੧. ਗੋਤਮੀਸੁਤ੍ਤવਣ੍ਣਨਾ

1. Gotamīsuttavaṇṇanā

੫੧. ਛਟ੍ਠਸ੍ਸ ਪਠਮੇ ਸਕ੍ਕੇਸੁ વਿਹਰਤੀਤਿ ਪਠਮਗਮਨੇਨ ਗਨ੍ਤ੍વਾ વਿਹਰਤਿ। ਮਹਾਪਜਾਪਤੀਤਿ ਪੁਤ੍ਤਪਜਾਯ ਚੇવ ਧੀਤੁਪਜਾਯ ਚ ਮਹਨ੍ਤਤ੍ਤਾ ਏવਂਲਦ੍ਧਨਾਮਾ। ਯੇਨ ਭਗવਾ ਤੇਨੁਪਸਙ੍ਕਮੀਤਿ ਭਗવਾ ਕਪਿਲਪੁਰਂ ਗਨ੍ਤ੍વਾ ਪਠਮਮੇવ ਨਨ੍ਦਂ ਪਬ੍ਬਾਜੇਸਿ, ਸਤ੍ਤਮੇ ਦਿવਸੇ ਰਾਹੁਲਕੁਮਾਰਂ। ਚੁਮ੍ਬਟਕਕਲਹੇ (ਦੀ॰ ਨਿ॰ ਅਟ੍ਠ॰ ੨.੩੩੧; ਸਂ॰ ਨਿ॰ ਅਟ੍ਠ॰ ੧.੧.੩੭) ਪਨ ਉਭਯਨਗਰવਾਸਿਕੇਸੁ ਯੁਦ੍ਧਤ੍ਥਾਯ ਨਿਕ੍ਖਨ੍ਤੇਸੁ ਸਤ੍ਥਾ ਗਨ੍ਤ੍વਾ ਤੇ ਰਾਜਾਨੋ ਸਞ੍ਞਾਪੇਤ੍વਾ ਅਤ੍ਤਦਣ੍ਡਸੁਤ੍ਤਂ (ਸੁ॰ ਨਿ॰ ੯੪੧ ਆਦਯੋ; ਮਹਾਨਿ॰ ੧੭੦ ਆਦਯੋ) ਕਥੇਸਿ। ਰਾਜਾਨੋ ਪਸੀਦਿਤ੍વਾ ਅਡ੍ਢਤਿਯਸਤੇ ਅਡ੍ਢਤਿਯਸਤੇ ਕੁਮਾਰੇ ਅਦਂਸੁ, ਤਾਨਿ ਪਞ੍ਚ ਕੁਮਾਰਸਤਾਨਿ ਸਤ੍ਥੁ ਸਨ੍ਤਿਕੇ ਪਬ੍ਬਜਿਂਸੁ, ਅਥ ਨੇਸਂ ਪਜਾਪਤਿਯੋ ਸਾਸਨਂ ਪੇਸੇਤ੍વਾ ਅਨਭਿਰਤਿਂ ਉਪ੍ਪਾਦਯਿਂਸੁ। ਸਤ੍ਥਾ ਤੇਸਂ ਅਨਭਿਰਤਿਯਾ ਉਪ੍ਪਨ੍ਨਭਾવਂ ਞਤ੍વਾ ਤੇ ਪਞ੍ਚਸਤੇ ਦਹਰਭਿਕ੍ਖੂ ਕੁਣਾਲਦਹਂ ਨੇਤ੍વਾ ਅਤ੍ਤਨੋ ਕੁਣਾਲਕਾਲੇ ਨਿਸਿਨ੍ਨਪੁਬ੍ਬੇ ਪਾਸਾਣਤਲੇ ਨਿਸੀਦਿਤ੍વਾ ਕੁਣਾਲਜਾਤਕਕਥਾਯ (ਜਾ॰ ੨.੨੧.ਕੁਣਾਲਜਾਤਕ) ਤੇਸਂ ਅਨਭਿਰਤਿਂ વਿਨੋਦੇਤ੍વਾ ਸਬ੍ਬੇਪਿ ਤੇ ਸੋਤਾਪਤ੍ਤਿਫਲੇ ਪਤਿਟ੍ਠਾਪੇਸਿ, ਪੁਨ ਮਹਾવਨਂ ਆਨੇਤ੍વਾ ਅਰਹਤ੍ਤਫਲੇਤਿ। ਤੇਸਂ ਚਿਤ੍ਤਜਾਨਨਤ੍ਥਂ ਪੁਨਪਿ ਪਜਾਪਤਿਯੋ ਸਾਸਨਂ ਪਹਿਣਿਂਸੁ। ਤੇ ‘‘ਅਭਬ੍ਬਾ ਮਯਂ ਘਰਾવਾਸਸ੍ਸਾ’’ਤਿ ਪਟਿਸਾਸਨਂ ਪਹਿਣਿਂਸੁ। ਤਾ ‘‘ਨ ਦਾਨਿ ਅਮ੍ਹਾਕਂ ਘਰਂ ਗਨ੍ਤੁਂ ਯੁਤ੍ਤਂ, ਮਹਾਪਜਾਪਤਿਯਾ ਸਨ੍ਤਿਕਂ ਗਨ੍ਤ੍વਾ ਪਬ੍ਬਜ੍ਜਂ ਅਨੁਜਾਨਾਪੇਤ੍વਾ ਪਬ੍ਬਜਿਸ੍ਸਾਮਾ’’ਤਿ ਪਞ੍ਚਸਤਾਪਿ ਮਹਾਪਜਾਪਤਿਂ ਉਪਸਙ੍ਕਮਿਤ੍વਾ ‘‘ਅਯ੍ਯੇ, ਅਮ੍ਹਾਕਂ ਪਬ੍ਬਜ੍ਜਂ ਅਨੁਜਾਨਾਪੇਥਾ’’ਤਿ ਆਹਂਸੁ। ਮਹਾਪਜਾਪਤੀ ਤਾ ਇਤ੍ਥਿਯੋ ਗਹੇਤ੍વਾ ਯੇਨ ਭਗવਾ ਤੇਨੁਪਸਙ੍ਕਮਿ। ਸੇਤਚ੍ਛਤ੍ਤਸ੍ਸ ਹੇਟ੍ਠਾ ਰਞ੍ਞੋ ਪਰਿਨਿਬ੍ਬੁਤਕਾਲੇ ਉਪਸਙ੍ਕਮੀਤਿਪਿ વਦਨ੍ਤਿਯੇવ।

