| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੧੦. ਗੋਤ੍ਰਭੁਞਾਣਨਿਦ੍ਦੇਸੋ
10. Gotrabhuñāṇaniddeso
੫੯. ਕਥਂ ਬਹਿਦ੍ਧਾ વੁਟ੍ਠਾਨવਿવਟ੍ਟਨੇ ਪਞ੍ਞਾ ਗੋਤ੍ਰਭੁਞਾਣਂ? ਉਪ੍ਪਾਦਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਪવਤ੍ਤਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਨਿਮਿਤ੍ਤਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਆਯੂਹਨਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਪਟਿਸਨ੍ਧਿਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਗਤਿਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਨਿਬ੍ਬਤ੍ਤਿਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਉਪਪਤ੍ਤਿਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਜਾਤਿਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਜਰਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਬ੍ਯਾਧਿਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਮਰਣਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਸੋਕਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਪਰਿਦੇવਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਉਪਾਯਾਸਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਬਹਿਦ੍ਧਾ ਸਙ੍ਖਾਰਨਿਮਿਤ੍ਤਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਅਨੁਪ੍ਪਾਦਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਅਪ੍ਪવਤ੍ਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ…ਪੇ॰… ਨਿਰੋਧਂ ਨਿਬ੍ਬਾਨਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ।
59. Kathaṃ bahiddhā vuṭṭhānavivaṭṭane paññā gotrabhuñāṇaṃ? Uppādaṃ abhibhuyyatīti – gotrabhu. Pavattaṃ abhibhuyyatīti – gotrabhu. Nimittaṃ abhibhuyyatīti – gotrabhu. Āyūhanaṃ abhibhuyyatīti – gotrabhu. Paṭisandhiṃ abhibhuyyatīti – gotrabhu. Gatiṃ abhibhuyyatīti – gotrabhu. Nibbattiṃ abhibhuyyatīti – gotrabhu. Upapattiṃ abhibhuyyatīti – gotrabhu. Jātiṃ abhibhuyyatīti – gotrabhu. Jaraṃ abhibhuyyatīti – gotrabhu. Byādhiṃ abhibhuyyatīti – gotrabhu. Maraṇaṃ abhibhuyyatīti – gotrabhu. Sokaṃ abhibhuyyatīti – gotrabhu. Paridevaṃ abhibhuyyatīti – gotrabhu. Upāyāsaṃ abhibhuyyatīti – gotrabhu. Bahiddhā saṅkhāranimittaṃ abhibhuyyatīti – gotrabhu. Anuppādaṃ pakkhandatīti – gotrabhu. Appavattaṃ pakkhandatīti – gotrabhu…pe… nirodhaṃ nibbānaṃ pakkhandatīti – gotrabhu.
ਉਪ੍ਪਾਦਂ ਅਭਿਭੁਯ੍ਯਿਤ੍વਾ ਅਨੁਪ੍ਪਾਦਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਪવਤ੍ਤਂ ਅਭਿਭੁਯ੍ਯਿਤ੍વਾ ਅਪ੍ਪવਤ੍ਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਨਿਮਿਤ੍ਤਂ ਅਭਿਭੁਯ੍ਯਿਤ੍વਾ ਅਨਿਮਿਤ੍ਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ …ਪੇ॰… ਬਹਿਦ੍ਧਾ ਸਙ੍ਖਾਰਨਿਮਿਤ੍ਤਂ ਅਭਿਭੁਯ੍ਯਿਤ੍વਾ ਨਿਰੋਧਂ ਨਿਬ੍ਬਾਨਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ।
Uppādaṃ abhibhuyyitvā anuppādaṃ pakkhandatīti – gotrabhu. Pavattaṃ abhibhuyyitvā appavattaṃ pakkhandatīti – gotrabhu. Nimittaṃ abhibhuyyitvā animittaṃ pakkhandatīti – gotrabhu …pe… bahiddhā saṅkhāranimittaṃ abhibhuyyitvā nirodhaṃ nibbānaṃ pakkhandatīti – gotrabhu.
