| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. д̣̇уд̇ияабан̣н̣аасагам̣
2. Dutiyapaṇṇāsakaṃ
(6) 1. г̇од̇амийваг̇г̇о
(6) 1. Gotamīvaggo
1-3. г̇од̇амийсуд̇д̇аад̣̇иван̣н̣анаа
1-3. Gotamīsuttādivaṇṇanā
51-53. чадтасса батамз (саарад̇т̇а. дий. жуул̣аваг̇г̇а 3.402) г̇од̇амийд̇и г̇од̇д̇ам̣. наамагаран̣ад̣̇ивасз банассаа лад̣̇д̇хасаггаараа б̣раахман̣аа лагкан̣асамбад̇д̇им̣ д̣̇исваа ‘‘сажз аяам̣ д̇хийд̇арам̣ лабхиссад̇и, жаггавад̇д̇иран̃н̃о махзсий бхависсад̇и. сажз буд̇д̇ам̣ лабхиссад̇и, жаггавад̇д̇ирааж̇аа бхависсад̇ийд̇и убхаяат̇ааби махад̇ийязвассаа баж̇аа бхависсад̇ий’’д̇и б̣яаагарим̣су. ат̇ассаа ‘‘махаабаж̇аабад̇ий’’д̇и наамам̣ агам̣су. д̇знааха ‘‘буд̇д̇абаж̇ааяа жзва д̇хийд̇убаж̇ааяа жа маханд̇ад̇д̇аа звам̣лад̣̇д̇ханаамаа’’д̇и.
51-53. Chaṭṭhassa paṭhame (sārattha. ṭī. cūḷavagga 3.402) gotamīti gottaṃ. Nāmakaraṇadivase panassā laddhasakkārā brāhmaṇā lakkhaṇasampattiṃ disvā ‘‘sace ayaṃ dhītaraṃ labhissati, cakkavattirañño mahesī bhavissati. Sace puttaṃ labhissati, cakkavattirājā bhavissatīti ubhayathāpi mahatīyevassā pajā bhavissatī’’ti byākariṃsu. Athassā ‘‘mahāpajāpatī’’ti nāmaṃ akaṃsu. Tenāha ‘‘puttapajāya ceva dhītupajāya ca mahantattā evaṃladdhanāmā’’ti.
‘‘ад̇д̇ад̣̇ан̣д̣аа бхаяам̣ ж̇аад̇ам̣, ж̇анам̣ бассат̇а мзд̇хаг̇ам̣;
‘‘Attadaṇḍā bhayaṃ jātaṃ, janaṃ passatha medhagaṃ;
сам̣взг̇ам̣ гид̇д̇аяиссаами, яат̇аа сам̣виж̇ид̇ам̣ маяаа’’д̇и. (су. ни. 941; махаани. 170) –
Saṃvegaṃ kittayissāmi, yathā saṃvijitaṃ mayā’’ti. (su. ni. 941; mahāni. 170) –
аад̣̇инаа ад̇д̇ад̣̇ан̣д̣асуд̇д̇ам̣ гат̇зси. д̇ам̣д̇ам̣балобханагирияаа гааяаваажаахи бараггаманд̇ияо угган̣танд̇ууд̇и саасанам̣ бзсзнд̇и наамаад̇и гад̇ваа вуд̇д̇ам̣ ‘‘саасанам̣ бзсзд̇ваа’’д̇и. гун̣аалад̣̇аханд̇и гун̣аалад̣̇ахад̇ийрам̣. анабхирад̇им̣ винод̣̇зд̇ваад̇и ид̇т̇ийнам̣ д̣̇осад̣̇ассанамукзна гаамаанам̣ вогаарасам̣гилзсавибхааванзна анабхирад̇им̣ винод̣̇зд̇ваа.
Ādinā attadaṇḍasuttaṃ kathesi. Taṃtaṃpalobhanakiriyā kāyavācāhi parakkamantiyo ukkaṇṭhantūti sāsanaṃ pesenti nāmāti katvā vuttaṃ ‘‘sāsanaṃ pesetvā’’ti. Kuṇāladahanti kuṇāladahatīraṃ. Anabhiratiṃ vinodetvāti itthīnaṃ dosadassanamukhena kāmānaṃ vokārasaṃkilesavibhāvanena anabhiratiṃ vinodetvā.
