| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಗೋಸೀಸನಿಕ್ಖೇಪಕತ್ಥೇರಅಪದಾನಂ
5. Gosīsanikkhepakattheraapadānaṃ
೨೧.
21.
‘‘ಆರಾಮದ್ವಾರಾ ನಿಕ್ಖಮ್ಮ, ಗೋಸೀಸಂ ಸನ್ಥತಂ ಮಯಾ।
‘‘Ārāmadvārā nikkhamma, gosīsaṃ santhataṃ mayā;
ಅನುಭೋಮಿ ಸಕಂ ಕಮ್ಮಂ, ಪುಬ್ಬಕಮ್ಮಸ್ಸಿದಂ ಫಲಂ॥
Anubhomi sakaṃ kammaṃ, pubbakammassidaṃ phalaṃ.
೨೨.
22.
‘‘ಆಜಾನಿಯಾ ವಾತಜವಾ, ಸಿನ್ಧವಾ ಸೀಘವಾಹನಾ।
‘‘Ājāniyā vātajavā, sindhavā sīghavāhanā;
ಅನುಭೋಮಿ ಸಬ್ಬಮೇತಂ, ಗೋಸೀಸಸ್ಸ ಇದಂ ಫಲಂ॥
Anubhomi sabbametaṃ, gosīsassa idaṃ phalaṃ.
೨೩.
23.
‘‘ಅಹೋ ಕಾರಂ ಪರಮಕಾರಂ, ಸುಖತ್ತೇ ಸುಕತಂ ಮಯಾ।
‘‘Aho kāraṃ paramakāraṃ, sukhatte sukataṃ mayā;
ಸಙ್ಘೇ ಕತಸ್ಸ ಕಾರಸ್ಸ, ನ ಅಞ್ಞಂ ಕಲಮಗ್ಘತಿ॥
Saṅghe katassa kārassa, na aññaṃ kalamagghati.
೨೪.
24.
‘‘ಚತುನ್ನವುತಿತೋ ಕಪ್ಪೇ, ಯಂ ಸೀಸಂ ಸನ್ಥರಿಂ ಅಹಂ।
‘‘Catunnavutito kappe, yaṃ sīsaṃ santhariṃ ahaṃ;
ದುಗ್ಗತಿಂ ನಾಭಿಜಾನಾಮಿ, ಸನ್ಥರಸ್ಸ ಇದಂ ಫಲಂ॥
Duggatiṃ nābhijānāmi, santharassa idaṃ phalaṃ.
೨೫.
25.
‘‘ಪಞ್ಚಸತ್ತತಿಕಪ್ಪಮ್ಹಿ, ಸುಪ್ಪತಿಟ್ಠಿತನಾಮಕೋ।
‘‘Pañcasattatikappamhi, suppatiṭṭhitanāmako;
ಏಕೋ ಆಸಿಂ ಮಹಾತೇಜೋ, ಚಕ್ಕವತ್ತೀ ಮಹಬ್ಬಲೋ॥
Eko āsiṃ mahātejo, cakkavattī mahabbalo.
೨೬.
26.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಗೋಸೀಸನಿಕ್ಖೇಪಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā gosīsanikkhepako thero imā gāthāyo abhāsitthāti.
ಗೋಸೀಸನಿಕ್ಖೇಪಕತ್ಥೇರಸ್ಸಾಪದಾನಂ ಪಞ್ಚಮಂ।
Gosīsanikkhepakattherassāpadānaṃ pañcamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಚಿತಕಪೂಜಕತ್ಥೇರಅಪದಾನಾದಿವಣ್ಣನಾ • 1-10. Citakapūjakattheraapadānādivaṇṇanā