51. Chaṭṭhassa paṭhame sakkesu viharatīti paṭhamagamanena gantvā viharati. Mahāpajāpatīti puttapajāya ceva dhītupajāya ca mahantattā evaṃladdhanāmā. Yena bhagavā tenupasaṅkamīti bhagavā kapilapuraṃ gantvā paṭhamameva nandaṃ pabbājesi, sattame divase rāhulakumāraṃ. Cumbaṭakakalahe (dī. ni. aṭṭha. 2.331; saṃ. ni. aṭṭha. 1.1.37) pana ubhayanagaravāsikesu yuddhatthāya nikkhantesu satthā gantvā te rājāno saññāpetvā attadaṇḍasuttaṃ (su. ni. 941 ādayo; mahāni. 170 ādayo) kathesi. Rājāno pasīditvā aḍḍhatiyasate aḍḍhatiyasate kumāre adaṃsu, tāni pañca kumārasatāni satthu santike pabbajiṃsu, atha nesaṃ pajāpatiyo sāsanaṃ pesetvā anabhiratiṃ uppādayiṃsu. Satthā tesaṃ anabhiratiyā uppannabhāvaṃ ñatvā te pañcasate daharabhikkhū kuṇāladahaṃ netvā attano kuṇālakāle nisinnapubbe pāsāṇatale nisīditvā kuṇālajātakakathāya (jā. 2.21.kuṇālajātaka) tesaṃ anabhiratiṃ vinodetvā sabbepi te sotāpattiphale patiṭṭhāpesi, puna mahāvanaṃ ānetvā arahattaphaleti. Tesaṃ cittajānanatthaṃ punapi pajāpatiyo sāsanaṃ pahiṇiṃsu. Te ‘‘abhabbā mayaṃ gharāvāsassā’’ti paṭisāsanaṃ pahiṇiṃsu. Tā ‘‘na dāni amhākaṃ gharaṃ gantuṃ yuttaṃ, mahāpajāpatiyā santikaṃ gantvā pabbajjaṃ anujānāpetvā pabbajissāmā’’ti pañcasatāpi mahāpajāpatiṃ upasaṅkamitvā ‘‘ayye, amhākaṃ pabbajjaṃ anujānāpethā’’ti āhaṃsu. Mahāpajāpatī tā itthiyo gahetvā yena bhagavā tenupasaṅkami. Setacchattassa heṭṭhā rañño parinibbutakāle upasaṅkamītipi vadantiyeva.

ਅਲਂ ਗੋਤਮਿ, ਮਾ ਤੇ ਰੁਚ੍ਚੀਤਿ ਕਸ੍ਮਾ ਪਟਿਕ੍ਖਿਪਿ, ਨਨੁ ਸਬ੍ਬੇਸਮ੍ਪਿ ਬੁਦ੍ਧਾਨਂ ਚਤਸ੍ਸੋ ਪਰਿਸਾ ਹੋਨ੍ਤੀਤਿ? ਕਾਮਂ ਹੋਨ੍ਤਿ, ਕਿਲਮੇਤ੍વਾ ਪਨ ਅਨੇਕવਾਰਂ ਯਾਚਿਤੇ ਅਨੁਞ੍ਞਾਤਂ ਪਬ੍ਬਜ੍ਜਂ ‘‘ਦੁਕ੍ਖੇਨ ਲਦ੍ਧਾ’’ਤਿ ਸਮ੍ਮਾ ਪਰਿਪਾਲੇਸ੍ਸਨ੍ਤੀਤਿ ਗਰੁਂ ਕਤ੍વਾ ਅਨੁਞ੍ਞਾਤੁਕਾਮੋ ਪਟਿਕ੍ਖਿਪਿ। ਪਕ੍ਕਾਮੀਤਿ ਪੁਨ ਕਪਿਲਪੁਰਮੇવ ਪਾવਿਸਿ। ਯਥਾਭਿਰਨ੍ਤਂ વਿਹਰਿਤ੍વਾਤਿ ਬੋਧਨੇਯ੍ਯਸਤ੍ਤਾਨਂ ਉਪਨਿਸ੍ਸਯਂ ਓਲੋਕੇਨ੍ਤੋ ਯਥਾਜ੍ਝਾਸਯਨੇ વਿਹਰਿਤ੍વਾ। ਚਾਰਿਕਂ ਪਕ੍ਕਾਮੀਤਿ ਮਹਾਜਨਸਙ੍ਗਹਂ ਕਰੋਨ੍ਤੋ ਉਤ੍ਤਮਾਯ ਬੁਦ੍ਧਸਿਰਿਯਾ ਅਨੋਪਮੇਨ ਬੁਦ੍ਧવਿਲਾਸੇਨ ਅਤੁਰਿਤਚਾਰਿਕਂ ਪਕ੍ਕਾਮਿ।

Alaṃ gotami, mā te ruccīti kasmā paṭikkhipi, nanu sabbesampi buddhānaṃ catasso parisā hontīti? Kāmaṃ honti, kilametvā pana anekavāraṃ yācite anuññātaṃ pabbajjaṃ ‘‘dukkhena laddhā’’ti sammā paripālessantīti garuṃ katvā anuññātukāmo paṭikkhipi. Pakkāmīti puna kapilapurameva pāvisi. Yathābhirantaṃviharitvāti bodhaneyyasattānaṃ upanissayaṃ olokento yathājjhāsayane viharitvā. Cārikaṃ pakkāmīti mahājanasaṅgahaṃ karonto uttamāya buddhasiriyā anopamena buddhavilāsena aturitacārikaṃ pakkāmi.

ਸਮ੍ਬਹੁਲਾਹਿ ਸਾਕਿਯਾਨੀਹਿ ਸਦ੍ਧਿਨ੍ਤਿ ਅਨ੍ਤੋਨਿવੇਸਨਮ੍ਹਿਯੇવ ਦਸਬਲਂ ਉਦ੍ਦਿਸ੍ਸ ਪਬ੍ਬਜ੍ਜਾવੇਸਂ ਗਹੇਤ੍વਾ ਪਞ੍ਚਸਤਾ ਸਾਕਿਯਾਨਿਯੋ ਪਬ੍ਬਜ੍ਜਾવੇਸਂਯੇવ ਗਾਹਾਪੇਤ੍વਾ ਸਬ੍ਬਾਹਿਪਿ ਤਾਹਿ ਸਮ੍ਬਹੁਲਾਹਿ ਸਾਕਿਯਾਨੀਹਿ ਸਦ੍ਧਿਂ। ਚਾਰਿਕਂ ਪਕ੍ਕਾਮੀਤਿ ਗਮਨਂ ਅਭਿਨੀਹਰਿ। ਗਮਨਾਭਿਨੀਹਰਣਕਾਲੇ ਪਨ ਤਾ ਸੁਖੁਮਾਲਾ ਰਾਜਿਤ੍ਥਿਯੋ ਪਦਸਾ ਗਨ੍ਤੁਂ ਨ ਸਕ੍ਖਿਸ੍ਸਨ੍ਤੀਤਿ ਸਾਕਿਯਕੋਲਿਯਰਾਜਾਨੋ ਸੋવਣ੍ਣਸਿવਿਕਾਯੋ ਉਪਟ੍ਠਾਪਯਿਂਸੁ। ਤਾ ਪਨ ‘‘ਯਾਨੇ ਆਰੁਯ੍ਹ ਗਚ੍ਛਨ੍ਤੀਤਿ ਸਤ੍ਥਰਿ ਅਗਾਰવੋ ਕਤੋ ਹੋਤੀ’’ਤਿ ਏਕਪਣ੍ਣਾਸਯੋਜਨਿਕਂ ਪਦਸਾવ ਪਟਿਪਜ੍ਜਿਂਸੁ। ਰਾਜਾਨੋਪਿ ਪੁਰਤੋ ਚ ਪਚ੍ਛਤੋ ਚ ਆਰਕ੍ਖਂ ਸਂવਿਦਹਾਪੇਤ੍વਾ ਤਣ੍ਡੁਲਸਪ੍ਪਿਤੇਲਾਦੀਨਂ ਸਕਟਾਨਿ ਪੂਰਾਪੇਤ੍વਾ ‘‘ਗਤਟ੍ਠਾਨੇ ਗਤਟ੍ਠਾਨੇ ਆਹਾਰਂ ਪਟਿਯਾਦੇਥਾ’’ਤਿ ਪੁਰਿਸੇ ਪੇਸਯਿਂਸੁ। ਸੂਨੇਹਿ ਪਾਦੇਹੀਤਿ ਤਾਸਞ੍ਹਿ ਸੁਖੁਮਾਲਤ੍ਤਾ ਪਾਦੇਸੁ ਏਕੋ ਫੋਟੋ ਉਟ੍ਠੇਤਿ, ਏਕੋ ਭਿਜ੍ਜਤਿ। ਉਭੋ ਪਾਦਾ ਕਤਕਟ੍ਠਿਸਮ੍ਪਰਿਕਿਣ੍ਣਾ વਿਯ ਹੁਤ੍વਾ ਉਦ੍ਧੁਮਾਤਾ ਜਾਤਾ। ਤੇਨ વੁਤ੍ਤਂ – ‘‘ਸੂਨੇਹਿ ਪਾਦੇਹੀ’’ਤਿ। ਬਹਿਦ੍વਾਰਕੋਟ੍ਠਕੇਤਿ ਦ੍વਾਰਕੋਟ੍ਠਕਤੋ ਬਹਿ। ਕਸ੍ਮਾ ਪਨੇવਂ ਠਿਤਾਤਿ? ਏવਂ ਕਿਰਸ੍ਸਾ ਅਹੋਸਿ – ‘‘ਅਹਂ ਤਥਾਗਤੇਨ ਅਨਨੁਞ੍ਞਾਤਾ ਸਯਮੇવ ਪਬ੍ਬਜ੍ਜਾવੇਸਂ ਅਗ੍ਗਹੇਸਿਂ, ਏવਂ ਗਹਿਤਭਾવੋ ਚ ਪਨ ਮੇ ਸਕਲਜਮ੍ਬੁਦੀਪੇ ਪਾਕਟੋ ਜਾਤੋ। ਸਚੇ ਸਤ੍ਥਾ ਪਬ੍ਬਜ੍ਜਂ ਅਨੁਜਾਨਾਤਿ, ਇਚ੍ਚੇਤਂ ਕੁਸਲਂ। ਸਚੇ ਪਨ ਨਾਨੁਜਾਨਿਸ੍ਸਤਿ, ਮਹਤੀ ਗਰਹਾ ਭવਿਸ੍ਸਤੀ’’ਤਿ વਿਹਾਰਂ ਪવਿਸਿਤੁਂ ਅਸਕ੍ਕੋਨ੍ਤੀ ਰੋਦਮਾਨਾવ ਅਟ੍ਠਾਸਿ।

