| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
10. г̇од̇рабхун̃аан̣анид̣̇д̣̇зсаван̣н̣анаа
10. Gotrabhuñāṇaniddesavaṇṇanā
59. г̇од̇рабхун̃аан̣анид̣̇д̣̇зсз абхибхуяяад̇ийд̇и абхибхавад̇и ад̇иггамад̇и. б̣ахид̣̇д̇хаа сан̇кааранимид̇д̇анд̇и сагасанд̇аанаббавад̇д̇аагусалагканд̇хад̇о б̣ахид̣̇д̇хаабхууд̇ам̣ сан̇кааранимид̇д̇ам̣. логигасан̇каараа хи гилзсаанам̣ нимид̇д̇ад̇д̇аа, нимид̇д̇аагаарзна убадтаанад̇о ваа нимид̇д̇анд̇и вужжанд̇и. абхибхуяяад̇ийд̇и г̇од̇рабхууд̇и жа бут̇уж̇ж̇анаг̇од̇д̇аабхибхаванад̇о г̇од̇рабхубхааво вуд̇д̇о. багканд̣̇ад̇ийд̇и г̇од̇рабхууд̇и арияаг̇од̇д̇абхааванад̇о г̇од̇рабхубхааво вуд̇д̇о. абхибхуяяид̇ваа багканд̣̇ад̇ийд̇и г̇од̇рабхууд̇и убхо ад̇т̇з самаасзд̇ваа вуд̇д̇ам̣. вудтаад̇ийд̇и г̇од̇рабхууд̇и жа виваддад̇ийд̇и г̇од̇рабхууд̇и жа маад̇игааяа вудтаанавивадданабад̣̇аануруубзна бут̇уж̇ж̇анаг̇од̇д̇аабхибхаванад̇т̇оязва вуд̇д̇о. самат̇авасзна вуд̇д̇аг̇од̇рабхуунам̣ бана нийваран̣аад̣̇иг̇од̇д̇аабхибхаванад̇о г̇од̇рабхууд̇и, ‘‘сод̇аабад̇д̇ипаласамаабад̇д̇ад̇т̇ааяаа’’д̇иаад̣̇ийсу часу самаабад̇д̇иваарзсу уббаад̣̇аад̣̇иг̇од̇д̇аабхибхаванад̇о г̇од̇рабхууд̇и, ‘‘сагад̣̇ааг̇аамимаг̇г̇ам̣ бадилаабхад̇т̇ааяаа’’д̇иаад̣̇ийсу д̇ийсу маг̇г̇аваарзсу сод̇аабаннаад̣̇иг̇од̇д̇аабхибхаванад̇о г̇од̇рабхууд̇и ад̇т̇о взд̣̇ид̇аб̣б̣о. г̇од̇д̇ад̇т̇о жзд̇т̇а б̣ийж̇ад̇т̇о. вад̇д̇анибагаран̣з гира вуд̇д̇ам̣ – г̇од̇д̇ам̣ вужжад̇и ниб̣б̣аанам̣ саб̣б̣абарибант̇зхи г̇уд̇д̇ад̇д̇аа, д̇ам̣ бадибаж̇ж̇ад̇ийд̇и г̇од̇рабхууд̇и, адта самаабад̇д̇ияоби г̇од̇д̇ам̣ г̇од̇рабхубарибант̇зхи г̇уд̇д̇ад̇д̇аа, д̇ам̣ г̇од̇д̇ам̣ бадибаж̇ж̇ад̇ийд̇и г̇од̇рабхууд̇и вуд̇д̇ам̣. ‘‘жад̇уннам̣ маг̇г̇аанам̣язва г̇од̇рабху ниб̣б̣аанаарамман̣ам̣, жад̇ассаннам̣ паласамаабад̇д̇ийнам̣ г̇од̇рабху сан̇каараарамман̣ам̣ паласамаабад̇д̇ининнад̇д̇аа’’д̇и вад̣̇анд̇и. вуд̇д̇ан̃хзд̇ам̣ висуд̣̇д̇химаг̇г̇з – ‘‘д̇асса бавад̇д̇аанубуб̣б̣авибассанасса сан̇каараарамман̣аг̇од̇рабхун̃аан̣аананд̇арам̣ паласамаабад̇д̇ивасзна нирод̇хз жид̇д̇ам̣ аббзд̇ий’’д̇и (висуд̣̇д̇хи. 2.863). д̇знзвзд̇т̇а маг̇г̇аваарзсу сол̣асамам̣ гад̇ваа г̇ахид̇асса б̣ахид̣̇д̇хаасан̇кааранимид̇д̇абад̣̇асса самаабад̇д̇иваарзсу чадтам̣ гад̇ваа г̇ахан̣ам̣ на гад̇анд̇и взд̣̇ид̇аб̣б̣ам̣. ид̇арат̇аа хи муулабад̣̇аг̇ахан̣зна г̇ахзд̇аб̣б̣ам̣ бхавзяяа.
59. Gotrabhuñāṇaniddese abhibhuyyatīti abhibhavati atikkamati. Bahiddhā saṅkhāranimittanti sakasantānappavattaakusalakkhandhato bahiddhābhūtaṃ saṅkhāranimittaṃ. Lokikasaṅkhārā hi kilesānaṃ nimittattā, nimittākārena upaṭṭhānato vā nimittanti vuccanti. Abhibhuyyatīti gotrabhūti ca puthujjanagottābhibhavanato gotrabhubhāvo vutto. Pakkhandatīti gotrabhūti ariyagottabhāvanato gotrabhubhāvo vutto. Abhibhuyyitvā pakkhandatīti gotrabhūti ubho atthe samāsetvā vuttaṃ. Vuṭṭhātīti gotrabhūti ca vivaṭṭatīti gotrabhūti ca mātikāya vuṭṭhānavivaṭṭanapadānurūpena puthujjanagottābhibhavanatthoyeva vutto. Samathavasena vuttagotrabhūnaṃ pana nīvaraṇādigottābhibhavanato gotrabhūti, ‘‘sotāpattiphalasamāpattatthāyā’’tiādīsu chasu samāpattivāresu uppādādigottābhibhavanato gotrabhūti, ‘‘sakadāgāmimaggaṃ paṭilābhatthāyā’’tiādīsu tīsu maggavāresu sotāpannādigottābhibhavanato gotrabhūti attho veditabbo. Gottattho cettha bījattho. Vattanipakaraṇe kira vuttaṃ – gottaṃ vuccati nibbānaṃ sabbaparipanthehi guttattā, taṃ paṭipajjatīti gotrabhūti, aṭṭha samāpattiyopi gottaṃ gotrabhuparipanthehi guttattā, taṃ gottaṃ paṭipajjatīti gotrabhūti vuttaṃ. ‘‘Catunnaṃ maggānaṃyeva gotrabhu nibbānārammaṇaṃ, catassannaṃ phalasamāpattīnaṃ gotrabhu saṅkhārārammaṇaṃ phalasamāpattininnattā’’ti vadanti. Vuttañhetaṃ visuddhimagge – ‘‘tassa pavattānupubbavipassanassa saṅkhārārammaṇagotrabhuñāṇānantaraṃ phalasamāpattivasena nirodhe cittaṃ appetī’’ti (visuddhi. 2.863). Tenevettha maggavāresu soḷasamaṃ katvā gahitassa bahiddhāsaṅkhāranimittapadassa samāpattivāresu chaṭṭhaṃ katvā gahaṇaṃ na katanti veditabbaṃ. Itarathā hi mūlapadagahaṇena gahetabbaṃ bhaveyya.
ан̃н̃з бана ‘‘яо ниб̣б̣аанз батамаабхог̇о батамасаманнаахааро, аяам̣ вужжад̇и г̇од̇рабхуу’’д̇и вад̣̇анд̇и. д̇ам̣ палам̣ санд̇хааяа на яуж̇ж̇ад̇и. баннараса г̇од̇рабхуд̇хаммаа гусалаад̇и зд̇т̇а арахад̇о абхибхавид̇аб̣б̣анийваран̣аабхаавад̇о вид̇аггавижаараад̣̇ийнам̣ сукзнзва бахаад̇аб̣б̣абхаавад̇о жа абхибхаванадтзна г̇од̇рабхунаамам̣ наараханд̇ийд̇и гад̇ваа г̇од̇рабхуунам̣ аб̣яаагад̇ад̇аа на вуд̇д̇аад̇и взд̣̇ид̇аб̣б̣аа. арахад̇аа бана паласамаабад̇д̇им̣ самаабаж̇ж̇анд̇зна сан̇каарз анабхибхуяяа самаабаж̇ж̇ид̇ум̣ на саггаад̇и ‘‘д̇аяо г̇од̇рабхуд̇хаммаа аб̣яаагад̇аа’’д̇и вуд̇д̇аа. гзжи бана ‘‘адта самаабад̇д̇ияо ниб̣б̣зд̇хабхааг̇ияаа зва ид̇ха нид̣̇д̣̇идтаа, д̇асмаа адта самаабад̇д̇иг̇од̇рабхуу гусалаа хонд̇ий’’д̇и вад̣̇анд̇и. д̇ат̇аа сан̇каарубзгкааяаби взд̣̇ид̇аб̣б̣ам̣.
Aññe pana ‘‘yo nibbāne paṭhamābhogo paṭhamasamannāhāro, ayaṃ vuccati gotrabhū’’ti vadanti. Taṃ phalaṃ sandhāya na yujjati. Pannarasa gotrabhudhammā kusalāti ettha arahato abhibhavitabbanīvaraṇābhāvato vitakkavicārādīnaṃ sukheneva pahātabbabhāvato ca abhibhavanaṭṭhena gotrabhunāmaṃ nārahantīti katvā gotrabhūnaṃ abyākatatā na vuttāti veditabbā. Arahatā pana phalasamāpattiṃ samāpajjantena saṅkhāre anabhibhuyya samāpajjituṃ na sakkāti ‘‘tayo gotrabhudhammā abyākatā’’ti vuttā. Keci pana ‘‘aṭṭha samāpattiyo nibbedhabhāgiyā eva idha niddiṭṭhā, tasmā aṭṭha samāpattigotrabhū kusalā hontī’’ti vadanti. Tathā saṅkhārupekkhāyapi veditabbaṃ.
60. саамисан̃жаад̇иаад̣̇ийсу ваддаамисалогаамисагилзсаамисаанам̣ гилзсаамисзна саамисам̣ саниганд̇игад̇д̇аа. гим̣ д̇ам̣? адтавид̇хам̣ самат̇аг̇од̇рабхун̃аан̣ам̣. ваддаамисанд̇и жзд̇т̇а д̇збхуумагаваддамзва. логаамисанд̇и бан̃жа гаамаг̇ун̣аа. гилзсаамисанд̇и гилзсаа зва. нираамисанд̇и д̣̇асавид̇хам̣ вибассанааг̇од̇рабхун̃аан̣ам̣ аниганд̇игад̇д̇аа. на хи арияаа г̇од̇рабхусмим̣ ниганд̇им̣ гаронд̇и. бод̇т̇агз ‘‘саамисан̃жз’’д̇и ликанд̇и, д̇ам̣ на сунд̣̇арад̇арам̣. звамзва бан̣ихид̇ан̃жа аббан̣ихид̇ам̣ сан̃н̃уд̇д̇ан̃жа висан̃н̃уд̇д̇ам̣ вудтид̇ан̃жа авудтид̇ам̣ взд̣̇ид̇аб̣б̣ам̣. ниганд̇ибан̣ид̇хияаа хи бан̣ихид̇ам̣ бад̇т̇ид̇анд̇и ад̇т̇о. д̇ад̣̇абхаавзна аббан̣ихид̇ам̣ . ниганд̇исан̃н̃ог̇знзва сан̃н̃уд̇д̇ам̣. д̇ад̣̇абхаавзна висан̃н̃уд̇д̇ам̣. вудтид̇анд̇и вибассанааг̇од̇рабхун̃аан̣амзва. д̇ан̃хи ниганд̇ижчзд̣̇агад̇д̇аа вудтид̇ам̣ наама. ид̇арам̣ авудтид̇ам̣. б̣ахид̣̇д̇хаа вудтаанад̇д̇аа ваа вудтид̇ам̣. палаг̇од̇рабхуби хи ниб̣б̣аанаж̇жхаасаяавасзна ниб̣б̣аанаабхимукийбхууд̇ад̇д̇аа б̣ахид̣̇д̇хаасан̇кааранимид̇д̇аа вудтид̇ам̣ наамаад̇и взд̣̇ид̇аб̣б̣ам̣. хздтаабхибхаванавудтаанавивадданаваарзсуби палаг̇од̇рабху аж̇жхаасаяавасзна ниб̣б̣аанаабхимукийбхууд̇ад̇д̇аа абхибхуяяад̇и вудтаад̇и виваддад̇ийд̇и взд̣̇ид̇аб̣б̣ам̣. д̇ин̣н̣ам̣ вимогкаана бажжаяаад̇и д̇ин̣н̣ам̣ логуд̇д̇аравимогкаанам̣ самат̇аг̇од̇рабху багад̇уубаниссаяабажжаяаа хонд̇и, вибассанааг̇од̇рабху ананд̇арасамананд̇аруубаниссаяабажжаяаа хонд̇и. бан̃н̃аа яасса барижжид̇аад̇и буб̣б̣абхааг̇абан̃н̃аа яасса барижид̇аа барижин̣н̣аа. гусало виваддз вудтаанзд̇и асаммохавасзнзва виваддасан̇каад̇з г̇од̇рабхун̃аан̣з гусало чзго, буб̣б̣абхааг̇ан̃аан̣зна ваа гусало. наанаад̣̇идтийсу на гамбад̇ийд̇и самужчзд̣̇зна бахийнаасу наанаббагаараасу д̣̇идтийсу на взд̇хад̇ийд̇и.
60.Sāmisañcātiādīsu vaṭṭāmisalokāmisakilesāmisānaṃ kilesāmisena sāmisaṃ sanikantikattā. Kiṃ taṃ? Aṭṭhavidhaṃ samathagotrabhuñāṇaṃ. Vaṭṭāmisanti cettha tebhūmakavaṭṭameva. Lokāmisanti pañca kāmaguṇā. Kilesāmisanti kilesā eva. Nirāmisanti dasavidhaṃ vipassanāgotrabhuñāṇaṃ anikantikattā. Na hi ariyā gotrabhusmiṃ nikantiṃ karonti. Potthake ‘‘sāmisañce’’ti likhanti, taṃ na sundarataraṃ. Evameva paṇihitañca appaṇihitaṃ saññuttañca visaññuttaṃ vuṭṭhitañca avuṭṭhitaṃ veditabbaṃ. Nikantipaṇidhiyā hi paṇihitaṃ patthitanti attho. Tadabhāvena appaṇihitaṃ. Nikantisaññogeneva saññuttaṃ. Tadabhāvena visaññuttaṃ. Vuṭṭhitanti vipassanāgotrabhuñāṇameva. Tañhi nikanticchedakattā vuṭṭhitaṃ nāma. Itaraṃ avuṭṭhitaṃ. Bahiddhā vuṭṭhānattā vā vuṭṭhitaṃ. Phalagotrabhupi hi nibbānajjhāsayavasena nibbānābhimukhībhūtattā bahiddhāsaṅkhāranimittā vuṭṭhitaṃ nāmāti veditabbaṃ. Heṭṭhābhibhavanavuṭṭhānavivaṭṭanavāresupi phalagotrabhu ajjhāsayavasena nibbānābhimukhībhūtattā abhibhuyyati vuṭṭhāti vivaṭṭatīti veditabbaṃ. Tiṇṇaṃ vimokkhāna paccayāti tiṇṇaṃ lokuttaravimokkhānaṃ samathagotrabhu pakatūpanissayapaccayā honti, vipassanāgotrabhu anantarasamanantarūpanissayapaccayā honti. Paññā yassa pariccitāti pubbabhāgapaññā yassa paricitā pariciṇṇā. Kusalo vivaṭṭe vuṭṭhāneti asammohavaseneva vivaṭṭasaṅkhāte gotrabhuñāṇe kusalo cheko, pubbabhāgañāṇena vā kusalo. Nānādiṭṭhīsu na kampatīti samucchedena pahīnāsu nānappakārāsu diṭṭhīsu na vedhatīti.
г̇од̇рабхун̃аан̣анид̣̇д̣̇зсаван̣н̣анаа нидтид̇аа.
Gotrabhuñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 10. г̇од̇рабхун̃аан̣анид̣̇д̣̇зсо • 10. Gotrabhuñāṇaniddeso
