| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
8. г̇он̣абзд̇авад̇т̇уван̣н̣анаа
8. Goṇapetavatthuvaṇṇanā
гим̣ ну уммад̇д̇аруубо ваад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ мад̇абид̇игам̣ гудумб̣игам̣ аараб̣бха гат̇зси. саавад̇т̇ияам̣ гира ан̃н̃ад̇арасса гудумб̣игасса бид̇аа гааламагааси. со бид̇у маран̣зна согасанд̇ад̇д̇ахад̣̇аяо род̣̇амаано уммад̇д̇аго бияа вижаранд̇о яам̣ яам̣ бассад̇и, д̇ам̣ д̇ам̣ бужчад̇и – ‘‘аби мз бид̇арам̣ бассид̇т̇аа’’д̇и? на гожи д̇асса согам̣ винод̣̇зд̇ум̣ асагки. д̇асса бана хад̣̇аяз гхадз бад̣̇ийбо вияа сод̇аабад̇д̇ипаласса убаниссаяо баж̇ж̇алад̇и.
Kiṃnu ummattarūpo vāti idaṃ satthā jetavane viharanto aññataraṃ matapitikaṃ kuṭumbikaṃ ārabbha kathesi. Sāvatthiyaṃ kira aññatarassa kuṭumbikassa pitā kālamakāsi. So pitu maraṇena sokasantattahadayo rodamāno ummattako piya vicaranto yaṃ yaṃ passati, taṃ taṃ pucchati – ‘‘api me pitaraṃ passitthā’’ti? Na koci tassa sokaṃ vinodetuṃ asakkhi. Tassa pana hadaye ghaṭe padīpo viya sotāpattiphalassa upanissayo pajjalati.
сад̇т̇аа бажжуусасамаяз логам̣ ологзнд̇о д̇асса сод̇аабад̇д̇ипаласса убаниссаяам̣ д̣̇исваа ‘‘имасса ад̇ийд̇агааран̣ам̣ аахарид̇ваа согам̣ вуубасамзд̇ваа сод̇аабад̇д̇ипалам̣ д̣̇аад̇ум̣ ваддад̇ий’’д̇и жинд̇зд̇ваа бунад̣̇ивасз бажчаабхад̇д̇ам̣ бин̣д̣абаад̇абадигганд̇о бажчаасаман̣ам̣ анаад̣̇ааяа д̇асса гхарад̣̇ваарам̣ аг̇амааси. со ‘‘сад̇т̇аа ааг̇ад̇о’’д̇и суд̇ваа бажжуг̇г̇анд̇ваа сад̇т̇аарам̣ г̇зхам̣ бавзсзд̇ваа сад̇т̇ари бан̃н̃ад̇д̇з аасанз нисиннз саяам̣ бхаг̇аванд̇ам̣ ванд̣̇ид̇ваа згаманд̇ам̣ нисинно ‘‘гим̣, бханд̇з, маяхам̣ бид̇у г̇ад̇адтаанам̣ ж̇аанаат̇аа’’д̇и ааха. ат̇а нам̣ сад̇т̇аа, ‘‘убаасага, гим̣ имасмим̣ ад̇д̇абхаавз бид̇арам̣ бужчаси, уд̣̇ааху ад̇ийд̇з’’д̇и ааха. со д̇ам̣ важанам̣ суд̇ваа ‘‘б̣ахуу гира маяхам̣ бид̇аро’’д̇и д̇анубхууд̇асого т̇огам̣ маж̇жхад̇д̇ад̇ам̣ бадилабхи. ат̇асса сад̇т̇аа согавинод̣̇анам̣ д̇хаммагат̇ам̣ гад̇ваа абаг̇ад̇асогам̣ галлажид̇д̇ам̣ вид̣̇ид̇ваа саамуггам̣сигааяа д̇хаммад̣̇зсанааяа сод̇аабад̇д̇ипалз бад̇идтаабзд̇ваа вихаарам̣ аг̇амааси.
