| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
8. г̇обагамог̇г̇аллаанасуд̇д̇аван̣н̣анаа
8. Gopakamoggallānasuttavaṇṇanā
79. гаммам̣язва гамманд̇о, со зд̇т̇а ад̇т̇ийд̇и гаммагаран̣адтаанам̣ ‘‘гамманд̇о’’д̇и вуд̇д̇ам̣. д̇знааха ‘‘гамманд̇адтаана’’нд̇и. д̇зхи д̇хаммзхийд̇и б̣уд̣̇д̇хаг̇ун̣зхи. д̇з бана саб̣б̣ан̃н̃уд̇ан̃н̃аан̣аббамукаад̇и гад̇ваа ааха ‘‘саб̣б̣ан̃н̃уд̇ан̃н̃аан̣ад̇хаммзхий’’д̇и. саб̣б̣зна саб̣б̣анд̇и саб̣б̣аббагаарзна анавасзсам̣, зд̇д̇аго г̇ун̣аанам̣ багаарабхзд̣̇о, д̇зсу гин̃жиби багаарам̣ анавасзсзд̇ваа. саб̣б̣агодтаасзхи саб̣б̣анд̇и яад̇д̇агаа г̇ун̣абхааг̇аа, д̇зхи саб̣б̣зхи анавасзсам̣ ниссзсамзва гад̇ваа. яоби ахосийд̇и яоби госамб̣иваасийнам̣ бхигкуунам̣ васзна госамб̣ияам̣ галахо ахоси. соби д̇ад̇т̇зва уббаннадтаанзязва уббаннамад̇д̇о вуубасамид̇о. бариниб̣б̣уд̇агаалз банассаад̇и асса саммаасамб̣уд̣̇д̇хасса бариниб̣б̣уд̇агаалз бана. бхияяосомад̇д̇ааяа бхигкуу самаг̇г̇аа ж̇аад̇аа, гат̇ан̃жа сам̣взг̇о ж̇аад̇од̇и д̣̇ассзд̇ум̣ ‘‘адтасадтий’’д̇иаад̣̇и вуд̇д̇ам̣. саад̇исаяам̣ абхин̣хан̃жа убасамаббад̇д̇ияаа ад̇ивияа убасанд̇убасанд̇аа. анусам̣яааяамаанод̇и ану ану саммад̣̇зва ж̇аананд̇о вижаарзнд̇о восаасамаано. ‘‘анусан̃н̃ааяамаано’’д̇и ваа баато. д̇ад̇т̇а яа-гаарасса н̃а-гаарам̣ гад̇ваа нид̣̇д̣̇зсод̇и ааха ‘‘анувижарамаано’’д̇и.
79. Kammaṃyeva kammanto, so ettha atthīti kammakaraṇaṭṭhānaṃ ‘‘kammanto’’ti vuttaṃ. Tenāha ‘‘kammantaṭṭhāna’’nti. Tehi dhammehīti buddhaguṇehi. Te pana sabbaññutaññāṇappamukhāti katvā āha ‘‘sabbaññutaññāṇadhammehī’’ti. Sabbena sabbanti sabbappakārena anavasesaṃ, ettako guṇānaṃ pakārabhedo, tesu kiñcipi pakāraṃ anavasesetvā. Sabbakoṭṭhāsehi sabbanti yattakā guṇabhāgā, tehi sabbehi anavasesaṃ nissesameva katvā. Yopi ahosīti yopi kosambivāsīnaṃ bhikkhūnaṃ vasena kosambiyaṃ kalaho ahosi. Sopi tattheva uppannaṭṭhāneyeva uppannamatto vūpasamito. Parinibbutakāle panassāti assa sammāsambuddhassa parinibbutakāle pana. Bhiyyosomattāya bhikkhū samaggā jātā, kathañca saṃvego jātoti dassetuṃ ‘‘aṭṭhasaṭṭhī’’tiādi vuttaṃ. Sātisayaṃ abhiṇhañca upasamappattiyā ativiya upasantupasantā. Anusaṃyāyamānoti anu anu sammadeva jānanto vicārento vosāsamāno. ‘‘Anusaññāyamāno’’ti vā pāṭho. Tattha ya-kārassa ña-kāraṃ katvā niddesoti āha ‘‘anuvicaramāno’’ti.
80. хздтимабужчамзваад̇и г̇обагамог̇г̇аллаанзна бужчид̇абужчамзва. со хи ‘‘д̇зхи д̇хаммзхий’’д̇иаад̣̇инаа, ‘‘ад̇т̇и гожи д̇умхаагам̣ саасанасса саарабхууд̇о бхигкуу’’д̇и бужчи. аяан̃жа д̇амзва ‘‘бадисаран̣о’’д̇и барияааязна бужчи. аббадисаран̣зд̇и яам̣ д̇умхз бхигкум̣ бадиб̣од̇хзяяаат̇а, д̇аад̣̇исасса абхаавзна аббадисаран̣з. д̇ат̇ааг̇ад̇зна бавзд̣̇ид̇о д̇хаммо бадисаран̣ам̣ зд̇зсанд̇и д̇хаммабадисаран̣аа. д̇знааха ‘‘д̇хаммо авассаяо’’д̇и.
80.Heṭṭhimapucchamevāti gopakamoggallānena pucchitapucchameva. So hi ‘‘tehi dhammehī’’tiādinā, ‘‘atthi koci tumhākaṃ sāsanassa sārabhūto bhikkhū’’ti pucchi. Ayañca tameva ‘‘paṭisaraṇo’’ti pariyāyena pucchi. Appaṭisaraṇeti yaṃ tumhe bhikkhuṃ paṭibodheyyātha, tādisassa abhāvena appaṭisaraṇe. Tathāgatena pavedito dhammo paṭisaraṇaṃ etesanti dhammapaṭisaraṇā. Tenāha ‘‘dhammo avassayo’’ti.
81. ааг̇ажчад̇ийд̇и ваажуг̇г̇ад̇абхаавзна ааг̇ажчад̇и. вад̇т̇увийд̇иггамасан̇каад̇з г̇аруг̇аруд̇аралахулахуд̇араад̣̇ибхзд̣̇з аж̇жхаажаарз аабад̇д̇исаман̃н̃аад̇и ааха – ‘‘аабад̇д̇и…бз… аан̣аад̇иггаманамзваа’’д̇и. яат̇аад̇хамманд̇и д̇хаммаануруубам̣. яат̇аасидтанд̇и яат̇аанусидтам̣. д̇хаммо нод̇и зд̇т̇а но-сад̣̇д̣̇о авад̇хааран̣з ‘‘на но самам̣ ад̇т̇и д̇ат̇ааг̇ад̇знаа’’д̇иаад̣̇ийсу (ку. баа. 6.3; су. ни. 226) вияа. д̇знзвааха ‘‘д̇хаммова гаарзд̇ий’’д̇и.
81.Āgacchatīti vācuggatabhāvena āgacchati. Vatthuvītikkamasaṅkhāte garugarutaralahulahutarādibhede ajjhācāre āpattisamaññāti āha – ‘‘āpatti…pe… āṇātikkamanamevā’’ti. Yathādhammanti dhammānurūpaṃ. Yathāsiṭṭhanti yathānusiṭṭhaṃ. Dhammo noti ettha no-saddo avadhāraṇe ‘‘na no samaṃ atthi tathāgatenā’’tiādīsu (khu. pā. 6.3; su. ni. 226) viya. Tenevāha ‘‘dhammova kāretī’’ti.
83. ‘‘яат̇аа д̇ам̣ д̇умхаад̣̇исзхи рагкагзхи г̇обагзхий’’д̇и звам̣ басаннавзсзна ад̇д̇аанам̣ уггам̣саабзд̇угаамо . арияуубаваад̣̇абаабам̣ камаабанз сад̇и анд̇арааяааяа на ход̇ийд̇и ааха – ‘‘ижжзд̇ам̣ гусала’’нд̇и. г̇онан̇г̇аламаггадод̇и г̇онан̇г̇удтамаггадо.
83. ‘‘Yathā taṃ tumhādisehi rakkhakehi gopakehī’’ti evaṃ pasannavesena attānaṃ ukkaṃsāpetukāmo . Ariyūpavādapāpaṃ khamāpane sati antarāyāya na hotīti āha – ‘‘iccetaṃ kusala’’nti. Gonaṅgalamakkaṭoti gonaṅguṭṭhamakkaṭo.
