Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā

    27. г̇од̇амаб̣уд̣̇д̇хавам̣саван̣н̣анаа

    27. Gotamabuddhavaṃsavaṇṇanā

    д̣̇уурзнид̣̇аанагат̇аа

    Dūrenidānakathā

    ‘‘ид̣̇аани яасмаа амхаагам̣, б̣уд̣̇д̇хавам̣сасса ван̣н̣анаа;

    ‘‘Idāni yasmā amhākaṃ, buddhavaṃsassa vaṇṇanā;

    ануггамзна самбад̇д̇аа, д̇асмааяам̣ д̇асса ван̣н̣анаа’’.

    Anukkamena sampattā, tasmāyaṃ tassa vaṇṇanā’’.

    д̇ад̇т̇а амхаагам̣ б̣од̇хисад̇д̇о д̣̇ийбан̇гараад̣̇ийнам̣ жад̇увийсад̇ияаа б̣уд̣̇д̇хаанам̣ санд̇игз ад̇хигаарам̣ гаронд̇о габбасад̇асахассаад̇хигаани жад̇д̇аари асан̇кязяяаани ааг̇ад̇о. гассабасса бана бхаг̇авад̇о орабхааг̇з табзд̇ваа имам̣ саммаасамб̣уд̣̇д̇хам̣ ан̃н̃о б̣уд̣̇д̇хо наама над̇т̇и. ид̇и д̣̇ийбан̇гараад̣̇ийнам̣ жад̇увийсад̇ияаа б̣уд̣̇д̇хаанам̣ санд̇игз лад̣̇д̇хаб̣яаагаран̣о бана б̣од̇хисад̇д̇о язнзна –

    Tattha amhākaṃ bodhisatto dīpaṅkarādīnaṃ catuvīsatiyā buddhānaṃ santike adhikāraṃ karonto kappasatasahassādhikāni cattāri asaṅkhyeyyāni āgato. Kassapassa pana bhagavato orabhāge ṭhapetvā imaṃ sammāsambuddhaṃ añño buddho nāma natthi. Iti dīpaṅkarādīnaṃ catuvīsatiyā buddhānaṃ santike laddhabyākaraṇo pana bodhisatto yenena –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;

    Pabbajjā guṇasampatti, adhikāro ca chandatā;

    адтад̇хаммасамод̇хаанаа, абхинийхааро самиж̇жхад̇ий’’д̇и. (б̣у. вам̣. 2.59) –

    Aṭṭhadhammasamodhānā, abhinīhāro samijjhatī’’ti. (bu. vaṃ. 2.59) –

    имз адта д̇хаммз самод̇хаанзд̇ваа д̣̇ийбан̇гарабаад̣̇амуулз гад̇аабхинийхаарзна ‘‘ханд̣̇а, б̣уд̣̇д̇хагарз д̇хаммз, вижинаами ид̇о жид̇о’’д̇и уссаахам̣ гад̇ваа ‘‘вижинанд̇о д̇ад̣̇аад̣̇агким̣, батамам̣ д̣̇аанабаарами’’нд̇и д̣̇аанабаарамид̇аад̣̇аяо б̣уд̣̇д̇хагаарагад̇хаммаа д̣̇идтаа, д̇з буурзнд̇о яаава взссанд̇арад̇д̇абхааваа ааг̇ами, ааг̇ажчанд̇о жа яз д̇з гад̇аабхинийхаараанам̣ б̣од̇хисад̇д̇аанам̣ аанисам̣саа сам̣ван̣н̣ид̇аа –

    Ime aṭṭha dhamme samodhānetvā dīpaṅkarapādamūle katābhinīhārena ‘‘handa, buddhakare dhamme, vicināmi ito cito’’ti ussāhaṃ katvā ‘‘vicinanto tadādakkhiṃ, paṭhamaṃ dānapārami’’nti dānapāramitādayo buddhakārakadhammā diṭṭhā, te pūrento yāva vessantarattabhāvā āgami, āgacchanto ca ye te katābhinīhārānaṃ bodhisattānaṃ ānisaṃsā saṃvaṇṇitā –

    ‘‘звам̣ саб̣б̣ан̇г̇асамбаннаа, б̣од̇хияаа нияад̇аа нараа;

    ‘‘Evaṃ sabbaṅgasampannā, bodhiyā niyatā narā;

    сам̣сарам̣ д̣̇ийгхамад̣̇д̇хаанам̣, габбагодисад̇зхиби.

    Saṃsaraṃ dīghamaddhānaṃ, kappakoṭisatehipi.

    ‘‘авийжимхи нуббаж̇ж̇анд̇и, д̇ат̇аа логанд̇арзсу жа;

    ‘‘Avīcimhi nuppajjanti, tathā lokantaresu ca;

    ниж̇жхаамад̇ан̣хаа куббибаасаа, на хонд̇и гаал̣аган̃ж̇игаа.

    Nijjhāmataṇhā khuppipāsā, na honti kāḷakañjikā.

    ‘‘на хонд̇и куд̣̇д̣̇агаа баан̣аа, уббаж̇ж̇анд̇ааби д̣̇уг̇г̇ад̇им̣;

    ‘‘Na honti khuddakā pāṇā, uppajjantāpi duggatiṃ;

    ж̇ааяамаанаа мануссзсу, ж̇ажжанд̇хаа на бхаванд̇и д̇з.

    Jāyamānā manussesu, jaccandhā na bhavanti te.

    ‘‘сод̇авзгаллад̇аа над̇т̇и, на бхаванд̇и мууг̇абагкигаа;

    ‘‘Sotavekallatā natthi, na bhavanti mūgapakkhikā;

    ид̇т̇ибхаавам̣ на г̇ажчанд̇и, убхад̇об̣яан̃ж̇анабан̣д̣агаа.

    Itthibhāvaṃ na gacchanti, ubhatobyañjanapaṇḍakā.

    ‘‘на бхаванд̇и барияаабаннаа, б̣од̇хияаа нияад̇аа нараа;

    ‘‘Na bhavanti pariyāpannā, bodhiyā niyatā narā;

    муд̇д̇аа аананд̇аригзхи, саб̣б̣ад̇т̇а суд̣̇д̇хаг̇ожараа.

    Muttā ānantarikehi, sabbattha suddhagocarā.

    ‘‘мижчаад̣̇идтим̣ на сзванд̇и, гаммагирияад̣̇ассанаа;

    ‘‘Micchādiṭṭhiṃ na sevanti, kammakiriyadassanā;

    васамаанааби саг̇г̇зсу, асан̃н̃ам̣ нуубабаж̇ж̇арз.

    Vasamānāpi saggesu, asaññaṃ nūpapajjare.

    ‘‘суд̣̇д̇хааваасзсу д̣̇звзсу, хзд̇у наама на виж̇ж̇ад̇и;

    ‘‘Suddhāvāsesu devesu, hetu nāma na vijjati;

    нзгкамманиннаа саббурисаа, висам̣яуд̇д̇аа бхаваабхавз;

    Nekkhammaninnā sappurisā, visaṃyuttā bhavābhave;

    жаранд̇и логад̇т̇ажарияааяо, буурзнд̇и саб̣б̣абаарамий’’д̇и. (д̇ха. са. адта. нид̣̇аанагат̇аа; аба. адта. 1.д̣̇уурзнид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; жарияаа. адта. багин̣н̣агагат̇аа);

    Caranti lokatthacariyāyo, pūrenti sabbapāramī’’ti. (dha. sa. aṭṭha. nidānakathā; apa. aṭṭha. 1.dūrenidānakathā; jā. aṭṭha. 1.dūrenidānakathā; cariyā. aṭṭha. pakiṇṇakakathā);

    д̇з аанисам̣сз ад̇хиг̇анд̇ваава ааг̇ад̇о. звам̣ ааг̇ажчанд̇о взссанд̇арад̇д̇абхаавз тид̇о –

    Te ānisaṃse adhigantvāva āgato. Evaṃ āgacchanto vessantarattabhāve ṭhito –

    ‘‘ажзд̇анааяам̣ бат̇авий, авин̃н̃ааяа сукам̣ д̣̇укам̣;

    ‘‘Acetanāyaṃ pathavī, aviññāya sukhaṃ dukhaṃ;

    сааби д̣̇аанаб̣алаа маяхам̣, сад̇д̇агкад̇д̇ум̣ багамбат̇аа’’д̇и. (жарияаа. 1.124) –

    Sāpi dānabalā mayhaṃ, sattakkhattuṃ pakampathā’’ti. (cariyā. 1.124) –

    звам̣ махаабат̇авигамбанаад̣̇ийни махаабун̃н̃аани гад̇ваа ааяубарияосаанз д̇ад̇о жавид̇ваа д̇усид̇абурз ниб̣б̣ад̇д̇и.

    Evaṃ mahāpathavikampanādīni mahāpuññāni katvā āyupariyosāne tato cavitvā tusitapure nibbatti.

    авид̣̇уурзнид̣̇аанагат̇аа

    Avidūrenidānakathā

    д̇усид̇абурз васамаанзязва бана б̣од̇хисад̇д̇з б̣уд̣̇д̇хаголаахалам̣ наама уд̣̇абаад̣̇и. логасмин̃хи д̇ийн̣и голаахалаани уббаж̇ж̇анд̇и. сзяяат̇ид̣̇ам̣ – габбаголаахалам̣, б̣уд̣̇д̇хаголаахалам̣, жаггавад̇д̇иголаахаланд̇и. д̇ад̇т̇а ‘‘вассасад̇асахассасса ажжаязна габбудтаанам̣ бхависсад̇ий’’д̇и логаб̣яуухаа наама гаамааважарад̣̇зваа муд̇д̇асираа вигин̣н̣агзсаа руд̣̇амукаа ассууни хад̇т̇зхи бун̃чамаанаа рад̇д̇авад̇т̇анивад̇т̇аа ад̇ивияа вируубавзсад̇хаарино худ̇ваа мануссабат̇з вижаранд̇аа звам̣ аарожзнд̇и – ‘‘маарисаа, маарисаа, ид̇о вассасад̇асахассасса ажжаязна габбудтаанам̣ бхависсад̇и, аяам̣ лого винассиссад̇и, махаасамуд̣̇д̣̇оби уссуссиссад̇и, аяан̃жа махаабат̇авий синзру жа баб̣б̣ад̇арааж̇аа уд̣д̣аяхиссанд̇и винассиссанд̇и, яаава б̣рахмалогаа логавинаасо бхависсад̇и, мзд̇д̇ам̣, маарисаа, бхаавзт̇а, гарун̣ам̣ муд̣̇ид̇ам̣ убзгкам̣, маарисаа, бхаавзт̇а, маад̇арам̣ бид̇арам̣ убадтахат̇а, гулз ж̇здтаабажааяино хот̇аа’’д̇и. ид̣̇ам̣ габбаголаахалам̣ наама.

    Tusitapure vasamāneyeva pana bodhisatte buddhakolāhalaṃ nāma udapādi. Lokasmiñhi tīṇi kolāhalāni uppajjanti. Seyyathidaṃ – kappakolāhalaṃ, buddhakolāhalaṃ, cakkavattikolāhalanti. Tattha ‘‘vassasatasahassassa accayena kappuṭṭhānaṃ bhavissatī’’ti lokabyūhā nāma kāmāvacaradevā muttasirā vikiṇṇakesā rudamukhā assūni hatthehi puñchamānā rattavatthanivatthā ativiya virūpavesadhārino hutvā manussapathe vicarantā evaṃ ārocenti – ‘‘mārisā, mārisā, ito vassasatasahassassa accayena kappuṭṭhānaṃ bhavissati, ayaṃ loko vinassissati, mahāsamuddopi ussussissati, ayañca mahāpathavī sineru ca pabbatarājā uḍḍayhissanti vinassissanti, yāva brahmalokā lokavināso bhavissati, mettaṃ, mārisā, bhāvetha, karuṇaṃ muditaṃ upekkhaṃ, mārisā, bhāvetha, mātaraṃ pitaraṃ upaṭṭhahatha, kule jeṭṭhāpacāyino hothā’’ti. Idaṃ kappakolāhalaṃ nāma.

    ‘‘вассасахассасса ажжаязна бана саб̣б̣ан̃н̃уб̣уд̣̇д̇хо логз убаж̇ж̇иссад̇ий’’д̇и логабаалад̣̇звад̇аа – ‘‘ид̇о, маарисаа, вассасахассасса ажжаязна б̣уд̣̇д̇хо логз уббаж̇ж̇иссад̇ий’’д̇и уг̇гхосзнд̇ияо аахин̣д̣анд̇и. ид̣̇ам̣ б̣уд̣̇д̇хаголаахалам̣ наама.

    ‘‘Vassasahassassa accayena pana sabbaññubuddho loke upajjissatī’’ti lokapāladevatā – ‘‘ito, mārisā, vassasahassassa accayena buddho loke uppajjissatī’’ti ugghosentiyo āhiṇḍanti. Idaṃ buddhakolāhalaṃ nāma.

    ‘‘вассасад̇асса ажжаязна жаггавад̇д̇ирааж̇аа уббаж̇ж̇иссад̇ий’’д̇и д̣̇звад̇аа – ‘‘ид̇о, маарисаа, вассасад̇асса ажжаязна жаггавад̇д̇ирааж̇аа уббаж̇ж̇иссад̇ий’’д̇и уг̇гхосзнд̇ияо аахин̣д̣анд̇и. ид̣̇ам̣ жаггавад̇д̇иголаахалам̣ наама (ку. баа. адта. 5.ман̇г̇алабан̃хасамудтаанагат̇аа; аба. адта. 1.авид̣̇уурзнид̣̇аанагат̇аа; ж̇аа. адта. 1.авид̣̇уурзнид̣̇аанагат̇аа).

    ‘‘Vassasatassa accayena cakkavattirājā uppajjissatī’’ti devatā – ‘‘ito, mārisā, vassasatassa accayena cakkavattirājā uppajjissatī’’ti ugghosentiyo āhiṇḍanti. Idaṃ cakkavattikolāhalaṃ nāma (khu. pā. aṭṭha. 5.maṅgalapañhasamuṭṭhānakathā; apa. aṭṭha. 1.avidūrenidānakathā; jā. aṭṭha. 1.avidūrenidānakathā).

    д̇зсу б̣уд̣̇д̇хаголаахаласад̣̇д̣̇ам̣ суд̇ваа сагалад̣̇асасахассажаггаваал̣ад̣̇звад̇аа згад̇о саннибад̇ид̇ваа – ‘‘асуго наама сад̇д̇о б̣уд̣̇д̇хо бхависсад̇ий’’д̇и н̃ад̇ваа убасан̇гамид̇ваа ааяаажанд̇и, ааяаажамаанаа жа д̇асса буб̣б̣анимид̇д̇зсу уббаннзсу ааяаажанд̇и. д̇ад̣̇аа бана саб̣б̣ааби д̇аа згзгажаггаваал̣з жад̇умахаарааж̇а-сагга-суяаама-санд̇усид̇а-суниммид̇а-васавад̇д̇и-махааб̣рахмзхи сад̣̇д̇хим̣ згажаггаваал̣з саннибад̇ид̇ваа д̇усид̇абхаванз уббаннажуд̇инимид̇д̇асса б̣од̇хисад̇д̇асса санд̇игам̣ г̇анд̇ваа – ‘‘маариса, д̇умхзхи д̣̇аса баарамияо буурид̇аа, буурзнд̇зхи жа на саггаб̣рахмасамбад̇д̇иаад̣̇игам̣ самбад̇д̇им̣ бад̇т̇знд̇зхи буурид̇аа, логанид̇т̇аран̣ад̇т̇ааяа бана во саб̣б̣ан̃н̃уд̇ам̣ бад̇т̇знд̇зхи барибуурид̇аа б̣уд̣̇д̇хад̇д̇ааяа –

    Tesu buddhakolāhalasaddaṃ sutvā sakaladasasahassacakkavāḷadevatā ekato sannipatitvā – ‘‘asuko nāma satto buddho bhavissatī’’ti ñatvā upasaṅkamitvā āyācanti, āyācamānā ca tassa pubbanimittesu uppannesu āyācanti. Tadā pana sabbāpi tā ekekacakkavāḷe catumahārāja-sakka-suyāma-santusita-sunimmita-vasavatti-mahābrahmehi saddhiṃ ekacakkavāḷe sannipatitvā tusitabhavane uppannacutinimittassa bodhisattassa santikaṃ gantvā – ‘‘mārisa, tumhehi dasa pāramiyo pūritā, pūrentehi ca na sakkabrahmasampattiādikaṃ sampattiṃ patthentehi pūritā, lokanittharaṇatthāya pana vo sabbaññutaṃ patthentehi paripūritā buddhattāya –

    ‘‘гаало ко д̇з махаавийра, уббаж̇ж̇а маад̇угужчияам̣;

    ‘‘Kālo kho te mahāvīra, uppajja mātukucchiyaṃ;

    сад̣̇звагам̣ д̇аараяанд̇о, б̣уж̇жхассу амад̇ам̣ бад̣̇а’’нд̇и. (б̣у. вам̣. 1.67) –

    Sadevakaṃ tārayanto, bujjhassu amataṃ pada’’nti. (bu. vaṃ. 1.67) –

    яаажим̣су.

    Yāciṃsu.

    ат̇а махаасад̇д̇о д̣̇звад̇аахи звам̣ ааяаажияамаано д̣̇звад̇аанам̣ бадин̃н̃ам̣ ад̣̇ад̇ваава гаала-д̣̇ийба-д̣̇зса-гула-ж̇анзд̇д̇иааяубарижчзд̣̇авасзна бан̃жа махаавилоганаани вилогзси. д̇ад̇т̇а ‘‘гаало ну ко, на гаало’’д̇и батамам̣ гаалам̣ вилогзси. д̇ад̇т̇а вассасад̇асахассад̇о уд̣̇д̇хам̣ вад̣дхид̇аааяугаало гаало наама на ход̇и. гасмаа? д̇ад̣̇аа хи сад̇д̇аанам̣ ж̇аад̇иж̇араамаран̣аани на бан̃н̃ааяанд̇и, б̣уд̣̇д̇хаанан̃жа д̇хаммад̣̇зсанаа д̇илагкан̣амуд̇д̇аа наама над̇т̇и, д̇зсам̣ ‘‘анижжам̣ д̣̇угкаманад̇д̇аа’’д̇и гат̇знд̇аанам̣ ‘‘гим̣ наамзд̇ам̣ гат̇знд̇ий’’д̇и нзва сод̇аб̣б̣ам̣ на сад̣̇д̇хаад̇аб̣б̣ам̣ ман̃н̃анд̇и, д̇ад̇о абхисамаяо на ход̇и, д̇асмим̣ асад̇и анияяаанигам̣ саасанам̣ ход̇и. д̇асмаа со агаало. вассасад̇ад̇о уунаааяугаалоби гаало на ход̇и. гасмаа? д̇ад̣̇аа сад̇д̇аа уссаннагилзсаа хонд̇и, уссаннагилзсаанан̃жа д̣̇инноваад̣̇о оваад̣̇адтаанз на д̇идтад̇и, уд̣̇агз д̣̇ан̣д̣арааж̇и вияа киббам̣ виг̇ажчад̇и. д̇асмаа соби агаало. вассасад̇асахассад̇о бана бадтааяа хздтаа вассасад̇ад̇о бадтааяа уд̣̇д̇хам̣ ааяугаало гаало наама. д̇ад̣̇аа бана вассасад̇агаало ахоси. ат̇а махаасад̇д̇о ‘‘ниб̣б̣ад̇д̇ид̇аб̣б̣агаало’’д̇и гаалам̣ басси.

    Atha mahāsatto devatāhi evaṃ āyāciyamāno devatānaṃ paṭiññaṃ adatvāva kāla-dīpa-desa-kula-janettiāyuparicchedavasena pañca mahāvilokanāni vilokesi. Tattha ‘‘kālo nu kho, na kālo’’ti paṭhamaṃ kālaṃ vilokesi. Tattha vassasatasahassato uddhaṃ vaḍḍhitaāyukālo kālo nāma na hoti. Kasmā? Tadā hi sattānaṃ jātijarāmaraṇāni na paññāyanti, buddhānañca dhammadesanā tilakkhaṇamuttā nāma natthi, tesaṃ ‘‘aniccaṃ dukkhamanattā’’ti kathentānaṃ ‘‘kiṃ nāmetaṃ kathentī’’ti neva sotabbaṃ na saddhātabbaṃ maññanti, tato abhisamayo na hoti, tasmiṃ asati aniyyānikaṃ sāsanaṃ hoti. Tasmā so akālo. Vassasatato ūnaāyukālopi kālo na hoti. Kasmā? Tadā sattā ussannakilesā honti, ussannakilesānañca dinnovādo ovādaṭṭhāne na tiṭṭhati, udake daṇḍarāji viya khippaṃ vigacchati. Tasmā sopi akālo. Vassasatasahassato pana paṭṭhāya heṭṭhā vassasatato paṭṭhāya uddhaṃ āyukālo kālo nāma. Tadā pana vassasatakālo ahosi. Atha mahāsatto ‘‘nibbattitabbakālo’’ti kālaṃ passi.

    д̇ад̇о д̣̇ийбам̣ ологзнд̇о сабариваарз жад̇д̇ааро махаад̣̇ийбз ологзд̇ваа – ‘‘д̇ийсу д̣̇ийбзсу б̣уд̣̇д̇хаа на ниб̣б̣ад̇д̇анд̇и, ж̇амб̣уд̣̇ийбзязва ниб̣б̣ад̇д̇анд̇ий’’д̇и д̣̇ийбам̣ басси.

    Tato dīpaṃ olokento saparivāre cattāro mahādīpe oloketvā – ‘‘tīsu dīpesu buddhā na nibbattanti, jambudīpeyeva nibbattantī’’ti dīpaṃ passi.

    д̇ад̇о ‘‘ж̇амб̣уд̣̇ийбо наама махаа, д̣̇асаяож̇анасахассабаримаан̣о. гад̇арасмим̣ ну ко бад̣̇зсз б̣уд̣̇д̇хаа ниб̣б̣ад̇д̇анд̇ий’’д̇и огаасам̣ ологзнд̇о маж̇жхимад̣̇зсам̣ басси. ‘‘габилавад̇т̇у наама наг̇арам̣, д̇ад̇т̇а маяаа ниб̣б̣ад̇д̇ид̇аб̣б̣а’’нд̇и нидтамаг̇амааси.

    Tato ‘‘jambudīpo nāma mahā, dasayojanasahassaparimāṇo. Katarasmiṃ nu kho padese buddhā nibbattantī’’ti okāsaṃ olokento majjhimadesaṃ passi. ‘‘Kapilavatthu nāma nagaraṃ, tattha mayā nibbattitabba’’nti niṭṭhamagamāsi.

    д̇ад̇о гулам̣ вилогзнд̇о – ‘‘б̣уд̣̇д̇хаа наама взссагулз ваа суд̣̇д̣̇агулз ваа на ниб̣б̣ад̇д̇анд̇и. логасаммад̇з бана кад̇д̇ияагулз ваа б̣раахман̣агулз ваа ниб̣б̣ад̇д̇анд̇и, зд̇арахи кад̇д̇ияагулам̣ логасаммад̇ам̣, д̇ад̇т̇а ниб̣б̣ад̇д̇иссаами суд̣̇д̇ход̣̇ано наама рааж̇аа бид̇аа мз бхависсад̇ий’’д̇и гулам̣ басси.

    Tato kulaṃ vilokento – ‘‘buddhā nāma vessakule vā suddakule vā na nibbattanti. Lokasammate pana khattiyakule vā brāhmaṇakule vā nibbattanti, etarahi khattiyakulaṃ lokasammataṃ, tattha nibbattissāmi suddhodano nāma rājā pitā me bhavissatī’’ti kulaṃ passi.

    д̇ад̇о маад̇арам̣ вилогзнд̇о – ‘‘б̣уд̣̇д̇хамаад̇аа наама лолаа сураад̇худ̇д̇аа на ход̇и, габбасад̇асахассам̣ бана буурид̇абаарамий ж̇аад̇ид̇о бадтааяа акан̣д̣абан̃жасийлааязва ход̇и. аяан̃жа махаамааяаа наама д̣̇звий зд̣̇исий, аяам̣ мз маад̇аа бхависсад̇и, гид̇д̇агам̣ банассаа ааяууд̇и, д̣̇асаннам̣ маасаанам̣ убари сад̇д̇а д̣̇ивасааний’’д̇и басси.

    Tato mātaraṃ vilokento – ‘‘buddhamātā nāma lolā surādhuttā na hoti, kappasatasahassaṃ pana pūritapāramī jātito paṭṭhāya akhaṇḍapañcasīlāyeva hoti. Ayañca mahāmāyā nāma devī edisī, ayaṃ me mātā bhavissati, kittakaṃ panassā āyūti, dasannaṃ māsānaṃ upari satta divasānī’’ti passi.

    ид̇и имам̣ бан̃жавид̇хам̣ махаавилоганам̣ вилогзд̇ваа – ‘‘гаало мз, маарисаа, б̣уд̣̇д̇хабхаавааяаа’’д̇и д̣̇зваанам̣ бадин̃н̃ам̣ д̣̇ад̇ваа – ‘‘г̇ажчат̇а д̇умхз’’д̇и д̇аа д̣̇звад̇аа уяяож̇зд̇ваа д̇усид̇ад̣̇звад̇аахи баривуд̇о д̇усид̇абурз нанд̣̇анаванам̣ баависи. саб̣б̣ад̣̇звалогзсу хи нанд̣̇анаванам̣ ад̇т̇иязва. д̇ад̇ра нам̣ д̣̇звад̇аа – ‘‘ид̇о жуд̇о суг̇ад̇им̣ г̇ажчаа’’д̇и буб̣б̣з гад̇агусалагаммогаасам̣ саараяамаанаа вижаранд̇и. со звам̣ д̇аахи д̣̇звад̇аахи гусалам̣ саараяамаанаахи баривуд̇о д̇ад̇ра вижаранд̇ова жавид̇ваа махаамааяааяа д̣̇звияаа гужчисмим̣ уд̇д̇араасаал̣ханагкад̇д̇зна бадисанд̇хим̣ г̇ан̣хи. махаабурисасса бана маад̇у гужчисмим̣ бадисанд̇хиг̇г̇ан̣ханагкан̣з згаббахаарзнзва сагалад̣̇асасахассилогад̇хаад̇у сан̇гамби. д̣̇вад̇д̇им̣са буб̣б̣анимид̇д̇аани баад̇урахзсум̣.

    Iti imaṃ pañcavidhaṃ mahāvilokanaṃ viloketvā – ‘‘kālo me, mārisā, buddhabhāvāyā’’ti devānaṃ paṭiññaṃ datvā – ‘‘gacchatha tumhe’’ti tā devatā uyyojetvā tusitadevatāhi parivuto tusitapure nandanavanaṃ pāvisi. Sabbadevalokesu hi nandanavanaṃ atthiyeva. Tatra naṃ devatā – ‘‘ito cuto sugatiṃ gacchā’’ti pubbe katakusalakammokāsaṃ sārayamānā vicaranti. So evaṃ tāhi devatāhi kusalaṃ sārayamānāhi parivuto tatra vicarantova cavitvā mahāmāyāya deviyā kucchismiṃ uttarāsāḷhanakkhattena paṭisandhiṃ gaṇhi. Mahāpurisassa pana mātu kucchismiṃ paṭisandhiggaṇhanakkhaṇe ekappahāreneva sakaladasasahassilokadhātu saṅkampi. Dvattiṃsa pubbanimittāni pāturahesuṃ.

    звам̣ г̇ахид̇абадисанд̇хигасса б̣од̇хисад̇д̇асса жзва б̣од̇хисад̇д̇амаад̇уяаа жа убад̣̇д̣̇аванивааран̣ад̇т̇ам̣ каг̇г̇ахад̇т̇аа жад̇д̇ааро д̣̇звабуд̇д̇аа аарагкам̣ г̇ан̣хим̣су. б̣од̇хисад̇д̇асса маад̇у бурисзсу рааг̇ажид̇д̇ам̣ нуббаж̇ж̇и, лаабхаг̇г̇аяасаг̇г̇аббад̇д̇аа жа саа ахоси сукиний агиланд̇агааяаа. б̣од̇хисад̇д̇ан̃жа ад̇д̇ано гужчиг̇ад̇ам̣ виббасаннз ман̣ирад̇анз аавуд̇абан̣д̣усуд̇д̇ам̣ вияа бассад̇и. яасмаа б̣од̇хисад̇д̇зна васид̇агужчи наама жзд̇ияаг̇аб̣бхасад̣̇исаа ход̇и, на саггаа ан̃н̃зна сад̇д̇зна аавасид̇ум̣ ваа барибхун̃ж̇ид̇ум̣ ваа, д̇асмаа б̣од̇хисад̇д̇амаад̇аа сад̇д̇аахаж̇аад̇з б̣од̇хисад̇д̇з гаалам̣ гад̇ваа д̇усид̇абурз ниб̣б̣ад̇д̇и. яат̇аа бана ан̃н̃аа ид̇т̇ияо д̣̇аса маасз аббад̇вааби ад̇иггамид̇вааби нисиннааби нибаннааби виж̇ааяанд̇и, на звам̣ б̣од̇хисад̇д̇амаад̇аа. б̣од̇хисад̇д̇амаад̇аа бана б̣од̇хисад̇д̇ам̣ д̣̇аса маасз гужчинаа барихарид̇ваа тид̇аава виж̇ааяад̇и. аяам̣ б̣од̇хисад̇д̇амаад̇у д̇хаммад̇аа.

    Evaṃ gahitapaṭisandhikassa bodhisattassa ceva bodhisattamātuyā ca upaddavanivāraṇatthaṃ khaggahatthā cattāro devaputtā ārakkhaṃ gaṇhiṃsu. Bodhisattassa mātu purisesu rāgacittaṃ nuppajji, lābhaggayasaggappattā ca sā ahosi sukhinī akilantakāyā. Bodhisattañca attano kucchigataṃ vippasanne maṇiratane āvutapaṇḍusuttaṃ viya passati. Yasmā bodhisattena vasitakucchi nāma cetiyagabbhasadisā hoti, na sakkā aññena sattena āvasituṃ vā paribhuñjituṃ vā, tasmā bodhisattamātā sattāhajāte bodhisatte kālaṃ katvā tusitapure nibbatti. Yathā pana aññā itthiyo dasa māse appatvāpi atikkamitvāpi nisinnāpi nipannāpi vijāyanti, na evaṃ bodhisattamātā. Bodhisattamātā pana bodhisattaṃ dasa māse kucchinā pariharitvā ṭhitāva vijāyati. Ayaṃ bodhisattamātu dhammatā.

