| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. г̇од̇амагажзд̇ияасуд̇д̇аван̣н̣анаа
3. Gotamakacetiyasuttavaṇṇanā
126. д̇ад̇ияз г̇од̇амагз жзд̇иязд̇и г̇од̇амагаяагкасса бхаванз. д̇ат̇ааг̇ад̇о хи батамаб̣од̇хияам̣ вийсад̇и вассаани гад̣̇аажи жаабаалз жзд̇ияз, гад̣̇аажи сааранд̣̇ад̣̇з, гад̣̇аажи б̣ахубуд̇д̇з, гад̣̇аажи г̇од̇амагзд̇и звам̣ язбхуяязна д̣̇звагулзсуязва вихааси. имасмим̣ бана гаалз взсаалим̣ убаниссааяа г̇од̇амагасса яагкасса бхаванадтаанз вихааси. д̇зна вуд̇д̇ам̣ – ‘‘г̇од̇амагз жзд̇ияз’’д̇и. зд̇ад̣̇авожаад̇и зд̇ам̣ ‘‘абхин̃н̃ааяааха’’нд̇иаад̣̇игам̣ суд̇д̇ам̣ авожа.
126. Tatiye gotamake cetiyeti gotamakayakkhassa bhavane. Tathāgato hi paṭhamabodhiyaṃ vīsati vassāni kadāci cāpāle cetiye, kadāci sārandade, kadāci bahuputte, kadāci gotamaketi evaṃ yebhuyyena devakulesuyeva vihāsi. Imasmiṃ pana kāle vesāliṃ upanissāya gotamakassa yakkhassa bhavanaṭṭhāne vihāsi. Tena vuttaṃ – ‘‘gotamake cetiye’’ti. Etadavocāti etaṃ ‘‘abhiññāyāha’’ntiādikaṃ suttaṃ avoca.
ид̣̇ан̃жа бхаг̇авад̇аа суд̇д̇ам̣ ад̇т̇уббад̇д̇ияам̣ вуд̇д̇анд̇и взд̣̇ид̇аб̣б̣ам̣. гад̇араад̇т̇уббад̇д̇ияанд̇и? муулабарияааяаад̇т̇уббад̇д̇ияам̣ (ма. ни. 1.1 аад̣̇аяо). самб̣ахулаа гира б̣раахман̣абаб̣б̣аж̇ид̇аа ад̇д̇анаа уг̇г̇ахид̇аб̣уд̣̇д̇хаважанам̣ ниссааяа ж̇аананамад̣̇ам̣ уббаад̣̇зд̇ваа д̇хаммассаванаг̇г̇ам̣ на г̇ажчанд̇и – ‘‘саммаасамб̣уд̣̇д̇хо гат̇знд̇о амхзхи н̃аад̇амзва гат̇зссад̇и, но ан̃н̃аад̇а’’нд̇и. бхигкуу д̇ат̇ааг̇ад̇асса аарожзсум̣. сад̇т̇аа д̇з бхигкуу баггосаабзд̇ваа мукабадин̃н̃ам̣ г̇ахзд̇ваа муулабарияааяам̣ д̣̇зсзси. д̇з бхигкуу д̣̇зсанааяа нзва ааг̇ад̇адтаанам̣, на г̇ад̇адтаанам̣ ад̣̇д̣̇асам̣су. абассанд̇аа ‘‘саммаасамб̣уд̣̇д̇хо ‘маяхам̣ гат̇аа нияяаад̇ий’д̇и мукасамбад̇д̇амзва гат̇зд̇ий’’д̇и жинд̇аяим̣су. сад̇т̇аа д̇зсам̣ манам̣ ж̇аанид̇ваа имам̣ суд̇д̇анд̇ам̣ аарабхи.
Idañca bhagavatā suttaṃ atthuppattiyaṃ vuttanti veditabbaṃ. Kataraatthuppattiyanti? Mūlapariyāyaatthuppattiyaṃ (ma. ni. 1.1 ādayo). Sambahulā kira brāhmaṇapabbajitā attanā uggahitabuddhavacanaṃ nissāya jānanamadaṃ uppādetvā dhammassavanaggaṃ na gacchanti – ‘‘sammāsambuddho kathento amhehi ñātameva kathessati, no aññāta’’nti. Bhikkhū tathāgatassa ārocesuṃ. Satthā te bhikkhū pakkosāpetvā mukhapaṭiññaṃ gahetvā mūlapariyāyaṃ desesi. Te bhikkhū desanāya neva āgataṭṭhānaṃ, na gataṭṭhānaṃ addasaṃsu. Apassantā ‘‘sammāsambuddho ‘mayhaṃ kathā niyyātī’ti mukhasampattameva kathetī’’ti cintayiṃsu. Satthā tesaṃ manaṃ jānitvā imaṃ suttantaṃ ārabhi.
д̇ад̇т̇а абхин̃н̃ааяаад̇и ‘‘имз бан̃жагканд̇хаа, д̣̇ваад̣̇асааяад̇анаани, адтаараса д̇хаад̇уяо, б̣аавийсад̇инд̣̇рияаани, жад̇д̇аари сажжаани, нава хзд̇уу, сад̇д̇а пассаа, сад̇д̇а взд̣̇анаа, сад̇д̇а жзд̇анаа, сад̇д̇а сан̃н̃аа, сад̇д̇а жид̇д̇ааний’’д̇и ж̇аанид̇ваа бадивиж̇жхид̇ваа бажжагкам̣ гад̇ваа, д̇ат̇аа – ‘‘имз жад̇д̇ааро сад̇ибадтаанаа’’д̇иаад̣̇инаа наязна д̇з д̇з д̇хаммз ж̇аанид̇ваа бадивиж̇жхид̇ваа бажжагкамзва гад̇ваад̇и ад̇т̇о. санид̣̇аананд̇и саббажжаяамзва гад̇ваа гат̇зми, но аббажжаяам̣. саббаадихаарияанд̇и бажжанийгабадихаран̣зна саббаадихаарияамзва гад̇ваа гат̇зми, но аббаадихаарияам̣. алан̃жа бана вод̇и яуд̇д̇ан̃жа бана д̇умхаагам̣. д̇удтияаад̇и ‘‘саммаасамб̣уд̣̇д̇хо бхаг̇аваа, сваагкаад̇о д̇хаммо, суббадибанно сан̇гхо’’д̇и д̇ийн̣и рад̇анаани г̇ун̣ад̇о ануссаранд̇аанам̣ д̇умхаагам̣ яуд̇д̇амзва д̇удтим̣ гаад̇унд̇и ад̇т̇о. сзсабад̣̇ад̣̇ваязби зсзва наяо.
Tattha abhiññāyāti ‘‘ime pañcakkhandhā, dvādasāyatanāni, aṭṭhārasa dhātuyo, bāvīsatindriyāni, cattāri saccāni, nava hetū, satta phassā, satta vedanā, satta cetanā, satta saññā, satta cittānī’’ti jānitvā paṭivijjhitvā paccakkhaṃ katvā, tathā – ‘‘ime cattāro satipaṭṭhānā’’tiādinā nayena te te dhamme jānitvā paṭivijjhitvā paccakkhameva katvāti attho. Sanidānanti sappaccayameva katvā kathemi, no appaccayaṃ. Sappāṭihāriyanti paccanīkapaṭiharaṇena sappāṭihāriyameva katvā kathemi, no appāṭihāriyaṃ. Alañca pana voti yuttañca pana tumhākaṃ. Tuṭṭhiyāti ‘‘sammāsambuddho bhagavā, svākkhāto dhammo, suppaṭipanno saṅgho’’ti tīṇi ratanāni guṇato anussarantānaṃ tumhākaṃ yuttameva tuṭṭhiṃ kātunti attho. Sesapadadvayepi eseva nayo.
агамбид̇т̇аад̇и чахи аагаарзхи агамбид̇т̇а. зваруубо хи бат̇авигамбо б̣од̇химан̣д̣зби ахоси. б̣од̇хисад̇д̇з гира д̣̇агкин̣ад̣̇исаабхааг̇зна б̣од̇химан̣д̣ам̣ абхирул̣хз д̣̇агкин̣ад̣̇исаабхааг̇о хздтаа авийжим̣ баабун̣анд̇о вияа ахоси, уд̇д̇арабхааг̇о уг̇г̇анд̇ваа бхаваг̇г̇ам̣ абхихананд̇о вияа. бажчимад̣̇исам̣ г̇ад̇з бажчимабхааг̇о хздтаа авийжим̣ баабун̣анд̇о вияа ахоси, баажийнабхааг̇о уг̇г̇анд̇ваа бхаваг̇г̇ам̣ абхихананд̇о вияа. уд̇д̇арад̣̇исам̣ г̇ад̇з уд̇д̇арад̣̇исаабхааг̇о хздтаа авийжим̣ баабун̣анд̇о вияа, д̣̇агкин̣ад̣̇исаабхааг̇о уг̇г̇анд̇ваа бхаваг̇г̇ам̣ абхихананд̇о вияа. баажийнад̣̇исам̣ г̇ад̇з баажийнад̣̇исаабхааг̇о хздтаа авийжим̣ баабун̣анд̇о вияа, бажчимабхааг̇о уг̇г̇анд̇ваа бхаваг̇г̇ам̣ абхихананд̇о вияа. б̣од̇хиругкоби сагим̣ хздтаа авийжим̣ баабун̣анд̇о вияа, сагим̣ уг̇г̇анд̇ваа бхаваг̇г̇ам̣ абхихананд̇о вияа. д̇асмимби д̣̇ивасз звам̣ чахи аагаарзхи жаггаваал̣асахассий махаабат̇авий агамбид̇т̇а.
Akampitthāti chahi ākārehi akampittha. Evarūpo hi pathavikampo bodhimaṇḍepi ahosi. Bodhisatte kira dakkhiṇadisābhāgena bodhimaṇḍaṃ abhiruḷhe dakkhiṇadisābhāgo heṭṭhā avīciṃ pāpuṇanto viya ahosi, uttarabhāgo uggantvā bhavaggaṃ abhihananto viya. Pacchimadisaṃ gate pacchimabhāgo heṭṭhā avīciṃ pāpuṇanto viya ahosi, pācīnabhāgo uggantvā bhavaggaṃ abhihananto viya. Uttaradisaṃ gate uttaradisābhāgo heṭṭhā avīciṃ pāpuṇanto viya, dakkhiṇadisābhāgo uggantvā bhavaggaṃ abhihananto viya. Pācīnadisaṃ gate pācīnadisābhāgo heṭṭhā avīciṃ pāpuṇanto viya, pacchimabhāgo uggantvā bhavaggaṃ abhihananto viya. Bodhirukkhopi sakiṃ heṭṭhā avīciṃ pāpuṇanto viya, sakiṃ uggantvā bhavaggaṃ abhihananto viya. Tasmimpi divase evaṃ chahi ākārehi cakkavāḷasahassī mahāpathavī akampittha.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. г̇од̇амагажзд̇ияасуд̇д̇ам̣ • 3. Gotamakacetiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. г̇од̇амагажзд̇ияасуд̇д̇аван̣н̣анаа • 3. Gotamakacetiyasuttavaṇṇanā
