| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਗੋਤਮਿવਤ੍ਥਦਾਨਪਞ੍ਹੋ
2. Gotamivatthadānapañho
੨. ‘‘ਭਨ੍ਤੇ ਨਾਗਸੇਨ, ਭਾਸਿਤਮ੍ਪੇਤਂ ਭਗવਤਾ ਮਾਤੁਚ੍ਛਾਯ ਮਹਾਪਜਾਪਤਿਯਾ ਗੋਤਮਿਯਾ વਸ੍ਸਿਕਸਾਟਿਕਾਯ ਦੀਯਮਾਨਾਯ ‘ਸਙ੍ਘੇ ਗੋਤਮਿ ਦੇਹਿ, ਸਙ੍ਘੇ ਤੇ ਦਿਨ੍ਨੇ ਅਹਞ੍ਚੇવ ਪੂਜਿਤੋ ਭવਿਸ੍ਸਾਮਿ ਸਙ੍ਘੋ ਚਾ’ਤਿ। ਕਿਂ ਨੁ ਖੋ, ਭਨ੍ਤੇ ਨਾਗਸੇਨ, ਤਥਾਗਤੋ ਸਙ੍ਘਰਤਨਤੋ ਨ ਭਾਰਿਕੋ ਨ ਗਰੁਕੋ ਨ ਦਕ੍ਖਿਣੇਯ੍ਯੋ, ਯਂ ਤਥਾਗਤੋ ਸਕਾਯ ਮਾਤੁਚ੍ਛਾਯ ਸਯਂ ਪਿਞ੍ਜਿਤਂ 1 ਸਯਂ ਲੁਞ੍ਚਿਤਂ ਸਯਂ ਪੋਥਿਤਂ ਸਯਂ ਕਨ੍ਤਿਤਂ ਸਯਂ વਾਯਿਤਂ વਸ੍ਸਿਕਸਾਟਿਕਂ ਅਤ੍ਤਨੋ ਦੀਯਮਾਨਂ ਸਙ੍ਘਸ੍ਸ ਦਾਪੇਸਿ। ਯਦਿ, ਭਨ੍ਤੇ ਨਾਗਸੇਨ, ਤਥਾਗਤੋ ਸਙ੍ਘਰਤਨਤੋ ਉਤ੍ਤਰੋ ਭવੇਯ੍ਯ ਅਧਿਕੋ વਾ વਿਸਿਟ੍ਠੋ વਾ, ‘ਮਯਿ ਦਿਨ੍ਨੇ ਮਹਪ੍ਫਲਂ ਭવਿਸ੍ਸਤੀ’ਤਿ ਨ ਤਥਾਗਤੋ ਮਾਤੁਚ੍ਛਾਯ ਸਯਂ ਪਿਞ੍ਜਿਤਂ ਸਯਂ ਲੁਞ੍ਚਿਤਂ ਸਯਂ ਪੋਥਿਤਂ વਸ੍ਸਿਕਸਾਟਿਕਂ ਸਙ੍ਘੇ ਦਾਪੇਯ੍ਯ, ਯਸ੍ਮਾ ਚ ਖੋ ਭਨ੍ਤੇ ਨਾਗਸੇਨ ਤਥਾਗਤੋ ਅਤ੍ਤਾਨਂ ਨ ਪਤ੍ਥਯਤਿ 2 ਨ ਉਪਨਿਸ੍ਸਯਤਿ, ਤਸ੍ਮਾ ਤਥਾਗਤੋ ਮਾਤੁਚ੍ਛਾਯ ਤਂ વਸ੍ਸਿਕਸਾਟਿਕਂ ਸਙ੍ਘਸ੍ਸ ਦਾਪੇਸੀ’’ਤਿ।
2. ‘‘Bhante nāgasena, bhāsitampetaṃ bhagavatā mātucchāya mahāpajāpatiyā gotamiyā vassikasāṭikāya dīyamānāya ‘saṅghe gotami dehi, saṅghe te dinne ahañceva pūjito bhavissāmi saṅgho cā’ti. Kiṃ nu kho, bhante nāgasena, tathāgato saṅgharatanato na bhāriko na garuko na dakkhiṇeyyo, yaṃ tathāgato sakāya mātucchāya sayaṃ piñjitaṃ 3 sayaṃ luñcitaṃ sayaṃ pothitaṃ sayaṃ kantitaṃ sayaṃ vāyitaṃ vassikasāṭikaṃ attano dīyamānaṃ saṅghassa dāpesi. Yadi, bhante nāgasena, tathāgato saṅgharatanato uttaro bhaveyya adhiko vā visiṭṭho vā, ‘mayi dinne mahapphalaṃ bhavissatī’ti na tathāgato mātucchāya sayaṃ piñjitaṃ sayaṃ luñcitaṃ sayaṃ pothitaṃ vassikasāṭikaṃ saṅghe dāpeyya, yasmā ca kho bhante nāgasena tathāgato attānaṃ na patthayati 4 na upanissayati, tasmā tathāgato mātucchāya taṃ vassikasāṭikaṃ saṅghassa dāpesī’’ti.