ਉਪ੍ਪਾਦਾ વੁਟ੍ਠਾਤੀਤਿ – ਗੋਤ੍ਰਭੁ। ਪવਤ੍ਤਾ વੁਟ੍ਠਾਤੀਤਿ – ਗੋਤ੍ਰਭੁ। ਨਿਮਿਤ੍ਤਾ વੁਟ੍ਠਾਤੀਤਿ – ਗੋਤ੍ਰਭੁ। ਆਯੂਹਨਾ વੁਟ੍ਠਾਤੀਤਿ – ਗੋਤ੍ਰਭੁ। ਪਟਿਸਨ੍ਧਿਯਾ વੁਟ੍ਠਾਤੀਤਿ – ਗੋਤ੍ਰਭੁ। ਗਤਿਯਾ વੁਟ੍ਠਾਤੀਤਿ – ਗੋਤ੍ਰਭੁ। ਨਿਬ੍ਬਤ੍ਤਿਯਾ વੁਟ੍ਠਾਤੀਤਿ – ਗੋਤ੍ਰਭੁ। ਉਪਪਤ੍ਤਿਯਾ વੁਟ੍ਠਾਤੀਤਿ – ਗੋਤ੍ਰਭੁ। ਜਾਤਿਯਾ વੁਟ੍ਠਾਤੀਤਿ – ਗੋਤ੍ਰਭੁ। ਜਰਾਯ વੁਟ੍ਠਾਤੀਤਿ – ਗੋਤ੍ਰਭੁ। ਬ੍ਯਾਧਿਮ੍ਹਾ વੁਟ੍ਠਾਤੀਤਿ – ਗੋਤ੍ਰਭੁ। ਮਰਣਾ વੁਟ੍ਠਾਤੀਤਿ – ਗੋਤ੍ਰਭੁ। ਸੋਕਾ વੁਟ੍ਠਾਤੀਤਿ – ਗੋਤ੍ਰਭੁ। ਪਰਿਦੇવਾ વੁਟ੍ਠਾਤੀਤਿ – ਗੋਤ੍ਰਭੁ। ਉਪਾਯਾਸਾ વੁਟ੍ਠਾਤੀਤਿ – ਗੋਤ੍ਰਭੁ। ਬਹਿਦ੍ਧਾ ਸਙ੍ਖਾਰਨਿਮਿਤ੍ਤਾ વੁਟ੍ਠਾਤੀਤਿ – ਗੋਤ੍ਰਭੁ। ਅਨੁਪ੍ਪਾਦਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਅਪ੍ਪવਤ੍ਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ…ਪੇ॰… ਨਿਰੋਧਂ ਨਿਬ੍ਬਾਨਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ।
Uppādā vuṭṭhātīti – gotrabhu. Pavattā vuṭṭhātīti – gotrabhu. Nimittā vuṭṭhātīti – gotrabhu. Āyūhanā vuṭṭhātīti – gotrabhu. Paṭisandhiyā vuṭṭhātīti – gotrabhu. Gatiyā vuṭṭhātīti – gotrabhu. Nibbattiyā vuṭṭhātīti – gotrabhu. Upapattiyā vuṭṭhātīti – gotrabhu. Jātiyā vuṭṭhātīti – gotrabhu. Jarāya vuṭṭhātīti – gotrabhu. Byādhimhā vuṭṭhātīti – gotrabhu. Maraṇā vuṭṭhātīti – gotrabhu. Sokā vuṭṭhātīti – gotrabhu. Paridevā vuṭṭhātīti – gotrabhu. Upāyāsā vuṭṭhātīti – gotrabhu. Bahiddhā saṅkhāranimittā vuṭṭhātīti – gotrabhu. Anuppādaṃ pakkhandatīti – gotrabhu. Appavattaṃ pakkhandatīti – gotrabhu…pe… nirodhaṃ nibbānaṃ pakkhandatīti – gotrabhu.
ਉਪ੍ਪਾਦਾ વੁਟ੍ਠਹਿਤ੍વਾ 1 ਅਨੁਪ੍ਪਾਦਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਪવਤ੍ਤਾ વੁਟ੍ਠਹਿਤ੍વਾ ਅਪ੍ਪવਤ੍ਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਨਿਮਿਤ੍ਤਾ વੁਟ੍ਠਹਿਤ੍વਾ ਅਨਿਮਿਤ੍ਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਆਯੂਹਨਾ વੁਟ੍ਠਹਿਤ੍વਾ ਅਨਾਯੂਹਨਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਪਟਿਸਨ੍ਧਿਯਾ વੁਟ੍ਠਹਿਤ੍વਾ ਅਪ੍ਪਟਿਸਨ੍ਧਿਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਗਤਿਯਾ વੁਟ੍ਠਹਿਤ੍વਾ ਅਗਤਿਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਨਿਬ੍ਬਤ੍ਤਿਯਾ વੁਟ੍ਠਹਿਤ੍વਾ ਅਨਿਬ੍ਬਤ੍ਤਿਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਉਪਪਤ੍ਤਿਯਾ વੁਟ੍ਠਹਿਤ੍વਾ ਅਨੁਪਪਤ੍ਤਿਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਜਾਤਿਯਾ વੁਟ੍ਠਹਿਤ੍વਾ ਅਜਾਤਿਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਜਰਾਯ વੁਟ੍ਠਹਿਤ੍વਾ ਅਜਰਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਬ੍ਯਾਧਿਮ੍ਹਾ વੁਟ੍ਠਹਿਤ੍વਾ ਅਬ੍ਯਾਧਿਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਮਰਣਾ વੁਟ੍ਠਹਿਤ੍વਾ ਅਮਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਸੋਕਾ વੁਟ੍ਠਹਿਤ੍વਾ ਅਸੋਕਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਪਰਿਦੇવਾ વੁਟ੍ਠਹਿਤ੍વਾ ਅਪਰਿਦੇવਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਉਪਾਯਾਸਾ વੁਟ੍ਠਹਿਤ੍વਾ ਅਨੁਪਾਯਾਸਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਬਹਿਦ੍ਧਾ ਸਙ੍ਖਾਰਨਿਮਿਤ੍ਤਾ વੁਟ੍ਠਹਿਤ੍વਾ ਨਿਰੋਧਂ ਨਿਬ੍ਬਾਨਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ।
Uppādā vuṭṭhahitvā 2 anuppādaṃ pakkhandatīti – gotrabhu. Pavattā vuṭṭhahitvā appavattaṃ pakkhandatīti – gotrabhu. Nimittā vuṭṭhahitvā animittaṃ pakkhandatīti – gotrabhu. Āyūhanā vuṭṭhahitvā anāyūhanaṃ pakkhandatīti – gotrabhu. Paṭisandhiyā vuṭṭhahitvā appaṭisandhiṃ pakkhandatīti – gotrabhu. Gatiyā vuṭṭhahitvā agatiṃ pakkhandatīti – gotrabhu. Nibbattiyā vuṭṭhahitvā anibbattiṃ pakkhandatīti – gotrabhu. Upapattiyā vuṭṭhahitvā anupapattiṃ pakkhandatīti – gotrabhu. Jātiyā vuṭṭhahitvā ajātiṃ pakkhandatīti – gotrabhu. Jarāya vuṭṭhahitvā ajaraṃ pakkhandatīti – gotrabhu. Byādhimhā vuṭṭhahitvā abyādhiṃ pakkhandatīti – gotrabhu. Maraṇā vuṭṭhahitvā amataṃ pakkhandatīti – gotrabhu. Sokā vuṭṭhahitvā asokaṃ pakkhandatīti – gotrabhu. Paridevā vuṭṭhahitvā aparidevaṃ pakkhandatīti – gotrabhu. Upāyāsā vuṭṭhahitvā anupāyāsaṃ pakkhandatīti – gotrabhu. Bahiddhā saṅkhāranimittā vuṭṭhahitvā nirodhaṃ nibbānaṃ pakkhandatīti – gotrabhu.
ਉਪ੍ਪਾਦਾ વਿવਟ੍ਟਤੀਤਿ – ਗੋਤ੍ਰਭੁ। ਪવਤ੍ਤਾ વਿવਟ੍ਟਤੀਤਿ – ਗੋਤ੍ਰਭੁ…ਪੇ॰… ਬਹਿਦ੍ਧਾ ਸਙ੍ਖਾਰਨਿਮਿਤ੍ਤਾ વਿવਟ੍ਟਤੀਤਿ – ਗੋਤ੍ਰਭੁ। ਅਨੁਪ੍ਪਾਦਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਅਪ੍ਪવਤ੍ਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ…ਪੇ॰… ਨਿਰੋਧਂ ਨਿਬ੍ਬਾਨਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ।
Uppādā vivaṭṭatīti – gotrabhu. Pavattā vivaṭṭatīti – gotrabhu…pe… bahiddhā saṅkhāranimittā vivaṭṭatīti – gotrabhu. Anuppādaṃ pakkhandatīti – gotrabhu. Appavattaṃ pakkhandatīti – gotrabhu…pe… nirodhaṃ nibbānaṃ pakkhandatīti – gotrabhu.
ਉਪ੍ਪਾਦਾ વਿવਟ੍ਟਿਤ੍વਾ ਅਨੁਪ੍ਪਾਦਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ। ਪવਤ੍ਤਾ વਿવਟ੍ਟਿਤ੍વਾ ਅਪ੍ਪવਤ੍ਤਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ…ਪੇ॰… ਬਹਿਦ੍ਧਾ ਸਙ੍ਖਾਰਨਿਮਿਤ੍ਤਾ વਿવਟ੍ਟਿਤ੍વਾ ਨਿਰੋਧਂ ਨਿਬ੍ਬਾਨਂ ਪਕ੍ਖਨ੍ਦਤੀਤਿ – ਗੋਤ੍ਰਭੁ।
Uppādā vivaṭṭitvā anuppādaṃ pakkhandatīti – gotrabhu. Pavattā vivaṭṭitvā appavattaṃ pakkhandatīti – gotrabhu…pe… bahiddhā saṅkhāranimittā vivaṭṭitvā nirodhaṃ nibbānaṃ pakkhandatīti – gotrabhu.
੬੦. ਕਤਿ ਗੋਤ੍ਰਭੂ ਧਮ੍ਮਾ ਸਮਥવਸੇਨ ਉਪ੍ਪਜ੍ਜਨ੍ਤਿ? ਕਤਿ ਗੋਤ੍ਰਭੂ ਧਮ੍ਮਾ વਿਪਸ੍ਸਨਾવਸੇਨ ਉਪ੍ਪਜ੍ਜਨ੍ਤਿ? ਅਟ੍ਠ ਗੋਤ੍ਰਭੂ ਧਮ੍ਮਾ ਸਮਥવਸੇਨ ਉਪ੍ਪਜ੍ਜਨ੍ਤਿ। ਦਸ ਗੋਤ੍ਰਭੂ ਧਮ੍ਮਾ વਿਪਸ੍ਸਨਾવਸੇਨ ਉਪ੍ਪਜ੍ਜਨ੍ਤਿ।
60. Kati gotrabhū dhammā samathavasena uppajjanti? Kati gotrabhū dhammā vipassanāvasena uppajjanti? Aṭṭha gotrabhū dhammā samathavasena uppajjanti. Dasa gotrabhū dhammā vipassanāvasena uppajjanti.
ਕਤਮੇ ਅਟ੍ਠ ਗੋਤ੍ਰਭੂ ਧਮ੍ਮਾ ਸਮਥવਸੇਨ ਉਪ੍ਪਜ੍ਜਨ੍ਤਿ? ਪਠਮਂ ਝਾਨਂ ਪਟਿਲਾਭਤ੍ਥਾਯ ਨੀવਰਣੇ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਦੁਤਿਯਂ ਝਾਨਂ ਪਟਿਲਾਭਤ੍ਥਾਯ વਿਤਕ੍ਕવਿਚਾਰੇ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਤਤਿਯਂ ਝਾਨਂ ਪਟਿਲਾਭਤ੍ਥਾਯ ਪੀਤਿਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਚਤੁਤ੍ਥਂ ਝਾਨਂ ਪਟਿਲਾਭਤ੍ਥਾਯ ਸੁਖਦੁਕ੍ਖੇ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਆਕਾਸਾਨਞ੍ਚਾਯਤਨਸਮਾਪਤ੍ਤਿਂ ਪਟਿਲਾਭਤ੍ਥਾਯ ਰੂਪਸਞ੍ਞਂ ਪਟਿਘਸਞ੍ਞਂ ਨਾਨਤ੍ਤਸਞ੍ਞਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। વਿਞ੍ਞਾਣਞ੍ਚਾਯਤਨਸਮਾਪਤ੍ਤਿਂ ਪਟਿਲਾਭਤ੍ਥਾਯ ਆਕਾਸਾਨਞ੍ਚਾਯਤਨਸਞ੍ਞਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਂ ਪਟਿਲਾਭਤ੍ਥਾਯ વਿਞ੍ਞਾਣਞ੍ਚਾਯਤਨਸਞ੍ਞਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ । ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਂ ਪਟਿਲਾਭਤ੍ਥਾਯ ਆਕਿਞ੍ਚਞ੍ਞਾਯਤਨਸਞ੍ਞਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਇਮੇ ਅਟ੍ਠ ਗੋਤ੍ਰਭੂ ਧਮ੍ਮਾ ਸਮਥવਸੇਨ ਉਪ੍ਪਜ੍ਜਨ੍ਤਿ।
Katame aṭṭha gotrabhū dhammā samathavasena uppajjanti? Paṭhamaṃ jhānaṃ paṭilābhatthāya nīvaraṇe abhibhuyyatīti – gotrabhu. Dutiyaṃ jhānaṃ paṭilābhatthāya vitakkavicāre abhibhuyyatīti – gotrabhu. Tatiyaṃ jhānaṃ paṭilābhatthāya pītiṃ abhibhuyyatīti – gotrabhu. Catutthaṃ jhānaṃ paṭilābhatthāya sukhadukkhe abhibhuyyatīti – gotrabhu. Ākāsānañcāyatanasamāpattiṃ paṭilābhatthāya rūpasaññaṃ paṭighasaññaṃ nānattasaññaṃ abhibhuyyatīti – gotrabhu. Viññāṇañcāyatanasamāpattiṃ paṭilābhatthāya ākāsānañcāyatanasaññaṃ abhibhuyyatīti – gotrabhu. Ākiñcaññāyatanasamāpattiṃ paṭilābhatthāya viññāṇañcāyatanasaññaṃ abhibhuyyatīti – gotrabhu . Nevasaññānāsaññāyatanasamāpattiṃ paṭilābhatthāya ākiñcaññāyatanasaññaṃ abhibhuyyatīti – gotrabhu. Ime aṭṭha gotrabhū dhammā samathavasena uppajjanti.
ਕਤਮੇ ਦਸ ਗੋਤ੍ਰਭੂ ਧਮ੍ਮਾ વਿਪਸ੍ਸਨਾવਸੇਨ ਉਪ੍ਪਜ੍ਜਨ੍ਤਿ? ਸੋਤਾਪਤ੍ਤਿਮਗ੍ਗਂ ਪਟਿਲਾਭਤ੍ਥਾਯ ਉਪ੍ਪਾਦਂ ਪવਤ੍ਤਂ ਨਿਮਿਤ੍ਤਂ ਆਯੂਹਨਂ ਪਟਿਸਨ੍ਧਿਂ ਗਤਿਂ ਨਿਬ੍ਬਤ੍ਤਿਂ ਉਪਪਤ੍ਤਿਂ ਜਾਤਿਂ ਜਰਂ ਬ੍ਯਾਧਿਂ ਮਰਣਂ ਸੋਕਂ ਪਰਿਦੇવਂ ਉਪਾਯਾਸਂ ਬਹਿਦ੍ਧਾ ਸਙ੍ਖਾਰਨਿਮਿਤ੍ਤਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਸੋਤਾਪਤ੍ਤਿਫਲਸਮਾਪਤ੍ਤਤ੍ਥਾਯ ਉਪ੍ਪਾਦਂ ਪવਤ੍ਤਂ ਨਿਮਿਤ੍ਤਂ ਆਯੂਹਨਂ ਪਟਿਸਨ੍ਧਿਂ…ਪੇ॰… ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਸਕਦਾਗਾਮਿਮਗ੍ਗਂ ਪਟਿਲਾਭਤ੍ਥਾਯ…ਪੇ॰… ਸਕਦਾਗਾਮਿਫਲਸਮਾਪਤ੍ਤਤ੍ਥਾਯ… ਅਨਾਗਾਮਿਮਗ੍ਗਂ ਪਟਿਲਾਭਤ੍ਥਾਯ… ਅਨਾਗਾਮਿਫਲਸਮਾਪਤ੍ਤਤ੍ਥਾਯ… ਅਰਹਤ੍ਤਮਗ੍ਗਂ ਪਟਿਲਾਭਤ੍ਥਾਯ ਉਪ੍ਪਾਦਂ ਪવਤ੍ਤਂ ਨਿਮਿਤ੍ਤਂ ਆਯੂਹਨਂ ਪਟਿਸਨ੍ਧਿਂ ਗਤਿਂ ਨਿਬ੍ਬਤ੍ਤਿਂ ਉਪਪਤ੍ਤਿਂ ਜਾਤਿਂ ਜਰਂ ਬ੍ਯਾਧਿਂ ਮਰਣਂ ਸੋਕਂ ਪਰਿਦੇવਂ ਉਪਾਯਾਸਂ ਬਹਿਦ੍ਧਾ ਸਙ੍ਖਾਰਨਿਮਿਤ੍ਤਂ ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਅਰਹਤ੍ਤਫਲਸਮਾਪਤ੍ਤਤ੍ਥਾਯ… ਸੁਞ੍ਞਤવਿਹਾਰਸਮਾਪਤ੍ਤਤ੍ਥਾਯ… ਅਨਿਮਿਤ੍ਤવਿਹਾਰਸਮਾਪਤ੍ਤਤ੍ਥਾਯ ਉਪ੍ਪਾਦਂ ਪવਤ੍ਤਂ ਨਿਮਿਤ੍ਤਂ ਆਯੂਹਨਂ ਪਟਿਸਨ੍ਧਿਂ…ਪੇ॰… ਅਭਿਭੁਯ੍ਯਤੀਤਿ – ਗੋਤ੍ਰਭੁ। ਇਮੇ ਦਸ ਗੋਤ੍ਰਭੂ ਧਮ੍ਮਾ વਿਪਸ੍ਸਨਾવਸੇਨ ਉਪ੍ਪਜ੍ਜਨ੍ਤਿ।
Katame dasa gotrabhū dhammā vipassanāvasena uppajjanti? Sotāpattimaggaṃ paṭilābhatthāya uppādaṃ pavattaṃ nimittaṃ āyūhanaṃ paṭisandhiṃ gatiṃ nibbattiṃ upapattiṃ jātiṃ jaraṃ byādhiṃ maraṇaṃ sokaṃ paridevaṃ upāyāsaṃ bahiddhā saṅkhāranimittaṃ abhibhuyyatīti – gotrabhu. Sotāpattiphalasamāpattatthāya uppādaṃ pavattaṃ nimittaṃ āyūhanaṃ paṭisandhiṃ…pe… abhibhuyyatīti – gotrabhu. Sakadāgāmimaggaṃ paṭilābhatthāya…pe… sakadāgāmiphalasamāpattatthāya… anāgāmimaggaṃ paṭilābhatthāya… anāgāmiphalasamāpattatthāya… arahattamaggaṃ paṭilābhatthāya uppādaṃ pavattaṃ nimittaṃ āyūhanaṃ paṭisandhiṃ gatiṃ nibbattiṃ upapattiṃ jātiṃ jaraṃ byādhiṃ maraṇaṃ sokaṃ paridevaṃ upāyāsaṃ bahiddhā saṅkhāranimittaṃ abhibhuyyatīti – gotrabhu. Arahattaphalasamāpattatthāya… suññatavihārasamāpattatthāya… animittavihārasamāpattatthāya uppādaṃ pavattaṃ nimittaṃ āyūhanaṃ paṭisandhiṃ…pe… abhibhuyyatīti – gotrabhu. Ime dasa gotrabhū dhammā vipassanāvasena uppajjanti.
ਕਤਿ ਗੋਤ੍ਰਭੂ ਧਮ੍ਮਾ ਕੁਸਲਾ, ਕਤਿ ਅਕੁਸਲਾ, ਕਤਿ ਅਬ੍ਯਾਕਤਾ? ਪਨ੍ਨਰਸ ਗੋਤ੍ਰਭੂ ਧਮ੍ਮਾ ਕੁਸਲਾ, ਤਯੋ ਗੋਤ੍ਰਭੂ ਧਮ੍ਮਾ ਅਬ੍ਯਾਕਤਾ। ਨਤ੍ਥਿ ਗੋਤ੍ਰਭੂ ਧਮ੍ਮਾ ਅਕੁਸਲਾਤਿ।
Kati gotrabhū dhammā kusalā, kati akusalā, kati abyākatā? Pannarasa gotrabhū dhammā kusalā, tayo gotrabhū dhammā abyākatā. Natthi gotrabhū dhammā akusalāti.
ਸਾਮਿਸਞ੍ਚ ਨਿਰਾਮਿਸਂ, ਪਣਿਹਿਤਞ੍ਚ ਅਪ੍ਪਣਿਹਿਤਂ।
Sāmisañca nirāmisaṃ, paṇihitañca appaṇihitaṃ;
ਸਞ੍ਞੁਤ੍ਤਞ੍ਚ વਿਸਞ੍ਞੁਤ੍ਤਂ, વੁਟ੍ਠਿਤਞ੍ਚ ਅવੁਟ੍ਠਿਤਂ॥
Saññuttañca visaññuttaṃ, vuṭṭhitañca avuṭṭhitaṃ.
ਅਟ੍ਠ ਸਮਾਧਿਸ੍ਸ ਪਚ੍ਚਯਾ, ਦਸ ਞਾਣਸ੍ਸ ਗੋਚਰਾ।
Aṭṭha samādhissa paccayā, dasa ñāṇassa gocarā;
ਅਟ੍ਠਾਰਸ ਗੋਤ੍ਰਭੂ ਧਮ੍ਮਾ, ਤਿਣ੍ਣਂ વਿਮੋਕ੍ਖਾਨ ਪਚ੍ਚਯਾ॥
Aṭṭhārasa gotrabhū dhammā, tiṇṇaṃ vimokkhāna paccayā.
ਇਮੇ ਅਟ੍ਠਾਰਸਾਕਾਰਾ, ਪਞ੍ਞਾ ਯਸ੍ਸ ਪਰਿਚ੍ਚਿਤਾ।
Ime aṭṭhārasākārā, paññā yassa pariccitā;
ਕੁਸਲੋ વਿવਟ੍ਟੇ વੁਟ੍ਠਾਨੇ, ਨਾਨਾਦਿਟ੍ਠੀਸੁ ਨ ਕਮ੍ਪਤੀਤਿ॥
Kusalo vivaṭṭe vuṭṭhāne, nānādiṭṭhīsu na kampatīti.
ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਬਹਿਦ੍ਧਾ વੁਟ੍ਠਾਨવਿવਟ੍ਟਨੇ ਪਞ੍ਞਾ ਗੋਤ੍ਰਭੁਞਾਣਂ’’।
Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘bahiddhā vuṭṭhānavivaṭṭane paññā gotrabhuñāṇaṃ’’.
ਗੋਤ੍ਰਭੁਞਾਣਨਿਦ੍ਦੇਸੋ ਦਸਮੋ।
Gotrabhuñāṇaniddeso dasamo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੧੦. ਗੋਤ੍ਰਭੁਞਾਣਨਿਦ੍ਦੇਸવਣ੍ਣਨਾ • 10. Gotrabhuñāṇaniddesavaṇṇanā