    махаамааяааби д̣̇звий д̣̇аса маасз гужчинаа б̣од̇хисад̇д̇ам̣ барихарид̇ваа барибун̣н̣аг̇аб̣бхаа н̃аад̇игхарам̣ г̇анд̇угаамаа суд̣̇д̇ход̣̇анамахаарааж̇асса аарожзси – ‘‘ижчаамахам̣, махаарааж̇а, д̣̇звад̣̇аханаг̇арам̣ г̇анд̇у’’нд̇и. рааж̇аа ‘‘саад̇хуу’’д̇и самбадижчид̇ваа габилавад̇т̇уд̇о яаава д̣̇звад̣̇аханаг̇араа ан̃ж̇асам̣ самам̣ гаарзд̇ваа гад̣̇алибун̣н̣агхадагамугад̇хаж̇абадаагаад̣̇ийхи алан̇гаараабзд̇ваа наваганагасивигааяа нисийд̣̇аабзд̇ваа махад̇ияаа вибхууд̇ияаа махад̇аа бариваарзна бзсзси. д̣̇виннам̣ бана наг̇араанам̣ анд̇арз убхаяанаг̇араваасийнам̣ барибхог̇аарахам̣ лумб̣инийванам̣ наама ман̇г̇аласаалаванам̣ ад̇т̇и, д̇ам̣ д̇асмим̣ самаяз муулад̇о яаава аг̇г̇асаакаа саб̣б̣ам̣ згапаалипуллам̣ ахоси. сааканд̇арзхи жзва бубпанд̇арзхи жа барамарад̇игарамад̇хураманорамавируд̇аахи мад̣̇амуд̣̇ид̇аахи анубхуд̇д̇абан̃жараахи барабхад̇амад̇хугаравад̇хуухи убаг̇ийяамаанасурананд̣̇анананд̣̇анаванасад̣̇исасобхам̣ ванам̣ д̣̇исваа д̣̇звияаа саалаванагийл̣аманубхавид̇ум̣ жид̇д̇амуббаж̇ж̇и (аба. адта. 1.авид̣̇уурзнид̣̇аанагат̇аа; ж̇аа. адта. 1.авид̣̇уурзнид̣̇аанагат̇аа).

    Mahāmāyāpi devī dasa māse kucchinā bodhisattaṃ pariharitvā paripuṇṇagabbhā ñātigharaṃ gantukāmā suddhodanamahārājassa ārocesi – ‘‘icchāmahaṃ, mahārāja, devadahanagaraṃ gantu’’nti. Rājā ‘‘sādhū’’ti sampaṭicchitvā kapilavatthuto yāva devadahanagarā añjasaṃ samaṃ kāretvā kadalipuṇṇaghaṭakamukadhajapaṭākādīhi alaṅkārāpetvā navakanakasivikāya nisīdāpetvā mahatiyā vibhūtiyā mahatā parivārena pesesi. Dvinnaṃ pana nagarānaṃ antare ubhayanagaravāsīnaṃ paribhogārahaṃ lumbinīvanaṃ nāma maṅgalasālavanaṃ atthi, taṃ tasmiṃ samaye mūlato yāva aggasākhā sabbaṃ ekaphāliphullaṃ ahosi. Sākhantarehi ceva pupphantarehi ca paramaratikaramadhuramanoramavirutāhi madamuditāhi anubhuttapañcarāhi parabhatamadhukaravadhūhi upagīyamānasuranandananandanavanasadisasobhaṃ vanaṃ disvā deviyā sālavanakīḷamanubhavituṃ cittamuppajji (apa. aṭṭha. 1.avidūrenidānakathā; jā. aṭṭha. 1.avidūrenidānakathā).

    ‘‘вибхуусид̇аа б̣аалаж̇анаад̇ижаалиний, вибхуусид̇ан̇г̇ий ванид̇зва маалиний;

    ‘‘Vibhūsitā bālajanāticālinī, vibhūsitaṅgī vaniteva mālinī;

    сад̣̇аа ж̇анаанам̣ наяанаалимаалиний, вилумбинийваад̇ивирожи лумб̣иний’’.

    Sadā janānaṃ nayanālimālinī, vilumpinīvātiviroci lumbinī’’.

    амажжаа ран̃н̃о аарожзд̇ваа д̣̇звим̣ г̇ахзд̇ваа д̇ам̣ лумб̣инийванам̣ бависим̣су. саа ман̇г̇аласааламуулам̣ г̇анд̇ваа д̇асса уж̇усамаваддагканд̇хасса бубпапалабаллавасамалан̇гад̇асса яам̣ саакам̣ г̇ан̣хид̇угаамаа ахоси, саа сааласаакаа аб̣алаа ж̇анахад̣̇аяалолаа саяамзва виламб̣амаанаа худ̇ваа д̇ассаа гарад̇аласмим̣ самубаг̇ад̇аа. ат̇а саа д̇ам̣ сааласаакам̣ д̇амб̣ад̇ун̇г̇анакуж̇ж̇алзна гамалад̣̇алавад̇д̇иваддан̇г̇улинаа наваганагагадавалаяасобхинаа д̣̇агкин̣зна барамарад̇игарзна гарзна аг̇г̇ахзси. саа д̇ам̣ сааласаакам̣ г̇ахзд̇ваа тид̇аа асид̇аж̇алад̇харавивараг̇ад̇аа б̣аалажанд̣̇алзкаа вияа жа ажирадтид̇игаа ажжибабхаа вияа жа нанд̣̇анаванаж̇аад̇аа д̣̇звий вияа жа д̣̇звий вирожид̇т̇а. д̇аавад̣̇зва жассаа гаммаж̇аваад̇аа жалим̣су. ат̇ассаа саан̣ибаагаарам̣ баригкибид̇ваа махааж̇ано бадиггами. саа сааласаакам̣ г̇ахзд̇ваа д̇идтамаанааяа зва д̇ассаа г̇аб̣бхавудтаанам̣ ахоси.

    Amaccā rañño ārocetvā deviṃ gahetvā taṃ lumbinīvanaṃ pavisiṃsu. Sā maṅgalasālamūlaṃ gantvā tassa ujusamavaṭṭakkhandhassa pupphaphalapallavasamalaṅkatassa yaṃ sākhaṃ gaṇhitukāmā ahosi, sā sālasākhā abalā janahadayalolā sayameva vilambamānā hutvā tassā karatalasmiṃ samupagatā. Atha sā taṃ sālasākhaṃ tambatuṅganakhujjalena kamaladalavattivaṭṭaṅgulinā navakanakakaṭavalayasobhinā dakkhiṇena paramaratikarena karena aggahesi. Sā taṃ sālasākhaṃ gahetvā ṭhitā asitajaladharavivaragatā bālacandalekhā viya ca aciraṭṭhitikā accipabhā viya ca nandanavanajātā devī viya ca devī virocittha. Tāvadeva cassā kammajavātā caliṃsu. Athassā sāṇipākāraṃ parikkhipitvā mahājano paṭikkami. Sā sālasākhaṃ gahetvā tiṭṭhamānāya eva tassā gabbhavuṭṭhānaṃ ahosi.

    д̇ан̇кан̣ам̣язва жад̇д̇ааро висуд̣̇д̇хажид̇д̇аа махааб̣рахмаано суван̣н̣аж̇аалам̣ аад̣̇ааяа ааг̇анд̇ваа д̇зна суван̣н̣аж̇аалзна б̣од̇хисад̇д̇ам̣ самбадижчид̇ваа маад̇у бурад̇о табзд̇ваа – ‘‘ад̇д̇аманаа, д̣̇зви, хохи, махзсагко д̇з буд̇д̇о уббанно’’д̇и аахам̣су. яат̇аа бана ан̃н̃з сад̇д̇аа маад̇угужчид̇о нигкаманд̇аа бадиггуулзна асужинаа магкид̇аа нигкаманд̇и, на звам̣ б̣од̇хисад̇д̇о. б̣од̇хисад̇д̇о бана д̣̇вз хад̇т̇з д̣̇вз баад̣̇з басаарзд̇ваа тид̇агова маад̇угужчисамбхавзна гзнажи асужинаа амагкид̇ова суд̣̇д̇хо висад̣̇о гаасигавад̇т̇з нигкид̇д̇аман̣ирад̇анам̣ вияа вирожамаано маад̇угужчид̇о нигками. звам̣ санд̇зби б̣од̇хисад̇д̇асса жа б̣од̇хисад̇д̇амаад̇уяаа жа саггаарад̇т̇ам̣ аагаасад̇о д̣̇вз уд̣̇агад̇хаараа нигкамид̇ваа б̣од̇хисад̇д̇асса жа маад̇уяаа жа сарийрз уд̇ум̣ г̇аахаабзсум̣.

    Taṅkhaṇaṃyeva cattāro visuddhacittā mahābrahmāno suvaṇṇajālaṃ ādāya āgantvā tena suvaṇṇajālena bodhisattaṃ sampaṭicchitvā mātu purato ṭhapetvā – ‘‘attamanā, devi, hohi, mahesakkho te putto uppanno’’ti āhaṃsu. Yathā pana aññe sattā mātukucchito nikkhamantā paṭikkūlena asucinā makkhitā nikkhamanti, na evaṃ bodhisatto. Bodhisatto pana dve hatthe dve pāde pasāretvā ṭhitakova mātukucchisambhavena kenaci asucinā amakkhitova suddho visado kāsikavatthe nikkhittamaṇiratanaṃ viya virocamāno mātukucchito nikkhami. Evaṃ santepi bodhisattassa ca bodhisattamātuyā ca sakkāratthaṃ ākāsato dve udakadhārā nikkhamitvā bodhisattassa ca mātuyā ca sarīre utuṃ gāhāpesuṃ.

    ат̇а нам̣ суван̣н̣аж̇аалзна бадиг̇г̇ахзд̇ваа тид̇аанам̣ б̣рахмаанам̣ хад̇т̇ад̇о жад̇д̇ааро махаарааж̇аано ман̇г̇аласаммад̇ааяа сукасампассааяа аж̇инаббавзн̣ияаа г̇ан̣хим̣су, д̇зсам̣ хад̇т̇ад̇о мануссаа д̣̇угуулажумб̣адагзна г̇ан̣хим̣су, мануссаанам̣ хад̇т̇ад̇о мужжид̇ваа бат̇авияам̣ бад̇идтааяа бурад̇т̇имам̣ д̣̇исам̣ ологзси, анзгаани жаггаваал̣асахассаани зган̇г̇ан̣аани ахзсум̣. д̇ад̇т̇а д̣̇звамануссаа г̇анд̇хабубпамаалаад̣̇ийхи бууж̇аяамаанаа – ‘‘махаабуриса, д̇умхзхи сад̣̇исо зд̇т̇а над̇т̇и, гуд̇о уд̇д̇арид̇аро’’д̇и аахам̣су. звам̣ д̣̇аса д̣̇исаа анувилогзд̇ваа ад̇д̇анаа сад̣̇исам̣ ад̣̇исваа уд̇д̇арад̣̇исаабхимуко сад̇д̇абад̣̇авийд̇ихаарзна аг̇амааси. г̇ажчанд̇о жа бат̇авияаа зва г̇ад̇о, наагаасзна. ажзлагова г̇ад̇о, на сажзлаго. д̣̇ахарова г̇ад̇о, на сол̣асавассуд̣̇д̣̇зсиго. махааж̇анасса бана аагаасзна г̇ажчанд̇о вияа алан̇гад̇абадияад̇д̇о вияа жа сол̣асавассуд̣̇д̣̇зсиго вияа жа ахоси. д̇ад̇о сад̇д̇амз бад̣̇з тад̇ваа ‘‘аг̇г̇охамасми логассаа’’д̇иаад̣̇игам̣ (д̣̇ий. ни. 2.31; ма. ни. 3.207) аасабхим̣ ваажам̣ нижчаарзнд̇о сийханаад̣̇ам̣ над̣̇и.

    Atha naṃ suvaṇṇajālena paṭiggahetvā ṭhitānaṃ brahmānaṃ hatthato cattāro mahārājāno maṅgalasammatāya sukhasamphassāya ajinappaveṇiyā gaṇhiṃsu, tesaṃ hatthato manussā dukūlacumbaṭakena gaṇhiṃsu, manussānaṃ hatthato muccitvā pathaviyaṃ patiṭṭhāya puratthimaṃ disaṃ olokesi, anekāni cakkavāḷasahassāni ekaṅgaṇāni ahesuṃ. Tattha devamanussā gandhapupphamālādīhi pūjayamānā – ‘‘mahāpurisa, tumhehi sadiso ettha natthi, kuto uttaritaro’’ti āhaṃsu. Evaṃ dasa disā anuviloketvā attanā sadisaṃ adisvā uttaradisābhimukho sattapadavītihārena agamāsi. Gacchanto ca pathaviyā eva gato, nākāsena. Acelakova gato, na sacelako. Daharova gato, na soḷasavassuddesiko. Mahājanassa pana ākāsena gacchanto viya alaṅkatapaṭiyatto viya ca soḷasavassuddesiko viya ca ahosi. Tato sattame pade ṭhatvā ‘‘aggohamasmi lokassā’’tiādikaṃ (dī. ni. 2.31; ma. ni. 3.207) āsabhiṃ vācaṃ nicchārento sīhanādaṃ nadi.

    б̣од̇хисад̇д̇о хи д̇ийсу ад̇д̇абхаавзсу маад̇угужчид̇о нигканд̇амад̇д̇ова ваажам̣ нижчаарзси махосад̇хад̇д̇абхаавз, взссанд̇арад̇д̇абхаавз, имасмим̣ ад̇д̇абхаавзд̇и. махосад̇хад̇д̇абхаавз гирасса маад̇угужчид̇о нигканд̇амад̇д̇ассзва сагго д̣̇зварааж̇аа ааг̇анд̇ваа жанд̣̇анасаарам̣ хад̇т̇з табзд̇ваа г̇ад̇о, д̇ам̣ мудтияам̣ гад̇ваава нигканд̇о. ат̇а нам̣ маад̇аа – ‘‘д̇аад̇а, д̇вам̣ гим̣ г̇ахзд̇ваа ааг̇ад̇осий’’д̇и бужчи. ‘‘осад̇хам̣, аммаа’’д̇и. ид̇и осад̇хам̣ г̇ахзд̇ваа ааг̇ад̇ад̇д̇аа ‘‘осад̇хагумааро’’д̇взвасса наамамагам̣су.

    Bodhisatto hi tīsu attabhāvesu mātukucchito nikkhantamattova vācaṃ nicchāresi mahosadhattabhāve, vessantarattabhāve, imasmiṃ attabhāveti. Mahosadhattabhāve kirassa mātukucchito nikkhantamattasseva sakko devarājā āgantvā candanasāraṃ hatthe ṭhapetvā gato, taṃ muṭṭhiyaṃ katvāva nikkhanto. Atha naṃ mātā – ‘‘tāta, tvaṃ kiṃ gahetvā āgatosī’’ti pucchi. ‘‘Osadhaṃ, ammā’’ti. Iti osadhaṃ gahetvā āgatattā ‘‘osadhakumāro’’tvevassa nāmamakaṃsu.

    взссанд̇арад̇д̇абхаавз бана маад̇угужчид̇о нигканд̇амад̇д̇ова д̣̇агкин̣ахад̇т̇ам̣ басаарзд̇ваа – ‘‘ад̇т̇и ну ко, амма, гин̃жи г̇зхасмим̣ д̇ханам̣, д̣̇аанам̣ д̣̇ассаамий’’д̇и вад̣̇анд̇о нигками. ат̇асса маад̇аа – ‘‘сад̇ханз гулз ниб̣б̣ад̇д̇оси, д̇аад̇аа’’д̇и буд̇д̇асса хад̇т̇ам̣ ад̇д̇ано хад̇т̇ад̇алз гад̇ваа сахассад̇т̇авигам̣ табзси.

    Vessantarattabhāve pana mātukucchito nikkhantamattova dakkhiṇahatthaṃ pasāretvā – ‘‘atthi nu kho, amma, kiñci gehasmiṃ dhanaṃ, dānaṃ dassāmī’’ti vadanto nikkhami. Athassa mātā – ‘‘sadhane kule nibbattosi, tātā’’ti puttassa hatthaṃ attano hatthatale katvā sahassatthavikaṃ ṭhapesi.

    имасмим̣ бана ад̇д̇абхаавз имам̣ сийханаад̣̇ам̣ над̣̇ийд̇и звам̣ б̣од̇хисад̇д̇о д̇ийсу ад̇д̇абхаавзсу маад̇угужчид̇о нигканд̇амад̇д̇ова ваажам̣ нижчаарзси. ж̇аад̇агкан̣збисса д̣̇вад̇д̇им̣са буб̣б̣анимид̇д̇аани баад̇урахзсум̣. яасмим̣ бана самаяз амхаагам̣ б̣од̇хисад̇д̇о лумб̣инийванз ж̇аад̇о д̇асмим̣язва самаяз раахуламаад̇аа д̣̇звий аананд̣̇о чанно гаал̣уд̣̇ааяий амажжо ган̣д̣аго ассарааж̇аа махааб̣од̇хиругко жад̇ассо нид̇хигумбхияо жа ж̇аад̇аа, д̇ад̇т̇а зго г̇аавуд̇аббамаан̣о зго ад̣дхаяож̇анаббамаан̣о зго д̇иг̇аавуд̇аббамаан̣о зго яож̇анаббамаан̣о ахоси. имз сад̇д̇а сахаж̇аад̇аа наама хонд̇и.

    Imasmiṃ pana attabhāve imaṃ sīhanādaṃ nadīti evaṃ bodhisatto tīsu attabhāvesu mātukucchito nikkhantamattova vācaṃ nicchāresi. Jātakkhaṇepissa dvattiṃsa pubbanimittāni pāturahesuṃ. Yasmiṃ pana samaye amhākaṃ bodhisatto lumbinīvane jāto tasmiṃyeva samaye rāhulamātā devī ānando channo kāḷudāyī amacco kaṇḍako assarājā mahābodhirukkho catasso nidhikumbhiyo ca jātā, tattha eko gāvutappamāṇo eko aḍḍhayojanappamāṇo eko tigāvutappamāṇo eko yojanappamāṇo ahosi. Ime satta sahajātā nāma honti.

    убхаяанаг̇араваасино махаабурисам̣ г̇ахзд̇ваа габилавад̇т̇убурамзва аг̇амам̣су. д̇ам̣д̣̇ивасамзва – ‘‘габилавад̇т̇унаг̇арз суд̣̇д̇ход̣̇анамахаарааж̇асса буд̇д̇о б̣од̇химуулз нисийд̣̇ид̇ваа б̣уд̣̇д̇хо бхависсад̇ий’’д̇и д̇аавад̇им̣сабхаванз хадтад̇удтаа д̣̇звасан̇гхаа жзлугкзбаад̣̇ийни бавад̇д̇знд̇аа гийл̣им̣су. д̇асмим̣ самаяз суд̣̇д̇ход̣̇анамахаарааж̇асса гулуубаго адтасамаабад̇д̇илаабхий гаал̣ад̣̇звало наама д̇аабасо бхад̇д̇агижжам̣ гад̇ваа д̣̇иваавихаарад̇т̇ааяа д̇аавад̇им̣сабхаванам̣ г̇анд̇ваа д̇ад̇т̇а д̣̇иваавихаарам̣ нисинно д̇аа д̣̇звад̇аа д̇удтамаанасаа гийл̣анд̇ияо д̣̇исваа ‘‘гим̣гааран̣аа д̇удтамаанасаа бамуд̣̇ид̇ахад̣̇аяаа гийл̣ат̇а, маяхам̣ д̇ам̣ гааран̣ам̣ гат̇зт̇аа’’д̇и бужчи. д̇ад̇о д̣̇звад̇аа аахам̣су – ‘‘маариса, суд̣̇д̇ход̣̇анаран̃н̃о буд̇д̇о ж̇аад̇о, со б̣од̇химан̣д̣з нисийд̣̇ид̇ваа б̣уд̣̇д̇хо худ̇ваа д̇хаммажаггам̣ бавад̇д̇зссад̇и, д̇асса ‘ананд̇аруубам̣ б̣уд̣̇д̇халийл̣ам̣ бассид̇ум̣ лабхиссаамаа’д̇и иминаа гааран̣зна д̇удтамхаа’’д̇и.

    Ubhayanagaravāsino mahāpurisaṃ gahetvā kapilavatthupurameva agamaṃsu. Taṃdivasameva – ‘‘kapilavatthunagare suddhodanamahārājassa putto bodhimūle nisīditvā buddho bhavissatī’’ti tāvatiṃsabhavane haṭṭhatuṭṭhā devasaṅghā celukkhepādīni pavattentā kīḷiṃsu. Tasmiṃ samaye suddhodanamahārājassa kulūpako aṭṭhasamāpattilābhī kāḷadevalo nāma tāpaso bhattakiccaṃ katvā divāvihāratthāya tāvatiṃsabhavanaṃ gantvā tattha divāvihāraṃ nisinno tā devatā tuṭṭhamānasā kīḷantiyo disvā ‘‘kiṃkāraṇā tuṭṭhamānasā pamuditahadayā kīḷatha, mayhaṃ taṃ kāraṇaṃ kathethā’’ti pucchi. Tato devatā āhaṃsu – ‘‘mārisa, suddhodanarañño putto jāto, so bodhimaṇḍe nisīditvā buddho hutvā dhammacakkaṃ pavattessati, tassa ‘anantarūpaṃ buddhalīḷaṃ passituṃ labhissāmā’ti iminā kāraṇena tuṭṭhamhā’’ti.

    ат̇а д̇аабасо д̇аасам̣ д̣̇звад̇аанам̣ важанам̣ суд̇ваа барамад̣̇ассанийяарад̇анаавалогад̇о д̣̇звалогад̇о оруяха нарабад̇инивзсанам̣ бависид̇ваа бан̃н̃ад̇д̇з аасанз нисийд̣̇и. д̇ад̇о гад̇абадисант̇аарам̣ рааж̇аанам̣ – ‘‘буд̇д̇о гира д̇з, махаарааж̇а, ж̇аад̇о, д̇ам̣ бассиссаамаа’’д̇и ааха. рааж̇аа алан̇гад̇абадияад̇д̇ам̣ д̇анаяам̣ аахараабзд̇ваа д̣̇звалад̇аабасам̣ ванд̣̇аабзд̇ум̣ абхихари. махаабурисасса баад̣̇аа баривад̇д̇ид̇ваа виж̇ж̇улад̇аа вияа асид̇аж̇алад̇харагуудзсу д̇аабасасса ж̇адаасу бад̇идтахим̣су. б̣од̇хисад̇д̇зна хи д̇знад̇д̇абхаавзна ванд̣̇ид̇аб̣б̣о наама ан̃н̃о над̇т̇и. д̇ад̇о д̇аабасо удтааяаасанаа б̣од̇хисад̇д̇асса ан̃ж̇алим̣ баг̇г̇ахзси. рааж̇аа д̇ам̣ ажчарияам̣ д̣̇исваа ад̇д̇ано буд̇д̇ам̣ ванд̣̇и. д̇аабасо б̣од̇хисад̇д̇асса лагкан̣асамбад̇д̇им̣ д̣̇исваа – ‘‘бхависсад̇и ну ко б̣уд̣̇д̇хо, уд̣̇ааху на бхависсад̇ий’’д̇и ааваж̇ж̇зд̇ваа убад̇хаарзнд̇о – ‘‘ниссам̣саяам̣ б̣уд̣̇д̇хо бхависсад̇ий’’д̇и анааг̇ад̇ам̣сан̃аан̣зна н̃ад̇ваа – ‘‘ажчарияабурисо аяа’’нд̇и сид̇ам̣ агааси.

    Atha tāpaso tāsaṃ devatānaṃ vacanaṃ sutvā paramadassanīyaratanāvalokato devalokato oruyha narapatinivesanaṃ pavisitvā paññatte āsane nisīdi. Tato katapaṭisanthāraṃ rājānaṃ – ‘‘putto kira te, mahārāja, jāto, taṃ passissāmā’’ti āha. Rājā alaṅkatapaṭiyattaṃ tanayaṃ āharāpetvā devalatāpasaṃ vandāpetuṃ abhihari. Mahāpurisassa pādā parivattitvā vijjulatā viya asitajaladharakūṭesu tāpasassa jaṭāsu patiṭṭhahiṃsu. Bodhisattena hi tenattabhāvena vanditabbo nāma añño natthi. Tato tāpaso uṭṭhāyāsanā bodhisattassa añjaliṃ paggahesi. Rājā taṃ acchariyaṃ disvā attano puttaṃ vandi. Tāpaso bodhisattassa lakkhaṇasampattiṃ disvā – ‘‘bhavissati nu kho buddho, udāhu na bhavissatī’’ti āvajjetvā upadhārento – ‘‘nissaṃsayaṃ buddho bhavissatī’’ti anāgataṃsañāṇena ñatvā – ‘‘acchariyapuriso aya’’nti sitaṃ akāsi.

    д̇ад̇о ‘‘ахам̣ имам̣ б̣уд̣̇д̇хабхууд̇ам̣ д̣̇адтум̣ лабхиссаами ну ко, но’’д̇и убад̇хаарзнд̇о – ‘‘на лабхиссаами, анд̇арааязва гаалам̣ гад̇ваа б̣уд̣̇д̇хасад̇знаби б̣уд̣̇д̇хасахассзнаби г̇анд̇ваа б̣од̇хзд̇ум̣ асаггун̣зяяз аруубабхавз ниб̣б̣ад̇д̇иссаамий’’д̇и д̣̇исваа – ‘‘зваруубам̣ наама ажчарияабурисам̣ б̣уд̣̇д̇хабхууд̇ам̣ д̣̇адтум̣ на лабхиссаами, махад̇ий вад̇а мз ж̇аани бхависсад̇ий’’д̇и барод̣̇и. мануссаа бана д̣̇исваа – ‘‘амхаагам̣ аяяо ид̣̇аанзва хасид̇ваа буна род̣̇ид̇умаарабхи, гим̣ ну ко, бханд̇з, амхаагам̣ аяяабуд̇д̇асса гожи анд̇арааяо бхависсад̇ий’’д̇и бужчим̣су. д̇аабасо ааха – ‘‘над̇т̇зд̇асса анд̇арааяо, ниссам̣саязна б̣уд̣̇д̇хо бхависсад̇ий’’д̇и. ‘‘ат̇а гасмаа д̇умхз барод̣̇ид̇т̇аа’’д̇и? ‘‘зваруубам̣ ажчарияабурисам̣ б̣уд̣̇д̇хабхууд̇ам̣ д̣̇адтум̣ на лабхиссаами, махад̇ий вад̇а мз ж̇аани бхависсад̇ийд̇и ад̇д̇аанам̣ анусожанд̇о род̣̇аамий’’д̇и ааха.

    Tato ‘‘ahaṃ imaṃ buddhabhūtaṃ daṭṭhuṃ labhissāmi nu kho, no’’ti upadhārento – ‘‘na labhissāmi, antarāyeva kālaṃ katvā buddhasatenapi buddhasahassenapi gantvā bodhetuṃ asakkuṇeyye arūpabhave nibbattissāmī’’ti disvā – ‘‘evarūpaṃ nāma acchariyapurisaṃ buddhabhūtaṃ daṭṭhuṃ na labhissāmi, mahatī vata me jāni bhavissatī’’ti parodi. Manussā pana disvā – ‘‘amhākaṃ ayyo idāneva hasitvā puna roditumārabhi, kiṃ nu kho, bhante, amhākaṃ ayyaputtassa koci antarāyo bhavissatī’’ti pucchiṃsu. Tāpaso āha – ‘‘natthetassa antarāyo, nissaṃsayena buddho bhavissatī’’ti. ‘‘Atha kasmā tumhe paroditthā’’ti? ‘‘Evarūpaṃ acchariyapurisaṃ buddhabhūtaṃ daṭṭhuṃ na labhissāmi, mahatī vata me jāni bhavissatīti attānaṃ anusocanto rodāmī’’ti āha.

    д̇ад̇о б̣од̇хисад̇д̇ам̣ бан̃жамз д̣̇ивасз сийсам̣ нхаабзд̇ваа – ‘‘наамам̣ г̇ан̣хиссаамаа’’д̇и рааж̇абхаванам̣ жад̇уж̇ж̇аад̇игаг̇анд̇хзна убалимбид̇ваа лааж̇абан̃жамаани гусумаани вигирид̇ваа асамбхиннабааяаасам̣ бажаабзд̇ваа д̇ин̣н̣ам̣ взд̣̇аанам̣ бааран̇г̇ад̇з адтасад̇з б̣раахман̣з ниманд̇зд̇ваа рааж̇абхаванз нисийд̣̇аабзд̇ваа мад̇хубааяаасам̣ бхож̇зд̇ваа саггаарам̣ гад̇ваа – ‘‘гим̣ ну ко бхависсад̇ий’’д̇и лагкан̣аани бариг̇г̇аахаабзсум̣. д̇зсу раамаад̣̇аяо адта б̣раахман̣абан̣д̣ид̇аа лагкан̣абариг̇г̇аахагаа ахзсум̣. д̇зсу сад̇д̇а ж̇анаа д̣̇вз ан̇г̇улияо угкибид̇ваа д̣̇взд̇хаа б̣яаагарим̣су – ‘‘имзхи лагкан̣зхи саманнааг̇ад̇о аг̇аарам̣ аж̇жхаавасанд̇о рааж̇аа ход̇и жаггавад̇д̇ий, баб̣б̣аж̇амаано б̣уд̣̇д̇хо’’д̇и. д̇зсам̣ бана саб̣б̣ад̣̇ахаро г̇од̇д̇зна гон̣д̣ан̃н̃о наама б̣раахман̣о б̣од̇хисад̇д̇асса лагкан̣аварасамбад̇д̇им̣ д̣̇исваа – ‘‘зд̇асса аг̇аарамаж̇жхз таанагааран̣ам̣ над̇т̇и, зганд̇знзва вивадажчад̣̇о б̣уд̣̇д̇хо бхависсад̇ий’’д̇и згамзва ан̇г̇улим̣ угкибид̇ваа згам̣саб̣яаагаран̣ам̣ б̣яаагааси. ат̇асса наамам̣ г̇ан̣ханд̇аа саб̣б̣алогад̇т̇асид̣̇д̇хигарад̇д̇аа сид̣̇д̇хад̇т̇од̇и наамамагам̣су.