‘‘ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਮਾਤੁਚ੍ਛਾਯ ਮਹਾਪਜਾਪਤਿਯਾ ਗੋਤਮਿਯਾ વਸ੍ਸਿਕਸਾਟਿਕਾਯ ਦੀਯਮਾਨਾਯ ‘ਸਙ੍ਘੇ ਗੋਤਮਿ ਦੇਹਿ, ਸਙ੍ਘੇ ਤੇ ਦਿਨ੍ਨੇ ਅਹਞ੍ਚੇવ ਪੂਜਿਤੋ ਭવਿਸ੍ਸਾਮਿ ਸਙ੍ਘੋ ਚਾ’ਤਿ। ਤਂ ਪਨ ਨ ਅਤ੍ਤਨੋ ਪਤਿਮਾਨਨਸ੍ਸ ਅવਿਪਾਕਤਾਯ ਨ ਅਦਕ੍ਖਿਣੇਯ੍ਯਤਾਯ, ਅਪਿ ਚ ਖੋ, ਮਹਾਰਾਜ, ਹਿਤਤ੍ਥਾਯ ਅਨੁਕਮ੍ਪਾਯ ਅਨਾਗਤਮਦ੍ਧਾਨਂ ਸਙ੍ਘੋ ਮਮਚ੍ਚਯੇਨ ਚਿਤ੍ਤੀਕਤੋ ਭવਿਸ੍ਸਤੀਤਿ વਿਜ੍ਜਮਾਨੇ ਯੇવ ਗੁਣੇ ਪਰਿਕਿਤ੍ਤਯਨ੍ਤੋ ਏવਮਾਹ ‘ਸਙ੍ਘੇ ਗੋਤਮਿ ਦੇਹਿ, ਸਙ੍ਘੇ ਤੇ ਦਿਨ੍ਨੇ ਅਹਞ੍ਚੇવ ਪੂਜਿਤੋ ਭવਿਸ੍ਸਾਮਿ ਸਙ੍ਘੋ ਚਾ’ਤਿ।
‘‘Bhāsitampetaṃ, mahārāja, bhagavatā mātucchāya mahāpajāpatiyā gotamiyā vassikasāṭikāya dīyamānāya ‘saṅghe gotami dehi, saṅghe te dinne ahañceva pūjito bhavissāmi saṅgho cā’ti. Taṃ pana na attano patimānanassa avipākatāya na adakkhiṇeyyatāya, api ca kho, mahārāja, hitatthāya anukampāya anāgatamaddhānaṃ saṅgho mamaccayena cittīkato bhavissatīti vijjamāne yeva guṇe parikittayanto evamāha ‘saṅghe gotami dehi, saṅghe te dinne ahañceva pūjito bhavissāmi saṅgho cā’ti.
‘‘ਯਥਾ, ਮਹਾਰਾਜ, ਪਿਤਾ ਧਰਮਾਨੋ ਯੇવ ਅਮਚ੍ਚਭਟਬਲਦੋવਾਰਿਕਅਨੀਕਟ੍ਠਪਾਰਿਸਜ੍ਜਜਨਮਜ੍ਝੇ ਰਞ੍ਞੋ ਸਨ੍ਤਿਕੇ ਪੁਤ੍ਤਸ੍ਸ વਿਜ੍ਜਮਾਨਂ ਯੇવ ਗੁਣਂ ਪਕਿਤ੍ਤੇਤਿ 5 ‘ਇਧ ਠਪਿਤੋ ਅਨਾਗਤਮਦ੍ਧਾਨਂ ਜਨਮਜ੍ਝੇ ਪੂਜਿਤੋ ਭવਿਸ੍ਸਤੀ’ਤਿ। ਏવਮੇવ ਖੋ, ਮਹਾਰਾਜ, ਤਥਾਗਤੋ ਹਿਤਤ੍ਥਾਯ ਅਨੁਕਮ੍ਪਾਯ ਅਨਾਗਤਮਦ੍ਧਾਨਂ ਸਙ੍ਘੋ ਮਮਚ੍ਚਯੇਨ ਚਿਤ੍ਤੀਕਤੋ ਭવਿਸ੍ਸਤੀਤਿ વਿਜ੍ਜਮਾਨੇ ਯੇવ ਗੁਣੇ ਪਕਿਤ੍ਤਯਨ੍ਤੋ ਏવਮਾਹ ‘ਸਙ੍ਘੇ ਗੋਤਮਿ ਦੇਹਿ, ਸਙ੍ਘੇ ਤੇ ਦਿਨ੍ਨੇ ਅਹਞ੍ਚੇવ ਪੁਜਿਤੋ ਭવਿਸ੍ਸਾਮਿ ਸਙ੍ਘੋ ਚਾ’ਤਿ।
‘‘Yathā, mahārāja, pitā dharamāno yeva amaccabhaṭabaladovārikaanīkaṭṭhapārisajjajanamajjhe rañño santike puttassa vijjamānaṃ yeva guṇaṃ pakitteti 6 ‘idha ṭhapito anāgatamaddhānaṃ janamajjhe pūjito bhavissatī’ti. Evameva kho, mahārāja, tathāgato hitatthāya anukampāya anāgatamaddhānaṃ saṅgho mamaccayena cittīkato bhavissatīti vijjamāne yeva guṇe pakittayanto evamāha ‘saṅghe gotami dehi, saṅghe te dinne ahañceva pujito bhavissāmi saṅgho cā’ti.
‘‘ਨ ਖੋ, ਮਹਾਰਾਜ, ਤਾવਤਕੇਨ વਸ੍ਸਿਕਸਾਟਿਕਾਨੁਪ੍ਪਦਾਨਮਤ੍ਤਕੇਨ ਸਙ੍ਘੋ ਤਥਾਗਤਤੋ ਅਧਿਕੋ ਨਾਮ ਹੋਤਿ વਿਸਿਟ੍ਠੋ વਾ। ਯਥਾ, ਮਹਾਰਾਜ, ਮਾਤਾਪਿਤਰੋ ਪੁਤ੍ਤਾਨਂ ਉਚ੍ਛਾਦੇਨ੍ਤਿ ਪਰਿਮਦ੍ਦਨ੍ਤਿ ਨਹਾਪੇਨ੍ਤਿ ਸਮ੍ਬਾਹੇਨ੍ਤਿ, ਅਪਿ ਨੁ ਖੋ, ਮਹਾਰਾਜ, ਤਾવਤਕੇਨ ਉਚ੍ਛਾਦਨਪਰਿਮਦ੍ਦਨਨਹਾਪਨਸਮ੍ਬਾਹਨਮਤ੍ਤਕੇਨ ‘ਪੁਤ੍ਤੋ ਮਾਤਾਪਿਤੂਹਿ ਅਧਿਕੋ ਨਾਮ ਹੋਤਿ વਿਸਿਟ੍ਠੋ વਾ’ਤਿ? ‘‘ਨ ਹਿ, ਭਨ੍ਤੇ, ਅਕਾਮਕਰਣੀਯਾ ਭਨ੍ਤੇ ਪੁਤ੍ਤਾ ਮਾਤਾਪਿਤੂਨਂ, ਤਸ੍ਮਾ ਮਾਤਾਪਿਤਰੋ ਪੁਤ੍ਤਾਨਂ ਉਚ੍ਛਾਦਨਪਰਿਮਦ੍ਦਨਨਹਾਪਨਸਮ੍ਬਾਹਨਂ ਕਰੋਨ੍ਤੀ’’ਤਿ। ਏવਮੇવ ਖੋ, ਮਹਾਰਾਜ, ਨ ਤਾવਤਕੇਨ વਸ੍ਸਿਕਸਾਟਿਕਾਨੁਪ੍ਪਦਾਨਮਤ੍ਤਕੇਨ ਸਙ੍ਘੋ ਤਥਾਗਤਤੋ ਅਧਿਕੋ ਨਾਮ ਹੋਤਿ વਿਸਿਟ੍ਠੋ વਾਤਿ। ਅਪਿ ਚ ਤਥਾਗਤੋ ਅਕਾਮਕਰਣੀਯਂ ਕਰੋਨ੍ਤੋ ਮਾਤੁਚ੍ਛਾਯ ਤਂ વਸ੍ਸਿਕਸਾਟਿਕਂ ਸਙ੍ਘਸ੍ਸ ਦਾਪੇਸਿ।
