| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. г̇обааласуд̇д̇ам̣
7. Gopālasuttaṃ
17. ‘‘згаад̣̇асахи, бхигкавз, ан̇г̇зхи саманнааг̇ад̇о г̇обаалаго абхаб̣б̣о г̇ог̇ан̣ам̣ барихарид̇ум̣ паад̇им̣ гаад̇ум̣ 1. гад̇амзхи згаад̣̇асахи? ид̇ха, бхигкавз, г̇обаалаго на руубан̃н̃уу ход̇и, на лагкан̣агусало ход̇и, на аасаадигам̣ хаарзд̇аа 2 ход̇и, на ван̣ам̣ бадижчаад̣̇зд̇аа ход̇и, на д̇хуумам̣ гад̇д̇аа ход̇и, на д̇ид̇т̇ам̣ ж̇аанаад̇и, на бийд̇ам̣ ж̇аанаад̇и, на вийт̇им̣ ж̇аанаад̇и, на г̇ожарагусало ход̇и, анавасзсад̣̇охий жа ход̇и, яз д̇з усабхаа г̇обид̇аро г̇обарин̣ааяагаа д̇з на ад̇ирзгабууж̇ааяа бууж̇зд̇аа ход̇и . имзхи ко, бхигкавз, згаад̣̇асахи ан̇г̇зхи саманнааг̇ад̇о г̇обаалаго абхаб̣б̣о г̇ог̇ан̣ам̣ барихарид̇ум̣ паад̇им̣ гаад̇ум̣.
17. ‘‘Ekādasahi, bhikkhave, aṅgehi samannāgato gopālako abhabbo gogaṇaṃ pariharituṃ phātiṃ kātuṃ 3. Katamehi ekādasahi? Idha, bhikkhave, gopālako na rūpaññū hoti, na lakkhaṇakusalo hoti, na āsāṭikaṃ hāretā 4 hoti, na vaṇaṃ paṭicchādetā hoti, na dhūmaṃ kattā hoti, na titthaṃ jānāti, na pītaṃ jānāti, na vīthiṃ jānāti, na gocarakusalo hoti, anavasesadohī ca hoti, ye te usabhā gopitaro gopariṇāyakā te na atirekapūjāya pūjetā hoti . Imehi kho, bhikkhave, ekādasahi aṅgehi samannāgato gopālako abhabbo gogaṇaṃ pariharituṃ phātiṃ kātuṃ.
‘‘звамзвам̣ ко, бхигкавз, згаад̣̇асахи д̇хаммзхи саманнааг̇ад̇о бхигку абхаб̣б̣о имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇ид̇ум̣. гад̇амзхи згаад̣̇асахи? ид̇ха , бхигкавз, бхигку на руубан̃н̃уу ход̇и, на лагкан̣агусало ход̇и, на аасаадигам̣ хаарзд̇аа ход̇и, на ван̣ам̣ бадижчаад̣̇зд̇аа ход̇и, на д̇хуумам̣ гад̇д̇аа ход̇и, на д̇ид̇т̇ам̣ ж̇аанаад̇и, на бийд̇ам̣ ж̇аанаад̇и, на вийт̇им̣ ж̇аанаад̇и, на г̇ожарагусало ход̇и, анавасзсад̣̇охий жа ход̇и, яз д̇з бхигкуу т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа д̇з на ад̇ирзгабууж̇ааяа бууж̇зд̇аа ход̇и.
‘‘Evamevaṃ kho, bhikkhave, ekādasahi dhammehi samannāgato bhikkhu abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Katamehi ekādasahi? Idha , bhikkhave, bhikkhu na rūpaññū hoti, na lakkhaṇakusalo hoti, na āsāṭikaṃ hāretā hoti, na vaṇaṃ paṭicchādetā hoti, na dhūmaṃ kattā hoti, na titthaṃ jānāti, na pītaṃ jānāti, na vīthiṃ jānāti, na gocarakusalo hoti, anavasesadohī ca hoti, ye te bhikkhū therā rattaññū cirapabbajitā saṅghapitaro saṅghapariṇāyakā te na atirekapūjāya pūjetā hoti.
‘‘гат̇ан̃жа, бхигкавз, бхигку на руубан̃н̃уу ход̇и? ид̇ха, бхигкавз, бхигку яам̣ гин̃жи руубам̣ ( ) 5 ‘жад̇д̇аари махаабхууд̇аани, жад̇уннан̃жа махаабхууд̇аанам̣ убаад̣̇ааяарууба’нд̇и яат̇аабхууд̇ам̣ наббаж̇аанаад̇и. звам̣ ко, бхигкавз, бхигку на руубан̃н̃уу ход̇и.
‘‘Kathañca, bhikkhave, bhikkhu na rūpaññū hoti? Idha, bhikkhave, bhikkhu yaṃ kiñci rūpaṃ ( ) 6 ‘cattāri mahābhūtāni, catunnañca mahābhūtānaṃ upādāyarūpa’nti yathābhūtaṃ nappajānāti. Evaṃ kho, bhikkhave, bhikkhu na rūpaññū hoti.
‘‘гат̇ан̃жа, бхигкавз, бхигку на лагкан̣агусало ход̇и? ид̇ха, бхигкавз, бхигку ‘гаммалагкан̣о б̣аало, гаммалагкан̣о бан̣д̣ид̇о’д̇и яат̇аабхууд̇ам̣ наббаж̇аанаад̇и. звам̣ ко, бхигкавз, бхигку на лагкан̣агусало ход̇и.
‘‘Kathañca, bhikkhave, bhikkhu na lakkhaṇakusalo hoti? Idha, bhikkhave, bhikkhu ‘kammalakkhaṇo bālo, kammalakkhaṇo paṇḍito’ti yathābhūtaṃ nappajānāti. Evaṃ kho, bhikkhave, bhikkhu na lakkhaṇakusalo hoti.
‘‘гат̇ан̃жа, бхигкавз, бхигку на аасаадигам̣ хаарзд̇аа ход̇и? ид̇ха, бхигкавз, бхигку уббаннам̣ гаамавид̇аггам̣ ад̇хиваасзд̇и наббаж̇ахад̇и на винод̣̇зд̇и на б̣яанд̇ийгарод̇и на анабхаавам̣ г̇амзд̇и, уббаннам̣ б̣яаабаад̣̇авид̇аггам̣… уббаннам̣ вихим̣саавид̇аггам̣… уббаннуббаннз баабагз агусалз д̇хаммз ад̇хиваасзд̇и наббаж̇ахад̇и на винод̣̇зд̇и на б̣яанд̇ийгарод̇и на анабхаавам̣ г̇амзд̇и. звам̣ ко, бхигкавз, бхигку на аасаадигам̣ хаарзд̇аа ход̇и.
‘‘Kathañca, bhikkhave, bhikkhu na āsāṭikaṃ hāretā hoti? Idha, bhikkhave, bhikkhu uppannaṃ kāmavitakkaṃ adhivāseti nappajahati na vinodeti na byantīkaroti na anabhāvaṃ gameti, uppannaṃ byāpādavitakkaṃ… uppannaṃ vihiṃsāvitakkaṃ… uppannuppanne pāpake akusale dhamme adhivāseti nappajahati na vinodeti na byantīkaroti na anabhāvaṃ gameti. Evaṃ kho, bhikkhave, bhikkhu na āsāṭikaṃ hāretā hoti.
‘‘гат̇ан̃жа, бхигкавз, бхигку на ван̣ам̣ бадижчаад̣̇зд̇аа ход̇и? ид̇ха, бхигкавз, бхигку жагкунаа руубам̣ д̣̇исваа нимид̇д̇аг̇г̇аахий ход̇и ануб̣яан̃ж̇анаг̇г̇аахий; яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа на бадибаж̇ж̇ад̇и; на рагкад̇и жагкунд̣̇рияам̣, жагкунд̣̇рияз сам̣варам̣ наабаж̇ж̇ад̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа нимид̇д̇аг̇г̇аахий ход̇и ануб̣яан̃ж̇анаг̇г̇аахий; яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа на бадибаж̇ж̇ад̇и; на рагкад̇и манинд̣̇рияам̣, манинд̣̇рияз сам̣варам̣ наабаж̇ж̇ад̇и. звам̣ ко, бхигкавз, бхигку на ван̣ам̣ бадижчаад̣̇зд̇аа ход̇и.
‘‘Kathañca, bhikkhave, bhikkhu na vaṇaṃ paṭicchādetā hoti? Idha, bhikkhave, bhikkhu cakkhunā rūpaṃ disvā nimittaggāhī hoti anubyañjanaggāhī; yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati; na rakkhati cakkhundriyaṃ, cakkhundriye saṃvaraṃ nāpajjati. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya nimittaggāhī hoti anubyañjanaggāhī; yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati; na rakkhati manindriyaṃ, manindriye saṃvaraṃ nāpajjati. Evaṃ kho, bhikkhave, bhikkhu na vaṇaṃ paṭicchādetā hoti.
‘‘гат̇ан̃жа, бхигкавз, бхигку на д̇хуумам̣ гад̇д̇аа ход̇и? ид̇ха, бхигкавз, бхигку на 7 яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇аа ход̇и. звам̣ ко, бхигкавз, бхигку на д̇хуумам̣ гад̇д̇аа ход̇и.
‘‘Kathañca, bhikkhave, bhikkhu na dhūmaṃ kattā hoti? Idha, bhikkhave, bhikkhu na 8 yathāsutaṃ yathāpariyattaṃ dhammaṃ vitthārena paresaṃ desetā hoti. Evaṃ kho, bhikkhave, bhikkhu na dhūmaṃ kattā hoti.
‘‘гат̇ан̃жа, бхигкавз, бхигку на д̇ид̇т̇ам̣ ж̇аанаад̇и? ид̇ха, бхигкавз, бхигку яз д̇з бхигкуу б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа, д̇з гаалзна гаалам̣ убасан̇гамид̇ваа на барибужчад̇и на барибан̃хад̇и – ‘ид̣̇ам̣, бханд̇з, гат̇ам̣, имасса го ад̇т̇о’д̇и? д̇асса д̇з ааяасманд̇о авивадан̃жзва на виваранд̇и, ануд̇д̇аанийгад̇ан̃жа на уд̇д̇аанийгаронд̇и, анзгавихид̇зсу жа ган̇каатааниязсу д̇хаммзсу ган̇кам̣ на бадивинод̣̇знд̇и. звам̣ ко, бхигкавз, бхигку на д̇ид̇т̇ам̣ ж̇аанаад̇и.
‘‘Kathañca, bhikkhave, bhikkhu na titthaṃ jānāti? Idha, bhikkhave, bhikkhu ye te bhikkhū bahussutā āgatāgamā dhammadharā vinayadharā mātikādharā, te kālena kālaṃ upasaṅkamitvā na paripucchati na paripañhati – ‘idaṃ, bhante, kathaṃ, imassa ko attho’ti? Tassa te āyasmanto avivaṭañceva na vivaranti, anuttānīkatañca na uttānīkaronti, anekavihitesu ca kaṅkhāṭhāniyesu dhammesu kaṅkhaṃ na paṭivinodenti. Evaṃ kho, bhikkhave, bhikkhu na titthaṃ jānāti.
‘‘гат̇ан̃жа, бхигкавз, бхигку на бийд̇ам̣ ж̇аанаад̇и? ид̇ха, бхигкавз, бхигку д̇ат̇ааг̇ад̇аббавзд̣̇ид̇з д̇хаммавинаяз д̣̇зсияамаанз на лабхад̇и ад̇т̇авзд̣̇ам̣, на лабхад̇и д̇хаммавзд̣̇ам̣ , на лабхад̇и д̇хаммуубасам̣хид̇ам̣ баамож̇ж̇ам̣. звам̣ ко, бхигкавз, бхигку на бийд̇ам̣ ж̇аанаад̇и.
‘‘Kathañca, bhikkhave, bhikkhu na pītaṃ jānāti? Idha, bhikkhave, bhikkhu tathāgatappavedite dhammavinaye desiyamāne na labhati atthavedaṃ, na labhati dhammavedaṃ , na labhati dhammūpasaṃhitaṃ pāmojjaṃ. Evaṃ kho, bhikkhave, bhikkhu na pītaṃ jānāti.
‘‘гат̇ан̃жа, бхигкавз, бхигку на вийт̇им̣ ж̇аанаад̇и? ид̇ха, бхигкавз, бхигку арияам̣ адтан̇г̇игам̣ маг̇г̇ам̣ яат̇аабхууд̇ам̣ наббаж̇аанаад̇и. звам̣ ко, бхигкавз, бхигку на вийт̇им̣ ж̇аанаад̇и.
‘‘Kathañca, bhikkhave, bhikkhu na vīthiṃ jānāti? Idha, bhikkhave, bhikkhu ariyaṃ aṭṭhaṅgikaṃ maggaṃ yathābhūtaṃ nappajānāti. Evaṃ kho, bhikkhave, bhikkhu na vīthiṃ jānāti.
‘‘гат̇ан̃жа, бхигкавз, бхигку на г̇ожарагусало ход̇и? ид̇ха , бхигкавз, бхигку жад̇д̇ааро сад̇ибадтаанз яат̇аабхууд̇ам̣ наббаж̇аанаад̇и. звам̣ ко, бхигкавз, бхигку на г̇ожарагусало ход̇и.
‘‘Kathañca, bhikkhave, bhikkhu na gocarakusalo hoti? Idha , bhikkhave, bhikkhu cattāro satipaṭṭhāne yathābhūtaṃ nappajānāti. Evaṃ kho, bhikkhave, bhikkhu na gocarakusalo hoti.
‘‘гат̇ан̃жа, бхигкавз, бхигку анавасзсад̣̇охий ход̇и? ид̇ха, бхигкавз, бхигкум̣ сад̣̇д̇хаа г̇ахабад̇игаа абхихадтум̣ баваарзнд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзхи. д̇ад̇ра бхигку мад̇д̇ам̣ на ж̇аанаад̇и бадиг̇г̇ахан̣ааяа. звам̣ ко, бхигкавз, бхигку анавасзсад̣̇охий ход̇и.
‘‘Kathañca, bhikkhave, bhikkhu anavasesadohī hoti? Idha, bhikkhave, bhikkhuṃ saddhā gahapatikā abhihaṭṭhuṃ pavārenti cīvarapiṇḍapātasenāsanagilānapaccayabhesajjaparikkhārehi. Tatra bhikkhu mattaṃ na jānāti paṭiggahaṇāya. Evaṃ kho, bhikkhave, bhikkhu anavasesadohī hoti.
‘‘гат̇ан̃жа , бхигкавз, бхигку яз д̇з бхигкуу т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа, д̇з на ад̇ирзгабууж̇ааяа бууж̇зд̇аа ход̇и? ид̇ха, бхигкавз, бхигку яз д̇з бхигкуу т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа, д̇зсу на мзд̇д̇ам̣ гааяагаммам̣ бажжубадтаабзд̇и аави жзва рахо жа, на мзд̇д̇ам̣ важийгаммам̣… на мзд̇д̇ам̣ маногаммам̣ бажжубадтаабзд̇и аави жзва рахо жа. звам̣ ко, бхигкавз, бхигку яз д̇з бхигкуу т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа, на д̇з ад̇ирзгабууж̇ааяа бууж̇зд̇аа ход̇и.