аабаад̣̇игаад̇и сам̣вад̣̇д̇хагаа, д̇умхаагам̣ хад̇т̇абаад̣̇зсу гижжам̣ асаад̇хзнд̇зсу хад̇т̇з жа баад̣̇з жа вад̣дхзд̇ваа бадиж̇аг̇г̇ид̇аад̇и ад̇т̇о. босигаад̇и д̣̇ивасасса д̣̇вз д̇аяо ваарз нахаабзд̇ваа бхож̇зд̇ваа бааязд̇ваа д̇умхз босзси. т̇ан̃н̃ам̣ бааязсийд̇и нанд̣̇агумааро гира б̣од̇хисад̇д̇ад̇о гад̇ибаахзнзва д̣̇ахаро, д̇асмим̣ ж̇аад̇з махаабаж̇аабад̇ий ад̇д̇ано буд̇д̇ам̣ д̇хаад̇ийнам̣ д̣̇ад̇ваа саяам̣ б̣од̇хисад̇д̇асса д̇хаад̇игижжам̣ саад̇хаяамаанаа ад̇д̇ано т̇ан̃н̃ам̣ бааязси. д̇ам̣ санд̇хааяа т̇зро звамааха. д̣̇ахарод̇и д̇арун̣о. яуваад̇и яоб̣б̣ан̃н̃з тид̇о. ман̣д̣анагаж̇аад̇игод̇и алан̇гаарасабхааво. д̇ад̇т̇а гожи д̇арун̣оби яуваа на ход̇и яат̇аа ад̇ид̇арун̣о. гожи яувааби ман̣д̣анагаж̇аад̇иго на ход̇и яат̇аа убасанд̇асабхааво, ааласияаб̣яасанаад̣̇ийхи ваа абхибхууд̇о. ид̇ха бана д̣̇ахаро жзва яуваа жа ман̣д̣анагаж̇аад̇иго жа ад̇хиббзд̇о, д̇асмаа звамааха. уббалаад̣̇ийни ман̣д̣анагаж̇аад̇иго жа логасаммад̇ад̇д̇аа вуд̇д̇аани.
Āpādikāti saṃvaddhakā, tumhākaṃ hatthapādesu kiccaṃ asādhentesu hatthe ca pāde ca vaḍḍhetvā paṭijaggitāti attho. Posikāti divasassa dve tayo vāre nahāpetvā bhojetvā pāyetvā tumhe posesi. Thaññaṃ pāyesīti nandakumāro kira bodhisattato katipāheneva daharo, tasmiṃ jāte mahāpajāpatī attano puttaṃ dhātīnaṃ datvā sayaṃ bodhisattassa dhātikiccaṃ sādhayamānā attano thaññaṃ pāyesi. Taṃ sandhāya thero evamāha. Daharoti taruṇo. Yuvāti yobbaññe ṭhito. Maṇḍanakajātikoti alaṅkārasabhāvo. Tattha koci taruṇopi yuvā na hoti yathā atitaruṇo. Koci yuvāpi maṇḍanakajātiko na hoti yathā upasantasabhāvo, ālasiyabyasanādīhi vā abhibhūto. Idha pana daharo ceva yuvā ca maṇḍanakajātiko ca adhippeto, tasmā evamāha. Uppalādīni maṇḍanakajātiko ca lokasammatattā vuttāni.
маад̇уг̇аамасса баб̣б̣аж̇ид̇ад̇д̇аад̇и ид̣̇ам̣ бан̃жавассасад̇ад̇о уд̣̇д̇хам̣ адтад̇ваа бан̃жасуязва вассасад̇зсу сад̣̇д̇хаммадтид̇ияаа гааран̣анид̣̇ассанам̣. бадисамбхид̣̇аабабхзд̣̇аббад̇д̇акийн̣аасававасзнзва вуд̇д̇анд̇и зд̇т̇а бадисамбхид̣̇ааббад̇д̇акийн̣аасаваг̇г̇ахан̣зна жхаанааниби г̇ахид̇аанзва хонд̇и. на хи ниж̇жхаанагаанам̣ саб̣б̣аббагаарасамбад̇д̇и иж̇жхад̇ийд̇и вад̣̇анд̇и. сугкавибассагакийн̣аасававасзна вассасахассанд̇иаад̣̇инаа жа яам̣ вуд̇д̇ам̣, д̇ам̣ канд̇хагабхаан̣агаанам̣ мад̇зна вуд̇д̇анд̇и взд̣̇ид̇аб̣б̣ам̣. винаяадтагат̇ааяамби (жуул̣ава. адта. 403) иминаава наязна вуд̇д̇ам̣.
Mātugāmassa pabbajitattāti idaṃ pañcavassasatato uddhaṃ aṭṭhatvā pañcasuyeva vassasatesu saddhammaṭṭhitiyā kāraṇanidassanaṃ. Paṭisambhidāpabhedappattakhīṇāsavavaseneva vuttanti ettha paṭisambhidāppattakhīṇāsavaggahaṇena jhānānipi gahitāneva honti. Na hi nijjhānakānaṃ sabbappakārasampatti ijjhatīti vadanti. Sukkhavipassakakhīṇāsavavasena vassasahassantiādinā ca yaṃ vuttaṃ, taṃ khandhakabhāṇakānaṃ matena vuttanti veditabbaṃ. Vinayaṭṭhakathāyampi (cūḷava. aṭṭha. 403) imināva nayena vuttaṃ.
д̣̇ийгханигааяадтагат̇ааяам̣ (д̣̇ий. ни. адта. 3.161) бана ‘‘бадисамбхид̣̇ааббад̇д̇зхи вассасахассам̣ адтааси, чал̣абхин̃н̃зхи вассасахассам̣, д̇звиж̇ж̇зхи вассасахассам̣, сугкавибассагзхи вассасахассам̣, баад̇имогкзна вассасахассам̣ адтаасий’’д̇и вуд̇д̇ам̣. ид̇хааби саасананд̇арад̇хаанагат̇ааяам̣ (а. ни. адта. 1.1.130) ‘‘б̣уд̣̇д̇хаанан̃хи бариниб̣б̣аанад̇о вассасахассамзва бадисамбхид̣̇аа ниб̣б̣ад̇д̇зд̇ум̣ саггонд̇и, д̇ад̇о барам̣ ча абхин̃н̃аа, д̇ад̇о д̇ааби ниб̣б̣ад̇д̇зд̇ум̣ асаггонд̇аа д̇иссо виж̇ж̇аа ниб̣б̣ад̇д̇знд̇и, г̇ажчанд̇з г̇ажчанд̇з гаалз д̇ааби ниб̣б̣ад̇д̇зд̇ум̣ асаггонд̇аа сугкавибассагаа хонд̇и. зд̇знзва убааязна анааг̇аамино, сагад̣̇ааг̇аамино, сод̇аабаннаа’’д̇и вуд̇д̇ам̣.
Dīghanikāyaṭṭhakathāyaṃ (dī. ni. aṭṭha. 3.161) pana ‘‘paṭisambhidāppattehi vassasahassaṃ aṭṭhāsi, chaḷabhiññehi vassasahassaṃ, tevijjehi vassasahassaṃ, sukkhavipassakehi vassasahassaṃ, pātimokkhena vassasahassaṃ aṭṭhāsī’’ti vuttaṃ. Idhāpi sāsanantaradhānakathāyaṃ (a. ni. aṭṭha. 1.1.130) ‘‘buddhānañhi parinibbānato vassasahassameva paṭisambhidā nibbattetuṃ sakkonti, tato paraṃ cha abhiññā, tato tāpi nibbattetuṃ asakkontā tisso vijjā nibbattenti, gacchante gacchante kāle tāpi nibbattetuṃ asakkontā sukkhavipassakā honti. Eteneva upāyena anāgāmino, sakadāgāmino, sotāpannā’’ti vuttaṃ.
сам̣яуд̇д̇анигааяадтагат̇ааяам̣ (сам̣. ни. адта. 2.2.156) бана ‘‘батамаб̣од̇хияан̃хи бхигкуу бадисамбхид̣̇ааббад̇д̇аа ахзсум̣. ат̇а гаалз г̇ажчанд̇з бадисамбхид̣̇аа баабун̣ид̇ум̣ на сагким̣су, чал̣абхин̃н̃аа ахзсум̣. д̇ад̇о ча абхин̃н̃аа бад̇д̇ум̣ асаггонд̇аа д̇иссо виж̇ж̇аа баабун̣им̣су. ид̣̇аани гаалз г̇ажчанд̇з д̇иссо виж̇ж̇аа баабун̣ид̇ум̣ асаггонд̇аа аасавагкаяамад̇д̇ам̣ баабун̣иссанд̇и, д̇амби асаггонд̇аа анааг̇аамипалам̣, д̇амби асаггонд̇аа сагад̣̇ааг̇аамипалам̣, д̇амби асаггонд̇аа сод̇аабад̇д̇ипалам̣, г̇ажчанд̇з гаалз сод̇аабад̇д̇ипаламби бад̇д̇ум̣ на сагкиссанд̇ий’’д̇и вуд̇д̇ам̣. яасмаа жзд̇ам̣ саб̣б̣ам̣ ан̃н̃аман̃н̃аббадивируд̣̇д̇хам̣, д̇асмаа д̇зсам̣ д̇зсам̣ бхаан̣агаанам̣ мад̇амзва аажариязна д̇ад̇т̇а д̇ад̇т̇а д̣̇ассид̇анд̇и г̇ахзд̇аб̣б̣ам̣. ан̃н̃ат̇аа хи аажарияассзва буб̣б̣аабаравирод̇хаббасан̇г̇о сияаад̇и.
Saṃyuttanikāyaṭṭhakathāyaṃ (saṃ. ni. aṭṭha. 2.2.156) pana ‘‘paṭhamabodhiyañhi bhikkhū paṭisambhidāppattā ahesuṃ. Atha kāle gacchante paṭisambhidā pāpuṇituṃ na sakkhiṃsu, chaḷabhiññā ahesuṃ. Tato cha abhiññā pattuṃ asakkontā tisso vijjā pāpuṇiṃsu. Idāni kāle gacchante tisso vijjā pāpuṇituṃ asakkontā āsavakkhayamattaṃ pāpuṇissanti, tampi asakkontā anāgāmiphalaṃ, tampi asakkontā sakadāgāmiphalaṃ, tampi asakkontā sotāpattiphalaṃ, gacchante kāle sotāpattiphalampi pattuṃ na sakkhissantī’’ti vuttaṃ. Yasmā cetaṃ sabbaṃ aññamaññappaṭiviruddhaṃ, tasmā tesaṃ tesaṃ bhāṇakānaṃ matameva ācariyena tattha tattha dassitanti gahetabbaṃ. Aññathā hi ācariyasseva pubbāparavirodhappasaṅgo siyāti.
д̇ааниязваад̇и д̇ааниязва бан̃жавассасахассаани. барияад̇д̇имуулагам̣ саасананд̇и ааха ‘‘на хи барияад̇д̇ияаа асад̇и бадивзд̇хо ад̇т̇ий’’д̇иаад̣̇и. барияад̇д̇ияаа хи анд̇арахид̇ааяа бадибад̇д̇ианд̇арад̇хааяад̇и, бадибад̇д̇ияаа анд̇арахид̇ааяа ад̇хиг̇амо анд̇арад̇хааяад̇и. гим̣гааран̣аа? аяан̃хи барияад̇д̇и бадибад̇д̇ияаа бажжаяо ход̇и, бадибад̇д̇и ад̇хиг̇амасса. ид̇и бадибад̇д̇ид̇оби барияад̇д̇иязва бамаан̣ам̣. д̣̇уд̇ияад̇ад̇иязсу над̇т̇и вад̇д̇аб̣б̣ам̣.
Tāniyevāti tāniyeva pañcavassasahassāni. Pariyattimūlakaṃ sāsananti āha ‘‘na hi pariyattiyāasati paṭivedho atthī’’tiādi. Pariyattiyā hi antarahitāya paṭipattiantaradhāyati, paṭipattiyā antarahitāya adhigamo antaradhāyati. Kiṃkāraṇā? Ayañhi pariyatti paṭipattiyā paccayo hoti, paṭipatti adhigamassa. Iti paṭipattitopi pariyattiyeva pamāṇaṃ. Dutiyatatiyesu natthi vattabbaṃ.
г̇од̇амийсуд̇д̇аад̣̇иван̣н̣анаа нидтид̇аа.
Gotamīsuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. г̇од̇амийсуд̇д̇ам̣ • 1. Gotamīsuttaṃ
2. оваад̣̇асуд̇д̇ам̣ • 2. Ovādasuttaṃ
3. сам̣кид̇д̇асуд̇д̇ам̣ • 3. Saṃkhittasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1. г̇од̇амийсуд̇д̇аван̣н̣анаа • 1. Gotamīsuttavaṇṇanā
2. оваад̣̇асуд̇д̇аван̣н̣анаа • 2. Ovādasuttavaṇṇanā
3. сам̣кид̇д̇асуд̇д̇аван̣н̣анаа • 3. Saṃkhittasuttavaṇṇanā