Sambahulāhi sākiyānīhi saddhinti antonivesanamhiyeva dasabalaṃ uddissa pabbajjāvesaṃ gahetvā pañcasatā sākiyāniyo pabbajjāvesaṃyeva gāhāpetvā sabbāhipi tāhi sambahulāhi sākiyānīhi saddhiṃ. Cārikaṃ pakkāmīti gamanaṃ abhinīhari. Gamanābhinīharaṇakāle pana tā sukhumālā rājitthiyo padasā gantuṃ na sakkhissantīti sākiyakoliyarājāno sovaṇṇasivikāyo upaṭṭhāpayiṃsu. Tā pana ‘‘yāne āruyha gacchantīti satthari agāravo kato hotī’’ti ekapaṇṇāsayojanikaṃ padasāva paṭipajjiṃsu. Rājānopi purato ca pacchato ca ārakkhaṃ saṃvidahāpetvā taṇḍulasappitelādīnaṃ sakaṭāni pūrāpetvā ‘‘gataṭṭhāne gataṭṭhāne āhāraṃ paṭiyādethā’’ti purise pesayiṃsu. Sūnehi pādehīti tāsañhi sukhumālattā pādesu eko phoṭo uṭṭheti, eko bhijjati. Ubho pādā katakaṭṭhisamparikiṇṇā viya hutvā uddhumātā jātā. Tena vuttaṃ – ‘‘sūnehi pādehī’’ti. Bahidvārakoṭṭhaketi dvārakoṭṭhakato bahi. Kasmā panevaṃ ṭhitāti? Evaṃ kirassā ahosi – ‘‘ahaṃ tathāgatena ananuññātā sayameva pabbajjāvesaṃ aggahesiṃ, evaṃ gahitabhāvo ca pana me sakalajambudīpe pākaṭo jāto. Sace satthā pabbajjaṃ anujānāti, iccetaṃ kusalaṃ. Sace pana nānujānissati, mahatī garahā bhavissatī’’ti vihāraṃ pavisituṃ asakkontī rodamānāva aṭṭhāsi.

ਕਿਂ ਨੁ ਤ੍વਂ ਗੋਤਮੀਤਿ ਕਿਂ ਨੁ ਰਾਜਕੁਲਾਨਂ વਿਪਤ੍ਤਿ ਉਪ੍ਪਨ੍ਨਾ, ਕੇਨ ਤ੍વਂ ਕਾਰਣੇਨ ਏવਂ વਿવਣ੍ਣਭਾવਂ ਪਤ੍ਤਾ, ਸੂਨੇਹਿ ਪਾਦੇਹਿ…ਪੇ॰… ਠਿਤਾਤਿ। ਅਞ੍ਞੇਨਪਿ ਪਰਿਯਾਯੇਨਾਤਿ ਅਞ੍ਞੇਨਪਿ ਕਾਰਣੇਨ। ਬਹੁਕਾਰਾ, ਭਨ੍ਤੇਤਿਆਦਿਨਾ ਤਸ੍ਸਾ ਗੁਣਂ ਕਥੇਤ੍વਾ ਪੁਨ ਪਬ੍ਬਜ੍ਜਂ ਯਾਚਨ੍ਤੋ ਏવਮਾਹ। ਸਤ੍ਥਾਪਿ ‘‘ਇਤ੍ਥਿਯੋ ਨਾਮ ਪਰਿਤ੍ਤਪਞ੍ਞਾ, ਏਕਯਾਚਿਤਮਤ੍ਤੇਨ ਪਬ੍ਬਜ੍ਜਾਯ ਅਨੁਞ੍ਞਾਤਾਯ ਨ ਮਮ ਸਾਸਨਂ ਗਰੁਂ ਕਤ੍વਾ ਗਣ੍ਹਿਸ੍ਸਨ੍ਤੀ’’ਤਿ ਤਿਕ੍ਖਤ੍ਤੁਂ ਪਟਿਕ੍ਖਿਪਿਤ੍વਾ ਇਦਾਨਿ ਗਰੁਂ ਕਤ੍વਾ ਗਾਹਾਪੇਤੁਕਾਮਤਾਯ ਸਚੇ, ਆਨਨ੍ਦ, ਮਹਾਪਜਾਪਤੀ ਗੋਤਮੀ ਅਟ੍ਠ ਗਰੁਧਮ੍ਮੇ ਪਟਿਗ੍ਗਣ੍ਹਾਤਿ, ਸਾવ’ਸ੍ਸਾ ਹੋਤੁ ਉਪਸਮ੍ਪਦਾਤਿਆਦਿਮਾਹ। ਤਤ੍ਥ ਸਾવਸ੍ਸਾਤਿ ਸਾ ਏવ ਅਸ੍ਸਾ ਪਬ੍ਬਜ੍ਜਾਪਿ ਉਪਸਮ੍ਪਦਾਪਿ ਹੋਤੁ।

Kiṃ nu tvaṃ gotamīti kiṃ nu rājakulānaṃ vipatti uppannā, kena tvaṃ kāraṇena evaṃ vivaṇṇabhāvaṃ pattā, sūnehi pādehi…pe… ṭhitāti. Aññenapi pariyāyenāti aññenapi kāraṇena. Bahukārā, bhantetiādinā tassā guṇaṃ kathetvā puna pabbajjaṃ yācanto evamāha. Satthāpi ‘‘itthiyo nāma parittapaññā, ekayācitamattena pabbajjāya anuññātāya na mama sāsanaṃ garuṃ katvā gaṇhissantī’’ti tikkhattuṃ paṭikkhipitvā idāni garuṃ katvā gāhāpetukāmatāya sace, ānanda, mahāpajāpatī gotamīaṭṭha garudhamme paṭiggaṇhāti, sāva’ssā hotuupasampadātiādimāha. Tattha sāvassāti sā eva assā pabbajjāpi upasampadāpi hotu.

ਤਦਹੂਪਸਮ੍ਪਨ੍ਨਸ੍ਸਾਤਿ ਤਂਦਿવਸਂ ਉਪਸਮ੍ਪਨ੍ਨਸ੍ਸ। ਅਭਿવਾਦਨਂ ਪਚ੍ਚੁਟ੍ਠਾਨਂ ਅਞ੍ਜਲਿਕਮ੍ਮਂ ਸਾਮੀਚਿਕਮ੍ਮਂ ਕਤ੍ਤਬ੍ਬਨ੍ਤਿ ਓਮਾਨਾਤਿਮਾਨੇ ਅਕਤ੍વਾ ਪਞ੍ਚਪਤਿਟ੍ਠਿਤੇਨ ਅਭਿવਾਦਨਂ, ਆਸਨਾ ਪਚ੍ਚੁਟ੍ਠਾਯ ਪਚ੍ਚੁਗ੍ਗਮਨવਸੇਨ ਪਚ੍ਚੁਟ੍ਠਾਨਂ, ਦਸਨਖੇ ਸਮੋਧਾਨੇਤ੍વਾ ਅਞ੍ਜਲਿਕਮ੍ਮਂ, ਆਸਨਪਞ੍ਞਾਪਨਬੀਜਨਾਦਿਕਂ ਅਨੁਚ੍ਛવਿਕਕਮ੍ਮਸਙ੍ਖਾਤਂ ਸਾਮੀਚਿਕਮ੍ਮਞ੍ਚ ਕਤਬ੍ਬਂ। ਅਭਿਕ੍ਖੁਕੇ ਆવਾਸੇਤਿ ਯਤ੍ਥ વਸਨ੍ਤਿਯਾ ਅਨਨ੍ਤਰਾਯੇਨ ਓવਾਦਤ੍ਥਾਯ ਉਪਸਙ੍ਕਮਨਟ੍ਠਾਨੇ ਓવਾਦਦਾਯਕੋ ਆਚਰਿਯੋ ਨਤ੍ਥਿ, ਅਯਂ ਅਭਿਕ੍ਖੁਕੋ ਆવਾਸੋ ਨਾਮ। ਏવਰੂਪੇ ਆવਾਸੇ વਸ੍ਸਂ ਨ ਉਪਗਨ੍ਤਬ੍ਬਂ। ਅਨ੍વਡ੍ਢਮਾਸਨ੍ਤਿ ਅਨੁਪੋਸਥਿਕਂ। ਓવਾਦੂਪਸਙ੍ਕਮਨਨ੍ਤਿ ਓવਾਦਤ੍ਥਾਯ ਉਪਸਙ੍ਕਮਨਂ। ਦਿਟ੍ਠੇਨਾਤਿ ਚਕ੍ਖੁਨਾ ਦਿਟ੍ਠੇਨ। ਸੁਤੇਨਾਤਿ ਸੋਤੇਨ ਸੁਤੇਨ। ਪਰਿਸਙ੍ਕਾਯਾਤਿ ਦਿਟ੍ਠਸੁਤવਸੇਨ ਪਰਿਸਙ੍ਕਿਤੇਨ। ਗਰੁਧਮ੍ਮਨ੍ਤਿ ਗਰੁਕਂ ਸਙ੍ਘਾਦਿਸੇਸਾਪਤ੍ਤਿਂ। ਪਕ੍ਖਮਾਨਤ੍ਤਨ੍ਤਿ ਅਨੂਨਾਨਿ ਪਨ੍ਨਰਸ ਦਿવਸਾਨਿ ਮਾਨਤ੍ਤਂ। ਛਸੁ ਧਮ੍ਮੇਸੂਤਿ વਿਕਾਲਭੋਜਨਚ੍ਛਟ੍ਠੇਸੁ ਸਿਕ੍ਖਾਪਦੇਸੁ। ਸਿਕ੍ਖਿਤਸਿਕ੍ਖਾਯਾਤਿ ਏਕਸਿਕ੍ਖਮ੍ਪਿ ਅਖਣ੍ਡਂ ਕਤ੍વਾ ਪੂਰਿਤਸਿਕ੍ਖਾਯ। ਅਕ੍ਕੋਸਿਤਬ੍ਬੋ ਪਰਿਭਾਸਿਤਬ੍ਬੋਤਿ ਦਸਨ੍ਨਂ ਅਕ੍ਕੋਸવਤ੍ਥੂਨਂ ਅਞ੍ਞਤਰੇਨ ਅਕ੍ਕੋਸવਤ੍ਥੁਨਾ ਨ ਅਕ੍ਕੋਸਿਤਬ੍ਬੋ, ਭਯੂਪਦਂਸਨਾਯ ਯਾਯ ਕਾਯਚਿ ਪਰਿਭਾਸਾਯ ਨ ਪਰਿਭਾਸਿਤਬ੍ਬੋ।

Tadahūpasampannassāti taṃdivasaṃ upasampannassa. Abhivādanaṃ paccuṭṭhānaṃ añjalikammaṃ sāmīcikammaṃ kattabbanti omānātimāne akatvā pañcapatiṭṭhitena abhivādanaṃ, āsanā paccuṭṭhāya paccuggamanavasena paccuṭṭhānaṃ, dasanakhe samodhānetvā añjalikammaṃ, āsanapaññāpanabījanādikaṃ anucchavikakammasaṅkhātaṃ sāmīcikammañca katabbaṃ. Abhikkhuke āvāseti yattha vasantiyā anantarāyena ovādatthāya upasaṅkamanaṭṭhāne ovādadāyako ācariyo natthi, ayaṃ abhikkhuko āvāso nāma. Evarūpe āvāse vassaṃ na upagantabbaṃ. Anvaḍḍhamāsanti anuposathikaṃ. Ovādūpasaṅkamananti ovādatthāya upasaṅkamanaṃ. Diṭṭhenāti cakkhunā diṭṭhena. Sutenāti sotena sutena. Parisaṅkāyāti diṭṭhasutavasena parisaṅkitena. Garudhammanti garukaṃ saṅghādisesāpattiṃ. Pakkhamānattanti anūnāni pannarasa divasāni mānattaṃ. Chasu dhammesūti vikālabhojanacchaṭṭhesu sikkhāpadesu. Sikkhitasikkhāyāti ekasikkhampi akhaṇḍaṃ katvā pūritasikkhāya. Akkositabbo paribhāsitabboti dasannaṃ akkosavatthūnaṃ aññatarena akkosavatthunā na akkositabbo, bhayūpadaṃsanāya yāya kāyaci paribhāsāya na paribhāsitabbo.

ਓવਟੋ ਭਿਕ੍ਖੁਨੀਨਂ ਭਿਕ੍ਖੂਸੁ વਚਨਪਥੋਤਿ ਓવਾਦਾਨੁਸਾਸਨਧਮ੍ਮਕਥਾਸਙ੍ਖਾਤੋ વਚਨਪਥੋ ਭਿਕ੍ਖੁਨੀਨਂ ਭਿਕ੍ਖੂਸੁ ਓવਰਿਤੋ ਪਿਹਿਤੋ, ਨ ਭਿਕ੍ਖੁਨਿਯਾ ਕੋਚਿ ਭਿਕ੍ਖੁ ਓવਦਿਤਬ੍ਬੋ ਅਨੁਸਾਸਿਤਬ੍ਬੋ વਾ ‘‘ਭਨ੍ਤੇ, ਪੋਰਾਣਕਤ੍ਥੇਰਾ ਇਦਂ ਚੀવਰવਤ੍ਤਂ ਪੂਰਯਿਂਸੂ’’ਤਿ ਏવਂ ਪਨ ਪવੇਣਿવਸੇਨ ਕਥੇਤੁਂ વਟ੍ਟਤਿ। ਅਨੋવਟੋ ਭਿਕ੍ਖੂਨਂ ਭਿਕ੍ਖੁਨੀਸੁ વਚਨਪਥੋਤਿ ਭਿਕ੍ਖੂਨਂ ਪਨ ਭਿਕ੍ਖੁਨੀਸੁ વਚਨਪਥੋ ਅਨਿવਾਰਿਤੋ, ਯਥਾਰੁਚਿ ਓવਦਿਤੁਂ ਅਨੁਸਾਸਿਤੁਂ ਧਮ੍ਮਕਥਂ ਕਥੇਤੁਨ੍ਤਿ ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰਤੋ ਪਨੇਸਾ ਗਰੁਧਮ੍ਮਕਥਾ ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ (ਪਾਚਿ॰ ਅਟ੍ਠ॰ ੧੪੮) વੁਤ੍ਤਨਯੇਨੇવ વੇਦਿਤਬ੍ਬਾ।

Ovaṭo bhikkhunīnaṃ bhikkhūsu vacanapathoti ovādānusāsanadhammakathāsaṅkhāto vacanapatho bhikkhunīnaṃ bhikkhūsu ovarito pihito, na bhikkhuniyā koci bhikkhu ovaditabbo anusāsitabbo vā ‘‘bhante, porāṇakattherā idaṃ cīvaravattaṃ pūrayiṃsū’’ti evaṃ pana paveṇivasena kathetuṃ vaṭṭati. Anovaṭobhikkhūnaṃ bhikkhunīsu vacanapathoti bhikkhūnaṃ pana bhikkhunīsu vacanapatho anivārito, yathāruci ovadituṃ anusāsituṃ dhammakathaṃ kathetunti ayamettha saṅkhepo, vitthārato panesā garudhammakathā samantapāsādikāya vinayasaṃvaṇṇanāya (pāci. aṭṭha. 148) vuttanayeneva veditabbā.

ਇਮੇ ਪਨ ਅਟ੍ਠ ਗਰੁਧਮ੍ਮੇ ਸਤ੍ਥੁ ਸਨ੍ਤਿਕੇ ਉਗ੍ਗਹੇਤ੍વਾ ਥੇਰੇਨ ਅਤ੍ਤਨੋ ਆਰੋਚਿਯਮਾਨੇ ਸੁਤ੍વਾવ ਮਹਾਪਜਾਪਤਿਯਾ ਤਾવ ਮਹਨ੍ਤਂ ਦੋਮਨਸ੍ਸਂ ਖਣੇਨ ਪਟਿਪ੍ਪਸ੍ਸਮ੍ਭਿ, ਅਨੋਤਤ੍ਤਦਹਤੋ ਆਭਤੇਨ ਸੀਤੁਦਕਸ੍ਸ ਘਟਸਤੇਨ ਮਤ੍ਥਕੇ ਪਰਿਸਿਤ੍ਤਾ વਿਯ વਿਗਤਪਰਿਲ਼ਾਹਾ ਅਤ੍ਤਮਨਾ ਹੁਤ੍વਾ ਗਰੁਧਮ੍ਮਪਟਿਗ੍ਗਹਣੇਨ ਉਪ੍ਪਨ੍ਨਪੀਤਿਪਾਮੋਜ੍ਜਂ ਆવਿਕਰੋਨ੍ਤੀ ਸੇਯ੍ਯਥਾਪਿ, ਭਨ੍ਤੇਤਿਆਦਿਕਂ ਉਦਾਨਂ ਉਦਾਨੇਸਿ।

Ime pana aṭṭha garudhamme satthu santike uggahetvā therena attano ārociyamāne sutvāva mahāpajāpatiyā tāva mahantaṃ domanassaṃ khaṇena paṭippassambhi, anotattadahato ābhatena sītudakassa ghaṭasatena matthake parisittā viya vigatapariḷāhā attamanā hutvā garudhammapaṭiggahaṇena uppannapītipāmojjaṃ āvikarontī seyyathāpi, bhantetiādikaṃ udānaṃ udānesi.

ਕੁਮ੍ਭਤ੍ਥੇਨਕੇਹੀਤਿ ਕੁਮ੍ਭੇ ਦੀਪਂ ਜਾਲੇਤ੍વਾ ਤੇਨ ਆਲੋਕੇਨ ਪਰਘਰੇ ਭਣ੍ਡਂ વਿਚਿਨਿਤ੍વਾ ਥੇਨਕਚੋਰੇਹਿ। ਸੇਤਟ੍ਠਿਕਾ ਨਾਮ ਰੋਗਜਾਤੀਤਿ ਏਕੋ ਪਾਣਕੋ ਨਾਲ਼ਮਜ੍ਝਗਤਂ ਕਣ੍ਡਂ વਿਜ੍ਝਤਿ, ਯੇਨ વਿਦ੍ਧਾ ਕਣ੍ਡਾ ਨਿਕ੍ਖਨ੍ਤਮ੍ਪਿ ਸਾਲਿਸੀਸਂ ਖੀਰਂ ਗਹੇਤੁਂ ਨ ਸਕ੍ਕੋਤਿ। ਮਞ੍ਜਿਟ੍ਠਿਕਾ ਨਾਮ ਰੋਗਜਾਤੀਤਿ ਉਚ੍ਛੂਨਂ ਅਨ੍ਤੋਰਤ੍ਤਭਾવੋ।

Kumbhatthenakehīti kumbhe dīpaṃ jāletvā tena ālokena paraghare bhaṇḍaṃ vicinitvā thenakacorehi. Setaṭṭhikā nāma rogajātīti eko pāṇako nāḷamajjhagataṃ kaṇḍaṃ vijjhati, yena viddhā kaṇḍā nikkhantampi sālisīsaṃ khīraṃ gahetuṃ na sakkoti. Mañjiṭṭhikā nāma rogajātīti ucchūnaṃ antorattabhāvo.

