| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. г̇од̇амагажзд̇ияасуд̇д̇аван̣н̣анаа
3. Gotamakacetiyasuttavaṇṇanā
126. д̇ад̇ияз самб̣ахулаад̇и бан̃жасад̇амад̇д̇аа. бан̃жасад̇аа гира б̣раахман̣аа д̇ин̣н̣ам̣ взд̣̇аанам̣ баараг̇уу абарабхааг̇з бхаг̇авад̇о д̇хаммад̣̇зсанам̣ суд̇ваа гаамзсу аад̣̇ийнавам̣ нзгкаммз жа аанисам̣сам̣ бассамаанаа бхаг̇авад̇о санд̇игз баб̣б̣аж̇ид̇ваа на жирассзва саб̣б̣ам̣ б̣уд̣̇д̇хаважанам̣ уг̇г̇ан̣хид̇ваа барияад̇д̇им̣ ниссааяа маанам̣ уббаад̣̇зсум̣ – ‘‘яам̣ яам̣ бхаг̇аваа гат̇зд̇и, д̇ам̣ д̇ам̣ маяам̣ киббамзва ж̇аанаама. бхаг̇аваа хи ид̇т̇илин̇г̇аад̣̇ийни д̇ийн̣и лин̇г̇аани, наамаад̣̇ийни жад̇д̇аари бад̣̇аани, батамаад̣̇аяо сад̇д̇а вибхад̇д̇ияо мун̃жид̇ваа на гин̃жи гат̇зд̇и, звам̣ гат̇ид̇з жа амхаагам̣ г̇ан̣тибад̣̇ам̣ наама над̇т̇ий’’д̇и, д̇з бхаг̇авад̇и аг̇аараваа худ̇ваа д̇ад̇о бадтааяа бхаг̇авад̇о убадтаанамби д̇хаммассаванамби абхин̣хам̣ на г̇ажчанд̇и. д̇з санд̇хааяа вуд̇д̇ам̣ ‘‘самб̣ахулаа гира б̣раахман̣абаб̣б̣аж̇ид̇аа…бз… д̇хаммассаванам̣ на г̇ажчанд̇ий’’д̇и. мукабадин̃н̃ам̣ г̇ахзд̇ваад̇и ‘‘сажжам̣ гира д̇умхз, бхигкавз’’д̇иаад̣̇инаа д̇амад̇т̇ам̣ бадибужчид̇ваа ‘‘сажжам̣ бхаг̇аваа’’д̇и д̇зхи бхигкуухи вуд̇д̇ам̣ бадиважанам̣ г̇ахзд̇ваа. д̇ан̃хи ад̇д̇ано мукзнзва бадин̃н̃аад̇ад̇д̇аа ‘‘мукабадин̃н̃аа’’д̇и вужжад̇и.
126. Tatiye sambahulāti pañcasatamattā. Pañcasatā kira brāhmaṇā tiṇṇaṃ vedānaṃ pāragū aparabhāge bhagavato dhammadesanaṃ sutvā kāmesu ādīnavaṃ nekkhamme ca ānisaṃsaṃ passamānā bhagavato santike pabbajitvā na cirasseva sabbaṃ buddhavacanaṃ uggaṇhitvā pariyattiṃ nissāya mānaṃ uppādesuṃ – ‘‘yaṃ yaṃ bhagavā katheti, taṃ taṃ mayaṃ khippameva jānāma. Bhagavā hi itthiliṅgādīni tīṇi liṅgāni, nāmādīni cattāri padāni, paṭhamādayo satta vibhattiyo muñcitvā na kiñci katheti, evaṃ kathite ca amhākaṃ gaṇṭhipadaṃ nāma natthī’’ti, te bhagavati agāravā hutvā tato paṭṭhāya bhagavato upaṭṭhānampi dhammassavanampi abhiṇhaṃ na gacchanti. Te sandhāya vuttaṃ ‘‘sambahulā kira brāhmaṇapabbajitā…pe… dhammassavanaṃ na gacchantī’’ti. Mukhapaṭiññaṃ gahetvāti ‘‘saccaṃ kira tumhe, bhikkhave’’tiādinā tamatthaṃ paṭipucchitvā ‘‘saccaṃ bhagavā’’ti tehi bhikkhūhi vuttaṃ paṭivacanaṃ gahetvā. Tañhi attano mukheneva paṭiññātattā ‘‘mukhapaṭiññā’’ti vuccati.
нзва ааг̇ад̇адтаанам̣ на г̇ад̇адтаанам̣ ад̣̇д̣̇асам̣су. гасмаа? ан̃н̃аан̣ад̇о. д̇з гира д̇асса суд̇д̇асса ад̇т̇ам̣ на ж̇ааним̣су. д̇зсан̃хи д̇асмим̣ самаяз вижид̇ранаяам̣ д̣̇зсанаавилаасаяуд̇д̇амби д̇ам̣ суд̇д̇ам̣ гханабут̇улзна д̣̇уссабаддзна мукам̣ б̣ад̣̇д̇хам̣ гад̇ваа бурад̇о табид̇аманун̃н̃абхож̇анам̣ вияа ахоси. нану жа бхаг̇аваа ад̇д̇анаа д̣̇зсид̇ам̣ д̇хаммам̣ барз н̃аабзд̇ум̣ габбасад̇асахассаад̇хигаани жад̇д̇аари асан̇кзяяаани баарамияо буурзд̇ваа саб̣б̣ан̃н̃уд̇ам̣ бад̇д̇о, со гасмаа яат̇аа д̇з на ж̇аананд̇и, д̇ат̇аа д̣̇зсзд̇ийд̇и? д̇зсам̣ маанабхан̃ж̇анад̇т̇ам̣. бхаг̇аваа хи ‘‘абхаб̣б̣аа имз имам̣ маанакилам̣ анубахажжа маг̇г̇ам̣ ваа палам̣ ваа сажчигаад̇у’’нд̇и д̇зсам̣ суд̇абарияад̇д̇им̣ ниссааяа уббаннам̣ адтуббад̇д̇им̣ гад̇ваа д̣̇зсанаагусало маанабхан̃ж̇анад̇т̇ам̣ ‘‘саб̣б̣ад̇хаммамуулабарияааяа’’нд̇иаад̣̇инаа муулабарияааяасуд̇д̇ам̣ (ма. ни. 1.1) абхааси.
Nevaāgataṭṭhānaṃ na gataṭṭhānaṃ addasaṃsu. Kasmā? Aññāṇato. Te kira tassa suttassa atthaṃ na jāniṃsu. Tesañhi tasmiṃ samaye vicitranayaṃ desanāvilāsayuttampi taṃ suttaṃ ghanaputhulena dussapaṭṭena mukhaṃ baddhaṃ katvā purato ṭhapitamanuññabhojanaṃ viya ahosi. Nanu ca bhagavā attanā desitaṃ dhammaṃ pare ñāpetuṃ kappasatasahassādhikāni cattāri asaṅkheyyāni pāramiyo pūretvā sabbaññutaṃ patto, so kasmā yathā te na jānanti, tathā desetīti? Tesaṃ mānabhañjanatthaṃ. Bhagavā hi ‘‘abhabbā ime imaṃ mānakhilaṃ anupahacca maggaṃ vā phalaṃ vā sacchikātu’’nti tesaṃ sutapariyattiṃ nissāya uppannaṃ aṭṭhuppattiṃ katvā desanākusalo mānabhañjanatthaṃ ‘‘sabbadhammamūlapariyāya’’ntiādinā mūlapariyāyasuttaṃ (ma. ni. 1.1) abhāsi.
саммаасамб̣уд̣̇д̇хо ‘‘маяхам̣ гат̇аа нияяаад̇ий’’д̇и мукасамбад̇д̇амзва гат̇зд̇ийд̇и жинд̇аяим̣сууд̇и ид̣̇ам̣ ан̇г̇уд̇д̇арабхаан̣агаанам̣ вал̣ан̃ж̇анагад̇анд̇инийхаарзна вуд̇д̇ам̣. маж̇жхимабхаан̣агаа бана звам̣ вад̣̇анд̇и – звам̣ маанабхан̃ж̇анад̇т̇ам̣ д̣̇зсид̇ан̃жа бана д̇ам̣ суд̇д̇ам̣ суд̇ваа д̇з бхигкуу ‘‘д̇ам̣язва гира бат̇авим̣ д̣̇идтиг̇ад̇иго сан̃ж̇аанаад̇и, сзкоби арахааби д̇ат̇ааг̇ад̇оби абхиж̇аанаад̇и, ги наамид̣̇ам̣ гат̇ам̣ наамид̣̇а’’нд̇и жинд̇знд̇аа ‘‘буб̣б̣з маяам̣ бхаг̇авад̇аа гат̇ид̇ам̣ яам̣гин̃жи киббамзва ж̇аанаама, ид̣̇аани банимасса муулабарияааяасса анд̇ам̣ ваа годим̣ ваа на ж̇аанаама на бассаама, ахо б̣уд̣̇д̇хаа наама аббамзяяаа ад̇улаа’’д̇и уд̣̇д̇хад̇ад̣̇аатаа вияа саббаа ниммад̣̇аа худ̇ваа б̣уд̣̇д̇хуубадтаанан̃жа д̇хаммассаванан̃жа саггажжам̣ аг̇амам̣су. д̇зна самаязна д̇хаммасабхааяам̣ саннисиннаа бхигкуу ‘‘ахо б̣уд̣̇д̇хаанам̣ аанубхааво, д̇з наамаб̣раахман̣абаб̣б̣аж̇ид̇аа д̇ат̇аа маанамад̣̇амад̇д̇аа бхаг̇авад̇аа муулабарияааяад̣̇зсанааяа нихад̇амаанаа гад̇аа’’д̇и гат̇ам̣ самудтаабзсум̣. д̇ам̣ суд̇ваа бхаг̇аваа ‘‘на, бхигкавз, ид̣̇аанзва, буб̣б̣зби ахам̣ звам̣ имз маанабаг̇г̇ахид̇асийсз жаранд̇з нихад̇амаанз агааси’’нд̇и вад̇ваа ад̇ийд̇ам̣ аахаранд̇о ‘‘бхууд̇абуб̣б̣ам̣, бхигкавз, ан̃н̃ад̇аро д̣̇исаабаамогко б̣раахман̣о б̣аараан̣асияам̣ бадивасад̇и д̇ин̣н̣ам̣ взд̣̇аанам̣ баараг̇уу санигхан̣дугздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо, со бан̃жамад̇д̇аани маан̣авагасад̇аани манд̇з ваажзд̇и. бан̣д̣ид̇амаан̣авагаа б̣ахун̃жа г̇ан̣ханд̇и лахун̃жа, судту жа убад̇хаарзнд̇ий’’д̇иаад̣̇инаа ж̇аад̇агам̣ гат̇зси.
Sammāsambuddho‘‘mayhaṃ kathā niyyātī’’ti mukhasampattameva kathetīti cintayiṃsūti idaṃ aṅguttarabhāṇakānaṃ vaḷañjanakatantinīhārena vuttaṃ. Majjhimabhāṇakā pana evaṃ vadanti – evaṃ mānabhañjanatthaṃ desitañca pana taṃ suttaṃ sutvā te bhikkhū ‘‘taṃyeva kira pathaviṃ diṭṭhigatiko sañjānāti, sekhopi arahāpi tathāgatopi abhijānāti, ki nāmidaṃ kathaṃ nāmida’’nti cintentā ‘‘pubbe mayaṃ bhagavatā kathitaṃ yaṃkiñci khippameva jānāma, idāni panimassa mūlapariyāyassa antaṃ vā koṭiṃ vā na jānāma na passāma, aho buddhā nāma appameyyā atulā’’ti uddhatadāṭhā viya sappā nimmadā hutvā buddhūpaṭṭhānañca dhammassavanañca sakkaccaṃ agamaṃsu. Tena samayena dhammasabhāyaṃ sannisinnā bhikkhū ‘‘aho buddhānaṃ ānubhāvo, te nāmabrāhmaṇapabbajitā tathā mānamadamattā bhagavatā mūlapariyāyadesanāya nihatamānā katā’’ti kathaṃ samuṭṭhāpesuṃ. Taṃ sutvā bhagavā ‘‘na, bhikkhave, idāneva, pubbepi ahaṃ evaṃ ime mānapaggahitasīse carante nihatamāne akāsi’’nti vatvā atītaṃ āharanto ‘‘bhūtapubbaṃ, bhikkhave, aññataro disāpāmokkho brāhmaṇo bārāṇasiyaṃ paṭivasati tiṇṇaṃ vedānaṃ pāragū sanighaṇṭukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo, so pañcamattāni māṇavakasatāni mante vāceti. Paṇḍitamāṇavakā bahuñca gaṇhanti lahuñca, suṭṭhu ca upadhārentī’’tiādinā jātakaṃ kathesi.
д̇ам̣ суд̇ваа д̇з бхигкуу ‘‘буб̣б̣зби маяам̣ маанзнзва убахад̇аа’’д̇и бхияяосомад̇д̇ааяа нихад̇амаанаа худ̇ваа ад̇д̇ано убагаарагаммадтаанабарааяан̣аа ахзсум̣. д̇ад̇о бхаг̇аваа згам̣ самаяам̣ ж̇анабад̣̇ажааригам̣ жаранд̇о взсаалим̣ бад̇ваа г̇од̇амагз жзд̇ияз вихаранд̇о имзсам̣ бан̃жасад̇аанам̣ бхигкуунам̣ н̃аан̣абарибаагам̣ вид̣̇ид̇ваа ид̣̇ам̣ г̇од̇амагасуд̇д̇ам̣ гат̇зси. ид̣̇ан̃жа суд̇д̇ам̣ суд̇ваа д̇з бан̃жасад̇аа бхигкуу д̇асмим̣язва аасанз саха бадисамбхид̣̇аахи арахад̇д̇ам̣ баабун̣им̣сууд̇и.
Taṃ sutvā te bhikkhū ‘‘pubbepi mayaṃ māneneva upahatā’’ti bhiyyosomattāya nihatamānā hutvā attano upakārakammaṭṭhānaparāyaṇā ahesuṃ. Tato bhagavā ekaṃ samayaṃ janapadacārikaṃ caranto vesāliṃ patvā gotamake cetiye viharanto imesaṃ pañcasatānaṃ bhikkhūnaṃ ñāṇaparipākaṃ viditvā idaṃ gotamakasuttaṃ kathesi. Idañca suttaṃ sutvā te pañcasatā bhikkhū tasmiṃyeva āsane saha paṭisambhidāhi arahattaṃ pāpuṇiṃsūti.
абхин̃н̃ааяаад̇и гусалаад̣̇ибхзд̣̇ам̣ канд̇хаад̣̇ибхзд̣̇ан̃жа д̣̇зсзд̇аб̣б̣ам̣ д̇хаммам̣, взнзяяаанан̃жа аасаяаанусаяажарияаад̇химуд̇д̇иаад̣̇ибхзд̣̇ам̣, д̇асса жа нзсам̣ д̣̇зсзд̇аб̣б̣аббагаарам̣ яаат̇аавад̇о абхиж̇аанид̇ваад̇и ад̇т̇о. имз бан̃жагканд̇хаа д̣̇ваад̣̇асааяад̇анаанийд̇иаад̣̇и банзд̇т̇а нид̣̇ассанамад̇д̇ам̣ вуд̇д̇анд̇и взд̣̇ид̇аб̣б̣ам̣. саббажжаяанд̇и сагааран̣ам̣, взнзяяаанам̣ аж̇жхаасаязна ваа бужчааяа ваа адтуббад̇д̇ияаа ваа санимид̇д̇ам̣ хзд̇ууд̣̇аахаран̣асахид̇ан̃жаад̇и ад̇т̇о. рааг̇аад̣̇ийнам̣ бадихаран̣ам̣ бадихаарияам̣, д̇ад̣̇зва баадихаарияам̣, саха баадихаариязнаад̇и саббаадихаарияам̣. рааг̇аад̣̇иббадисзд̇ханавасзнзва хи сад̇т̇аа д̇хаммам̣ д̣̇зсзд̇и. д̇знааха ‘‘бажжанийгабадихаран̣зна саббаадихаарияамзва гад̇ваа’’д̇и. абарз бана ‘‘яат̇аарахам̣ ид̣̇д̇хиаад̣̇зсанаанусаасанибаадихаарияасахид̇а’’нд̇и вад̣̇анд̇и анусаасанибаадихаарияарахид̇аа д̣̇зсанаа над̇т̇ийд̇и гад̇ваа. сзсамзд̇т̇а уд̇д̇аанамзва.
Abhiññāyāti kusalādibhedaṃ khandhādibhedañca desetabbaṃ dhammaṃ, veneyyānañca āsayānusayacariyādhimuttiādibhedaṃ, tassa ca nesaṃ desetabbappakāraṃ yāthāvato abhijānitvāti attho. Ime pañcakkhandhā dvādasāyatanānītiādi panettha nidassanamattaṃ vuttanti veditabbaṃ. Sappaccayanti sakāraṇaṃ, veneyyānaṃ ajjhāsayena vā pucchāya vā aṭṭhuppattiyā vā sanimittaṃ hetūdāharaṇasahitañcāti attho. Rāgādīnaṃ paṭiharaṇaṃ paṭihāriyaṃ, tadeva pāṭihāriyaṃ, saha pāṭihāriyenāti sappāṭihāriyaṃ. Rāgādippaṭisedhanavaseneva hi satthā dhammaṃ deseti. Tenāha ‘‘paccanīkapaṭiharaṇena sappāṭihāriyameva katvā’’ti. Apare pana ‘‘yathārahaṃ iddhiādesanānusāsanipāṭihāriyasahita’’nti vadanti anusāsanipāṭihāriyarahitā desanā natthīti katvā. Sesamettha uttānameva.
г̇од̇амагажзд̇ияасуд̇д̇аван̣н̣анаа нидтид̇аа.
Gotamakacetiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. г̇од̇амагажзд̇ияасуд̇д̇ам̣ • 3. Gotamakacetiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. г̇од̇амагажзд̇ияасуд̇д̇аван̣н̣анаа • 3. Gotamakacetiyasuttavaṇṇanā