‘‘Kathañca , bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā, te na atirekapūjāya pūjetā hoti? Idha, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā, tesu na mettaṃ kāyakammaṃ paccupaṭṭhāpeti āvi ceva raho ca, na mettaṃ vacīkammaṃ… na mettaṃ manokammaṃ paccupaṭṭhāpeti āvi ceva raho ca. Evaṃ kho, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā, na te atirekapūjāya pūjetā hoti.
‘‘имзхи ко, бхигкавз, згаад̣̇асахи д̇хаммзхи саманнааг̇ад̇о бхигку абхаб̣б̣о имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇ид̇ум̣.
‘‘Imehi kho, bhikkhave, ekādasahi dhammehi samannāgato bhikkhu abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ.
‘‘згаад̣̇асахи, бхигкавз, ан̇г̇зхи саманнааг̇ад̇о г̇обаалаго бхаб̣б̣о г̇ог̇ан̣ам̣ барихарид̇ум̣ паад̇им̣ гаад̇ум̣. гад̇амзхи згаад̣̇асахи? ид̇ха, бхигкавз, г̇обаалаго руубан̃н̃уу ход̇и, лагкан̣агусало ход̇и, аасаадигам̣ хаарзд̇аа ход̇и, ван̣ам̣ бадижчаад̣̇зд̇аа ход̇и, д̇хуумам̣ гад̇д̇аа ход̇и, д̇ид̇т̇ам̣ ж̇аанаад̇и, бийд̇ам̣ ж̇аанаад̇и, вийт̇им̣ ж̇аанаад̇и, г̇ожарагусало ход̇и, саавасзсад̣̇охий жа ход̇и, яз д̇з усабхаа г̇обид̇аро г̇обарин̣ааяагаа д̇з ад̇ирзгабууж̇ааяа бууж̇зд̇аа ход̇и – имзхи ко, бхигкавз, згаад̣̇асахи ан̇г̇зхи саманнааг̇ад̇о г̇обаалаго бхаб̣б̣о г̇ог̇ан̣ам̣ барихарид̇ум̣ паад̇им̣ гаад̇ум̣.
‘‘Ekādasahi, bhikkhave, aṅgehi samannāgato gopālako bhabbo gogaṇaṃ pariharituṃ phātiṃ kātuṃ. Katamehi ekādasahi? Idha, bhikkhave, gopālako rūpaññū hoti, lakkhaṇakusalo hoti, āsāṭikaṃ hāretā hoti, vaṇaṃ paṭicchādetā hoti, dhūmaṃ kattā hoti, titthaṃ jānāti, pītaṃ jānāti, vīthiṃ jānāti, gocarakusalo hoti, sāvasesadohī ca hoti, ye te usabhā gopitaro gopariṇāyakā te atirekapūjāya pūjetā hoti – imehi kho, bhikkhave, ekādasahi aṅgehi samannāgato gopālako bhabbo gogaṇaṃ pariharituṃ phātiṃ kātuṃ.
‘‘звамзвам̣ ко, бхигкавз, згаад̣̇асахи д̇хаммзхи саманнааг̇ад̇о бхигку бхаб̣б̣о имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇ид̇ум̣. гад̇амзхи згаад̣̇асахи? ид̇ха , бхигкавз, бхигку руубан̃н̃уу ход̇и, лагкан̣агусало ход̇и, аасаадигам̣ хаарзд̇аа ход̇и, ван̣ам̣ бадижчаад̣̇зд̇аа ход̇и, д̇хуумам̣ гад̇д̇аа ход̇и, д̇ид̇т̇ам̣ ж̇аанаад̇и, бийд̇ам̣ ж̇аанаад̇и, вийт̇им̣ ж̇аанаад̇и, г̇ожарагусало ход̇и, саавасзсад̣̇охий жа ход̇и, яз д̇з бхигкуу т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа д̇з ад̇ирзгабууж̇ааяа бууж̇зд̇аа ход̇и.
‘‘Evamevaṃ kho, bhikkhave, ekādasahi dhammehi samannāgato bhikkhu bhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Katamehi ekādasahi? Idha , bhikkhave, bhikkhu rūpaññū hoti, lakkhaṇakusalo hoti, āsāṭikaṃ hāretā hoti, vaṇaṃ paṭicchādetā hoti, dhūmaṃ kattā hoti, titthaṃ jānāti, pītaṃ jānāti, vīthiṃ jānāti, gocarakusalo hoti, sāvasesadohī ca hoti, ye te bhikkhū therā rattaññū cirapabbajitā saṅghapitaro saṅghapariṇāyakā te atirekapūjāya pūjetā hoti.
‘‘гат̇ан̃жа, бхигкавз, бхигку руубан̃н̃уу ход̇и? ид̇ха, бхигкавз, бхигку яам̣ гин̃жи руубам̣ ‘жад̇д̇аари махаабхууд̇аани, жад̇уннан̃жа махаабхууд̇аанам̣ убаад̣̇ааяарууба’нд̇и яат̇аабхууд̇ам̣ баж̇аанаад̇и. звам̣ ко, бхигкавз, бхигку руубан̃н̃уу ход̇и.
‘‘Kathañca, bhikkhave, bhikkhu rūpaññū hoti? Idha, bhikkhave, bhikkhu yaṃ kiñci rūpaṃ ‘cattāri mahābhūtāni, catunnañca mahābhūtānaṃ upādāyarūpa’nti yathābhūtaṃ pajānāti. Evaṃ kho, bhikkhave, bhikkhu rūpaññū hoti.
‘‘гат̇ан̃жа , бхигкавз, бхигку лагкан̣агусало ход̇и? ид̇ха, бхигкавз, бхигку ‘гаммалагкан̣о б̣аало, гаммалагкан̣о бан̣д̣ид̇о’д̇и яат̇аабхууд̇ам̣ баж̇аанаад̇и. звам̣ ко, бхигкавз, бхигку лагкан̣агусало ход̇и.
‘‘Kathañca , bhikkhave, bhikkhu lakkhaṇakusalo hoti? Idha, bhikkhave, bhikkhu ‘kammalakkhaṇo bālo, kammalakkhaṇo paṇḍito’ti yathābhūtaṃ pajānāti. Evaṃ kho, bhikkhave, bhikkhu lakkhaṇakusalo hoti.
‘‘гат̇ан̃жа, бхигкавз, бхигку аасаадигам̣ хаарзд̇аа ход̇и? ид̇ха, бхигкавз, бхигку уббаннам̣ гаамавид̇аггам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и, уббаннам̣ б̣яаабаад̣̇авид̇аггам̣… уббаннам̣ вихим̣саавид̇аггам̣… уббаннуббаннз баабагз агусалз д̇хаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и. звам̣ ко, бхигкавз, бхигку аасаадигам̣ хаарзд̇аа ход̇и.
‘‘Kathañca, bhikkhave, bhikkhu āsāṭikaṃ hāretā hoti? Idha, bhikkhave, bhikkhu uppannaṃ kāmavitakkaṃ nādhivāseti pajahati vinodeti byantīkaroti anabhāvaṃ gameti, uppannaṃ byāpādavitakkaṃ… uppannaṃ vihiṃsāvitakkaṃ… uppannuppanne pāpake akusale dhamme nādhivāseti pajahati vinodeti byantīkaroti anabhāvaṃ gameti. Evaṃ kho, bhikkhave, bhikkhu āsāṭikaṃ hāretā hoti.
‘‘гат̇ан̃жа, бхигкавз, бхигку ван̣ам̣ бадижчаад̣̇зд̇аа ход̇и? ид̇ха, бхигкавз, бхигку жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий; яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и; рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий; яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и; рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. звам̣ ко, бхигкавз, бхигку ван̣ам̣ бадижчаад̣̇зд̇аа ход̇и.
‘‘Kathañca, bhikkhave, bhikkhu vaṇaṃ paṭicchādetā hoti? Idha, bhikkhave, bhikkhu cakkhunā rūpaṃ disvā na nimittaggāhī hoti nānubyañjanaggāhī; yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati; rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na nimittaggāhī hoti nānubyañjanaggāhī; yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati; rakkhati manindriyaṃ, manindriye saṃvaraṃ āpajjati. Evaṃ kho, bhikkhave, bhikkhu vaṇaṃ paṭicchādetā hoti.
‘‘гат̇ан̃жа, бхигкавз, бхигку д̇хуумам̣ гад̇д̇аа ход̇и? ид̇ха, бхигкавз, бхигку яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇аа ход̇и. звам̣ ко, бхигкавз, бхигку д̇хуумам̣ гад̇д̇аа ход̇и.
‘‘Kathañca, bhikkhave, bhikkhu dhūmaṃ kattā hoti? Idha, bhikkhave, bhikkhu yathāsutaṃ yathāpariyattaṃ dhammaṃ vitthārena paresaṃ desetā hoti. Evaṃ kho, bhikkhave, bhikkhu dhūmaṃ kattā hoti.
‘‘гат̇ан̃жа, бхигкавз, бхигку д̇ид̇т̇ам̣ ж̇аанаад̇и? ид̇ха, бхигкавз, бхигку яз д̇з бхигкуу б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа, д̇з гаалзна гаалам̣ убасан̇гамид̇ваа барибужчад̇и барибан̃хад̇и – ‘ид̣̇ам̣, бханд̇з, гат̇ам̣, имасса го ад̇т̇о’д̇и? д̇асса д̇з ааяасманд̇о авивадан̃жзва виваранд̇и, ануд̇д̇аанийгад̇ан̃жа уд̇д̇аанийгаронд̇и, анзгавихид̇зсу жа ган̇каатааниязсу д̇хаммзсу ган̇кам̣ бадивинод̣̇знд̇и. звам̣ ко, бхигкавз, бхигку д̇ид̇т̇ам̣ ж̇аанаад̇и.
‘‘Kathañca, bhikkhave, bhikkhu titthaṃ jānāti? Idha, bhikkhave, bhikkhu ye te bhikkhū bahussutā āgatāgamā dhammadharā vinayadharā mātikādharā, te kālena kālaṃ upasaṅkamitvā paripucchati paripañhati – ‘idaṃ, bhante, kathaṃ, imassa ko attho’ti? Tassa te āyasmanto avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhāniyesu dhammesu kaṅkhaṃ paṭivinodenti. Evaṃ kho, bhikkhave, bhikkhu titthaṃ jānāti.
‘‘гат̇ан̃жа, бхигкавз, бхигку бийд̇ам̣ ж̇аанаад̇и? ид̇ха, бхигкавз, бхигку д̇ат̇ааг̇ад̇аббавзд̣̇ид̇з д̇хаммавинаяз д̣̇зсияамаанз лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. звам̣ ко, бхигкавз, бхигку бийд̇ам̣ ж̇аанаад̇и.
‘‘Kathañca, bhikkhave, bhikkhu pītaṃ jānāti? Idha, bhikkhave, bhikkhu tathāgatappavedite dhammavinaye desiyamāne labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Evaṃ kho, bhikkhave, bhikkhu pītaṃ jānāti.
‘‘гат̇ан̃жа , бхигкавз, бхигку вийт̇им̣ ж̇аанаад̇и? ид̇ха, бхигкавз, бхигку арияам̣ адтан̇г̇игам̣ маг̇г̇ам̣ яат̇аабхууд̇ам̣ баж̇аанаад̇и. звам̣ ко, бхигкавз, бхигку вийт̇им̣ ж̇аанаад̇и.
‘‘Kathañca , bhikkhave, bhikkhu vīthiṃ jānāti? Idha, bhikkhave, bhikkhu ariyaṃ aṭṭhaṅgikaṃ maggaṃ yathābhūtaṃ pajānāti. Evaṃ kho, bhikkhave, bhikkhu vīthiṃ jānāti.
‘‘гат̇ан̃жа, бхигкавз, бхигку г̇ожарагусало ход̇и? ид̇ха, бхигкавз, бхигку жад̇д̇ааро сад̇ибадтаанз яат̇аабхууд̇ам̣ баж̇аанаад̇и. звам̣ ко, бхигкавз, бхигку г̇ожарагусало ход̇и.
‘‘Kathañca, bhikkhave, bhikkhu gocarakusalo hoti? Idha, bhikkhave, bhikkhu cattāro satipaṭṭhāne yathābhūtaṃ pajānāti. Evaṃ kho, bhikkhave, bhikkhu gocarakusalo hoti.
‘‘гат̇ан̃жа, бхигкавз, бхигку саавасзсад̣̇охий ход̇и? ид̇ха, бхигкавз, бхигкум̣ сад̣̇д̇хаа г̇ахабад̇игаа абхихадтум̣ баваарзнд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзхи. д̇ад̇ра бхигку мад̇д̇ам̣ ж̇аанаад̇и бадиг̇г̇ахан̣ааяа. звам̣ ко, бхигкавз, бхигку саавасзсад̣̇охий ход̇и.
‘‘Kathañca, bhikkhave, bhikkhu sāvasesadohī hoti? Idha, bhikkhave, bhikkhuṃ saddhā gahapatikā abhihaṭṭhuṃ pavārenti cīvarapiṇḍapātasenāsanagilānapaccayabhesajjaparikkhārehi. Tatra bhikkhu mattaṃ jānāti paṭiggahaṇāya. Evaṃ kho, bhikkhave, bhikkhu sāvasesadohī hoti.
‘‘гат̇ан̃жа, бхигкавз, бхигку яз д̇з бхигкуу т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа, д̇з ад̇ирзгабууж̇ааяа бууж̇зд̇аа ход̇и? ид̇ха, бхигкавз, бхигку яз д̇з т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа, д̇зсу мзд̇д̇ам̣ гааяагаммам̣ бажжубадтаабзд̇и аави жзва рахо жа, мзд̇д̇ам̣ важийгаммам̣… мзд̇д̇ам̣ маногаммам̣ бажжубадтаабзд̇и аави жзва рахо жа. звам̣ ко , бхигкавз, бхигку яз д̇з бхигкуу т̇зраа рад̇д̇ан̃н̃уу жирабаб̣б̣аж̇ид̇аа сан̇гхабид̇аро сан̇гхабарин̣ааяагаа, д̇з ад̇ирзгабууж̇ааяа бууж̇зд̇аа ход̇и.
‘‘Kathañca, bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā, te atirekapūjāya pūjetā hoti? Idha, bhikkhave, bhikkhu ye te therā rattaññū cirapabbajitā saṅghapitaro saṅghapariṇāyakā, tesu mettaṃ kāyakammaṃ paccupaṭṭhāpeti āvi ceva raho ca, mettaṃ vacīkammaṃ… mettaṃ manokammaṃ paccupaṭṭhāpeti āvi ceva raho ca. Evaṃ kho , bhikkhave, bhikkhu ye te bhikkhū therā rattaññū cirapabbajitā saṅghapitaro saṅghapariṇāyakā, te atirekapūjāya pūjetā hoti.
‘‘имзхи ко, бхигкавз, згаад̣̇асахи д̇хаммзхи саманнааг̇ад̇о бхигку бхаб̣б̣о имасмим̣ д̇хаммавинаяз вуд̣̇д̇хим̣ вируул̣хим̣ взбуллам̣ аабаж̇ж̇ид̇у’’нд̇и. сад̇д̇амам̣.
‘‘Imehi kho, bhikkhave, ekādasahi dhammehi samannāgato bhikkhu bhabbo imasmiṃ dhammavinaye vuddhiṃ virūḷhiṃ vepullaṃ āpajjitu’’nti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. г̇обааласуд̇д̇аван̣н̣анаа • 7. Gopālasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. г̇обааласуд̇д̇аван̣н̣анаа • 7. Gopālasuttavaṇṇanā
