| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. गोसीसनिक्खेपकत्थेरअपदानं
5. Gosīsanikkhepakattheraapadānaṃ
२१.
21.
‘‘आरामद्वारा निक्खम्म, गोसीसं सन्थतं मया।
‘‘Ārāmadvārā nikkhamma, gosīsaṃ santhataṃ mayā;
अनुभोमि सकं कम्मं, पुब्बकम्मस्सिदं फलं॥
Anubhomi sakaṃ kammaṃ, pubbakammassidaṃ phalaṃ.
२२.
22.
‘‘आजानिया वातजवा, सिन्धवा सीघवाहना।
‘‘Ājāniyā vātajavā, sindhavā sīghavāhanā;
अनुभोमि सब्बमेतं, गोसीसस्स इदं फलं॥
Anubhomi sabbametaṃ, gosīsassa idaṃ phalaṃ.
२३.
23.
‘‘अहो कारं परमकारं, सुखत्ते सुकतं मया।
‘‘Aho kāraṃ paramakāraṃ, sukhatte sukataṃ mayā;
सङ्घे कतस्स कारस्स, न अञ्ञं कलमग्घति॥
Saṅghe katassa kārassa, na aññaṃ kalamagghati.
२४.
24.
‘‘चतुन्नवुतितो कप्पे, यं सीसं सन्थरिं अहं।
‘‘Catunnavutito kappe, yaṃ sīsaṃ santhariṃ ahaṃ;
दुग्गतिं नाभिजानामि, सन्थरस्स इदं फलं॥
Duggatiṃ nābhijānāmi, santharassa idaṃ phalaṃ.
२५.
25.
‘‘पञ्चसत्ततिकप्पम्हि, सुप्पतिट्ठितनामको।
‘‘Pañcasattatikappamhi, suppatiṭṭhitanāmako;
एको आसिं महातेजो, चक्कवत्ती महब्बलो॥
Eko āsiṃ mahātejo, cakkavattī mahabbalo.
२६.
26.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा गोसीसनिक्खेपको थेरो इमा गाथायो अभासित्थाति।
Itthaṃ sudaṃ āyasmā gosīsanikkhepako thero imā gāthāyo abhāsitthāti.
गोसीसनिक्खेपकत्थेरस्सापदानं पञ्चमं।
Gosīsanikkhepakattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. चितकपूजकत्थेरअपदानादिवण्णना • 1-10. Citakapūjakattheraapadānādivaṇṇanā