ਮਹਤੋ ਤਲ਼ਾਕਸ੍ਸ ਪਟਿਕਚ੍ਚੇવ ਆਲ਼ਿਨ੍ਤਿ ਇਮਿਨਾ ਪਨ ਏਤਮਤ੍ਥਂ ਦਸ੍ਸੇਤਿ – ਯਥਾ ਮਹਤੋ ਤਲ਼ਾਕਸ੍ਸ ਪਾਲ਼ਿਯਾ ਅਬਦ੍ਧਾਯਪਿ ਕਿਞ੍ਚਿ ਉਦਕਂ ਤਿਟ੍ਠਤੇવ, ਪਠਮਮੇવ ਬਦ੍ਧਾਯ ਪਨ ਯਂ ਅਬਦ੍ਧਪਚ੍ਚਯਾ ਨ ਤਿਟ੍ਠੇਯ੍ਯ, ਤਮ੍ਪਿ ਤਿਟ੍ਠੇਯ੍ਯ, ਏવਮੇવ ਯੇ ਇਮੇ ਅਨੁਪ੍ਪਨ੍ਨੇ વਤ੍ਥੁਸ੍ਮਿਂ ਪਟਿਕਚ੍ਚੇવ ਅਨਤਿਕ੍ਕਮਨਤ੍ਥਾਯ ਗਰੁਧਮ੍ਮਾ ਪਞ੍ਞਤ੍ਤਾ, ਤੇਸੁ ਅਪਞ੍ਞਤ੍ਤੇਸੁ ਮਾਤੁਗਾਮਸ੍ਸ ਪਬ੍ਬਜਿਤਤ੍ਤਾ ਪਞ੍ਚ વਸ੍ਸਸਤਾਨਿ ਸਦ੍ਧਮ੍ਮੋ ਤਿਟ੍ਠੇਯ੍ਯ। ਪਟਿਕਚ੍ਚੇવ ਪਞ੍ਞਤ੍ਤਤ੍ਤਾ ਪਨ ਅਪਰਾਨਿਪਿ ਪਞ੍ਚ વਸ੍ਸਸਤਾਨਿ ਠਸ੍ਸਤੀਤਿ ਏવਂ ਪਠਮਂ વੁਤ੍ਤવਸ੍ਸਸਹਸ੍ਸਮੇવ ਠਸ੍ਸਤਿ। વਸ੍ਸਸਹਸ੍ਸਨ੍ਤਿ ਚੇਤਂ ਪਟਿਸਮ੍ਭਿਦਾਪਭੇਦਪ੍ਪਤ੍ਤਖੀਣਾਸવਾਨਂ વਸੇਨੇવ વੁਤ੍ਤਂ, ਤਤੋ ਪਨ ਉਤ੍ਤਰਿਪਿ ਸੁਕ੍ਖવਿਪਸ੍ਸਕਖੀਣਾਸવવਸੇਨ વਸ੍ਸਸਹਸ੍ਸਂ, ਅਨਾਗਾਮਿવਸੇਨ વਸ੍ਸਸਹਸ੍ਸਂ, ਸਕਦਾਗਾਮਿવਸੇਨ વਸ੍ਸਸਹਸ੍ਸਂ, ਸੋਤਾਪਨ੍ਨવਸੇਨ વਸ੍ਸਸਹਸ੍ਸਨ੍ਤਿ ਏવਂ ਪਞ੍ਚવਸ੍ਸਸਹਸ੍ਸਾਨਿ ਪਟਿવੇਧਸਦ੍ਧਮ੍ਮੋ ਠਸ੍ਸਤਿ। ਪਰਿਯਤ੍ਤਿਧਮ੍ਮੋਪਿ ਤਾਨਿਯੇવ। ਨ ਹਿ ਪਰਿਯਤ੍ਤਿਯਾ ਅਸਤਿ ਪਟਿવੇਧੋ ਅਤ੍ਥਿ, ਨਾਪਿ ਪਰਿਯਤ੍ਤਿਯਾ ਸਤਿ ਪਟਿવੇਧੋ ਨ ਹੋਤਿ। ਲਿਙ੍ਗਂ ਪਨ ਪਰਿਯਤ੍ਤਿਯਾ ਅਨ੍ਤਰਹਿਤਾਯਪਿ ਚਿਰਂ ਪવਤ੍ਤਿਸ੍ਸਤੀਤਿ।

Mahato taḷākassa paṭikacceva āḷinti iminā pana etamatthaṃ dasseti – yathā mahato taḷākassa pāḷiyā abaddhāyapi kiñci udakaṃ tiṭṭhateva, paṭhamameva baddhāya pana yaṃ abaddhapaccayā na tiṭṭheyya, tampi tiṭṭheyya, evameva ye ime anuppanne vatthusmiṃ paṭikacceva anatikkamanatthāya garudhammā paññattā, tesu apaññattesu mātugāmassa pabbajitattā pañca vassasatāni saddhammo tiṭṭheyya. Paṭikacceva paññattattā pana aparānipi pañca vassasatāni ṭhassatīti evaṃ paṭhamaṃ vuttavassasahassameva ṭhassati. Vassasahassanti cetaṃ paṭisambhidāpabhedappattakhīṇāsavānaṃ vaseneva vuttaṃ, tato pana uttaripi sukkhavipassakakhīṇāsavavasena vassasahassaṃ, anāgāmivasena vassasahassaṃ, sakadāgāmivasena vassasahassaṃ, sotāpannavasena vassasahassanti evaṃ pañcavassasahassāni paṭivedhasaddhammo ṭhassati. Pariyattidhammopi tāniyeva. Na hi pariyattiyā asati paṭivedho atthi, nāpi pariyattiyā sati paṭivedho na hoti. Liṅgaṃ pana pariyattiyā antarahitāyapi ciraṃ pavattissatīti.

Next: ੨. ਓવਾਦਸੁਤ੍ਤવਣ੍ਣਨਾ • 2. Ovādasuttavaṇṇanā

Related texts:

ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਗੋਤਮੀਸੁਤ੍ਤਂ • 1. Gotamīsuttaṃ

ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੩. ਗੋਤਮੀਸੁਤ੍ਤਾਦਿવਣ੍ਣਨਾ • 1-3. Gotamīsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact