| Library / Tipiṭaka / ਤਿਪਿਟਕ • Tipiṭaka / ਪੇਤવਤ੍ਥੁਪਾਲ਼ਿ • Petavatthupāḷi |
੮. ਗੋਣਪੇਤવਤ੍ਥੁ
8. Goṇapetavatthu
੪੬.
46.
‘‘ਕਿਂ ਨੁ ਉਮ੍ਮਤ੍ਤਰੂਪੋવ, ਲਾਯਿਤ੍વਾ ਹਰਿਤਂ ਤਿਣਂ।
‘‘Kiṃ nu ummattarūpova, lāyitvā haritaṃ tiṇaṃ;
ਖਾਦ ਖਾਦਾਤਿ ਲਪਸਿ, ਗਤਸਤ੍ਤਂ ਜਰਗ੍ਗવਂ॥
Khāda khādāti lapasi, gatasattaṃ jaraggavaṃ.
੪੭.
47.
‘‘ਨ ਹਿ ਅਨ੍ਨੇਨ ਪਾਨੇਨ, ਮਤੋ ਗੋਣੋ ਸਮੁਟ੍ਠਹੇ।
‘‘Na hi annena pānena, mato goṇo samuṭṭhahe;
ਤ੍વਂਸਿ ਬਾਲੋ ਚ 1 ਦੁਮ੍ਮੇਧੋ, ਯਥਾ ਤਞ੍ਞੋવ ਦੁਮ੍ਮਤੀ’’ਤਿ॥
Tvaṃsi bālo ca 2 dummedho, yathā taññova dummatī’’ti.
੪੮.
48.
‘‘ਇਮੇ ਪਾਦਾ ਇਦਂ ਸੀਸਂ, ਅਯਂ ਕਾਯੋ ਸવਾਲਧਿ।
‘‘Ime pādā idaṃ sīsaṃ, ayaṃ kāyo savāladhi;
ਨੇਤ੍ਤਾ ਤਥੇવ ਤਿਟ੍ਠਨ੍ਤਿ, ਅਯਂ ਗੋਣੋ ਸਮੁਟ੍ਠਹੇ॥
Nettā tatheva tiṭṭhanti, ayaṃ goṇo samuṭṭhahe.
੪੯.
49.
‘‘ਨਾਯ੍ਯਕਸ੍ਸ ਹਤ੍ਥਪਾਦਾ, ਕਾਯੋ ਸੀਸਞ੍ਚ ਦਿਸ੍ਸਤਿ।
‘‘Nāyyakassa hatthapādā, kāyo sīsañca dissati;
ਰੁਦਂ ਮਤ੍ਤਿਕਥੂਪਸ੍ਮਿਂ, ਨਨੁ ਤ੍વਞ੍ਞੇવ ਦੁਮ੍ਮਤੀ’’ਤਿ॥
Rudaṃ mattikathūpasmiṃ, nanu tvaññeva dummatī’’ti.
੫੦.
50.
‘‘ਆਦਿਤ੍ਤਂ વਤ ਮਂ ਸਨ੍ਤਂ, ਘਤਸਿਤ੍ਤਂવ ਪਾવਕਂ।
‘‘Ādittaṃ vata maṃ santaṃ, ghatasittaṃva pāvakaṃ;
વਾਰਿਨਾ વਿਯ ਓਸਿਞ੍ਚਂ, ਸਬ੍ਬਂ ਨਿਬ੍ਬਾਪਯੇ ਦਰਂ॥
Vārinā viya osiñcaṃ, sabbaṃ nibbāpaye daraṃ.
੫੧.
51.
ਯੋ ਮੇ ਸੋਕਪਰੇਤਸ੍ਸ, ਪਿਤੁਸੋਕਂ ਅਪਾਨੁਦਿ॥
Yo me sokaparetassa, pitusokaṃ apānudi.
੫੨.
52.
‘‘ਸ੍વਾਹਂ ਅਬ੍ਬੂਲ਼੍ਹਸਲ੍ਲੋਸ੍ਮਿ, ਸੀਤਿਭੂਤੋਸ੍ਮਿ ਨਿਬ੍ਬੁਤੋ।
‘‘Svāhaṃ abbūḷhasallosmi, sītibhūtosmi nibbuto;
ਨ ਸੋਚਾਮਿ ਨ ਰੋਦਾਮਿ, ਤવ ਸੁਤ੍વਾਨ ਮਾਣવ’॥
Na socāmi na rodāmi, tava sutvāna māṇava’.
੫੩.
53.
ਏવਂ ਕਰੋਨ੍ਤਿ ਸਪ੍ਪਞ੍ਞਾ, ਯੇ ਹੋਨ੍ਤਿ ਅਨੁਕਮ੍ਪਕਾ।
Evaṃ karonti sappaññā, ye honti anukampakā;
વਿਨਿવਤ੍ਤਯਨ੍ਤਿ ਸੋਕਮ੍ਹਾ, ਸੁਜਾਤੋ ਪਿਤਰਂ ਯਥਾਤਿ॥
Vinivattayanti sokamhā, sujāto pitaraṃ yathāti.
ਗੋਣਪੇਤવਤ੍ਥੁ ਅਟ੍ਠਮਂ।
Goṇapetavatthu aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪੇਤવਤ੍ਥੁ-ਅਟ੍ਠਕਥਾ • Petavatthu-aṭṭhakathā / ੮. ਗੋਣਪੇਤવਤ੍ਥੁવਣ੍ਣਨਾ • 8. Goṇapetavatthuvaṇṇanā
