| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
14. г̇од̇амад̇т̇зраг̇аат̇ааван̣н̣анаа
14. Gotamattheragāthāvaṇṇanā
сам̣саранд̇и ааяасмад̇о г̇од̇амад̇т̇зрасса г̇аат̇аа. гаа уббад̇д̇и? аяам̣ гира буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани гаронд̇о сикимхи бхаг̇авад̇и бариниб̣б̣уд̇з д̇асса жид̇агам̣ д̣̇звамануссзсу бууж̇знд̇зсу адтахи жамбагабубпзхи жид̇агам̣ бууж̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з сагяарааж̇агулз ниб̣б̣ад̇д̇ид̇ваа г̇од̇амод̇и г̇од̇д̇авасзнзва абхилагкид̇анаамо ваяаббад̇д̇о сад̇т̇у н̃аад̇исамааг̇амз бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.47.6-10) –
Saṃsaranti āyasmato gotamattherassa gāthā. Kā uppatti? Ayaṃ kira purimabuddhesu katādhikāro tattha tattha bhave puññāni karonto sikhimhi bhagavati parinibbute tassa citakaṃ devamanussesu pūjentesu aṭṭhahi campakapupphehi citakaṃ pūjesi. So tena puññakammena devamanussesu saṃsaranto imasmiṃ buddhuppāde sakyarājakule nibbattitvā gotamoti gottavaseneva abhilakkhitanāmo vayappatto satthu ñātisamāgame paṭiladdhasaddho pabbajitvā vipassanāya kammaṃ karonto chaḷabhiñño ahosi. Tena vuttaṃ apadāne (apa. thera 2.47.6-10) –
‘‘жхааяамаанасса бхаг̇авад̇о, сикино логаб̣анд̇хуно;
‘‘Jhāyamānassa bhagavato, sikhino lokabandhuno;
адта жамбагабубпаани, жид̇агам̣ абхиробаяим̣.
Aṭṭha campakapupphāni, citakaṃ abhiropayiṃ.
‘‘згад̇им̣сз ид̇о габбз, яам̣ бубпамабхиробаяим̣;
‘‘Ekatiṃse ito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, жид̇абууж̇ааяид̣̇ам̣ палам̣.
Duggatiṃ nābhijānāmi, citapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа вимуд̇д̇исукзна вихаранд̇о згад̣̇ивасам̣ н̃аад̇агзхи ‘‘гасмаа, бханд̇з, амхз бахааяа баб̣б̣аж̇ид̇о’’д̇и будто сам̣саарз ад̇д̇анаа анубхууд̇ад̣̇угкан̃жзва ид̣̇аани ад̇хиг̇ад̇ам̣ ниб̣б̣аанасукан̃жа багаасзнд̇о –
Chaḷabhiñño pana hutvā vimuttisukhena viharanto ekadivasaṃ ñātakehi ‘‘kasmā, bhante, amhe pahāya pabbajito’’ti puṭṭho saṃsāre attanā anubhūtadukkhañceva idāni adhigataṃ nibbānasukhañca pakāsento –
258.
258.
‘‘сам̣саран̃хи нираяам̣ аг̇ажчиссам̣, бзд̇алогамаг̇амам̣ бунаббунам̣;
‘‘Saṃsarañhi nirayaṃ agacchissaṃ, petalokamagamaṃ punappunaṃ;
д̣̇угкамамхиби д̇иражчаанаяонияам̣, нзгад̇хаа хи вусид̇ам̣ жирам̣ маяаа.
Dukkhamamhipi tiracchānayoniyaṃ, nekadhā hi vusitaṃ ciraṃ mayā.
259.
259.
‘‘маанусоби жа бхавобхираад̇хид̇о, саг̇г̇агааяамаг̇амам̣ сагим̣ сагим̣;
‘‘Mānusopi ca bhavobhirādhito, saggakāyamagamaṃ sakiṃ sakiṃ;
руубад̇хаад̇усу аруубад̇хаад̇усу, нзвасан̃н̃ису асан̃н̃исудтид̇ам̣.
Rūpadhātusu arūpadhātusu, nevasaññisu asaññisuṭṭhitaṃ.
260.
260.
‘‘самбхаваа сувид̣̇ид̇аа асаарагаа, сан̇кад̇аа бажалид̇аа сад̣̇зрид̇аа;
‘‘Sambhavā suviditā asārakā, saṅkhatā pacalitā saderitā;
д̇ам̣ вид̣̇ид̇ваа махамахад̇д̇асамбхавам̣, санд̇имзва сад̇имаа самаж̇жхаг̇а’’нд̇и. –
Taṃ viditvā mahamahattasambhavaṃ, santimeva satimā samajjhaga’’nti. –
д̇ийхи г̇аат̇аахи д̇зсам̣ д̇хаммам̣ д̣̇зсзси.
Tīhi gāthāhi tesaṃ dhammaṃ desesi.
д̇ад̇т̇а сам̣саранд̇и анаад̣̇имад̇и сам̣саарз сам̣саранд̇о гаммагилзсзхи бан̃жасу г̇ад̇ийсу жаванубабаад̇авасзна абараабарам̣ сам̣саранд̇од̇и ад̇т̇о. хийд̇и нибаад̇амад̇д̇ам̣. нираяам̣ аг̇ажчиссанд̇и сан̃ж̇ийваад̣̇игам̣ адтавид̇хам̣ махаанираяам̣, гуггул̣аад̣̇игам̣ сол̣асавид̇хам̣ уссад̣̇анираяан̃жа бадисанд̇хивасзна убаг̇ажчим̣ . ‘‘бунаббуна’’нд̇и ид̣̇ам̣ ид̇хааби аанзд̇аб̣б̣ам̣ . бзд̇алоганд̇и бзд̇д̇ивисаяам̣, куббибаасаад̣̇ибхзд̣̇ам̣ бзд̇ад̇д̇абхааванд̇и ад̇т̇о. аг̇аманд̇и бадисанд̇хивасзна убаг̇ажчим̣ убабаж̇ж̇им̣. бунаббунанд̇и абараабарам̣. д̣̇угкамамхибийд̇и ан̃н̃аман̃н̃ам̣ д̇икин̣агасаабад̇од̣̇аабхигхаад̇аад̣̇ид̣̇угкзхи д̣̇уссахааяаби. лин̇г̇авибаллаасзна хзд̇ам̣ вуд̇д̇ам̣ ‘‘д̣̇угкамамхибий’’д̇и. д̇иражчаанаяонияанд̇и миг̇абагкиаад̣̇ибхзд̣̇ааяа д̇иражчаанаяонияам̣. нзгад̇хаа хийд̇и одтаг̇он̣аг̇ад̣̇рабхаад̣̇ивасзна жзва гаагаб̣алаагагулалаад̣̇ивасзна жа анзгаббагаарам̣ анзгавааран̃жа жирам̣ д̣̇ийгхамад̣̇д̇хаанам̣ маяаа вусид̇ам̣ нижжам̣ уд̇расд̇амаанасад̇аад̣̇ивасзна д̣̇угкам̣ анубхууд̇ам̣. д̇иражчаанаяонияам̣ ниб̣б̣ад̇д̇асад̇д̇о махаамуул̣хад̇ааяа жирад̇арам̣ д̇ад̇т̇зва абараабарам̣ баривад̇д̇ад̇ийд̇и д̣̇ассанад̇т̇ам̣ ид̇ха ‘‘жира’’нд̇и вуд̇д̇ам̣.
Tattha saṃsaranti anādimati saṃsāre saṃsaranto kammakilesehi pañcasu gatīsu cavanupapātavasena aparāparaṃ saṃsarantoti attho. Hīti nipātamattaṃ. Nirayaṃ agacchissanti sañjīvādikaṃ aṭṭhavidhaṃ mahānirayaṃ, kukkuḷādikaṃ soḷasavidhaṃ ussadanirayañca paṭisandhivasena upagacchiṃ . ‘‘Punappuna’’nti idaṃ idhāpi ānetabbaṃ . Petalokanti pettivisayaṃ, khuppipāsādibhedaṃ petattabhāvanti attho. Agamanti paṭisandhivasena upagacchiṃ upapajjiṃ. Punappunanti aparāparaṃ. Dukkhamamhipīti aññamaññaṃ tikhiṇakasāpatodābhighātādidukkhehi dussahāyapi. Liṅgavipallāsena hetaṃ vuttaṃ ‘‘dukkhamamhipī’’ti. Tiracchānayoniyanti migapakkhiādibhedāya tiracchānayoniyaṃ. Nekadhā hīti oṭṭhagoṇagadrabhādivasena ceva kākabalākakulalādivasena ca anekappakāraṃ anekavārañca ciraṃ dīghamaddhānaṃ mayā vusitaṃ niccaṃ utrastamānasatādivasena dukkhaṃ anubhūtaṃ. Tiracchānayoniyaṃ nibbattasatto mahāmūḷhatāya cirataraṃ tattheva aparāparaṃ parivattatīti dassanatthaṃ idha ‘‘cira’’nti vuttaṃ.
маанусоби жа бхавобхираад̇хид̇од̇и мануссад̇д̇абхаавоби маяаа д̇аад̣̇исзна гусалагаммунаа самавааязна абхираад̇хид̇о саад̇хид̇о ад̇хиг̇ад̇о. гаан̣агажчабобамасуд̇д̇амзд̇т̇а (ма. ни. 3.252; сам̣. ни. 5.1117) уд̣̇аахарид̇аб̣б̣ам̣. саг̇г̇агааяамаг̇амам̣ сагим̣ сагинд̇и саг̇г̇аг̇ад̇исан̇каад̇ам̣ гаамааважарад̣̇звагааяам̣ сагим̣ сагим̣ гад̣̇аажи гад̣̇аажи убабаж̇ж̇анавасзна аг̇ажчим̣. руубад̇хаад̇усууд̇и бут̇уж̇ж̇анабхаваг̇г̇абарияосаанзсу руубабхавзсу аруубад̇хаад̇усууд̇и аруубабхавзсу. нзвасан̃н̃ису асан̃н̃исудтид̇анд̇и руубааруубад̇хаад̇уусу жа на гзвалам̣ сан̃н̃ийсу зва, ат̇а ко нзвасан̃н̃ийнаасан̃н̃ийсу асан̃н̃ийсу жа убабаж̇ж̇а тид̇ам̣ маяаад̇и аанзд̇ваа яож̇зд̇аб̣б̣ам̣. нзвасан̃н̃иг̇г̇ахан̣зна хзд̇т̇а нзвасан̃н̃ийнаасан̃н̃ийбхаво г̇ахид̇о. яад̣̇ибимз д̣̇вз бхаваа руубааруубад̇хаад̇уг̇г̇ахан̣знзва г̇аяханд̇и, яз бана ид̇о б̣аахирагаа д̇ад̇т̇а нижжасан̃н̃ино бхававимогкасан̃н̃ино жа, д̇зсам̣ д̇ассаа сан̃н̃ааяа мижчаабхаавад̣̇ассанад̇т̇ам̣ висум̣ г̇ахид̇аад̇и д̣̇адтаб̣б̣ам̣.
Mānusopi ca bhavobhirādhitoti manussattabhāvopi mayā tādisena kusalakammunā samavāyena abhirādhito sādhito adhigato. Kāṇakacchapopamasuttamettha (ma. ni. 3.252; saṃ. ni. 5.1117) udāharitabbaṃ. Saggakāyamagamaṃ sakiṃ sakinti saggagatisaṅkhātaṃ kāmāvacaradevakāyaṃ sakiṃ sakiṃ kadāci kadāci upapajjanavasena agacchiṃ. Rūpadhātusūti puthujjanabhavaggapariyosānesu rūpabhavesu arūpadhātusūti arūpabhavesu. Nevasaññisu asaññisuṭṭhitanti rūpārūpadhātūsu ca na kevalaṃ saññīsu eva, atha kho nevasaññīnāsaññīsu asaññīsu ca upapajja ṭhitaṃ mayāti ānetvā yojetabbaṃ. Nevasaññiggahaṇena hettha nevasaññīnāsaññībhavo gahito. Yadipime dve bhavā rūpārūpadhātuggahaṇeneva gayhanti, ye pana ito bāhirakā tattha niccasaññino bhavavimokkhasaññino ca, tesaṃ tassā saññāya micchābhāvadassanatthaṃ visuṃ gahitāti daṭṭhabbaṃ.
звам̣ д̣̇вийхи г̇аат̇аахи бхавамууласса анубажчиннад̇д̇аа анаад̣̇имад̇и сам̣саарз ад̇д̇ано ваддад̣̇угкаанубхавам̣ д̣̇ассзд̇ваа ид̣̇аани д̇ад̣̇убажчзд̣̇зна виваддасукаанубхавам̣ д̣̇ассзнд̇о ‘‘самбхаваа’’д̇иаад̣̇инаа д̇ад̇ияам̣ г̇аат̇амааха. д̇ад̇т̇а самбхаваад̇и бхаваа. гаамабхаваад̣̇аяо зва хи хзд̇убажжаяасамавааязна бхаванд̇ийд̇и ид̇ха самбхаваад̇и вуд̇д̇аа. сувид̣̇ид̇аад̇и вибассанаабан̃н̃аасахид̇ааяа маг̇г̇абан̃н̃ааяа судту вид̣̇ид̇аа. асаарагаад̇иаад̣̇и д̇зсам̣ вид̣̇ид̇аагаарад̣̇ассанам̣. д̇ад̇т̇а асаарагаад̇и нижжасаараад̣̇исаарарахид̇аа. сан̇кад̇аад̇и самзжжа самбхуяяа бажжаязхи гад̇аа. бажалид̇аад̇и сан̇кад̇ад̇д̇аа зва уббаад̣̇аж̇араад̣̇ийхи багаарад̇о жалид̇аа анавадтид̇аа. сад̣̇зрид̇аад̇и сад̣̇аа саб̣б̣агаалам̣ бхан̇г̇зна зрид̇аа, ид̇д̇араа бхан̇г̇аг̇аамино бабхан̇г̇унод̇и ад̇т̇о. д̇ам̣ вид̣̇ид̇ваа махамад̇д̇асамбхаванд̇и д̇ам̣ яат̇аавуд̇д̇ам̣ сан̇кад̇асабхаавам̣ ад̇д̇асамбхавам̣ ад̇д̇ани самбхууд̇ам̣ ад̇д̇ааяад̇д̇ам̣ иссараад̣̇ивасзна абарааяад̇д̇ам̣ барин̃н̃аабхисамаяавасзна ахам̣ вид̣̇ид̇ваа д̇аббадибагкабхууд̇ам̣ санд̇имзва ниб̣б̣аанамзва маг̇г̇абан̃н̃аасад̇ияаа сад̇имаа худ̇ваа самаж̇жхаг̇ам̣ ад̇хиг̇ажчим̣ арияамаг̇г̇абхааванааяа ануббад̇д̇од̇и. звам̣ т̇зро н̃аад̇агаанам̣ д̇хаммад̣̇зсанаамукзна ан̃н̃ам̣ б̣яаагааси.
Evaṃ dvīhi gāthāhi bhavamūlassa anupacchinnattā anādimati saṃsāre attano vaṭṭadukkhānubhavaṃ dassetvā idāni tadupacchedena vivaṭṭasukhānubhavaṃ dassento ‘‘sambhavā’’tiādinā tatiyaṃ gāthamāha. Tattha sambhavāti bhavā. Kāmabhavādayo eva hi hetupaccayasamavāyena bhavantīti idha sambhavāti vuttā. Suviditāti vipassanāpaññāsahitāya maggapaññāya suṭṭhu viditā. Asārakātiādi tesaṃ viditākāradassanaṃ. Tattha asārakāti niccasārādisārarahitā. Saṅkhatāti samecca sambhuyya paccayehi katā. Pacalitāti saṅkhatattā eva uppādajarādīhi pakārato calitā anavaṭṭhitā. Saderitāti sadā sabbakālaṃ bhaṅgena eritā, ittarā bhaṅgagāmino pabhaṅgunoti attho. Taṃ viditvāmahamattasambhavanti taṃ yathāvuttaṃ saṅkhatasabhāvaṃ attasambhavaṃ attani sambhūtaṃ attāyattaṃ issarādivasena aparāyattaṃ pariññābhisamayavasena ahaṃ viditvā tappaṭipakkhabhūtaṃ santimeva nibbānameva maggapaññāsatiyā satimā hutvā samajjhagaṃ adhigacchiṃ ariyamaggabhāvanāya anuppattoti. Evaṃ thero ñātakānaṃ dhammadesanāmukhena aññaṃ byākāsi.
г̇од̇амад̇т̇зраг̇аат̇ааван̣н̣анаа нидтид̇аа.
Gotamattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 14. г̇од̇амад̇т̇зраг̇аат̇аа • 14. Gotamattheragāthā
