| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. г̇обагамог̇г̇аллаанасуд̇д̇аван̣н̣анаа
8. Gopakamoggallānasuttavaṇṇanā
79. звам̣ мз суд̇анд̇и г̇обагамог̇г̇аллаанасуд̇д̇ам̣. д̇ад̇т̇а ажирабариниб̣б̣уд̇з бхаг̇авад̇ийд̇и бхаг̇авад̇и ажирабариниб̣б̣уд̇з, д̇хаад̇убхааж̇анийяам̣ гад̇ваа д̇хаммасан̇г̇ийд̇им̣ гаад̇ум̣ рааж̇аг̇ахам̣ ааг̇ад̇агаалз . ран̃н̃о баж̇ж̇од̇асса аасан̇гамаанод̇и жан̣д̣абаж̇ж̇од̇о наамзса рааж̇аа б̣имб̣исаарамахаарааж̇асса сахааяо ахоси, ж̇ийвагам̣ бзсзд̇ваа бхзсаж̇ж̇агаарид̇агаалад̇о бадтааяа бана д̣̇ал̣хамид̇д̇ова ж̇аад̇о, со ‘‘аж̇аад̇асад̇д̇унаа д̣̇звад̣̇ад̇д̇асса важанам̣ г̇ахзд̇ваа бид̇аа гхаад̇ид̇о’’д̇и суд̇ваа ‘‘мама бияамид̇д̇ам̣ гхаад̇зд̇ваа зса раж̇ж̇ам̣ гариссаамийд̇и ман̃н̃ад̇и, маяхам̣ сахааяасса сахааяаанам̣ ад̇т̇игабхаавам̣ ж̇аанаабзссаамий’’д̇и барисад̇и ваажам̣ абхааси. д̇ам̣ суд̇ваа д̇асса аасан̇гаа уббаннаа. д̇зна вуд̇д̇ам̣ ‘‘ран̃н̃о баж̇ж̇од̇асса аасан̇гамаано’’д̇и. гамманд̇од̇и б̣ахинаг̇арз наг̇арабадисан̇каараабанад̇т̇ааяа гамманд̇адтаанам̣.
79.Evaṃme sutanti gopakamoggallānasuttaṃ. Tattha aciraparinibbute bhagavatīti bhagavati aciraparinibbute, dhātubhājanīyaṃ katvā dhammasaṅgītiṃ kātuṃ rājagahaṃ āgatakāle . Rañño pajjotassa āsaṅkamānoti caṇḍapajjoto nāmesa rājā bimbisāramahārājassa sahāyo ahosi, jīvakaṃ pesetvā bhesajjakāritakālato paṭṭhāya pana daḷhamittova jāto, so ‘‘ajātasattunā devadattassa vacanaṃ gahetvā pitā ghātito’’ti sutvā ‘‘mama piyamittaṃ ghātetvā esa rajjaṃ karissāmīti maññati, mayhaṃ sahāyassa sahāyānaṃ atthikabhāvaṃ jānāpessāmī’’ti parisati vācaṃ abhāsi. Taṃ sutvā tassa āsaṅkā uppannā. Tena vuttaṃ ‘‘rañño pajjotassa āsaṅkamāno’’ti. Kammantoti bahinagare nagarapaṭisaṅkhārāpanatthāya kammantaṭṭhānaṃ.
убасан̇гамийд̇и маяам̣ д̇хаммавинаяасан̇г̇ийд̇им̣ гаарзссаамаад̇и вижараама, аяан̃жа махзсагко рааж̇аваллабхо сан̇г̇ахз гад̇з взл̣уванасса аарагкам̣ гарзяяаад̇и ман̃н̃амаано убасан̇гами. д̇зхи д̇хаммзхийд̇и д̇зхи саб̣б̣ан̃н̃уд̇ан̃н̃аан̣ад̇хаммзхи. саб̣б̣зна саб̣б̣анд̇и саб̣б̣аагаарзна саб̣б̣ам̣. саб̣б̣ат̇аа саб̣б̣анд̇и саб̣б̣агодтаасзхи саб̣б̣ам̣. гим̣ бужчаамийд̇и бужчад̇и? ча хи сад̇т̇ааро батамад̇арам̣ аббан̃н̃аад̇агулзхи нигкамид̇ваа баб̣б̣аж̇ид̇аа, д̇з д̇ат̇ааг̇ад̇з д̇харамаанзязва гаалам̣гад̇аа, саавагааби нзсам̣ аббан̃н̃аад̇агулзхзва баб̣б̣аж̇ид̇аа. д̇з д̇зсам̣ ажжаязна махаавиваад̣̇ам̣ агам̣су. саман̣о бана г̇од̇амо махаагулаа баб̣б̣аж̇ид̇о, д̇асса ажжаязна саавагаанам̣ махаавиваад̣̇о бхависсад̇ийд̇и аяам̣ гат̇аа сагалаж̇амб̣уд̣̇ийбам̣ бад̇т̇арамаанаа уд̣̇абаад̣̇и. саммаасамб̣уд̣̇д̇хз жа д̇харанд̇з бхигкуунам̣ виваад̣̇о наахоси. яоби ахоси, соби д̇ад̇т̇зва вуубасамид̇о. бариниб̣б̣уд̇агаалз банасса – ‘‘адтасадтияож̇анасад̇асахассуб̣б̣зд̇хам̣ синзрум̣ абаваахид̇ум̣ самад̇т̇асса ваад̇асса бурад̇о бураан̣абан̣н̣ам̣ гим̣ тассад̇и, д̣̇аса баарамияо буурзд̇ваа саб̣б̣ан̃н̃уд̇ан̃н̃аан̣ам̣ бад̇д̇асса сад̇т̇у алаж̇ж̇амаано мажжурааж̇аа гасса лаж̇ж̇иссад̇ий’’д̇и махаасам̣взг̇ам̣ ж̇анзд̇ваа бхияяосомад̇д̇ааяа бхигкуу самаг̇г̇аа ж̇аад̇аа ад̇ивияа убасанд̇убасанд̇аа, гим̣ ну ко зд̇анд̇и ид̣̇ам̣ бужчаамийд̇и бужчад̇и. анусан̃н̃ааяамаанод̇и анусан̃ж̇ааяамаано, гад̇аагад̇ам̣ ж̇ананд̇од̇и ад̇т̇о. анувижарамаано ваа.
Upasaṅkamīti mayaṃ dhammavinayasaṅgītiṃ kāressāmāti vicarāma, ayañca mahesakkho rājavallabho saṅgahe kate veḷuvanassa ārakkhaṃ kareyyāti maññamāno upasaṅkami. Tehi dhammehīti tehi sabbaññutaññāṇadhammehi. Sabbena sabbanti sabbākārena sabbaṃ. Sabbathā sabbanti sabbakoṭṭhāsehi sabbaṃ. Kiṃ pucchāmīti pucchati? Cha hi satthāro paṭhamataraṃ appaññātakulehi nikkhamitvā pabbajitā, te tathāgate dharamāneyeva kālaṃkatā, sāvakāpi nesaṃ appaññātakuleheva pabbajitā. Te tesaṃ accayena mahāvivādaṃ akaṃsu. Samaṇo pana gotamo mahākulā pabbajito, tassa accayena sāvakānaṃ mahāvivādo bhavissatīti ayaṃ kathā sakalajambudīpaṃ pattharamānā udapādi. Sammāsambuddhe ca dharante bhikkhūnaṃ vivādo nāhosi. Yopi ahosi, sopi tattheva vūpasamito. Parinibbutakāle panassa – ‘‘aṭṭhasaṭṭhiyojanasatasahassubbedhaṃ sineruṃ apavāhituṃ samatthassa vātassa purato purāṇapaṇṇaṃ kiṃ ṭhassati, dasa pāramiyo pūretvā sabbaññutaññāṇaṃ pattassa satthu alajjamāno maccurājā kassa lajjissatī’’ti mahāsaṃvegaṃ janetvā bhiyyosomattāya bhikkhū samaggā jātā ativiya upasantupasantā, kiṃ nu kho etanti idaṃ pucchāmīti pucchati. Anusaññāyamānoti anusañjāyamāno, katākataṃ janantoti attho. Anuvicaramāno vā.
80. ад̇т̇и ну код̇и аяамби хздтимабужчамзва бужчад̇и. аббадисаран̣зд̇и аббадисаран̣з д̇хаммавинаяз. го хзд̇у саамаг̇г̇ияаад̇и д̇умхаагам̣ самаг̇г̇абхаавасса го хзд̇у го бажжаяо. д̇хаммаббадисаран̣аад̇и д̇хаммо амхаагам̣ бадисаран̣ам̣, д̇хаммо авассаяод̇и д̣̇ийбзд̇и.
80.Atthinu khoti ayampi heṭṭhimapucchameva pucchati. Appaṭisaraṇeti appaṭisaraṇe dhammavinaye. Ko hetu sāmaggiyāti tumhākaṃ samaggabhāvassa ko hetu ko paccayo. Dhammappaṭisaraṇāti dhammo amhākaṃ paṭisaraṇaṃ, dhammo avassayoti dīpeti.
81. бавад̇д̇ад̇ийд̇и баг̇ун̣ам̣ худ̇ваа ааг̇ажчад̇и. аабад̇д̇и ход̇и вийд̇иггамод̇и убхаяамзд̇ам̣ б̣уд̣̇д̇хасса аан̣аад̇иггаманамзва. яат̇аад̇хаммам̣ яат̇аанусидтам̣ гаарзмаад̇и яат̇аа д̇хаммо жа анусидти жа тид̇аа, звам̣ гаарзмаад̇и ад̇т̇о.
81.Pavattatīti paguṇaṃ hutvā āgacchati. Āpatti hoti vītikkamoti ubhayametaṃ buddhassa āṇātikkamanameva. Yathādhammaṃ yathānusiṭṭhaṃ kāremāti yathā dhammo ca anusiṭṭhi ca ṭhitā, evaṃ kāremāti attho.
на гира но бхаванд̇о гаарзнд̇и д̇хаммо но гаарзд̇ийд̇и бад̣̇ад̣̇ваязби но гааро нибаад̇амад̇д̇ам̣. звам̣ санд̇з на гира бхаванд̇о гаарзнд̇и, д̇хаммова гаарзд̇ийд̇и аяамзд̇т̇а ад̇т̇о.
Na kira no bhavanto kārenti dhammo no kāretīti padadvayepi no kāro nipātamattaṃ. Evaṃ sante na kira bhavanto kārenti, dhammova kāretīti ayamettha attho.
83. д̇аг̇гхаад̇и згам̣сз нибаад̇о. гахам̣ бана бхавам̣ аананд̣̇од̇и гим̣ т̇зрасса взл̣уванз васанабхаавам̣ на ж̇аанаад̇ийд̇и? ж̇аанаад̇и. взл̣уванасса бана анзна аарагкаа д̣̇иннаа, д̇асмаа ад̇д̇аанам̣ уггам̣саабзд̇угаамо бужчад̇и. гасмаа бана д̇зна д̇ад̇т̇а аарагкаа д̣̇иннаа? со гира згад̣̇ивасам̣ махаагажжааяанад̇т̇зрам̣ г̇иж̇жхагуудаа од̇аранд̇ам̣ д̣̇исваа – ‘‘маггадо вияа зсо’’д̇и ааха. бхаг̇аваа д̇ам̣ гат̇ам̣ суд̇ваа – ‘‘сажз камаабзд̇и, ижжзд̇ам̣ гусалам̣. но жз камаабзд̇и, имасмим̣ взл̣уванз г̇онан̇г̇аламаггадо бхависсад̇ий’’д̇и ааха. со д̇ам̣ гат̇ам̣ суд̇ваа – ‘‘саман̣асса г̇од̇амасса гат̇ааяа д̣̇взд̇хаабхааво наама над̇т̇и, бажчаа мз маггадабхууд̇агаалз г̇ожарадтаанам̣ бхависсад̇ий’’д̇и взл̣уванз наанаавид̇хз ругкз робзд̇ваа аарагкам̣ ад̣̇ааси. абарабхааг̇з гаалам̣ гад̇ваа маггадо худ̇ваа ниб̣б̣ад̇д̇и. ‘‘вассагаараа’’д̇и вуд̇д̇з ааг̇анд̇ваа самийбз адтааси. д̇аг̇гхаад̇и саб̣б̣аваарзсу згам̣саважанзязва нибаад̇о. д̇аг̇гха, бхо аананд̣̇аад̇и звам̣ т̇зрзна барисамаж̇жхз ад̇д̇ано уггам̣сид̇абхаавам̣ н̃ад̇ваа ахамби т̇зрам̣ уггам̣сиссаамийд̇и звамааха.
83.Tagghāti ekaṃse nipāto. Kahaṃ pana bhavaṃ ānandoti kiṃ therassa veḷuvane vasanabhāvaṃ na jānātīti? Jānāti. Veḷuvanassa pana anena ārakkhā dinnā, tasmā attānaṃ ukkaṃsāpetukāmo pucchati. Kasmā pana tena tattha ārakkhā dinnā? So kira ekadivasaṃ mahākaccāyanattheraṃ gijjhakūṭā otarantaṃ disvā – ‘‘makkaṭo viya eso’’ti āha. Bhagavā taṃ kathaṃ sutvā – ‘‘sace khamāpeti, iccetaṃ kusalaṃ. No ce khamāpeti, imasmiṃ veḷuvane gonaṅgalamakkaṭo bhavissatī’’ti āha. So taṃ kathaṃ sutvā – ‘‘samaṇassa gotamassa kathāya dvedhābhāvo nāma natthi, pacchā me makkaṭabhūtakāle gocaraṭṭhānaṃ bhavissatī’’ti veḷuvane nānāvidhe rukkhe ropetvā ārakkhaṃ adāsi. Aparabhāge kālaṃ katvā makkaṭo hutvā nibbatti. ‘‘Vassakārā’’ti vutte āgantvā samīpe aṭṭhāsi. Tagghāti sabbavāresu ekaṃsavacaneyeva nipāto. Taggha, bho ānandāti evaṃ therena parisamajjhe attano ukkaṃsitabhāvaṃ ñatvā ahampi theraṃ ukkaṃsissāmīti evamāha.
84. на жа ко, б̣раахман̣аад̇и т̇зро гира жинд̇зси ‘‘саммаасамб̣уд̣̇д̇хзна ван̣н̣ид̇аж̇жхаанамби ад̇т̇и, аван̣н̣ид̇аж̇жхаанамби ад̇т̇и, аяам̣ бана б̣раахман̣о саб̣б̣амзва ван̣н̣зд̇ийд̇и бан̃хам̣ висам̣ваад̣̇зд̇и, на ко бана саггаа имасса мукам̣ уллогзд̇ум̣ на бин̣д̣абаад̇ам̣ рагкид̇ум̣, бан̃хам̣ уж̇ум̣ гад̇ваа гат̇зссаамий’’д̇и ид̣̇ам̣ вад̇д̇ум̣ аарад̣̇д̇хам̣. анд̇арам̣ гарид̇ваад̇и аб̣бханд̇арам̣ гарид̇ваа. зваруубам̣ ко, б̣раахман̣а, со бхаг̇аваа жхаанам̣ ван̣н̣зсийд̇и ид̇ха саб̣б̣асан̇г̇аахагаж̇жхаанам̣ наама гат̇ид̇ам̣.
84.Na ca kho, brāhmaṇāti thero kira cintesi ‘‘sammāsambuddhena vaṇṇitajjhānampi atthi, avaṇṇitajjhānampi atthi, ayaṃ pana brāhmaṇo sabbameva vaṇṇetīti pañhaṃ visaṃvādeti, na kho pana sakkā imassa mukhaṃ ulloketuṃ na piṇḍapātaṃ rakkhituṃ, pañhaṃ ujuṃ katvā kathessāmī’’ti idaṃ vattuṃ āraddhaṃ. Antaraṃ karitvāti abbhantaraṃ karitvā. Evarūpaṃ kho, brāhmaṇa, so bhagavā jhānaṃ vaṇṇesīti idha sabbasaṅgāhakajjhānaṃ nāma kathitaṃ.
яам̣ но маяанд̇и аяам̣ гира б̣раахман̣о вассагаараб̣раахман̣ам̣ усууяад̇и, д̇зна бужчид̇абан̃хасса агат̇анам̣ бажжаасийсамаано гат̇ид̇абхаавам̣ н̃ад̇ваа ‘‘вассагаарзна бужчид̇ам̣ бан̃хам̣ бунаббунам̣ д̇асса наамам̣ г̇ан̣ханд̇о вид̇т̇аарзд̇ваа гат̇зси, маяаа бужчид̇абан̃хам̣ бана яадтигодияаа уббийл̣знд̇о вияа згад̣̇зсамзва гат̇зсий’’д̇и анад̇д̇амано ахоси, д̇асмаа звамааха. сзсам̣ саб̣б̣ад̇т̇а уд̇д̇аанамзваад̇и.
Yaṃno mayanti ayaṃ kira brāhmaṇo vassakārabrāhmaṇaṃ usūyati, tena pucchitapañhassa akathanaṃ paccāsīsamāno kathitabhāvaṃ ñatvā ‘‘vassakārena pucchitaṃ pañhaṃ punappunaṃ tassa nāmaṃ gaṇhanto vitthāretvā kathesi, mayā pucchitapañhaṃ pana yaṭṭhikoṭiyā uppīḷento viya ekadesameva kathesī’’ti anattamano ahosi, tasmā evamāha. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
г̇обагамог̇г̇аллаанасуд̇д̇аван̣н̣анаа нидтид̇аа.
Gopakamoggallānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. г̇обагамог̇г̇аллаанасуд̇д̇ам̣ • 8. Gopakamoggallānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. г̇обагамог̇г̇аллаанасуд̇д̇аван̣н̣анаа • 8. Gopakamoggallānasuttavaṇṇanā