    Tato bodhisattaṃ pañcame divase sīsaṃ nhāpetvā – ‘‘nāmaṃ gaṇhissāmā’’ti rājabhavanaṃ catujjātikagandhena upalimpitvā lājapañcamāni kusumāni vikiritvā asambhinnapāyāsaṃ pacāpetvā tiṇṇaṃ vedānaṃ pāraṅgate aṭṭhasate brāhmaṇe nimantetvā rājabhavane nisīdāpetvā madhupāyāsaṃ bhojetvā sakkāraṃ katvā – ‘‘kiṃ nu kho bhavissatī’’ti lakkhaṇāni pariggāhāpesuṃ. Tesu rāmādayo aṭṭha brāhmaṇapaṇḍitā lakkhaṇapariggāhakā ahesuṃ. Tesu satta janā dve aṅguliyo ukkhipitvā dvedhā byākariṃsu – ‘‘imehi lakkhaṇehi samannāgato agāraṃ ajjhāvasanto rājā hoti cakkavattī, pabbajamāno buddho’’ti. Tesaṃ pana sabbadaharo gottena koṇḍañño nāma brāhmaṇo bodhisattassa lakkhaṇavarasampattiṃ disvā – ‘‘etassa agāramajjhe ṭhānakāraṇaṃ natthi, ekanteneva vivaṭacchado buddho bhavissatī’’ti ekameva aṅguliṃ ukkhipitvā ekaṃsabyākaraṇaṃ byākāsi. Athassa nāmaṃ gaṇhantā sabbalokatthasiddhikarattā siddhatthoti nāmamakaṃsu.

    ат̇а д̇з б̣раахман̣аа ад̇д̇ано гхараани г̇анд̇ваа буд̇д̇з ааманд̇зд̇ваа звамаахам̣су – ‘‘амхз махаллагаа, суд̣̇д̇ход̣̇анамахаарааж̇асса буд̇д̇ам̣ саб̣б̣ан̃н̃уд̇ам̣ бад̇д̇ам̣ самбхаавзяяаама ваа но ваа, д̇умхз бана д̇асмим̣ баб̣б̣аж̇ид̇ваа саб̣б̣ан̃н̃уд̇ам̣ бад̇д̇з д̇асса саасанз баб̣б̣аж̇ат̇аа’’д̇и. д̇ад̇о сад̇д̇аби ж̇анаа яаавад̇ааяугам̣ тад̇ваа яат̇аагаммам̣ г̇ад̇аа. гон̣д̣ан̃н̃амаан̣аво арог̇о ахоси. д̇ад̣̇аа бана рааж̇аа д̇зсам̣ важанам̣ суд̇ваа – ‘‘гим̣ д̣̇исваа мама буд̇д̇о баб̣б̣аж̇иссад̇ий’’д̇и д̇з бужчи. ‘‘жад̇д̇аари буб̣б̣анимид̇д̇аани, д̣̇зваа’’д̇и. ‘‘гад̇аран̃жа гад̇аран̃жаа’’д̇и? ‘‘ж̇ин̣н̣ам̣ б̣яаад̇хид̇ам̣ мад̇ам̣ баб̣б̣аж̇ид̇а’’нд̇и. рааж̇аа ‘‘ид̇о бадтааяа зваруубаанам̣ мама буд̇д̇асса санд̇игам̣ ааг̇амид̇ум̣ маа ад̣̇ад̇т̇аа’’д̇и вад̇ваа гумаарасса жагкубат̇з ж̇ин̣н̣абурисаад̣̇ийнам̣ ааг̇амананивааран̣ад̇т̇ам̣ жад̇уусу д̣̇исаасу г̇аавуд̇аг̇аавуд̇адтаанз аарагкам̣ табзси. д̇ам̣д̣̇ивасам̣ ман̇г̇аладтаанз саннибад̇ид̇зсу асийд̇ияаа н̃аад̇игуласахассзсу згамзго згамзгам̣ буд̇д̇ам̣ бадиж̇аани – ‘‘аяам̣ б̣уд̣̇д̇хо ваа ход̇у рааж̇аа ваа, маяам̣ згамзгам̣ буд̇д̇ам̣ д̣̇ассаама, сажз б̣уд̣̇д̇хо бхависсад̇и, кад̇д̇ияасаман̣зхзва баривуд̇о вижариссад̇и. сажз рааж̇аа жаггавад̇д̇ий бхависсад̇и, кад̇д̇ияагумаарзхзва баривуд̇о вижариссад̇ий’’д̇и. ат̇а рааж̇аа махаабурисасса барамаруубасамбаннаа виг̇ад̇асаб̣б̣ад̣̇осаа жад̇усадти д̇хаад̇ияо ад̣̇ааси. б̣од̇хисад̇д̇о ананд̇зна бариваарзна махад̇аа сирисамуд̣̇аязна вад̣дхи.

    Atha te brāhmaṇā attano gharāni gantvā putte āmantetvā evamāhaṃsu – ‘‘amhe mahallakā, suddhodanamahārājassa puttaṃ sabbaññutaṃ pattaṃ sambhāveyyāma vā no vā, tumhe pana tasmiṃ pabbajitvā sabbaññutaṃ patte tassa sāsane pabbajathā’’ti. Tato sattapi janā yāvatāyukaṃ ṭhatvā yathākammaṃ gatā. Koṇḍaññamāṇavo arogo ahosi. Tadā pana rājā tesaṃ vacanaṃ sutvā – ‘‘kiṃ disvā mama putto pabbajissatī’’ti te pucchi. ‘‘Cattāri pubbanimittāni, devā’’ti. ‘‘Katarañca katarañcā’’ti? ‘‘Jiṇṇaṃ byādhitaṃ mataṃ pabbajita’’nti. Rājā ‘‘ito paṭṭhāya evarūpānaṃ mama puttassa santikaṃ āgamituṃ mā adatthā’’ti vatvā kumārassa cakkhupathe jiṇṇapurisādīnaṃ āgamananivāraṇatthaṃ catūsu disāsu gāvutagāvutaṭṭhāne ārakkhaṃ ṭhapesi. Taṃdivasaṃ maṅgalaṭṭhāne sannipatitesu asītiyā ñātikulasahassesu ekameko ekamekaṃ puttaṃ paṭijāni – ‘‘ayaṃ buddho vā hotu rājā vā, mayaṃ ekamekaṃ puttaṃ dassāma, sace buddho bhavissati, khattiyasamaṇeheva parivuto vicarissati. Sace rājā cakkavattī bhavissati, khattiyakumāreheva parivuto vicarissatī’’ti. Atha rājā mahāpurisassa paramarūpasampannā vigatasabbadosā catusaṭṭhi dhātiyo adāsi. Bodhisatto anantena parivārena mahatā sirisamudayena vaḍḍhi.

    ат̇згад̣̇ивасам̣ ран̃н̃о ваббаман̇г̇алам̣ наама ахоси. д̇ам̣д̣̇ивасам̣ рааж̇аа махад̇ияаа вибхууд̇ияаа махад̇аа бариваарзна наг̇арад̇о нигкаманд̇о буд̇д̇амби г̇ахзд̇ваава аг̇амааси. гасигаммадтаанз зго ж̇амб̣уругко барамараман̣ийяо гханасанд̣̇ажчааяо ахоси. д̇асса хздтаа гумаарасса саяанам̣ бан̃н̃аабзд̇ваа убари вараганагад̇аараакажид̇ам̣ рад̇д̇ажзлавид̇аанам̣ б̣анд̇хид̇ваа саан̣ибаагаарзна баригкибаабзд̇ваа аарагкам̣ табзд̇ваа рааж̇аа саб̣б̣аалан̇гаарам̣ алан̇гарид̇ваа амажжаг̇ан̣абаривуд̇о нан̇г̇алагаран̣адтаанамаг̇амааси. д̇ад̇т̇а рааж̇аа барамаман̇г̇алам̣ суван̣н̣анан̇г̇алам̣ г̇ан̣хаад̇и, амажжаад̣̇аяо раж̇ад̇анан̇г̇алаад̣̇ийни г̇ан̣ханд̇и. д̇ам̣д̣̇ивасам̣ нан̇г̇аласахассам̣ яож̇ийяад̇и. б̣од̇хисад̇д̇ам̣ бариваарзд̇ваа нисиннаа д̇хаад̇ияо – ‘‘ран̃н̃о самбад̇д̇им̣ бассиссаамаа’’д̇и анд̇осаан̣ид̇о б̣ахи нигканд̇аа.

    Athekadivasaṃ rañño vappamaṅgalaṃ nāma ahosi. Taṃdivasaṃ rājā mahatiyā vibhūtiyā mahatā parivārena nagarato nikkhamanto puttampi gahetvāva agamāsi. Kasikammaṭṭhāne eko jamburukkho paramaramaṇīyo ghanasandacchāyo ahosi. Tassa heṭṭhā kumārassa sayanaṃ paññāpetvā upari varakanakatārākhacitaṃ rattacelavitānaṃ bandhitvā sāṇipākārena parikkhipāpetvā ārakkhaṃ ṭhapetvā rājā sabbālaṅkāraṃ alaṅkaritvā amaccagaṇaparivuto naṅgalakaraṇaṭṭhānamagamāsi. Tattha rājā paramamaṅgalaṃ suvaṇṇanaṅgalaṃ gaṇhāti, amaccādayo rajatanaṅgalādīni gaṇhanti. Taṃdivasaṃ naṅgalasahassaṃ yojīyati. Bodhisattaṃ parivāretvā nisinnā dhātiyo – ‘‘rañño sampattiṃ passissāmā’’ti antosāṇito bahi nikkhantā.

    ат̇а б̣од̇хисад̇д̇о ид̇о жид̇о жа ологзнд̇о гин̃жи ад̣̇исваа сахасаа удтааяа баллан̇гам̣ аабхуж̇ид̇ваа аанаабаанз бариг̇г̇ахзд̇ваа батамаж̇жхаанам̣ ниб̣б̣ад̇д̇зси. д̇хаад̇ияо каж̇ж̇абхож̇ж̇анд̇арз вижаранд̇ияо т̇огам̣ жирааяим̣су. сзсаругкаанам̣ чааяаа нивад̇д̇аа, д̇асса бана ж̇амб̣уругкасса чааяаа бариман̣д̣алаа худ̇ваа д̇ад̇т̇зва адтааси. д̇хаад̇ид̇о банасса ‘‘аяяабуд̇д̇о згаговаа’’д̇и взг̇зна саан̣ибаагаарам̣ угкибид̇ваа бариязсанд̇ияо сирисаяанз баллан̇гзна нисиннам̣ д̇ан̃жа баадихаарияам̣ д̣̇исваа г̇анд̇ваа д̇ам̣ бавад̇д̇им̣ ран̃н̃о аарожзсум̣. рааж̇аа взг̇зна ааг̇анд̇ваа д̇ам̣ баадихаарияам̣ д̣̇исваа – ‘‘аяам̣ во, д̇аад̇а, д̣̇уд̇ияаванд̣̇анаа’’д̇и буд̇д̇ам̣ ванд̣̇и.

    Atha bodhisatto ito cito ca olokento kiñci adisvā sahasā uṭṭhāya pallaṅkaṃ ābhujitvā ānāpāne pariggahetvā paṭhamajjhānaṃ nibbattesi. Dhātiyo khajjabhojjantare vicarantiyo thokaṃ cirāyiṃsu. Sesarukkhānaṃ chāyā nivattā, tassa pana jamburukkhassa chāyā parimaṇḍalā hutvā tattheva aṭṭhāsi. Dhātito panassa ‘‘ayyaputto ekakovā’’ti vegena sāṇipākāraṃ ukkhipitvā pariyesantiyo sirisayane pallaṅkena nisinnaṃ tañca pāṭihāriyaṃ disvā gantvā taṃ pavattiṃ rañño ārocesuṃ. Rājā vegena āgantvā taṃ pāṭihāriyaṃ disvā – ‘‘ayaṃ vo, tāta, dutiyavandanā’’ti puttaṃ vandi.

    ат̇а махаабурисо ануггамзна сол̣асавассуд̣̇д̣̇зсиго ахоси. рааж̇аа б̣од̇хисад̇д̇асса д̇ин̣н̣ам̣ уд̇уунам̣ анужчавигз рамма-сурамма-субханаамагз д̇аяо баасаад̣̇з гаарзси. згам̣ навабхуумигам̣ згам̣ сад̇д̇абхуумигам̣ згам̣ бан̃жабхуумигам̣. д̇аяоби баасаад̣̇аа уб̣б̣зд̇хзна самаббамаан̣аа ахзсум̣. бхуумигаасу бана наанад̇д̇ам̣ ахоси.

    Atha mahāpuriso anukkamena soḷasavassuddesiko ahosi. Rājā bodhisattassa tiṇṇaṃ utūnaṃ anucchavike ramma-suramma-subhanāmake tayo pāsāde kāresi. Ekaṃ navabhūmikaṃ ekaṃ sattabhūmikaṃ ekaṃ pañcabhūmikaṃ. Tayopi pāsādā ubbedhena samappamāṇā ahesuṃ. Bhūmikāsu pana nānattaṃ ahosi.

    ат̇а рааж̇аа жинд̇зси – ‘‘буд̇д̇о мз ваяаббад̇д̇о чад̇д̇амасса уссаабзд̇ваа раж̇ж̇асирим̣ бассиссаамий’’д̇и. со саагияаанам̣ бан̣н̣аани бахин̣и ‘‘буд̇д̇о мз ваяаббад̇д̇о, раж̇ж̇з нам̣ бад̇идтаабзссаами, саб̣б̣з ад̇д̇ано г̇зхзсу ваяаббад̇д̇аа д̣̇ааригаа имам̣ г̇зхам̣ бзсзнд̇уу’’д̇и. д̇з ран̃н̃о саасанам̣ суд̇ваа – ‘‘гумааро гзвалам̣ руубасамбанно, на гин̃жи сиббам̣ ж̇аанаад̇и, д̣̇аарабхаран̣ам̣ гаад̇ум̣ на сагкиссад̇и, на маяам̣ д̇хийд̇аро д̣̇ассаамаа’’д̇и аахам̣су. рааж̇аа д̇ам̣ бавад̇д̇им̣ суд̇ваа буд̇д̇асса санд̇игам̣ г̇анд̇ваа д̇амад̇т̇ам̣ аарожзси. б̣од̇хисад̇д̇о – ‘‘гим̣ сиббам̣ д̣̇ассзд̇ум̣ ваддад̇ий’’д̇и ааха. ‘‘сахассад̇т̇аамам̣ д̇ханум̣ ааробзд̇ум̣ ваддад̇и, д̇аад̇аа’’д̇и. ‘‘д̇зна хи аахараабзт̇аа’’д̇и ааха. рааж̇аа аахараабзд̇ваа ад̣̇ааси. д̇ам̣ д̇ханум̣ бурисасахассам̣ ааробзд̇и, бурисасахассам̣ оробзд̇и. махаабурисо д̇ам̣ сараасанам̣ аахараабзд̇ваа баллан̇гзна нисиннова ж̇ияам̣ баад̣̇ан̇г̇удтагз взтаабзд̇ваа гад̣дханд̇о баад̣̇ан̇г̇удтагзнзва д̇ханум̣ ааробзд̇ваа ваамзна хад̇т̇зна д̣̇ан̣д̣з г̇ахзд̇ваа д̣̇агкин̣зна хад̇т̇зна гад̣дхид̇ваа ж̇ияам̣ робзси. сагаланаг̇арам̣ уббад̇д̇анаагаараббад̇д̇ам̣ ахоси . ‘‘гим̣ зсо сад̣̇д̣̇о’’д̇и жа вуд̇д̇з ‘‘д̣̇зво г̇аж̇ж̇ад̇ий’’д̇и аахам̣су. ат̇ан̃н̃з ‘‘д̇умхз на ж̇аанаат̇а, на д̣̇зво г̇аж̇ж̇ад̇и, ан̇г̇ийрасасса гумаарасса сахассад̇т̇аамам̣ д̇ханум̣ ааробзд̇ваа ж̇ияам̣ ботзнд̇асса ж̇ияаббахаарасад̣̇д̣̇о зсо’’д̇и аахам̣су. саагияаа д̇ам̣ суд̇ваа д̇аавад̇агзнзва аарад̣̇д̇хажид̇д̇аа д̇удтамаанасаа ахзсум̣.

    Atha rājā cintesi – ‘‘putto me vayappatto chattamassa ussāpetvā rajjasiriṃ passissāmī’’ti. So sākiyānaṃ paṇṇāni pahiṇi ‘‘putto me vayappatto, rajje naṃ patiṭṭhāpessāmi, sabbe attano gehesu vayappattā dārikā imaṃ gehaṃ pesentū’’ti. Te rañño sāsanaṃ sutvā – ‘‘kumāro kevalaṃ rūpasampanno, na kiñci sippaṃ jānāti, dārabharaṇaṃ kātuṃ na sakkhissati, na mayaṃ dhītaro dassāmā’’ti āhaṃsu. Rājā taṃ pavattiṃ sutvā puttassa santikaṃ gantvā tamatthaṃ ārocesi. Bodhisatto – ‘‘kiṃ sippaṃ dassetuṃ vaṭṭatī’’ti āha. ‘‘Sahassatthāmaṃ dhanuṃ āropetuṃ vaṭṭati, tātā’’ti. ‘‘Tena hi āharāpethā’’ti āha. Rājā āharāpetvā adāsi. Taṃ dhanuṃ purisasahassaṃ āropeti, purisasahassaṃ oropeti. Mahāpuriso taṃ sarāsanaṃ āharāpetvā pallaṅkena nisinnova jiyaṃ pādaṅguṭṭhake veṭhāpetvā kaḍḍhanto pādaṅguṭṭhakeneva dhanuṃ āropetvā vāmena hatthena daṇḍe gahetvā dakkhiṇena hatthena kaḍḍhitvā jiyaṃ ropesi. Sakalanagaraṃ uppattanākārappattaṃ ahosi . ‘‘Kiṃ eso saddo’’ti ca vutte ‘‘devo gajjatī’’ti āhaṃsu. Athaññe ‘‘tumhe na jānātha, na devo gajjati, aṅgīrasassa kumārassa sahassatthāmaṃ dhanuṃ āropetvā jiyaṃ poṭhentassa jiyappahārasaddo eso’’ti āhaṃsu. Sākiyā taṃ sutvā tāvatakeneva āraddhacittā tuṭṭhamānasā ahesuṃ.

    ат̇а махаабурисо – ‘‘гим̣ гаад̇ум̣ ваддад̇ий’’д̇и ааха. адтан̇г̇улаб̣ахалам̣ аяобаддам̣ ган̣д̣зна виж̇жхид̇ум̣ ваддад̇ийд̇и . д̇ам̣ виж̇жхид̇ваа – ‘‘ан̃н̃ам̣ гим̣ гаад̇ум̣ ваддад̇ий’’д̇и ааха. жад̇уран̇г̇улаб̣ахалам̣ асанапалагам̣ виж̇жхид̇ум̣ ваддад̇ийд̇и. д̇амби виж̇жхид̇ваа – ‘‘ан̃н̃ам̣ гим̣ гаад̇ум̣ ваддад̇ий’’д̇и ааха. вид̣̇ад̇т̇иб̣ахалам̣ уд̣̇умб̣арапалагам̣ виж̇жхид̇ум̣ ваддад̇ийд̇и. д̇амби виж̇жхид̇ваа ан̃н̃ам̣ гим̣ гаад̇ум̣ ваддад̇ийд̇и. д̇ад̇о ‘‘ваалугасагадааний’’д̇и аахам̣су. махаасад̇д̇о ваалугасагадамби балааласагадамби винивиж̇жхид̇ваа уд̣̇агз згуусабхаббамаан̣ам̣ ган̣д̣ам̣ бзсзси т̇алз адтаусабхаббамаан̣ам̣. ат̇а нам̣ ‘‘ваад̇ин̇г̇ан̣асан̃н̃ааяа ваалам̣ виж̇жхид̇ум̣ ваддад̇ий’’д̇и аахам̣су. ‘‘д̇зна хи яож̇анамад̇д̇ам̣ ваад̇ин̇г̇ан̣ам̣ б̣анд̇хаабзт̇аа’’д̇и вад̇ваа яож̇анамад̇д̇агз ваад̇ин̇г̇ан̣асан̃н̃ааяа ваалам̣ б̣анд̇хаабзд̇ваа рад̇д̇анд̇хагаарз мзгхабадалзхи чаннаасу д̣̇исаасу ган̣д̣ам̣ киби. д̇ам̣ г̇анд̇ваа яож̇анамад̇д̇агз ваалам̣ паалзд̇ваа бат̇авим̣ баависи. на гзвалам̣ зд̇д̇агамзва, д̇ам̣д̣̇ивасам̣ махаабурисо логз вад̇д̇амаанам̣ сиббам̣ саб̣б̣амзва д̣̇ассзси.

    Atha mahāpuriso – ‘‘kiṃ kātuṃ vaṭṭatī’’ti āha. Aṭṭhaṅgulabahalaṃ ayopaṭṭaṃ kaṇḍena vijjhituṃ vaṭṭatīti . Taṃ vijjhitvā – ‘‘aññaṃ kiṃ kātuṃ vaṭṭatī’’ti āha. Caturaṅgulabahalaṃ asanaphalakaṃ vijjhituṃ vaṭṭatīti. Tampi vijjhitvā – ‘‘aññaṃ kiṃ kātuṃ vaṭṭatī’’ti āha. Vidatthibahalaṃ udumbaraphalakaṃ vijjhituṃ vaṭṭatīti. Tampi vijjhitvā aññaṃ kiṃ kātuṃ vaṭṭatīti. Tato ‘‘vālukasakaṭānī’’ti āhaṃsu. Mahāsatto vālukasakaṭampi palālasakaṭampi vinivijjhitvā udake ekūsabhappamāṇaṃ kaṇḍaṃ pesesi thale aṭṭhausabhappamāṇaṃ. Atha naṃ ‘‘vātiṅgaṇasaññāya vālaṃ vijjhituṃ vaṭṭatī’’ti āhaṃsu. ‘‘Tena hi yojanamattaṃ vātiṅgaṇaṃ bandhāpethā’’ti vatvā yojanamattake vātiṅgaṇasaññāya vālaṃ bandhāpetvā rattandhakāre meghapaṭalehi channāsu disāsu kaṇḍaṃ khipi. Taṃ gantvā yojanamattake vālaṃ phāletvā pathaviṃ pāvisi. Na kevalaṃ ettakameva, taṃdivasaṃ mahāpuriso loke vattamānaṃ sippaṃ sabbameva dassesi.

    ат̇а саагияаа ад̇д̇ано д̇хийд̇аро алан̇гарид̇ваа бзсаяим̣су. жад̇д̇аалийсасахассаа наадагид̇т̇ияо ахзсум̣. раахуламаад̇аа бана д̣̇звий аг̇г̇амахзсий ахоси. махаабурисо д̣̇звагумааро вияа сураяувад̇ийхи баривуд̇о нараяувад̇ийхи баривуд̇о ниббурисзхи д̇уриязхи барижаарияамаано махаасамбад̇д̇им̣ анубхавамаано уд̇уваарзна уд̇уваарзна д̇зсу д̇ийсу баасаад̣̇зсу вихарад̇и. ат̇згад̣̇ивасам̣ б̣од̇хисад̇д̇о уяяаанабхуумим̣ г̇анд̇угаамо саарат̇им̣ ааманд̇зд̇ваа – ‘‘рат̇ам̣ яож̇зхи уяяаанабхуумим̣ бассиссаамий’’д̇и ааха. со ‘‘саад̇хуу’’д̇и бадиссун̣ид̇ваа махаарахам̣ вараружират̇ирагуб̣б̣араварад̇д̇ам̣ т̇ирад̇аранзминаабхим̣ вараганагараж̇ад̇аман̣ирад̇анакажид̇аийсаамукам̣ наваганагараж̇ад̇ад̇аарагакажид̇анзмибассам̣ самосарид̇авивид̇хасурабхигусумад̣̇аамасассиригам̣ равират̇асад̣̇исад̣̇ассанийяам̣ варарат̇ам̣ самалан̇гарид̇ваа сасигумуд̣̇асад̣̇исаван̣н̣з анилаг̇арул̣аж̇авз ааж̇аанийяз жад̇д̇ааро ман̇г̇аласинд̇хавз яож̇зд̇ваа б̣од̇хисад̇д̇асса бадивзд̣̇зси. б̣од̇хисад̇д̇о д̣̇звавимаанасад̣̇исам̣ д̇ам̣ рат̇аварамааруяха уяяаанаабхимуко бааяааси.

    Atha sākiyā attano dhītaro alaṅkaritvā pesayiṃsu. Cattālīsasahassā nāṭakitthiyo ahesuṃ. Rāhulamātā pana devī aggamahesī ahosi. Mahāpuriso devakumāro viya surayuvatīhi parivuto narayuvatīhi parivuto nippurisehi turiyehi paricāriyamāno mahāsampattiṃ anubhavamāno utuvārena utuvārena tesu tīsu pāsādesu viharati. Athekadivasaṃ bodhisatto uyyānabhūmiṃ gantukāmo sārathiṃ āmantetvā – ‘‘rathaṃ yojehi uyyānabhūmiṃ passissāmī’’ti āha. So ‘‘sādhū’’ti paṭissuṇitvā mahārahaṃ vararucirathirakubbaravarattaṃ thirataraneminābhiṃ varakanakarajatamaṇiratanakhacitaīsāmukhaṃ navakanakarajatatārakakhacitanemipassaṃ samosaritavividhasurabhikusumadāmasassirikaṃ ravirathasadisadassanīyaṃ vararathaṃ samalaṅkaritvā sasikumudasadisavaṇṇe anilagaruḷajave ājānīye cattāro maṅgalasindhave yojetvā bodhisattassa paṭivedesi. Bodhisatto devavimānasadisaṃ taṃ rathavaramāruyha uyyānābhimukho pāyāsi.

    ат̇а д̣̇звад̇аа ‘‘сид̣̇д̇хад̇т̇агумаарасса абхисамб̣уж̇жханагаало аасанно, буб̣б̣анимид̇д̇амасса д̣̇ассзссаамаа’’д̇и згам̣ д̣̇звабуд̇д̇ам̣ ж̇арааж̇аж̇ж̇арасарийрам̣ кан̣д̣ад̣̇анд̇ам̣ балид̇агзсам̣ ван̇гаг̇ад̇д̇ам̣ д̣̇ан̣д̣ахад̇т̇ам̣ бавзд̇хамаанам̣ гад̇ваа д̣̇ассзсум̣. д̇ам̣ б̣од̇хисад̇д̇о жзва саарат̇и жа бассанд̇и. д̇ад̇о б̣од̇хисад̇д̇о – ‘‘саарат̇и го наамзса бурисо гзсаабисса на яат̇аа ан̃н̃зса’’нд̇и махаабад̣̇аанасуд̇д̇з (д̣̇ий. ни. 2.43 аад̣̇аяо) ааг̇ад̇анаязнзва бужчид̇ваа д̇асса важанам̣ суд̇ваа – ‘‘д̇хирад̇т̇у вад̇а, бхо, ж̇аад̇и, яад̇ра хи наама ж̇аад̇асса ж̇араа бан̃н̃ааяиссад̇ий’’д̇и (д̣̇ий. ни. 2.45, 47) сам̣виг̇г̇ахад̣̇аяо д̇ад̇ова бадинивад̇д̇ид̇ваа баасаад̣̇амзва абхирухи.

    Atha devatā ‘‘siddhatthakumārassa abhisambujjhanakālo āsanno, pubbanimittamassa dassessāmā’’ti ekaṃ devaputtaṃ jarājajjarasarīraṃ khaṇḍadantaṃ palitakesaṃ vaṅkagattaṃ daṇḍahatthaṃ pavedhamānaṃ katvā dassesuṃ. Taṃ bodhisatto ceva sārathi ca passanti. Tato bodhisatto – ‘‘sārathi ko nāmesa puriso kesāpissa na yathā aññesa’’nti mahāpadānasutte (dī. ni. 2.43 ādayo) āgatanayeneva pucchitvā tassa vacanaṃ sutvā – ‘‘dhiratthu vata, bho, jāti, yatra hi nāma jātassa jarā paññāyissatī’’ti (dī. ni. 2.45, 47) saṃviggahadayo tatova paṭinivattitvā pāsādameva abhiruhi.

    рааж̇аа ‘‘гим̣гааран̣аа мама буд̇д̇о бадинивад̇д̇ий’’д̇и бужчи. ‘‘ж̇ин̣н̣абурисам̣ д̣̇исваа, д̣̇зваа’’д̇и. д̇ад̇о гамбамаанамаанасо рааж̇аа ад̣дхаяож̇анз аарагкам̣ табзси. бунзгад̣̇ивасам̣ б̣од̇хисад̇д̇о уяяаанам̣ г̇ажчанд̇о д̇аахи зва д̣̇звад̇аахи ниммид̇ам̣ б̣яаад̇хид̇ан̃жа бурисам̣ д̣̇исваа буриманаязнзва бужчид̇ваа сам̣виг̇г̇ахад̣̇аяо нивад̇д̇ид̇ваа баасаад̣̇амзва абхирухи. рааж̇аа бужчид̇ваа наадагаани виссаж̇ж̇зси. ‘‘баб̣б̣аж̇ж̇ааяа маанасам̣ асса бхиннам̣ гарисса’’нд̇и аарагкам̣ вад̣дхзд̇ваа саманд̇ад̇о д̇иг̇аавуд̇аббамаан̣з бад̣̇зсз аарагкам̣ табзси.

    Rājā ‘‘kiṃkāraṇā mama putto paṭinivattī’’ti pucchi. ‘‘Jiṇṇapurisaṃ disvā, devā’’ti. Tato kampamānamānaso rājā aḍḍhayojane ārakkhaṃ ṭhapesi. Punekadivasaṃ bodhisatto uyyānaṃ gacchanto tāhi eva devatāhi nimmitaṃ byādhitañca purisaṃ disvā purimanayeneva pucchitvā saṃviggahadayo nivattitvā pāsādameva abhiruhi. Rājā pucchitvā nāṭakāni vissajjesi. ‘‘Pabbajjāya mānasaṃ assa bhinnaṃ karissa’’nti ārakkhaṃ vaḍḍhetvā samantato tigāvutappamāṇe padese ārakkhaṃ ṭhapesi.

