| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. โคสีสนิเกฺขปกเตฺถรอปทานํ
5. Gosīsanikkhepakattheraapadānaṃ
๒๑.
21.
‘‘อารามทฺวารา นิกฺขมฺม, โคสีสํ สนฺถตํ มยา;
‘‘Ārāmadvārā nikkhamma, gosīsaṃ santhataṃ mayā;
อนุโภมิ สกํ กมฺมํ, ปุพฺพกมฺมสฺสิทํ ผลํฯ
Anubhomi sakaṃ kammaṃ, pubbakammassidaṃ phalaṃ.
๒๒.
22.
‘‘อาชานิยา วาตชวา, สินฺธวา สีฆวาหนา;
‘‘Ājāniyā vātajavā, sindhavā sīghavāhanā;
อนุโภมิ สพฺพเมตํ, โคสีสสฺส อิทํ ผลํฯ
Anubhomi sabbametaṃ, gosīsassa idaṃ phalaṃ.
๒๓.
23.
‘‘อโห การํ ปรมการํ, สุขเตฺต สุกตํ มยา;
‘‘Aho kāraṃ paramakāraṃ, sukhatte sukataṃ mayā;
สเงฺฆ กตสฺส การสฺส, น อญฺญํ กลมคฺฆติฯ
Saṅghe katassa kārassa, na aññaṃ kalamagghati.
๒๔.
24.
‘‘จตุนฺนวุติโต กเปฺป, ยํ สีสํ สนฺถริํ อหํ;
‘‘Catunnavutito kappe, yaṃ sīsaṃ santhariṃ ahaṃ;
ทุคฺคติํ นาภิชานามิ, สนฺถรสฺส อิทํ ผลํฯ
Duggatiṃ nābhijānāmi, santharassa idaṃ phalaṃ.
๒๕.
25.
‘‘ปญฺจสตฺตติกปฺปมฺหิ, สุปฺปติฎฺฐิตนามโก;
‘‘Pañcasattatikappamhi, suppatiṭṭhitanāmako;
เอโก อาสิํ มหาเตโช, จกฺกวตฺตี มหพฺพโลฯ
Eko āsiṃ mahātejo, cakkavattī mahabbalo.
๒๖.
26.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา โคสีสนิเกฺขปโก เถโร อิมา คาถาโย อภาสิตฺถาติฯ
Itthaṃ sudaṃ āyasmā gosīsanikkhepako thero imā gāthāyo abhāsitthāti.
โคสีสนิเกฺขปกเตฺถรสฺสาปทานํ ปญฺจมํฯ
Gosīsanikkhepakattherassāpadānaṃ pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. จิตกปูชกเตฺถรอปทานาทิวณฺณนา • 1-10. Citakapūjakattheraapadānādivaṇṇanā