84. аяам̣ уггам̣саабзд̇ум̣ ижчид̇ам̣ яат̇аарад̣̇д̇хамад̇т̇ам̣ висам̣ваад̣̇зд̇и аван̣н̣ид̇амби ван̣н̣ид̇ам̣ гад̇ваа гат̇знд̇о; имасса важанасса бадигкзбзна иминаа д̣̇аад̇аб̣б̣абин̣д̣абаад̇асса анд̇арааяо маа ход̇ууд̇и звам̣ бин̣д̣абаад̇ам̣ рагкид̇ум̣ на ко бана саггаад̇и яож̇анаа. ид̣̇анд̇и ‘‘на ко, б̣раахман̣а, со бхаг̇аваа’’д̇иаад̣̇ид̣̇зсанам̣. аб̣бханд̇арам̣ гарид̇ваад̇и ниб̣б̣аананд̇ог̇ад̇хам̣ гад̇ваа, анд̇арам̣ ваа д̇асса ниж̇жхаанасса гааран̣ам̣ гад̇ваа. гаамарааг̇авасзна хи д̇ам̣ ниж̇жхаанам̣ ход̇ийд̇и. ид̇хаад̇и имасмим̣ суд̇д̇абад̣̇зсз. саб̣б̣асан̇г̇аахигаж̇жхаананд̇и логияалогуд̇д̇арасса анд̇арааяо маа ход̇ууд̇и звам̣ гад̇вааби руубааважарасса маг̇г̇ажхаанасса палажхаанассаад̇и саб̣б̣ассаби сан̇г̇ан̣ханавасзна д̣̇зсид̇ад̇д̇аа саб̣б̣асан̇г̇аахагаж̇жхаанам̣ наама гат̇ид̇ам̣.
84. Ayaṃ ukkaṃsāpetuṃ icchitaṃ yathāraddhamatthaṃ visaṃvādeti avaṇṇitampi vaṇṇitaṃ katvā kathento; imassa vacanassa paṭikkhepena iminā dātabbapiṇḍapātassa antarāyo mā hotūti evaṃ piṇḍapātaṃ rakkhituṃ na kho pana sakkāti yojanā. Idanti ‘‘na kho, brāhmaṇa, so bhagavā’’tiādidesanaṃ. Abbhantaraṃ karitvāti nibbānantogadhaṃ katvā, antaraṃ vā tassa nijjhānassa kāraṇaṃ katvā. Kāmarāgavasena hi taṃ nijjhānaṃ hotīti. Idhāti imasmiṃ suttapadese. Sabbasaṅgāhikajjhānanti lokiyalokuttarassa antarāyo mā hotūti evaṃ katvāpi rūpāvacarassa maggajhānassa phalajhānassāti sabbassapi saṅgaṇhanavasena desitattā sabbasaṅgāhakajjhānaṃ nāma kathitaṃ.
яам̣ но маяанд̇и зд̇т̇а нод̇и нибаад̇амад̇д̇ам̣. д̇ам̣ нод̇и зд̇т̇а бана нод̇и амхааганд̇и ад̇т̇о. усууяад̇и рааж̇агижжабасуд̇ад̇аад̇хийнад̇ааяа згад̇т̇аабхинивзсабхаавад̇о . манд̣̇абан̃н̃ад̇ааяа вассагаараг̇ад̇аиссаабхибхууд̇ажид̇д̇ад̇ааяа барибун̣н̣ам̣ гад̇ваа вуд̇д̇амби ад̇т̇ам̣ анубад̇хаарзнд̇о ааха – ‘‘згад̣̇зсамзва гат̇зсий’’д̇и. сзсам̣ сувин̃н̃зяяамзва.
Yaṃ no mayanti ettha noti nipātamattaṃ. Taṃ noti ettha pana noti amhākanti attho. Usūyati rājakiccapasutatādhīnatāya ekatthābhinivesabhāvato . Mandapaññatāya vassakāragataissābhibhūtacittatāya paripuṇṇaṃ katvā vuttampi atthaṃ anupadhārento āha – ‘‘ekadesameva kathesī’’ti. Sesaṃ suviññeyyameva.
г̇обагамог̇г̇аллаанасуд̇д̇аван̣н̣анааяа лийнад̇т̇аббагаасанаа самад̇д̇аа.
Gopakamoggallānasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. г̇обагамог̇г̇аллаанасуд̇д̇ам̣ • 8. Gopakamoggallānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. г̇обагамог̇г̇аллаанасуд̇д̇аван̣н̣анаа • 8. Gopakamoggallānasuttavaṇṇanā