    бунаби б̣од̇хисад̇д̇о згад̣̇ивасам̣ уяяаанам̣ г̇ажчанд̇о д̇ат̇зва д̣̇звад̇аахи ниммид̇ам̣ гаалан̇гад̇ам̣ д̣̇исваа буриманаязнзва бужчид̇ваа сам̣виг̇г̇ахад̣̇аяо нивад̇д̇ид̇ваа баасаад̣̇амабхирухи. рааж̇аа нивад̇д̇анагааран̣ам̣ бужчид̇ваа буна аарагкам̣ вад̣дхзд̇ваа яож̇анаббамаан̣з бад̣̇зсз аарагкам̣ табзси.

    Punapi bodhisatto ekadivasaṃ uyyānaṃ gacchanto tatheva devatāhi nimmitaṃ kālaṅkataṃ disvā purimanayeneva pucchitvā saṃviggahadayo nivattitvā pāsādamabhiruhi. Rājā nivattanakāraṇaṃ pucchitvā puna ārakkhaṃ vaḍḍhetvā yojanappamāṇe padese ārakkhaṃ ṭhapesi.

    бунаби б̣од̇хисад̇д̇о згад̣̇ивасам̣ уяяаанам̣ г̇ажчанд̇о д̇ат̇зва д̣̇звад̇аахи ниммид̇ам̣ сунивад̇т̇ам̣ субааруд̇ам̣ баб̣б̣аж̇ид̇ам̣ д̣̇исваа – ‘‘го наамзсо, самма, саарат̇ий’’д̇и саарат̇им̣ бужчи. саарат̇и гин̃жааби б̣уд̣̇д̇хуббаад̣̇асса абхааваа баб̣б̣аж̇ид̇ам̣ ваа баб̣б̣аж̇ид̇аг̇ун̣з ваа на ж̇аанаад̇и, д̣̇звад̇аанубхаавзна бана ‘‘баб̣б̣аж̇ид̇о наамааяам̣ д̣̇зваа’’д̇и вад̇ваа баб̣б̣аж̇ж̇ааяа г̇ун̣ам̣ д̇асса ван̣н̣зси.

    Punapi bodhisatto ekadivasaṃ uyyānaṃ gacchanto tatheva devatāhi nimmitaṃ sunivatthaṃ supārutaṃ pabbajitaṃ disvā – ‘‘ko nāmeso, samma, sārathī’’ti sārathiṃ pucchi. Sārathi kiñcāpi buddhuppādassa abhāvā pabbajitaṃ vā pabbajitaguṇe vā na jānāti, devatānubhāvena pana ‘‘pabbajito nāmāyaṃ devā’’ti vatvā pabbajjāya guṇaṃ tassa vaṇṇesi.

    д̇ад̇о б̣од̇хисад̇д̇о баб̣б̣аж̇ж̇ааяа ружим̣ уббаад̣̇зд̇ваа д̇ам̣д̣̇ивасам̣ уяяаанам̣ аг̇амааси. д̣̇ийгхааяугаа б̣од̇хисад̇д̇аа вассасад̇з вассасад̇з ад̇игганд̇з ж̇ин̣н̣аад̣̇ийсу згзгам̣ ад̣̇д̣̇асам̣су. амхаагам̣ бана б̣од̇хисад̇д̇о аббааяугагаалз уббаннад̇д̇аа жад̇уннам̣ жад̇уннам̣ маасаанам̣ ажжаязна уяяаанам̣ г̇ажчанд̇о ануггамзна згзгам̣ ад̣̇д̣̇аса. д̣̇ийгхабхаан̣агаа банааху – ‘‘жад̇д̇аари нимид̇д̇аани згад̣̇ивасзнзва д̣̇исваа аг̇амаасий’’д̇и. д̇ад̇т̇а д̣̇ивасабхааг̇ам̣ гийл̣ид̇ваа уяяаанарасаманубхавид̇ваа ман̇г̇алабогкаран̣ияам̣ нхад̇ваа ад̇т̇ан̇г̇ад̇з суурияз ман̇г̇аласилаад̇алз нисийд̣̇и ад̇д̇аанам̣ алан̇гаараабзд̇угаамо. ат̇асса жид̇д̇аажаараман̃н̃ааяа саггзна д̣̇зваанаминд̣̇зна аан̣ад̇д̇о виссагаммо наама д̣̇звабуд̇д̇о ааг̇анд̇ваа д̇ассзва габбагасад̣̇исо худ̇ваа д̣̇иб̣б̣зхи алан̇гаарзхи алан̇гари. ат̇асса саб̣б̣аалан̇гаарасамалан̇гад̇асса саб̣б̣ад̇аалааважарзсу сагаани сагаани бадибхаанаани д̣̇ассаяанд̇зсу б̣раахман̣зсу жа ‘‘ж̇аяа нанд̣̇аа’’д̇иаад̣̇иважанзхи суд̇аман̇г̇алигаад̣̇ийсу наанаббагаарзхи ман̇г̇алаважанад̇т̇уд̇игхосзхи самбхаавзнд̇зсу саб̣б̣аалан̇гаарасамалан̇гад̇ам̣ рат̇аварам̣ абхирухи. д̇асмим̣ самаяз – ‘‘раахуламаад̇аа буд̇д̇ам̣ виж̇аад̇аа’’д̇и суд̇ваа суд̣̇д̇ход̣̇анамахаарааж̇аа – ‘‘буд̇д̇асса мз д̇удтим̣ нивзд̣̇зт̇аа’’д̇и саасанам̣ бахин̣и. б̣од̇хисад̇д̇о д̇ам̣ суд̇ваа – ‘‘рааху ж̇аад̇о, б̣анд̇ханам̣ ж̇аад̇а’’нд̇и ааха. рааж̇аа – ‘‘гим̣ мз буд̇д̇о аважаа’’д̇и бужчид̇ваа д̇ам̣ важанам̣ суд̇ваа ‘‘ид̇о бадтааяа мз над̇д̇аа ‘раахулагумааро’д̇взва наамам̣ ход̇уу’’д̇и ааха.

    Tato bodhisatto pabbajjāya ruciṃ uppādetvā taṃdivasaṃ uyyānaṃ agamāsi. Dīghāyukā bodhisattā vassasate vassasate atikkante jiṇṇādīsu ekekaṃ addasaṃsu. Amhākaṃ pana bodhisatto appāyukakāle uppannattā catunnaṃ catunnaṃ māsānaṃ accayena uyyānaṃ gacchanto anukkamena ekekaṃ addasa. Dīghabhāṇakā panāhu – ‘‘cattāri nimittāni ekadivaseneva disvā agamāsī’’ti. Tattha divasabhāgaṃ kīḷitvā uyyānarasamanubhavitvā maṅgalapokkharaṇiyaṃ nhatvā atthaṅgate sūriye maṅgalasilātale nisīdi attānaṃ alaṅkārāpetukāmo. Athassa cittācāramaññāya sakkena devānamindena āṇatto vissakammo nāma devaputto āgantvā tasseva kappakasadiso hutvā dibbehi alaṅkārehi alaṅkari. Athassa sabbālaṅkārasamalaṅkatassa sabbatālāvacaresu sakāni sakāni paṭibhānāni dassayantesu brāhmaṇesu ca ‘‘jaya nandā’’tiādivacanehi sutamaṅgalikādīsu nānappakārehi maṅgalavacanatthutighosehi sambhāventesu sabbālaṅkārasamalaṅkataṃ rathavaraṃ abhiruhi. Tasmiṃ samaye – ‘‘rāhulamātā puttaṃ vijātā’’ti sutvā suddhodanamahārājā – ‘‘puttassa me tuṭṭhiṃ nivedethā’’ti sāsanaṃ pahiṇi. Bodhisatto taṃ sutvā – ‘‘rāhu jāto, bandhanaṃ jāta’’nti āha. Rājā – ‘‘kiṃ me putto avacā’’ti pucchitvā taṃ vacanaṃ sutvā ‘‘ito paṭṭhāya me nattā ‘rāhulakumāro’tveva nāmaṃ hotū’’ti āha.

    б̣од̇хисад̇д̇оби д̇ам̣ рат̇аварамааруяха махад̇аа бариваарзна ад̇иманорамзна сирисобхаг̇г̇зна наг̇арам̣ баависи. д̇асмим̣ самаяз руубасирияаа г̇ун̣асамбад̇д̇ияаа жа агисаа гисааг̇од̇амий наама кад̇д̇ияаган̃н̃аа убарибаасаад̣̇аварад̇алаг̇ад̇аа наг̇арам̣ бависанд̇асса б̣од̇хисад̇д̇асса руубасирим̣ д̣̇исваа сан̃ж̇аад̇абийд̇исоманассаа худ̇ваа –

    Bodhisattopi taṃ rathavaramāruyha mahatā parivārena atimanoramena sirisobhaggena nagaraṃ pāvisi. Tasmiṃ samaye rūpasiriyā guṇasampattiyā ca akisā kisāgotamī nāma khattiyakaññā uparipāsādavaratalagatā nagaraṃ pavisantassa bodhisattassa rūpasiriṃ disvā sañjātapītisomanassā hutvā –

    ‘‘ниб̣б̣уд̇аа нууна саа маад̇аа, ниб̣б̣уд̇о нууна со бид̇аа;

    ‘‘Nibbutā nūna sā mātā, nibbuto nūna so pitā;

    ниб̣б̣уд̇аа нууна саа наарий, яассааяам̣ ийд̣̇исо бад̇ий’’д̇и. (д̇ха. са. адта. нид̣̇аанагат̇аа; д̇ха. ба. адта. 1.саарибуд̇д̇ад̇т̇зравад̇т̇у; аба. адта. 1.авид̣̇уурзнид̣̇аанагат̇аа; ж̇аа. адта. 1.авид̣̇уурзнид̣̇аанагат̇аа) –

    Nibbutā nūna sā nārī, yassāyaṃ īdiso patī’’ti. (dha. sa. aṭṭha. nidānakathā; dha. pa. aṭṭha. 1.sāriputtattheravatthu; apa. aṭṭha. 1.avidūrenidānakathā; jā. aṭṭha. 1.avidūrenidānakathā) –

    имам̣ уд̣̇аанам̣ уд̣̇аанзси.

    Imaṃ udānaṃ udānesi.

    б̣од̇хисад̇д̇о д̇ам̣ суд̇ваа жинд̇зси – ‘‘аяам̣ мз суссаванам̣ важанам̣ саавзси, ахан̃хи ниб̣б̣аанам̣ г̇авзсанд̇о вижараами, аж̇ж̇зва маяаа гхарааваасам̣ чад̣д̣зд̇ваа нигкамма баб̣б̣аж̇ид̇ваа ниб̣б̣аанам̣ г̇авзсид̇ум̣ ваддад̇ий’’д̇и. ‘‘аяам̣ имиссаа аажарияабхааг̇о ход̇уу’’д̇и муд̇д̇аахаарам̣ ган̣тад̇о омун̃жид̇ваа гисааг̇од̇амияаа сад̇асахассаг̇гханигам̣ барамарад̇игарам̣ муд̇д̇аахаарам̣ бзсзси. саа ‘‘сид̣̇д̇хад̇т̇агумааро маяи бадиб̣ад̣̇д̇хахад̣̇аяо худ̇ваа бан̣н̣аагаарам̣ бзсзсий’’д̇и соманассаж̇аад̇аа ахоси.

    Bodhisatto taṃ sutvā cintesi – ‘‘ayaṃ me sussavanaṃ vacanaṃ sāvesi, ahañhi nibbānaṃ gavesanto vicarāmi, ajjeva mayā gharāvāsaṃ chaḍḍetvā nikkhamma pabbajitvā nibbānaṃ gavesituṃ vaṭṭatī’’ti. ‘‘Ayaṃ imissā ācariyabhāgo hotū’’ti muttāhāraṃ kaṇṭhato omuñcitvā kisāgotamiyā satasahassagghanikaṃ paramaratikaraṃ muttāhāraṃ pesesi. Sā ‘‘siddhatthakumāro mayi paṭibaddhahadayo hutvā paṇṇākāraṃ pesesī’’ti somanassajātā ahosi.

    б̣од̇хисад̇д̇оби махад̇аа сирисамуд̣̇аязна барамараман̣ийяам̣ баасаад̣̇ам̣ абхирухид̇ваа сирисаяанз нибаж̇ж̇и. д̇аавад̣̇зва нам̣ барибун̣н̣араж̇анигарасад̣̇исаружираваравад̣̇анаа б̣имб̣апаласад̣̇исад̣̇асанавасанаа сид̇авималасамасам̣хид̇аавирал̣аварад̣̇асанаа асид̇анаяанагзсабаасаа суж̇аад̇ан̃ж̇анаад̇инийлагудилабхамугаа суж̇аад̇ахам̣сасамасам̣хид̇абаяод̇хараа рад̇игаранаваганагараж̇ад̇авиражид̇авараман̣имзкалаа бариг̇ад̇авибулагханаж̇агханад̇адаа гаригарасаннибхоруяуг̇алаа нажжаг̇ийд̇аваад̣̇ид̇зсу гусалаа сураяувад̇исад̣̇исаруубасобхаа вараяувад̇ияо мад̇хурараваани д̇урияаани г̇ахзд̇ваа махаабурисам̣ самбариваарзд̇ваа рамаабаяанд̇ияо нажжаг̇ийд̇аваад̣̇ид̇аани баяож̇аяим̣су. б̣од̇хисад̇д̇о бана гилзсзсу вирад̇д̇ажид̇д̇ад̇ааяа нажжаг̇ийд̇аад̣̇ийсу анабхирад̇о мухуд̇д̇ам̣ нид̣̇д̣̇ам̣ оггами.

    Bodhisattopi mahatā sirisamudayena paramaramaṇīyaṃ pāsādaṃ abhiruhitvā sirisayane nipajji. Tāvadeva naṃ paripuṇṇarajanikarasadisaruciravaravadanā bimbaphalasadisadasanavasanā sitavimalasamasaṃhitāviraḷavaradasanā asitanayanakesapāsā sujātañjanātinīlakuṭilabhamukā sujātahaṃsasamasaṃhitapayodharā ratikaranavakanakarajataviracitavaramaṇimekhalā parigatavipulaghanajaghanataṭā karikarasannibhoruyugalā naccagītavāditesu kusalā surayuvatisadisarūpasobhā varayuvatiyo madhuraravāni turiyāni gahetvā mahāpurisaṃ samparivāretvā ramāpayantiyo naccagītavāditāni payojayiṃsu. Bodhisatto pana kilesesu virattacittatāya naccagītādīsu anabhirato muhuttaṃ niddaṃ okkami.

    д̇аа д̇ам̣ д̣̇исваа ‘‘яассад̇т̇ааяа нажжаад̣̇ийни маяам̣ баяож̇зма, со нид̣̇д̣̇ам̣ убаг̇ад̇о, ид̣̇аани гимад̇т̇ам̣ гиламаамаа’’д̇и г̇ахид̇аани д̇урияаани аж̇жход̇т̇арид̇ваа нибаж̇ж̇им̣су, г̇анд̇хад̇злаббад̣̇ийбаа жа жхааяанд̇и. б̣од̇хисад̇д̇о баб̣уж̇жхид̇ваа саяанабидтз баллан̇гзна нисинно ад̣̇д̣̇аса д̇аа ид̇т̇ияо д̇урияабхан̣д̣аани авад̇т̇арид̇ваа нид̣̇д̣̇ааяанд̇ияо баг̇гхарид̇алаалаа гилиннагаболаг̇ад̇д̇аа, згажжаа д̣̇анд̇з каад̣̇анд̇ияо, згажжаа гаагажчанд̇ияо, згажжаа виббалабанд̇ияо, згажжаа вивадамукаа, згажжаа абаг̇ад̇авасанарасанаа , баагадаб̣ийбхажчасамб̣аад̇хадтаанаа, згажжаа вимуд̇д̇аагуласирорухаа сусаанаруубаруубам̣ д̇хаараяамаанаа саяим̣су. махаасад̇д̇о д̇аасам̣ д̇ам̣ виббагаарам̣ д̣̇исваа бхияяосомад̇д̇ааяа гаамзсу вирад̇д̇ажид̇д̇о ахоси. д̇асса бана алан̇гад̇абадияад̇д̇ам̣ д̣̇асасад̇анаяанабхаванасад̣̇исам̣ ружирасобхамби баасаад̣̇аварад̇алам̣ абавид̣̇д̇хамад̇асарийрагун̣абабхарид̇ам̣ аамагасусаанамива барамабадиггуулам̣ убадтааси. д̇аяоби бхаваа аад̣̇ид̇д̇абхаванасад̣̇исаа худ̇ваа убадтахим̣су. ‘‘убад̣̇д̣̇уд̇ам̣ вад̇а, бхо, убассадтам̣ вад̇а бхо’’д̇и жа ваажам̣ бавад̇д̇зси. ад̇ивияа баб̣б̣аж̇ж̇ааяа жид̇д̇ам̣ нами.

    Tā taṃ disvā ‘‘yassatthāya naccādīni mayaṃ payojema, so niddaṃ upagato, idāni kimatthaṃ kilamāmā’’ti gahitāni turiyāni ajjhottharitvā nipajjiṃsu, gandhatelappadīpā ca jhāyanti. Bodhisatto pabujjhitvā sayanapiṭṭhe pallaṅkena nisinno addasa tā itthiyo turiyabhaṇḍāni avattharitvā niddāyantiyo paggharitalālā kilinnakapolagattā, ekaccā dante khādantiyo, ekaccā kākacchantiyo, ekaccā vippalapantiyo, ekaccā vivaṭamukhā, ekaccā apagatavasanarasanā , pākaṭabībhacchasambādhaṭṭhānā, ekaccā vimuttākulasiroruhā susānarūparūpaṃ dhārayamānā sayiṃsu. Mahāsatto tāsaṃ taṃ vippakāraṃ disvā bhiyyosomattāya kāmesu virattacitto ahosi. Tassa pana alaṅkatapaṭiyattaṃ dasasatanayanabhavanasadisaṃ rucirasobhampi pāsādavaratalaṃ apaviddhamatasarīrakuṇapabharitaṃ āmakasusānamiva paramapaṭikkūlaṃ upaṭṭhāsi. Tayopi bhavā ādittabhavanasadisā hutvā upaṭṭhahiṃsu. ‘‘Upaddutaṃ vata, bho, upassaṭṭhaṃ vata bho’’ti ca vācaṃ pavattesi. Ativiya pabbajjāya cittaṃ nami.

    со ‘‘аж̇ж̇зва маяаа махаабхинигкаманам̣ нигкамид̇ум̣ ваддад̇ий’’д̇и сирисаяанад̇о удтааяа д̣̇ваарасамийбам̣ г̇анд̇ваа – ‘‘го зд̇т̇аа’’д̇и ааха. уммаарз сийсам̣ гад̇ваа нибанно чанно ааха – ‘‘ахам̣, аяяабуд̇д̇а, чанно’’д̇и. ат̇а махаабурисо – ‘‘ахам̣ аж̇ж̇а махаабхинигкаманам̣ нигкамид̇угаамо, на ган̃жи бадивзд̣̇ид̇ваа сийгхамзгам̣ ад̇иж̇аяам̣ синд̇хавам̣ габбзхий’’д̇и. со ‘‘саад̇ху, д̣̇зваа’’д̇и ассабхан̣д̣агам̣ г̇ахзд̇ваа ассасаалам̣ г̇анд̇ваа г̇анд̇хад̇злаббад̣̇ийбзсу ж̇аланд̇зсу суманабаддавид̇аанасса хздтаа барамараман̣ийяз бхуумибхааг̇з тид̇ам̣ аримант̇агам̣ ган̣д̣агам̣ д̇уран̇г̇аварам̣ д̣̇исваа – ‘‘аж̇ж̇а маяаа аяяабуд̇д̇асса нигкаманад̇т̇ааяа имамзва ман̇г̇алахаяам̣ габбзд̇ум̣ ваддад̇ий’’д̇и ган̣д̣агам̣ габбзси. со габбияамаанова ан̃н̃ааси – ‘‘аяам̣ габбанаа ад̇иг̇аал̣хаа, ан̃н̃зсу д̣̇ивасзсу уяяаанагийл̣ам̣ г̇аманагаалз габбанаа вияа на ход̇и. ниссам̣саяам̣ аж̇ж̇зва аяяабуд̇д̇о махаабхинигкаманам̣ нигкамиссад̇ий’’д̇и. д̇ад̇о д̇удтамаанасо махаахасид̇ам̣ хаси. со наад̣̇о д̇ам̣ сагалагабилавад̇т̇убурам̣ уннаад̣̇ам̣ гарзяяа, д̣̇звад̇аа бана саннирумбхид̇ваа на гассажи сод̇ум̣ ад̣̇ам̣су.

    So ‘‘ajjeva mayā mahābhinikkhamanaṃ nikkhamituṃ vaṭṭatī’’ti sirisayanato uṭṭhāya dvārasamīpaṃ gantvā – ‘‘ko etthā’’ti āha. Ummāre sīsaṃ katvā nipanno channo āha – ‘‘ahaṃ, ayyaputta, channo’’ti. Atha mahāpuriso – ‘‘ahaṃ ajja mahābhinikkhamanaṃ nikkhamitukāmo, na kañci paṭiveditvā sīghamekaṃ atijayaṃ sindhavaṃ kappehī’’ti. So ‘‘sādhu, devā’’ti assabhaṇḍakaṃ gahetvā assasālaṃ gantvā gandhatelappadīpesu jalantesu sumanapaṭṭavitānassa heṭṭhā paramaramaṇīye bhūmibhāge ṭhitaṃ arimanthakaṃ kaṇḍakaṃ turaṅgavaraṃ disvā – ‘‘ajja mayā ayyaputtassa nikkhamanatthāya imameva maṅgalahayaṃ kappetuṃ vaṭṭatī’’ti kaṇḍakaṃ kappesi. So kappiyamānova aññāsi – ‘‘ayaṃ kappanā atigāḷhā, aññesu divasesu uyyānakīḷaṃ gamanakāle kappanā viya na hoti. Nissaṃsayaṃ ajjeva ayyaputto mahābhinikkhamanaṃ nikkhamissatī’’ti. Tato tuṭṭhamānaso mahāhasitaṃ hasi. So nādo taṃ sakalakapilavatthupuraṃ unnādaṃ kareyya, devatā pana sannirumbhitvā na kassaci sotuṃ adaṃsu.

    б̣од̇хисад̇д̇о ‘‘буд̇д̇ам̣ д̇аава бассиссаамий’’д̇и жинд̇зд̇ваа тид̇адтаанад̇о удтааяа раахуламаад̇уяаа васанадтаанам̣ г̇анд̇ваа г̇аб̣бхад̣̇ваарам̣ вивари. д̇асмим̣ кан̣з анд̇ог̇аб̣бхз г̇анд̇хад̇злаббад̣̇ийбо жхааяад̇и. раахуламаад̇аа суманамаллигаад̣̇ийнам̣ амб̣ан̣амад̇д̇зна ад̇д̇иббагин̣н̣з варасаяанз буд̇д̇асса мад̇т̇агз хад̇т̇ам̣ табзд̇ваа нид̣̇д̣̇ааяад̇и. б̣од̇хисад̇д̇о уммаарз баад̣̇ам̣ табзд̇ваа тид̇агова ологзд̇ваа – ‘‘сажаахам̣ д̣̇звияаа хад̇т̇ам̣ абанзд̇ваа мама буд̇д̇ам̣ г̇ан̣хиссаами, д̣̇звий баб̣уж̇жхиссад̇и, звам̣ мз абхинигкаманасса анд̇арааяо бхависсад̇и. б̣уд̣̇д̇хо худ̇ваава ааг̇анд̇ваа буд̇д̇ам̣ бассиссаамий’’д̇и жинд̇зд̇ваа баасаад̣̇ад̇алад̇о од̇арид̇ваа ассасса самийбам̣ г̇анд̇ваа звамааха – ‘‘д̇аад̇а ган̣д̣ага, д̇вам̣ аж̇ж̇а згарад̇д̇им̣ мам̣ д̇аараяа, ахам̣ д̇ам̣ ниссааяа б̣уд̣̇д̇хо худ̇ваа сад̣̇звагам̣ логам̣ д̇аарзссаамий’’д̇и. д̇ад̇о уллан̇гхид̇ваа ган̣д̣агасса бидтим̣ абхирухи. ган̣д̣аго г̇ийвад̇о бадтааяа ааяаамад̇о адтаарасахад̇т̇о ход̇и д̇ад̣̇ануруубзна уб̣б̣зд̇хзна саманнааг̇ад̇о руубаг̇г̇аж̇аваб̣аласамбанно саб̣б̣асзд̇о д̇ход̇асан̇касад̣̇исад̣̇ассанийяаван̣н̣о. д̇ад̇о б̣од̇хисад̇д̇о варад̇уран̇г̇абидтиг̇ад̇о чаннам̣ ассасса ваалад̇хим̣ г̇аахаабзд̇ваа ад̣дхарад̇д̇асамаяз наг̇арасса махаад̣̇ваарам̣ самбад̇д̇о.

    Bodhisatto ‘‘puttaṃ tāva passissāmī’’ti cintetvā ṭhitaṭṭhānato uṭṭhāya rāhulamātuyā vasanaṭṭhānaṃ gantvā gabbhadvāraṃ vivari. Tasmiṃ khaṇe antogabbhe gandhatelappadīpo jhāyati. Rāhulamātā sumanamallikādīnaṃ ambaṇamattena attippakiṇṇe varasayane puttassa matthake hatthaṃ ṭhapetvā niddāyati. Bodhisatto ummāre pādaṃ ṭhapetvā ṭhitakova oloketvā – ‘‘sacāhaṃ deviyā hatthaṃ apanetvā mama puttaṃ gaṇhissāmi, devī pabujjhissati, evaṃ me abhinikkhamanassa antarāyo bhavissati. Buddho hutvāva āgantvā puttaṃ passissāmī’’ti cintetvā pāsādatalato otaritvā assassa samīpaṃ gantvā evamāha – ‘‘tāta kaṇḍaka, tvaṃ ajja ekarattiṃ maṃ tāraya, ahaṃ taṃ nissāya buddho hutvā sadevakaṃ lokaṃ tāressāmī’’ti. Tato ullaṅghitvā kaṇḍakassa piṭṭhiṃ abhiruhi. Kaṇḍako gīvato paṭṭhāya āyāmato aṭṭhārasahattho hoti tadanurūpena ubbedhena samannāgato rūpaggajavabalasampanno sabbaseto dhotasaṅkhasadisadassanīyavaṇṇo. Tato bodhisatto varaturaṅgapiṭṭhigato channaṃ assassa vāladhiṃ gāhāpetvā aḍḍharattasamaye nagarassa mahādvāraṃ sampatto.

    д̇ад̣̇аа бана рааж̇аа буб̣б̣зва б̣од̇хисад̇д̇асса г̇аманабадисзд̇ханад̇т̇ааяа д̣̇вийсу д̣̇ваарагаваадзсу згзгам̣ бурисасахассзна виварид̇аб̣б̣ам̣ гаарзд̇ваа д̇ад̇т̇а б̣ахубурисз аарагкам̣ табзси. б̣од̇хисад̇д̇о гира бурисаг̇ан̣анааяа годисад̇асахассасса б̣алам̣ д̇хаарзси, хад̇т̇иг̇ан̣анааяа годисахассасса. д̇асмаа со жинд̇зси – ‘‘яад̣̇и д̣̇ваарам̣ на виварийяад̇и, аж̇ж̇а ган̣д̣агасса бидтз нисинно чаннам̣ ваалад̇хим̣ г̇аахаабзд̇ваа д̇зна сад̣̇д̇хим̣язва ган̣д̣агам̣ ууруухи ниббийл̣зд̇ваа адтаарасахад̇т̇ам̣ баагаарам̣ уббад̇ид̇ваа ад̇иггамзяяа’’нд̇и. чанно жинд̇зси – ‘‘сажз д̣̇ваарам̣ на уг̇гхаабаяад̇и, ахам̣ аяяабуд̇д̇ам̣ канд̇хз гад̇ваа ган̣д̣агам̣ д̣̇агкин̣ахад̇т̇зна баригкибанд̇о убагажчагз гад̇ваа уббад̇ид̇ваа баагаарам̣ ад̇иггамиссаамий’’д̇и. ган̣д̣аго жинд̇зси – ‘‘ахам̣ д̣̇ваарз авиварияамаанз яат̇аанисиннамзва аяяабуд̇д̇ам̣ г̇ахид̇аваалад̇хинаа чаннзна сад̣̇д̇хим̣ уббад̇ид̇ваа баагаарасса бурад̇о бад̇идтахиссаамий’’д̇и. звамзва д̇аяо бурисаа жинд̇аяим̣су. д̣̇ваарз ад̇хивад̇т̇аа д̣̇звад̇аа махаад̣̇ваарам̣ виварим̣су.

    Tadā pana rājā pubbeva bodhisattassa gamanapaṭisedhanatthāya dvīsu dvārakavāṭesu ekekaṃ purisasahassena vivaritabbaṃ kāretvā tattha bahupurise ārakkhaṃ ṭhapesi. Bodhisatto kira purisagaṇanāya koṭisatasahassassa balaṃ dhāresi, hatthigaṇanāya koṭisahassassa. Tasmā so cintesi – ‘‘yadi dvāraṃ na vivarīyati, ajja kaṇḍakassa piṭṭhe nisinno channaṃ vāladhiṃ gāhāpetvā tena saddhiṃyeva kaṇḍakaṃ ūrūhi nippīḷetvā aṭṭhārasahatthaṃ pākāraṃ uppatitvā atikkameyya’’nti. Channo cintesi – ‘‘sace dvāraṃ na ugghāpayati, ahaṃ ayyaputtaṃ khandhe katvā kaṇḍakaṃ dakkhiṇahatthena parikkhipanto upakacchake katvā uppatitvā pākāraṃ atikkamissāmī’’ti. Kaṇḍako cintesi – ‘‘ahaṃ dvāre avivariyamāne yathānisinnameva ayyaputtaṃ gahitavāladhinā channena saddhiṃ uppatitvā pākārassa purato patiṭṭhahissāmī’’ti. Evameva tayo purisā cintayiṃsu. Dvāre adhivatthā devatā mahādvāraṃ vivariṃsu.

    д̇асмим̣ кан̣з мааро баабимаа ‘‘махаасад̇д̇ам̣ нивад̇д̇зссаамий’’д̇и ааг̇анд̇ваа г̇аг̇анад̇алз тад̇ваа ааха –

    Tasmiṃ khaṇe māro pāpimā ‘‘mahāsattaṃ nivattessāmī’’ti āgantvā gaganatale ṭhatvā āha –

    ‘‘маа нигкама махаавийра, ид̇о д̇з сад̇д̇амз д̣̇инз;

    ‘‘Mā nikkhama mahāvīra, ito te sattame dine;

    д̣̇иб̣б̣ам̣ д̇у жаггарад̇анам̣, ад̣̇д̇хаа баад̇у бхависсад̇и. –

    Dibbaṃ tu cakkaratanaṃ, addhā pātu bhavissati. –

    д̣̇висахассабарид̇д̇ад̣̇ийбабариваараанам̣ жад̇уннам̣ махаад̣̇ийбаанам̣ раж̇ж̇ам̣ гаарзссаси, нивад̇д̇а, маарисаа’’д̇и. махаабурисо ааха ‘‘госи д̇ва’’нд̇и. ахам̣ васавад̇д̇ийд̇и.

    Dvisahassaparittadīpaparivārānaṃ catunnaṃ mahādīpānaṃ rajjaṃ kāressasi, nivatta, mārisā’’ti. Mahāpuriso āha ‘‘kosi tva’’nti. Ahaṃ vasavattīti.

    ‘‘ж̇аанаамахам̣ махаарааж̇а, маяхам̣ жаггасса самбхавам̣;

    ‘‘Jānāmahaṃ mahārāja, mayhaṃ cakkassa sambhavaṃ;

    анад̇т̇игохам̣ раж̇ж̇зна, г̇ажча д̇вам̣ маара маа ид̇ха.

    Anatthikohaṃ rajjena, gaccha tvaṃ māra mā idha.

    ‘‘сагалам̣ д̣̇асасахассамби, логад̇хаад̇умахам̣ бана;

    ‘‘Sakalaṃ dasasahassampi, lokadhātumahaṃ pana;

    уннаад̣̇зд̇ваа бхависсаами, б̣уд̣̇д̇хо логз винааяаго’’д̇и. –

    Unnādetvā bhavissāmi, buddho loke vināyako’’ti. –

    ааха. со д̇ад̇т̇званд̇арад̇хааяи.

    Āha. So tatthevantaradhāyi.

    махаасад̇д̇о згуунад̇д̇им̣савассагаалз хад̇т̇аг̇ад̇ам̣ жаггавад̇д̇ираж̇ж̇ам̣ кзл̣абин̣д̣ам̣ вияа анабзгко чад̣д̣зд̇ваа жаггавад̇д̇исириниваасабхууд̇аа рааж̇абхаванаа нигкамид̇ваа аасаал̣хибун̣н̣амааяа уд̇д̇араасаал̣ханагкад̇д̇з вад̇д̇амаанз наг̇арад̇о нигкамид̇ваа наг̇арам̣ абалогзд̇угаамо ахоси. вид̇аггасамананд̇арамзва жасса гулаалажаггам̣ вияа со бхуумиббад̣̇зсо баривад̇д̇и. яат̇аатид̇ова махаасад̇д̇о габилавад̇т̇убурам̣ д̣̇исваа д̇ассим̣ бхуумиббад̣̇зсз ган̣д̣аганивад̇д̇анам̣ наама жзд̇ияадтаанам̣ д̣̇ассзд̇ваа г̇анд̇аб̣б̣амаг̇аабхимукам̣язва ган̣д̣агам̣ гад̇ваа бааяааси махад̇аа саггаарзна ул̣аарзна сирисамуд̣̇аязна. д̇ад̣̇аа махаасад̇д̇з г̇ажчанд̇з д̇асса бурад̇о д̣̇звад̇аа садти уггаасад̇асахассаани д̇хаараяим̣су, д̇ат̇аа бажчад̇о садти д̣̇агкин̣ад̇о садти уггаасад̇асахассаани, д̇ат̇аа ваамабассад̇о. абараа д̣̇звад̇аа сурабхигусумамаалаад̣̇аамажанд̣̇анажун̣н̣ажаамарад̇хаж̇абадаагаахи саггаронд̇ияо бариваарзд̇ваа аг̇амам̣су. д̣̇иб̣б̣аани сан̇г̇ийд̇аани анзгаани жа д̇урияаани важ̇ж̇им̣су.

    Mahāsatto ekūnattiṃsavassakāle hatthagataṃ cakkavattirajjaṃ kheḷapiṇḍaṃ viya anapekkho chaḍḍetvā cakkavattisirinivāsabhūtā rājabhavanā nikkhamitvā āsāḷhipuṇṇamāya uttarāsāḷhanakkhatte vattamāne nagarato nikkhamitvā nagaraṃ apaloketukāmo ahosi. Vitakkasamanantarameva cassa kulālacakkaṃ viya so bhūmippadeso parivatti. Yathāṭhitova mahāsatto kapilavatthupuraṃ disvā tassiṃ bhūmippadese kaṇḍakanivattanaṃ nāma cetiyaṭṭhānaṃ dassetvā gantabbamagābhimukhaṃyeva kaṇḍakaṃ katvā pāyāsi mahatā sakkārena uḷārena sirisamudayena. Tadā mahāsatte gacchante tassa purato devatā saṭṭhi ukkāsatasahassāni dhārayiṃsu, tathā pacchato saṭṭhi dakkhiṇato saṭṭhi ukkāsatasahassāni, tathā vāmapassato. Aparā devatā surabhikusumamālādāmacandanacuṇṇacāmaradhajapaṭākāhi sakkarontiyo parivāretvā agamaṃsu. Dibbāni saṅgītāni anekāni ca turiyāni vajjiṃsu.

    иминаа сирисамуд̣̇аязна г̇ажчанд̇о б̣од̇хисад̇д̇о згарад̇д̇знзва д̇ийн̣и раж̇ж̇аани ад̇иггамма д̇им̣саяож̇анигам̣ маг̇г̇ам̣ г̇анд̇ваа аномаанад̣̇ийд̇ийрам̣ самбаабун̣и. ат̇а б̣од̇хисад̇д̇о над̣̇ийд̇ийрз тад̇ваа чаннам̣ бужчи – ‘‘гаа наамааяам̣ над̣̇ий’’д̇и? ‘‘аномаа наама, д̣̇зваа’’д̇и. ‘‘амхаагамби баб̣б̣аж̇ж̇аа аномаа бхависсад̇ий’’д̇и бан̣хияаа ассам̣ гхаддзнд̇о ассасса сан̃н̃ам̣ ад̣̇ааси. ассо уллан̇гхид̇ваа адтаусабхавид̇т̇аарааяа над̣̇ияаа бааримад̇ийрз адтааси. б̣од̇хисад̇д̇о ассабидтид̇о оруяха муд̇д̇араасисад̣̇исз ваалугаабулинз тад̇ваа чаннам̣ ааманд̇зси – ‘‘самма чанна, д̇вам̣ маяхам̣ аабхаран̣аани жзва ган̣д̣аган̃жа аад̣̇ааяа г̇ажча, ахам̣ баб̣б̣аж̇иссаамий’’д̇и. чанно, ‘‘ахамби, д̣̇зва, баб̣б̣аж̇иссаамий’’д̇и. б̣од̇хисад̇д̇о ааха – ‘‘на лаб̣бхаа д̇аяаа баб̣б̣аж̇ид̇ум̣, г̇ажчзва д̇ва’’нд̇и д̇игкад̇д̇ум̣ ниваарзд̇ваа аабхаран̣аани жзва ган̣д̣аган̃жа бадижчаабзд̇ваа жинд̇зси – ‘‘имз маяхам̣ гзсаа саман̣асааруббаа на хонд̇и, д̇з каг̇г̇зна чинд̣̇иссаамий’’д̇и д̣̇агкин̣зна хад̇т̇зна бараманисид̇амасиварам̣ г̇ахзд̇ваа ваамахад̇т̇зна мол̣ияаа сад̣̇д̇хим̣ жуул̣ам̣ г̇ахзд̇ваа чинд̣̇и, гзсаа д̣̇ван̇г̇уламад̇д̇аа худ̇ваа д̣̇агкин̣ад̇о ааваддамаанаа сийсз аллийяим̣су. д̇зсам̣ бана гзсаанам̣ яааваж̇ийвам̣ д̇ад̣̇зва бамаан̣ам̣ ахоси, массу жа д̇ад̣̇ануруубам̣, буна гзсамассуохааран̣агижжамбисса наахоси. б̣од̇хисад̇д̇о саха мол̣ияаа жуул̣ам̣ г̇ахзд̇ваа – ‘‘сажаахам̣ б̣уд̣̇д̇хо бхависсаами, аагаасз д̇идтад̇у, но жз, бхуумияам̣ бад̇ад̇уу’’д̇и аагаасз киби. д̇ам̣ жуул̣ааман̣иб̣анд̇ханам̣ яож̇анаббамаан̣ам̣ таанам̣ г̇анд̇ваа аагаасз адтааси.

    Iminā sirisamudayena gacchanto bodhisatto ekaratteneva tīṇi rajjāni atikkamma tiṃsayojanikaṃ maggaṃ gantvā anomānadītīraṃ sampāpuṇi. Atha bodhisatto nadītīre ṭhatvā channaṃ pucchi – ‘‘kā nāmāyaṃ nadī’’ti? ‘‘Anomā nāma, devā’’ti. ‘‘Amhākampi pabbajjā anomā bhavissatī’’ti paṇhiyā assaṃ ghaṭṭento assassa saññaṃ adāsi. Asso ullaṅghitvā aṭṭhausabhavitthārāya nadiyā pārimatīre aṭṭhāsi. Bodhisatto assapiṭṭhito oruyha muttarāsisadise vālukāpuline ṭhatvā channaṃ āmantesi – ‘‘samma channa, tvaṃ mayhaṃ ābharaṇāni ceva kaṇḍakañca ādāya gaccha, ahaṃ pabbajissāmī’’ti. Channo, ‘‘ahampi, deva, pabbajissāmī’’ti. Bodhisatto āha – ‘‘na labbhā tayā pabbajituṃ, gaccheva tva’’nti tikkhattuṃ nivāretvā ābharaṇāni ceva kaṇḍakañca paṭicchāpetvā cintesi – ‘‘ime mayhaṃ kesā samaṇasāruppā na honti, te khaggena chindissāmī’’ti dakkhiṇena hatthena paramanisitamasivaraṃ gahetvā vāmahatthena moḷiyā saddhiṃ cūḷaṃ gahetvā chindi, kesā dvaṅgulamattā hutvā dakkhiṇato āvaṭṭamānā sīse allīyiṃsu. Tesaṃ pana kesānaṃ yāvajīvaṃ tadeva pamāṇaṃ ahosi, massu ca tadanurūpaṃ, puna kesamassuohāraṇakiccampissa nāhosi. Bodhisatto saha moḷiyā cūḷaṃ gahetvā – ‘‘sacāhaṃ buddho bhavissāmi, ākāse tiṭṭhatu, no ce, bhūmiyaṃ patatū’’ti ākāse khipi. Taṃ cūḷāmaṇibandhanaṃ yojanappamāṇaṃ ṭhānaṃ gantvā ākāse aṭṭhāsi.

    ат̇а сагго д̣̇зварааж̇аа д̣̇иб̣б̣зна жагкунаа ологзнд̇о яож̇анигзна рад̇анажан̇годагзна д̇ам̣ бадиг̇г̇ахзд̇ваа д̇аавад̇им̣сабхаванз д̇ияож̇анам̣ сад̇д̇арад̇анамаяам̣ жуул̣ааман̣ижзд̇ияам̣ наама бад̇идтаабзси. яат̇ааха –

    Atha sakko devarājā dibbena cakkhunā olokento yojanikena ratanacaṅkoṭakena taṃ paṭiggahetvā tāvatiṃsabhavane tiyojanaṃ sattaratanamayaṃ cūḷāmaṇicetiyaṃ nāma patiṭṭhāpesi. Yathāha –

    ‘‘чзд̇ваана мол̣им̣ вараг̇анд̇хаваасид̇ам̣, взхааяасам̣ угкиби аг̇г̇абуг̇г̇ало;

    ‘‘Chetvāna moḷiṃ varagandhavāsitaṃ, vehāyasaṃ ukkhipi aggapuggalo;

    сахассанзд̇д̇о сирасаа бадиг̇г̇ахи, суван̣н̣ажан̇годаварзна ваасаво’’д̇и. (ма. ни. адта. 1.222; сам̣. ни. адта. 2.2.12; аба. адта. 1.авид̣̇уурзнид̣̇аанагат̇аа; ж̇аа. адта. 1.авид̣̇уурзнид̣̇аанагат̇аа);

    Sahassanetto sirasā paṭiggahi, suvaṇṇacaṅkoṭavarena vāsavo’’ti. (ma. ni. aṭṭha. 1.222; saṃ. ni. aṭṭha. 2.2.12; apa. aṭṭha. 1.avidūrenidānakathā; jā. aṭṭha. 1.avidūrenidānakathā);

    буна б̣од̇хисад̇д̇о жинд̇зси – ‘‘имаани гаасигавад̇т̇аани махаг̇гхаани, на маяхам̣ саман̣асааруббааний’’д̇и. ат̇асса гассабаб̣уд̣̇д̇хагаалз бураан̣асахааяаго гхадигаарамахааб̣рахмаа згам̣ б̣уд̣̇д̇ханд̇арам̣ винаасабхаавааббад̇д̇зна мид̇д̇абхаавзна жинд̇зси – ‘‘аж̇ж̇а мз сахааяаго махаабхинигкаманам̣ нигканд̇о, саман̣абаригкаарамасса г̇ахзд̇ваа г̇ажчиссаамий’’д̇и.

    Puna bodhisatto cintesi – ‘‘imāni kāsikavatthāni mahagghāni, na mayhaṃ samaṇasāruppānī’’ti. Athassa kassapabuddhakāle purāṇasahāyako ghaṭikāramahābrahmā ekaṃ buddhantaraṃ vināsabhāvāppattena mittabhāvena cintesi – ‘‘ajja me sahāyako mahābhinikkhamanaṃ nikkhanto, samaṇaparikkhāramassa gahetvā gacchissāmī’’ti.

    ‘‘д̇ижийваран̃жа бад̇д̇о жа, вааси суужи жа б̣анд̇ханам̣;

    ‘‘Ticīvarañca patto ca, vāsi sūci ca bandhanaṃ;

    бариссааванан̃жа адтзд̇з, яуд̇д̇аяог̇асса бхигкуно’’д̇и. (д̣̇ий. ни. адта. 1.215; ма. ни. адта. 1.294; 2.349; а. ни. адта. 2.4.198; баараа. адта. 1.45 бад̣̇абхааж̇анийяаван̣н̣анаа; аба. адта. 1.авид̣̇уурзнид̣̇аанагат̇аа; ж̇аа. адта. 1.авид̣̇уурзнид̣̇аанагат̇аа; махаани. адта. 206) –

    Parissāvanañca aṭṭhete, yuttayogassa bhikkhuno’’ti. (dī. ni. aṭṭha. 1.215; ma. ni. aṭṭha. 1.294; 2.349; a. ni. aṭṭha. 2.4.198; pārā. aṭṭha. 1.45 padabhājanīyavaṇṇanā; apa. aṭṭha. 1.avidūrenidānakathā; jā. aṭṭha. 1.avidūrenidānakathā; mahāni. aṭṭha. 206) –

    имз адта саман̣абаригкаарз аахарид̇ваа ад̣̇ааси. махаабурисо арахад̣̇д̇хаж̇ам̣ ниваасзд̇ваа уд̇д̇амам̣ баб̣б̣аж̇ж̇аавзсам̣ г̇ахзд̇ваа саадагаяуг̇алам̣ аагаасз киби. д̇ам̣ махааб̣рахмаа бадиг̇г̇ахзд̇ваа б̣рахмалогз д̣̇ваад̣̇асаяож̇анигам̣ саб̣б̣арад̇анамаяам̣ жзд̇ияам̣ гад̇ваа д̇ам̣ анд̇о багкибид̇ваа табзси. ат̇а нам̣ махаасад̇д̇о – ‘‘чанна, мама важанзна маад̇аабид̇уунам̣ аарог̇яам̣ вад̣̇зхий’’д̇и вад̇ваа уяяож̇зси. д̇ад̇о чанно махаабурисам̣ ванд̣̇ид̇ваа бад̣̇агкин̣ам̣ гад̇ваа баггаами. ган̣д̣аго бана чаннзна сад̣̇д̇хим̣ манд̇аяамаанасса б̣од̇хисад̇д̇асса важанам̣ сун̣анд̇о тад̇ваа – ‘‘над̇т̇и д̣̇аани маяхам̣ буна саамино д̣̇ассана’’нд̇и жагкубат̇амасса виж̇аханд̇о вияог̇ад̣̇угкамад̇хиваасзд̇ум̣ асаггонд̇о хад̣̇аязна палид̇зна гаалам̣ гад̇ваа сурарибуд̣̇урабхибхаванз д̇аавад̇им̣сабхаванз ган̣д̣аго наама д̣̇звабуд̇д̇о худ̇ваа ниб̣б̣ад̇д̇и. д̇асса уббад̇д̇и вималад̇т̇авилаасинияаа вимаанавад̇т̇удтагат̇ааяа г̇ахзд̇аб̣б̣аа. чаннасса батамам̣ згова сого ахоси. со ган̣д̣агасса гаалагирияааяа д̣̇уд̇иязна согзна бийл̣ияамаано род̣̇анд̇о барид̣̇званд̇о д̣̇угкзна аг̇амааси.

    Ime aṭṭha samaṇaparikkhāre āharitvā adāsi. Mahāpuriso arahaddhajaṃ nivāsetvā uttamaṃ pabbajjāvesaṃ gahetvā sāṭakayugalaṃ ākāse khipi. Taṃ mahābrahmā paṭiggahetvā brahmaloke dvādasayojanikaṃ sabbaratanamayaṃ cetiyaṃ katvā taṃ anto pakkhipitvā ṭhapesi. Atha naṃ mahāsatto – ‘‘channa, mama vacanena mātāpitūnaṃ ārogyaṃ vadehī’’ti vatvā uyyojesi. Tato channo mahāpurisaṃ vanditvā padakkhiṇaṃ katvā pakkāmi. Kaṇḍako pana channena saddhiṃ mantayamānassa bodhisattassa vacanaṃ suṇanto ṭhatvā – ‘‘natthi dāni mayhaṃ puna sāmino dassana’’nti cakkhupathamassa vijahanto viyogadukkhamadhivāsetuṃ asakkonto hadayena phalitena kālaṃ katvā suraripudurabhibhavane tāvatiṃsabhavane kaṇḍako nāma devaputto hutvā nibbatti. Tassa uppatti vimalatthavilāsiniyā vimānavatthuṭṭhakathāya gahetabbā. Channassa paṭhamaṃ ekova soko ahosi. So kaṇḍakassa kālakiriyāya dutiyena sokena pīḷiyamāno rodanto paridevanto dukkhena agamāsi.

    б̣од̇хисад̇д̇оби баб̣б̣аж̇ид̇ваа д̇асмим̣язва бад̣̇зсз анубияам̣ наама амб̣аванам̣ ад̇т̇и, д̇ад̇т̇зва сад̇д̇аахам̣ баб̣б̣аж̇ж̇аасукзна вийд̇инаамзд̇ваа д̇ад̇о бажчаа сан̃жхааббабхаануран̃ж̇ид̇асалилад̇харасам̣вуд̇о сарад̣̇асамаяз барибун̣н̣араж̇анигаро вияа гаасаававарасам̣вуд̇о згагоби анзгаж̇анабаривуд̇о вияа вирожамаано д̇ам̣ ванаваасимиг̇абагкийнам̣ наяанаамад̇абаанамива гаронд̇о згажаро сийхо вияа нарасийхо мад̇д̇амаад̇ан̇г̇авилаасаг̇аамий самассаасзнд̇о вияа васунд̇харам̣ баад̣̇ад̇алзхи згад̣̇ивасзнзва д̇им̣саяож̇анигам̣ маг̇г̇ам̣ г̇анд̇ваа уд̇д̇ун̇г̇ад̇аран̇г̇абхан̇г̇ам̣ асан̇г̇ам̣ г̇ан̇г̇ам̣ над̣̇им̣ уд̇д̇арид̇ваа рад̇анаж̇уд̇ивисаравирааж̇ид̇авараружирарааж̇аг̇ахам̣ рааж̇аг̇ахам̣ наама наг̇арам̣ баависи. бависид̇ваа жа бана сабад̣̇аанам̣ бин̣д̣ааяа жари. сагалам̣ бана д̇ам̣ наг̇арам̣ б̣од̇хисад̇д̇асса руубад̣̇ассанзна д̇ханабаалагз бавидтз д̇ам̣ наг̇арам̣ вияа асуринд̣̇з бавидтз д̣̇званаг̇арам̣ вияа сан̇кобхамаг̇амааси. бин̣д̣ааяа жаранд̇з махаабурисз наг̇араваасино мануссаа махаасад̇д̇асса руубад̣̇ассанзна сан̃ж̇аад̇абийд̇исоманассаа ж̇аад̇авимхид̇аа б̣од̇хисад̇д̇асса руубад̣̇ассанааваж̇ж̇ид̇ахад̣̇аяаа ахзсум̣.

    Bodhisattopi pabbajitvā tasmiṃyeva padese anupiyaṃ nāma ambavanaṃ atthi, tattheva sattāhaṃ pabbajjāsukhena vītināmetvā tato pacchā sañjhāppabhānurañjitasaliladharasaṃvuto saradasamaye paripuṇṇarajanikaro viya kāsāvavarasaṃvuto ekakopi anekajanaparivuto viya virocamāno taṃ vanavāsimigapakkhīnaṃ nayanāmatapānamiva karonto ekacaro sīho viya narasīho mattamātaṅgavilāsagāmī samassāsento viya vasundharaṃ pādatalehi ekadivaseneva tiṃsayojanikaṃ maggaṃ gantvā uttuṅgataraṅgabhaṅgaṃ asaṅgaṃ gaṅgaṃ nadiṃ uttaritvā ratanajutivisaravirājitavararucirarājagahaṃ rājagahaṃ nāma nagaraṃ pāvisi. Pavisitvā ca pana sapadānaṃ piṇḍāya cari. Sakalaṃ pana taṃ nagaraṃ bodhisattassa rūpadassanena dhanapālake paviṭṭhe taṃ nagaraṃ viya asurinde paviṭṭhe devanagaraṃ viya saṅkhobhamagamāsi. Piṇḍāya carante mahāpurise nagaravāsino manussā mahāsattassa rūpadassanena sañjātapītisomanassā jātavimhitā bodhisattassa rūpadassanāvajjitahadayā ahesuṃ.

    д̇зсам̣ мануссаанам̣ ан̃н̃ад̇аро ан̃н̃ад̇арамзвамааха – ‘‘гинну яам̣, бхо, раахубхаязна ниг̇уул̣хагиран̣аж̇аало бун̣н̣ажанд̣̇о мануссалогамааг̇ад̇о’’д̇и. д̇аман̃н̃о сид̇ам̣ гад̇ваа звамааха – ‘‘гим̣ гат̇зси, самма, гад̣̇аа наама д̇аяаа бун̣н̣ажанд̣̇о мануссалогамааг̇ад̇о д̣̇идтабуб̣б̣о, нану зса гусумагзд̇угаамад̣̇зво взсанд̇арамаад̣̇ааяа амхаагам̣ махаарааж̇асса нааг̇араанан̃жа барамалийл̣аавибхууд̇им̣ д̣̇исваа гийл̣ид̇умааг̇ад̇о’’д̇и. д̇аман̃н̃о сид̇ам̣ гад̇ваа звамааха – ‘‘гим̣, бхо, д̇вам̣ уммад̇д̇оси, нану гаамо иссарагод̇хахуд̇аасанабарид̣̇ад̣дхасарийро сурабад̇ид̣̇асасад̇анаяано зсо амарабурасан̃н̃ааяа ид̇хааг̇ад̇о’’д̇и! д̇аман̃н̃о ийсагам̣ хасид̇ваа – ‘‘гим̣ вад̣̇зси, бхо, д̇з буб̣б̣аабаравирод̇хам̣, гуд̇о банасса д̣̇асасад̇анаяанаани, гуд̇о важ̇ирам̣, гуд̇о зрааван̣о. ад̣̇д̇хаа б̣рахмаа зса б̣раахман̣аж̇анам̣ бамад̇д̇ам̣ н̃ад̇ваа взд̣̇авзд̣̇ан̇г̇аад̣̇ийсу нияож̇анад̇т̇ааяа ааг̇ад̇о’’д̇и. д̇з саб̣б̣зби абасаад̣̇зд̇ваа ан̃н̃о бан̣д̣ид̇аж̇аад̇иго звамааха – ‘‘нзвааяам̣ бун̣н̣ажанд̣̇о , на жа гаамад̣̇зво, нааби д̣̇асасад̇анаяано, на жааби б̣рахмаа, саб̣б̣алоганааяаго сад̇т̇аа зса ажчарияамануссо’’д̇и.

    Tesaṃ manussānaṃ aññataro aññataramevamāha – ‘‘kinnu yaṃ, bho, rāhubhayena nigūḷhakiraṇajālo puṇṇacando manussalokamāgato’’ti. Tamañño sitaṃ katvā evamāha – ‘‘kiṃ kathesi, samma, kadā nāma tayā puṇṇacando manussalokamāgato diṭṭhapubbo, nanu esa kusumaketukāmadevo vesantaramādāya amhākaṃ mahārājassa nāgarānañca paramalīḷāvibhūtiṃ disvā kīḷitumāgato’’ti. Tamañño sitaṃ katvā evamāha – ‘‘kiṃ, bho, tvaṃ ummattosi, nanu kāmo issarakodhahutāsanaparidaḍḍhasarīro surapatidasasatanayano eso amarapurasaññāya idhāgato’’ti! Tamañño īsakaṃ hasitvā – ‘‘kiṃ vadesi, bho, te pubbāparavirodhaṃ, kuto panassa dasasatanayanāni, kuto vajiraṃ, kuto erāvaṇo. Addhā brahmā esa brāhmaṇajanaṃ pamattaṃ ñatvā vedavedaṅgādīsu niyojanatthāya āgato’’ti. Te sabbepi apasādetvā añño paṇḍitajātiko evamāha – ‘‘nevāyaṃ puṇṇacando , na ca kāmadevo, nāpi dasasatanayano, na cāpi brahmā, sabbalokanāyako satthā esa acchariyamanusso’’ti.

    звам̣ саллабанд̇зсу зва нааг̇арзсу рааж̇абурисаа г̇анд̇ваа д̇ам̣ бавад̇д̇им̣ ран̃н̃о б̣имб̣исаарасса аарожзсум̣ – ‘‘д̣̇зва, д̣̇зво ваа г̇анд̇хаб̣б̣о ваа уд̣̇ааху нааг̇арааж̇аа ваа яагко ваа го ну ваа амхаагам̣ наг̇арз бин̣д̣ааяа жарад̇ий’’д̇и. рааж̇аа д̇ам̣ суд̇ваа убарибаасаад̣̇ад̇алз тад̇ваа махаабурисам̣ д̣̇исваа ажчарияаб̣бхуд̇ажид̇д̇аж̇аад̇о рааж̇абурисз аан̣аабзси – ‘‘г̇ажчат̇а, бхан̣з, д̇ам̣ виймам̣сат̇а, сажз амануссо бхависсад̇и, наг̇араа нигкамид̇ваа анд̇арад̇хааяиссад̇и, сажз д̣̇звад̇аа бхависсад̇и, аагаасзна г̇амиссад̇и, сажз нааг̇арааж̇аа бхависсад̇и, бат̇авияам̣ нимуж̇ж̇ид̇ваа г̇амиссад̇и, сажз мануссо бхависсад̇и, яат̇аалад̣̇д̇хам̣ бхигкам̣ барибхун̃ж̇иссад̇ий’’д̇и.

    Evaṃ sallapantesu eva nāgaresu rājapurisā gantvā taṃ pavattiṃ rañño bimbisārassa ārocesuṃ – ‘‘deva, devo vā gandhabbo vā udāhu nāgarājā vā yakkho vā ko nu vā amhākaṃ nagare piṇḍāya caratī’’ti. Rājā taṃ sutvā uparipāsādatale ṭhatvā mahāpurisaṃ disvā acchariyabbhutacittajāto rājapurise āṇāpesi – ‘‘gacchatha, bhaṇe, taṃ vīmaṃsatha, sace amanusso bhavissati, nagarā nikkhamitvā antaradhāyissati, sace devatā bhavissati, ākāsena gamissati, sace nāgarājā bhavissati, pathaviyaṃ nimujjitvā gamissati, sace manusso bhavissati, yathāladdhaṃ bhikkhaṃ paribhuñjissatī’’ti.

    махаабурисоби санд̇инд̣̇рияо санд̇амаанасо руубасобхааяа махааж̇анасса наяанаани аагад̣дхзнд̇о вияа яуг̇амад̇д̇ам̣ бзгкамаано миссагабхад̇д̇ам̣ яаабанамад̇д̇ам̣ сам̣харид̇ваа бавидтад̣̇ваарзнзва наг̇араа нигкамид̇ваа бан̣д̣авабаб̣б̣ад̇ажчааяааяа бурад̇т̇аабхимуко нисийд̣̇ид̇ваа аахаарам̣ бажжавзгкид̇ваа ниб̣б̣игааро барибхун̃ж̇и. д̇ад̇о рааж̇абурисаа г̇анд̇ваа д̇ам̣ бавад̇д̇им̣ ран̃н̃о аарожзсум̣. д̇ад̇о д̣̇ууд̇аважанам̣ суд̇ваа маг̇ад̇хаад̇хибад̇и рааж̇аа б̣аалаж̇анзхи д̣̇уранусааро мзруманд̣̇аарасааро сад̇д̇асааро б̣имб̣исааро б̣од̇хисад̇д̇асса г̇ун̣ассаванзнзва сан̃ж̇аад̇ад̣̇ассанагуд̇уухало взг̇зна наг̇арад̇о нигкамид̇ваа бан̣д̣авабаб̣б̣ад̇аабхимуко г̇анд̇ваа яаанаа оруяха б̣од̇хисад̇д̇асса санд̇игам̣ г̇анд̇ваа д̇зна гад̇аанун̃н̃о б̣анд̇хуж̇анасинзхасийд̇алз силаад̇алз нисийд̣̇ид̇ваа б̣од̇хисад̇д̇асса ирияаабат̇з басийд̣̇ид̇ваа гад̇абадисант̇ааро наамаг̇од̇д̇аад̣̇ийни бужчид̇ваа б̣од̇хисад̇д̇асса саб̣б̣ам̣ иссарияам̣ нияяаад̇зси. б̣од̇хисад̇д̇о – ‘‘маяхам̣, махаарааж̇а, вад̇т̇угаамзхи ваа гилзсагаамзхи ваа ад̇т̇о над̇т̇и. ахан̃хи барамаабхисамб̣од̇хим̣ бад̇т̇аяанд̇о нигканд̇о’’д̇и ааха. рааж̇аа анзгаббагаарзна яаажанд̇оби д̇асса жид̇д̇ам̣ алабхид̇ваа – ‘‘ад̣̇д̇хаа б̣уд̣̇д̇хо бхависсад̇и, б̣уд̣̇д̇хабхууд̇зна бана д̇аяаа батамам̣ мама виж̇ид̇ам̣ ааг̇анд̇аб̣б̣а’’нд̇и вад̇ваа наг̇арам̣ бавидто.

    Mahāpurisopi santindriyo santamānaso rūpasobhāya mahājanassa nayanāni ākaḍḍhento viya yugamattaṃ pekkhamāno missakabhattaṃ yāpanamattaṃ saṃharitvā paviṭṭhadvāreneva nagarā nikkhamitvā paṇḍavapabbatacchāyāya puratthābhimukho nisīditvā āhāraṃ paccavekkhitvā nibbikāro paribhuñji. Tato rājapurisā gantvā taṃ pavattiṃ rañño ārocesuṃ. Tato dūtavacanaṃ sutvā magadhādhipati rājā bālajanehi duranusāro merumandārasāro sattasāro bimbisāro bodhisattassa guṇassavaneneva sañjātadassanakutūhalo vegena nagarato nikkhamitvā paṇḍavapabbatābhimukho gantvā yānā oruyha bodhisattassa santikaṃ gantvā tena katānuñño bandhujanasinehasītale silātale nisīditvā bodhisattassa iriyāpathe pasīditvā katapaṭisanthāro nāmagottādīni pucchitvā bodhisattassa sabbaṃ issariyaṃ niyyātesi. Bodhisatto – ‘‘mayhaṃ, mahārāja, vatthukāmehi vā kilesakāmehi vā attho natthi. Ahañhi paramābhisambodhiṃ patthayanto nikkhanto’’ti āha. Rājā anekappakārena yācantopi tassa cittaṃ alabhitvā – ‘‘addhā buddho bhavissati, buddhabhūtena pana tayā paṭhamaṃ mama vijitaṃ āgantabba’’nti vatvā nagaraṃ paviṭṭho.

    ‘‘ат̇а рааж̇аг̇ахам̣ варарааж̇аг̇ахам̣, нарарааж̇аварз наг̇арам̣ д̇у г̇ад̇з;

    ‘‘Atha rājagahaṃ vararājagahaṃ, nararājavare nagaraṃ tu gate;

    г̇ирирааж̇аваро мунирааж̇аваро, миг̇арааж̇аг̇ад̇о суг̇ад̇оби г̇ад̇о’’.

    Girirājavaro munirājavaro, migarājagato sugatopi gato’’.

    ат̇а б̣од̇хисад̇д̇о анубуб̣б̣зна жааригам̣ жарамаано аал̣ааран̃жа гаалаамам̣ уд̣̇аган̃жа раамабуд̇д̇ам̣ убасан̇гамид̇ваа адта самаабад̇д̇ияо ниб̣б̣ад̇д̇зд̇ваа – ‘‘нааяам̣ маг̇г̇о б̣од̇хияаа’’д̇и д̇ам̣ самаабад̇д̇ибхааванам̣ аналан̇гарид̇ваа махаабад̇хаанам̣ бад̣̇ахид̇угаамо урувзлам̣ г̇анд̇ваа – ‘‘раман̣ийяо вад̇ааяам̣ бхуумибхааг̇о’’д̇и д̇ад̇т̇зва ваасам̣ убаг̇анд̇ваа махаабад̇хаанам̣ бад̣̇ахи. лагкан̣абариг̇г̇аахагаб̣раахман̣аанам̣ жад̇д̇ааро буд̇д̇аа гон̣д̣ан̃н̃о б̣раахман̣о жаад̇и имз бан̃жа ж̇анаа батамам̣язва баб̣б̣аж̇ид̇аа г̇ааманиг̇амарааж̇ад̇хаанийсу бхигкаажарияам̣ жаранд̇аа д̇ад̇т̇а б̣од̇хисад̇д̇ам̣ самбаабун̣им̣су. ат̇а нам̣ чаб̣б̣ассаани махаабад̇хаанам̣ бад̣̇аханд̇ам̣ – ‘‘ид̣̇аани б̣уд̣̇д̇хо бхависсад̇и, ид̣̇аани б̣уд̣̇д̇хо бхависсад̇ий’’д̇и баривзн̣асаммаж̇ж̇анаад̣̇игааяа вад̇д̇абадибад̇д̇ияаа убадтахамаанаа санд̇игааважараавасса ахзсум̣. б̣од̇хисад̇д̇оби – ‘‘годиббад̇д̇ам̣ д̣̇уггарам̣ гариссаамий’’д̇и згад̇илад̇ан̣д̣улаад̣̇ийхи вийд̇инаамзси. саб̣б̣асоби аахаарубажчзд̣̇ам̣ агааси. д̣̇звад̇ааби ломагуубзхи д̣̇иб̣б̣ож̇ам̣ убахаараяамаанаа багкибим̣су.

    Atha bodhisatto anupubbena cārikaṃ caramāno āḷārañca kālāmaṃ udakañca rāmaputtaṃ upasaṅkamitvā aṭṭha samāpattiyo nibbattetvā – ‘‘nāyaṃ maggo bodhiyā’’ti taṃ samāpattibhāvanaṃ analaṅkaritvā mahāpadhānaṃ padahitukāmo uruvelaṃ gantvā – ‘‘ramaṇīyo vatāyaṃ bhūmibhāgo’’ti tattheva vāsaṃ upagantvā mahāpadhānaṃ padahi. Lakkhaṇapariggāhakabrāhmaṇānaṃ cattāro puttā koṇḍañño brāhmaṇo cāti ime pañca janā paṭhamaṃyeva pabbajitā gāmanigamarājadhānīsu bhikkhācariyaṃ carantā tattha bodhisattaṃ sampāpuṇiṃsu. Atha naṃ chabbassāni mahāpadhānaṃ padahantaṃ – ‘‘idāni buddho bhavissati, idāni buddho bhavissatī’’ti pariveṇasammajjanādikāya vattapaṭipattiyā upaṭṭhahamānā santikāvacarāvassa ahesuṃ. Bodhisattopi – ‘‘koṭippattaṃ dukkaraṃ karissāmī’’ti ekatilataṇḍulādīhi vītināmesi. Sabbasopi āhārupacchedaṃ akāsi. Devatāpi lomakūpehi dibbojaṃ upahārayamānā pakkhipiṃsu.

    ат̇асса д̇ааяа нираахаарад̇ааяа барамагисабхааваббад̇д̇агааяасса суван̣н̣аван̣н̣о гааяо гаал̣аван̣н̣о ахоси, д̣̇вад̇д̇им̣самахаабурисалагкан̣аани бадижчаннаани ахзсум̣. ат̇а б̣од̇хисад̇д̇о д̣̇уггарагааригааяа анд̇ам̣ г̇анд̇ваа – ‘‘нааяам̣ маг̇г̇о б̣од̇хияаа’’д̇и ол̣ааригам̣ аахаарам̣ аахаарзд̇ум̣ г̇ааманиг̇амзсу бин̣д̣ааяа жарид̇ваа аахаарам̣ аахари. ат̇асса д̣̇вад̇д̇им̣самахаабурисалагкан̣аани баагад̇игаани ахзсум̣, гааяо суван̣н̣аван̣н̣о ахоси. ат̇а бан̃жаваг̇г̇ияаа бхигкуу д̇ам̣ д̣̇исваа – ‘‘аяам̣ чаб̣б̣ассаани д̣̇уггарагааригам̣ гаронд̇оби саб̣б̣ан̃н̃уд̇ам̣ бадивиж̇жхид̇ум̣ наасагки, ид̣̇аани г̇ааманиг̇амарааж̇ад̇хаанийсу бин̣д̣ааяа жарид̇ваа ол̣ааригам̣ аахаарам̣ аахарияамаано гим̣ сагкиссад̇и, б̣аахуллиго зса бад̇хаанавиб̣бханд̇о, гим̣ но иминаа’’д̇и махаабурисам̣ бахааяа б̣аараан̣асияам̣ исибад̇анам̣ аг̇амам̣су.

    Athassa tāya nirāhāratāya paramakisabhāvappattakāyassa suvaṇṇavaṇṇo kāyo kāḷavaṇṇo ahosi, dvattiṃsamahāpurisalakkhaṇāni paṭicchannāni ahesuṃ. Atha bodhisatto dukkarakārikāya antaṃ gantvā – ‘‘nāyaṃ maggo bodhiyā’’ti oḷārikaṃ āhāraṃ āhāretuṃ gāmanigamesu piṇḍāya caritvā āhāraṃ āhari. Athassa dvattiṃsamahāpurisalakkhaṇāni pākatikāni ahesuṃ, kāyo suvaṇṇavaṇṇo ahosi. Atha pañcavaggiyā bhikkhū taṃ disvā – ‘‘ayaṃ chabbassāni dukkarakārikaṃ karontopi sabbaññutaṃ paṭivijjhituṃ nāsakkhi, idāni gāmanigamarājadhānīsu piṇḍāya caritvā oḷārikaṃ āhāraṃ āhariyamāno kiṃ sakkhissati, bāhulliko esa padhānavibbhanto, kiṃ no iminā’’ti mahāpurisaṃ pahāya bārāṇasiyaṃ isipatanaṃ agamaṃsu.

    ат̇а махаабурисо висаакабун̣н̣амааяа урувзлааяам̣ сзнааниг̇амз сзнаагудумб̣игасса г̇зхз ниб̣б̣ад̇д̇аа суж̇аад̇аа наама д̣̇ааригаа ахоси . д̇ааяа самбасаад̣̇анаж̇аад̇ааяа д̣̇иннам̣ багкид̇д̇ад̣̇иб̣б̣ож̇ам̣ мад̇хубааяаасам̣ барибхун̃ж̇ид̇ваа суван̣н̣абаад̇им̣ г̇ахзд̇ваа нзран̃ж̇арааяа бадисод̇ам̣ кибид̇ваа гаал̣анааг̇арааж̇ам̣ субанд̇ам̣ б̣од̇хзси. ат̇а б̣од̇хисад̇д̇о нзран̃ж̇араад̇ийрз сурабхигусумасамалан̇гад̇з нийлобхаасз манорамз саалаванз д̣̇иваавихаарам̣ гад̇ваа сааяанхасамаяз д̣̇звад̇аахи алан̇гад̇зна маг̇г̇зна б̣од̇хиругкаабхимуко бааяааси. д̣̇званааг̇аяагкасид̣̇д̇хаад̣̇аяо д̣̇иб̣б̣зхи маалааг̇анд̇хавилзбанзхи бууж̇аяим̣су. д̇асмим̣ самаяз сод̇т̇ияо наама д̇ин̣ахаараго д̇ин̣ам̣ аад̣̇ааяа бадибат̇з ааг̇ажчанд̇о махаабурисасса аагаарам̣ н̃ад̇ваа адта д̇ин̣амудтияо ад̣̇ааси. б̣од̇хисад̇д̇о д̇ин̣ам̣ г̇ахзд̇ваа асид̇ан̃ж̇анаг̇ирисан̇гаасам̣ аажаранд̇амива д̣̇инагараж̇аалам̣ сагахад̣̇аяамива гарун̣аасийд̇алам̣ сийд̇ажчааяам̣ вивид̇хавихаг̇аг̇ан̣асамбаад̇авирахид̇ам̣ манд̣̇амааруд̇зрид̇ааяа гханасаакааяа самалан̇гад̇ам̣ нажжанд̇амива бийд̇ияаа ран̃ж̇амаанамива жа д̇аруг̇ан̣аанам̣ вирожамаанавиж̇аяад̇арумассад̇т̇аб̣од̇хиругкамууламубаг̇анд̇ваа ассад̇т̇ад̣̇умарааж̇ам̣ д̇игкад̇д̇ум̣ бад̣̇агкин̣ам̣ гад̇ваа буб̣б̣уд̇д̇арад̣̇исаабхааг̇з тид̇о д̇аани д̇ин̣аани аг̇г̇з г̇ахзд̇ваа жаалзси. д̇аавад̣̇зва жуд̣̇д̣̇асахад̇т̇о баллан̇го ахоси. д̇аани жа д̇ин̣аани жид̇д̇агаарзна лзкааг̇ахид̇аани вияа ахзсум̣. б̣од̇хисад̇д̇о д̇ад̇т̇а жуд̣̇д̣̇асахад̇т̇з д̇ин̣асант̇арз д̇исанд̇хибаллан̇гам̣ аабхуж̇ид̇ваа жад̇уран̇г̇асаманнааг̇ад̇авийрияам̣ ад̇хидтахид̇ваа суван̣н̣абийтз табид̇араж̇ад̇агканд̇хам̣ вияа жа бан̃н̃аасахад̇т̇ам̣ б̣од̇хигканд̇хам̣ бидтид̇о гад̇ваа убари ман̣ичад̇д̇зна вияа б̣од̇хисаакаахи д̇хаарияамаано нисийд̣̇и. суван̣н̣аван̣н̣з банасса жийварз б̣од̇хиан̇гураа бад̇амаанаа суван̣н̣абаддз баваал̣аа вияа нигкид̇д̇аа вирожаяим̣су.

    Atha mahāpuriso visākhapuṇṇamāya uruvelāyaṃ senānigame senākuṭumbikassa gehe nibbattā sujātā nāma dārikā ahosi . Tāya sampasādanajātāya dinnaṃ pakkhittadibbojaṃ madhupāyāsaṃ paribhuñjitvā suvaṇṇapātiṃ gahetvā nerañjarāya paṭisotaṃ khipitvā kāḷanāgarājaṃ supantaṃ bodhesi. Atha bodhisatto nerañjarātīre surabhikusumasamalaṅkate nīlobhāse manorame sālavane divāvihāraṃ katvā sāyanhasamaye devatāhi alaṅkatena maggena bodhirukkhābhimukho pāyāsi. Devanāgayakkhasiddhādayo dibbehi mālāgandhavilepanehi pūjayiṃsu. Tasmiṃ samaye sotthiyo nāma tiṇahārako tiṇaṃ ādāya paṭipathe āgacchanto mahāpurisassa ākāraṃ ñatvā aṭṭha tiṇamuṭṭhiyo adāsi. Bodhisatto tiṇaṃ gahetvā asitañjanagirisaṅkāsaṃ ācarantamiva dinakarajālaṃ sakahadayamiva karuṇāsītalaṃ sītacchāyaṃ vividhavihagagaṇasampātavirahitaṃ mandamāruteritāya ghanasākhāya samalaṅkataṃ naccantamiva pītiyā rañjamānamiva ca tarugaṇānaṃ virocamānavijayatarumassatthabodhirukkhamūlamupagantvā assatthadumarājaṃ tikkhattuṃ padakkhiṇaṃ katvā pubbuttaradisābhāge ṭhito tāni tiṇāni agge gahetvā cālesi. Tāvadeva cuddasahattho pallaṅko ahosi. Tāni ca tiṇāni cittakārena lekhāgahitāni viya ahesuṃ. Bodhisatto tattha cuddasahatthe tiṇasanthare tisandhipallaṅkaṃ ābhujitvā caturaṅgasamannāgatavīriyaṃ adhiṭṭhahitvā suvaṇṇapīṭhe ṭhapitarajatakkhandhaṃ viya ca paññāsahatthaṃ bodhikkhandhaṃ piṭṭhito katvā upari maṇichattena viya bodhisākhāhi dhāriyamāno nisīdi. Suvaṇṇavaṇṇe panassa cīvare bodhiaṅkurā patamānā suvaṇṇapaṭṭe pavāḷā viya nikkhittā virocayiṃsu.

    б̣од̇хисад̇д̇з бана д̇ад̇т̇а нисиннзязва васавад̇д̇имааро д̣̇звабуд̇д̇о – ‘‘сид̣̇д̇хад̇т̇агумааро мама висаяамад̇иггамид̇угаамо, на д̣̇аанаахамад̇иггамид̇умасса д̣̇ассаамий’’д̇и маараб̣аласса д̇амад̇т̇ам̣ аарожзд̇ваа маараб̣аламаад̣̇ааяа нигками. саа гира маарасзнаа маарасса бурад̇о д̣̇ваад̣̇асаяож̇анаа ахоси, д̇ат̇аа д̣̇агкин̣ад̇о жа ваамабассад̇о жа, бажчад̇о бана жаггаваал̣абарияанд̇ам̣ гад̇ваа тид̇аа, уд̣̇д̇хам̣ наваяож̇ануб̣б̣зд̇хаа ахоси. яассаа бана уннад̣̇анд̇ияаа сад̣̇д̣̇о наваяож̇анасахассад̇о бадтааяа бат̇авиунд̣̇рияанасад̣̇д̣̇о вияа суяяад̇и. д̇асмим̣ самаяз сагго д̣̇зварааж̇аа виж̇аяуд̇д̇арам̣ наама сан̇кам̣ д̇хамамаано адтааси. со гира сан̇ко вийсахад̇т̇асад̇иго ахоси. бан̃жасико г̇анд̇хаб̣б̣ад̣̇звабуд̇д̇о д̇иг̇аавуд̇ааяад̇ам̣ б̣зл̣увабан̣д̣увийн̣ам̣ аад̣̇ааяа ваад̣̇аяамаано ман̇г̇алаяуд̇д̇аани г̇ийд̇аани г̇ааяамаано адтааси. суяаамо д̣̇зварааж̇аа д̇иг̇аавуд̇ааяад̇ам̣ сарад̣̇асамаяараж̇анигарасассиригам̣ д̣̇иб̣б̣ажаамарам̣ г̇ахзд̇ваа манд̣̇ам̣ манд̣̇ам̣ б̣ийж̇аяамаано адтааси. б̣рахмаа жа сахамбад̇и д̇ияож̇анавид̇т̇ад̇ам̣ д̣̇уд̇ияамива бун̣н̣ажанд̣̇ам̣ сзд̇ажчад̇д̇ам̣ бхаг̇авад̇о уд̣̇д̇хам̣ д̇хаарзд̇ваа адтааси. махаагаал̣оби нааг̇арааж̇аа асийд̇ияаа нааг̇анаадагасахассзхи баривуд̇о т̇уд̇исан̇г̇ийд̇аани бавад̇д̇знд̇о махаасад̇д̇ам̣ намассамаано адтааси. д̣̇асасу жаггаваал̣асахассзсу д̣̇звад̇ааяо наанаавид̇хзхи сурабхигусумад̣̇аамад̇хуубажун̣н̣аад̣̇ийхи бууж̇аяамаанаа саад̇хугаарам̣ бавад̇д̇аяамаанаа адтам̣су.

    Bodhisatte pana tattha nisinneyeva vasavattimāro devaputto – ‘‘siddhatthakumāro mama visayamatikkamitukāmo, na dānāhamatikkamitumassa dassāmī’’ti mārabalassa tamatthaṃ ārocetvā mārabalamādāya nikkhami. Sā kira mārasenā mārassa purato dvādasayojanā ahosi, tathā dakkhiṇato ca vāmapassato ca, pacchato pana cakkavāḷapariyantaṃ katvā ṭhitā, uddhaṃ navayojanubbedhā ahosi. Yassā pana unnadantiyā saddo navayojanasahassato paṭṭhāya pathaviundriyanasaddo viya suyyati. Tasmiṃ samaye sakko devarājā vijayuttaraṃ nāma saṅkhaṃ dhamamāno aṭṭhāsi. So kira saṅkho vīsahatthasatiko ahosi. Pañcasikho gandhabbadevaputto tigāvutāyataṃ beḷuvapaṇḍuvīṇaṃ ādāya vādayamāno maṅgalayuttāni gītāni gāyamāno aṭṭhāsi. Suyāmo devarājā tigāvutāyataṃ saradasamayarajanikarasassirikaṃ dibbacāmaraṃ gahetvā mandaṃ mandaṃ bījayamāno aṭṭhāsi. Brahmā ca sahampati tiyojanavitthataṃ dutiyamiva puṇṇacandaṃ setacchattaṃ bhagavato uddhaṃ dhāretvā aṭṭhāsi. Mahākāḷopi nāgarājā asītiyā nāganāṭakasahassehi parivuto thutisaṅgītāni pavattento mahāsattaṃ namassamāno aṭṭhāsi. Dasasu cakkavāḷasahassesu devatāyo nānāvidhehi surabhikusumadāmadhūpacuṇṇādīhi pūjayamānā sādhukāraṃ pavattayamānā aṭṭhaṃsu.

    ат̇а мааро д̣̇звабуд̇д̇о д̣̇ияад̣дхаяож̇анасад̇игам̣ химаг̇ирисикарасад̣̇исам̣ барамаружирад̣̇ассанам̣ г̇иримзкалам̣ наама рад̇анакажид̇аваравааран̣ам̣ аривааран̣авааран̣ам̣ абхирухид̇ваа б̣аахусахассам̣ маабзд̇ваа аг̇г̇ахид̇аг̇г̇ахан̣зна наанаавуд̇хаани аг̇г̇ахаабзси. маарабарисааби асипарасусарасад̇д̇исаб̣алаа самуссид̇ад̇ханумусала-паала-сан̇гу-гунд̇а-д̇омара-убала-лаг̇ул̣а-валаяа-ган̣аяа-габбан̣а-жаггагадагад̇хаарааруру- сийха-каг̇г̇а-сарабха-варааха-б̣яаг̇гха-ваанарораг̇а-маж̇ж̇ааролуугавад̣̇анаа махим̣са-басад̣̇а-д̇уран̇г̇а-д̣̇ирад̣̇аад̣̇ивад̣̇анаа жа наанаабхиймавируубаб̣ийбхажчагааяаа мануссаяагкабисаажасад̣̇исагааяаа жа махаасад̇д̇ам̣ б̣од̇хисад̇д̇ам̣ б̣од̇химуулз нисиннам̣ аж̇жход̇т̇арамаанаа г̇анд̇ваа бариваараяид̇ваа маарасса санд̣̇зсам̣ самуд̣̇игкамаанаа адтааси.

    Atha māro devaputto diyaḍḍhayojanasatikaṃ himagirisikharasadisaṃ paramaruciradassanaṃ girimekhalaṃ nāma ratanakhacitavaravāraṇaṃ arivāraṇavāraṇaṃ abhiruhitvā bāhusahassaṃ māpetvā aggahitaggahaṇena nānāvudhāni aggahāpesi. Māraparisāpi asipharasusarasattisabalā samussitadhanumusala-phāla-saṅku-kunta-tomara-upala-laguḷa-valaya-kaṇaya-kappaṇa-cakkakaṭakadhārāruru- sīha-khagga-sarabha-varāha-byaggha-vānaroraga-majjārolūkavadanā mahiṃsa-pasada-turaṅga-diradādivadanā ca nānābhīmavirūpabībhacchakāyā manussayakkhapisācasadisakāyā ca mahāsattaṃ bodhisattaṃ bodhimūle nisinnaṃ ajjhottharamānā gantvā parivārayitvā mārassa sandesaṃ samudikkhamānā aṭṭhāsi.

    д̇ад̇о маараб̣алз б̣од̇химан̣д̣амубасан̇гаманд̇зязва д̇зсам̣ саггаад̣̇ийнам̣ згоби таад̇ум̣ наасагки. саммукасаммукадтаанзнзва балааяим̣су. сагго бана д̣̇зварааж̇аа д̇ам̣ виж̇аяуд̇д̇арасан̇кам̣ бидтияам̣ гад̇ваа балааяид̇ваа жаггаваал̣амукаваддияам̣ адтааси. махааб̣рахмаа сзд̇ажчад̇д̇ам̣ жаггаваал̣агодияам̣ табзд̇ваа б̣рахмалогамзва аг̇амааси. гаал̣о нааг̇арааж̇аа саб̣б̣анаадагаани чад̣д̣зд̇ваа бат̇авияам̣ нимуж̇ж̇ид̇ваа бан̃жаяож̇анасад̇игам̣ ман̃ж̇зриганааг̇абхаванам̣ г̇анд̇ваа хад̇т̇зна мукам̣ бид̣̇ахид̇ваа нибаж̇ж̇и. згад̣̇звад̇ааби д̇ад̇т̇а таад̇ум̣ самад̇т̇аа наама наахоси. махаабурисо бана сун̃н̃авимаанз махааб̣рахмаа вияа згагова нисийд̣̇и. ‘‘ид̣̇аани мааро ааг̇амиссад̇ий’’д̇и батамамзва анзгаруубаани анидтаани д̣̇уннимид̇д̇аани баад̇урахзсум̣.

    Tato mārabale bodhimaṇḍamupasaṅkamanteyeva tesaṃ sakkādīnaṃ ekopi ṭhātuṃ nāsakkhi. Sammukhasammukhaṭṭhāneneva palāyiṃsu. Sakko pana devarājā taṃ vijayuttarasaṅkhaṃ piṭṭhiyaṃ katvā palāyitvā cakkavāḷamukhavaṭṭiyaṃ aṭṭhāsi. Mahābrahmā setacchattaṃ cakkavāḷakoṭiyaṃ ṭhapetvā brahmalokameva agamāsi. Kāḷo nāgarājā sabbanāṭakāni chaḍḍetvā pathaviyaṃ nimujjitvā pañcayojanasatikaṃ mañjerikanāgabhavanaṃ gantvā hatthena mukhaṃ pidahitvā nipajji. Ekadevatāpi tattha ṭhātuṃ samatthā nāma nāhosi. Mahāpuriso pana suññavimāne mahābrahmā viya ekakova nisīdi. ‘‘Idāni māro āgamissatī’’ti paṭhamameva anekarūpāni aniṭṭhāni dunnimittāni pāturahesuṃ.

    ‘‘бамад̇д̇аб̣анд̇хусса жа яуд̣̇д̇хагаалз, д̇илогаб̣анд̇хусса жа вад̇д̇амаанз;

    ‘‘Pamattabandhussa ca yuddhakāle, tilokabandhussa ca vattamāne;

    уггаа саманд̇аа нибад̇им̣су гхораа, д̇хууманд̇хагаараа жа д̣̇исаа ахзсум̣.

    Ukkā samantā nipatiṃsu ghorā, dhūmandhakārā ca disā ahesuṃ.

    ‘‘ажзд̇анааяамби сажзд̇анаа яат̇аа, г̇ад̇аа вияог̇ам̣ бад̇инзва гааминий;

    ‘‘Acetanāyampi sacetanā yathā, gatā viyogaṃ patineva kāminī;

    лад̇зва ваад̇аабхихад̇аа сасааг̇араа, багамби наанаасад̇хараа д̇хараа махий.

    Lateva vātābhihatā sasāgarā, pakampi nānāsadharā dharā mahī.

    ‘‘ахзсумуд̣̇д̇хууд̇аж̇алаа самуд̣̇д̣̇аа, вахим̣су наж̇ж̇о бадиломамзва;

    ‘‘Ahesumuddhūtajalā samuddā, vahiṃsu najjo paṭilomameva;

    гуудаани наанаад̇арусан̇гхадаани, бхзд̇ваа г̇ирийнам̣ бат̇авим̣ бхаж̇им̣су.

    Kūṭāni nānātarusaṅghaṭāni, bhetvā girīnaṃ pathaviṃ bhajiṃsu.

    ‘‘бавааяи ваад̇о парусо саманд̇аа, нигхаддасад̣̇д̣̇о д̇умуло ахоси;

    ‘‘Pavāyi vāto pharuso samantā, nighaṭṭasaddo tumulo ahosi;

    бхаж̇ид̇т̇а гхорам̣ равиранд̇хагаарам̣, габ̣анд̇харуубам̣ г̇аг̇анз жарид̇т̇а.

    Bhajittha ghoraṃ ravirandhakāraṃ, kabandharūpaṃ gagane carittha.

    ‘‘звам̣багаарам̣ асивам̣ анидтам̣, аагаасаг̇ам̣ бхуумиг̇ад̇ан̃жа гхорам̣;

    ‘‘Evaṃpakāraṃ asivaṃ aniṭṭhaṃ, ākāsagaṃ bhūmigatañca ghoraṃ;

    анзгаруубам̣ гира д̣̇уннимид̇д̇ам̣, ахоси маарааг̇аманз саманд̇аа.

    Anekarūpaṃ kira dunnimittaṃ, ahosi mārāgamane samantā.

    ‘‘д̇ам̣ д̣̇звад̣̇звам̣ абхиханд̇угаамам̣, гаамам̣ д̇у д̣̇исваа бана д̣̇звасан̇гхаа;

    ‘‘Taṃ devadevaṃ abhihantukāmaṃ, kāmaṃ tu disvā pana devasaṅghā;

    хаахаад̇и сад̣̇д̣̇ам̣ анугамбамаанаа, агам̣су сад̣̇д̇хим̣ амаран̇г̇анаахи.

    Hāhāti saddaṃ anukampamānā, akaṃsu saddhiṃ amaraṅganāhi.

    ‘‘бажчааби бассим̣су суд̣̇анд̇аруубам̣, д̣̇исаавид̣̇исаасу балааяамаанам̣;

    ‘‘Pacchāpi passiṃsu sudantarūpaṃ, disāvidisāsu palāyamānaṃ;

    саанд̇агам̣ д̇ам̣ саб̣алам̣ анзгам̣, хад̇т̇з жа т̇аруу жа баад̇аа д̇аяим̣су.

    Saantakaṃ taṃ sabalaṃ anekaṃ, hatthe ca tharū ca pātā tayiṃsu.

    ‘‘вихан̇г̇амаанам̣ г̇арул̣ова маж̇жхз, маж̇жхз миг̇аанам̣ барамова сийхо;

    ‘‘Vihaṅgamānaṃ garuḷova majjhe, majjhe migānaṃ paramova sīho;

    махааяасо маараб̣аласса маж̇жхз, висаарад̣̇о вийд̇абхаяо нисийд̣̇и’’.

    Mahāyaso mārabalassa majjhe, visārado vītabhayo nisīdi’’.

    ат̇а мааро – ‘‘сид̣̇д̇хад̇т̇ам̣ бхим̣саабзд̇ваа балаабзссаамий’’д̇и ваад̇авассам̣ бахаран̣авассам̣ баасаан̣авассам̣ буна ан̇г̇аарагуггул̣аваалугагалаланд̇хагааравудтийхи навахи маараид̣̇д̇хийхи б̣од̇хисад̇д̇ам̣ балаабзд̇ум̣ асаггонд̇о гуд̣̇д̇хамаанасо – ‘‘гим̣, бхан̣з, д̇идтат̇а, имам̣ сид̣̇д̇хад̇т̇амасид̣̇д̇хад̇т̇ам̣ гарот̇а, г̇ан̣хат̇а ханат̇а чинд̣̇ат̇а б̣анд̇хат̇а на мун̃жат̇а балаабзт̇аа’’д̇и маарабарисам̣ аан̣аабзд̇ваа саяан̃жа г̇иримзкаласса канд̇хз нисийд̣̇ид̇ваа згзна гарзна сарам̣ бхамаяанд̇о б̣од̇хисад̇д̇ам̣ убасан̇гамид̇ваа – ‘‘бхо сид̣̇д̇хад̇т̇а, удтаха баллан̇гаа’’д̇и ааха. маарабарисааби махаасад̇д̇асса ад̇игхорам̣ бийл̣амагааси. ат̇а махаабурисо – ‘‘гад̣̇аа д̇з буурид̇аа, маара, баллан̇гад̇т̇ааяа баарамий’’д̇иаад̣̇ийни важанаани вад̇ваа д̣̇агкин̣ахад̇т̇ам̣ бат̇авим̣ ниннаамзси. д̇ан̇кан̣ан̃н̃зва жуд̣̇д̣̇асасахассаад̇хигаани д̣̇асасад̇асахассаяож̇анаб̣ахалаани бат̇ависанд̇хаарагаани ваад̇уд̣̇агаани батамам̣ гамбзд̇ваа д̇ад̣̇анд̇арам̣ жад̇унахуд̇аад̇хигад̣̇вияож̇анасад̇асахассаб̣ахалаа аяам̣ махаабат̇авий чад̇хаа багамбид̇т̇а. убари аагаасз анзгасахассаани виж̇ж̇улад̇аа жа асаний жа палим̣су. ат̇а г̇иримзкалад̣̇ирад̣̇о ж̇ан̣н̣угзна бад̇и. мааро г̇иримзкалагканд̇хз нисинно бхуумияам̣ бад̇и. маарабарисааби д̣̇исаавид̣̇исаасу бхусамудти вияа вигирим̣су.

    Atha māro – ‘‘siddhatthaṃ bhiṃsāpetvā palāpessāmī’’ti vātavassaṃ paharaṇavassaṃ pāsāṇavassaṃ puna aṅgārakukkuḷavālukakalalandhakāravuṭṭhīhi navahi māraiddhīhi bodhisattaṃ palāpetuṃ asakkonto kuddhamānaso – ‘‘kiṃ, bhaṇe, tiṭṭhatha, imaṃ siddhatthamasiddhatthaṃ karotha, gaṇhatha hanatha chindatha bandhatha na muñcatha palāpethā’’ti māraparisaṃ āṇāpetvā sayañca girimekhalassa khandhe nisīditvā ekena karena saraṃ bhamayanto bodhisattaṃ upasaṅkamitvā – ‘‘bho siddhattha, uṭṭhaha pallaṅkā’’ti āha. Māraparisāpi mahāsattassa atighoraṃ pīḷamakāsi. Atha mahāpuriso – ‘‘kadā te pūritā, māra, pallaṅkatthāya pāramī’’tiādīni vacanāni vatvā dakkhiṇahatthaṃ pathaviṃ ninnāmesi. Taṅkhaṇaññeva cuddasasahassādhikāni dasasatasahassayojanabahalāni pathavisandhārakāni vātudakāni paṭhamaṃ kampetvā tadantaraṃ catunahutādhikadviyojanasatasahassabahalā ayaṃ mahāpathavī chadhā pakampittha. Upari ākāse anekasahassāni vijjulatā ca asanī ca phaliṃsu. Atha girimekhaladirado jaṇṇukena pati. Māro girimekhalakkhandhe nisinno bhūmiyaṃ pati. Māraparisāpi disāvidisāsu bhusamuṭṭhi viya vikiriṃsu.

    ат̇а махаабурисоби д̇ам̣ самаарам̣ маараб̣алам̣ канд̇имзд̇д̇аавийрияабан̃н̃аад̣̇ийнам̣ ад̇д̇ано баарамийнамаанубхаавзна вид̣̇д̇хам̣сзд̇ваа батамаяаамз буб̣б̣зниваасам̣ ануссарид̇ваа маж̇жхимаяаамз д̣̇иб̣б̣ажагкум̣ висод̇хзд̇ваа бажжуусасамаяз саб̣б̣аб̣уд̣̇д̇хаанам̣ аажин̣н̣з бажжаяаагаарз н̃аан̣ам̣ од̇аарзд̇ваа аанаабаанажад̇уд̇т̇аж̇жхаанам̣ ниб̣б̣ад̇д̇зд̇ваа д̇амзва баад̣̇агам̣ гад̇ваа вибассанам̣ вад̣дхзд̇ваа маг̇г̇абадибаадияаа ад̇хиг̇ад̇зна жад̇уд̇т̇амаг̇г̇зна саб̣б̣агилзсз кзбзд̇ваа саб̣б̣аб̣уд̣̇д̇хаг̇ун̣з бадивиж̇жхид̇ваа саб̣б̣аб̣уд̣̇д̇хаажин̣н̣ам̣ –

    Atha mahāpurisopi taṃ samāraṃ mārabalaṃ khantimettāvīriyapaññādīnaṃ attano pāramīnamānubhāvena viddhaṃsetvā paṭhamayāme pubbenivāsaṃ anussaritvā majjhimayāme dibbacakkhuṃ visodhetvā paccūsasamaye sabbabuddhānaṃ āciṇṇe paccayākāre ñāṇaṃ otāretvā ānāpānacatutthajjhānaṃ nibbattetvā tameva pādakaṃ katvā vipassanaṃ vaḍḍhetvā maggapaṭipāṭiyā adhigatena catutthamaggena sabbakilese khepetvā sabbabuddhaguṇe paṭivijjhitvā sabbabuddhāciṇṇaṃ –

    ‘‘анзгаж̇аад̇исам̣саарам̣, санд̇хаависсам̣ аниб̣б̣исам̣;

    ‘‘Anekajātisaṃsāraṃ, sandhāvissaṃ anibbisaṃ;

    г̇ахагаарам̣ г̇авзсанд̇о, д̣̇угкаа ж̇аад̇и бунаббунам̣.

    Gahakāraṃ gavesanto, dukkhā jāti punappunaṃ.

    ‘‘г̇ахагаарага д̣̇идтоси, буна г̇зхам̣ на гаахаси;

    ‘‘Gahakāraka diṭṭhosi, puna gehaṃ na kāhasi;

    саб̣б̣аа д̇з паасугаа бхаг̇г̇аа, г̇ахагуудам̣ висан̇кад̇ам̣;

    Sabbā te phāsukā bhaggā, gahakūṭaṃ visaṅkhataṃ;

    висан̇каараг̇ад̇ам̣ жид̇д̇ам̣, д̇ан̣хаанам̣ каяамаж̇жхаг̇аа’’д̇и. (д̇ха. ба. 153-154) –

    Visaṅkhāragataṃ cittaṃ, taṇhānaṃ khayamajjhagā’’ti. (dha. pa. 153-154) –

    уд̣̇аанам̣ уд̣̇аанзси.

    Udānaṃ udānesi.

    санд̇игзнид̣̇аанагат̇аа

    Santikenidānakathā

    уд̣̇аанам̣ уд̣̇аанзд̇ваа нисиннасса бхаг̇авад̇о зд̇ад̣̇ахоси – ‘‘ахам̣ габбасад̇асахассаад̇хигаани жад̇д̇аари асан̇кязяяаани имасса баллан̇гасса гааран̣аа санд̇хаавим̣, аяам̣ мз баллан̇го виж̇аяабаллан̇го ман̇г̇алабаллан̇го, зд̇т̇а мз нисиннасса яаава сан̇габбо на барибун̣н̣о, на д̇аава ид̇о вудтахиссаамий’’д̇и анзгагодисад̇асахассасан̇каа самаабад̇д̇ияо самаабаж̇ж̇анд̇о сад̇д̇аахам̣ д̇ад̇т̇зва нисийд̣̇и. яам̣ санд̇хааяа вуд̇д̇ам̣ – ‘‘ат̇а ко бхаг̇аваа сад̇д̇аахам̣ згабаллан̇гзна нисийд̣̇и вимуд̇д̇исукабадисам̣взд̣̇ий’’д̇и (махаава. 1).

    Udānaṃ udānetvā nisinnassa bhagavato etadahosi – ‘‘ahaṃ kappasatasahassādhikāni cattāri asaṅkhyeyyāni imassa pallaṅkassa kāraṇā sandhāviṃ, ayaṃ me pallaṅko vijayapallaṅko maṅgalapallaṅko, ettha me nisinnassa yāva saṅkappo na paripuṇṇo, na tāva ito vuṭṭhahissāmī’’ti anekakoṭisatasahassasaṅkhā samāpattiyo samāpajjanto sattāhaṃ tattheva nisīdi. Yaṃ sandhāya vuttaṃ – ‘‘atha kho bhagavā sattāhaṃ ekapallaṅkena nisīdi vimuttisukhapaṭisaṃvedī’’ti (mahāva. 1).

    ат̇згажжаанам̣ д̣̇звад̇аанам̣ – ‘‘аж̇ж̇ааби д̇аава нууна сид̣̇д̇хад̇т̇асса гад̇д̇аб̣б̣агижжам̣ ад̇т̇и. баллан̇гасмин̃хи аалаяам̣ на виж̇ахад̇ий’’д̇и баривид̇агго уд̣̇абаад̣̇и. ат̇а сад̇т̇аа д̣̇звад̇аанам̣ вид̇аггам̣ н̃ад̇ваа д̇аасам̣ вид̇аггуубасаманад̇т̇ам̣ взхаасам̣ аб̣бхуг̇г̇анд̇ваа яамагабаадихаарияам̣ д̣̇ассзси. звам̣ иминаа баадихаариязна д̣̇звад̇аанам̣ вид̇аггам̣ вуубасамзд̇ваа баллан̇гад̇о ийсагам̣ баажийнаниссид̇з уд̇д̇арад̣̇исаабхааг̇з тад̇ваа – ‘‘имасмим̣ вад̇а мз баллан̇гз саб̣б̣ан̃н̃уд̇ан̃н̃аан̣ам̣ бадивид̣̇д̇ха’’нд̇и жад̇д̇аари асан̇кязяяаани габбасад̇асахассан̃жа буурид̇аанам̣ баарамийнам̣ палаад̇хиг̇аманадтаанам̣ баллан̇ган̃жа б̣од̇хиругкан̃жа анимисзхи агкийхи ологаяамаано сад̇д̇аахам̣ вийд̇инаамзси, д̇ам̣ таанам̣ анимисажзд̇ияам̣ наама ж̇аад̇ам̣.

    Athekaccānaṃ devatānaṃ – ‘‘ajjāpi tāva nūna siddhatthassa kattabbakiccaṃ atthi. Pallaṅkasmiñhi ālayaṃ na vijahatī’’ti parivitakko udapādi. Atha satthā devatānaṃ vitakkaṃ ñatvā tāsaṃ vitakkūpasamanatthaṃ vehāsaṃ abbhuggantvā yamakapāṭihāriyaṃ dassesi. Evaṃ iminā pāṭihāriyena devatānaṃ vitakkaṃ vūpasametvā pallaṅkato īsakaṃ pācīnanissite uttaradisābhāge ṭhatvā – ‘‘imasmiṃ vata me pallaṅke sabbaññutaññāṇaṃ paṭividdha’’nti cattāri asaṅkhyeyyāni kappasatasahassañca pūritānaṃ pāramīnaṃ phalādhigamanaṭṭhānaṃ pallaṅkañca bodhirukkhañca animisehi akkhīhi olokayamāno sattāhaṃ vītināmesi, taṃ ṭhānaṃ animisacetiyaṃ nāma jātaṃ.

    ат̇а баллан̇гасса жа тид̇адтаанасса жа анд̇араа жан̇гамам̣ маабзд̇ваа бурад̇т̇имабажчимад̇о ааяад̇з рад̇анажан̇гамз жан̇гаманд̇о сад̇д̇аахам̣ вийд̇инаамзси, д̇ам̣ таанам̣ рад̇анажан̇гамажзд̇ияам̣ наама ж̇аад̇ам̣.

    Atha pallaṅkassa ca ṭhitaṭṭhānassa ca antarā caṅkamaṃ māpetvā puratthimapacchimato āyate ratanacaṅkame caṅkamanto sattāhaṃ vītināmesi, taṃ ṭhānaṃ ratanacaṅkamacetiyaṃ nāma jātaṃ.

    жад̇уд̇т̇з бана сад̇д̇аахз б̣од̇хид̇о бажчимуд̇д̇арад̣̇исаабхааг̇з д̣̇звад̇аа рад̇анагхарам̣ маабаяим̣су. д̇ад̇т̇а баллан̇гзна нисийд̣̇ид̇ваа абхид̇хаммабидагам̣ вижинанд̇о сад̇д̇аахам̣ вийд̇инаамзси, д̇ам̣ бана таанам̣ рад̇анагхаражзд̇ияам̣ наама ж̇аад̇ам̣.

    Catutthe pana sattāhe bodhito pacchimuttaradisābhāge devatā ratanagharaṃ māpayiṃsu. Tattha pallaṅkena nisīditvā abhidhammapiṭakaṃ vicinanto sattāhaṃ vītināmesi, taṃ pana ṭhānaṃ ratanagharacetiyaṃ nāma jātaṃ.

    звам̣ бхаг̇аваа б̣од̇хисамийбзязва жад̇д̇аари сад̇д̇аахаани вийд̇инаамзд̇ваа бан̃жамз сад̇д̇аахз б̣од̇хиругкамуулаа язна аж̇абааланиг̇род̇хо д̇знубасан̇гами. д̇ад̇рааби д̇хаммам̣ вижинанд̇о вимуд̇д̇исукан̃жа бадисам̣взд̣̇знд̇о нисийд̣̇и.

    Evaṃ bhagavā bodhisamīpeyeva cattāri sattāhāni vītināmetvā pañcame sattāhe bodhirukkhamūlā yena ajapālanigrodho tenupasaṅkami. Tatrāpi dhammaṃ vicinanto vimuttisukhañca paṭisaṃvedento nisīdi.

    сад̇т̇аа д̇ад̇т̇а сад̇д̇аахам̣ вийд̇инаамзд̇ваа мужалинд̣̇амуулам̣ аг̇амааси. д̇ад̇т̇а сад̇д̇аахавад̣̇д̣̇алигааяа уббаннааяа сийд̇аад̣̇ибадиб̣ааханад̇т̇ам̣ мужалинд̣̇зна нааг̇арааж̇зна сад̇д̇агкад̇д̇ум̣ бхог̇зхи баригкид̇д̇о асамб̣аад̇хааяа г̇анд̇хагудияаа вихаранд̇о вияа вимуд̇д̇исукам̣ бадисам̣взд̣̇ияамаано д̇ад̇т̇а сад̇д̇аахам̣ вийд̇инаамзд̇ваа рааж̇ааяад̇анамуулам̣ убасан̇гами. д̇ад̇т̇аби вимуд̇д̇исукам̣ бадисам̣взд̣̇ияамаанова сад̇д̇аахам̣ нисийд̣̇и. зд̇д̇аавад̇аа сад̇д̇а сад̇д̇аахаани барибун̣н̣аани. зд̇т̇анд̇арз бхаг̇авад̇о нзва мукад̇хованам̣ на сарийрабадиж̇аг̇г̇анам̣ наахаарагижжам̣ ахоси, паласукзнзва вийд̇ивад̇д̇зси. ат̇а сад̇д̇асад̇д̇аахамад̇т̇агз згуунабан̃н̃аасад̇имз д̣̇ивасз саггзна д̣̇зваанаминд̣̇зна убанийд̇зна нааг̇алад̇аад̣̇анд̇агадтзна жа анод̇ад̇д̇ад̣̇аход̣̇агзна жа мукам̣ д̇ховид̇ваа д̇ад̇т̇зва рааж̇ааяад̇анамуулз нисийд̣̇и.

    Satthā tattha sattāhaṃ vītināmetvā mucalindamūlaṃ agamāsi. Tattha sattāhavaddalikāya uppannāya sītādipaṭibāhanatthaṃ mucalindena nāgarājena sattakkhattuṃ bhogehi parikkhitto asambādhāya gandhakuṭiyā viharanto viya vimuttisukhaṃ paṭisaṃvediyamāno tattha sattāhaṃ vītināmetvā rājāyatanamūlaṃ upasaṅkami. Tatthapi vimuttisukhaṃ paṭisaṃvediyamānova sattāhaṃ nisīdi. Ettāvatā satta sattāhāni paripuṇṇāni. Etthantare bhagavato neva mukhadhovanaṃ na sarīrapaṭijagganaṃ nāhārakiccaṃ ahosi, phalasukheneva vītivattesi. Atha sattasattāhamatthake ekūnapaññāsatime divase sakkena devānamindena upanītena nāgalatādantakaṭṭhena ca anotattadahodakena ca mukhaṃ dhovitvā tattheva rājāyatanamūle nisīdi.

    д̇асмим̣ самаяз д̇абуссабхаллигаа наама д̣̇вз ваан̣иж̇аа н̃аад̇исаалохид̇ааяа д̣̇звад̇ааяа сад̇т̇у аахаарад̣̇аанз уссаахид̇аа мант̇ан̃жа мад̇хубин̣д̣иган̃жа аад̣̇ааяа – ‘‘бадиг̇г̇ан̣хаад̇у бхаг̇аваа имам̣ аахаарам̣ анугамбам̣ убаад̣̇ааяаа’’д̇и сад̇т̇аарам̣ убасан̇гамид̇ваа адтам̣су. бхаг̇аваа бааяаасабадиг̇г̇ахан̣ад̣̇ивасзязва д̣̇звад̣̇ад̇д̇ияасса бад̇д̇асса анд̇арахид̇ад̇д̇аа – ‘‘на ко д̇ат̇ааг̇ад̇аа хад̇т̇зсу аахаарам̣ бадиг̇г̇ан̣ханд̇и, гимхи ну ко ахам̣ имам̣ бадиг̇г̇ан̣хзяяа’’нд̇и жинд̇зси. ат̇асса бхаг̇авад̇о аж̇жхаасаяам̣ вид̣̇ид̇ваа жад̇уухи д̣̇исаахи жад̇д̇ааро махаарааж̇аано инд̣̇анийламан̣имаяз жад̇д̇ааро бад̇д̇з убанаамзсум̣. бхаг̇аваа д̇з бадигкиби. буна муг̇г̇аван̣н̣з силаамаяз жад̇д̇ааро бад̇д̇з убанаамзсум̣. бхаг̇аваа д̇зсам̣ жад̇уннамби д̣̇звабуд̇д̇аанам̣ анугамбам̣ убаад̣̇ааяа бадиг̇г̇ахзд̇ваа згийбхаавам̣ убанзд̇ваа д̇асмим̣ бажжаг̇гхз сзламаяз бад̇д̇з аахаарам̣ бадиг̇г̇ахзд̇ваа барибхун̃ж̇ид̇ваа анумод̣̇анамагааси. д̇з д̣̇вз бхаад̇аро ваан̣иж̇аа б̣уд̣̇д̇хан̃жа д̇хамман̃жа саран̣ам̣ г̇анд̇ваа д̣̇взваажигаа убаасагаа ахзсум̣.

    Tasmiṃ samaye tapussabhallikā nāma dve vāṇijā ñātisālohitāya devatāya satthu āhāradāne ussāhitā manthañca madhupiṇḍikañca ādāya – ‘‘paṭiggaṇhātu bhagavā imaṃ āhāraṃ anukampaṃ upādāyā’’ti satthāraṃ upasaṅkamitvā aṭṭhaṃsu. Bhagavā pāyāsapaṭiggahaṇadivaseyeva devadattiyassa pattassa antarahitattā – ‘‘na kho tathāgatā hatthesu āhāraṃ paṭiggaṇhanti, kimhi nu kho ahaṃ imaṃ paṭiggaṇheyya’’nti cintesi. Athassa bhagavato ajjhāsayaṃ viditvā catūhi disāhi cattāro mahārājāno indanīlamaṇimaye cattāro patte upanāmesuṃ. Bhagavā te paṭikkhipi. Puna muggavaṇṇe silāmaye cattāro patte upanāmesuṃ. Bhagavā tesaṃ catunnampi devaputtānaṃ anukampaṃ upādāya paṭiggahetvā ekībhāvaṃ upanetvā tasmiṃ paccagghe selamaye patte āhāraṃ paṭiggahetvā paribhuñjitvā anumodanamakāsi. Te dve bhātaro vāṇijā buddhañca dhammañca saraṇaṃ gantvā dvevācikā upāsakā ahesuṃ.

    ат̇а сад̇т̇аа буна аж̇абааланиг̇род̇хамзва г̇анд̇ваа ниг̇род̇хамуулз нисийд̣̇и. ат̇асса д̇ад̇т̇а нисиннамад̇д̇ассзва ад̇хиг̇ад̇асса д̇хаммасса г̇амбхийрад̇ам̣ бажжавзгканд̇асса саб̣б̣аб̣уд̣̇д̇хаанам̣ аажин̣н̣о – ‘‘ад̇хиг̇ад̇о ко мяааяам̣ д̇хаммо’’д̇иаад̣̇инаа (д̣̇ий. ни. 2.64; ма. ни. 1.281; 2.337; сам̣. ни. 1.172; махаава. 7) барзсам̣ д̇хаммам̣ ад̣̇зсзд̇угаамад̇аагаараббад̇д̇о баривид̇агго уд̣̇абаад̣̇и. ат̇а б̣рахмаа сахамбад̇и ‘‘нассад̇и вад̇а бхо лого, винассад̇и вад̇а бхо лого’’д̇и (д̣̇ий. ни. 2.66; ма. ни. 1.282; 2.338; сам̣. ни. 1.172; махаава. 8) д̣̇асасу жаггаваал̣асахассзсу саггасуяаамасанд̇усид̇аниммаанарад̇ибараниммид̇авасавад̇д̇имахааб̣рахмаано жа г̇ахзд̇ваа сад̇т̇у санд̇игам̣ ааг̇анд̇ваа – ‘‘д̣̇зсзд̇у, бханд̇з, бхаг̇аваа д̇хамма’’нд̇иаад̣̇инаа (д̣̇ий. ни. 2.66; ма. ни. 1.282; 2.338; сам̣. ни. 1.172; махаава. 8) наязна д̇хаммад̣̇зсанам̣ ааяаажи.

    Atha satthā puna ajapālanigrodhameva gantvā nigrodhamūle nisīdi. Athassa tattha nisinnamattasseva adhigatassa dhammassa gambhīrataṃ paccavekkhantassa sabbabuddhānaṃ āciṇṇo – ‘‘adhigato kho myāyaṃ dhammo’’tiādinā (dī. ni. 2.64; ma. ni. 1.281; 2.337; saṃ. ni. 1.172; mahāva. 7) paresaṃ dhammaṃ adesetukāmatākārappatto parivitakko udapādi. Atha brahmā sahampati ‘‘nassati vata bho loko, vinassati vata bho loko’’ti (dī. ni. 2.66; ma. ni. 1.282; 2.338; saṃ. ni. 1.172; mahāva. 8) dasasu cakkavāḷasahassesu sakkasuyāmasantusitanimmānaratiparanimmitavasavattimahābrahmāno ca gahetvā satthu santikaṃ āgantvā – ‘‘desetu, bhante, bhagavā dhamma’’ntiādinā (dī. ni. 2.66; ma. ni. 1.282; 2.338; saṃ. ni. 1.172; mahāva. 8) nayena dhammadesanaṃ āyāci.

    ат̇а сад̇т̇аа д̇асса бадин̃н̃ам̣ д̣̇ад̇ваа – ‘‘гасса ну ко ахам̣ батамам̣ д̇хаммам̣ д̣̇зсзяяа’’нд̇и жинд̇знд̇о аал̣ааруд̣̇агаанам̣ гаалан̇гад̇абхаавам̣ н̃ад̇ваа – ‘‘б̣ахуубагаараа ко мз бан̃жаваг̇г̇ияаа бхигкуу’’д̇и бан̃жаваг̇г̇ияз аараб̣бха манасигаарам̣ гад̇ваа – ‘‘гахам̣ ну ко д̇з зд̇арахи вихаранд̇ий’’д̇и ааваж̇ж̇знд̇о – ‘‘б̣аараан̣асияам̣ исибад̇анз миг̇ад̣̇ааяз’’д̇и н̃ад̇ваа – ‘‘д̇ад̇т̇а г̇анд̇ваа д̇хаммажаггам̣ бавад̇д̇зссаамий’’д̇и гад̇ибаахам̣ б̣од̇химан̣д̣асааманд̇зязва бин̣д̣ааяа жаранд̇о вихарид̇ваа аасаал̣хибун̣н̣амияам̣ б̣аараан̣асим̣ г̇амиссаамий’’д̇и бад̇д̇ажийварамаад̣̇ааяа адтаарасаяож̇анамаг̇г̇ам̣ бадибаж̇ж̇и. анд̇араамаг̇г̇з хадтад̇убаг̇ам̣ убагам̣ наама ааж̇ийвагам̣ д̣̇исваа д̇асса ад̇д̇ано б̣уд̣̇д̇хабхаавам̣ аажигкид̇ваа д̇ам̣д̣̇ивасам̣язва сааяанхасамаяз исибад̇анам̣ аг̇амааси.

    Atha satthā tassa paṭiññaṃ datvā – ‘‘kassa nu kho ahaṃ paṭhamaṃ dhammaṃ deseyya’’nti cintento āḷārudakānaṃ kālaṅkatabhāvaṃ ñatvā – ‘‘bahūpakārā kho me pañcavaggiyā bhikkhū’’ti pañcavaggiye ārabbha manasikāraṃ katvā – ‘‘kahaṃ nu kho te etarahi viharantī’’ti āvajjento – ‘‘bārāṇasiyaṃ isipatane migadāye’’ti ñatvā – ‘‘tattha gantvā dhammacakkaṃ pavattessāmī’’ti katipāhaṃ bodhimaṇḍasāmanteyeva piṇḍāya caranto viharitvā āsāḷhipuṇṇamiyaṃ bārāṇasiṃ gamissāmī’’ti pattacīvaramādāya aṭṭhārasayojanamaggaṃ paṭipajji. Antarāmagge haṭṭhatupagaṃ upakaṃ nāma ājīvakaṃ disvā tassa attano buddhabhāvaṃ ācikkhitvā taṃdivasaṃyeva sāyanhasamaye isipatanaṃ agamāsi.

    бан̃жаваг̇г̇ияаа бана д̇ат̇ааг̇ад̇ам̣ д̣̇уурад̇ова ааг̇ажчанд̇ам̣ д̣̇исваа – ‘‘аяам̣, аавусо, саман̣о г̇од̇амо бажжаяаб̣аахуллааяа аавад̇д̇о барибун̣н̣агааяо бийн̣инд̣̇рияо суван̣н̣аван̣н̣о худ̇ваа ааг̇ажчад̇и, имасса абхиваад̣̇анаад̣̇ийни на гариссаама, аасанамад̇д̇ам̣ бана бан̃н̃аабзяяаамаа’’д̇и гад̇игам̣ агам̣су. бхаг̇аваа д̇зсам̣ жид̇д̇аажаарам̣ н̃ад̇ваа саб̣б̣асад̇д̇зсу анод̇хиссагавасзна паран̣асамад̇т̇ам̣ мзд̇д̇ажид̇д̇ам̣ сам̣кибид̇ваа од̇хиссагавасзна мзд̇д̇ажид̇д̇зна пари. д̇з бхаг̇авад̇о мзд̇д̇ажид̇д̇зна пудтаа д̇ат̇ааг̇ад̇з убасан̇гаманд̇з сагааяа гад̇игааяа сан̣таад̇ум̣ асаггонд̇аа абхиваад̣̇анаад̣̇ийни саб̣б̣агижжаани агам̣су. вид̇т̇аарагат̇аа винаяамахааваг̇г̇аад̣̇ийсу вуд̇д̇анаязнзва взд̣̇ид̇аб̣б̣аа.

    Pañcavaggiyā pana tathāgataṃ dūratova āgacchantaṃ disvā – ‘‘ayaṃ, āvuso, samaṇo gotamo paccayabāhullāya āvatto paripuṇṇakāyo pīṇindriyo suvaṇṇavaṇṇo hutvā āgacchati, imassa abhivādanādīni na karissāma, āsanamattaṃ pana paññāpeyyāmā’’ti katikaṃ akaṃsu. Bhagavā tesaṃ cittācāraṃ ñatvā sabbasattesu anodhissakavasena pharaṇasamatthaṃ mettacittaṃ saṃkhipitvā odhissakavasena mettacittena phari. Te bhagavato mettacittena phuṭṭhā tathāgate upasaṅkamante sakāya katikāya saṇṭhātuṃ asakkontā abhivādanādīni sabbakiccāni akaṃsu. Vitthārakathā vinayamahāvaggādīsu vuttanayeneva veditabbā.

    ат̇а бхаг̇аваа ад̇д̇ано б̣уд̣̇д̇хабхаавам̣ д̇з н̃аабзд̇ваа бан̃н̃ад̇д̇авараб̣уд̣̇д̇хаасанз нисийд̣̇ид̇ваа уд̇д̇араасаал̣ханагкад̇д̇аяог̇з вад̇д̇амаанз адтаарасахи б̣рахмагодийхи баривуд̇о бан̃жаваг̇г̇ияз т̇зрз ааманд̇зд̇ваа д̇хаммажаггаббавад̇д̇анасуд̇д̇анд̇ам̣ д̣̇зсзси. д̇зсу ан̃н̃аасигон̣д̣ан̃н̃о д̣̇зсанаанусаарзна н̃аан̣ам̣ бзсзнд̇о суд̇д̇абарияосаанз адтаарасахи б̣рахмагодийхи сад̣̇д̇хим̣ сод̇аабад̇д̇ипалз бад̇идтааси. д̇зна вуд̇д̇ам̣ –

    Atha bhagavā attano buddhabhāvaṃ te ñāpetvā paññattavarabuddhāsane nisīditvā uttarāsāḷhanakkhattayoge vattamāne aṭṭhārasahi brahmakoṭīhi parivuto pañcavaggiye there āmantetvā dhammacakkappavattanasuttantaṃ desesi. Tesu aññāsikoṇḍañño desanānusārena ñāṇaṃ pesento suttapariyosāne aṭṭhārasahi brahmakoṭīhi saddhiṃ sotāpattiphale patiṭṭhāsi. Tena vuttaṃ –

    1.

    1.

    ‘‘ахамзд̇арахи самб̣уд̣̇д̇хо, г̇од̇амо сагяавад̣дхано;

    ‘‘Ahametarahi sambuddho, gotamo sakyavaḍḍhano;

    бад̇хаанам̣ бад̣̇ахид̇ваана, бад̇д̇о самб̣од̇химуд̇д̇амам̣.

    Padhānaṃ padahitvāna, patto sambodhimuttamaṃ.

    2.

    2.

    ‘‘б̣рахмунаа яаажид̇о санд̇о, д̇хаммажаггам̣ бавад̇д̇аяим̣;

    ‘‘Brahmunā yācito santo, dhammacakkaṃ pavattayiṃ;

    адтаарасаннам̣ годийнам̣, батамаабхисамаяо ахуу’’д̇и.

    Aṭṭhārasannaṃ koṭīnaṃ, paṭhamābhisamayo ahū’’ti.

    д̇ад̇т̇а аханд̇и ад̇д̇аанам̣ нид̣̇д̣̇исад̇и. зд̇арахийд̇и асмим̣ гаалз. сагяавад̣дханод̇и саагияагулавад̣дхано. ‘‘сагяабун̇г̇аво’’д̇иби баато. бад̇хаананд̇и вийрияам̣ вужжад̇и. бад̣̇ахид̇ваанаад̇и гхадзд̇ваа вааяамид̇ваа, д̣̇уггарагааригам̣ гад̇ваад̇и ад̇т̇о. адтаарасаннам̣ годийнанд̇и б̣аараан̣асияам̣ исибад̇анз миг̇ад̣̇ааяз д̇хаммажаггаббавад̇д̇анасуд̇д̇анд̇агат̇ааяа ан̃н̃аасигон̣д̣ан̃н̃ад̇т̇зраббамукаанам̣ адтаарасаннам̣ б̣рахмагодийнам̣ батамаабхисамаяо ахосийд̇и ад̇т̇о.

    Tattha ahanti attānaṃ niddisati. Etarahīti asmiṃ kāle. Sakyavaḍḍhanoti sākiyakulavaḍḍhano. ‘‘Sakyapuṅgavo’’tipi pāṭho. Padhānanti vīriyaṃ vuccati. Padahitvānāti ghaṭetvā vāyamitvā, dukkarakārikaṃ katvāti attho. Aṭṭhārasannaṃ koṭīnanti bārāṇasiyaṃ isipatane migadāye dhammacakkappavattanasuttantakathāya aññāsikoṇḍaññattherappamukhānaṃ aṭṭhārasannaṃ brahmakoṭīnaṃ paṭhamābhisamayo ahosīti attho.

    ид̣̇аани бхаг̇аваа ад̇ийд̇ам̣ гат̇зд̇ваа анааг̇ад̇ам̣ абхисамаяам̣ гат̇знд̇о –

    Idāni bhagavā atītaṃ kathetvā anāgataṃ abhisamayaṃ kathento –

    3.

    3.

    ‘‘д̇ад̇о баран̃жа д̣̇зсзнд̇з, нарад̣̇звасамааг̇амз;

    ‘‘Tato parañca desente, naradevasamāgame;

    г̇ан̣анааяа на вад̇д̇аб̣б̣о, д̣̇уд̇ияаабхисамаяо ахуу’’д̇и. – аад̣̇имааха;

    Gaṇanāya na vattabbo, dutiyābhisamayo ahū’’ti. – ādimāha;

    д̇ад̇т̇а нарад̣̇звасамааг̇амзд̇и д̇ад̇о абарзна самаязна махааман̇г̇аласамааг̇амз д̣̇асасу жаггаваал̣асахассзсу д̣̇звамануссаанам̣ маж̇жхз ман̇г̇аласуд̇д̇абарияосаанз (ку. баа. 5.1 аад̣̇аяо; су. ни. 261 аад̣̇аяо) г̇ан̣анабат̇ам̣ вийд̇ивад̇д̇аанам̣ нарад̣̇зваанам̣. д̣̇уд̇ияаабхисамаяо ахууд̇и хзссад̇ийд̇и ад̇т̇о. анааг̇ад̇аважанз вад̇д̇аб̣б̣з сод̇абад̇ид̇ад̇д̇аа ‘‘ахуу’’д̇и ад̇ийд̇аважанам̣ вуд̇д̇ам̣, гаалавибарияааяавасзна ваа. зса наяо ид̇о барзсу ийд̣̇исзсу важанзсу жа. буна раахуловаад̣̇асуд̇д̇анд̇ад̣̇зсанааяа (ма. ни. 3.416 аад̣̇аяо) г̇ан̣анабат̇авийд̇ивад̇д̇з сад̇д̇з абхисамаяаамад̇абаанам̣ бааязси. аяам̣ д̇ад̇ияаабхисамаяо. д̇зна вуд̇д̇ам̣ –

    Tattha naradevasamāgameti tato aparena samayena mahāmaṅgalasamāgame dasasu cakkavāḷasahassesu devamanussānaṃ majjhe maṅgalasuttapariyosāne (khu. pā. 5.1 ādayo; su. ni. 261 ādayo) gaṇanapathaṃ vītivattānaṃ naradevānaṃ. Dutiyābhisamayo ahūti hessatīti attho. Anāgatavacane vattabbe sotapatitattā ‘‘ahū’’ti atītavacanaṃ vuttaṃ, kālavipariyāyavasena vā. Esa nayo ito paresu īdisesu vacanesu ca. Puna rāhulovādasuttantadesanāya (ma. ni. 3.416 ādayo) gaṇanapathavītivatte satte abhisamayāmatapānaṃ pāyesi. Ayaṃ tatiyābhisamayo. Tena vuttaṃ –

    4.

    4.

    ‘‘ид̇хзваахам̣ зд̇арахи, овад̣̇им̣ мама ад̇раж̇ам̣;

    ‘‘Idhevāhaṃ etarahi, ovadiṃ mama atrajaṃ;

    г̇ан̣анааяа на вад̇д̇аб̣б̣о, д̇ад̇ияаабхисамаяо ахуу’’д̇и.

    Gaṇanāya na vattabbo, tatiyābhisamayo ahū’’ti.

    бхаг̇авад̇о гира згова саавагасаннибаад̇о ахоси. урувзлагассабаад̣̇ийнам̣ ж̇адилаанам̣ сахассам̣, д̣̇виннам̣ аг̇г̇асаавагаанам̣ ад̣дхад̇д̇ияасад̇аанийд̇и имзсам̣ ад̣дхад̇зл̣асасад̇аанам̣ саннибаад̇о ахоси. д̇зна вуд̇д̇ам̣ –

    Bhagavato kira ekova sāvakasannipāto ahosi. Uruvelakassapādīnaṃ jaṭilānaṃ sahassaṃ, dvinnaṃ aggasāvakānaṃ aḍḍhattiyasatānīti imesaṃ aḍḍhateḷasasatānaṃ sannipāto ahosi. Tena vuttaṃ –

    5.

    5.

    ‘‘згоси саннибаад̇о мз, саавагаанам̣ махзсинам̣;

    ‘‘Ekosi sannipāto me, sāvakānaṃ mahesinaṃ;

    ад̣дхад̇зл̣асасад̇аанам̣, бхигкуунааси самааг̇амо’’д̇и.

    Aḍḍhateḷasasatānaṃ, bhikkhūnāsi samāgamo’’ti.

    д̇ад̇т̇а згосийд̇и згова ааси. ад̣дхад̇зл̣асасад̇аананд̇и мама саавагаанам̣ бан̃н̃аасаад̇хигаанам̣ д̣̇ваад̣̇асасад̇аанам̣. бхигкуунаасийд̇и бхигкуунам̣ ааси . д̇зсам̣ бана маж̇жхаг̇ад̇о бхаг̇аваа жад̇уран̇г̇асаннибаад̇з баад̇имогкам̣ уд̣̇д̣̇иси.

    Tattha ekosīti ekova āsi. Aḍḍhateḷasasatānanti mama sāvakānaṃ paññāsādhikānaṃ dvādasasatānaṃ. Bhikkhūnāsīti bhikkhūnaṃ āsi . Tesaṃ pana majjhagato bhagavā caturaṅgasannipāte pātimokkhaṃ uddisi.

    ат̇а бхаг̇аваа ад̇д̇ано бавад̇д̇им̣ д̣̇ассзнд̇о –

    Atha bhagavā attano pavattiṃ dassento –

    6.

    6.

    ‘‘вирожамаано вимало, бхигкусан̇гхасса маж̇жхаг̇о;

    ‘‘Virocamāno vimalo, bhikkhusaṅghassa majjhago;

    д̣̇ад̣̇аами бад̇т̇ид̇ам̣ саб̣б̣ам̣, ман̣ийва саб̣б̣агаамад̣̇о’’д̇и. – аад̣̇имааха;

    Dadāmi patthitaṃ sabbaṃ, maṇīva sabbakāmado’’ti. – ādimāha;

    д̇ад̇т̇а вирожамаанод̇и ананд̇аб̣уд̣̇д̇хасирияаа вирожамаано. вималод̇и виг̇ад̇арааг̇аад̣̇игилзсамало. ман̣ийва саб̣б̣агаамад̣̇од̇и жинд̇ааман̣и вияа саб̣б̣агаамад̣̇ад̣̇о ахамби ижчид̇ам̣ бад̇т̇ид̇ам̣ саб̣б̣ам̣ логияалогуд̇д̇арасукависзсам̣ д̣̇змийд̇и ад̇т̇о.

    Tattha virocamānoti anantabuddhasiriyā virocamāno. Vimaloti vigatarāgādikilesamalo. Maṇīva sabbakāmadoti cintāmaṇi viya sabbakāmadado ahampi icchitaṃ patthitaṃ sabbaṃ lokiyalokuttarasukhavisesaṃ demīti attho.

    ид̣̇аани бад̇т̇ид̇абад̇т̇анам̣ д̣̇ассзнд̇о –

    Idāni patthitapatthanaṃ dassento –

    7.

    7.

    ‘‘паламааган̇камаанаанам̣, бхаважчанд̣̇аж̇ахзсинам̣;

    ‘‘Phalamākaṅkhamānānaṃ, bhavacchandajahesinaṃ;

    жад̇усажжам̣ багаасзми, анугамбааяа баан̣ина’’нд̇и. – аад̣̇имааха;

    Catusaccaṃ pakāsemi, anukampāya pāṇina’’nti. – ādimāha;

    д̇ад̇т̇а паланд̇и сод̇аабад̇д̇ипалаад̣̇игам̣ жад̇уб̣б̣ид̇хам̣ палам̣. бхаважчанд̣̇аж̇ахзсинанд̇и бхавад̇ан̣хаабахааяинам̣, бхавад̇ан̣хам̣ баж̇ахид̇угаамаанам̣. анугамбааяаад̇и ануд̣̇д̣̇аяааяа.

    Tattha phalanti sotāpattiphalādikaṃ catubbidhaṃ phalaṃ. Bhavacchandajahesinanti bhavataṇhāpahāyinaṃ, bhavataṇhaṃ pajahitukāmānaṃ. Anukampāyāti anuddayāya.

    8. ид̣̇аани жад̇усажжаббагаасанз, абхисамаяам̣ д̣̇ассзнд̇о ‘‘д̣̇асавийсасахассаана’’нд̇и аад̣̇имааха.

    8. Idāni catusaccappakāsane, abhisamayaṃ dassento ‘‘dasavīsasahassāna’’nti ādimāha.

    д̇ад̇т̇а д̣̇асавийсасахассаананд̇и д̣̇асасахассаанан̃жа вийсад̇исахассаанан̃жа. згад̣̇виннанд̇иаад̣̇инаа наязнаад̇и ад̇т̇о. навамад̣̇асамаг̇аат̇аа уд̇д̇аанад̇т̇аава.

    Tattha dasavīsasahassānanti dasasahassānañca vīsatisahassānañca. Ekadvinnantiādinā nayenāti attho. Navamadasamagāthā uttānatthāva.

    11-12. згаад̣̇асамад̣̇ваад̣̇асамаг̇аат̇аасу ид̣̇аанзд̇арахийд̇и убхоби згад̇т̇аа, взнзяяавасзна бурисабуг̇г̇алаа вияа вуд̇д̇аа. ат̇а ваа ид̣̇аанийд̇и маяи уббаннз. зд̇арахийд̇и маяи д̇хаммам̣ д̣̇зсзнд̇з. абад̇д̇амаанасаад̇и аббад̇д̇аарахад̇д̇апалаа. арияан̃ж̇асанд̇и арияам̣ адтан̇г̇игам̣ маг̇г̇ам̣. т̇омаяанд̇аад̇и басам̣санд̇аа. б̣уж̇жхиссанд̇ийд̇и анааг̇ад̇з жад̇усажжад̇хаммам̣ бадивиж̇жхиссанд̇ийд̇и ад̇т̇о. сам̣саарасарид̇анд̇и сам̣саарасааг̇арам̣.

    11-12. Ekādasamadvādasamagāthāsu idānetarahīti ubhopi ekatthā, veneyyavasena purisapuggalā viya vuttā. Atha vā idānīti mayi uppanne. Etarahīti mayi dhammaṃ desente. Apattamānasāti appattaarahattaphalā. Ariyañjasanti ariyaṃ aṭṭhaṅgikaṃ maggaṃ. Thomayantāti pasaṃsantā. Bujjhissantīti anāgate catusaccadhammaṃ paṭivijjhissantīti attho. Saṃsārasaritanti saṃsārasāgaraṃ.

    ид̣̇аани ад̇д̇ано ж̇аад̇анаг̇араад̣̇им̣ д̣̇ассзнд̇о –

    Idāni attano jātanagarādiṃ dassento –

    13.

    13.

    ‘‘наг̇арам̣ габилавад̇т̇у мз, рааж̇аа суд̣̇д̇ход̣̇ано бид̇аа;

    ‘‘Nagaraṃ kapilavatthu me, rājā suddhodano pitā;

    маяхам̣ ж̇анзд̇д̇игаа маад̇аа, мааяаад̣̇звийд̇и вужжад̇и.

    Mayhaṃ janettikā mātā, māyādevīti vuccati.

    14.

    14.

    ‘‘згуунад̇им̣савассаани, аг̇аарам̣ аж̇жхахам̣ васим̣;

    ‘‘Ekūnatiṃsavassāni, agāraṃ ajjhahaṃ vasiṃ;

    раммо сураммо субхаго, д̇аяо баасаад̣̇амуд̇д̇амаа.

    Rammo surammo subhako, tayo pāsādamuttamā.

    15.

    15.

    ‘‘жад̇д̇аалийсасахассаани, наарияо самалан̇гад̇аа;

    ‘‘Cattālīsasahassāni, nāriyo samalaṅkatā;

    бхад̣̇д̣̇аган̃жанаа наама наарий, раахуло наама ад̇раж̇о.

    Bhaddakañcanā nāma nārī, rāhulo nāma atrajo.

    16.

    16.

    ‘‘нимид̇д̇з жад̇уро д̣̇исваа, ассаяаанзна нигкамим̣;

    ‘‘Nimitte caturo disvā, assayānena nikkhamiṃ;

    чаб̣б̣ассам̣ бад̇хаанажаарам̣, ажарим̣ д̣̇уггарам̣ ахам̣.

    Chabbassaṃ padhānacāraṃ, acariṃ dukkaraṃ ahaṃ.

    17.

    17.

    ‘‘б̣аараан̣асияам̣ исибад̇анз, жаггам̣ бавад̇д̇ид̇ам̣ маяаа;

    ‘‘Bārāṇasiyaṃ isipatane, cakkaṃ pavattitaṃ mayā;

    ахам̣ г̇од̇амасамб̣уд̣̇д̇хо, саран̣ам̣ саб̣б̣абаан̣инам̣.

    Ahaṃ gotamasambuddho, saraṇaṃ sabbapāṇinaṃ.

    18.

    18.

    ‘‘голид̇о убад̇иссо жа, д̣̇вз бхигкуу аг̇г̇асаавагаа;

    ‘‘Kolito upatisso ca, dve bhikkhū aggasāvakā;

    аананд̣̇о наамубадтааго, санд̇игааважаро мама;

    Ānando nāmupaṭṭhāko, santikāvacaro mama;

    кзмаа уббалаван̣н̣аа жа, бхигкуний аг̇г̇асаавигаа.

    Khemā uppalavaṇṇā ca, bhikkhunī aggasāvikā.

    19.

    19.

    ‘‘жид̇д̇о хад̇т̇аал̣аваго жа, аг̇г̇убадтаагубаасагаа;

    ‘‘Citto hatthāḷavako ca, aggupaṭṭhākupāsakā;

    нанд̣̇амаад̇аа жа уд̇д̇араа, аг̇г̇убадтаагубаасигаа.

    Nandamātā ca uttarā, aggupaṭṭhākupāsikā.

    20.

    20.

    ‘‘ахам̣ ассад̇т̇амууламхи, бад̇д̇о самб̣од̇химуд̇д̇амам̣;

    ‘‘Ahaṃ assatthamūlamhi, patto sambodhimuttamaṃ;

    б̣яаамаббабхаа сад̣̇аа маяхам̣, сол̣асахад̇т̇амуг̇г̇ад̇аа.

    Byāmappabhā sadā mayhaṃ, soḷasahatthamuggatā.

    21.

    21.

    ‘‘аббам̣ вассасад̇ам̣ ааяу, ид̣̇аанзд̇арахи виж̇ж̇ад̇и;

    ‘‘Appaṃ vassasataṃ āyu, idānetarahi vijjati;

    д̇аавад̇аа д̇идтамаанохам̣, д̇аарзми ж̇анад̇ам̣ б̣ахум̣.

    Tāvatā tiṭṭhamānohaṃ, tāremi janataṃ bahuṃ.

    22.

    22.

    ‘‘табаяид̇ваана д̇хаммуггам̣, бажчимам̣ ж̇анаб̣од̇ханам̣;

    ‘‘Ṭhapayitvāna dhammukkaṃ, pacchimaṃ janabodhanaṃ;

    ахамби на жирассзва, сад̣̇д̇хим̣ саавагасан̇гхад̇о;

    Ahampi na cirasseva, saddhiṃ sāvakasaṅghato;

    ид̇хзва бариниб̣б̣иссам̣, аг̇г̇ийваахаарасан̇каяаа’’д̇и. – аад̣̇имааха;

    Idheva parinibbissaṃ, aggīvāhārasaṅkhayā’’ti. – ādimāha;

    мама бана раммасураммасубханаамагаа д̇аяо баасаад̣̇аа навабхуумигасад̇д̇абхуумигабан̃жабхуумигаа, жад̇д̇аалийсасахассаа наадагид̇т̇ияо, яасод̇хараа наама мама аг̇г̇амахзсий , сохам̣ жад̇д̇ааро нимид̇д̇з д̣̇исваа ассаяаанзна махаабхинигкаманам̣ нигкамим̣. д̇ад̇о чаб̣б̣ассаани бад̇хаанам̣ бад̣̇ахид̇ваа висаакабун̣н̣амааяа урувзлааяам̣ сзнааниг̇амз сзнаагудумб̣игасса д̇хийд̇ааяа самбасаад̣̇аж̇аад̇ааяа суж̇аад̇ааяа наама д̣̇иннам̣ мад̇хубааяаасам̣ барибхун̃ж̇ид̇ваа саалаванз д̣̇иваавихаарам̣ гад̇ваа сааяанхасамаяз сод̇т̇иязна наама д̇ин̣ахаарагзна д̣̇иннаа адта д̇ин̣амудтияо г̇ахзд̇ваа ассад̇т̇аб̣од̇хиругкамуулам̣ убаг̇анд̇ваа д̇ад̇т̇а маараб̣алам̣ вид̣̇д̇хам̣сзд̇ваа самб̣од̇хим̣ бад̇д̇осмийд̇и саб̣б̣ам̣ б̣яаагааси.

    Mama pana rammasurammasubhanāmakā tayo pāsādā navabhūmikasattabhūmikapañcabhūmikā, cattālīsasahassā nāṭakitthiyo, yasodharā nāma mama aggamahesī , sohaṃ cattāro nimitte disvā assayānena mahābhinikkhamanaṃ nikkhamiṃ. Tato chabbassāni padhānaṃ padahitvā visākhapuṇṇamāya uruvelāyaṃ senānigame senākuṭumbikassa dhītāya sampasādajātāya sujātāya nāma dinnaṃ madhupāyāsaṃ paribhuñjitvā sālavane divāvihāraṃ katvā sāyanhasamaye sotthiyena nāma tiṇahārakena dinnā aṭṭha tiṇamuṭṭhiyo gahetvā assatthabodhirukkhamūlaṃ upagantvā tattha mārabalaṃ viddhaṃsetvā sambodhiṃ pattosmīti sabbaṃ byākāsi.

    д̇ад̇т̇а сад̣̇д̇хим̣ саавагасан̇гхад̇од̇и сад̣̇д̇хим̣ саавагасан̇гхзна. бариниб̣б̣иссанд̇и бариниб̣б̣ааяиссаами. аг̇г̇ийваахаарасан̇каяаад̇и аг̇г̇и вияа инд̇ханагкаязна яат̇аа аг̇г̇и нирубаад̣̇аано ниб̣б̣ааяад̇и, звам̣ ахамби нирубаад̣̇аано бариниб̣б̣ааяиссаамийд̇и ад̇т̇о.

    Tattha saddhiṃ sāvakasaṅghatoti saddhiṃ sāvakasaṅghena. Parinibbissanti parinibbāyissāmi. Aggīvāhārasaṅkhayāti aggi viya indhanakkhayena yathā aggi nirupādāno nibbāyati, evaṃ ahampi nirupādāno parinibbāyissāmīti attho.

    23-4.

    23-4.

    д̇аани жа ад̇улад̇зж̇аанийд̇и аг̇г̇асаавагаяуг̇аад̣̇ийни д̇аани асад̣̇исад̇зж̇аани. имаани жа д̣̇асаб̣алаанийд̇и зд̇аани жа саарийрад̣̇асаб̣алаани г̇ун̣ад̇хааран̣о д̣̇зход̇и чаасаад̇хааран̣ан̃аан̣аад̣̇иг̇ун̣ад̇харо аяам̣ д̣̇зхо жа. д̇аманд̇арахиссанд̇ийд̇и саб̣б̣аани зд̇аани вуд̇д̇аббагаараани анд̇арад̇хааяиссанд̇и винассиссанд̇и. нану рид̇д̇аа саб̣б̣асан̇каараад̇и зд̇т̇а нанууд̇и аяам̣ анумад̇иад̇т̇з нибаад̇о. рид̇д̇аад̇и нижжасаарад̇хувасаарарахид̇ад̇д̇аа д̇ужчаа, саб̣б̣амзва бана сан̇кад̇ам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хаммам̣ худ̇ваа абхаавад̇о анижжам̣, уббаад̣̇аад̣̇ибадибийл̣ид̇ад̇д̇аа д̣̇угкам̣, авасавад̇д̇анад̇о анад̇д̇аа. д̇асмаа сан̇каарзсу лагкан̣ад̇д̇аяам̣ ааробзд̇ваа вибассанам̣ вад̣дхзд̇ваа амад̇амасан̇кад̇ам̣ ажжуд̇ам̣ ниб̣б̣аанам̣ ад̇хиг̇ажчат̇а. аяам̣ во амхаагам̣ анусаасаний ид̣̇ам̣ амхаагам̣ саасанам̣ аббамаад̣̇зна самбаад̣̇зт̇аад̇и. д̣̇зсанаабарияосаанз гира д̣̇звад̇аанам̣ годисад̇асахассасса анубаад̣̇ааяа аасавзхи жид̇д̇аани вимужжим̣су. сзсамаг̇г̇апалзсу бад̇идтид̇аа бана г̇ан̣анабат̇ам̣ вийд̇ивад̇д̇аа ахзсум̣.

    Tāni ca atulatejānīti aggasāvakayugādīni tāni asadisatejāni. Imāni cadasabalānīti etāni ca sārīradasabalāni guṇadhāraṇo dehoti chaasādhāraṇañāṇādiguṇadharo ayaṃ deho ca. Tamantarahissantīti sabbāni etāni vuttappakārāni antaradhāyissanti vinassissanti. Nanu rittā sabbasaṅkhārāti ettha nanūti ayaṃ anumatiatthe nipāto. Rittāti niccasāradhuvasārarahitattā tucchā, sabbameva pana saṅkhataṃ khayadhammaṃ vayadhammaṃ virāgadhammaṃ nirodhadhammaṃ hutvā abhāvato aniccaṃ, uppādādipaṭipīḷitattā dukkhaṃ, avasavattanato anattā. Tasmā saṅkhāresu lakkhaṇattayaṃ āropetvā vipassanaṃ vaḍḍhetvā amatamasaṅkhataṃ accutaṃ nibbānaṃ adhigacchatha. Ayaṃ vo amhākaṃ anusāsanī idaṃ amhākaṃ sāsanaṃ appamādena sampādethāti. Desanāpariyosāne kira devatānaṃ koṭisatasahassassa anupādāya āsavehi cittāni vimucciṃsu. Sesamaggaphalesu patiṭṭhitā pana gaṇanapathaṃ vītivattā ahesuṃ.

    звам̣ бхаг̇аваа габбанаамаж̇аад̇иаад̣̇ивавад̇т̇ид̇ам̣ сагаламби б̣уд̣̇д̇хавам̣сам̣ аагаасз рад̇анажан̇гамз жан̇гаманд̇ова гат̇зд̇ваа н̃аад̇иж̇анам̣ ванд̣̇аабзд̇ваа аагаасад̇о од̇арид̇ваа бан̃н̃ад̇д̇авараб̣уд̣̇д̇хаасанз нисийд̣̇и. звам̣ нисиннз бана бхаг̇авад̇и логанаат̇з сикааббад̇д̇о н̃аад̇исамааг̇амо ахоси. саб̣б̣з згаг̇г̇ажид̇д̇аа нисийд̣̇им̣су . д̇ад̇о махаамзгхо богкаравассам̣ васси. д̇ан̇кан̣з уд̣̇агам̣ хздтаа вираванд̇ам̣ г̇ажчад̇и. д̇змзд̇угаамова д̇змзд̇и, ад̇змид̇угаамасса сарийрз згаб̣инд̣̇умад̇д̇амби на бад̇ад̇и. д̇ам̣ д̣̇исваа саб̣б̣з ажчарияаб̣бхуд̇ажид̇д̇аж̇аад̇аа худ̇ваа – ‘‘ахо ажчарияам̣, ахо аб̣бхуд̇а’’нд̇и гат̇ам̣ самудтаабзсум̣. д̇ам̣ суд̇ваа сад̇т̇аа – ‘‘на ид̣̇аанзва маяхам̣ н̃аад̇исамааг̇амз богкаравассам̣ васси, ад̇ийд̇зби вассий’’д̇и имиссаа адтуббад̇д̇ияаа взссанд̇араж̇аад̇агам̣ (ж̇аа. 2.22.1655 аад̣̇аяо) гат̇зси. саа д̇хаммад̣̇зсанаа саад̇т̇игаа ж̇аад̇аа. д̇ад̇о бхаг̇аваа удтааяаасанаа вихаарам̣ баависи.

    Evaṃ bhagavā kappanāmajātiādivavatthitaṃ sakalampi buddhavaṃsaṃ ākāse ratanacaṅkame caṅkamantova kathetvā ñātijanaṃ vandāpetvā ākāsato otaritvā paññattavarabuddhāsane nisīdi. Evaṃ nisinne pana bhagavati lokanāthe sikhāppatto ñātisamāgamo ahosi. Sabbe ekaggacittā nisīdiṃsu . Tato mahāmegho pokkharavassaṃ vassi. Taṅkhaṇe udakaṃ heṭṭhā viravantaṃ gacchati. Temetukāmova temeti, atemitukāmassa sarīre ekabindumattampi na patati. Taṃ disvā sabbe acchariyabbhutacittajātā hutvā – ‘‘aho acchariyaṃ, aho abbhuta’’nti kathaṃ samuṭṭhāpesuṃ. Taṃ sutvā satthā – ‘‘na idāneva mayhaṃ ñātisamāgame pokkharavassaṃ vassi, atītepi vassī’’ti imissā aṭṭhuppattiyā vessantarajātakaṃ (jā. 2.22.1655 ādayo) kathesi. Sā dhammadesanā sātthikā jātā. Tato bhagavā uṭṭhāyāsanā vihāraṃ pāvisi.

    ид̇и мад̇хурад̇т̇авилаасинияаа б̣уд̣̇д̇хавам̣садтагат̇ааяа

    Iti madhuratthavilāsiniyā buddhavaṃsaṭṭhakathāya

    г̇од̇амаб̣уд̣̇д̇хавам̣саван̣н̣анаа нидтид̇аа.

    Gotamabuddhavaṃsavaṇṇanā niṭṭhitā.

    нидтид̇о бан̃жавийсад̇имо б̣уд̣̇д̇хавам̣со.

    Niṭṭhito pañcavīsatimo buddhavaṃso.




    Next: 28. б̣уд̣̇д̇хабагин̣н̣агагат̇аа • 28. Buddhapakiṇṇakakathā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 27. г̇од̇амаб̣уд̣̇д̇хавам̣со • 27. Gotamabuddhavaṃso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact