| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਗੋਰੂਪਙ੍ਗਪਞ੍ਹੋ
8. Gorūpaṅgapañho
੮. ‘‘ਭਨ੍ਤੇ ਨਾਗਸੇਨ, ‘ਗੋਰੂਪਸ੍ਸ ਚਤ੍ਤਾਰਿ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਚਤ੍ਤਾਰਿ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਗੋਰੂਪੋ ਸਕਂ ਗੇਹਂ ਨ વਿਜਹਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਕੋ ਕਾਯੋ ਨ વਿਜਹਿਤਬ੍ਬੋ ‘ਅਨਿਚ੍ਚੁਚ੍ਛਾਦਨਪਰਿਮਦ੍ਦਨਭੇਦਨવਿਕਿਰਣવਿਦ੍ਧਂਸਨਧਮ੍ਮੋ ਅਯਂ ਕਾਯੋ’ਤਿ। ਇਦਂ, ਮਹਾਰਾਜ, ਗੋਰੂਪਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
8. ‘‘Bhante nāgasena, ‘gorūpassa cattāri aṅgāni gahetabbānī’ti yaṃ vadesi, katamāni tāni cattāri aṅgāni gahetabbānī’’ti? ‘‘Yathā, mahārāja, gorūpo sakaṃ gehaṃ na vijahati, evameva kho, mahārāja, yoginā yogāvacarena sako kāyo na vijahitabbo ‘aniccucchādanaparimaddanabhedanavikiraṇaviddhaṃsanadhammo ayaṃ kāyo’ti. Idaṃ, mahārāja, gorūpassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਗੋਰੂਪੋ ਆਦਿਨ੍ਨਧੁਰੋ ਸੁਖਦੁਕ੍ਖੇਨ ਧੁਰਂ વਹਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਆਦਿਨ੍ਨਬ੍ਰਹ੍ਮਚਰਿਯੇਨ ਸੁਖਦੁਕ੍ਖੇਨ ਯਾવ ਜੀવਿਤਪਰਿਯਾਦਾਨਾ ਆਪਾਣਕੋਟਿਕਂ ਬ੍ਰਹ੍ਮਚਰਿਯਂ ਚਰਿਤਬ੍ਬਂ। ਇਦਂ, ਮਹਾਰਾਜ, ਗੋਰੂਪਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, gorūpo ādinnadhuro sukhadukkhena dhuraṃ vahati, evameva kho, mahārāja, yoginā yogāvacarena ādinnabrahmacariyena sukhadukkhena yāva jīvitapariyādānā āpāṇakoṭikaṃ brahmacariyaṃ caritabbaṃ. Idaṃ, mahārāja, gorūpassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਗੋਰੂਪੋ ਛਨ੍ਦੇਨ ਘਾਯਮਾਨੋ ਪਾਨੀਯਂ ਪਿવਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਆਚਰਿਯੁਪਜ੍ਝਾਯਾਨਂ ਅਨੁਸਿਟ੍ਠਿ ਛਨ੍ਦੇਨ ਪੇਮੇਨ ਪਸਾਦੇਨ ਘਾਯਮਾਨੇਨ ਪਟਿਗ੍ਗਹੇਤਬ੍ਬਾ। ਇਦਂ, ਮਹਾਰਾਜ, ਗੋਰੂਪਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, gorūpo chandena ghāyamāno pānīyaṃ pivati, evameva kho, mahārāja, yoginā yogāvacarena ācariyupajjhāyānaṃ anusiṭṭhi chandena pemena pasādena ghāyamānena paṭiggahetabbā. Idaṃ, mahārāja, gorūpassa tatiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਗੋਰੂਪੋ ਯੇਨ ਕੇਨਚਿ વਾਹਿਯਮਾਨੋ વਹਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਥੇਰਨવਮਜ੍ਝਿਮਭਿਕ੍ਖੂਨਮ੍ਪਿ ਗਿਹਿਉਪਾਸਕਸ੍ਸਾਪਿ ਓવਾਦਾਨੁਸਾਸਨੀ ਸਿਰਸਾ ਸਮ੍ਪਟਿਚ੍ਛਿਤਬ੍ਬਾ। ਇਦਂ, ਮਹਾਰਾਜ, ਗੋਰੂਪਸ੍ਸ ਚਤੁਤ੍ਥਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ –
‘‘Puna caparaṃ, mahārāja, gorūpo yena kenaci vāhiyamāno vahati, evameva kho, mahārāja, yoginā yogāvacarena theranavamajjhimabhikkhūnampi gihiupāsakassāpi ovādānusāsanī sirasā sampaṭicchitabbā. Idaṃ, mahārāja, gorūpassa catutthaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ਤਦਹੁ ਪਬ੍ਬਜਿਤੋ ਸਨ੍ਤੋ, ਜਾਤਿਯਾ ਸਤ੍ਤવਸ੍ਸਿਕੋ।
‘‘‘Tadahu pabbajito santo, jātiyā sattavassiko;
‘‘‘ਤਿਬ੍ਬਂ ਛਨ੍ਦਞ੍ਚ ਪੇਮਞ੍ਚ, ਤਸ੍ਮਿਂ ਦਿਸ੍વਾ ਉਪਟ੍ਠਪੇ।
‘‘‘Tibbaṃ chandañca pemañca, tasmiṃ disvā upaṭṭhape;
ਠਪੇਯ੍ਯਾਚਰਿਯਟ੍ਠਾਨੇ, ਸਕ੍ਕਚ੍ਚ ਨਂ ਪੁਨਪ੍ਪੁਨ’’’ਨ੍ਤਿ॥
Ṭhapeyyācariyaṭṭhāne, sakkacca naṃ punappuna’’’nti.
ਗੋਰੂਪਙ੍ਗਪਞ੍ਹੋ ਅਟ੍ਠਮੋ।
Gorūpaṅgapañho aṭṭhamo.
Footnotes:
