkho, indanīlamaṇimayaṃ upakkharaṃ, rajatamayaṃ kubbaraṃ. So tesaṃ rathānaṃ pamukho aggo. Dukūlasandānānīti dukūlasantharāni. Kaṃsūpadhāraṇānīti rajatamayadohabhājanāni. Vatthakoṭisahassānīti yathārucitaṃ paribhuñjissatīti nhatvā ṭhitakāle upanītavatthāneva sandhāyetaṃ vuttaṃ. Bhattābhihāroti abhiharitabbabhattaṃ.
ਯਮਹਂ ਤੇਨ ਸਮਯੇਨ ਅਜ੍ਝਾવਸਾਮੀਤਿ ਯਤ੍ਥ વਸਾਮਿ, ਤਂ ਏਕਞ੍ਞੇવ ਨਗਰਂ ਹੋਤਿ, ਅવਸੇਸੇਸੁ ਪੁਤ੍ਤਧੀਤਾਦਯੋ ਚੇવ ਦਾਸਮਨੁਸ੍ਸਾ ਚ વਸਿਂਸੁ। ਪਾਸਾਦਕੂਟਾਗਾਰਾਦੀਸੁਪਿ ਏਸੇવ ਨਯੋ। ਪਲ੍ਲਙ੍ਕਾਦੀਸੁ ਏਕਂਯੇવ ਸਯਂ ਪਰਿਭੁਞ੍ਜਤਿ, ਸੇਸਾ ਪੁਤ੍ਤਾਦੀਨਂ ਪਰਿਭੋਗਾ ਹੋਨ੍ਤਿ। ਇਤ੍ਥੀਸੁ ਏਕਾવ ਪਚ੍ਚੁਪਟ੍ਠਾਤਿ, ਸੇਸਾ ਪਰਿવਾਰਮਤ੍ਤਾ ਹੋਨ੍ਤਿ। વੇਲਾਮਿਕਾਤਿ ਖਤ੍ਤਿਯਸ੍ਸ વਾ ਬ੍ਰਾਹ੍ਮਣਿਯਾ, ਬ੍ਰਾਹ੍ਮਣਸ੍ਸ વਾ ਖਤ੍ਤਿਯਾਨਿਯਾ ਕੁਚ੍ਛਿਸ੍ਮਿਂ ਜਾਤਾ। ਪਰਿਦਹਾਮੀਤਿ ਏਕਂਯੇવ ਦੁਸ੍ਸਯੁਗਂ ਨਿવਾਸੇਮਿ, ਸੇਸਾਨਿ ਪਰਿવਾਰੇਤ੍વਾ વਿਚਰਨ੍ਤਾਨਂ ਅਸੀਤਿਸਹਸ੍ਸਾਧਿਕਾਨਂ ਸੋਲ਼ਸਨ੍ਨਂ ਪੁਰਿਸਸਤਸਹਸ੍ਸਾਨਂ ਹੋਨ੍ਤੀਤਿ ਦਸ੍ਸੇਤਿ। ਭੁਞ੍ਜਾਮੀਤਿ ਪਰਮਪ੍ਪਮਾਣੇਨ ਨਾਲ਼ਿਕੋਦਨਮਤ੍ਤਂ ਭੁਞ੍ਜਾਮਿ, ਸੇਸਂ ਪਰਿવਾਰੇਤ੍વਾ વਿਚਰਨ੍ਤਾਨਂ ਚਤ੍ਤਾਲੀਸਸਹਸ੍ਸਾਧਿਕਾਨਂ ਅਟ੍ਠਨ੍ਨਂ ਪੁਰਿਸਸਤਸਹਸ੍ਸਾਨਂ ਹੋਤੀਤਿ ਦਸ੍ਸੇਤਿ। ਏਕਥਾਲਿਪਾਕੋ ਹਿ ਦਸਨ੍ਨਂ ਜਨਾਨਂ ਪਹੋਤਿ।
Yamahaṃ tena samayena ajjhāvasāmīti yattha vasāmi, taṃ ekaññeva nagaraṃ hoti, avasesesu puttadhītādayo ceva dāsamanussā ca vasiṃsu. Pāsādakūṭāgārādīsupi eseva nayo. Pallaṅkādīsu ekaṃyeva sayaṃ paribhuñjati, sesā puttādīnaṃ paribhogā honti. Itthīsu ekāva paccupaṭṭhāti, sesā parivāramattā honti. Velāmikāti khattiyassa vā brāhmaṇiyā, brāhmaṇassa vā khattiyāniyā kucchismiṃ jātā. Paridahāmīti ekaṃyeva dussayugaṃ nivāsemi, sesāni parivāretvā vicarantānaṃ asītisahassādhikānaṃ soḷasannaṃ purisasatasahassānaṃ hontīti dasseti. Bhuñjāmīti paramappamāṇena nāḷikodanamattaṃ bhuñjāmi, sesaṃ parivāretvā vicarantānaṃ cattālīsasahassādhikānaṃ aṭṭhannaṃ purisasatasahassānaṃ hotīti dasseti. Ekathālipāko hi dasannaṃ janānaṃ pahoti.
ਇਤਿ ਇਮਂ ਮਹਾਸੁਦਸ੍ਸਨਕਾਲੇ ਸਮ੍ਪਤ੍ਤਿਂ ਦਸ੍ਸੇਤ੍વਾ ਇਦਾਨਿ ਤਸ੍ਸਾ ਅਨਿਚ੍ਚਤਂ ਦਸ੍ਸੇਨ੍ਤੋ ਇਤਿ ਖੋ ਭਿਕ੍ਖੂਤਿਆਦਿਮਾਹ। ਤਤ੍ਥ વਿਪਰਿਣਤਾਤਿ ਪਕਤਿਜਹਨੇਨ ਨਿਬ੍ਬੁਤਪਦੀਪੋ વਿਯ ਅਪਣ੍ਣਤ੍ਤਿਕਭਾવਂ ਗਤਾ। ਏવਂ ਅਨਿਚ੍ਚਾ ਖੋ ਭਿਕ੍ਖੁ ਸਙ੍ਖਾਰਾਤਿ ਏવਂ ਹੁਤ੍વਾਅਭਾવਟ੍ਠੇਨ ਅਨਿਚ੍ਚਾ। ਏਤ੍ਤਾવਤਾ ਭਗવਾ ਯਥਾ ਨਾਮ ਪੁਰਿਸੋ ਸਤਹਤ੍ਥੁਬ੍ਬੇਧੇ ਚਮ੍ਪਕਰੁਕ੍ਖੇ ਨਿਸ੍ਸੇਣਿਂ ਬਨ੍ਧਿਤ੍વਾ ਅਭਿਰੁਹਿਤ੍વਾ ਚਮ੍ਪਕਪੁਪ੍ਫਂ ਆਦਾਯ ਨਿਸ੍ਸੇਣਿਂ ਮੁਞ੍ਚਨ੍ਤੋ ਓਤਰੇਯ੍ਯ, ਏવਮੇવਂ ਨਿਸ੍ਸੇਣਿਂ ਬਨ੍ਧਨ੍ਤੋ વਿਯ ਅਨੇਕવਸ੍ਸਕੋਟਿਸਤਸਹਸ੍ਸੁਬ੍ਬੇਧਂ ਮਹਾਸੁਦਸ੍ਸਨਸਮ੍ਪਤ੍ਤਿਂ ਆਰੁਯ੍ਹ ਸਮ੍ਪਤ੍ਤਿਮਤ੍ਥਕੇ ਠਿਤਂ ਅਨਿਚ੍ਚਲਕ੍ਖਣਂ ਆਦਾਯ ਨਿਸ੍ਸੇਣਿਂ ਮੁਞ੍ਚਨ੍ਤੋ વਿਯ ਓਤਿਣ੍ਣੋ। ਏવਂ ਅਦ੍ਧੁવਾਤਿ ਏવਂ ਉਦਕਪੁਬ੍ਬੁਲ਼ਾਦਯੋ વਿਯ ਧੁવਭਾવਰਹਿਤਾ। ਏવਂ ਅਨਸ੍ਸਾਸਿਕਾਤਿ ਏવਂ ਸੁਪਿਨਕੇ ਪੀਤਪਾਨੀਯਂ વਿਯ ਅਨੁਲਿਤ੍ਤਚਨ੍ਦਨਂ વਿਯ ਚ ਅਸ੍ਸਾਸવਿਰਹਿਤਾ। ਇਤਿ ਇਮਸ੍ਮਿਂ ਸੁਤ੍ਤੇ ਅਨਿਚ੍ਚਲਕ੍ਖਣਂ ਕਥਿਤਂ। ਪਞ੍ਚਮੇ ਸਬ੍ਬਂ વੁਤ੍ਤਨਯਮੇવ। ਛਟ੍ਠਂ ਤਥਾ ਬੁਜ੍ਝਨਕਸ੍ਸ ਅਜ੍ਝਾਸਯੇਨ વੁਤ੍ਤਂ। ਚਤੁਤ੍ਥਾਦੀਨਿ।
Iti imaṃ mahāsudassanakāle sampattiṃ dassetvā idāni tassā aniccataṃ dassento iti kho bhikkhūtiādimāha. Tattha vipariṇatāti pakatijahanena nibbutapadīpo viya apaṇṇattikabhāvaṃ gatā. Evaṃ aniccā kho bhikkhu saṅkhārāti evaṃ hutvāabhāvaṭṭhena aniccā. Ettāvatā bhagavā yathā nāma puriso satahatthubbedhe campakarukkhe nisseṇiṃ bandhitvā abhiruhitvā campakapupphaṃ ādāya nisseṇiṃ muñcanto otareyya, evamevaṃ nisseṇiṃ bandhanto viya anekavassakoṭisatasahassubbedhaṃ mahāsudassanasampattiṃ āruyha sampattimatthake ṭhitaṃ aniccalakkhaṇaṃ ādāya nisseṇiṃ muñcanto viya otiṇṇo. Evaṃ addhuvāti evaṃ udakapubbuḷādayo viya dhuvabhāvarahitā. Evaṃ anassāsikāti evaṃ supinake pītapānīyaṃ viya anulittacandanaṃ viya ca assāsavirahitā. Iti imasmiṃ sutte aniccalakkhaṇaṃ kathitaṃ. Pañcame sabbaṃ vuttanayameva. Chaṭṭhaṃ tathā bujjhanakassa ajjhāsayena vuttaṃ. Catutthādīni.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੪. ਗੋਮਯਪਿਣ੍ਡਸੁਤ੍ਤਂ • 4. Gomayapiṇḍasuttaṃ
੫. ਨਖਸਿਖਾਸੁਤ੍ਤਂ • 5. Nakhasikhāsuttaṃ
੬. ਸੁਦ੍ਧਿਕਸੁਤ੍ਤਂ • 6. Suddhikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪-੬. ਗੋਮਯਪਿਣ੍ਡਸੁਤ੍ਤਾਦਿવਣ੍ਣਨਾ • 4-6. Gomayapiṇḍasuttādivaṇṇanā