Satthā paccūsasamaye lokaṃ olokento tassa sotāpattiphalassa upanissayaṃ disvā ‘‘imassa atītakāraṇaṃ āharitvā sokaṃ vūpasametvā sotāpattiphalaṃ dātuṃ vaṭṭatī’’ti cintetvā punadivase pacchābhattaṃ piṇḍapātapaṭikkanto pacchāsamaṇaṃ anādāya tassa gharadvāraṃ agamāsi. So ‘‘satthā āgato’’ti sutvā paccuggantvā satthāraṃ gehaṃ pavesetvā satthari paññatte āsane nisinne sayaṃ bhagavantaṃ vanditvā ekamantaṃ nisinno ‘‘kiṃ, bhante, mayhaṃ pitu gataṭṭhānaṃ jānāthā’’ti āha. Atha naṃ satthā, ‘‘upāsaka, kiṃ imasmiṃ attabhāve pitaraṃ pucchasi, udāhu atīte’’ti āha. So taṃ vacanaṃ sutvā ‘‘bahū kira mayhaṃ pitaro’’ti tanubhūtasoko thokaṃ majjhattataṃ paṭilabhi. Athassa satthā sokavinodanaṃ dhammakathaṃ katvā apagatasokaṃ kallacittaṃ viditvā sāmukkaṃsikāya dhammadesanāya sotāpattiphale patiṭṭhāpetvā vihāraṃ agamāsi.
ат̇а бхигкуу д̇хаммасабхааяам̣ гат̇ам̣ самудтаабзсум̣ – ‘‘бассат̇а, аавусо, б̣уд̣̇д̇хаанубхаавам̣, д̇ат̇аа согабарид̣̇звасамаабанно убаасаго кан̣знзва бхаг̇авад̇аа сод̇аабад̇д̇ипалз винийд̇о’’д̇и. сад̇т̇аа д̇ад̇т̇а г̇анд̇ваа бан̃н̃ад̇д̇авараб̣уд̣̇д̇хаасанз нисинно ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчи. бхигкуу д̇амад̇т̇ам̣ бхаг̇авад̇о аарожзсум̣. сад̇т̇аа ‘‘на, бхигкавз, ид̣̇аанзва маяаа имасса сого абанийд̇о, буб̣б̣зби абанийд̇оязваа’’д̇и вад̇ваа д̇зхи яаажид̇о ад̇ийд̇ам̣ аахари.
Atha bhikkhū dhammasabhāyaṃ kathaṃ samuṭṭhāpesuṃ – ‘‘passatha, āvuso, buddhānubhāvaṃ, tathā sokaparidevasamāpanno upāsako khaṇeneva bhagavatā sotāpattiphale vinīto’’ti. Satthā tattha gantvā paññattavarabuddhāsane nisinno ‘‘kāya nuttha, bhikkhave, etarahi kathāya sannisinnā’’ti pucchi. Bhikkhū tamatthaṃ bhagavato ārocesuṃ. Satthā ‘‘na, bhikkhave, idāneva mayā imassa soko apanīto, pubbepi apanītoyevā’’ti vatvā tehi yācito atītaṃ āhari.
ад̇ийд̇з б̣аараан̣асияам̣ ан̃н̃ад̇арасса г̇ахабад̇игасса бид̇аа гааламагааси. со бид̇у маран̣зна согабарид̣̇звасамаабанно ассумуко рад̇д̇агко ганд̣̇анд̇о жид̇агам̣ бад̣̇агкин̣ам̣ гарод̇и. д̇асса буд̇д̇о суж̇аад̇о наама гумааро бан̣д̣ид̇о б̣яад̇д̇о б̣уд̣̇д̇хисамбанно бид̇усогавинаяануубааяам̣ жинд̇знд̇о згад̣̇ивасам̣ б̣ахинаг̇арз згам̣ мад̇аг̇он̣ам̣ д̣̇исваа д̇ин̣ан̃жа баанийяан̃жа аахарид̇ваа д̇асса бурад̇о табзд̇ваа ‘‘каад̣̇а, каад̣̇а, бива, биваа’’д̇и вад̣̇анд̇о адтааси. ааг̇ад̇ааг̇ад̇аа д̇ам̣ д̣̇исваа ‘‘самма суж̇аад̇а, гим̣ уммад̇д̇агоси, яо д̇вам̣ мад̇асса г̇он̣асса д̇ин̣од̣̇агам̣ убанзсий’’д̇и вад̣̇анд̇и? со на гин̃жи бадивад̣̇ад̇и. мануссаа д̇асса бид̇у санд̇игам̣ г̇анд̇ваа ‘‘буд̇д̇о д̇з уммад̇д̇аго ж̇аад̇о, мад̇аг̇он̣асса д̇ин̣од̣̇агам̣ д̣̇зд̇ий’’д̇и аахам̣су. д̇ам̣ суд̇ваа жа гудумб̣игасса бид̇арам̣ аараб̣бха тид̇о сого абаг̇ад̇о. со ‘‘маяхам̣ гира буд̇д̇о уммад̇д̇аго ж̇аад̇о’’д̇и сам̣взг̇аббад̇д̇о взг̇зна г̇анд̇ваа ‘‘нану д̇вам̣, д̇аад̇а суж̇аад̇а, бан̣д̣ид̇о б̣яад̇д̇о б̣уд̣̇д̇хисамбанно, гасмаа мад̇аг̇он̣асса д̇ин̣од̣̇агам̣ д̣̇зсий’’д̇и жод̣̇знд̇о –
Atīte bārāṇasiyaṃ aññatarassa gahapatikassa pitā kālamakāsi. So pitu maraṇena sokaparidevasamāpanno assumukho rattakkho kandanto citakaṃ padakkhiṇaṃ karoti. Tassa putto sujāto nāma kumāro paṇḍito byatto buddhisampanno pitusokavinayanūpāyaṃ cintento ekadivasaṃ bahinagare ekaṃ matagoṇaṃ disvā tiṇañca pānīyañca āharitvā tassa purato ṭhapetvā ‘‘khāda, khāda, piva, pivā’’ti vadanto aṭṭhāsi. Āgatāgatā taṃ disvā ‘‘samma sujāta, kiṃ ummattakosi, yo tvaṃ matassa goṇassa tiṇodakaṃ upanesī’’ti vadanti? So na kiñci paṭivadati. Manussā tassa pitu santikaṃ gantvā ‘‘putto te ummattako jāto, matagoṇassa tiṇodakaṃ detī’’ti āhaṃsu. Taṃ sutvā ca kuṭumbikassa pitaraṃ ārabbha ṭhito soko apagato. So ‘‘mayhaṃ kira putto ummattako jāto’’ti saṃvegappatto vegena gantvā ‘‘nanu tvaṃ, tāta sujāta, paṇḍito byatto buddhisampanno, kasmā matagoṇassa tiṇodakaṃ desī’’ti codento –
46.
46.
‘‘гим̣ ну уммад̇д̇аруубова, лааяид̇ваа харид̇ам̣ д̇ин̣ам̣;
‘‘Kiṃ nu ummattarūpova, lāyitvā haritaṃ tiṇaṃ;
каад̣̇а каад̣̇аад̇и лабаси, г̇ад̇асад̇д̇ам̣ ж̇араг̇г̇авам̣.
Khāda khādāti lapasi, gatasattaṃ jaraggavaṃ.
47.
47.
‘‘на хи аннзна баанзна, мад̇о г̇он̣о самудтахз;
‘‘Na hi annena pānena, mato goṇo samuṭṭhahe;
д̇вам̣си б̣аало жа д̣̇уммзд̇хо, яат̇аа д̇ан̃н̃ова д̣̇уммад̇ий’’д̇и. –
Tvaṃsi bālo ca dummedho, yathā taññova dummatī’’ti. –
г̇аат̇аад̣̇ваяамааха. д̇ад̇т̇а гим̣ нууд̇и бужчааважанам̣. уммад̇д̇аруубоваад̇и уммад̇д̇агасабхааво вияа жид̇д̇агкзбам̣ бад̇д̇о вияа. лааяид̇ваад̇и лавид̇ваа. харид̇ам̣ д̇ин̣анд̇и аллад̇ин̣ам̣. лабаси вилабаси. г̇ад̇асад̇д̇анд̇и виг̇ад̇аж̇ийвид̇ам̣. ж̇араг̇г̇аванд̇и б̣алиб̣ад̣̇д̣̇ам̣ ж̇ин̣н̣аг̇он̣ам̣. аннзна баанзнаад̇и д̇аяаа д̣̇иннзна харид̇ад̇ин̣зна ваа баанийязна ваа. мад̇о г̇он̣о самудтахзд̇и гаалагад̇о г̇он̣о лад̣̇д̇хаж̇ийвид̇о худ̇ваа на хи самудтахзяяа. д̇вам̣си б̣аало жа д̣̇уммзд̇ход̇и д̇вам̣ б̣ааляаяог̇ад̇о б̣аало, мзд̇хаасан̇каад̇ааяа бан̃н̃ааяа абхаавад̇о д̣̇уммзд̇хо аси. яат̇аа д̇ан̃н̃ова д̣̇уммад̇ийд̇и яат̇аа д̇ам̣ ан̃н̃оби ниббан̃н̃о виббалабзяяа, звам̣ д̇вам̣ нирад̇т̇агам̣ виббалабасийд̇и ад̇т̇о. яат̇аа д̇анд̇и нибаад̇амад̇д̇ам̣.