‘‘Na kho, mahārāja, tāvatakena vassikasāṭikānuppadānamattakena saṅgho tathāgatato adhiko nāma hoti visiṭṭho vā. Yathā, mahārāja, mātāpitaro puttānaṃ ucchādenti parimaddanti nahāpenti sambāhenti, api nu kho, mahārāja, tāvatakena ucchādanaparimaddananahāpanasambāhanamattakena ‘putto mātāpitūhi adhiko nāma hoti visiṭṭho vā’ti? ‘‘Na hi, bhante, akāmakaraṇīyā bhante puttā mātāpitūnaṃ, tasmā mātāpitaro puttānaṃ ucchādanaparimaddananahāpanasambāhanaṃ karontī’’ti. Evameva kho, mahārāja, na tāvatakena vassikasāṭikānuppadānamattakena saṅgho tathāgatato adhiko nāma hoti visiṭṭho vāti. Api ca tathāgato akāmakaraṇīyaṃ karonto mātucchāya taṃ vassikasāṭikaṃ saṅghassa dāpesi.
‘‘ਯਥਾ વਾ ਪਨ, ਮਹਾਰਾਜ, ਕੋਚਿਦੇવ ਪੁਰਿਸੋ ਰਞ੍ਞੋ ਉਪਾਯਨਂ ਆਹਰੇਯ੍ਯ, ਤਂ ਰਾਜਾ ਉਪਾਯਨਂ ਅਞ੍ਞਤਰਸ੍ਸ ਭਟਸ੍ਸ વਾ ਬਲਸ੍ਸ વਾ ਸੇਨਾਪਤਿਸ੍ਸ વਾ ਪੁਰੋਹਿਤਸ੍ਸ વਾ ਦਦੇਯ੍ਯ। ਅਪਿ ਨੁ ਖੋ ਸੋ, ਮਹਾਰਾਜ, ਪੁਰਿਸੋ ਤਾવਤਕੇਨ ਉਪਾਯਨਪਟਿਲਾਭਮਤ੍ਤਕੇਨ ਰਞ੍ਞਾ ਅਧਿਕੋ ਨਾਮ ਹੋਤਿ વਿਸਿਟ੍ਠੋ વਾ’’ਤਿ? ‘‘ਨ ਹਿ, ਭਨ੍ਤੇ, ਰਾਜਭਤ੍ਤਿਕੋ, ਭਨ੍ਤੇ, ਸੋ ਪੁਰਿਸੋ ਰਾਜੂਪਜੀવੀ, ਤਟ੍ਠਾਨੇ ਠਪੇਨ੍ਤੋ ਰਾਜਾ ਉਪਾਯਨਂ ਦੇਤੀ’’ਤਿ। ‘‘ਏવਮੇવ ਖੋ, ਮਹਾਰਾਜ, ਨ ਤਾવਤਕੇਨ વਸ੍ਸਿਕਸਾਟਿਕਾਨੁਪ੍ਪਦਾਨਮਤ੍ਤਕੇਨ ਸਙ੍ਘੋ ਤਥਾਗਤਤੋ ਅਧਿਕੋ ਨਾਮ ਹੋਤਿ વਿਸਿਟ੍ਠੋ વਾ, ਅਥ ਖੋ ਤਥਾਗਤਭਤ੍ਤਿਕੋ ਤਥਾਗਤੂਪਜੀવੀ। ਤਟ੍ਠਾਨੇ ਠਪੇਨ੍ਤੋ ਤਥਾਗਤੋ ਸਙ੍ਘਸ੍ਸ વਸ੍ਸਿਕਸਾਟਿਕਂ ਦਾਪੇਸਿ।
‘‘Yathā vā pana, mahārāja, kocideva puriso rañño upāyanaṃ āhareyya, taṃ rājā upāyanaṃ aññatarassa bhaṭassa vā balassa vā senāpatissa vā purohitassa vā dadeyya. Api nu kho so, mahārāja, puriso tāvatakena upāyanapaṭilābhamattakena raññā adhiko nāma hoti visiṭṭho vā’’ti? ‘‘Na hi, bhante, rājabhattiko, bhante, so puriso rājūpajīvī, taṭṭhāne ṭhapento rājā upāyanaṃ detī’’ti. ‘‘Evameva kho, mahārāja, na tāvatakena vassikasāṭikānuppadānamattakena saṅgho tathāgatato adhiko nāma hoti visiṭṭho vā, atha kho tathāgatabhattiko tathāgatūpajīvī. Taṭṭhāne ṭhapento tathāgato saṅghassa vassikasāṭikaṃ dāpesi.
‘‘ਅਪਿ ਚ, ਮਹਾਰਾਜ, ਤਥਾਗਤਸ੍ਸ ਏવਂ ਅਹੋਸਿ ‘ਸਭਾવਪਟਿਪੂਜਨੀਯੋ ਸਙ੍ਘੋ, ਮਮ ਸਨ੍ਤਕੇਨ ਸਙ੍ਘਂ ਪਟਿਪੂਜੇਸ੍ਸਾਮੀ’ਤਿ ਸਙ੍ਘਸ੍ਸ વਸ੍ਸਿਕਸਾਟਿਕਂ ਦਾਪੇਸਿ, ਨ, ਮਹਾਰਾਜ, ਤਥਾਗਤੋ ਅਤ੍ਤਨੋ ਯੇવ ਪਟਿਪੂਜਨਂ વਣ੍ਣੇਤਿ, ਅਥ ਖੋ ਯੇ ਲੋਕੇ ਪਟਿਪੂਜਨਾਰਹਾ, ਤੇਸਮ੍ਪਿ ਤਥਾਗਤੋ ਪਟਿਪੂਜਨਂ વਣ੍ਣੇਤਿ।
‘‘Api ca, mahārāja, tathāgatassa evaṃ ahosi ‘sabhāvapaṭipūjanīyo saṅgho, mama santakena saṅghaṃ paṭipūjessāmī’ti saṅghassa vassikasāṭikaṃ dāpesi, na, mahārāja, tathāgato attano yeva paṭipūjanaṃ vaṇṇeti, atha kho ye loke paṭipūjanārahā, tesampi tathāgato paṭipūjanaṃ vaṇṇeti.
‘‘ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਮਜ੍ਝਿਮਨਿਕਾਯવਰਲਞ੍ਛਕੇ ਧਮ੍ਮਦਾਯਾਦਧਮ੍ਮਪਰਿਯਾਯੇ ਅਪ੍ਪਿਚ੍ਛਪ੍ਪਟਿਪਤ੍ਤਿਂ ਪਕਿਤ੍ਤਯਮਾਨੇਨ ‘ਅਸੁ ਯੇવ ਮੇ ਪੁਰਿਮੋ ਭਿਕ੍ਖੁ ਪੁਜ੍ਜਤਰੋ ਚ ਪਾਸਂਸਤਰੋ ਚਾ’ਤਿ। ‘‘ਨਤ੍ਥਿ, ਮਹਾਰਾਜ, ਭવੇਸੁ ਕੋਚਿ ਸਤ੍ਤੋ ਤਥਾਗਤਤੋ ਦਕ੍ਖਿਣੇਯ੍ਯੋ વਾ ਉਤ੍ਤਰੋ વਾ ਅਧਿਕੋ વਾ વਿਸਿਟ੍ਠੋ વਾ, ਤਥਾਗਤੋવ ਉਤ੍ਤਰੋ ਅਧਿਕੋ વਿਸਿਟ੍ਠੋ।
‘‘Bhāsitampetaṃ, mahārāja, bhagavatā devātidevena majjhimanikāyavaralañchake dhammadāyādadhammapariyāye appicchappaṭipattiṃ pakittayamānena ‘asu yeva me purimo bhikkhu pujjataro ca pāsaṃsataro cā’ti. ‘‘Natthi, mahārāja, bhavesu koci satto tathāgatato dakkhiṇeyyo vā uttaro vā adhiko vā visiṭṭho vā, tathāgatova uttaro adhiko visiṭṭho.
‘‘ਭਾਸਿਤਮ੍ਪੇਤਂ, ਮਹਾਰਾਜ, ਸਂਯੁਤ੍ਤਨਿਕਾਯવਰੇ ਮਾਣવਗਾਮਿਕੇਨ ਦੇવਪੁਤ੍ਤੇਨ ਭਗવਤੋ ਪੁਰਤੋ ਠਤ੍વਾ ਦੇવਮਨੁਸ੍ਸਮਜ੍ਝੇ –
‘‘Bhāsitampetaṃ, mahārāja, saṃyuttanikāyavare māṇavagāmikena devaputtena bhagavato purato ṭhatvā devamanussamajjhe –
ਸੇਤੋ ਹਿਮવਤਂ ਸੇਟ੍ਠੋ, ਆਦਿਚ੍ਚੋ ਅਘਗਾਮਿਨਂ॥
Seto himavataṃ seṭṭho, ādicco aghagāminaṃ.
‘‘‘ਸਮੁਦ੍ਦੋ ਉਦਧਿਨਂ ਸੇਟ੍ਠੋ, ਨਕ੍ਖਤ੍ਤਾਨਞ੍ਚ ਚਨ੍ਦਿਮਾ।
‘‘‘Samuddo udadhinaṃ seṭṭho, nakkhattānañca candimā;
ਸਦੇવਕਸ੍ਸ ਲੋਕਸ੍ਸ, ਬੁਦ੍ਧੋ ਅਗ੍ਗੋ ਪવੁਚ੍ਚਤੀ’ਤਿ॥
Sadevakassa lokassa, buddho aggo pavuccatī’ti.
‘‘ਤਾ ਖੋ ਪਨੇਤਾ, ਮਹਾਰਾਜ, ਮਾਣવਗਾਮਿਕੇਨ ਦੇવਪੁਤ੍ਤੇਨ ਗਾਥਾ ਸੁਗੀਤਾ ਨ ਦੁਗ੍ਗੀਤਾ, ਸੁਭਾਸਿਤਾ ਨ ਦੁਬ੍ਭਾਸਿਤਾ, ਅਨੁਮਤਾ ਚ ਭਗવਤਾ, ਨਨੁ, ਮਹਾਰਾਜ, ਥੇਰੇਨਪਿ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ ਭਣਿਤਂ –
‘‘Tā kho panetā, mahārāja, māṇavagāmikena devaputtena gāthā sugītā na duggītā, subhāsitā na dubbhāsitā, anumatā ca bhagavatā, nanu, mahārāja, therenapi sāriputtena dhammasenāpatinā bhaṇitaṃ –
‘‘‘ਏਕੋ ਮਨੋਪਸਾਦੋ। ਸਰਣਗਮਨਮਞ੍ਜਲਿਪਣਾਮੋ વਾ।
‘‘‘Eko manopasādo; Saraṇagamanamañjalipaṇāmo vā;
ਉਸ੍ਸਹਤੇ ਤਾਰਯਿਤੁਂ, ਮਾਰਬਲਨਿਸੂਦਨੇ ਬੁਦ੍ਧੇ’ਤਿ॥
Ussahate tārayituṃ, mārabalanisūdane buddhe’ti.
‘‘ਭਗવਤਾ ਚ ਭਣਿਤਂ ਦੇવਾਤਿਦੇવੇਨ ‘ਏਕਪੁਗ੍ਗਲੋ, ਭਿਕ੍ਖવੇ, ਲੋਕੇ ਉਪ੍ਪਜ੍ਜਮਾਨੋ ਉਪ੍ਪਜ੍ਜਤਿ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨਂ। ਕਤਮੋ ਏਕਪੁਗ੍ਗਲੋ? ਤਥਾਗਤੋ ਅਰਹਂ ਸਮ੍ਮਾਸਮ੍ਬੁਦ੍ਧੋ…ਪੇ॰… ਦੇવਮਨੁਸ੍ਸਾਨ’’’ਨ੍ਤਿ। ‘‘ਸਾਧੁ, ਭਨ੍ਤੇ ਨਾਗਸੇਨ, ਏવਮੇਤਂ ਤਥਾ ਸਮ੍ਪਟਿਚ੍ਛਾਮੀ’’ਤਿ।
‘‘Bhagavatā ca bhaṇitaṃ devātidevena ‘ekapuggalo, bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṃ. Katamo ekapuggalo? Tathāgato arahaṃ sammāsambuddho…pe… devamanussāna’’’nti. ‘‘Sādhu, bhante nāgasena, evametaṃ tathā sampaṭicchāmī’’ti.
ਗੋਤਮਿવਤ੍ਥਦਾਨਪਞ੍ਹੋ ਦੁਤਿਯੋ।
Gotamivatthadānapañho dutiyo.
Footnotes:
