| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. ගොසීසනික්‌ඛෙපකත්‌ථෙරඅපදානං
5. Gosīsanikkhepakattheraapadānaṃ
21.
21.
‘‘ආරාමද්‌වාරා නික්‌ඛම්‌ම, ගොසීසං සන්‌ථතං මයා;
‘‘Ārāmadvārā nikkhamma, gosīsaṃ santhataṃ mayā;
අනුභොමි සකං කම්‌මං, පුබ්‌බකම්‌මස්‌සිදං ඵලං.
Anubhomi sakaṃ kammaṃ, pubbakammassidaṃ phalaṃ.
22.
22.
‘‘ආජානියා වාතජවා, සින්‌ධවා සීඝවාහනා;
‘‘Ājāniyā vātajavā, sindhavā sīghavāhanā;
අනුභොමි සබ්‌බමෙතං, ගොසීසස්‌ස ඉදං ඵලං.
Anubhomi sabbametaṃ, gosīsassa idaṃ phalaṃ.
23.
23.
‘‘අහො කාරං පරමකාරං, සුඛත්‌තෙ සුකතං මයා;
‘‘Aho kāraṃ paramakāraṃ, sukhatte sukataṃ mayā;
සඞ්‌ඝෙ කතස්‌ස කාරස්‌ස, න අඤ්‌ඤං කලමග්‌ඝති.
Saṅghe katassa kārassa, na aññaṃ kalamagghati.
24.
24.
‘‘චතුන්‌නවුතිතො කප්‌පෙ, යං සීසං සන්‌ථරිං අහං;
‘‘Catunnavutito kappe, yaṃ sīsaṃ santhariṃ ahaṃ;
දුග්‌ගතිං නාභිජානාමි, සන්‌ථරස්‌ස ඉදං ඵලං.
Duggatiṃ nābhijānāmi, santharassa idaṃ phalaṃ.
25.
25.
‘‘පඤ්‌චසත්‌තතිකප්‌පම්‌හි, සුප්‌පතිට්‌ඨිතනාමකො;
‘‘Pañcasattatikappamhi, suppatiṭṭhitanāmako;
එකො ආසිං මහාතෙජො, චක්‌කවත්‌තී මහබ්‌බලො.
Eko āsiṃ mahātejo, cakkavattī mahabbalo.
26.
26.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ගොසීසනික්‌ඛෙපකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā gosīsanikkhepako thero imā gāthāyo abhāsitthāti.
ගොසීසනික්‌ඛෙපකත්‌ථෙරස්‌සාපදානං පඤ්‌චමං.
Gosīsanikkhepakattherassāpadānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. චිතකපූජකත්‌ථෙරඅපදානාදිවණ්‌ණනා • 1-10. Citakapūjakattheraapadānādivaṇṇanā