Gāthādvayamāha. Tattha kiṃ nūti pucchāvacanaṃ. Ummattarūpovāti ummattakasabhāvo viya cittakkhepaṃ patto viya. Lāyitvāti lavitvā. Haritaṃ tiṇanti allatiṇaṃ. Lapasi vilapasi. Gatasattanti vigatajīvitaṃ. Jaraggavanti balibaddaṃ jiṇṇagoṇaṃ. Annena pānenāti tayā dinnena haritatiṇena vā pānīyena vā. Mato goṇo samuṭṭhaheti kālakato goṇo laddhajīvito hutvā na hi samuṭṭhaheyya. Tvaṃsi bālo ca dummedhoti tvaṃ bālyayogato bālo, medhāsaṅkhātāya paññāya abhāvato dummedho asi. Yathā taññova dummatīti yathā taṃ aññopi nippañño vippalapeyya, evaṃ tvaṃ niratthakaṃ vippalapasīti attho. Yathā tanti nipātamattaṃ.
д̇ам̣ суд̇ваа суж̇аад̇о бид̇арам̣ сан̃н̃аабзд̇ум̣ ад̇д̇ано ад̇хиббааяам̣ багаасзнд̇о –
Taṃ sutvā sujāto pitaraṃ saññāpetuṃ attano adhippāyaṃ pakāsento –
48.
48.
‘‘имз баад̣̇аа ид̣̇ам̣ сийсам̣, аяам̣ гааяо саваалад̇хи;
‘‘Ime pādā idaṃ sīsaṃ, ayaṃ kāyo savāladhi;
нзд̇д̇аа д̇ат̇зва д̇идтанд̇и, аяам̣ г̇он̣о самудтахз.
Nettā tatheva tiṭṭhanti, ayaṃ goṇo samuṭṭhahe.
49.
49.
‘‘нааяяагасса хад̇т̇абаад̣̇аа, гааяо сийсан̃жа д̣̇иссад̇и;
‘‘Nāyyakassa hatthapādā, kāyo sīsañca dissati;
руд̣̇ам̣ мад̇д̇игат̇уубасмим̣, нану д̇ван̃н̃зва д̣̇уммад̇ий’’д̇и. –
Rudaṃ mattikathūpasmiṃ, nanu tvaññeva dummatī’’ti. –
г̇аат̇аад̣̇ваяам̣ абхааси. д̇ассад̇т̇о – имасса г̇он̣асса имз жад̇д̇ааро баад̣̇аа, ид̣̇ам̣ сийсам̣, саха ваалад̇хинаа вад̇д̇ад̇ийд̇и саваалад̇хи аяам̣ гааяо. имаани жа нзд̇д̇аа наяанаани яат̇аа маран̣ад̇о буб̣б̣з, д̇ат̇зва абхиннасан̣таанаани д̇идтанд̇и. аяам̣ г̇он̣о самудтахзд̇и имасмаа гааран̣аа аяам̣ г̇он̣о самудтахзяяа самуд̇д̇идтзяяаад̇и мама жид̇д̇ам̣ бхавзяяа. ‘‘ман̃н̃з г̇он̣о самудтахз’’д̇и гзжи батанд̇и, д̇зна гааран̣зна аяам̣ г̇он̣о сахасааби гааяам̣ самудтахзяяаад̇и ахам̣ ман̃н̃зяяам̣, звам̣ мз ман̃н̃анаа самбхавзяяаад̇и ад̇хиббааяо. аяяагасса бана маяхам̣ бид̇аамахасса на хад̇т̇абаад̣̇аа гааяо сийсам̣ д̣̇иссад̇и, гзвалам̣ бана д̇асса адтигаани багкибид̇ваа гад̇з мад̇д̇игаамаяз т̇уубз руд̣̇анд̇о сад̇аг̇ун̣зна сахассаг̇ун̣зна, д̇аад̇а, д̇ван̃н̃зва д̣̇уммад̇и ниббан̃н̃о, бхиж̇ж̇анад̇хаммаа сан̇каараа бхиж̇ж̇анд̇и, д̇ад̇т̇а виж̇аанад̇ам̣ гаа барид̣̇званаад̇и бид̇у д̇хаммам̣ гат̇зси.
Gāthādvayaṃ abhāsi. Tassattho – imassa goṇassa ime cattāro pādā, idaṃ sīsaṃ, saha vāladhinā vattatīti savāladhi ayaṃ kāyo. Imāni ca nettā nayanāni yathā maraṇato pubbe, tatheva abhinnasaṇṭhānāni tiṭṭhanti. Ayaṃ goṇo samuṭṭhaheti imasmā kāraṇā ayaṃ goṇo samuṭṭhaheyya samuttiṭṭheyyāti mama cittaṃ bhaveyya. ‘‘Maññe goṇo samuṭṭhahe’’ti keci paṭhanti, tena kāraṇena ayaṃ goṇo sahasāpi kāyaṃ samuṭṭhaheyyāti ahaṃ maññeyyaṃ, evaṃ me maññanā sambhaveyyāti adhippāyo. Ayyakassa pana mayhaṃ pitāmahassa na hatthapādā kāyo sīsaṃ dissati, kevalaṃ pana tassa aṭṭhikāni pakkhipitvā kate mattikāmaye thūpe rudanto sataguṇena sahassaguṇena, tāta, tvaññeva dummati nippañño, bhijjanadhammā saṅkhārā bhijjanti, tattha vijānataṃ kā paridevanāti pitu dhammaṃ kathesi.
д̇ам̣ суд̇ваа б̣од̇хисад̇д̇асса бид̇аа ‘‘мама муд̇д̇о бан̣д̣ид̇о мам̣ сан̃н̃аабзд̇ум̣ имам̣ гаммам̣ агаасий’’д̇и жинд̇зд̇ваа ‘‘д̇аад̇а суж̇аад̇а, ‘саб̣б̣зби сад̇д̇аа маран̣ад̇хаммаа’д̇и ан̃н̃аад̇амзд̇ам̣, ид̇о бадтааяа на сожиссаами, согахаран̣асамад̇т̇зна наама мзд̇хаавинаа д̇аад̣̇исзнзва бхавид̇аб̣б̣а’’нд̇и буд̇д̇ам̣ басам̣санд̇о –
Taṃ sutvā bodhisattassa pitā ‘‘mama mutto paṇḍito maṃ saññāpetuṃ imaṃ kammaṃ akāsī’’ti cintetvā ‘‘tāta sujāta, ‘sabbepi sattā maraṇadhammā’ti aññātametaṃ, ito paṭṭhāya na socissāmi, sokaharaṇasamatthena nāma medhāvinā tādiseneva bhavitabba’’nti puttaṃ pasaṃsanto –
50.
50.
‘‘аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;
‘‘Ādittaṃ vata maṃ santaṃ, ghatasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
51.
51.
‘‘аб̣б̣ахий вад̇а мз саллам̣, согам̣ хад̣̇аяаниссид̇ам̣;
‘‘Abbahī vata me sallaṃ, sokaṃ hadayanissitaṃ;
яо мз согабарзд̇асса, бид̇усогам̣ абаануд̣̇и.
Yo me sokaparetassa, pitusokaṃ apānudi.
52.
52.
‘‘сваахам̣ аб̣б̣уул̣хасаллосми, сийд̇ибхууд̇осми ниб̣б̣уд̇о;
‘‘Svāhaṃ abbūḷhasallosmi, sītibhūtosmi nibbuto;
на сожаами на род̣̇аами, д̇ава суд̇ваана маан̣ава.
Na socāmi na rodāmi, tava sutvāna māṇava.
53.
53.
‘‘звам̣ гаронд̇и саббан̃н̃аа, яз хонд̇и анугамбагаа;
‘‘Evaṃ karonti sappaññā, ye honti anukampakā;
винивад̇д̇аяанд̇и согамхаа, суж̇аад̇о бид̇арам̣ яат̇аа’’д̇и. –
Vinivattayanti sokamhā, sujāto pitaraṃ yathā’’ti. –
жад̇ассо г̇аат̇аа абхааси. д̇ад̇т̇а аад̣̇ид̇д̇анд̇и согаг̇г̇инаа аад̣̇ид̇д̇ам̣ ж̇алид̇ам̣. санд̇анд̇и самаанам̣. бааваганд̇и аг̇г̇и. вааринаа вияа осин̃жанд̇и уд̣̇агзна авасин̃жанд̇о вияа. саб̣б̣ам̣ ниб̣б̣аабаяз д̣̇аранд̇и саб̣б̣ам̣ мз жид̇д̇ад̣̇арат̇ам̣ ниб̣б̣аабзси. аб̣б̣ахий вад̇аад̇и нийхари вад̇а. салланд̇и согасаллам̣. хад̣̇аяаниссид̇анд̇и жид̇д̇асанниссид̇асаллабхууд̇ам̣. согабарзд̇ассаад̇и согзна абхибхууд̇асса. бид̇усоганд̇и бид̇арам̣ аараб̣бха уббаннам̣ согам̣. абаануд̣̇ийд̇и абанзси. д̇ава суд̇ваана маан̣аваад̇и, гумаара, д̇ава важанам̣ суд̇ваа ид̣̇аани бана на сожаами на род̣̇аами. суж̇аад̇о бид̇арам̣ яат̇аад̇и яат̇аа аяам̣ суж̇аад̇о ад̇д̇ано бид̇арам̣ согад̇о винивад̇д̇зси, звам̣ ан̃н̃зби яз анугамбагаа ануг̇г̇ан̣хасийлаа хонд̇и, д̇з саббан̃н̃аа звам̣ гаронд̇и бид̇уунам̣ ан̃н̃зсан̃жа убагаарам̣ гаронд̇ийд̇и ад̇т̇о.
Catasso gāthā abhāsi. Tattha ādittanti sokagginā ādittaṃ jalitaṃ. Santanti samānaṃ. Pāvakanti aggi. Vārinā viya osiñcanti udakena avasiñcanto viya. Sabbaṃ nibbāpaye daranti sabbaṃ me cittadarathaṃ nibbāpesi. Abbahī vatāti nīhari vata. Sallanti sokasallaṃ. Hadayanissitanti cittasannissitasallabhūtaṃ. Sokaparetassāti sokena abhibhūtassa. Pitusokanti pitaraṃ ārabbha uppannaṃ sokaṃ. Apānudīti apanesi. Tava sutvāna māṇavāti, kumāra, tava vacanaṃ sutvā idāni pana na socāmi na rodāmi. Sujāto pitaraṃ yathāti yathā ayaṃ sujāto attano pitaraṃ sokato vinivattesi, evaṃ aññepi ye anukampakā anuggaṇhasīlā honti, te sappaññā evaṃ karonti pitūnaṃ aññesañca upakāraṃ karontīti attho.
маан̣авасса важанам̣ суд̇ваа бид̇аа абаг̇ад̇асого худ̇ваа сийсам̣ нахааяид̇ваа бхун̃ж̇ид̇ваа гамманд̇з бавад̇д̇зд̇ваа гаалам̣ гад̇ваа саг̇г̇абарааяан̣о ахоси. сад̇т̇аа имам̣ д̇хаммад̣̇зсанам̣ аахарид̇ваа д̇зсам̣ бхигкуунам̣ сажжаани багаасзси, сажжабарияосаанз б̣ахуу сод̇аабад̇д̇ипалаад̣̇ийсу бад̇идтахим̣су. д̇ад̣̇аа суж̇аад̇о логанаат̇о ахосийд̇и.
Māṇavassa vacanaṃ sutvā pitā apagatasoko hutvā sīsaṃ nahāyitvā bhuñjitvā kammante pavattetvā kālaṃ katvā saggaparāyaṇo ahosi. Satthā imaṃ dhammadesanaṃ āharitvā tesaṃ bhikkhūnaṃ saccāni pakāsesi, saccapariyosāne bahū sotāpattiphalādīsu patiṭṭhahiṃsu. Tadā sujāto lokanātho ahosīti.
г̇он̣абзд̇авад̇т̇уван̣н̣анаа нидтид̇аа.
Goṇapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 8. г̇он̣абзд̇авад̇т̇у • 8. Goṇapetavatthu
